مآسي بين صفحات الماضي كتبت لان تكون حياتي - الفصل 74 | روايتك

هناك نهاية لكل بداية وهناك لقاء للفراق وهناك نسيان للالم وهناك جروح لا تلتام ... الكل كان فرحان برجعتها ظلت فرحتهم ناقصه لان كاسر مو موجود بعد ما شافها الكل استاذنت وراحت معا شاهين رجعو البيت دخلو شاف امه وخالته ام خالد امامه ما تكلم وهو ماشي معاها وقفه همس امه الي سمعه : من وين رجعت هالعقربه شاهين لف بصدمه امه للحين وش فيها على ريماس يعني هي ما تبي سعادته ما تبيها كان بيتكلم بس وقفته ريماس : رجعت من جبل الذيب الي رميتيني فيه ام شاهين تفاجات انهم سمعو همسها وام خالد انصدمت من الكلام : بنتي ريماس وش هالكلام ريماس : اسئلي عمتي حبيبت قلبي الي كانت السبب بكل شي ام خالد : ام شاهين وش هالكلام هاه ام شاهين : يعني تصدقين هالعقربه ريماس : لا وبالدليل عندي وكمان وصلي سلامي لاختك ام ملاك الي شاركتك المكيده وقوليلها عمر المحبين محد يقدر يفرقهم ومسكت يد شاهين الي ابتسم وطلع وياها شاف بيسان امامهم : جهزنا غرفه التوام شاهين ناظر كنان الي نايم بحضنه وجنان الي نايمه بحضن امها : شكرًا ◾️◾️◾️◾️◾️◾️◾️◾️◾️ صوتك سلا روحي ولي جبر خاطر ياقلب له عاني. تعنا. تحييه كــنه بحسنه فاق. كل المــــنـــــاضر من منبع ابيات المحبه نسقيه سبحان من. هناك. بحساس. ســـاحر كل المشاعر ذي مثيلك. بتفديه انت الوحيد الي كما. الماس. نــــــادر وانت. الذي لاقال. قوله. نلبيه لبيك ياروحي ولك . تــــــم. حاضر مادام صوتك للذي ضاق ترويه زيد الدلع. والغنج. زيد. الـــتـــفــاخر مثلك لقلبي ليت يعلن. تعديه انا لـــطــــلاتـك. بقلبي. مــــنـــــاضر والعيب ربي من حياتك يعديه غزوانيات ◾️◾️◾️◾️◾️◾️◾️◾️◾️◾️ الصباح قعدو على الفطور ما عدا ابو شاهين شاهين قام وطلع بعد ما جاه اتصال مهم بيسان اخذت جنان بحضنها : يووووه هالكتكوته شحلوها ريماس ضحكة : مثل امها ام شاهين ببرود : بيسان متى بتروحي بيتك بيسان بلعت ريقها : يمه انا ام شاهين : نتي وشهو بيسان : انا ومحمد متخاصمين يمه وما برجعله ام شاهين بعصبيه : وش متخاصمين هاه اقول ارجعي لزوجك ولا ما بيصير خير جهزي نفسك تراه جاي بالطريق انا اتصلت له وقتله يجي ياخذك بيسان انصدمت وش بس شلون امها عمرها ما فكرت فيهم احيانن تحس انها تحب اولاد خالتها اكثر منهم قامت من السفره وهي ما اكلت وطلعت غرفتها وهي تبكي لمتى رح يضلو كذا هي ومحمد مو متفقين ابد ليه امها ما تفهم ليه ريماس ببرود : شكل عمي ما يعرف بالي يصير ام شاهين : وانتي شدخلك بنتي وانا ادرى فيها ريماس : لا حبيبتي هي اخت زوجي يعني اختي لي دخل ونص واليوم بقول لعمي يكفي تحكم بهالبيت ام شاهين زاد غيضها على ريماس نور تفاجات من قوة ريماس فعرفت ان ريماس الي كانت تخضع لامها بكل شي راحت وجت ريماس جديده عند بيسان قعدت وهي تمسح دموعها وهي تتذكر ليش تزوجت محمد قبل خمس سنين كانت نازله شافت شاهين قاعد والهم والالم باين على وجهه تعبان صاير ما ينام من لما قالو ان العصابه هي الي خطفة ريماس وقتلتها بس هو مو راضي يصدق لان احساسه يقله انها عايشه وهي عارفه ان احساسه صح جت ام شاهين : يمه شاهين خلاص ما صارت تر بنلقالك احسن منها بالف مره شاهين بصدمه : يمه ليه ما تحسين فيني انا ما اقدر اتحمل بعدها ما اقدر انا احبها يمه احبها لا اعشقها مو بس احبها انا اعشقها ام شاهين : وانا بجيبلك الي تنسيك شاهين تضايق وسود وجهه من كلام امه بيسان تعبت من الكتم صرخت بغيض : يكفي كذب يكفي شاهين ناظرها : وش بيسان ودموعها نزلت : ليه ما تقولين له ان العصابه مو هي الي اختطفت ريماس وانك انتي الخاطفه انتي الي بعدتيها عنها انتي واختك الثاني علميه قوليله ليه ما تقوليله عاجبك حال ابنك الي صار ما ينام الليل عاجبك عاجبك حزنه لذلك ساكته عاجبك ذا الي يحصل شاهين قام بصدمه : وش قصدك بيسان : هي الحقيقه اسفه لاني ما قلت لك اسفه شاهين ناظر امها بصدمه : يمه اعرف انك تكرهين ريماس بس يمه ليه تحرميني من سعادتي ليه ام شاهين : شاهين انا شاهين بعصبيه : يمه وين ريماس وين ام شاهين : ما ادري ما ادري شاهين : شلون ما تدرين هاه شلون بيسان : لان امك استاجرت الخاطفين وهي ما تعرف منهم ولا وش طينتهم شاهين دار راسه امه ورا كل هالمصيبه بسبب امه فقد حبيبته واولاده وكله بسبب امه طلع وهو معصب وقتها ناظرتها امها ببرود : زواجك من محمد بعد شهرين ويا ويلك لو احد يدري ان لي دخل وقتها لا انتي بنتي ولا اعرفك بيسان انهارت مكانها بس ارتاحت لانها قالت لاخوها الحقيقه الي لازم يعرفها عن امه