الفصل 85
نزلت دمعتها على وسادتها وأعقبها سيل من دموعها ... لفت على الجهه اليسرى ومرت ببالها الذكرى
؛؛
تبكي بحرقه وألم .. تبكي ولاحد حاس فيها ... كانت بين أحضان أُم مها اللي تشاركها البكاء
تاره تخفف عنها .. وتاره تعجز عن مساعدتها ...
...: آآآآآه ياخالتي ليش أنــا إنظلمت ليش؟!..
أُم مها تبكي : يايمه ربي مايترك الظالم ... مايتركه لو طال الزمن
شوق تبعد عن حضنها ودمعها جرح خدها وأثار الخدوش بوجهها ورقبتها : أنا ميته ... روحي تسري بجسد ميت ... لازم أموت وأرتاح
أُم مها تضمها لصدرها : آآآآه يايمه الناس ماترحم .. لكن ربك أرحم الرآحمين .. ربي معك وين ماتكونين وبينصرك على ظالمك
شوق تدفن نفسها بحضنها وهي تتذكر اللي صار: أي نصررر ... وأنا ما آعرف عنه شي
أُم مها : الظالم .. يتجبر ويطغى على من حوله ... يهين الكل ويظلم والكل مايقدون يحكون ... لكن في اللي أعدل منا يايمه هو حسبك ونعم الوكيل .. بيأخذ حقك مهما طالت الايام
؛؛
ضمت مخدتها اللي إمتلت دموع : آآآآه من اللي ظالمني ... كل يوم يعذبني ..من 5 سنين ماشفت السعاده يوم .. ولاضني اشوفها بعد اليوم
بعد ماهدت من نوبة بكائها رفعت بلوزتها وهي تتأمل بطنها والأثر الباقي اللي مامحته الأيام بمرورها .. بصمه ذلك الحدث الأليم لازالت على جسدها الناعم ... ذكــرى لــهــا طــول العــمــر لايــمــكن أن تُــنـــتـــسى .. هنا فقط بدأت النار تتأجأج في جوفها .. والحقد يلمئ قلبها ... والأنتقام أتخذ من لمعة عينيها حيزاً..
:::
:::
بغرفه ثانيه من البيت
شهد تطالع رغد بنظره غريبه : رغد .. ماقلتي لي ويش صار بينك وبين عبدالله ذاك اليوم
رغد رفعت راسها وهي تشوف شهد اللي مركزة بعيونها عليها .. قفلك كتابها وعدلت جلستها
:ويش تبيني اقولك ؟!
شهد ترفع شعرها بشباصه : اللي صار من الأول الى الأخير
رغد بحالميه زايده : وه وه ياشهووده .. ويش اقولك .. اقول عن كلامه والا عن لمساته .. والا والا .. ذاك اليوم كان غير عن كل الأيام .. رحت فيه لدنيا ثانيه
شهد : اممم تذكرين كلامك لي اول .. وين راح يارغد .. انا ماقلت لك شي يمكن تحسين على نفسك وروحك
رغد حست بالذنب وتأنيب الضمير : شهد لا تضني اني مرتاحه ومبسوطه بالعكس ...لكن انا احبه ياشهد افهميني
شهد : عارفه انك تحبينه ماقلنا شي ... بس اهلنا ويش ذنبهم يارغد .. تبين يطلع علينا كلام وسمعتنا تصير بالارض
رغد : اكيد لا .. ومستحيل اسوي شي يسبب لنا مشاكل
شهد :اللي تسوينه اكبر غلط
رغد رميت نفسها على مخدتها وهي تفكر بكلام شهد ... دارت الايام وصارت شهد تنصحها بدل ماكانت هي تنصحها
شهد : انا بروح المطبخ تبين اجيب لك شي
رغد تشيل كتبها وترميها على الارض تحتها : لا مابي شي بنام صحيني الساعه 3
شهد : طيب تصبحين على خير
رغد تغطي نفسها بالبطانيه بعد ما قفلت شهد الضوء وسكرت الباب وراها ... كلمات شهد تتردد بأذنها .. اللي تسويه اكبر غلط .. كيف تتركه بعد ماحبته وتعلقت فيه .. تذكرت ان كل ما بُني على باطل فهو باطل .. نامت بعد تفكير طويل ومتعب لها ولجسدها
::
::
هنادي ترمي كتابها بأخر الغرفه : اوووف اخيرا خلصت
شهد لفت عليها وبأبتسامه شفافه : خير ويش فيك كارهه عمرك
هنادي تستند على الكنب وراها : اووف الدراسه تقصر العمر والله ..
شهد : ههههههههههههههههههههههههههههه بدرري على الكلام هذا
هنادي توقف وتمشي بأتجاه المطبخ : بسوي نسكافيه راسي مصدع مررره
شهد تلف عنها وتكلم سمر : ايش فيك انتي الثانيه ... ياساتر البيت اليوم كله متضايق
سمر : والله ياشهد الاختبارات ترهق بقووه .. جسمي احسه مكسر حتى نوم ما اشبع .. وقلقانه
شهد تقفل كتابها : عادي ياقلبي .. هي كلها اسبوع باقي وتخلصون وبعدها تقولون يالله مر بسرعه
سمر : ما اضن .. الله يكون بعون سحر وريم ما اشوفهم الا بالمدرسه يطردوننا برآ الغرفه انا وهنادي
شهد : ما الومهم والله اكبر مزعجات بالبيت انتم
سمر : ماتحسين ان الجو بارد شوي
شهد كانت ملاحظة ان الجو بادي يميل للبروده وينبأ بوصول فصل الشتاء : ايه صاير بارد قرب وقت الشتاء
سمر انسدحت على الارض وغمضت عيونها تحاول تسترخي .. فجأءه جلست زي المقروصه
شهد همست لها بخوف : ايش فيك ؟!
سمر : انتي خلصتي مذاكره ؟
شهد تأخذ الريموت وتقلب بالقنوات : يس يس خلصت من بدري كمان بس كنت اراجع المعلومات
سمر وقفت وقربت من شهد وجلست جنبها : ويش رايك نروح نلف الحين مع جلالي نغير جو .. عشان تنفتح نفسنا للمذاكره
شهد لفت عليها واعطتها نظرات جامده .. وقفت بتروح تشوف هنادي بالمطبخ : إنطقي هنا وتنفتح نفسك للمذاكره ..
سمر تمسك يدها : بليززز شوشو وافقي وافقي .. بس انا وانتي وهنادي .. طبعا الدوافير بيرفضون ورغد نايمه خلينا نروح والله الجو جنان
حست انها محتاجه نفس طويل ونسمات اخر الليل هي اروع الاوقات... تشجعت
شهد : امممم طيب يالله جيبي عبايتك وعباية هنادي بشووويش
سمر توقف وهي طايره من الفرحه وجري للغرفه
بالغرفه
ريم : وين رايحه ؟
سمر : وين بروح يعني .. بغسل عبايتي .. وهنادي طلبتني أغسل عبايتها معي
سحر : اخص .. من متى النظافه يابنت
سمر تطالعها باحتقار : من قبل لا اشوف وجهك .. وطلعت وسكرت الباب .. وهي تضحك
كل هذا تمثيل عشان مايكشفونها .. قابلت شهد بالصاله ومعها الشنطه والعبايه وكوب نسكافيه عملته هنادي مجانا ..
هنادي تلبس عبايتها : كلمتي جلالي
شهد تضحك : ايه كلمته بس اووش لاتفضحينا
هنادي تفكر وتلف الطرحه على راسها : وين نروح طيب
شهد : طريق السلام او جهة طريق الهجره
سمر : اوف الهجره بعيده يابنت .. خلينا نروح السلام اقرب
شهد تلف الطرحه : يالله امشوا نقرر بالطريق .. ونزلوا
:::
:::
:::
...: قلت لك مابي اروح ماتفهم انت
...: ماهو بكيفك بتروحين غصب عليك .. انا محتاج فلووس
... ( سحبت يدها منه بقوه وهي تبكي وتصرخ عليه ) : قلت لك مابي لو تسوي اللي تسوي ما أروح معك ياحيوان
...: أنـــــــا حيوووان .. طيب شغلك عندي قسماً بالله لا أوريك ياحقيره ...
...: انا اشرف منك اصلا انت واطي كيف تسمح لنفسك تدنس شرفك بيدك ..
...: اعطيني فلوس وأتركك بحالك .. انا عارف أنك تدسين الفلوس عني
...: قلت لك ماعندي فلوس روح فتش غرفتي اذا لقيت ريال واحد خذه ما أبيه
...( شدها مع شعرها وهو يضربها بقووه ): هين دواكِ عندي انا اللي راح اوريك واخليك انتي تجيبين لي الفووس
...: حرام عليك .. حررررررراااااااام ليش ناوي تدمرني
...: ناوي ادمرك هه ههه ههههه ههههههه ... انتي تدمرين بلد يأختي المصون .. وانا ما ابي اكون فقير طول عمري سامعتني
...: ربي كاتب اننا نكون فقراء ليش ماترضى بقسمتك ونصيبك
...: كيفي ارضى ما ارضى شي راجع لي انا .. وانصحتك دبري لي كم قرش لا يصير شي ماهو بصالحك ..
...: بتضربني اضرب جلدي تعود على الضرب ماصرت احس ابد ..والا بتقتلني .. ترحمني من عذابي وعيشتي اللي قرفتني فيها
...: هين انتي والشايب هذا ... خليه ينفعك