عز الله ان حبي لك أكبر نقيصه - الفصل 301 - مكتملة | روايتك

كانت واقفة...وتتكلم بثقة وبقوة وبانطلاق...كانت تدرس اللي قدامها...وتعلمهم أن الحياة لازم تستمر...وأن المطلقة موو لازم تدفن نفسها...كانت توصل رسالة تمنت من زمــان توصلها....كانت تعطي دورات عن الثقة بالذات....وعن الانطلاق من نطقة الصفر...وعن أشياء كثيرة اهي اتعلمتها وحبت تساعد غيرها... سمعت تصفيق قوي من الحاظرات...ابتسمت لهم وهي تلملم أوراقها اللي قدامها.... "هناء" تأملت باقات الورد اللي وصلتني من بعض النساء اللي أنا علمتهم وش معنى كلمة أنطلاق.... وش معنى الحياة؟؟؟...ووش قيمتها؟؟؟؟ اخذت دورات مكثفة عشان اصير مدربة معتمدة...والحمدالله... ماصعبت علي...لأني حطيت براسي كلمة"نجاح"ومحيت كلمة"فشل" قربت مني وحدة شكلها مليان حزن ومليان يأس.... ابتسمت لها وأنا احط شنطتي على كتفي :هلا اختي...." ترددت وهي تتكلم :يعني....لازم انسى الماضي....ما اقدر اتأمل فيه؟؟؟.." وكملت بحزن يقطر من حروفها :يعني عمره ما راح يتغير....عمره ماراح يكون كويس...!! يعني لازم اصير مطلقة..." قلت لها وأنا اهز راسي برفض :لاااء...مو لازم تصيرين مطلقة....لازم تصيرين قوية..." وكملت وأنا اشوفها تطالعني بعدم اقتناع :تبين ترجعين له؟؟؟...خايفة من كلام الناس؟؟؟..اوكي... ليش حظرتي اجل؟؟؟....أنا خطابي موجه للنساء اللي يرفضون الأهانة... ويرفضون مبدأ ظل رجال ولا ظل جدار.... أنا خطابي....للأنسانة المنطلقة....اللي تبي تكون شيء...وماتبي تعيش حياة بائسة... ممكن تدفعها للغلط...والحرام..." نزلت عيونها الأرض وهزيت راسي بأسف... وتركتها...دائما راح تواجهني مثل هالنماذج...لا يمكن لوحدي اقدر اغير تفكير مجتمع بكامله... يد وحدة ماتصفق....بس أنا بسعى بطريقي....بسعى بالطريق اللي أنا راسمته.... صحيح أن طلال خطبني....وصحيح أن غزلان كانت تبيني أكون امها.... لكن أنا رفضت...لا يمكن اعيد نفس الغلط من جديد.... أنا تعلمت اطير...واللي يبيني لازم يتعلم يطير معي.... اخيــــرا....قدرت تثبت ذاتها وتحقق طموحها....اللي شافته من الحظور اليوم...اثبت لها أنها اخيرا نجحت....كانت الدنيا زحمة...وكان فيه كثير ضيوف...وكان فيه صحافيات يوجهون لها اسئلة كثيرة وكانت تجاوب بدون غرور...بس بفرحة ماقدرت تخفيها...سمعت صوت الجوال يدق....نغمة مميزة... لابو ناصر وبس... مسكت جوالها وهي تجي خلف الكواليس....كان فيه زحمة والعارضات حايسين الدنيا.... "مارية" :آلـــوووو..." سمعت صوته يغازلها...يخجلها....يحبها!! :ألف مبـــروك يا قلبي...." ردت وهي تسوي نفسها موو مبسوطة مرررة :الله يبارك فيك...يا...ابو ناصر..." حست بخيبة امله وضحكت :ياحياتي....يا روحي...يا نصي الثاني....يا أنا..." تركي بهدوء: البسي عباتك...واطلعي لمطعم"*****"....بتلاقيني هناك..." طالعت حولها....الزحمة والاضواء والناس والاصوات المرتفعة.... خذت عباتها وطلعت...يمكن لو بوقت ثاني...ومع شخص ثاني... مافوتت هاللحظة أبدا...لكن اهي تبي تنتصر بهاللحظة ومع الشخص اللي هو تؤام روحها... كانت تسمع هالمصطلح ولا تفهمه....لأنها ماجربت هالاحساس... طلعت للمطعم اللي في أحد ادوار الفندق.... كانت طاولة خارجية تطلع على شوارع دبي الصاخبة... اول عرض عملته....كان في دبي... شهقت وأنا أشوف الورود اللي تملا المكان.... كان المكان رائع...كأنه حديقة بيضا.... ناظرت الطاولة وعليها كيكة رايقة مرررة...وشكلهاا خقووقي... حسيت بيدين على كتوفي...التفت بسرعة.... ماقدرت اتكلم...حسيت أن الكلمات ماراح تكون معبرة بمثل هالموقف... دايم الفرح يكبت أحلى كلماتنا.... لمعت في عيوني دمعات امتنان..واحترام...وحب ..خليتها تنساب براحة على خدها الندي.... نزل من الطيارة...واحرقته شمس بلاده الحارة....له سنين وسنين ما زار السعودية....سجد لله شاكر أول ماوصل....أنهى كل اشغاله هناك...وأخذ حقوقه ورجع... شاف ناس تطالعه بس ما اهتم....هذي ارض بلاده....أجمل بلاد في الدنيا....كمل طريقه وراقب المنتظرين....لمح ولد عمه ينتظره....كبـــر وتغير....يمكن المسؤولية خلته يكبر....خصوصا بعد ما مات عمه...يا الله....انهد الجبل الشامخ ومابقى منه غير اسمه وسمعته وبس...ويمكن لولا هالموت...ما كان فكر يرجع ابد... "ذياب" عمي متوفي له أكثر من ست شهور...ماقدرت اجي... لأن كانت عندي ظروف بشغلي تمنعني من الروحة بأي شكل.... ما حبيت نظرتهم فيني تكون صحيحة...وأني قليل الأصل وعمري ماقمت معهم بأي واجب... لكن هالمرة الظروف عاندتني....وطلعت قليل اصل!! ولأجل هالسبب....ولأني مفروض اكثر دوووم بجنب اللي يقربون لي سواء بأفراح أو اتراح... لملمت اغراضي وشتاتي الضايع في بلاد الغربة....ورجعت.... كلي وله وشوق لبلاد ابو متعب.... بلادي....احق بعلمي من غيرها.... سولف علي صقر سواليف مقتضبه عن أحوال الحلال... وعن تقسيم الورثة اللي رفضوه الكل...ماعدا هيلة لأنها كانت تمر بظروف سيئة هي وزوجها.... ورغم أن مضاوي تقريبا تمر بنفس الظروف....لكنها ماوافقت...وفضلت أن البيت يبقى لأمها ومرت أبوها... اصيلة صدق يا مضـــ....ــاوي.... ماغيرتك السنين ولا غيرك الشقا والانتقام.... رغم أن سعود قدر يخسر زوجك اللي وراه واللي قدامه... لكنك ضليتي متفائلة...وقوية...ووقفت جنب زوجك... ولا تخليتي عنه....ولا تغيرتي أبد....سواء مريتي بحزن.... أو مريتي بفرح.... وصلنا الفيلا....كانوا بره في كم سيارة....ماعرفت السيارات.... وكان فيه اطفال صغار....خمنت أنهم عيال البنات.... بس صقر اشر لي وقال :سعد وسطام فيه..." قلت وأنا اهز راسي :سطام نقل لجدة صحيح؟؟..." صقر وهو يهز راسه بأسف :بعد الخساير اللي طالته هو وأخوه...أبوه وزع باقي امواله على اخوانه وخواته الثانيين....وهو صفى مامعه ولاشيء....ونقل لجدة..." ابتسمت بكآبة....الهوامير؟؟؟...ومين يقدر عليهم!!!! جاته رسالة على جواله وهو جالس في مكتبه....فتح الرسالة...وقراها بسرعة...كانت نورس...مسوين احتفال بسيط بمناسبة نجاح هيفوفة من الروضة..اتصل على زوجته وطلب منها تجهز عشان يمرها أول مايخلص...ويروحون يشترون شيء بسيط لهيفوفة الغالية على الكل....قفل اللاب توب...ووقف خذ شماغه وقام يضبطه قدام المراية...كان الشيب مالي عوارضه الخفيفة....وفيه شيب خفيف في بداية شعره...يبيله يروح يصبغ شعره قبل!!!