الفصل 94
عند ريم وسيف .. بعد التصوير والعصير
ام محمد : نخليكم على راحتكم
شوق : الف مبروك ... عقبال الزواج يارب
سيف : امين يارب
ريم ولع وجهها .. زاد عليها لمست سيف ليدها .. طلعوا ام محمد وشوق وخلوهم لحالهم
سيف لف على ريم .. ومسك يدها وباسها : الف مبروك ياريم .. مبروك علينا الأثنين
ريم بصوت خافت ومتقطع : الله يبارك فيك
سيف يبي يحرجها : أيش فيك مستحيه .. ارفعي راسك
ريم بدى قلبها تزيد نبضاته (ناوي يموتني ذا .. ياربي ليش تركونا لحالنا .. اووف بس )
سيف حط يده تحت دقنها ورفع وجهها وعيونها تعلقت بعيونه متفاجئه من حركته اللي قطعت تفكيرها وتذمرها من وحدتهم
سيف: ليش تخبين عني هذا الوجه ..
ريم متقطعه من الحيا : ماخبيته ..
سيف : اجل سولفي علامك ساكته ..
ريم : ماعندي شي اقوله .. وسكتت .. طول سكوتهم الى ربع ساعه
سيف ( خلوني اخربها .. انا انتظر هاليوم بفارغ الصبر حتى اقولها لها )
سيف : ريم ... أحــــــــبـــــــــــكـ
:::
:::
:::
شاف الباب مفتوح ويده الحبل مفتوح عنها .. كانت لحظة مناسبه له .. مناسبه لهروبه بعيدا عنها .. وبعيد عن ذكرى الماضي اللي تجدد مع دخولها لحياته .. ذكرى مرتبطه بألف ذكري عنده .. .. حرر نفسه من الحبال بسرعه ما تخيلها ابداً .. وطلع من البيت كله وكأنه جبل وانزاح عن صدره ... صحى من سرحانه على صوت القزاز
فهد : كم الحساب ..
..: 20 ريال ... اعطاه الحساب .. ومشى بسيارته ..
شغل سي دي كان عنده من زمان ما عمره سمعه ... دخله بمكانه .. وظغط على ok وبدأ السي دي يشتغل .. جاء صوته الهادي
دارت الدنيا وتبيني [ أعذرك ] !
نامت عيوني وعينك > ساهره
إنت لي ماضي ومابي أذكرك
و الغلط وياك ماني مكرره
قلت لك إحذر غروركيكسرك
ومن يحبّك واجب إنت تقَدّره
قبل لا تفكّر تهاجر بأهجرك
وعدّني غيمة حنان مهاجره
مثل ماجَمّعتك أقدر أنثر ك
يعني راسك لو رفعته أكسره
كنت لك مثل المواني ~ أنطرك
لين طاحت من عيوني الباخره
لا تظن أبكي عليكوأخسرك
إللي مثلك ( لازم ) إني أخسره
يا القليل الباقي طاحوا أكثرك !
في بحر - دمع العيون - الطاهره
أبقى أكبرشخص مر ب ناظرك
وتبقى أصغر <~ من نويت أكبّره
في فراقك ماحزنت آآبشرك :
وكانت الفرحه معاك مسافره !
كيف ألوّح لك وأجبُر خاطرك
وإنت إحساسي مكسّر خاطره
أشكر أعدائي كثير ~ و أشكرك
من سبايبكم .. فقدت الذاكره
دارت الدنيا وتبيني [ أذكرك ] !
شفت منّك خير لأجل أتذكره؟
إكتب الشطر الأخير بـ دفترك ،
القلوب البيض .. جداًنادره !
[ لأحـــمـــد الــصانــع ]
مشى بسرعه جنونيه بشوارع الرياض المزحومه جدا ... كانت بحالة الا وعي .. قفل السي دي وبدت الافكار تتلاطم في عقله كالامواج وقت هيجانها
:::
:::
:::
الــــف الصــــلاة والــســـلام علـيـك ياحبــيـــب الله محمد
كــــــــللللــــوووش
تسلط الضوء على الباب .. وسمت بالله ودخلت وهي مرتبكه من انظار الحضور اللي تعلقت فيها .. كانت لابسه فستان ماسك على صدرها لونه موفي وابيض لؤلؤي من عند البطن شفاف وظهرها كلها مفتوح .. وفيه تطريز على شكل فراشات وورد ناعم .. كانت مسويه شعرها كله ملفلف وفيه نفخه من قدام هاديه وعليها تاج فضي .. كانت بقمه النعومه والاناقه وبارزه ملامحها وجمالها الطفولي
بدأ الشعر يرتفع صوته ويعلي
ياريمً سـحرها غازل خجلها
واجتمع مع حسنها زينالخصايل
اشـغلتني والـزعل عـني شغلها
مـاوصل مـن عنده رد الرسايل
الـعيونالـهايمه للشوق ولـها
وانـتثر لـيل السهر فوق المثايل
تـغري الـقلب المولع فيغزلها
و الزعل من شيمة نفوس الأصايل
بـالغلا لـك منزله ما احد وصلها
منغرامك شفت با الحب الهوايل
مـا تصدق فيك روحي من عذلها
ومـا نـدور فيك يا شوقالبدايل
صـدقيني يـامنى روحي وأملها
خـاطرك كانه على شايل
وصوت الزغاريط والصراخ امتلي بالصاله .. مشت بخطوات بطيئه متجهه للكوشه .. بعد ماجلست وبدوا البنات يرقصون قدامها .. وهنادي وس ولينا وتهاني وعبير يستعبطون عليها
رغد وشهد يبوسون ريم كل وحده من جهه ويمسكون يدها ويقرصونها
ريم بصوت خافت : هيه انتم اهجدوا عورتوني
رغد : ياعيني بالله سؤال كم مره حطيتي روج لان لما جينا من المشغل كان لونه بيج والحين وردي
ريم ولعت خدودها : هين يا رغيد .. شغلك عندي بس بالبيت
شهد ميته ضحك على وجهها اللي انصبغ باللون الأحمر : ياحليلها تستحي يابنت عادي زوجك بس بالبيت تهلين لنا السوالف من الالف الى الياء
ريم تغمض عيونها بقهر وهي تبتسم حتى ما تبين شي : انقلعوا ارقصوا يانبيله عبيد وفيفي عبدو
رغد وشهد يوقفون لانهم استفزوها وماسكين نفسهم لا يضحكون : حـآضر .. وراحوا يرقصون
هنادي وعبير كانوا بعيدين عن الكل ويرقصون بالممر قالت بصوت واطي : بشري ويش سويتي
هنادي : لي مستعجله اصبري انا انشغلت بملكة ريم وبالاختبارات .. أمـــا الحين فضيت وعدادي 300
عبير ترفع حواجبها بفرح : ياخطير بس تكفين لا تسوين شي الا بشوري
هنادي : تدرين انهم يجتمعون بحوش عزابيه
عبير طلعت عيونها قدام : ايه .. بس وين ؟
هنادي : والله مدري بس بحاره بعيده مررره .اتوقع بالعزيزيه
عبير : اوف بعيد مره عنا
هنادي تبتسم بخبث : السياره تقرب البعيد ياحلووه .. ولا بعد يشيش الاخ ماجد
عبير تضحك : الحين مقهوره انه يشيش وانتي لا
هنادي تمد فمها وتضغط على شفتها السفليه : والله ابو طربوش فاتح بابه .. اروح اعسل واجي عادي .. بس المكله اني ما اطيقه .. بس انا اوريك فيهم والله لا اجيب له جراك هديه
على كيف كيفك
عبير بنظره تفحص : براسك شي ماهو هين
هنادي تسحبها للكوشه وتجلسها بعد ماخلصت الاغنيه .. وكلهم يسلمون على ريم
ام هديل : الف مبروك ياقلبي ..
ريم بحيا : الله يبارك فيك ياعمتي
جت ام سيف ومعها جدته اللي من اول ماشافتها وهي تذكر الله
الجده : مبروك يابنتي الف مبروك ..
ريم تبوس راسها : الله يبارك فيك ياجدتي
الجده : مشاء الله مشاء الله .. عرف سيف يختار ... الله يوفقكم يايمه ويسعدكم
الكل : امين
ام سيف اتجهه للمسؤله عن الدي جي وطلبت اغنيه خاصه اهداء منها للريم وسيف .. ودخلت ساميه واخواتها بعربيه ملكيه .. تحتوي على هدايا منها طقم ذهب وعطورات وملابس وهدايا ثانيه ..
وقفت ام سيف ووقفت ريم ولبستها عقد الذهب .. وباستها .. ورقصتها هي وبناتها
سحر : شوفوا مسوين فرحانين
رغد : امه وخواته فرحانات عدا الحيه ذي ساميووه
شهد : امشوا نرقص مو بس هم يرقصون .. حرام عشان ريم ... ودخلوا كلهم للكوشه اللي انزحمت والكل يرقص ومبسوط وسعيد