اسكريبت مابين سطرين ☀🩷
-انتي فين يا أسمي برن عليكي مش بتردي.
-التلفون كان صامت كنتي محاتجه حاجه.
اتكلمت بأستغراب:
-مالك انتي معيطه ولا ايه؟
-لاء مش معيطه هقفل دلوقتي وهتصل عليكي بعدين.
-بعدين ايه انا عاوزه اقولك على حاجه مهمه.
-بعدين معنديش طاقه اسمع حاجه.
-ماشي ياحبيبتي سلام.
"اتمشيت لحد اما وصلت عند المكتبه بحب المكان ده، بحس بريحة الكتب بتحضني،
قعدت اختار والف لحد مالقيت رواية اشتريتها وروحت"
-اهلا باست فيلسوفة.
-خير ياماما في ايه؟
-بنت خالتك اتصلت عليكي ميت مره حضرتك كنتي فين؟
-كنت بشتري روايه وبعدين انا كلمتها، ايه القصه بقي.
-اتكلمي كويس وبعدين رواية ايه مش بتزهقي.
اتكلمت ببرود عكس اللي جوايا:
-لا مش بزهق عن اذنك رايحه انام.
-نامي ياحبيبتي مش نافعه غير في كده.
"داخلت اوضتي اتوضيت وصليت وقعدت اقرأ في المصحف شويه وبعد كده نمت، قمت على مكالمة من مريم"
-حد بتصل على حد في الوقت ده؟
-ايوه انا كنت عارفه انك هتقومي تصلي الفجر قلت اتصل عليكي.
-طيب لو بتتصلي عشان الموضوع يريت متتكلميش انا مش عاوزه اتكلم.
-هتفضلي لحد امته بتهربي من كل حاجه من كل مشكله من كل تحدي في حياتك جربي مره توجهي.
-مس عايزه اجرب زهقت ومعتش قادره، انا مش فاهمه انتو عاوزين مني ايه؟
-عاوزين راحتك عاوزينك تعيشي حياتك الطبيعة عادي مش بنتطلب المستحيل منك.
اتكلمت بعياط:
-عاوزيني اعيش حياتي ازي انا مش عارفه لي كلكم فاكرين اللي عندو مشاكل نفسيه يبقي مجنون او خلاص مالوش حق انو يعيش
تعبت من بصة الناس ليا تعبت ومش عاوزه اكمل.
-طيب اهدي متعيطيش انا فاهمكي والله حقك عليا لني فتحت الموضوع.
مسحت دموعي واتكلمت بخنقه:
-حقك انتي عليا لو اتكلمت معاكي بطريقه واحشه انا متلغبطه بس اليومين دول وحطيت همي عليكي.
-متقوليش كده انتي مش بس بنت خالتي انتي صحبتي واختي يا بت روقي كده وبكره اعدي عليكي نروح نجيب شورما
وارمي كلام الناس في اقرب باسكت.
-حبيبتي متحرمش منك مش عارفه من غيرك كنت عملت ايه.
-طيب قومي كملي نوم وانا هتصل عليكي بكره يلا تصبحي على خير.
"قفلت مع مريم وقعدت في البلكونة، كلن الجو هادي ويطمن حتي لو الدنيا مقلوبه بصيت لسما وانا حوايا كلام ومش عارفه اثول ايه…
اتنهدت بهدوء وقلت….. ياارب"
قمت الصبح رتبت اوضتي ومريم اتصلت عليا اتفقنا هنخرج فين وجهزت نفسي ونزلت.
-ايه يامريم اتاخرتي اوي.
-معلش المواصلات اللي عطلتني، اومال ايه ده.
-دي روايه جديده لسه نازله بقرأ فيها.
-يادي النيله على الروايات احنا هنجوزك واحد من الابطال دول.
-انتي وماما اعداء العالم بتاعي، يلا عشان منتاخرش.
"ركبنا وصلنا المكان واقفت في جمب وخليت مريم تروح تجيب لينا عصير، وبعد شويه جات"
-امسكي ياستي.
-تسلمي، هنروح فين بعد كده.
-عايزه اروح اشتري طقم عشان فرح امل بنت عمي.
-بتاعت مصلحتك برضه يا مريومه.
"روحنا اشترينا الطقم بتاعها بعد لف ودوخه ما يعلم بيهم الا ربنا"
-روحي انتي بقي اطلبي السندوتشات.
-انا قادره اتحرك روحي انتي.
-هقعد جمب الشنط وأنتي روحي انا اللي طلبت العصير.
-ياربي حاضر رايحه.
"روحت طلبت واستنيت دوري ياجي وفجاه…."
-انتي مش شايفني يا استاذ؟
-لا شايفك في حاجه.
-اه في في قلة ذوق لان انا واقفه قبلك وحضرتك جاي عليا وعايز تمشي قبلي.
-انا مش هرد عليكي عشان انتي بنت.
-ايوه برضه التزم بدورك وارجع وراء.
-انتي شايفني عيل قدامك ولا ايه؟
-لا مش عيل بس ارجع مكانك يلا.
"ضحك ضحكه خلتني مصدومه….."
-مش راجع هتعملي ايه يعني.
-علفكره انت انسان مش محترم لم تعمل كده.
-ماشي انا موافق اني مش محترم، يلا لو سمحت هات طلبي.
-لو سمحت متجبش له حاجه انا اللي طالبه قبله، مشيني عشان مش هسكت.
-خوفت انا كده.
-ياربي على البرود التزم حدودك وارجع يلا.
-اتفضلي يا انسه و متعمليش مشاكل.
-مكان من الاول لازم كل ده.
"مشيت شويه وبعدين اتكلم"
-علفكره انا عديت بمزاجي.
"بصيت له بقرف وسبته ومشيت"
-ايه يابنتي كل ده انتي اللي بتعمليها.
-معلش بقي عملت مشكله مع واحد قليل الذوق.
-طيب يلا امك بترن وبتزعق.
-بجد طيب تعالي نقعد نأكل وبعد كده نروح.
-نص ثقتك واغزو العالم.
اتكلمت بضحكه:
-يلا مش هتبقي بايظه من كله.
"قعدنا اكلنا وبعد كده روحت، اتوضيت وصليت كنا بقينا الظهر."
-ماما
-رجعتي؟
-ايوه بس حاسه نفسي ضغطي واطي.
-اجبلك مخلل ولا ايه؟
-لا هبقي كويسه.
-اومال مالك حاسكي متغيره الي مين دول؟
جوبت وانا بتهرب:
-لا مفيش كلو تمام هدخل ارتاح شويه.
-ماشي ربنا يريحك ياارب.
"دخلت اوضتي اللي تقريباً مكان لهروبي من كل حاجه، مسكت الفون وحاولت الهي نفسي عشان مسبنيش لدماغي"
وفجأة
رن الفون.
بصيت في الشاشة..
رقم غريب.
رديت بتردد:
-ألو؟
جالي صوته… نفس الشخص اللي حصل بينا موقف في المطعم.
اتوترت:
-انت جبت رقمي منين؟!
ضحك بهدوء:
-ده مش مهم المهم إنك سيبتي انطباع صعب يتنسي.
"قلبي دق بسرعة… ومكنتش فاهمة أنا متوترة ليه"
-انا عارف ان مكنش لازم اتصل بيكي بس ممكن نتكلم شويه.
-لا مش ممكن ويريت تمسح الرقم وكفايه قلة ذوق لحد كده، مكنش ده سندوتش شاورما.
-شورما انتي تفكيرك في السندتش؟
-اومال معلش هفكر فيك لو سمحت امسح الرقم.
-يا أنسه مش بتكلم اعاكس عايزه افهم حاجه.
-وانا معنديش وقت تقفل ولا اقفل انا؟
-ماشي يا اسمك ايه صحيح.
-وانت مالك دانت انسان غريب بجد.
-ماشي على العموم اسمي يوسف.
"قفلت بسرعة قبل ما يقول أي كلمة تانية… بس الغريب إني فضلت باصة في الفون… مستنية يرن تاني."
لو مكان أسمي… كنتوا هتقفلوا ولا تكملوا كلام؟ 🤔
رأيكم أسمي كانت قوية ولا مبالغة شوية؟
في حد زي أسمي في طريقتها؟!
شايفين في كيميا بينهم من أول موقف ولا لأ؟ 😍
متنسوش تعملوا متابعه🎀💗
متنسوش تقولوا رايكم في الكومنتات 🎀💗
#حواديت أسماء
#أسمي_يوسف
#حكايات_واقعية
#دراما
#قصص_قصيرة