الفصل 286
"كل يوم نتعلم من الدنيا دروس"
ثلاثة اشهر مرت....يمكن فيه ناس خلال هالثلاث اشهر...ماتغيروا ولو بمقدار ذرة...لكن ابطالنا....كانوا داخل دوامات لسه ماطلعوا منها...بدوا يتنفسووون شوووية هواء نظيف...بدوا يحسون ان هالحياه قصيرة....لازم يلاحقووون انفسهم فيها....يحاولون يصحصون ويصححون ويلحقون اللي فاتهم....البعض منهم اتخذ شعار"لاتندم على مافات" ورفعوووه قدام عيووونهم...اما البعض الثاااني اتخذ شعااار البكاء على الاطلال وصار من ردي لأردى!!
"جنيف"
وقفت ركض وهي تلهث...طالعت وراها شافت غزلان لسه بعيــــــــدة....وقفت تشرب ماء بااارد....ناظرت للطبيعة من حولها....الجمال يحيط فيهاا من كل جهة....رفعت راسهاا بامتنااان....ما تدري...تحس بمشاااعر تدغدغ قلبها...تحس انها شخص جديــــــــــد....شخص منطلق...نظيف...رائـــــــع....
"هناء"
وصلت اخيرا غزلان لعندي...
قالت وهي تلهث
: I'll die!!"
ضحكت لهاا وانا اجلس جنبهاا
: you won't…."
وعطيتها من الموووية اللي معي...شربت منهاا شوووي...
وضلينا ساكتين....كان شكلهاا متغير حيــــل...
عن اول ما عرفتهاا....
صارت صديقتي الصدوووقة...
بنتي يمكن حتى....
صرت اخليهاا دوووم معي...
تسهر معي....
نطلع سوووووه....
نسولف على التيلفون بالساعات...
حسستني اني لسه صغيرة....
دوووم بناتي ما كانووا يفضفون لي او يتكلمون معي...
اعتـــــرف ان جزء من المسؤولية يرجع علي....
يمكن ناس كثيرررة يعتبروني ام فاشلة....
بس انا ماعدت اعتبر نفسي فاشلة....
انا ناجحة غصب عن اللي ما يرضى....
غزلان وهي تطالعني
: حريم كثير بعد مايتطلقون يكون حالهم غير....
بس انتي ...not like them"
قلت لها وانا اطالعها بجدية
:صحيح الطلاق صعب....سواء على اجنبية او عربية...
وصحيح ان الطلاق من ابغض الحلال في الاسلام وفي معظم الديانات الثانية مكروووه....
لكن مرات يكون الطلاق نقطة انطلاق.....نقطة تصحيح..."
وكملت وانا اخذ نفس عميق
: الانسان لازم يلحق اللي باقي من عمررره...الدنيا قصيرررة واحنا مانعيش فيها الا مررة وحده...
لازم اوازن بحيااااتي واصحح اغلاطي...."
غزلان وهي تقطب حواجبها
: راح تساافري...؟؟؟"
قلت وانا اوقف واسوووي تمارين خفيفة
: اكيـــــد....راااح اساافر لأني لازم اشوف اولادي...
لي فترة طويله ما شفتهم....بعدين العيد....لازم اكون يمهم فيه..."
هزت غزلان راسها وقامت تعمل معي تمااارين خفيفة ورجعنا نركض....
نركض الى مستقبل جديد عندي امل انه بيكون غيـــــــــر.....
"القاهرة"
ضحكت باستمتاع وهي تقرا بطاقة المعايدة اللي عليها صورة خروف يركض...توصلها بطاقات معايدة كثيـــــر من اماكن مختلفه من العالم....من فترة قصيرة بدت تنشر مذكرات لها ولعيلتها....باللغة الانجليزية والعربية على مدونتها....كانت تلاقي قبول كبيــــر....وصار اسمها لامع في النت....حتى ان في مجلات راسلتها عشان تعمل معها لقاء لكنها رفضت....
"نورس"
ارسلت رسايل معايدة لكل اللي يقربون لي...
ورجعت بالجوال ارسلت لأهلي....
ترددت ثواني....وانا اكتب رقم ماما....
وبالأخير ارسلت لها رسالة شوق وعتب!!
قمت من مكاني وغيرت ملابسي...
لي فترة اتعالج مع طبيب نفسي....
صحيح ان الجلسات طويلة لكنها بالنسبة لي ابدا موو مملة...
لأني عند هالطبيب افضفض بكل اللي في قلبي...
تحسنت كثيــــر....بس ماتغيرت كثيررر مرة...
توووني مالي شهرين عنده....
لبست ملابس حلوووة ومرتبة وطلعت من الشقة...
سلمت على جيرانا الكويتين بفررح وانا اعايدهم
لأني شفتهم شايلين شناطهم
: تردووون بالسلااامة.."
الجوووو حلووو في هالفترة بالقااهرة على براااد خفيف....
وصلت لعيادة الدكتوور....
وضليت انتظر بالانتظار فترة قصيرة....
وصلتني رسالة معايدة من ماما....
دمعت عيني وانا اقرا رسالتها....
راح ترجع الرياض؟؟؟....
ياااااااااااااااااااااااه لي شهوووور ما حظنتها ولا شميت ريحتها....
شلوووون قلبي قدر يحقد على ماما...
صدق اني كنت غبيــــــة....
تصدقوووون اني اشكرر ابراهيم الـ...***
تذكرووونه؟؟؟...والله اشكرررره...
لولا الله ثم هووو كان عمري ما صحيت....
عمــــري....
دخل الخدم للمحترف اللي كان متروووس صوور معلقة ولوحات رسمها بأيده....طلب منهم يشيلووون كل شيء....معرضه اللي اجله شهـــور....راح يفتتحه بعد يووومين قبل العيد بأربعة ايام....وقف يناظرهم وطلع سيجااارة ورماهاا بفمه....كان يهتز...الى الآن موو مصدق انه طلق مضاااوي....طلقهاا مجبـــر.... ما طلقها بكيفه!!....خلعته!!! ههههههههههههه والله دنيا!!