ياخاطفي وين القى عزتي في زمان المذله - الفصل 296 - بقلم على شاطئ النسيان - مكتملة | روايتك

ببيت يوسف تأخر مارجع للبيت لأنه راح يشتري كل الاغراض اللي ناقصه في البيت .. جاب له ولشهد عشاء اول مادخل شافها منسدحه على الكنبه وتقلب في القنوات يوسف : سلام شهد جلست بثقل: وعليكم السلام يوسف يمدلها كيس العشاء : حطي العشاء على بال انزل بقية الاغراض "اعطاها الكيس وطلع برى البيت وهي دخلت المطبخ تحضر العشاء وترتب السفره " بعد ربع ساعه كانوا يأكلون مع بعض يوسف : من زمان مآ اكلت بهناء زي كذا شهد بدون نفس وتحس أنهآ شايله عليه: عوافي على قلبك يوسف : الله يعافيك " وقف " الحمدلله كنت اتمنى اساعدك بشيل السفره بس النوم كبس علي تصبحين على خير طنشته وكملت اكل بعدها شالت السفره وغسلت الأواني وحست ان النعاس بداء يسيطر عليها قبل تدخل الغرفه شافته نايم كعادته بعشوائيه اللحاف بجهه وهو بجهه دخلت بهدوء عدلت اللحاف عليه لانه نايم عاري الصدر وممكن أزمة الربو تجيه بأي لحظة وبعدهآ نامت جنبه بهدوء وبدون مايحس فيها غمضت عيونهآ حست أنه تحرك ولف عليهآ يوسف : ليش لحفتيني " كان قاصد يحرجهآ " شهد : التكييف بارد بعدين نآسي ان صدرك تعبان يوسف : بس أنآ كنت مرتاح شهد كانت تتمالك نفسها عشان ماتعصب أصرت على اسنانها بقوه وقالت: أسفه رجعت غمضت عيونهآ وتحس بحركآت خفيفه ببطنها تجاهلتهآ ونآمت :: :: ظهر اليوم التالي كآن ابو مهآ مستنفر في البيت صحى كل البنات عشان يطلعوون معه للمزرعه ويحضرون للعزيمه ويكتبون النوآقص هنادي تفرك عينها : كأنه بدري يبه ابو مهآ : وين بدري أذن الظهر وبعدنا ماتحركنا يالله روحي غسلي والبسي بنطلع رغد : أنا اغراضي مجهزتهآ من زمآن مهآ تطلع من المطبخ بسله كبيره : يبه خل جلالي يجي يشيلها سمر بكسل : حر اليوم رغد تضربها على راسها : صحصحي زين يا أدميه سحر كآنت متمدده على الكنبه : اذا خلصتوآ قوموني مهآ صرخت صرخه خلت الكل يفز منها: أنتي وهي قوموآ ساعدونآ هنآدي هربت للحمام وأنتم بكرامه وسحر وسمر نزلوآ السله في الدور الآول عند الباب عشان جلالي يأخذهآ ابو مهآ دخل غرفة شوق وشآفهآ صاحيه : يابنتي بتروحين معنآ شوق لفت عليه وابتسمت له بحب : لا ياعمي بيجي فهد يأخذني ونجي العصر ابو مهآ قرب منهآ وطبع بوسه على جبينها : الله يوفقك يابنتي ويرضى عليك دنيا وأخره شوق : امين يارب ..لاتحرمني من دعوآتك ياعمي ابو مهآ : الله يشهد اني ادعي لك بكل وقت شوق : الله لايحرمنا من طيبتك ابو مهآ: أمين .. اخليك تكملين شغلك وبشوف البنات ويش يسوون شوق : عمي اتصلت على عمآتي قلت لهم ابو مهآ : ايه واتصلت على يوسف شوق عقدت حواجبها توهآ تفقد شهد : وين شهد مآ اشوفها ؟ ابو مهآ : والله هالبنت مدري علامهآ رجعت لزوجها بدون مآتقولنا شوق أستغربت مره : والله غريبه مالمحت لي ..على العموم الله يوفقها ويسعدها طلع ابومهآ وراح يشوف البنات وباقي التجهيزآت وشوق لبست عبايتهآ وأخذت اللي تحتاجه معهآ ونزلت لفهد اللي يستنآهـآ ::: ::: ::: طلبتك ضمني ولمني يوم انا جيتك ضمني واحضن فـوادي بالكفـوف الدافيـه واسقني الشهد المصفى من مناحـل ريقـك ولارويت اضحك وقلي جعل فيـه العافيـهعوض الخافق عن غيابك وطولة صبـري وخلني باذوب في بحـر العيـون الصافيـه واعلم ان قلبي حلالك ما يـروووح لغيـرك ونفسي لعشقك ولو طـال انتظـاري وافيـهضمني واحضن فوادي واسقني من ريقك ولا رويت اضحك وقلي جعل فيـه العافيـه صحت على صوته : ريمــآ ...ريومتي فتحت عيونهآ بتكاسل وتعب وهممت .. لمحت زوله وآقف جنبهآ ريم : سيف سيف جلس على طرف السرير : يآقلبه وعيونه وكل مافيه قامت وجلست بسرعه حمرت خدودهآ : صباح الخير سيف يضحك : يوووهـ طالعي شوفي كم الساعه ريم لفت على كمودينتهآ وشهقت : 2 وأنآ لسى نآيمه ...ليش مآصحيتني بدري سيف ابتسم : قلت أمس طولنآ بالسهره اخليك نآيمه ريم أرتبكت وضيعت الهرجه : بس ابوي وخوآتي أكيد محتآجيني سيف وقف وهو يضحك : طيب يالله اصحي عشان نلحق نروح بدري ونسآعدهم ريم بعدت الشرشف عنهآ : من عيوني سآعه وأكون جآهزه سيف : ماتبين تأكلين شي ؟ ريم : مو الحين بعدين " رآحت جري للحمآم وانتم بكرآمه كآن يرآقب كل تحركآتهآ وبدآخله ( والله أحبهآ ولا اقدر أستغنى عنهآ ... حسبي الله على اللي فرق بيننآ وحرمنآ أحلى لحظآت عمرنآ .. أوعدك ياريومتي مآفي شي يفرقنآ بعد اليوم مهمآ كآن حتى لو من أقرب الناس لقلبي ) بعد ساعه كآن تستشور شعرهآ وهو متمدد يرآقبهآ : ماتبي تلبس ترى بقى لي شوي واخلص سيف : بروح بلبسي هذآ لفت عليه وبيدهآ الفرشه ..بصوت حاد: شلون بهذآ اللبس ؟ سيف هز رآسه بالأيجآب أمــآ هي ردت عليه :لاحبيبي لو ايش تسوي ماتروح بجينز وتيشرت تلاقي أزوآج اخواتي كل وآحد أكشخ من الثاني وانت بينهم بجينز .. أبيك تكون أحلى وآحد فيهم سيف ضحك : مايهمني رآي الناس اللي يهمني اني أكون أحلى شخص بعيونك ريم : أنت بعيني مالك مثيل ..وأبي الناس كلهم يشوفونك زي مآ اشوفك سيف : ابشري طال عمرك ويش تأمرين عليه بعد ريم : مايأمر عليك ظالم ..بس هذآ اللي ابيه أبيهم يشوفون سوسي حبيبي بأبهى منظر قرب منهآ وطبع بوسه على خدهآ عالطاير وأتجه للدولاب يطلع أحسن ثوب عنده بناء على رغبة ريومته بعد نص سآعه كآنوآ جاهزين أتصل على ابوه وأمه اللي بيروحون معهم ومشوآ بأتجآه مزرعة ابو مهآ