ياخاطفي وين القى عزتي في زمان المذله - الفصل 384 - بقلم على شاطئ النسيان - مكتملة | روايتك

عند مهآ وشوق ..كآنوآ مع سحر اللي بالغرفه تنتظر دخول معآذ لينا تضحك على شكل سحر المتوتر: سحوره هدي نفسك سحر تهز رجلها بتوتر:انا هآديه بس انتي ماتشوفين شوق طلت بلينا ومسكت نفسها عن الضحك:ايه خليك كذا هاديه لينا تهمس لشوق:تقول هاديه ماتشوف شكلهآ كيف ترتجف هههههههههه شوق:أوووش لاتعصب هي اخلاقها مش ولابد لينا ابتسمت:خلاص بسكت لا تذبحني مهآ لفت على سحر: بسم الله عليك تجننين ..يالله عآد اقري على نفسك شوق: انا قريت عليهآ بس أفضل ترجع تقرأ مره ثانيه لينا تقرب من سحر وتحط يدها على شعرهآ اللي مستشورته على طوله ومسويه من الأمآم حركه نآعمه وطالعه كيوت مره:انا اقرأ على زوجة أخوي مابقى شي ويدخل معاذ شوق حطت المبخره على الطاوله:انا بطلع عند عماتي عاد الباقي على ليونه وبنآدي ريم قبل تلف وتمشي أنفتح الباب بشويش ودخلت ريم ريم بصرآخ: وآآآآآآآآآآآآآآآآآآآآآو سحووووورتي سحر أبتسمت لشوفة ريم :ريومه تعالي ابيك جنبي ريم تغمز لها:عرفتي قيمتي المعنويه الحين لينا: خليهآ تجرب اللي جربنآه وقتها كنت تتكركر علينا شوق :انتبهوآ لهآ حطوهآ بعيونكم ..يالله مهآوي تركتي رنومه مع عمتي اكيد جننتها مهآ بشهقه: ياويلي راح عن بالي ...لبست صندلهآ وطلعت جري قبل شوق شوق قبل تطلع لفت عليهم:لآ أوصيكم انتبهوآ لهآ اذا جآء رجلها سحر ارتجفت من سيرته وبسرعه تعلقت عيونها بريم اللي ابتسمت لا أرآديا على شكل سحر الخآيف قفلت الباب ورآهآ وفتحت شنطتهآ ..شآفت علبه الدوآء والآلم يزدآد عليها أخذت علبة مويه من المضيفآت ..وأرتشفت منهآ خلف قرص الدوآء دخلت القاعه الصغيره ومشت للكوشه تشارك البقيه فرحتهم وفرحتهآ بأختهآ وشقيقة قلبها هنآدي وقفت لمآ شافت شوق قربت منهم :شوآقه تعالي بعرفك على صديقتي شوق بحب :مآشآء الله صديقتك جآيه وينها ؟ هنادي لفت على روان اللي وقفت لما صارت شوق قبالهم:هذي روآن صديقتي شوق مدت يدهآ تصافحها وارتسمت على شفايفها بسمه حب:اهلين روآن ..كيفك؟ روان بمرح:الحمدلله بخير ..أنتي كيفك ؟ شوق: بخير ...هنوده ماقلتي لي ان صديقتك تهبل هنادي تضحك:الله الله يارونآ شوق تمدحك روآن :الحق عليك ياهنوده مآعرفتي توصفي اختك مآشآء الله جميله شوق: فديتك ياعيوني ..ان شاء الله مبسوطه معآنآ روآن ابتسمت وطلت في هنآدي: دآم هنوده موجوده اكيد مبسوطه هنادي:شوقه تعالي اجلس بمكاني انا برقص روان :لالا خليها ترقص معنا شوق تتهرب:لا ماعرف ارقص واستحي ..انتم ارقصوا وانا هنا بجلس هنادي تضحك:خلاص يالله روان نرقص روان تمسك يد هنادي:يالله نرقص ...هديل تعالي معانا هديل تبعد خلود عن طرقها: احم احم يالله طبينا هنادي ابتسمت: وربي انك هبله ...بس يالله ارقصوا جلست على الكرسي تتأملهم والفرح دآخله يترآقص على انغام الموسيقى ..وتضحك على حركات هنادي وهديل ورقصهم مع بعض ...طلعت جوالهآ بتشوف الساعه لقت مسج من فهد ...فتحته بلهفه وحب من ليلة البارح ،،~ وصوتك له صدى في مسمعي . . يالبي نبرتك ،،~ والحنان اللي حواه بنبراته ابتسمت من قلبهآ على رسآلته اللي أبعدت كل التعب عنهآ ودبت الحياه فيهآ ...أخذت نفس تبعد فيه كل ألأمهآ وتستمع بلحظآتهآ مع أهلها بعد ساعتين كانت طويل على قلوب ابطالنا المنتظره .. انتهت السهره بهدوء كمآء بدأت وهي تخفي ورآهآ الكثير من المفاجئات ...رجعوا الكل للبيت رغد بحماس: هاه سحور ايش صار سحر اللي ميته من الخجل: كل خير ..بكره اقولكم فيني تعب وارهاق ابي أنــآم وارتاح بعد هذا الهم سمر تضحك:قال هم قال هنادي كانت بالغرفه تبدل ملابسها ولبست بنطلون برمودآ رمادي وبلوزه دآنتيل وردي كت تعطرت واخذت شنطتها وجوالها وبجامه احتياط لو تنام برى البيت ...خرجت وشافت الكل بالصاله مجتمعين حول سحر ويحققون معهآ ..عدى شهد اللي بالمجلس تكلم يوسف ومخليه مشاري مع رغد الكل بأستغراب:على وين رغد تطالع بجوالها تشوف الساعه:خير خير وين رايحه كاشخه كذا الساعه 2 نص الليل هنادي ابعدت كل التوتر عنها وبثقه:بروح انام عند روان ابوها مسافر وماعندها احد بالبيت كلمت ابوي ووافق دخل ابو مهآ على كلمتها وسكت لما شافها ناويه تخرج سحر:يبه شوف هنادي بتطلع الحين ؟ ابو مها: ايه استئذنت مني وانا موافق ...وين مها سمر : تنوم بنتها بغرفتها ابو مها لف على هنادي: انتبهي لنفسك يابنتي ..الله يحفظك يارب هنادي حست بغصه من كلام ابوها ..نزلت راسها بانكسار ومشت بأتجآه الباب وكلام ابوها يتردد بأذنهآ..لفت طرحتها ونزلت بسرعه عشان لاتتردد بالروحه بعد ماركبت بالسياره تنهدت ..كأن جبل من الهموم والاحزان انزآح عن صدرها ..تذكرت باسل وانها بتكون معه بعد دقايق معدوده هنادي(يارب ارزقني الصبر على هذي المصيبه اللي انا فيها) اتصلت عليه ومن اول رنه وصلها صوته باسل :هلا وغلا هنادي: وينك؟ باسل ببرود: يعني وين؟..بالشقه هنادي: اوك كنت بتأكد خفت اجي وما القاك باسل ابتسم وأمتزجت الفرحه بنبرته:انتي بالطريق ؟ هنادي بدون نفس: اي بالطريق..دقايق واكون عندك ..باي قام بسرعه رتب ملابسه اللي كآن راميهآ بعشوآئيه ..وتعطر وعدل شعره اللي كان بشكل عشوآئي فتح الأضاءه وطلع للصاله ينتظرها ...ثوآني وسمع صوت جرس الباب مشى للباب وفتحه ..دخلت وهي متمآسكه بالكامل ولكن الخوف بدأ يتسلل لقلبها نزلت الطرحه عن وجهها بشويش وبصوت خافت قالت: صباح الخير باسل سكر الباب: صباح النور بدت ترتبك لانها ماهي عارفه كيف تتصرف بهذا الوضع ...نزلت عبايتهآ وعلقتها وقامت تتأمل الشقه كأنهآ اول مره تدخلها هنادي: وين المطبخ ؟ بآسل ضحك:ويش تبغي بالمطبخ ؟ هناد كشرت:الحين بتدلني عليه والا اروح افتش بنفسي باسل قرب منها:لالا بدلك "مسك يدهآ" يالله امشي أستغربت من هدوء وسكينته وتعالمه اللطيف معهآ عكس أول مره كانت تقوي نفسهآ أكثر وأكثر وبالها ايش بيصير بعد دقآئق من الآن ..سرحت بملامحه وشعره المتمايل مع حركاته باسل فتح الضوء:هذآ المطبخ هنادي دخلت وصارت تتأمله :اممممم حلو ماشي حاله باسل تكى على الباب بحيث انهآ ماتقدر تطلع:صرتي بالمطبخ ويش تبغين تسوين ؟ هنادي احتدت ملامحها:بغيت مويه عطشانه "أعطته ظهرها وفتحت الثلآجه اللي انصدمت بفروغهآ من اي شي "لفت على باسل وحطت يدها على خصرها: الحين بيت ويش كبره ثلاجته فاضيه ..حتى علبة مويه مآفي باسل كآن متنح فيهآ وبجمالها الطفولي وحركآتهآ تزديها برآءه باله بعيد عنهآ مايسمع أي كلمه من اللي تتفوه فيهآ ...لآحظت سرحانه وحركت يدهآ لكنه ما صحى من سرحانه هنادي صرخت : بسوووول باسل ارتجف: بسم الله ....نعم