ريم - الفصل 1 - بقلم إبــنـه المجهـــوله - مكتملة | روايتك

أنا ريم… بنت لبنانية، عمري 26 سنة متزوجة من سامر من 3 سنين كنت مفكّرة إنو حياتي حلم كبير بيت صغير، حب كبير، وضحك ما بينقطع بس الحلم ما بيكمل دايمًا متل ما منريد سامر كان يشتغل كتير ودايمًا تعبان وكنت قول لحالي تعبان كرمالنا كنت حضّرله الأكل بفرح واستناه يرجع عالليل متل أي زوجة بتحب زوجها بس شوي شوي بلّش يتغيّر كل شي صار يطوّل برا البيت أكتر وصار يخبّي تلفونه عني ضحكته صارت أقل ونظراته صارت باردة حسّيت في شي غلط بس سكّت مرة سألته وين كنت قال شغل كلمة وحدة بدون تفاصيل قلبي ما صدّق بس عقلي سكّت بلّشت لاحظ عطر نسائي على قميصه مو عطرّي مو عطر بيتنا عطر غريب بيكسر القلب بدون ما يحكي كل ليلة كنت نام وأنا قلبي موجوع بس عم كذّب على حالي لحد ما إجت الليلة اللي غيّرت كل شي كان ناسي تلفونه عالكنبة وأنا ما كنت رح فتّش بس رسالة ضوّت الشاشة لحالها اشتقتلك حبيبي… إمتى منشوف بعض تجمّدت قلبي وقف ورجعت قريت الرسالة مرة تانية ما كنت عم صدّق فتحت المحادثة وكان في اسم بنت وكلام حب واضح كلام ما بيطلع إلا من خيانة حسّيت الأرض عم تهتز تحت رجلي سكّرت التلفون بسرعة وقعدت عالأرض ما بكيّت أول شي بس صرت ارتجف يعني كل هالسنين كذب؟ رجع سامر بالليل وكان طبيعي كأنو ما في شي دخل وقال شو في عالعشا نظرتله بصمت وما جاوبته حسّ في شي غلط وقال ريم شو فيك ابتسمت بس ابتسامة موجوعة وقلت ولا شي بس من جواتي كنت عم انهار أول مرة بحياتي بحس حالي غريبة ببيتي أول مرة بحس إنو الشخص اللي بحبو عم يخوني الليل كان طويل كتير وهو نام بسلام وأنا عيوني ما سكّرت كنت عم فكّر ليش وكيف ومن إمتى كل الذكريات صارت توجع كل ضحكة صارت كذبة بعيوني تاني يوم قررت إني ما رح كون ضعيفة ما رح صرخ وما رح اكسر شي بس رح أفهم الحقيقة للآخر فتشت بهدوء مو لأني حابة أجرحه بس لأني حابة أعرف مين أنا صرت بحياته لقيت أدلة أكتر مكالمات مخفية رسائل مخبية حياة تانية كاملة بهديك اللحظة فهمت شي مهم الخيانة مو بس حب برا الخيانة كذب يومي قعدت عالكنباة وقلت بصوت واطي خلص سامر دخل البيت بنفس اللحظة حس التوتر بالجو وسأل في شي نظرتله هالمرة بشكل مختلف بدون دموع وبدون رجفة قلت إي في سكت فجأة وقفت قدامه وقلبي لأول مرة ما كان عم ينهار بل عم يقرر قلت نحنا لازم نحكي وشفت الخوف بعيونه لأول مرة وبهيك بلّشت المواجهة الحقيقية بيني وبينه بين الحقيقة اللي ما عاد في هروب منها وبين حياة كانت مبنية على كذب سامر ما كان متوقع إني أعرف وأنا ما كنت متوقعة إني أقوى بهالشكل بس الخيانة بتخلق نسخة جديدة من الإنسان وأنا بلّشت أتغيّر ومش رح أرجع نفس الشخص أبداً ---