ماكل من يضحك مع الناس مبسوط - الفصل 161 - بقلم بدوية عنيدة | روايتك

مهره ووجهاا احمر : اترك ايدي سعيد : لاااا مهره : سعيد حرام عليك اتركني سعيد : هب حرام انتي حرمتيه مهره : عمتيه اللحين بتحدر سعيد : وان حدرت قلت لج حرمتيييييه مهره : هب حرمتك لاصار العرس صرت حرمتك سعيد : لا الشيخه تراني عااقد عليج مهره سحبت ايدها بسرعه : عمووه تقول لااا وراحت جري وتخبت ورى ظهر ام سعيد الي كانت وااقفه عند بااب المطبخ : سعيداااان شو تسوي هني ؟! سعيد مرتبك : بغيت ..ممم ... ام سعيد بعصبيه مصطنعه : شو بغيت اخلص سعيد وهو يشووف مهره تكتم ضحكتهااا : بغيت الفواله امه : الفواله ماخلصت... لاخلصت دزيتهاا لك مع البشكاااره بغيت شي غيرهااا سعيد بخاطره "ايه اللي ورااج فديتهاااا " سعيد : سلامة رااسج امه : اجل عطنااا مقفاااااك سعيد: تاامري الشيخه وطلع من باااب المطبخ الخلفي وهو مفتشل ومقهوور من مهره الي كانت تطالعه بشماته واول ماطلع سعيد ام سعيد : يبي الفووواله طول عمره ولا قرب المطبخ واللحين من دخلتي ماصاار يفاارقه اسمنج ضويتي رااسه يااابنت ال... مهره استحت : عموووه ام سعيد وهي ترفع كفهاا لسماا : الله يوووفقكم ويسعدكم ويمنع عنكم العيين ×××××××××××××××××××× كانوو كااشخين على سنجه عشره زي مايقوولوون بثياابهم الامااراااتيه وعصمتهم كان كل الي بالشارع يطالعون لهم شكلهم مختلف اكيد بيطاالع فوق كذاا وساامتهم كانت طااغيه احمد كاان لاابس كندوره بلون العشبي ومعاهاا عصمه باللون البيج اماا حمدان كندوره كحلي ومتعصم بسفره بيضا ..صلو العيد مع ابو نور بالمسجد وبعدين كل واحد راح لبيته احمد اول ماافتح بااب الشقه استقبله ولده الصغييير كانت ريوم ملبسته كندووره بيضاا جابها له حمدااان احمد وهو يبووسه : فديييت شيخهم حمدان اخذه منه : ويل حالي ع هالمزيووون سمعوو انا حاجزه من اللحين لبنتي احمد يضحك : انت خذ امهاا بالاول بعدين ارمس يمكن تطلع البنيه شينه الريم وهي تقرب منهم عشان تسلم على اخوهاا وتعايده : اسمنهااا ماااخااابت وهالمزيوون ابوووهااا حمدان وهوو يحبها ع رااسهاا : فديت عمتهااا احمد : هي انت لاتفدى حرمتيه حمدااان يعانده : فديتج يااريوووم فديييييييييييييييييييييييييييت شيخة الحريم كلهم الريم تضحك : جعني ماخلا منك حمداان وهو يقرب صووب امه الي كان جالسه ع الكنبه وتشوفهم وتضحك : مبااركن عيدج الغاليه ام حمدان : مباارك عيدك ولديه احمد يسلم عليها : عيدج مباارك عمووه ام حمدان : وعيدك مبااارك يااوليدي الريم وهي تصب لهم القهوه : ماعيدتو بندر ؟!! وعمه ؟! حمدان : عمه عايدناه كان معانا بالصلاه لكن بندر مااشفناه احمد يكمل : مايقدر يتحرك كثييييير واستحيت اروح له هالحزه الريم : استحيت ؟!! انت دوم مطيح عنده وباي وقت ماايفرق معااك شي حتى بعد مااعرس حمدان : خخخ لايكون تغارين من بندر بس الريم تضحك : خخخ يشهد الله ان غلاه من غلااتك انت وسلطاان احمد : يالخبله الريال عنده اللحين عمه وبنته تحرجت منهم حمدان يلكزه بيده : هي منوه الخبله ؟! احمد : الريم حمدان : لا ؟! تسب اختيه وانا يالس الريم : وانت شيخصك انا حرمته ماارمست حمدان افتشل : هذا واناا بفزعلج الريم : استرح بس ام حمداان : حمدان متى بتسير الطبيب؟! حمدان : شرايج نسير باااجر ام حمدان : زين الريم : شو اماايه مستعيله ع الرده ماشي سيره الا عقب العيد احمد : عموه لايكون تضايقتي من يلستك معاناا ام حمداان : لاا ياولديه شو هالرمسه لكن شتقت حق البلاد وسلطان وميثه لحالهم الريم تضحك : اميه شيخه وين رااحت وميثوه عندها ريلهاا وعمتي ام حمداان : عمتج مابتقصر معااهاا وشيخه ماعليهاا زود لكن ميثوه مابقى شي وتربي وشيخه نفس الشي كل وحده منهن يبالهاا مداراااه حمدان : ايه لو اناا مكانهم ماكاان استهميتي علي ام حمدان تخبطه بعصااتهااا : انت تزووج وحرمتك باتستهم عليك حمدااان : زيين لارديناا البلاااد دووريلي ع عرووس الريم وهي تغمز حق امهاا : ماله حايه ندوور لان العروس موجوده ام حمدااان وهي تعرف زين مهره منو تقصد : هذيج الساعه المباااركه لاصاارت كنتي احمد وحمدان يطالعوون بعض ومو فاهمين شي : منوووووووه الريم ضحكت عليهم : ماايخصكم كل شي بووقته حلوو حمدان : اختي العزيزه ترااني اناا المعرس هب انتي الريم : حد رمس غير جذيه حمدان : يعني منوه العروس يمكن ماتعيبني الريم: استرح بتعيبك واناا بنت ابووي احمد : يااخي حرمتي واعرفها دام هااذي رمستهاا يعني واااثقه من الي ترمسه حمداان : ريووم اقوول استريحي العرس ودرته من زمااان