ماكل من يضحك مع الناس مبسوط - الفصل 107 - بقلم بدوية عنيدة | روايتك

امي : الووو تعرفون الغريق الي اخيراا تمتد ايد تنقذه قبل اخير نفس هذاا هو شعوري يوم سمعت صوتها : هلاااااا يمه امي تتأكد : حناان هلت عبااارتي : ايه يمه حنااان امي بخوووف : حنان يمه فيك شي رجلك فيه شي ؟! قلت لها اطمنهاا : يمه مافيناا شي الحمدالله امي : الله يساامحك ياابنيتي احد يتصل بهالوقت توني انتبهت لفاارق التوقيت : السموحه يمه نسيت الفرق بينا امي : معليه يمه اهم شي انكم بخير سكت مااكنت اعرف وش اقوول سألتني : حنان فيك شي قلت لها: مشتااقه لكم واايد ... اشتقت لحظنك اشتقت لضمة صدرك امي : واحنا بعد مشتااقين لك واااايد سألتها : شلون ابوي وخوااتي ؟!! جاوبتني : الحمدالله الكل بخير وليلى امس كانت خطبتها على اخو احلام خويتها فرحت لخبر خطبت ليلى : جد الف مبرووووووك بوسيها لي يمه وبااركيلها عني امي : يووصل ... حنان قلت : لبيه يمه امي : تهاوشتي مع رجلك ؟!! ضاايقك بشي ؟!! ضاايقتيه ؟! جاوبتها : لا يمه ليه هالسؤال ؟! جاوبتني : حنان الام تحس بضنااهاا جاوبتهاا : اختلفناا شوي يمه امي تنهدت : يااابنتي مافي مره ماتختلف مع زوجهااا .. المشاكل بين الزوجين شي طبيعي يااابنتي المهم لاتتجاوز حدهاا ولاتعطيهاا فوق حجمهاا سألتهاا : يمه وش تسوي المره لاشاافت عيون زوجها راحت يم غيرها امي : تشوف وش بغيرهاا جذب زوجهاا .. بندر سواها؟! قلت لها : شاكه امي : حنان المره تعرف وش بدااخل زوجهاا وتعرف زين وش الي يغيرهه من ناحيتهاا .. والمره العاقله يااابنيتي هي الي ترجع زوجهاا لهاا غصب عليه توريه ان ماله غنى عنها وتوريه انه دونهاا نااقص سألتها: وكرامتها ؟!! قالت لي : حنان لو بتقعدين تقولين كراامتي وكراامتي ترااك بتخسرين رجلك لاتكفرين انك تغلين عليه .. انك تتجاهلينه .. لا تشوفين نفسك عليه .. لانك كذا راح تخسرينه رح تقديمنه لهاا على طبق من ذهب .. حنان اعرف ان كل شي عندك يهون ولا تحسين انك منزله من قدرك لكن يابنتي مافي شي بين الزوجين اسمه قدري وقدره انتو شخص وااحد .. ترى رفعة خشمك مابتفيدك بالعكس بتضرك بتخليه يبعد عنك اكثر واكثر قلت لها : يمه تعرفيني مو بانا الي تتبع المقفي امي بحده : بس هذاا رجلك مو باي احد .. والرجل مااايقفي عن حرمته الا لو بها شي رااجعي نفسك ياابنيتي ترى ان فات الفوت ماينفع الصوت قلت لها : ان شاء الله بحااول امي : حاولي يمه مارح تخسرين شي قلت لها : يمه خلي الي قلته بينااا وبين بعض امي : اكيد ياابنتي قلت لها : بمان الله يمه امي: بامان الله بعد ماقفلت من امي حسيت براحه قررت اخذ بنصيحتها واحاول اكسب يندر ..شلون مااعرف لكن بحاااول