الفصل التالت
انا عماد شوقي الديب
خالد :اه اهلا بحضرتك يا سياده المستشار
عماد :انا كنت جاي عشان عايز اعمل مع حضرتك اتفاق
خالد باستغراب :اتفاق ايه
عماد :انا محتاج مهندسين من شركتك يجو يشتغلو عندي في مكتبي
خالد باستغراب :حضرتك احنا شركه هندسه ديكور مالنا ومال المحاماه
عماد بضحك :لا يا استاذ خالد انا عايزهم يجو عندي يغيرو الديكور بس يكونو تابعيين لمكتبي انا اصلي بغير شكل المكتب كل فتره ومكانو كمان
خالد باستغراب وشك :تمام انا موافق بس هي حاجه غريبه
عماد :عارف انها حاجه تبان غريبه شويه بس انا شخص بحب التغيير جدا
خالد :تمام يا عماد بيه من انهارده هوجهه المهندسين لمكتبك مفيش مشكله
عماد :وانا واثق جدا في شغل شركتك اصل دي شركه الندي مش اي شركه
خالد بابتسامه :شكرا يا فندم واحنا قد الثقه دي
دلف عماد شوقي خارج غرفه المكتب في شركه الندى التي اسسها خالد واصبحت من أهم شركات هندسه الديكور
،،،،،،،،،،،،،،،،،،،،،،،،
على الناحيه الأخرى
كانت تجلس ندى مع أصدقائها الذين تعرفت عليهم في جامعتها تصميم الازياء
ندى :اوووف بجد انا اول مره ازهق من تصميم كده
روان :فعلا والله فستان في تفاصيل كتيره اوي صعب الواحد يرسمها
شهد :لا وكمان الدكتور اللي اسمو عدلي ده بيقول لنا اننا الاسبوع الجاي هنسافر اسوان
ندى بسخريه :قال عشان نطلع تصميمات زي روح النوبه دا دكتور مم، حون
روان :على الاقل انتي يا ندى بتحبي السفر لكن انا بنزل الجامعه بالعافيه
ندى بضحك ولهجه صعيديه :يستي حبي السفر اكده وافرحييييي وظجططيييي
روان بضحك :يست اظحطط ايه بس داحنا هنتشويييي في الشمس
ندى : انا متخيله شكلنا واحنا هدومنا لزقت في لحمنا ونزلق في قاعده الحمام زي محمد هنيدي في فول الصين العظيم
شهد بخضه : فااال الله ولا فالك يست انا محتاجه ورا،،كي
ندى بضحك :طب يلا بنات وشوفو الواد زياد فين مش هيجي معانا المحاضره ولا ايه
شهد بحب :لا ميجيش ايه هو جاي انا قولت له انو فاتو محاضرات كتير
ندى بهيام مضحك :اممممم ياست شهددد
روان بضحك : اسكتو عشان زياد جاي هناك اهو
نظرت شهد سريعا عليه بإعجاب
شهد:زيااد فينك مجتش تقعد معانا بين المحاضرتين ليه
زياد باحراج :اصلي شديت انا ودكتور عدلنّي(عدلي) ده المحاضره الي فاتت
ندى بضحك شديد :يلهوي لو سمعك دكتور عدلي وانت بتقول عليه عدلني ههههههههه
زياد بابتسامه جذابه:متخافيش زياد مبيتهددش يا دودو
نظرت ندى له بغضب :زياد قولتلك كذا مرا مش بحب دلع دودو ده،
زياد باستغراب :انا بقي تفسي اعرف ليه مش بتحبي الدلع ده مش انتي قولتي ان مامتك كانت بتقولك كده المفروض تكوني بتحبي الدلع ده
ندى بحزن وهي تفتكر صاحب الدلع اللي هو خالد لتردف : أحب الدلع ده من الشخص نفسو مش من حد غيرو يا زياد
روان :طب خلاص يا جماعه تعالو المحاضره بدات
اتجهو كلا من ندى وروان وشهد وزياد اللي قاعه المحاضرات
ستوووووووووووب،،،،،،
زياد جلال الدين / شب في 20من عمره وسيم للغايه حيث يمتلك شعر اسود وعيون سوداء وحواجب سوداء وكثيفه زياد يشبه كثير،، فريد،، بطل المسلسل التركي (طائر الرفرف) وطول قامه مع عضلات
روان عامر طه / فتاه في عمر20 أيضا تمتلك روان البشره الحنطيه الجذابه وشعر بني قصير وما يمزها هو نمش وجهها وعيونها البني
شهد محمود زيدان /فتاه في عمر 20 أيضا تمتلك شهد العيون الواسعه البنيه مع غمازات الخد مما يميزها وتمتلك الشعر الكيرلي متوسط الطول
،،،،،،،،،،،،،،،،،،،،،،،،،،،،،،،،،،،
وعلى الناحيه الأخرى دلف خالد اللي منزله الفخم حيث كان يسكن في قصر علي الطراز المودرن الحديث،،،، بمجرد دخول خالد المنزل
جومانا بصراخ :خااااااالد الحقنيييييييي
خالد : جوماناااااااا
ماذا سيحدث يا ترى