عز الله ان حبي لك أكبر نقيصه - الفصل 121 - مكتملة | روايتك

الاربعاء الساعه10:00ص يبي يحسسهاا بألم...يبيهااا تنقهر...تغااار...تنفعل...يبيهااا تحس بنص الاحاااسيس اللي هووو يحسهااا وهو يشوفهاا تشتغل بنشااط...وتبتسم للكل وكأن ماافي شيء يهمهاا بالدنيااا.... مووو عارف شلون يقهرهااا مثل ماا تقهره....مووو عااارف وشلون يرجعهااا له من جديد...وهي متزووجة...وزوجهاا شكله حبيب...ويمووت عليهااا... لكن الأهم...هي...وش تحس فيه؟؟...هذا اللي كاان يدوور براس سعود اللي واقف برى بوتيك مدام لولا....يرااقب حبيبته وهي تلبس المانيكان آخر تصميمااتهاا..وهي تضحك بمرح...وبشقاااوة...وكأن الدنيااا بيدينهاا الثنتين تقلبهااا مثل مااتبي... " سعود " كنت ببتعد عن المكاان بسررعه... قبل ما يضيق صدرري اكثر.... لكن فجأة خطرت لي فكرة مجنونة... خلتني ابتسم برااحه... صحيح... اناا عمري ما اشتريت لمضااوي هدية رقيقة... رغم انهاا زوجتي الصغيرة الحلوة اللي المفروض اكون ذااايب فيهاا؟؟... وش بيكوون انسب من فستااان غااالي ومن تصااميم حبيبتي؟؟؟... دخلت البوتيك بثقة... واناا امحي الابتساامة الشرسة عن وجهي... لاحظت عيون ماارية اللي تأملتني من فوق لتحت بدون اهتماام... وسفهتني وكأني حشرة قداامهاا... واخذت تأمر الفليبينية انهاا تجيب لهاا دبااابيس اكبر حجم... قلت واناا اجلس على الكنب الصغير الحجم اللي يستقبلني اول ما ادخل البوتيك :مشاء الله... تصااميمك صااايرة اروع من اول... وكأن يدك تطورت بسرعه خلاال مدة قصيرة..." ابتسمت ماارية لي بهدوء... وقالت وهي تبعد خصلة تمنيت لو اناا اللي ابعدهاا عن جبينهاا : اكيد.. لااابد الانساان يتطور في كل يوم عمل يمضي فيه..." وابتسمت لي من جديد وهي تآخذ الدباابيس من الموظفه وتطلبهاا كوبين قهوة ساده.... قلت بخبث وانااا اطالع فماارية من فوق لتحت : تغير ذوقي بالقهوة...." وكملت واناا اشوف وجهها يتغير... : احب القهوة حاليا مع السكر والحليب...مثل مضااوي.." مارية وهي تجلس قبااالي : مضاوي...قدرت تغير ذووقك؟؟.." قلت واناا اغمض عيوني بحاالمية : قدرت تخليني شخص ثااني.. يحب اللي تحب ويكره اللي تكره..." حطت ماريه كوب القهوة قداامي... وضاافت له السكر والحليب وحركته لي بخفة... ومدته لايدي... لمست ايدهاا بالغلط... فشاالت يدهاا بسرعه... قلت بتوتر وانا اشرب شوي من القهوة : اممم...ممكن اشوف آخر تصااميمك بسررعه..." وكملت وانا اشوف عيونهاا تبرز : عشاان ما اعطلك اكثر.. ابي الفسااتين تكون مقااس 2 او سمول..." مارية بضيق : لزوجتك؟؟.. اعتقد مقااسهاا 2... لحظة وحده بسس.." وتركتني ورااحت طلعت للدور الثااني... طاالعت بالمكاان من حولي برااحه.. على الأقل بألمهاا... مووو من حقهاا تأملني بشيء في الشقه ذااك اليوم... وجودهاا... نظراتهااا... تدل على اني شيء بحيااتهاا... لكن صدودهاا عني الاياام اللي فااتت... وابتعاادهااا عن امااكني... ووجودهاا مع زوجهاا فالأمااكن اللي كناا نسهر فيهاا... هالشيء ما اقدر اغفره لهاا... اناا عاارف انهاا تحاول تغيضني لا اكثر او اقل... وعاارف انهاا تحبني لسه... لكن رااح العب لعبتهاا واتسلى ماا ورااي شيء.. نزلت ماارية بعد دقااايق... وهي شااايله كومة فسااتين بين يدينهاا ورمتهاا باهمال على الكنبة اللي قبااالي... وقفت بسرعه... وطاالعت بأول خمس... وبدون اي تفكير... : حطوا هذي بعلبهاا وارسلوهاا لشقتي..." كتبت عنواااني... ودفعت بالبطااقة مبلغ الفسااتين واللي كان جدا مرتفع... وقبل لا اطلع... قلت ببرود واناا ابتسم : اتمنى... تجين تزورينااا انتي وزوجك... اممم... وش اسمه؟؟؟.." مارية وهي تهز رجلهاا بعصبية : اسمه... تركي.... تركي الـ..." قلت واناا افتح البااب : رااح تكون فرصة حلوة.. اني اتعرف عليه... وانتي بعد يصير تعرفين على مضااوي... ترااهااا طيبة حيـــــــــــل... بس بعد ماا تعرف الناااس... يعني تصررفهاا معك... ما كاان عن قصد...صدقيني..." مارية وهي ترفع راسهاا وتقفي عني : يصير خير... ان شااء الله اقول لتركي وارد عليك... والفسااتين توصلكم بعد سااعتين او ثلاااث على الأكثر..." هزيت رااسي لهاا باحترام وطلعت من البوتيك... واناا اتنفس برااحه.... احس اني مبسوووط... ماارية تحبني... لسه تحبني بجنووون... وتغااار علي بعد... هالشيء ظااهر وواضح... يعني ماا كذب قلبي علي... ولا خدعني تمثيلهاا الرديء..