ماكل من يضحك مع الناس مبسوط - الفصل 105 - بقلم بدوية عنيدة | روايتك

مو يعتمد على ذوق امه واخته مااكأن الناس اذواق قالت لي : انا معااك كلامك صح لكن عاد هذا العرف والناس صاارت تمشي عليه عندك ابوي انسان متعلم ومنفتح لكن لين عند العاداااات مخه يقفل ...تصدقين زميلتي زوجها ماااشااافها الا يوم زوااجهم حتى بعد الملكه ماكان يقدر يشوفها ولا يكلمهاا قلت لهاا : وربي تخلف *..... مــــــهره ......* حمدت ربي يوم رديت البيت وماكان فيه .. عقيت عبااااتي ع الشبريه ورحت صووب المطبخ ادور عيشه اكلها فتحت الثلاجه ماالقيت الا جبن وخبز يظهر اني لازم اسير ايب اغرااض للبيت اخذت ورقه من المفكره وقمت اكتب الاشيااء الي نااقصتني عسب ايبها معي الظهر وانااا راااده بعد مااخلصت الكتاااااابه ... خذيت عيشتي ورحت صوووب حجرتي اكلت وتمسحت لصلاة العشااا صليت وقريت لي شووي بالمصحف سمعت صوت باااب الشقه ينفتح ..وايقت من الباااب شفته رااااجع وشكل حااالته طييينه حسبي الله عليه تو السااعه مايت عشر الا وهوو منتهي ... بندت الباااب علي بالمفتااااح ... خفت يشوفني يعفد علي هو بحاالته هاااذي ممكن يسووي اي شي اللي مااخاف ربه خاااف منه .. طاح عيووني على صووره يم الشبريه كانت صورة امي وااابوي الله يرحمهم ضمية الصوره لصدري وانهمرت دموووعي تمنيت اني مت مع ابووي بالحادث الي صاارله او مت حسره عليه شراات امي .. الموت ارحم بكثر من اني اعيش مع هالسكير سمعت طق البااااب كان هوو : هي انتي فجي البااااب تكورت بزااوية من زواياا الغرفه على نفسي وانااا كل خوووف انه يكسر الباااب علي ... حطيت كفي على فمي اكتم شهقاااتي واناا اسمه يسب ويتووعد تم يمكن عشر دقاايق بعدهاا مل وساااار مدري وين المهم انه مو عند بااابي نقزت يوم سمعت موباايلي يرن طاالعت الرقم كان رقم ميثه شيلته : الووووووووو جاوبتها : هلاا ميثه سالتني : وش فيه صوتك ؟!!! كنتي تصيحين ؟!! جاوبتهاا : ايه ميثه : طقج مره ثااانيه كنت اشووف اثاار اخر طق انطقيته : لاااا بس كان يطق الباااب ومافتحت له ميثه : الين متى بتصبرين على ذاا الحاااال قلت لهاا : الين ماااياااخذني المووت ميثه : بسم الله عليج ان شاء الله هووو قلت لهاا : لا يااميثه تكفين هذاا اخووي مايرضيني تدعين عليه ميثه : صدق انج مدمغه .. المهم ماقلتي شلون كان الشغل ؟! قلت لهاا : الحمدالله زيييييين ريلج يعااملني زيين وفاطمه مو مقصره معااي سألتني : يعني مرتااحه مااتبين توصيه خااصه ضحكت : تسلمين ماتقصرين ميثه : لو تبين لاتستحي ترى اقدر ااثر على ريلي وااخوااااني تذكريت يوم طرت كلمة اخواني هذااك السباااال قلت لهاا : تدرين ان اخووج هذا حمداااانووه دمه ثجيييل ومااااصخ ميثه ضحكت : خخخخخخخخ لايكون طفربج ؟!! قلت لهاا : الا عفت حياااتي والسبه اهوو ميثه : خخخخخخخخخخخخخ حرجت : لاتضحكين ميثه : حليله اخوي اسمنه سوووالف قلت لها : الا حده سخيييف ميثه : هاااا بس عااااد كله ولا شيخ الشباااب حمداااان ملبس الفخر تيجااان قلت لها : الله الي يسمعج يقول حمدان بن راااشد ميثه : ولاا على ولد مكتوم زوود .. لكن اخووي غييير قلت لهاا : تدرين انا رااسي يعورني بنام عندي شغل ميثه : تصبحين على الطااعه جوبتها: وانتي من اهل الشفااعه *..... حنــــــــــان ......* صحيت ع الفجر صليت وقرأة قراان رحت اصحي بندر عشان الصلاة شفت لنبه المكتب شغاله عرفت انه صااحي فرجعت غرفتي جلست ارااجع شووي للامتحاان الين ماطلعت الشمس اخذت لي شوور لبست لي روب بيت بنووتي رفعت شعري ذيل حصاان وحطيت لي كحل ورطبت شفااايفي خرجت من غرفتي شفته جااالس ع الكنبه وقداامه اكواام من الورق شفته يخبي شي وسط الاكوام تجااهلته ورحت للمطبخ عملت فطوور كنت ارااقبه كان شكله مرتبك شكل عنده شي ناديته : بندر الفطور جااهز جاا وفطر وطول الفطور ماااتكلمناا وبعدين قاام سألته : وين ؟!! قالي : بتسبح وبروح الجامعه ... تبين شي جاوبته : سلاامتك !! بس لا تنسى الظهر اختباااري قالي : ان شاءالله ماارح انسى خليته الين مادخل غرفتنااا انتظرت عشر دقايق و جريت ع الطاولة اشوف الورق لقيت منديل مكتووب عليه رقم واسم بنت وكان مكتوب بقلم تحديد حسيت الدم يغلي بعرووقي ...ماحسيت بنفسي الا واناا دااخله غرفتي وشياطيني تتنطنط قدااام عيني كان توه خارج من الحماام " وانتو بكرامه " طالعني باستنكاار : اشفيك كذاا دااخله قربت منهاااا ورميت المنديل بووجه : شنوو هذااا شااف المنديل المرمي ع الارض : منديل قلت له : لاااا والله قالولك عمية ماااشووف طنشني وصار يطلع له ملاابس قهرني تطنيشه : بندر اناا اكلمك طالعني بنظرة بااارده : خييير قلت له : شنو هذاا تأفف : حنااان وش فيك قلت لك منديل .. قلت : بلا شغل الاستعباط انا اقصد الرقم قالي : ودامك عاارفه انه رقم ليه تسألين ياانااااس بيجنني : منوو ماااري هاااذي