مآسي بين صفحات الماضي كتبت لان تكون حياتي - الفصل 59 | روايتك

تذكَّر دائماً، أنه ثمة شخص خلف الكواليس قلبه عليك أكثر من كل العالم، صدقني، ليس كل شيء كما يبدو، دائماً ما خُفَي كان أعظم."♡ في بيت الراجح دخلت وهي تنادي : بيسان يلا بسرعه لا تاخريني بيسان وهي نازله : طيب بس وين كوثر ندى : برى بالسياره بيسان : يلا طلو وراحو المطعم وحجزو طوله ودخلو بيسان بسرعه : ندى ندى عندي لك خبر ندى : الله يستر دامه منك بيسان : امي رح تجي تخطبك لشاهين بكره ندى بصدمه : وش بس انا ما بيه بيسان : ادري لذلك قلتلك كوثر : بس ندى اخاف ابوي يوافق بدون يسألك لانه يموت بشي اسمه شاهين ندى عضت شفتها : لازم ادور حل واخوك ذا ليه ما يرفض بيسان : هو كان رافض فكرة الزواج كلياً وامي مصره وتبي تزوجة انتي ندى : اووووف من خالتي ليه ما تفهم انا دايم اوضح لها اني ما ابيه بيسان : امي اذا حطت شي ببالها ما بتنهيه ندى سكت وهي تفكر تبي هل لورطتها ذي في البيت دخل والتعب باين بوجهه ام شاهين : شاهين حبيبي شاهين : هلا يمه ام شاهين : تعال بكلمك بموضوع شاهين قعد : وش في ام شاهين : يا ولدي تراك شوي وطق الثلاثين وبعدك للحين ما تزوجت انت وحيدنا يشاهين نبيك تتزوج وتريحنا تبي نشوف احفادنا شاهين والي يسلمك لا تردني ذي المره شاهين : بس يمه ام شاهين : لا بس ولا شي خلاص ذي المره بخطبلك يعني بخطبلك شاهين تنهد لما شاف الرجاء بوجهها : على راحتك يمه ام شاهين بفرحه : اليوم اروح اخطبلك ندى بنت عمك شاهين بصدمه : ندى لا يمه الا بنات عمي ما بتزوج منهن ام شاهين : وليه بنات عمك وش فيهم شاهين : مافيهم شي بس مابي اتزوج من بنات اختك ام شاهين بعصبيه : يعني لانهم بنات اختي ما تبيهم شاهين : يمه انا ما قصدت كذا ام شاهين : عيل بخطبلك ندى شاهين وهو يحاول يمسك نفسه لا يعصب : قلتلك يمه بنات عمي لا مستحيل ام شاهين : والله ان نور بسرعه : يمه لا تحلفين استهدي بالله يمه ليه ما تسالين شاهين اذا يبي وحده اذا بقلبه احد يمه ما ينجبر قلب على قلب ام شاهين تنفست بضيق : ومن ذي الي تبيها وفضلتها على بنات عمك شاهين سكت لانه ما عمره يفكر بالزواج أبدًا بس من لما شافها وهي شاغله تفكيره احيانن يحس الي يسويه غلط بتفكيره بها بس هي اصلاً مارح توافق لان اكبر منها بكثير وذا الشي بيخليه يقنع امه انه توه مو وقت يتزوج نور : شاهين شاهين : هاه نور : امي تسالك مين البنت الي تبيها شاهين بهدواء: ريماس كرمان العالي ام شاهين بصدمه : ما لقيت الا بنت ذا شاهين : يمه القصه صار زمان وذي بنته مو هو ام شاهين : تبي تاخذ بنت الي كسر خالته نوريه هاه شاهين ببرود : يمه الغلط مو عليه هوه هي الي سلمته نفسها لو انها صانت نفسها زين ما كان صار الي صار ودام كذا يمه والله ما اتزوج غير ريماس وغيرها ما باخذ وطلع غرفته ام شاهين بصدمه : شفتي اخوك شلون سوى شفتي اخ يا قهر قلبي وش سواله ذي لحتى يحبها اكيد سحرتها لحست عقله نور : خلاص يمه اهدي دخل ابو شاهين وهو مستغرب : وش فيكم ام شاهين : شفت ولدك البنت لحست عقله لعبت على عقله ابو شاهين : اي بنت وش تقصدين نور قالت لابوها كل الي صار ابو شاهين : بنت العالي والنعم فيها انتي مالك دخل بحياته يختار الي يبي لانه اذا اختار الي ما يبي فوقتها حياته عمرها ما بتستقر ام شاهين : الحين انت معه ابو شاهين : انا معا سعادة ولدي واياني واياك تسوي شي يخرب ام شاهين لفت وجهها بضيق ابو شاهين : ودامه يبيها بكلمهم اليوم