ذكري ولكنها دمرتني - الفصل الثاني - بقلم ملك محمود - مكتملة | روايتك

الجدران اتلطخت بلون أحمر... دم الفستان الأبيض... كان بيغرق صرخت ورجعت لورا خطوة لكن الأرض تحت رجلي كانت لزجة... كأنها بتشدني لتحت بصيت تحت ملقتش دم ولا أي حاجه الأوضه رجعت عادية هادية باردة لكن الفستان... اختفى وقفت مكاني أحاول أستوعب اللي حصل إيدي بترتعش وصدري بيطلع وينزل بسرعة وفجأة حسيت بنفس بارد ورا رقبتي صوت همس طلع قريب جدًا من ودني انتي نسيتي بسرعة لفيت بسرعة مفيش حد لكن المرآة اللي كانت في آخر الأوضه كانت بتنور بنور خافت قربت منها خطوة وبعدين خطوة لحد ما بقيت واقفة قدامها بصيت لانعكاسي وشي كان شاحب وعيني واسعة من الخوف لكن... الانعكاس ما كانش بيتحرك زيي اتجمدت مكاني الانعكاس ابتسم ابتسامة بطيئة باردة وبص لي مباشرة وقال فاكرة اليوم ده؟ وقبل ما أقدر أجاوب الصورة في المرآة اتغيرت بقيت شايفة نفس الأوضه بس أقدم متربة والفستان الأبيض مرمي على الأرض وفي الركن كان في طفلة صغيرة قاعدة ضهرها ليا شعرها طويل ولابسة نفس الفستان وقبل ما أقدر أتحرك الطفلة لفت راسها ببطء وكان وشها... وشي أنا لكن أصغر وفجأة كل الأنوار طفت والباب ظهر تاني ورايا وانفتح لوحده وصوت ماما طلع من بره هادئ المرة دي على غير عادتها انزلي حالًا... قبل ما تفتكري أكتر من كده وقفت مكاني وقلبي بيدق بجنون لأول مرة حسيت إن الدور التاني مش بيخبي سر واحد هو بيخبي ذكرياتي أنا