ياخاطفي وين القى عزتي في زمان المذله - الفصل 350 - بقلم على شاطئ النسيان - مكتملة | روايتك

أما شوق صحت سحر وقالت لهآ أن أهل معآذ بيجون وقامت مرتبكه أخذت شور سريع وأستشورت شعرهآ عشآن تلبس قبل وصولهم ..فتحت جوالهآ لقت ثلاث مكالمآت من لينآ .. دقت عليهآ سحر: سلآم لينآ بزعل: وعليكم السلام أهلين بالقاطعه سحر: يؤؤ زعلانه مني؟ لينآ:أيووه زعلانه مررره بعد سحر:لمآ أشوفك ببوسك وأعتذر منك لينآ تكشر:ماينفع كذآ سحر: طيب مع الجوال ينفع لينآ بحده: طبعا لا سحر ضحكت: بس بس يالزعلان ..قوليلي أيش اخبارك لينا :اخباري إنا اليوم بنجيكم سحر حمرت خدودهآ رفعت عيونهآ تطل في شكلهآ وخدودهآ المشتعله:حياكم الله لينا:بعدين ليش ما تردين على الجوال سحر:وربي كان سايلنت وانا نايمه لينا : سمآح المره هذي بس سحر:اموآآآآآآه فديتك أنآ لينا:هاه ويش بتلبسين ؟ سحر : ايش دخلك اذا جيتي بتشوفيني لينا :مالت عليك كلمت ريم وقالت ايش بتسوي وايش بتلبس وهي صديقتي مو زوجة اخوي مستقبلاً سحر انحرجت من كلام لينا :ليوووون وجع لينا ضحكت بصوت عالي ماقدرت تمسك نفسهآ سحر: هـيـــه فجرتي اذني ترى ماني مستغنيه عنهآ سحر: لالا صايره تستحين من سيرة الزوآج يالحبيبه المهم ترى انا حبيت اقولك ان خالاتي الثنتين جايات معنآ وجدتي كمآن واكيد انا وماما سحر ارتبكت:الله يحيكم اذا مآشالكم تشيلكم عيوننآ لينا فاطسه ضحك:يبلي اسجل كلام اشك انك في وعيك سحر عصبت:ليون طسي يالله بكمل كشختي لينا :ثقلي العيار ترى بيفصفصونك فصفصه سحر ضحكت:لاتوصين ماخذه احتياطاتي لينا بتقهر سحر: حبذآ لو تلبسي شي قصير او عاري اتوقع تطلعي احلى سحر ضحكت:لالالا فكيني ياختي يمكن مايعجب اهلك لينا:اهلي وأعرفهم خذيهآ مني ياقصير ياعاري يالله باي قفلت منهآ سحر ورآحت لشوق تنآديها حتى تنقي لهم لبس لكن مآحصلتهآ .رجعت الغرفه وسمعت صوت شوق وشهد ورآهآ سحر تتخصر:وينك فيه مدآم شوق شوق تضحك:رحت اعطي جلالي ورقه يجيب ضيافه لآهل زوجك والا ماتبين نضيفهم ياحلوه سحر زآدت حُمرة وجنآتهآ:أكيد ابي المهم تعالوآ ساعدوني أيش البس شهد تمشي وتفتح الدولاب وتفكر بآللي ينآسب سحر أخذت بنطلون جينز لويست وفيه تطريز على الفخذ بالآبيض وفيه فتحآت مبطنه بدآنتيل تركوآز سحبت لهآ بدي توب تركوآز بنفس التطريز اللي على الفخذ شهد بآبتسآمه عريضه:هذآ كشخه ومرتب يطلع عليك جنآآن شوق اخذته ومدته على سحر:يالله روحي غرفتي البسي حرآم نكدنآ على سمر وهنآدي طلعوآ وسكروآ الباب ورآهم ...أمآ سحر رآحت تلبس وتشوف اذا نآسبهآ أو لآ شهد تدق الباب:هآه نفتح سحر بحده:لآ لسى مالبست البدي شهد بتأفف: ياربي لو رغد دخلت وماتقول شي عادي مو هذي من زين اللي بنشوفه شوق ضحكت على كلام شهد: عيب ترى هذي عوره حرآم تنكشف الآ عند "سكتت" شهد رفعت عآجبهآ وكآتمه ضحكتهآ:ألا عند مين تكلمي يابعدي شوق تقرصهآ بشويش:والله أنتي تدمرتي يالطيف منك مآعآد أستحيتي شهد ببرود:ياختي ترآهم كبآر مآعندي أي مشكله معهم شوق :بس بس وربي بموت ضحك وأنتي السبب شهد فتحت الباب بقوه وارعبت سحر اللي كآنت حآول تسكر البدي ..قربت منهآ وبحده: مخليتنآ ساعه عشآن تقفلي هذآ اللي نآشب بين شحومك شوق جلست على السرير وأنفجرت ضحك:حرآم عليك ياشهد يجنن جسم سحر شهد :ارفعي يدك عشآن اسكره لك يالبطه ماتوقعتك تنتفخين ومآيخش عليك سحر بتحطم: ايه زدت خمسه كيلو بس مو باين على جسمي كيف مآيخش اووف مو وقته شهد تضحك: من المذاكره والزرط اللي تزرطينه سكري فمك وسوي رجيم ترى كذآ اهل العريس بيصرفون نظر سحر رفعت حآجبهآ بغرور:هم يحصلون مثلي وين شوق تضحك: أتركوآ الكلام الفاضي وخليني أشوف كيف صار عليك شهد بعد معآنآه سكرت السحآب: كذآ صرآحه يجنن صح شوآقه شوق تتفحصه من ورى وقدآم: جد سحر طالع عليك حلو سحر: احس كآتم على أنفاسي شهد تجلس جنب شوق:عاد تحملي كلهآ ساعه بالكثير وقفت قبال المرآيآ تتأمل شكلهآ وترفع شعرهآ وتسوي فيه حركآت عشآن تقرر أيش تسوي فيه بعد معآنآه قررت تخليه ستريت بدون أي شي .. حطت ميك أب هآدي وتعطرت ورآحت لشوق وشهد بالغرفه وأخذت لفه حولهم سحر: هآه أيش رآيكم شوق : بسم الله عليك تهبلين يالله قولي الأذكآر اخاف يصيبك شي العين حق شهد بحرص:ايوه سحر لازم تقري الأذكآر وقبل تدخلي عيديهآ بعد سحر: يعني حلوو شوق قبل ترد عليهآ سمعوآ صوت الجرس ..ورآحت سحر فتحت وكآنت ريم وآصله بعد مآسلمت على سحر:ماشاء الله ويش ذآ الزين يالدبه سحر شوي وتبكي:لاتكفين ترى تعقدت اليوم وتحطمت ريم عقدت حوآجبهآ: افا من أيش؟ سحر كشرت: تخيلي البدي يالقوه دخل علي ريم انفجرت ضحك ودخلت عند شهد وشوق وسلمت عليهم:أحد قالك كلي وأنثبري لآ تتحركين انتبهي لاتنتفخين اكثر سحر:ايش فيكم اليوم علي شوق ابتسمت: غيرآنين منك شآيفنك قمر وسآرقه الأنظآر عنهم شهد انسدحت عشان تريح ظهرهآ شوي:عشتوووآ لآتكون كليوباترا على غفله سحر تمد لسآنهآ: تخسي والله اني أجمل منهآ بعد شوق وريم ضحكوآ على سحر اللي نرفزت شهد ورآحت للمطبخ تجهزت صحن الحلى والقهوه قبل وصول الضيوف بهذآ التوقيت في الرياض أخذت شنآطهآ ونزلت للسوآق قدمت موعد طيارتهآ عن أخر الليل ..وأتجهت للمطار وكل شي صار معهآ الظهر يتكرر في بالهآ ألآلآف من المرآت ...كلمآت لآزالت حبيسة ذآكرتهآ المُنشطره { خلآص ياصفاء ماقدرتي تنسي بعد السنين هذي كلهآ} { أنا تزوجت ومرتاح مع زوجتي وأحبهآ وحبك كآن مستحيل بالنسبه لي } { تركت الشغل عندكم وجيت هنآ وتزوجت وحده من مستوآي رضت بفقري وجبت منهآ ثلاث أولآد وبنت } { توقعتك نسيتيني خآصةً أني خآدمك الفقير } كآنت جالسه على مقعده في الدرجه الآولى نزلت دمعتهآ الحآره وحرقت خدهآ... بقت وحيده في دنيتهآ..ضيعت أحلى أيامهآ فلوسهآ وفلوس أبوهآ مانفعتهآ بأي شي ..تنهدت وغمضت عيونها بألم وقلبهآ في دآخلهآ يحترق بصمت وهدوء ...تمنت أن تكون الفتاه الفقيره المكآفحه وليست الفتاه المدللـه ذآت الحيآه المترفه...مرت عليهآ ساعتين في الطياره بدون مآتحس بالوقت تفكيرهآ بعيد لكن حيآتهآ وقلبهآ أبعد ...مسآحآت ثلآثية الأبعآد تسكن جوفهآ ..ومحيط فرآغي يكآد يخنقهآ وأدخنه رمآديه حزينه منبعثه من أحترآق مشآعرهآ المتأرقه {صفاء} كل هذآ السنين وهم وقفت عند محطته وهو تنآسآني ...أستسلم ومآقدر يجآزف ويختآرني لآني بنت العز وهو الفقير ...آآآه ياررب حياتي فآرغه من كل شي حتى المشآعر اللي كآنت تونسني زآدت همي وتعبي ... ضيعت نفسي وقلبي بشي من المستحيل يصير حتى لو كنت رآضيه بابا بيوقف في وجهي ..أحتآجك ياخالتي أحتآآج لحضنك وضمتك لي ..متى تكوني قريبه مني متى؟! وصلت لأرآضي جده بسلآم ورجعت لقصر ابوهآ المُوحش والبارد ...حتى معالم الحياه مهجوره بدآخله وخارجه :: :: وصل للمزرعه استغرب اختفائهآ فهد : ميري وين صفاء ميري تمد له كأس العصير:في سافر بدري بابا يقول سلمي على بابا فهد فهد استغرب سفرتها : الله يسلمها ..انا بطلع انام شوي اذا اذن العشاء وماصحيت صحيني زين ميري: اوكِ سير فهد بتهديد: مو تنسي ..طلع وتركها تكمل شغلها دخل جناحه وسكر الباب لبس بجامته ورمى نفسه بتعب على السرير يحس كل عظمه في جسمه تألمه ..لف راسه لمكان شوق الفاضي ضم المخده لحضنه وريحة عطرها تفوح منهآ فهد : الله لايحرمني منك ياشوق ويشفيك غمض عيونه لمح طيفها بعيونه ونام بهدوء وسكون في بيت أبو مهآ وصلوآ أهل معاذ واستقبلهم شوق وريم شوق تضيفهم: ياحي الله من جآنآ ام معاذ: الله يحيك كيفكم ان شاء الله بخير شوق بابتسامه:الحمدلله بخير ريم جلست جنب لينا : شخبارك ليون ؟ لينا بحياء: الحمدلله ام معاذ:الحمدلله على سلامتك ياشهد يتربى بعزكم يارب شهد: الله يبارك فيك شوق : ماشاء الله ليونه صايره قمر لينا نزلت راسها بحياء دقتها ريم وهمست لها: تراها سلفتك لاتستحين ام معاذ:كيف حال ام رياض شخبارها؟ شوق: بخير الحمدلله خالة لينا: تزورينهم بالرياض شوق: والله مو كثير فهد مايفضى الا بعد العشاء وما أقدر ازورهم بعد العشاء ام معاذ:الله يعينك دوامه مُتعب شوق ابتسم: الحمدلله على كل حال اهم شي راحته خاله لينا:يعني مانخاف على لينا اذا راحت هناك عندها اللي تونسها شوق طلت في لينا وضحكت: خليها تروح هناك وانا استلمها هههههههههههه لينا انحرجت وحمرت خدودها وهمست لريم:متى ناوين يقفلون السالفه ريم انفجرت ضحك وكلهم يطالعون فيها اما لينا طلت فيها مصدومه وحاولت تتهرب من نظراتهم ام معاذ:ايش قلتي لها يالينا لينا بأرتباك:ولاشي بس هي تبي تضحك ريم بجراءه:تقول متى يقفلون السالفه حرام استحت الكل :ههههههههههههههه شهد: طلعت زي صاحبتها الله يستر منهم شوق وقفت : عن اذنكم ...وراحت للمطبخ لقت سحر وسمر وهنادي جالسه تشرب مويه اما سمر تعلق على سحر وتوترها شوق قربت من سحر: هاه قلبي جاهزه سحر ترتجف:والله ميته خوف ياشوق خليك جنبي لاتبعدي عني سمر ميته ضحك:خير لايكون في سفاحين بالمجلس تراهم أوادم مايأكلون سحر عصبت: انتي انطمي ويش خصك فيني ياربي منك ملقوفه شوق مسكت يد سحر وقربت منها: يالله عشان تروحين معي سحر بشك: شكلي حلو هنادي بتأفف:سحر ويش فيك وربي حلوه خلاص روحي وخلصينا وي شوق ضحكت على هنادي اللي باين من ملامحها العصبيه: يالطيف عليكم يالله سحوره