ذكري ولكنها دمرتني - الفصل الرابع - بقلم ملك محمود - مكتملة | روايتك

خطوة خطوة الصوت كان واضح ورايا على السلم بس كان خفيف بس كان طالع على السلم بثبات انا وماما وقفنا مكانا متحركناش الهواء بقا ابرد من الاول قولت لماما بصوت مرتعش وخايف : هوا في حد طالع...... ماما مسكت أيدي بخوف وقالت بصوت يكاد مسموع : متبصيش وراكي خالص مهما سمعتي الصوت قرب مننا اكتر وبعدين وقف قدام باب الاوضه الصمت حل بالمكان فجأه كان الجو تقيل خانق وفجأه الباب اتحرك لوحده اتفتح الباب ببطء صوت فاتحه كان مزعج... وبعد لحظه ظهر على الأرض ظل صغير ظل طفله مسكت ايد ماما بخوف ورعب قلبي بيدق بسرعه الظل كان واقف ثابت لحظات بدا يتحرك جوا الاوضه فضل يتحرك لحد م وصل عند الكرسي الكرسي اللي كان عليه الفستان الفستان بدا يتحرك لوحده كأن في حد لبسه بعد لحظات سمعنا صوت طفولي بنوته صغيره بتقول : انتِ وعدتيني هنفضل تلعب سوا لي عملتي كدا انا واقفه مصدومه من كل اللي بيحصل معتش فاهمه حاجه حاسه اني سامعه الصوت دا قبل كدا صوتها كان مألوف عليا نبرة الصوت كان طفولي بس فيه وجع وخنقه قولت بصوت مهموس : بس انا كنت بلعب بس مكنتش اعرف ان كل دا هيحصل.... ماما بصتلي وقالت : انتِ مكنتيش تقصدي حاجه لكن الصوت قاطعها وقال : انتِ سبتيني لوحدي النور بدا يبقى ضعيف الاوضه بقت ابرد من الاول واكتر لقيت حاجه بتمسك طرف هدومي بصيت تحت ملقتش حد لكن هدمي كانت بتتشد لحظه وظهر ظل وأثر أقدام الطفله على الأرض كانت بتمشي ناحيه الباب وفجأه وقفت فضلت واقفه ثانيه اتنين تلاته فجأه ظهر قدامي صوره لطفله لابسه الفستان الأبيض شعرها لآخر ضهرها ملامحها بيضاء وفيها شبه كبير مني بس في أثر شحوب على وشها عينيها واسعه بصت عليا وقالت : انتِ خرجتي..... وسبتيني لوحدي فجأه لقيت صور ومشاهد بتيجي في دماغي لقيت نفسي صدعت مره واحده مش قادره من كتر الوجع اللي في دماغي مشاهد غريبه باب بيتقفل ضحك صراخ طفله بتخبط على الباب افتحي انا هنا حد يفتح لي صرخت وانا ماسكه راسي كفاااايه.... انا هنا هنقذك هرجعك الطفله سكتت بعدها اتكلمت بصوت هادي مخيف لي اتاخرتي دا كله انا كنت مستياكي في اللحظه دي ماما بدأت تبكي بصوت عالي وقالت : سامحينا الاوضه بقت هاديه هدوء مرعب الطفله رفعت ايديها الصغيره ناحيه المرآه المرآه بدا يظهر فيها شرح وفجأه ظهر جواها نفس التاريخ 3/4 بس كان تحت التاريخ كلمة ارجعي فجأه النور انطفى وظهر صوت : اللعبه لسا مخلصتش.....