الفصل 103
وش حيلة اللي هام في حب مخلوق
فرقاه موت وجيته مستحيله!!
×تركــــــــي×
رجعت البيت واناا تعباااان وحاااس نفسي شووي
واطيح من ضغط الشغل دخلت سلمت على الوالده وجدتي
امي : وين ابوك ياااتركي
قلت لهاا : ابوي مر ابو خالد تعبان شوي ورااح يزووره
جدتي : وانت ليه مااخااويته
جاوبتهااا : عياا اروح معه
سألت امي : وين نوور
جدتي : بحجرتهاااا
امي سألتني : تركي يمه بينك وبين حرمتك شي
قلت لها : ابد يمه مابيناا الا كل خير
جدتي وهي تشرب من فنجان القهوة : تركي ماله دااعي
تكذب عليناا انت طلعت ووجهك مقلوووب وحرمتك طول
النهاااار وجههااا مقلوووب
قلت لهاا وانااا اووقف : جدتي مااافينااا شي الله
يهداااك ... عن اذنكم
طلعت حجرتي فتحت الباااب كااان الظلام مغطيهاااا ..
ماعدااا نور الابجووره
شفتهاا وااقفه تتامل من الشباك اقتربت منهااا
ضميتهااا من الخلف .. اول ماصاارت بين يدي حسيت ببلل
بلل سببه دموعهاا الجااريه على خدهااا لفيتهاا بحيث يقاابل
وجههااا وجهي على طوول لفت بوجههاا عشان لااتواجهني
رجعت الف وجههااا وضميته بين كفوفي وسألتهاا : ليه ؟!!
كل هذاا زعل من الي صاار الصبح ؟!!!
نور اكتفت بهز راسهااا بمعنى لااا
سألتهاا : اجل ليه ؟!!
جاوبتني وهي تبعد كفوفي عن وجها : انا زعلاانه من
نفسي وعليهااا
عرفت قصدهاااا : نور الين متى رح تعذبين نفسك ؟!!
زاد انهمار دموعهاا وقالت : تركي ابي اطلب منك طلب
مسحت الدمووع باصاابعي وضميتها لصدري : انت تاامرين
يااكل تركي
*..... نــــــــور.....*
اول مااحضمني لصدره حسيت بكل حبه يطوقني يدفيني
يااخذ بيدي لبر الامااان ...هالحضن ماابي انحرم منه
مااابي احد يشاااركني فيه ماابي يكون بمكااني وحده
غيري ابد ... لكن لاا اناا لازم مااضعف لاازم اتخلى عن
اناانيتي استجمعت شجااعتي وقلت له : تركي ابيك تتزوج
حسيت ان الدم تجمد بعروقه .. اوحالي بهالشي نظرة
الذهوووول الي شفتهاا بعيوونه يوم بعدني عنه وصاار
يطاالع بووجهي كانه يتاكد من الي اقوله يبي يتاكد اني
صااحية وما اخرف
قلت له وانا اصطنع القوة وانا بداخلي اهتز اهتزاااز
ورقة شجر يااابسه بفصل الخريف ابسط النسماااات رح ترميهااا
من على الغصن العااري : تركي انت لازم
تتزوج من جديد .. لازم يكون عند ولد او بنت يشيلون اسمك
من حق ابوك وامك يشفون عيالك يلعبون حولهم ويفرحون
فيهم مو من حقي اني احرمهم من هالشي
عشان سعادتي مو حقناا انناا نعطيهم امل كذااااااب ماله
أي مصدااقيه
قالي بنبرة سخرية : حقهم !! حقهم !! ... وانااا وين حقي ؟!!!!
قلت : تركي أنـ
قاطعني :انتي قلتي الي عندك اللحين صار دوري اقول الي
عندي .. انا مو بلعبة تحركينها كيف ماتشتهي نفسك ولاني
بزر عندك ينفذ الاوامر من غير أي نقاش ... جزاك الله خير
اهتميتي بحقووق ابوي وامي طيب وحقي انا وين راح ؟!!!
مو من حقي اختار المره الي تكون ام عيالي .. المره الي
اشوفها الوحيده ألي تصلح تربي عيالي ؟!! اعتقد ان
هذا بعد حقي ؟!!!!!!!
قلت له : تركي لا نكذب على بعض انت اليوم تقول هالكلام
لكن بعد سنتين خمس عشر سنين رح تدور على العيااال !!
انت تأجل شي وقوعه حتمي طال الزمن او قصر
قالي : الين ذاك اليوم يحلها الرحمن
صرخت فيه : اذا كنت انت قادر تتحمل انا مو قادرة .. مو قادرة
اتحمل هالموت البطيء .. اسوء شي انك تكون ناقص ... انك
تتمنى العطاء وانت ماتقدر عليه .. انك تحرم الي حولك من شي
باسم الحب ..اناا صايره اكره نفسي اكرهاا لاني السبب في
حرمااانك من العيال اكرها لانهااا تحبك ومو قادره تنازل عنك
اكرهاا لانهاا تمنى تشيل عياالك بين كفوفهاا وبنفس الوقت
مايكونوون من غيرهاا .. تهقى ان من السهل علي اقولك
تزوج ؟!!تركي المره تموت ولا تشوف زوجها مع غيرها
تقاسمهاا حبه حيااته اهتمااامه لكن ماباليد حلية الي
اليوم ترفضه بكره رح تنجبر عليه ... صدقي محد رح يلومك
سحبني من ايدي وجلسني ع السرير جلس بجنبي وضم
كفوفي بين راحت يدينه
وقالي: نور انا مستحيل احد يجبرني على شي انا ماابيه
مستحيل احد يجبرني احط شخص بحيااتي يشاركني بكل
صغيره وكبيره فيهااغيرك انا كبرت واناا احلم فيك .. كبرت وانا
اتمنى اليوم الي تصيرين فيه حلالي ..
نور ان الله ماانعم علينا بالعيال فهذي قسمته لناا اكيد فيها
خير ان مو بالدنيا اكيد بالاخره من يدري لو صار عندنا
عيال كان عقونا " بمعنى عدم البر "
نور حنا منو عشان نعترض ع قسنته حنا منو عشان
نعاتبه ونقول ليه احرمتنااا واعطيت غيرناا من يدري لو تزوجت
وحده ثانيه زي ماتقولين وتكون سليمه ممكن بعد ماايجيني
منها عيال لان ربي راايد هالشي .. انتي قسمتي ونصيبي
وانا قاانع فيك ورااضي وشاايفك كثيره علي كمااان ... سكت
شووي ... عاارفي في بدااخلي شي يعتبرني مسئول
عن الي يصير لك اللحين لو ماتعرفت عليه لو ماجااني ذيك
الليله يمكن " حطيت كفي على فمه امنعه من الكلام "
قلت له : توك تقول قضاء الله وقدره
ابتسم لي وبااس باطن كفي : الحمد الله على كل حال ..
نورانا حجزت لك عند دكتوره بعيادة خااصه يمدحونهاا
خلينا نرووح ونشووف وش تقول
قلت : لو انعاد نفس الكلام ؟!!
قالي : بنحاول مره واثنيين وعشر
قلت له : مارح تمل
قالي : ابدااا ...دامناا ناخذ بالاسباااب ... بس ترى عندي شرط
قلت له : امر تدلل
قالي : موضووع الزواج مااااتفتحينه مره ثاانيه
قلت له : حاااضرين
*..... عبد الرحمن .....*
من رجعناا من عند اهل ليلى وانا حاس نفسي بطير من
السعادة كل شي تم على اكمل وجه. استقبالهم لنا ..
تفهم لوضعي .. جااس نفسي احلم ..ااخ لوهذا حلم ان شا ءالله
مااصحى منه ابد
سمعت صوت فرقعت اصاابع جنب اذني كان هذا عبد الله : صح النوم
ضحكت : وش فيك
قالي : ابد يااطويل العمر ..صاارلي سااعة اتكلم مع نفسي
وانت ولاانت هناا
قلت له : خير وش تبي .. ليه مارحت بيتكم اربع وعشرين
ساعة وانت عندناا ترااك مصختهااا وبقوة كماان
قالي : تصدق انك واحد ماتستحي هذا وانا متعني لك
ورايح اخطبلك