الفصل 40
شفت المقفي وربي ما اتبعـه لـو خطوتيـن
و أصبعي وهو أصبعـي لا غدرنـي أقطعـه
و بسألك سـؤال واحـد و الجـواب كلمتيـن
لا صار قدرك والهوى خصمين من تاقف معه
*تركــــــــــــــي*
سحبتني من كم البلووزه : ليه خذتني يااااتركي ... ليه اخذت
وحده مستعمله وحده تمتع فيهاا احد قبلك وحده انت جنيت
عليهاا وحده اجبرت تعيش معااك بااقي عمرهااا لييييييييه
يااااتركي ليه تااخذ وحده عاااااايفتك ماتطيق اسمك ولا شوفتك .
مسوي نفسك راعي نخووه ماااتبيي تلمسني غصب عني ..انت
خذتني غصب عني شتفرق عندك هذا انااا قداامك تفضل
(وفتحت الرووب ) شنو تستنى خذ الي بغيته واعفيني من
الاحساااس انك متفضل علي !!
ماحسيت بنفسي الا ويدي على خدهاااا
شفتها مصدوومه مني ..اعترف صدمتي بنفسي اكبر ماتوقعت
بيووم اني ح امد يدي على نوور حبيبتي لكن مااتحملت
كلامها عن نسهاا تكمت عن نفسها كانهاا انساانه رخيصه ..كيف
بترحمها النااس وهي مارحمت نفسهااا ..مااتحبني ماتبيني
كلامتهااا جرحت قلبي ماكنت اتصور كم الكره هذاا منهاااا !!!
كان نفسي اضمها لصدري اقولها اسف لكن مااقدرت جرحتني
واااايد غلطت واايد يمكن طريقتي غلط وكان مفروض اتمالك
اعصاابي ماقدرت ..ماقدرت اتحمل انهاا تعرض نفسهاا علي
كأنهاا بنت ليل مو زووجتي بشرع الله
قلت لها : ماكنت اعرف ان تفكيرك ضييق لها الدرجه معقول
هذي نظرتك لنفسك؟!! كيف تتكلمين عن نفسك بذي الطريقه
كأنك غرض مو كأنك بدم ولحم مو مهم انك تعرفي ليه تزوجتك
لان لو فكرتي بشكل منطقي كان عرفتي وياابنت عمي عمر ما
ربط الزوج بزوجته الفراااش الزواج موده ورحمه تفااهم وتآزر مو
مجرد متعه انا لاا ني ملااك ولاا انساان مثاالي انا بشر زي زي
الناااس اغلط واتعلم من غلطي تلوميني ع اللي صار زمااان انا
شذنبي النااس تعيش عمر مع بضعهاا ويكتشفون انهم انخدعواا
ماتبيني واناا مراهق انخدع هل اناا الي قلت له تعال اسكر
واغتصب بنت عمي كيف عقلك يصورلك هالاشياااء واذا نظرتي
لك على انك مستعمله (اوجعتني هالكلمه ) ماكان قبلت اني
اخذك .انا اعرف زيين ان مالك ذنب ولو بحط الذنب عليك كان قلت
شجابهاا غرفة واحد وهو ماهو فيهاا اكيد عندهاا شي ولا الجو
ماااطر ومافي احد بالحديقه ؟!
صرخت : انا كنت طفله
قلت لها ابغى احسسها بشعور المظلووم : مااايمنع ... نور
صعب النااس تحترمك اذا مااحترمت نفسك وقدرتهاا ..عن اذنك
سالتني : ووووين
قلت لهاا : ماا اعتقد يهمك ... تصبحين على خير
*نـــــــــــــــور*
خرج وسابني وحدي انفجرت ابكي لعنت نفسي ملااين المرااات
لاني تكلمت معااه بذيك الطريقه لعنت نفسي لاني جالسه اكذب
عليهاا لعنت نفسي لاني اهنتهااا كنت باادق على حنان
افضفض لهاا اسمع مشورتهاا لكني تراجعت باللحظااات
الاخيره الين متى رخ اعتمد على غيري بحل مشااكلي ؟!!!
عزمت انه لو جااء باعتذرله ...
جلست استنااااه عدت 12 وعدت 2 وهو لسى ماجااا خفت عليه
واااايد خفت يكون صارله شي مااعرف شسوي ادق على من
واسأل من عنه ويلي مااارتحت الا يوم سمعت الباااب ينفتح
خانتي رجلي ماقدرت اجري واقوله والله اسفه مو قصدي
بسرعه دخلت غرفتي وقفلت الباااب عشان يفكرني ناايمه
جلست على سرير لكن دمووعي خانتني بديت ابكي بلاا صووت
*تركــــــــــــــــــي*
رجعت متأخر على امل انهاا ممكن تكون تستنااني .. تكون تبي
تعتذر لكن كل ظني خاب يوم دخلت الصاله ومالقيتهااا عرفت ان
كلااامي كله ماله اهميه عندها عرفت ان انااا كلي على بعضي
مالي أي ذرة اهتماام وان وجودي زي عدمه بحياااتهااا
قررت عناد فيهاا ادخل الغرفه واناام فيهااا اذا هي مااهتمت
فيني انا ليه اهتم فيهاا فتحت الباااب بشويش مااحبيت اني
ازعجهااا لكني تفاجأت يود دخلت ولقيتهااا صااحيه ودموعهااا
على خدهاا.... اول ماانتبهت لي مسحت دمووعهااا ..
كانت ابي اسالهاا شفيهاا شصاار لكن ماهنت علي نفسي
خلاص النفس ماعاادت تحتمل أي اهاناااات
من لايوك لاتوده ارفــــــــع مـــقامـــــك ياعزيز المقاامي
حي يوريك المذله وتغليه انا اشهد انك ميت القلب عامي
جلست ع الطرف الثاني من السرير كناا عاطين بعض ظهورنا
سالتني بصووت مبحوح من البكااء : شتسووي هني ؟
قلت لهاا من غير نفس : الغرفه اعتقد لي ولك واناا بنااام هني من الليله
قالت لي : بس انت قلت انك
قاطعتهاا اقهرهاا : انتي بكبرك ماعدتي تهميني المعزه الي
كانت لك بالقلب خلااااص انمحت والخير والبركه فيك وانسدحت
وتغطيت يااقال اني بااناام ولكن وين يجي النووم وانا حااس
فيهاا وبارتجافة جسمهااا واسمع صوت بكاها المكتوووم
*حـــــــــــــــنان *
طوول الليل مااااقدرت اناام او حتى اخذ غفووه مريم كاانت تهذي طوول الووقت بفعل الحمى .. قلبي يااكلني عليها شلون برووح
واخليهاا من رح يكون جنبهاا نور بعيد بالرياض وليلى ماتقدر
تستحمل هالضغط يالله ياامريم رح اسيبك لميين ؟
شفتهاا بدت تفتح عيونهااا اقترب من سريرهااا
قلت لها : حمد الله ع السلاامه كذا فجعتينااا
مريم : وين اناا
قلت لها : بالمستشفى امس اغمى عليك وجبناك
مريم : انتكااسه مووو
حسيت بغصه قلت لهاا : اااايه
مريم وهي تطالع جهت الشبااك : كنت حااسه بهالشي الوجع
كان يجي ويرووح
قلت لها : ليه ماااتكلمتي
قالت لي : كناا مشغوولين بعرس نوور ماحبيت انغص عليكم
الفرحه ..بس حساافه جات على راسك انتي
قلت لها : ولاايهمك
مريم عيونهاا بدت تجمع فيها الدمووع : ااسف حنااان دوووم
اتعبك معااااي حتى بالوقت الي مفرووض تتحضرين لعرسك
حرمتك منه
قلت لهاا : بلاا غبااء انا اول شي مابسووي عرس وقايله لابوي
وعمي هالكلاااام وثااني شي انتي اختي حبييييييييييبتي اذا
ماوقفت معااك بشدتك مع من اووقف هااا ؟! يعين انا لوكنت
مكانك مااكان وقفتي معااي ؟
مريم : بسم الله عليك لا تتفاولين على عمرك
مسحت على راسها : ياعيني ع الصلعا الحلووه تلق لق خخ
مريم : خخخخخ عااجبتك اتحدااك تسويين زيهاا
حنان : كااان ودي لكن ابووك مهددني المقص يدخل بشعري
شوفي طوول ولااني قاادره اقصه
مريم : ايه باااين وااصل الين الارض من الطوول
حنااان : خخخخ تخيلي انا شعري طوويل ويلي كيف بمشي
وقامت تهز راسها يمين وشماال
مريم : ههههه
انطق الباااب ودخلت عليناا ليلى وامي وعمتي وعمي وابووي
ليلى وهي تحط القهوه ع الطاوله والشوكلاته : جبناالك
الشوكلاته من باااتشي مع انك ماتستاهلين
مريم : لااااااا ؟
ليلى وهي تقرب وتبوسهاا على خدها : ايييه لانك طيرتي قلبي من مكاانه
قلت لهاا : مو ذنبهاا انك جباااااااااااااانه
ليلى : محد حطك محامي
امي : بس انتي وهي تراكم بالمستشفى وقربت من مريم
وبااستهاا على جبينهاا
امي : شلووونك مريوووم