الفصل 34
نور : ا ا ا انا مو خاايف
قلت لهاا : اذا مو خايفه ممكن ترجعين مكاانك
قالت لي : ان ان شاء الله
قلت لهاا : اكيد انتي جيعاانه طلبت لناا فطووور شرايك نفطر
ونخرج نتمشى البحر
اكتفت بهز رااسهااا
حسيتهاا كانهاا طفله وانا والدهاا الي اعااقبها تطيعني من غير
أي نقاااش حز في خاطري هالشي لان متأكد انهاا خاايفه
وخاايفه مني وااايد
كملت كلااامي وبعد صلااة الظهر نجي هنا نبدل ونروح الغذاا
فبيتكم
بعد مافطرنااا طلعنا انا ويااهاا نتمشى مشينا ع البحر وجلسنا
نتامله حاولت افتح حوار مع نور الا انها طول الوقت غرقاانه في
السرحااان
شفتها جلست على مرجيحه قربت منهاا وقمت ادفهاا بشوويش
قالت لي : لو سمحت اتركني
قلت لها : ماتبين تلعبين وزدت من قوة الدفع
نور قالت لي : اقوول وقف مااابي
وقفت اللعبه ووقفت قبال وجههاا فصارت ماتقدر تقووم قلت
لهاا : نور لاتحرمي نفسك من فرصة الاستمتااع بالحيااة ... ترى
اللحظاات الي تمر من عمرك ماارح ترجع ثااني ابدااا مهما
عملتي ...انسي اني موجود معااك هناا وحاولي تستمتعي
شكل كلاامي دخل مزاجهاا لانهاا قالت لي : ممكن تدفني طييب
ابتسمت وقلت لهاا : تامرين امر
قالت لي بلهجة امره : مو بقووه ساامع
قلت لهاا : حاضرعمتي اوامر ثاانيه
ضحكت نوور وكانت هذي اول مره اسمع فيهاا ضحكتهاا كانت
حلووه وااايد
رجعناا وقت صلااة الظهر صليناا واتجهناا لبيت عمي
------------
بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
*امريكاا *
فتحت عيونهاا بكسل ..نامت ع الكنبه من غير لااتحس ..وقفت
تدور عليها وين رااحت ؟ .. صمعت صووت طالع من المطبخ
اتجهت له وشافتهاا تجهز العشاا
* ســــــــــــــــــــــارا *
واقفه قدام الفرن تطبخ العشاا امم الرايحه حلوه اعتقد انهاا
مسويه كيكه الشوكلاا الي احبهاا ..شكلهاا تغير عن اخر زياارة
ضعفت شوي زادات التجاعيد حول عيونها الزرق الشعر الابيض
زاايدها جمااال رغم انهاا الان باواخر الخمسيناات الا انها بمنتهى الجماال .
انتبهت لوجودي قالت لي : finally you wake up
ابتسمت لها وقلت : ماادري متى نمت ..احس نفسي مانمت من سنيين
ردت علي الابتسامه : اعتكد لانك مجهدة
قلت لها maybe
سالتني : ابوك يأرف بانك هوون
ابتسمت بسخريه : مااعتقد اني ضمن اهتماامااته ...تلاقينه
بmeeting او مساافر برحلة عمل
جاوبتني تعاتبني : don’t speak about your father like that
جاوبتها : عمري ماحسيت انه ابووي ..بليز ماابي اتكلم عنه
قالت لي : ok بس رح تكولين لي وين اهتفيتي
قلت لها : ok do you need a help
ابتسمت لانها تعرف اني مااعرف شي بالمطبخ : نوووو
جلست ع الطاوله استناهاا تخلص ارااقبهاا وهي تشتغل احسها
تطبخ بكل حب هذا سر مذااق اكلها اللذيذ ..
*بيت ابو نور *
وصلو العرساان للبيت الكل كان بالانتظاار الرجال ببيت الشعر
والحريم داخل البيت
اول مادخلوا اتجهوا لبيت الشعر سلمووا
ابو نور وهو يضم بنته لصدرهاا : هلا برووح ابوهااا هلاا والله
بالنوري
نور تبوس راس ابوها : اشتقت لك يباا ..اشتقت لك وااايد
ابو تركي يمازحهاا : اللحين غبتي يوم اشتقتيله
نور: هزت راسها بمعنى ايه وهي بعدهاا حاطه راسها على كتف
ابوها ويدهااحول خصره
ابو تركي اجل شبتسوين يوم تروحين الريااض لاتكوني كل يوم
ماسكه خط الرياض جده هااه ترى ولدي بيتعب
تركي وهو يطالعهاا : احنا حاظرين للغاليين
بندر يوقف بصف نور : غصبا عليك مو طيب منك وان رفضت لا
يهمك ياابنت العم انا اجيبك
تركي : لا والله انت بتكون مو هني
بندر : مو مشكله اركب طيااره واجيها بس عشان اوصلهاا
ابو نور فشل بندر : ابوووك يالشلخ
ضحك الكل على بندر ..تركي استأذن من الرجال ودخل هو
وحرمته ليسلموون ع الحريم
اول ماانفتح باااب الفله انطلقت صووت الزغااريد خلعت برقعهاا
ودااارت بنظرهاا في البيت
* نــــــــــــــــــــــــــــــور *
يالله كلها ساعات الي غبتهاا واشتقت فيهاا لذا المكاااان ياااحلو
رجووع الانساان لبيته
ضمتني امي لصدرها وهي تبكي واناا ابكي اول مره ابعد
عنهااا وابعد عن صدرهاا
بكيت بحرقه بكيت بالم بكيت حسره لاني رح افقد هالحضن
الدافئ اااخ يمه ليتني جنيين ببطنك لجل مافااارقك ااااه يمه اااه
جا صوتهاا حااد : شفيك انتي تصيحين يقول عندنا عزااء صيحتي
البنيه ارتحتي اللحين
امي وهي تمسح دموعهاا : اشتقت لهاا يااعمه اول مره
تفااارق حظني اول مره مااتباات بحجرتهاا ولا على سريرهااا
واليوم اول مره افطر من غيرهاا وماتبيني ابكي ؟!!
تركي حاااول يلطف الجو : يااعيني يااعيني وانا محد فقدلي
يااحسرتك يااتركي
عمتي خبطته على ايد الخفيف : يااشين الغيره بس
تركي : اااخ يعوور والتفت لي وقااال نور شوفي دودو
بصرااحه فطست من كل قلبي ضحك على حركته وطريقة
كلامه كأنه بزر
جدتي خبطت بالعصى : استح على وجهك رجال طول بعرض
تقول دودو شخليت للمبزره
تركي وهو يبتعد اتجااه الباااب : هذي من جد دووووووودووو
وخرج وتركناا لوحدناااا .... بعد خرووج تركي نزلو حنااان وليلى
ومريم .. ضميت كل وحده فيهم ..ماتخيلت اني رح اشتااق لهم
بالمده البسيطه
ليلى وهي تبوسني : صبحيه مبركاا ياااعروسه
قلت لها الله يباارك فيك
جااتها حنان ودفتها : وخري خلينا نسلم
ليلى : ماااااااالت بشويش
حنااان : هلاااااا نوااااري شلونك شخبااارك وهمست بصوت
وااطي بعدين خبريني شصار بعد مارحناا .وابتعدت عني وهي
تبتسم بمكر
مريم جاات : هي انتي اعترفي شقالت لك الدوبا هااذي
قلت لها: مارح تسلمين
قالت مريم : الا امواااااااااااااااه اعطتني بوسه قويه ع خدي
وبعدين قرصتني بالخفيف والله اشتقنى لك يالخسفه
عمتي حليلها تدافع عني : بسم الله على حرمة ولدي الا تقوول
للقمر قووم وانا اقعد مكااانك (ملاحظتها خلت وجهي يحمر )
ليلى علقت : الله الله ياابختك يااستي داام الست الحجه رااضيه عليك
مريم قالت لليلي : اقوول يالحبيبه بالله رجعي الموووجه ع
السعووديه ارسال مصر قاام يقطع
ليلى : خخخخخ حاظر عمتي
جدتي مستحيل تسيب الموضوع يعدي : الحمد الله والشكر
ولدي جاايب مخفااات
طنشناا جدتي ماحبيناا تفسد عليناا فرحتنااا