الفصل 55
المساء
منزل جديد
بعد عمل شاف وتعب دام لثلاثه ايام بدون نوام وعمل طوال الوقت ومتابعة بدون كلل ام ملل يحس بس يبي ياخذ دش ويرتمي على السرير نزل من السياره ودخل البيت استقبلته امه بالترحيب : يا هلا بنور عيني تو نور البيت
شاهين ابتسم وباس راسها : هلا يمه
ابو شاهين : هلا يا ولدي وش ذا الشغل الي ماعدنا نشوفك بسببه
شاهين : وش نسوي يبه الواجب دايم ينادي علينا
ام شاهين : ارتاح حبيبي بجيبلك اكل اكيد جوعان
شاهين : لا يمه الله يسلمك بس ابي اخذ دش وانام
نزلت ركض بعد ما عرفت انه اجى وحتضنته بقوة : شيشو يالظالم ثلاث ايام ما شفناك يا دلوع البابا وحبيب الماما
شاهين ضحك : غيرانه بيسان وش شيشو اصغر عيالك تناديني كذا
بيسان : ادلعك
شاهين : امحق دلع
بيسان : نور تعالي شوفي اخوك ما يبيني ادلعه
نور نزلت وهي تضحك : لي رجال وش طوله وتقوليله شيشو وش ذا الدلع
شاهين وهو يسلم عليها : هه شفتي كيف الناس تتكلم
بيسان : اوه طيب طيب
شاهين : استاذنكم فيني نوم ليومين قدام
ام شاهين : رح ارتاح يا ولدي الله معك
شاهين قام وطلع غرفته دخل وهو يفكر بالمخطط الي بباله بس يا ترى عيلته بتتركه على راحته او بتدخل وبهمس : وطلعت مانك هين يالليث طلعت خطير كثير
◾️◾️◾️◾️◾️◾️◾️◾️◾️
أتعبت بيدي القلم وجفت أحباري
كتبت أجمل قصيدي لجل عينك
ليتك ولو مره تطمن عن أخباري
ليتك تقول وتقول يافلان وينك
منقول
◾️◾️◾️◾️◾️◾️◾️◾️◾️
مسكها وهو يمشيها بهدواء: شوي شوي طيب
ام سامي : الحمدلله على السلامه
حنين : ربي يسلمك
ريماس : خوفتينا عليك
حنين : يسلمو
جلست وعلي جنبها : تبين شي محتاجة شي قبل لا امشي
حنين بهمس : اقعد هنا اليوم
علي : بس
حنين : هاذ بيت اخوك مو بيت غريب
علي : طيب حبيبتي زي ما تبين
ام سامي تناظرهم مبتسمه : اشوف طاح الحطب
علي ضحك : اي طاح الحمدلله
ام سامي : ربي يسعدكم حنين ترى جهزت لكم الغرفة الي جانب مكتب كاسر
حنين : يسلمو يا خاله
◾️◾️◾️◾️◾️◾️◾️◾️
١٢:٠٠م
قام بفزع من صوت الجوال اخذه ورد بسرعه : هلا سيد خليل
خليل : خمس دقايق اشوفك قدامي
شاهين باهتمام : وش صار
خليل : ضروري تجي بسرعه
شاهين : حاضر قام بسرعه غير ملابسه واخذ مسدسه وجواله وخرج من غرفته نازل بسرعه
لاقى امه واخواته وخالته وبناتها بعدهم سهرانين
ام شاهين : يمه شاهين وين رايح
شاهين : استاذن يمه طالبيني من الشغل وضروري اروح
ام شاهين : يا ولدي اهلكت نفسك بالشغل
شاهين : الواجب يمه يلا بروح
وطلع
ام شاهين : شفتي كيف يا عنود طول وقته بالشغل له ثلاث ايام ما نام وتوه جاء العشاء والحين رايح
ام خالد : ربي يعينه انا قلت لكم انه لو دخل ذا الشغل خلاص ماعد بيلقى وقت للبيت
بيسان بهمس : ندى شوفي امي تناظرك
ندى بضيق : اووف خالتي متى تبعد عينها عني لو اموت ما اخذت ولدها
نور : ليه
ندى : انتو تعرفون اني انا وياه مستحيل نتفق يعني بالله عليك مجنونه اشوفه يغيب ثلاثه ايام واخليه يشتغل بخيره اما انا او شغله مستحيل اتحمل شغله ذا
نور ضحكة : اعرف فيك ما يعجبك الا صاحب الطلعات والتمشيات
كوثر : هشش بنات شفتو كيف تجاهلنا ما حتى سلم على امي
بيسان : لانكم موجودات وانتو تعرفو دام انكم موجودات مستحيل يناظر او يسلم
كوثر : اووه اخوك ذا من وش مصنوع عادي وش فيها اذا سلم
نور : كوثر شاهين مو متعود ابد يشوف بنات غيرنا وذا الشي احلى شي فيه وهنيالها زوجته فيه
كوثر : اي
◾️◾️◾️◾️◾️◾️◾️◾️◾️◾️◾️
قامو بفزع لما سمعو صوته
شغلت المبه : علي وش في وش صار
علي قام : اهدي هدي نفسك
حنين : بس سمعنا صوت تكسير وش فيه
علي : انتي اهدي وانا بشوف
حنين هزت راسها
علي طلع ودق غرفة كاسر ما رد
فتح بهدواء: كاسر
بس انصدم من الانفجار الي صار كاسر واقف متكي بالكرسي ووجهه احمر من العصبيه والاوراق والزجاج متناثر بارض المكتب
علي جرى بسرعه لكاسر : كاسر وش فيك
كاسر بعده : لا شيء
علي : شلون ولا شي وشف كيف سويك
كاسر اخذ مفتاح سيارته ومشى : غلق المكتب لما تطلع
علي لحقة وحاول يمنعه بس كاسر ما سمع له
علي قعد وهو يفكر وش فيه كاسر لحتى عصب كذا
رن جواله مشى للغرفه ناولته حنين : وليد يتصل
علي رد : هلا وليد
وليد بسرعه وعصبيه : وين كاسر
علي : ليه وش صار
وليد : رغد
علي : وش فيها رغد تكلم
وليد : انخطفت
علي بصدمه : انخطفت شلون
وليد : اكلمك بعدين
وغلق وعلي بصدمته
حنين : مين الي خطفها
علي قام يلبس : بروح اشوف وش صار