الفصل 53
مها صرخت عليها : شــــــــــهــــــــد ... ويش قاعده تقولين ؟؟
شهد : اقول اللي لازم ينقال من زمان ... شوق لازم تموت ... ايه لازم تموت عشان يموت اللي سوته معاها ... نجستي حياتنا .. هدمتي كل شي .. موتي ابوي
شوق تبكي من حرقتها : كل هذا داخل قلبك علي ... لو كنت عدوتك ماقلتي هذا الكلام لي
شهد : اكررررررررررررررررررررررررررهــــــــــــــــك .. اكرهك
شوق تصرخ : انا مالي ذنب .. افهمووووووووا .. مالي ذنب ... مظلووومـــــــه ياناس
مظلووومه .. ليش يا شهد تلوميني .. حرام عليك والله حرام ...
شهد : ليش رجعتي لنا ليش؟؟ ... لو متي كان احسن .. نفتك منك ومن شرك .. الله ياخذك
سكتها كف قوي من مها ... اللي ماتحملت كلام شهد السام
مها : شـــــــــــــــــهـــــــــــــــد ... روحي من وجهي
رغد تسحب شهد للغرفه : امشي خلاص كافي اللي قلتيه
شهد : ماراح اسامحك ياشوق ... ضيعتي حبي الوحيد .. الله يضيعك ... الله ينتقم منك
شوق تبكي ومنهاره حيل : والله مالي ذنب افهموني مالي ذنب ... يارب خذني وريحني من عذابي يارب ...
وركضت على غرفتها وقفلت الباب عليها وصوت بكاها وشهقاتها واصله للصاله
الكل يبكي . ويتالم .. كلام شهد جدد جروحها والآمها .. وشوق تتعذب والكلام مارحمها حتى اقرب الناس لها .. مارحموا ضعفها .. عذابها يكبر مع الايام ... انفتحت ابواب مستحيل تتقفل
الماضي يركض وراهم .. لو حتى هم رافضينه وناسينه
سمر منهاره : مهاااوي .. صدق اللي قالته شهد .. جاوبيني
مها تبكي : سمر حبيبتي .. شهد ماكانت تعرف ايش تقول هي مقهوره والكلام مو صحيح
سمر : انا ماني صغيره افهم .. قولي لي .. شوق بنت او لا
ريم صرخت عليها : سمرررررر ... قالت لك مها مو صحيح ليش ماتفهمين ؟؟
سمر : كلكم تكذبون علي
سحر : خلاص ياسمر .. اسكتي ماحنا بناقصينك انتي بعد
سمر تبكي : ابي افهم كل شي ..كل شي
:::
:::
:::
يوسف : لالا عبود شكلك مشتاق لها موت .. كلمها
عبدالله : لا مابي كل يوم غاثها ومتصل ... بغيب عنها كم يوم بشوف تدق والا لا
يوسف: ياحركات بدينا من الحين ... تبي تشوف تحبك والا لا
عبدالله : تبي الصدق ايه بشوف
يوسف : ياليل الحب ... اقول عندها خوات بروح اخطب من عندهم
عبدالله : ههههههههههههههه ... اقول ابعد عنهم ..هم حق خاص لي
يوسف : الله يرفع عنك ... هذا اللي اقوله
عبدالله : اقول اليوم تعبان حيل .. بروح انام
يوسف : طيب نام احد ماسكك
عبدالله : ايه انت ...هههههههههههه ..
يوسف : اقول طس نام .. الحين بتابع فلم توه نازل
عبدالله : يالله تصبح على خير
:::
:::
:::
طلعت تشوفه يبي شي .. وتقفل الباب ..
هنادي : تبي شي ثاني
فهد : ايه ... ابي شوق
هنادي تطالعه بنص عين : ويش تبي فيها ؟؟!!
فهد : ابي اكلمها بموضوع
هنادي : شوق تعبانه ونايمه .. ولو تموت ماتطلع لك .. بس ريح راسك
فهد : اقول ترى انا سمعت كل شي ... كل اللي قالته اختها سمعته
هنادي عصبت : دامك سمعت ويش تبي فيها .. تبي تزيدها .. كافيها اللي فيها ..
فهد : ههههههه لا بس كنت بتشمت فيها ..
هنادي بدون شعور تفلت بوجهه : انت منت كفو الواحد يطالعك .. كل شي فيك يقرف .. الله يعين شوق .. مدري كيف متحملتك انت ووقاحتك
فهد : طيب طسي عني .. ولا عاد اشوفك
هنادي : وووع من زينك اشوفك .. وطلعت وقفلت الباب
تركت فهد ... يفكر بدنيته اللي فرط فيها كثير .. وظلم فيها كثير .. وتجبر على كثيررر
تردد صوت شوق بأذنه وهي تتكلم والعبره خانقتها ..
((اكيد اعرفه انت 5 سنين مافارقت خيالي يوم واحد ولاتهنيت بنومي ليله وحده بسببك))
فهد (( معقوله تهوري يدمرها لذي الدرجه .. ويدمر عائلتها كلها .. انا خليت خطيبها يتركها
وابوها مات بحسرته .. شتت كل شي فيها ... رد عليه صوت بداخله .. طول عمرك يافهد وحش
وبتظل وحش ... ماترحم احد دمرت كل اللي حولك ... حتى امك ... ايه امك يافهد .. ))
فهد : لا ... انا ماسويت شي .. كله بسببها ... كله بسببها .. ماني ندمان على شي .. شوق هي اللي جات بدربي .. واي احد يقرب مني يتحمل ..
صدمه دخولها المفاجئ له .. ملامحها شاحبه .. ماحيها البكاء .. عيونها حمراء من شدت بكائها ..
شوق بصوت مبحوح : واخر هالهم معاك ... انا تعبت ماعاد فيني حيل اتحمل ... تحملت غلطة غيري .. ودفعت ثمنها ... "صرخت ".. تعبت جراح .. تعبت .. اختي تكرهني والسبب فعلتك
قسمتي ونصيبي رضيت فيها .. بس غيري مو راضي ويلومني .. تفهم ايش يعني تعبت ..
ضربته على صدره .. وكلها فتور وتعب ..
شوق : قولي ويش اسوي ... عطني حل اذا عندك ..
فهد : ماعندي حل ..
سندت نفسها على الجدار وراها .. وجلست ضمت رجولها لصدرها .. جلست تبكي بألــم
لذعته الذكرى ... شكلها مانساه يوم كانت تترجاه وتتوسل له.. نفس الموقف يتكرر عليه لكن بشكل ثاني .. حس بطعن لرجولته .. طعن في شهامته .. دمر عائله كانت حياتها غير قبل تهوره
شوق ترفع راسها ودموعها مثل السيول: الله لايسامحك .. الله لا يوفقك يافهد ... تشوفها بنفسك وحالك واولادك .. ان شاء الله تشوفها باختك ... عشان تعرف كيف اعاني !!.. اعاني من اهلي ومن الناس ومن كل شي
فهد : لاتدعين ياشوق ... الا الدعاء لاتدعين علي
شوق : دموعي جرحت خدي وعيوني تشهد ... 5 سنين وانا ليلي كله اناجي به رب العالمين
ياما دعيت عليك .. ياما تمنيتك تنمحي من الوجود .. لكن ربي كاتب اني اشوفك ويتجدد كل شي
مع شوفتك .. صح مانسيت لكني احاول اتناسى .. لكن كابوسك يلاحقني بكل مكان
فهد حس بشعريره سرت بجسمه ... كلامها زي السكاكين تطعنه .. قلبه مايتحمل دعواتها ..
فهد : خلاص يا شوق اسكتي .. مابي اسمع منك شي زياده أســـكــــتــــــــــــــــي !!!
:::
:::
:::
كانت على سريرها تفكر باللي صار اليوم... كان بالنسبه لها حلم .. حلم ما تخيلته واقع
كلام شهد يتردد بأذنه .. صرخات شوق لها صدى بقلبها .. بداخلها الم على بنات عمها ..
شهد ربي كان حاميها بفضله .. ولحقت عليها باخر اللحظات .. لفت شافتها نايمه بعد ما اهلكها البكاء .. صدمتها باعز صديقاتها .. وصدمتها بانسان حبته .. حب من طريق ممنوع لكن قلبها
حبه .. وسلمه نفسه
رغد (( الله يسامحك ياشهد .. كلامك كان قاسي على شوق .. طعنتيها وطنعتينا معاها ... الله يصلحك بس .. ليش سويتي كذا ... كنتي بتروحين لولا ستر رب العالمين ..))
:::
:::
:::
بعداسبوع .. الكل هادي عايش بعالمه واهتماماته .. بعد كلام شهد البيت كلها تكسيه الكآبه
طلعت للملحق ومعاها هنادي ..اول مافتحت الباب .. انصدمت
شوق صرخت : ويـــــــــــــنـــــــــــــــــه
هنادي ركضت على الحمام تدوره : شوق ماهو في .. هررررب
شوق جلست تبكي : كيف هرب .. انا ما انتقمت منه زي مابي
هنادي : خلاص خليه يولي عنك ... ماجاء من وراه الا التعب ..
شوق : انتي ماتحسين باللي فيني .. حرقتي ما انشفت منه
هنادي تمسك يدها : خلاص ياشوق .. ماتدرين ربي ويش كاتب لك
شوق ودموعها على خدها : آآآآآه ياررررب كون بعوني .. انا تعبت
هنادي : امشي ننزل وهذا الزفت اللي اسمه فهد انسيه
شوق : كيف انساه ياهنادي .. مقدر .. والله العظيم مقدر
هنادي : ربنا كريم ياشوووقه .. تسندها وتنزلها للبيت ..
جلسوا بغرفه التلفزيون كل البنات عدآ مها اللي كانت بالمطبخ
دخل ابو مها .. وجلس يصارخ على البنات
ابو مها : مــــــــــــــهـــــــــــآآ ... يابـــــنـــــت
جوا البنات يركضون .. يشوفون ابوهم ويش يبي
شوق : عمي .. ويش فيك ؟!!
ابو مها : آبي مها ... وينها ؟؟؟
جات مها بسرعه
مها : نعم يبه .. امر ويش بغيت ؟؟!!
ابوها : ويش آبـــي .. سودتي وجهي الله يسود وجهك
مها بخوف : ليش تقول لي كذا يبه ؟؟
ابوها : ليش تزوجتي ؟؟ .. ليش ماقلتي لي
مها بدت دموعها تنزل : انــــاا .. انـــ.... .. والبنات مصدومات مايدرون ابوهم يتكلم بويش
ابوها يسحبها من يدها : اطلعي من بيتي .. انا متبري منك .. !!
رغد تبكي : يبه اصبر .. خلنا نفهم الموضوع
ابوها : لا افهم ولاشي .. ماعاد عندي بنت اسمها مها
مها تبكي : يبه لحظة خلني اقول لك كل شي
ابوها يطلعها برى : اطلعي .. مابي اشوف وجهك بعد اليوم .. برآآآآآ
شوق : عمي استهدي بالله
ريم : يــــــــــــبـــــــــــه تكفى .. تكفى .. مها ماسوت شي
ابوها : قلت ماعندي بنت اسمها مها .. يالله برآآآ .. روحي للي تزوجتيه
مها تمسك يد ابوها وتبوسها : يبه افهمني ارجوك .. يـــبــــه !!!
ابوها دفها بقوه : قلت لك .. بـــــــرآآآآآآ ...
كل البنات صرخوا بصوت واحد : مــــــــــــهههههههـــــآآآآآآ