الفصل 159
اليوم اول لياااليه ببيته .. صحيح ان كلهاا اربع اياام الي قضاها بالمستشفى
لكن مع كل هذاا يحس بالحنيين لبيته لكل ركن لكل زااااويه والاهم من كذاا اشتاااق لرااعيه البيت
بندر وهو يمتد ع السرير وحنان تعدل له المخده : اشتقت واايد للبيت
حنااان : وهو اشتاقللك من غيرك كان صحرا
بندر : وانتي ؟!
حنان تبتسم وهي تقعد جنبه : انت ماااغبت عن عيني عشااان اشتاااق لك
بندر : خخخ تعرفين تتكلمين
حناان بزعل : لا بالله ..لاااكون اتكلم معاااك بلغة الاشااره واناا مااادري
بندر : خخخ ويلي من طولت اللسان
حنان وهي تحط عينهاا بعينه : بذمتك ماتحبهاا
بندر وهو يبادلها النظر : الا اموووت فيها وبرااعيتهاا
حناان وهي تقووم وتطلع ثووب بندر من الدولااب : شيتسوين فيه
حنان : نااسي ان بكره عيد ؟!
بندر : مانسيت بس شلزمته الثووب والشماغ
حنان : عشان تكشخ فيه
بندر : مو لازم مارح اقدر ارووح الصلاااه
حنان: حتى ولوو مايمنع انك تكشخه ولو عندك دقله يااسلاام
بندر : ليه ناوياا تزوجيني ؟!
حنان طالعته بنظره : وش ناااقصك عشااان تتزوج قصرت عليك بش ؟!! جااك مني شي ؟!
مو حلوه ؟! عقييم ؟!!
بندر : وووووووووووول كلتيني بقشوري شووي شووي لاتنسين ترااه شرع ربك
حنان : ايه هذا انتو يالرجال الي فالحين فيه شرع الله مدري ليه ماتعرفوون تكلمون بالشرع الا بطاري العرس
بندر : مثنى وثلااث وربااع
حنان : فان خفتم الا تعدلو
بندر يعاندهاا : فان خفتم
حنان : ولن تعدلوو
بندر : خخخخخ شوي شووي لايطق لك عرق
حناان وهي تاخذ الثووب وتطلع : ويك ويك ماايضحك تصبح على خير
بندر : وانتي من اهله
××××××××××××××
اليوم اول اياام العيد .. البيت مظلم وكئيب مع كل الانواار الي فيه مع كل نوور الشمس الي يعبر الستاير الشفاافه لكن برضو كان مظلم وشلوون ماايكون مظلم ورااعي البيت موو فيه
ليلى لبست وتكشخت عشان تغير الموود الكئيب الي هي فيه وغير كذا ماتبي تضاايق امهاا
دقت على بيت احلااام ردت عليها صوت رجالي اربكهاا : الوو
ليلى : الو السلام عليكم
عبدالرحمن : وعليكم السلام ورحمة الله وبركاااته ..شلونك ليلى شخباارك
ليلى ارتبكت : الحم..د الل.له
عبدالرحمن ابتسم : من العايدين
ليلى من غير لاترد عليه: لو سمحت ممكن اكلم احلام
عبدالرحمن : ومن الفايزين خخ صبر
احلام : هلاا ليلى
ليلى : اهلين وسهلين بضي العييين ... عيدك مبااارك
احلام : وعيدك ياااقلبي .. شخباارك واخبااار اخوواتك واهلك كلهم
ليلى : والله الحمدالله
احلام : ابوك مارجع بعد
ليلى : لااا والله لسى مابدأ علاج مريم غير كذاا حناان حااامل والدكاتره ماينصحوونهاا انهاا تتبرع لها ويدوورن لهاا على متبرع ثااني
احلاام : لاحول ولا قوة الا بالله .. الله يشفيها ان شاءالله
ليلى : تسلمين ... وكيف حالك انتي
احلااام : الحمدالله ... اشتقت له ليلى اول عيد من 6 سنيين مااياشوفه دااخل مع عبدالرحمن من البااب وهم كاشخين وراجعين من صلاة العيد
ليلى وقلبها يتقطع على صحبتهااا : احلااام .. عبدالله ان شاء الله بجنات النعيم بمكاان احسن من هني بوايد
احلام : وهذا الي مصبرني .. ان شااء الله الفردووس الاعلى يااارب
ليلى : اميييين ويحرق قلووب الي حرقوو قلووبناا
احلاام : لاا يااليلى ..قولي الله يهديهم ان شااء الله
ليلى : ان شاء الله ... احلام سلمي على خالتي وعيدي عليهاا اناا اللحين بقفل لاازم انزل اسمع صووت هتلر اكيد وصلت
احلام : الله يقطع شررك يااابنت
بعد مااقفلت ليلى من التلفوون نزلت الصااله تستقبل جدتهااا وعمتهاا وعمها الي جو من الرياض عشان يقضوو الاجاازة حقت العيد معاااهم
وبطريقهاا مرت على غرفت مريم وحناان فتحتهاا تااملتهااا : عيدكم مبااارك ياااحبيباااتي
ليلى بعد ماسلمت على عمهاا راحت تسلم على جدتهاا :كل سنه وانتي طيبه ياجده
الجده : وانتي طيبه
جات نوور وسلمت برضوو على الكل بعدين ليلى اضطرت تنسحب عشان تركي يدخل ويسلم على اهله
الجده تسأل ام نور : شخبارك حنان مااحملت ؟!
ام نور وهي حاطه البرقع : الا حنااان حاامل
ابو تركي اتفاجأ حامل وولده ماكلف خاطره يقولهم
ام تركي : وليه ماقلتي لناا
ام نور لاختهاا : بندر ماقال لكم
ام تركي : لا مااقاال
تركي يحاول يرقع الموضووع خصوصاا بعد مااشااف انزعااج ابووه : تلاقووهم نسيوو او اتصلوو ومحد رد عليهم
ابو تركي عطى تركي نظره ان عذرك غبي وانا بفووتهاا ع مزااجي
الجده : وباي شهر
ام نور : الاول
نور : يعني انا وياها ان شاء الله بنولد مع بعض
ام تركي : اهم شي ماتولد هناك تجي هناا تولد ع الاقل بتلقى من يقووم فيها بنفستهاا
الجده : عسى بس ماااتصفين انتي واختك البناااات
نور حست بقهر من نغزت جدتهاا .تركي : والله انا عن نفسي ابي بنيه احلى من البناات مااافي
الجده : بعد ماتجيب الولد فكر بالبناات ترى ماايخلد اسم الرجال الا ولد من صلبه
نور : والله ياااجده الييخلد الذكر السيره الطيبه بين الناس والمعرووف ولا العياال حتى هم مردهم للترااب طال بهم الزمن ولا قصر