الفصل 121
×.. مهره ..×
اليوم نشيت من وقت تسبحت وافطرت وسرت شغلي الساعه 8 بالضبط كنت ع مكتبيه
وصل الاستاذ حمدان الساعه 8.30 سلم علي وسار مكتبه
غريب هالانسان يوم يزفني ويوم يبتسم بويهي نقزت يوم سمعت حسه عندي بالمكتب
اخت مهره طالعت ادور عليه ويه هذا ويين ...اووهوو نسيت جهاز الاتصال اللاسلكي ضغط عالزر : نعم استااذ
جاوبني : ساعه تردين ..تعالي مكتبي ويبي معاج ملف الشركة السعوديه ونقعيني ساعه لا ااوصيج
" اووف شكله محرج "
قلت له : ان شا ءاالله
طقيت البااب ودخلت : قلت له تفضل استااذ وحطيت الفايل ع المكتب ووقفت بعيد شووي
تم يقلب بالملف : مهره ممكن تقولين لي شنو هذاا ؟!!
طالعت بيده وماصدقت عيني قربت منه : هذي ورقة الاغراض مال الجمعية تصدق امس دوورت عليهاا مالقيتهاا يظهر حطيتها بالملف يوم تذكرت اغراض ناقصتني
حسيته شب ضو علي قالي : انتي شوو ؟!! تبين تذبحيني ؟!!
قلت له وانا متلومه : اسفه استااذ والله نسيتها اناا
قاطعني : بس خلااص ..مهره اناا اعرف ظرووفج زيين وعسب جذيه بعذرج
لكن لو سمحتي ركزي اكثر بالشغل وافصلي بين الي يصير ببيتكم وهني
تمنيت الارض تنشق وتبلعني يوم سمعته يرمس عن مشااكلي الظاهر ان ميثوه قالت له عن كل شي
والله غيره كان فنشني ع اهمالي
ماكمنت اسمعه شي يقوول تفكيري كله مشتت ناداني : حوو وين سرتي
قلت له : معااك معااك استااذ
هز راسه : مبين انج معاي مهره اتصلي ع الشركه وحولي الاتصال
هزيت راسي بمعنى ان شاء الله وطلعت
× ... مريم ...×
من صحيت وامي كله تاكلني وتشربني عصير حسيت نفسي خلاااص برجع من كثر مااكل
قلت لها : يمه خلااص والله ماعاد اقدر
امي : كلي كل فطورك انتي ماتاكلين زيين
قلت لها : يمه حراام وش ياكلني هالصينيه قالولك مشفووحه
امي : لاتكثرين كلي وانتي سااكته
سمعنا طق ع البااااب امي حطت البرق وانا عدلت شيلتي
دخ علينا الدكتور : ازيك يااامرااايم عمله ايه
جاوبته : الحمدالله دكتور شلونك انت
الدكتور : الحمدالله ها يااامريم ايه اللي حصل ؟! مش كنا ماشين ع العلااج زي الفل
قلت له : مااعرف دكتور اناا اخذ الادويه والجلسات بمواعيدها بس
الدكتور : والاكل بتاكلي زي ماااتفئنا لحوم حمراا وفوواكه وخضرواات
عاد هني امي قاامت تطلع كل الي بنفسها : لايادكتور مااتااكل تعل قلبي ماغي رطايحه بسندوتشات الجبن وع الغدا تاكل اكل بزر ولد خمس سنيين
الدكتور : أي دئه يامريوومه احنا مااتفأنااش كذاا خالص انتي عرفه ان الكيمو بيااخذ من طاقه جسمك كثير مفرووض تتغذي وتاكلي الي يفيدك ويسااعد ع انتااج الدم
هزيت راسي : ان شاء االله دكتور .. متى اقدر اطلع دكتور
الدكتور : مستعجلة ليه اوام كذا زهئتي مننااا
جاوبته بصرااحه : دكتور مافي احد يحب المستشفيااات
ضحك علي : خخخ حلوه الصرااحه بس معلش رح تشرفيناا كمااان اربع ايااام
صرخت : لييييييييييييييه ؟!
الدكتور : عشان جلسة الكيموو
استسلمت للوااقع على مضد زي مايقوولوون طلع الدكتوور من عندي وعقبه بشووي دخلت ليلى ونور
نور وهي تضمني : حبيبتي شلونك احسن
قلت لهاا : بخير الله يسلمك حمدالله ع السلامه
نور : الله يسلمك
ليلى : وخري اقول خلينا نسلم يااثقلكم يااخواااتي لاجيتن تسلمن مااتخلصن
نور تسألني : انتي سامعه صوت ضجه
قلت لها وانا اضحك : ايييه
زمت ليلى شفااايفها بغضب : جاازااااتي هذا وانا الي فزعت لك البااارحه
وخرت نور من جنبي : وخري هنااااك وفتحت ايدي ليلى : تعالي حبيبتي انتي
ليلى بعناد طفوولي : ماابي خلااص زعلاااان
قلت لها وانا اشر بعيووني لنور : لاااتشمتين العذاال فيناا .... جات ليلى وحضنتني
نور : هههه هين انا اللحين صرت عذووول
قلت لهاا : انتي اسبووع وبتردين بيت رجلك مااافي احد بيقعد بجده معاي غيرهاا
ليلى وهي تناظرني : يعني حب مصلحه ؟!
قلت لهاا : عليكي نوور
جلسنا انا وخوااتي سووالف وامي تضحك عليناا
الين مادخل عليناا ابووي كان شكله حزين ابتساامته العذبه الي ع شفاايفه ماقدرت تمحي هالشي
عرفت انه تكلم مع الدكتور واكيد قاله الي ماااقله لي ولا لامي
ابتسمت بووجهه : هلاااا بدنيتي كلهااا
ابوي وهو يبوس رااسي : هلاا بروح ابووهااا
ليلى وهي تدق نور : الله لنااا محد يعبرناا بكلمه حلوووه
لعبت حواجبي لهم : عشان تعرفون ان محد بغلاااتي عنده
ليلى : ماااالت
ابوي وهو يااخذ فنجاان القهوة من نور : ها مرايم كيفك اليووم
جاوبته : الحمدالله تمااام
ابووي : يقول الدكتور بتقعدين اربع ايااام كماان هني
قلت له : قالناا مر قبل شوي
اابوي كان بعيوونه كلام كثير ..خووف .. عتب
قلت له : يباا اناا ابي اسوي العملية
على طوول رفع رااسه وصاار ينااظرني نظراات متفحصه كأني قلت شي ماكان ع الخاطر والباال
امي بفرح : مريم من جدك ؟!!
قلت لها وانا ابتسم : ايه يمه ابغى اسوي العملية
ابوي : اجل من بكره بحجزلك ع اول طياارة لامريكاا
قلت له : لايباا مو اللحين
ابوي : اجل متى
قلت له : خليه بعد رمضان
امي : وليه التأخير
قلت لها وانا اطاالع ليلى : ابي احظر عرس ليلى وعقبهاا بسااافر
ابوي : مريم انتي تعرفين ان التأخر اللحين موبصاالح
قلت له : يبى ان كان رب العالمين كاتب لي عمر بعيشه
امي : خلهاا ع رااحتهاا حنا ماصدقنا اقتنعت