عشق الأمير - الفصل الثاني - بقلم ترف - مكتملة | روايتك

الفصل الثاني ‏ ‏بداية جديدة ‏ياسمين : وصلت بيت أخي وأمي تنتظرني وبعيونها دموع ‏سلمت عليها ودخلت وتركت ولدي عندها لأنها تحبه مره ‏لأن أخي لسى عريس جديد ما قد أنجب ‏لما دخلت شفت زوجة أخي جهزت لي غرفه سلمت عليها وقلت لها بنام لي ساعه ‏بعد مرور ٤ شهور وكان زوجي يحاول نرجع وأنا رافضه لأني خلاص ما عاد اطيقه حتى حاول يجي هو وعمي وأنا رفضت نهائي ملاحظه زوجي ولد عمي المهم اليوم جايه عندنا صديقة أمي هي من دولتنا ومغتربه مثلنا بهاذي الدوله أم فيصل ساكنه هنا أكثر من ٣٥ سنه تزوجت وسافرت هي وزوجها لهاذي البلاد اللي مغتربين فيها ‏المهم هي وزوجها عايشين في قصر ‏ أحد أمراء هاذي الدوله زوجها حارس للقصر ‏وعندها ٢ بنات متزوجات رجال من الدوله اللي مغتربين فيها و٣ أولاد وكلهم متزوجين ‏وكل واحد عايش في شقه لوحده خارج القصر ‏هي فقط اللى لسى عايشه في القصر وزوجها ‏معاهم شقه آخر حوش القصر ‏ ‏في المطبخ جالسين نجهز الضيافة ‏ ‏هيفاء زوجة أخي : تضحك وتقول يا بنت ليكون جت تخطبك لواحد من عيال الأمير هههههههه ‏ ‏ياسمين : استهبل معاها وأقول يمكن صلحي علاقتش معي من الآن ولا تزعليني ولا ما بدخلك قصري هههههههه ‏ ‏راكان ولدي دخل على كلامنا وقام يضحك ‏ويقول وينه قصرنا ماما ويقفز وأنا ميته ضحك عليه ‏ ‏هيفاء وهي ميته ضحك : لما تجي خالتي أم فيصل قولها ‏ماما تبغى قصر هههههههه ‏قلت وأنا أضحك لا تصدقها ركوني حبيبي ‏ خذ لك هاذي الشوكولاتة وروح ألعب وكملنا تجهيزاتنا ‏ ‏ياسمين : بعد ساعه وصلت خالتي أم فيصل ‏وبعد السلام وتقديم الضيافة قعدت هي وأمي يسولفوا ‏وتسالني عن حالي وكذا ‏جاء ولدي من المجلس كان عند خاله ‏خالتي أم فيصل : ما شاء الله ولدك يشبهك كثير ‏كم عمره ‏رديت ٣ سنوات ‏أم فيصل : العمر كله يا بنتي يعني خلاص ما عاد بترجعي لأبوه ‏ياسمين : وأنا ابتسم غصب ماله داعي نتكلم أمام الولد ‏أنتي أخبارك خالتي ‏وبضحكه بالله كيف القصر من داخل جميل مره ‏أم فيصل : والله بخير ي قلبي ‏والقصر يهبل قصر أمير كيف تتوقعي يكون ‏ياسمين : ما شاء الله إلا وراكان يقفز فوق أم فيصل ‏يبغى يشوف القصر ويبكي ‏أم فيصل : يا ولدي هذا قصر أمير مو كل من جاء دخل فيه ‏راكان : وهو يبكي ابغى اثوفه ‏ياسمين : قمت مسكته وحضنته وأنا مستحيه واعتذر من أم فيصل ‏هيفاء : وهي تضحك خذيه مو قلتي قصرك ‏ياسمين : استغفر الله ضحكنا ‏ وياليتنا ما ضحكنا الولد عاش الدور ‏أم فيصل : ياسمين بنتي بحاول ي قلبي إذا قدرت ‏بكلم أمك بكره تخليك تجي أنتي وياه  ‏ياسمين : وانتي صدقتيه خالتي ذا ولد بكره وينسى ‏أم فيصل : خير إن شاء الله برد عليك بكره ‏محد يعرف بأيش تفكر أم فيصل ‏وكمل اليوم بين سوالف وضحك