عشق الأمير - الفصل الرابع - بقلم ترف - مكتملة | روايتك

‏ ‏في الصباح : استيقظ سمو الأمير وذهب عنده أعمال ‏ ‏عند ياسمين : بعد أن اتصلت أم فيصل وقالت تجي هي وولدها على ٤ العصر  تجهزت ولبست أجمل عبايه لها ونقاب ولبست ولدها طقم جميل ‏ياسمين : وصلنا باب القصر وكان في قلبي مثل الخوف ‏وفيني رجفه مو طبيعيه ‏اتصلت على أم فيصل وانفتح باب القصر ودخلت ‏أم فيصل : يا هلا والله الحمد لله جيتي بوقت مافي أحد حتى سموها طلعت عندها مواعيد ‏ياسمين بفرحه يعني بشوف القصر من داخل ‏راكان : يقفز ويضحك ياي قصر ماما ‏ياسمين وأم فيصل ماتوا ضحك عليه ‏أم فيصل : تعالي اعلمك القصر من داخل ‏ياسمين : كنت فاتحه فمي من جماله وجمال  كل شيء فيه كنت في حالة ذهول خرجنا الحديقه وكانت تجمع كل أنواع الورود الجميله كانت ك قطعه من الجنه ‏لفت نظري ورد الياسمين ‏ ركضت لعنده ورفعت نقابي ‏وأنا اشم ريحته الجميله وابتسم سمعت خطوات تقترب مني بصمت خفت ونزلت نقابي والتفت ‏أشوف من شفت شاب وسيم يأخذ العقل ‏سمو الأمير : دخلت القصر وأنا متعب طلعت جناحي أخذت دش سريع وطلبت قهوتي ونزلت حديقتي ‏كنت جالس على المقعد أشرب قهوتي واطالع ‏حوض الورود اللي كانت تحبها أمي وورثت حبها لي ‏جت بنت منقبه تركض وتفتح النقاب وتشم الورد ‏وتبتسم كانت أجمل من الورد بكثير ‏ بخدود بيضاء وعليها القليل من الحمره ‏أول مرة أشوف حد أجمل من ورد الياسمين ‏ذهبت إليها أول ما حست بحد جنبها نزلت نقابها ‏ولفت لي ‏ياسمين : من أنت وايش تسوي هنا ‏سمو الأمير : بإبتسامه أنا اللي من ولا أنتي وش جابك هنا تشتغلي هنا ‏ياسمين : لا زياره شكله أنت اللي تشتغل هنا وسمعت صوت أم فيصل تدورها وتدعي بإسمها وركضت لعندها ‏سمو الأمير : في نفسه من هاذي المجنونة ‏اللي ما تعرف إن هذا قصري لكن معاها عيون تذبح ‏فز على صوت أم فيصل تنادي ياسمين وهي تركض ‏قال في نفسه وإسمها ياسمين من أحلا الصدف ‏ ‏ياسمين : ها خالتي بس عجبني مكان فيه ورد الياسمين ‏ورحت لعنده أشوفه ‏أم فيصل : ذاك المكان المفضل لسمو الأمير وهو اللي ‏غرس الياسمين وما يحب أحد يقرب منهن لدرجة يسقيهن هو بنفسه ‏ياسمين : بس كان هناك حد ثاني وسالني من أنا ‏أم فيصل : من ليكون رجع سمو الأمير كيف شكله ‏ياسمين : لا ما أتوقع ذا لابس ملابس عاديه وتكلم ‏معي عادي بس وسيم جداً وضحكت ‏أم فيصل : أم فيصل مستحيل يكون حد غير الأمير ‏يارب ما تكوني كلمتيه بطريقه غير رسمية ‏ياسمين : بخوف أنا ما كنت أعرف ‏أم فيصل : يلا خلاص إنتو روحوا بيتكم وأنا بشوف كيف ‏وروحت ياسمين البيت ‏وقلبها يرجف مدري خوف ولا بداية حب😉 ‏ ‏