ياخاطفي وين القى عزتي في زمان المذله - الفصل 361 - بقلم على شاطئ النسيان - مكتملة | روايتك

روآن: غريبه ..ممكن رقمك عشآن وقت البريك أكلمك نتقابل ابي أعرفك على شلتي هنآدي:اكيد ..يالله سجلي رقمي بعد مآ أعطتها الرقم وسجلت بعد رقمهآ أستأذنت ورآحت لقاعتها وكلها أستغراب من هذي البنت وتصرفاتها الغريبه معها وكلامها الاغرب هنادي(بالعكس افرحي ياهنادي الحين ماعندك احد تمشي معه عبير الحقيره تركتيها وانتهى كل شي بينكم..لازم تكوني لنفسك صدآقات من جديد والأهم يكونوآ احسن من عبير وتضيعي معهم وقتك وتنسجمعي بصداقاتك الجديده) دخلت القاعه متجآهله كل اللي فيهآ عدت محاضراتها بسرعه وخلصت بدري من دوآمهآ ..نزلت للساحه تمشي ..حست بجوالها يدق هنادي:هلا روآن ..فينك انتي ..زين انا جايه للمطعم دقايق وكآنت عند المطعم الخاص بالجامعه حتى تشتري مشروب بارد يبرد عليها حرارة الجو ..شافت روآن تأشر لها ..ومشت لطاولتهم هنادي بحياء:السلام عليكم الكل:وعليكم السلام روآن وقفت جنب هنادي ومسكت يدها:صبايا هذي هنادي اللي قولت لكم عنها ..:مشاء الله مُزه ياروآن هنادي استحت وحست بالاحراج: كيفكم الكل:بخير روان:هنادي بعرفك عليهم هذي أيه وريناد وعلياء وبدور وهيام هنادي صافحتهم كلهم:فرصه سعيده اللي اتعرفت عليكم أيه:واحنا اسعد ياقمر "سحبت كرسي قريب منها" تفضلي ياقلبي ارتاحي هنادي ابتسمت لها: شكرا جلست روان على كرسيها:كيف محاضراتك ياهنوده هنادي:الحمدلله ماشي حالها أيه:انا زيك في سنه أولى هنادي:اي كلاس ايه:كلاس مس هبه هنادي:يوووه انا عند مس أمينه روان:شكلو أيه بتسرق هنوده مني هنادي طلت في روان مستغربه من كلمتها:شلون تسرقك مني؟ سمعت صوت ورآهآ: هنــآآدي حياتي ليش ماتردي على جوالك هنادي لفت وشافت سحر:هلا سحر ..ما انتبهت له سوري سحرطلت في البنات اللي أول مره تشوف هنادي جالسه معهم:طيب بتخرجي اليوم بدري والا لا لان جدولك اليوم قصير هنادي:شوي وبكلم السواق انتي بتخرجي معي سحر:لا اليوم أتأخر احتمال ارجع 3 الظهر خبري شوق لاتقلق عندي تشريح في المختبر هنادي :اوك حبيبي الله يوفقك سحر باستها على خدها: انتبهي لنفسك حياتي هنادي ودعت وجلست على الكرسي ريناد:ماشاء الله باين علاقتكم قويه مره صديقتك هذي؟ هنادي:لا أختي روآن شهقت وطلت في سحر اللي طلعت مع الباب:هذيك اختك مره مافي شبه بينكم هنادي اتبسمت: مو اختي اختي ..هي اصلا بنت عمي بس عايشين في بيت واحد من يوم توفت امهآ وامي ايه حزنت على هنادي ولمست يدها:سوري قلبو ماقصدي نذكرك بشيء حزين هنادي ابتسمت:لاعادي روان:يابختها اذا انتم عايشين في بيت واحد وتشوف كل يوم هنادي ضحكت:غريب كلامك ياروان انتي شكلك ماعندك اخوات روان:ايوه انا وحيدة بابا واعمامي كلهم في جده واحنا لوحدنا في المدينه انا وبابا هنادي:طيب فين امك ؟ روان:ماما اجنبيه رجعت لفرنسا بعد ماطلقها بابا هنادي: سوري روان:عادي قلبي كلهم يعرفوآ دآ الشي هنادي وقفت:طيب انا استأذن جلستكم حلوه وماتنمل بس مضطره ارجع البيت روان تعلقت عيونها في هنادي:بدري هنادي خليك معانا شوي هنادي:اعذريني ياقلبي بجد ميته تعب بأتصل على السواق بدور:سلامتك قلبي ماتشوفي شر هنادي ابتسمت:الله يسلمك ..يالله في أمآن الله روان:حتصل المغرب اتطمن عليك هنادي ضحكت:اوكِ باي الكل :باي بعد ما ابتعدت عنهم راحت تنتظر جلالي اللي كلمته وكان قريب منها وعلى طول اتجه للجامعه يأخذها روان طلت في شلتها وابتسمت ابتسامه غريبه:ايش رايكم فيها علياء:الله وكيلك ياشيخه ماتطيحي الا وآقفه البنت عذآآآب ريناد:شوفتوا عيونها تهبل ماعمري شفت عيون حاده زيها أيه: وألا بياضها تجنن بسم الله عليها روآن رجعت على ورى: يجنن الأسود عليها قال ايش لونهآ المفضل ماتدري انو يخليها زي القشطه بدور ضحكت:روآآآن وربي طحتي ومحد سمى عليك روان :حبيتها والله حبيتها من شوفتها دخلت قلبي حاسه انها بتكون اعز صديقه ليا علياء: يمكن ليش لا صحت على صوت جوالهآ سحبته بتكآسل لها وردت بصوت كله نوم:ألووو فهد: صباح الخير ياوجه الخير شوق ابتسمت لآ أرآديا من سمعت صوته:صباح النور فهد:لسى نآيمه؟ شوق تفتح عيونها بكسل:ايوه فهد: متى ناويه تصحي شوق بتعب:احس بتعب وخمول في جسمي أبي أكمل نومي حتى العصر فهد ضحك:ياجعل كل التعب في عدوينك يارررب شوق: فديتك أنت ...متى بتجي المدينه فهد يفكر:أحتمال اليوم في الليل او بكره اذا طرآ لي شغل مفاجئ شوق تذكرت: فهودي ايش صار على أهلك فهد:ولآشي زي ماهم كل شي خسروه أحتمال حتى بيتهم يبيعونه شوق فتحت عيونه من الصدمه:ايش يبيعون بيتهم فهد الله يخليك لآ تسمح لهم يبيعون البيت فهد: هم أحرآر بمالهم وممتلكآتهم أنا يعتبروني عدوهم الوحيد شوق تحاول تقنعه:حبيبي اذا أذيت أهلك كيف تبي ربي يوفقك في حياتك وشغلك فهد:شوق انا مآسويت لهم شي وأفلآسهم مالي يد فيه ليش الكل متهمني شوق:عارفه ياعمري أنآ أكثر وحده فاهمتك في الدينآ بس ابيك تساعد أهلك أتقرب من أبوك خله يحبك مهمآ صار هو أب تعرف أيش معنى أب انت لو صرت أب بتفهم معنى كلآمي مافي أب بالكون كله يكره ولده اللي من صُلبه فهد توتر من كلامها:يصير خير انا كنت متصل أتطمن عليك وأشوف محتاجه شي شوق: محتاجه شوفتك ووجودك جنبي فهد: هآنت كلها يوم بالكثير وأكون جنبك ..اهتمي بنفسك وحافظي على موآعيد الأدويه شوق:أن شاء الله فهد تنهد:على فكره ترى كلمت محل أزيآء وطلبت لك ولأختك فسآتين شوق :ليش كفلت على نفسك وربي ماله دآعي فهد: يوم الثلاثآء يكون عندكم في المدينه لأن في طلبيه جايه للمدينه من نفس المحل شوق بحب: ماتقصر حبيبي الله يخليك لي فهد ارتاح من نبرتها: امين ..يالله بقفل الحين أذا بغيتي شي أجيبه لك كلميني او أرسلي مسج أذا مارديت ممكن اكون في أجتماع شوق ابتسمت في دآخله على تغيره الجذري معهآ:من عيوني مع السلامه فهد: مع السلامه قفلت الخط منه وقآمت تغسل وجههآ وتفطر عشآن موعد الدوآء وتبدأ تسوي الغدآء لأخوآتهآ