الفصل 15
الجزء الخامس عشر
اليوم الثاني بعد المغرب .....
أم فراس : الله يحييكم يا أم ريان تو ما نور البيت والله
أم ريان : منور بوجودكم والله ..
أم فراس : ما عرفتينا يا أم ريان على بناتك
أم ريان بابتسامة : هذي غادة مرة ولدي ريان و هذولا ريم و رهف بناتي
أم فراس : ما شاء الله الله يخليهم لك
أم ريان : هالبنات كلهم بناتك ما شاء الله
أم فراس : هذي غلا مرة ولدي فراس وهذولا حنان و فجر زوجات ولدي عبدالله و هذي بنتي سديم
أم ريان : ما شاء الله أجل وينها عروستنا
أم فراس : وينها لميس يا بنات
فجر : شوي و تنزل يا عمتي
غلا تكلم حنان : وش لبست
حنان : قسم بالله بهذلتنا كل ما اخترنا لبسة قالت ما ينفع
غلا : هههههه أعرفها ما يحتاج
حنان : بس أصرينا عليها أنا و فجر وما وافقت إلا بطلعة الروح
سديم : إلا ياريم بأي سنة إنتي
ريم بابتسامة : آخر سنة بالجامعة
سديم : الله يوفقك يا قلبي
ريم : و إنتي
سديم : أنا أولى جامعة بس شكلي ما راح أكمل هالترم تعرفين الحمل متعبني شوي
ريم : الله يسهل عليك
رهف : تدرين لو أنا منك كملت دراستي و فليتها عند أهلي بلا زواج بلا بطيخ
سديم : ههههههه لييش ؟؟
رهف : لأني و بكل بساطة مقاطعة الزواج
فجر + غلا + سديم : ههههههههه
رهف انحرجت : قلت شي غلط
سديم : ههههههه لا يا قلبي بس عندنا نسختين بالعايلة نفس التفكير
ريم : ههههههه
سديم: أختي لميس و بنت عمي سحر
ريم : هههههه من جد
سديم : ههههههه إيه كانوا يقولون إحنا مقاطعين الزواج و إذا سألناهم قالوا منتج دينيماركي أستغفر الله العظيم
الكل : ههههههههه
رهف : أجل كيف وافقت على أخوي
فجر : تصدقين حتى إحنا ما ندري بس شكل الفيوزات ضربت عندها
غلا : هههههههه من جد لأنا كنا فاقدين الأمل منها
حنان : حرام عليكم
أم فراس : أقول اسكتوا لا تجي الحين و تسمعكم
الجدة : إيييه هين إذا ما علمتها ما أكون جدتكم
سديم + غلا + فجر + حنان : لااااااااا تكفييين
الكل : هههههههههه
رهف : تصدقون تحمست أشوفها
فجر : ههههههه إن شاء الله بأروح أناديها
ريم تدقها : اسكتي فشلتينا
في غرفة لميس .....
لميس :[ قل هو الله أحد . الله الصمد. لم يلد و لم يولد. و لم يكن له كفوا أحد ] [ قل أعوذ برب الفلق . من شر ما خلق . .... ]
فجر : واااو بسم الله عليك طالعة قمر يا حظ راكان فيك
لميس تناظر بالمراية : أحس مالي داعي
فجر : من جد روعة قريتي على نفسك
لميس : إيه فجر أحس إني مو قادرة أمشي رجليني ترجف
فجر تمسكها : بسم الله عليك يا قلبي لا توترين نفسك صدقيني لا شفتيه بيروح هالإحساس كله و كلنا مرينا بهالتجربة
لميس دموعها نزلت : فجر خايفة
فجر : لا لميس مكياجك بيخرب
لميس تمسح دموعها : يعني هو لازم هالشوفة
فجر : هذا من حقك و حقه يا لميس يالله حبيبتي سمي بالرحمن و انزلي
لميس ترش العطر : شكلي حلو
فجر تغمز : بتذبحين الرجال
لميس : وجع فجر
فجر : ههههههه يالله امشي قدامي
كانت لميس لابسة لبس رسمي بنطلون و جاكيت لونه أبيض و لفت على الياقة شال لونه أحمر وجلجلت شعرها و حطت فيه
وردة حمراء .. حطت كحل و ماسكرا و بلشر و روج أحمر صارخ " طالعة روووعة "
في الصالة ......
لميس : السلام عليكم
الكل : و عليكم السلام
أم ريان : هلا ببنتي بسم الله عليك قمر
لميس : ما عليك زود خالتي
ريم : كيفك لميس اخبارك
لميس بابتسامة جذابة : تمام الحمد لله
غادة : كيفك يا قمر
لميس : الحمد لله إنتي كيفك
غادة : بخير الله يسلمك
رهف : أنا رهف
لميس بابتسامة : هلا رهوفه كيفك
رهف : تمام الحمد لله
سديم : تعالي لميس
لميس تجلس جنبها : كيف
سديم : الله يحفظك يالغلا
لميس بابتسامة : رفعتي لي معنوياتي
سديم بحنان : والله و يا لموسه كبرتي وبتتزوجين شفتي كيف الدنيا
لميس : سديم لا تخليني أصيح
سديم : لا لا كلش و لا الصياح بعدين يخترب شكلك و يهج الرجال منك
لميس تقرصها : ولا كلمة
سديم : ههههههه
أم ريان : إلا يا أم فراس زوجتي عيالك كلهم
أم فراس : لا باقي هاني بعد قلبي أكبر من سديم بسنتين بس ما يبغى الزواج الحين
أم ريان : إيه كلهم الشباب كذا
أم فراس : الله يهديهم
سديم : هلا هاني
هاني : هلا هاني على طول ما تسألين عني يالقاطعة
سديم : يا حبيبي إنت و الله إني ما نسيتك بس أنا تعبانة هاليومين
هاني : سلامتك يا قلبي لي جلسة معاك اليوم بس خلي الضيوف يروحون .. أوكيه قولي للميس تجيني
راكان يبغى يشوفها
سديم : خلاص إن شاء الله
لميس خافت : وش يبغى هاني
سديم بحنان : يبغاك تروحين له
لميس : سديم خايفة ما أبي أروح
سديم : سمي بالرحمن يا قلبي و روحي
لميس قامت : ادعيلي
سديم : الله يوفقك مري المطبخ و خذي العصيرات من الشغالة
لميس : أخاف أكبها إيدي ترجف
سديم : إنتي ادخلي فيها و هاني بياخذها منك
لميس : طيب
هاني يطالع بلميس : بسم الله عليك ما شاء الله الله يحفظك يالغلا
لميس : ههههههه هاااني كأنك أول مرة تشوفني
هاني : لا تلوميني كل يوم أشوف لي كشة طايرة و الزين خليتيه لراكان
لميس عصبت : احلف
هاني : ههههههه امزح معك يا دبه يالله سمي بالرحمن و ادخلي
لميس : امش قدامي
هاني يفتح الباب : ادخلي
لميس بصوت واطي : السلام عليكم
راكان وقف : و عليكم السلام .. هلا لميس " يصافحها "
لميس تكلم نفسها : والله ما مديت إيدي لك واثق من نفسك بزيادة
هاني يدقها : الرجال مد إيده
لميس جلست و طنشته ..
راكان جلس : إحممم مومشكلة .. كيفك لميس
لميس منزلة راسها : تمام الحمد لله
راكان بابتسامة : دوم إن شاء الله
هاني : أخليكم 5 دقايق و أرجع
لميس : هااني
هاني : ما راح أطول
راكان : أي سنة يالميس
لميس : ثالث ثانوي
راكان : الله يوفقك .. في خاطرك شي ودك تقولينه
لميس : إيه
راكان : اللي تبينه أنا حاضر
لميس : الزواج ما يكون الحين
راكان : متى تبينه
لميس : بعد ما اخلص هالسنة ما أبي شي يشغلني أنا علمي و محتاجة مجموع
راكان : من عيوني ما طلبتي و غيره
لميس : بس خلاص
راكان : ممكن أسأل سؤال
لميس : نعم
راكان : الله ينعم بحالك بس إنتي دايما إذا تكلمتي تنزلين راسك بالأرض
لميس رفعت راسها : .....
راكان بابتسامة جذابة : حصني نفسك الله يحفظك قمر
لميس استحت : .......
راكان : طيب متى حابة تكون الملكة
لميس : براحتك
راكان بمزحة : أجل بكرة
لميس انفجعت : لااا ما يصير
راكان : هههههههه أمزح معك
لميس تكلم نفسها : يالله ليش قلبي يدق بسرعة ضحكته فيها شي غريب يا زينه و يا زين ضحكته
راكان : لميس وين رحتي
لميس تستهبل : للمريخ شوي و جيت
راكان : ههههههههههه
لميس : عن إذنك
راكان : إذنك معك
لميس وقفت و أعطته ظهرها : لا تضحك مرة ثانية
راكان : ؟؟؟؟!!!!!
هاني : السلام عليكم
راكان : وعليكم السلام
لميس بصوت واطي : بدري صارت ساعة مو 5 دقايق
هاني : هههههه سوري
لميس بصوت واطي : بعدين نتفاهم
عند الحريم .....
غادة : يالله عمتي ريان يقول يالله
أم ريان : يالله يا أم فراس نشوفكم على خير إن شاء الله والله يكتب اللي فيه الخير
أم فراس : الله يوفقهم إن شاء الله راكان و النعم فيه
أم ريان + البنات : مع السلامة
الكل : مع السلامة
غلا : وينها لميس
سديم : تعالوا أكيد بالمطبخ
في المطبخ .....
لميس تشرب العصير : ميري جوعانه أعطيني أي شي
ميري تعطيها صحن حلى : كولي هازا إنتي مررة يصير نحيف
لميس : إييه صح وش نسوي بهالدراسة
سديم : هاااه يا حلوة كيف الأوضاع
فجر : علق على لبسك
غلا : سولف معاك
حنان بابتسامة: شوي شوي عليها
لميس : وش تبغون تعرفون يعني
غلا تغمز : حلو
لميس : إممممم حلو مررة بس ما طالعت فيه كثير
سديم : سولف معاك
لميس : إيه يسولف
فجر : علق على شكلك
لميس : هههههههه تخيلوا يقول إنتي دايما إذا تكلمتي تنزلين راسك بالأرض عاد أنا لا شعوريا رفعت راسي
حنان : وش قال لك طيب
لميس : يقول حصني نفسك الله يحفظك طالعة قمر
غلا : أوووه يا حركات
لميس : سألني متى حابة تكون الملكة
سديم : وش قلتي
لميس : قلت براحتك قال أجل بكرة عاد أنا رفعت راسي و أنا مفجعوة و قام حضرته يضحك علي
البنات : هههههههههههه
لميس : بس يا بنات لما ضحك حسيت بشي غريب ضحكته رنانة أحسها حركت أشياء فيني
فجر : هههههههه أمداك حبيتيه
لميس :بنات لا تستهبلون من جد أتكلم أحس ضحكته مميزة لو سمعتوها راح تصدقوني
حنان : هههههه
لميس : و انا خارجة من عنده قلت لاتضحك مرة ثانية
سديم : من جدك
فجر : ما أنتي بصاحية
غلا : هههههههه الله يفشلك وش قال
لميس : ما أدري سكت ما رد علي
حنان : الله يوفقك يا قلبي هذا أهم شي
سديم : الحين يا لموسه تقدرين تنامين راح الهم لا تشغلين نفسك
لميس : على قولتك هاليومين ما كنت أعرف أنام
فجر : شي طبيعي من التفكير
في بيت أبو ريان .....
رنا : هاااه كيف العروسة عساها أعجبتكم
ريم : بسم الله عليها مرة حلوة
غادة : إيوه ما شاء الله واللي لاحظته بعايلتهم كلهم حلوين
رنا : هااه يا راكان أكيد مستانس
راكان بابتسامة : فوق ما تتصورين
رهف : من اللي شفته واضح إنهم ناس هاي هاي
أم ريان : ما شاء الله بيتهم قصر
رنا : أكييد الحين رافعين خشومهم بالسما
ريم : لا بلعكس مرة طيبين و يحبون الناس
رهف : تدرون توقعت لميس تكون مغرورة بس اللي شفته غير مرة حبوبة و طيبة
أم ريان : وينه ريان
غادة : طلع ينام بالغرفة تعبان مسكين
ريم تحمست : راكان قول لنا وش صار يوم شفتها
راكان : هههههههه أخذت لي فشيلة أول ما دخلت
رنا : من بدايتها
راكان طنشها : هههههههه أول ما دخلت مديت إيدي أصافحها بس ما مدت إيدها و لما أشر لها هاني تمد يدها جلست و طنشتني
البنات : هههههههههه
ريم : تستاهل وشو له تمد إيدك
راكان : و أنا وش دراني إنها بتسوي كذا
رهف : وش رايك فيها
راكان بابتسامة : حلوة بسم الله عليها بس تدرون استغربت من شي
البنات : وشو
راكان : وهي طالعة وقفت وقالت لي لا تضحك مرة ثانية
الكل : ههههههههه
رهف : هههههه إن البلا بالضحكة أكيد حست بإحساسنا
راكان : ههههههههه وش دعوة تراني أضحك زي ما يضحكون الناس
ريم : لا لا ضحكتك فيها شي غريب
راكان : لا لا ما أتوقع هالسبب إنتوا مهابيل
رهف : أوكيه لما تتزوجها اسألها و راح تعرف إن كلامنا صح
غادة : إلا يا بنات فجر مو هي اللي كان زواجها قبل شهر
ريم: إلا متزوجة عبدالله أخو لميس
غادة مستغربة : متى أمداه ياخذ الثانية ما شاء الله
راكان : من جدكم عبدالله متزوج ثنتين
رهف : إيه و زوجاته ما شاء الله يحبون بعض
أم ريان : ما تدرون وش السبب خلو الناس بحالهم
يا أجمل الناس في قلبي و في عيني .. يا أحلى طيف مر الروح و يشفيها .. كل الخطاوي على دربك توديني ..
حتى النواظر تودك و إنت غاليها لو قلت أعزك قليلة ما تكفيني .. محبتي لك أكبر من الدنيا و ما فيها ..
بعد شهر من الأحداث اللي صارت كانت ملكة راكان و لميس اللي أصروا إنها تكون عائلية
أما عند طلال و سديم ...
سديم : طلال اشرب العصير ريح نفسك شوي من يوم ما جيت و إنت على هالأوراق
طلال يرفع راسه : رقبتي توجعني والله هالأوراق جابت لي حول بعيوني
سديم تلم الأوراق : خل هذي عنك أنا من زمان ما جلست معك يالله سولف معي
طلال بابتسامة: الحمد لله ما بغى هالوحم يروح
سديم : وش أسوي عاد حتى أنا كرهت نفسي بهالفترة
طلال : حياتي اسألك سؤال و تجاوبيني بكل صراحة
سديم بابتسامة : اسأل
طلال : تفكرين تتخلين عني بيوم من الأيام
سديم : معقولة يا طلال تفكر كذا أنا لو مهما يصير مستحيل اتخلى عنك إنت كل شي بالنسبة لي ليش تسأل هالسؤال
طلال : لا و لا شي مجرد سؤال و إلا تدرين اختبر غلاتي عندك
سديم : هههههههه آآآه منك
طلال : تصدقين أحس فيني طرب
سديم بابتسامة : إذا بتغني قولي ألبس السماعات من الحين
طلال : ههههههههه ليش إن شاء الله
سديم : بعدين البيبي ينزعج من صوتك هههههههه
طلال : قولي والله
سديم : ههههههههه والله
طلال : هيين يا سدييمووه الحين انزعجي صح إنتي والبيبي على قولتك
سديم : ههههههههه طلاااال
طلال بصوت عالي : لا تقولوا ما أقدر أجيبه لا تقولوا هذي صعيبة
سديم تسكر أذنها : بس بس واللي يرحم أبوك
طلال : أجيبه يعني أجيبه لو كان تحت الحراسة لا تقولوا ما أقدر أجيبه لا تقولوا هذي
طق طق طق
سديم : ادخل
مها : حرااام عليك ياخي خاف الله فيني مسوي لي قلق مو قادرة أنام بكرة عندي اختبار
سديم : هههههههههه هههههههههه
مها : تو يجيك الطرب والله لو يسمعك راشد الماجد اعتزل
سديم : ههههههههههه صح
طلال يحذفها بالمخدة : اقول انقلعي برى صدق ما عندكم ذوق
مها : سديم واللي يسلم عمرك سكتيه أنا بأروح أنام
سديم : ههههههه تصبحين على خير يا قلبي
مها : و إنتي من أهله
سديم : قلت لك ما تسمع كلامي
طلال : احلفي
سديم : هههههههه والله
طلال : هههههههه يا لبى هالضحكة صكي النور و تعالي نامي
سديم : تصبح على خير
طلال : و إنتي من أهله
في بيت عبدالله .....
حنان : آآآآآه فجر الحقي علي
فجر خايفة : بسم الله عليك وش فيك
حنان : احس إني بأموت آلام فضيعة
فجر نزلت دموعها : استني حبيبتي بأكلم عبدالله
حنان تبكي : بسرعة يا فجر تكفين
فجر : عبدالله
عبدالله : فجر وش فيك
فجر : حنان عندها ولادة تعال بسرعة
عبدالله : خلاص دقيقة و انا عندكم
فجر : تحملي حبيبتي الحين جاي
حنان تبكي : آآآه يمه وينك عني محتاجة لك آآآه
فجر تبكي : حنان البسي العباية .. هلا عبدالله جيت
عبدالله خايف : فجر ساعديني
فجر تمسكها : يالله امشي
في المستشفى .....
عبدالله يدور : فجر تأخرت
فجر : اجلس يا عبدالله أنا خايفة أكثر منك
عبدالله يجلس : الله يقومها بالسلامة
فجر : آآآمين
عبدالله : هااه يا دكتورة بشري
الدكتورة : مبروك جالك ولد
عبدالله : هي كيفها
الدكتورة : لا تخاف هي بخير بعد شوي تقدرون تدخلون عندها لما يطلعونها الغرفة الثانية
عبدالله : الله يبشرك بالخير
فجر : ألف مبروك يا عبدالله
عبدالله : الله يبارك فيك حبيبتي
فجر : أوكيه تعال خل ناخذ لها باقة ورد و سلة حلاوة على بال ما تطلع
عبدالله يمسك إيدها : يالله امشي
عند حنان بالغرفة .....
حنان تكلم نفسها : غريبة وينهم ما جوا
طق طق طق
حنان : ادخل
عبدالله + فجر : السلام عليكم
حنان بابتسامة : و عليكم السلام
عبدالله يبوس راسها : ألف مبروك يا قلبي
حنان : الله يبارك فيك
فجر تبوسها : مبروك حياتي والله خوفتيني عليك
حنان : الله يبارك فيك
فجر : إن شاء الله ما تعبتي
حنان : ما تعبت .. إلا قولي بغيت أموت توبة خلاص هذا أول و احد و آخر واحد
فجر : يممه لا تخوفيني
حنان : ههههههه أمزح لا تخافين
عبدالله : والله لو شفتي شكل فجر بس تصيح
حنان : يا حياتي
فجر : وش أسوي عاد ما أعرف لهالمواقف
حنان : حتى أنا كنت خايفة ما أدري وش أسوي بعمري أحمد ربي إنك معي
فجر : الحمد لله على سلامتك يا قلبي هذا أهم شي .. عبدالله كلم أهلك و خبرهم
عبدالله : صح صادقة الحين بأكلم
حنان : عقبالك يا فجر
فجر : ههههههه لا بالأول يكبر عبدالرحمن و بعدين أنا أفكر
حنان : ولدي راح يكون أسعد واحد بالدنيا لأن عنده أمين وش زينهم
فجر : ههههههه
عبدالله : هلا يمه كيفك
أم فراس : بخير ربي يسلمك إنت كيفك حبيبي و كيف فجر و حنان
عبدالله : كلنا بصحة و عافية .. يمه
أم فراس : سم يمه
عبدالله : سم الله عدوك بغيت أبشرك جالي ولد
أم فراس بفرح : من جددد ألف مبروك يمه يتربى في عزكم .. الله يفرح قلبك زي ما فرحتني
عبدالله : أوكيه يالغلا خبري أهلي
أم فراس : يوصل إن شاء الله أعطني حنان أكلمها
عبدالله : حنان خذي أمي تبيك
حنان : هلا يمه
أم فراس : كيفك حبيبتي
حنان : الحمد لله بخير
أم فراس : ألف مبروك يمه الله يجعله ولد صالح إن شاء الله
حنان : آآمييين
أم فراس : عسى ما تعبتي يالغلا
حنان : تعبت شوي بس الحمد لله
أم فراس : إن شاء الله بكره نزورك بالمستشفى
حنان : تسلمين يمه لا تتعبين حالك أنا بكرة بأخرج لبيتي و تعالوني هناك
أم فراس : خلاص إن شاء الله .. يالله حبيبتي مع السلامة
حنان : مع السلامة
طق طق طق
عبدالله : ادخل
الممرضة : ما تبغى تشوف البيبي
عبدالله بابتسامة : يا ربي وش زينه يهبل ولدي
الممرضة : بسم الله عليه قمر ألف مبروك إن شاء الله يتربى في عزكم
عبدالله : الله يبارك فيك
الممرضة : شيله
عبدالله : ما أعرف
فجر تاخذه منها : فديته حبيب قلبي مشكوره
الممرضة : العفو
فجر : حنان طالعي وش زين ولدك يهبل الله يحفظه
حنان : تبوسه فديته والله
عبدالله : فجر طالعي كيف يفتح عيونه
فجر : هههههه فديته والله .. عبدالله شيل ولدك
عبدالله : أحسه صغير مرة أخاف أشيله
فجر : شيله بأساعدك
عبدالله يشيله : يا حبيب بابا الله يحفظك
فجر : ههههههه هذا إنت شلته وشو اللي يخوف
حنان : ههههههه لا تلومينه
في غرفة لميس .....
لميس تكلم راكان : طيب عادي وين المشكلة
راكان : يعني عادي عندك تسكنين مع أهلي
لميس : أهلك هم أهلي أنا ما عندي مانع بلعكس راح أستانس
راكان : ما توقعت تكون هذي ردة فعلك إنتي متعودة على بيت كبير و استقلالية بحالك
لميس : ويعني متعودة مو شرط اللي حصلته في بيت أبوي ألقاه ببيت زوجي أبوي معودنا على القناعة
و أنا ما تهمني المظاهر يعني عادي عندي أهم شي راحة البال
راكان بابتسامة : الله لا يحرمني منك ما ندمت يوم أخذتك
لميس : شكرا
راكان : نفسي أعرف ليه تستحين مني
لميس : وش تبيني أسوي
راكان : قوليلي أي كلمة حلوة
لميس : زي أيش مثلا
راكان : مثل حبيبي عمري حياتي قلبي
لميس : لا راكان استحي
راكان : تستحييين و لسانك هذا كبره تذكرين يوم رديتي على التلفون و اعطيتيني ذيك التهزيأة
لميس : هههههههههه راكااااان باقي تتذكر
راكان : هههههههههههه و أنا أقدر أنسى
لميس : لااااا تضحك
راكان : هههههههه ليش إن شاء الله هذي ثاني مرة تقولينها
لميس : بس كذا
راكان : قولي لي
لميس : ما أقدر
راكان : راح أزعل
لميس : رااكاااان قلت ما أقدر
راكان : أوكيه مو مشكلة
لميس : زعلت
راكان : مو مهم
لميس : طيب راح أقول لك
راكان تحمس : قولي
لميس : إمممم إحممم
راكان : إيييييه قولي
لميس : ما أدري ضحكتك مميزة تخليني أحس بمشاعر غريبة ما أدري وش هي بالضبط بس تقدر تقول شي حلو
راكان : ههههههههههه
لميس : ليش تضحك قلت شي غلط
راكان : لا يا قلبي بس زي كلام خواتي ما يبغوني أضحك لنفس السبب
لميس : هههههههههه من جد
راكان : هههههههه والله بس ترى بأقول لك من الحين ترى وش زيني لا ضحكت بس لا عصبت راح أكون
شي ثاني ما تتخيلينه
لميس: لا مستحيييل إنت تعصب
راكان : و ليش لا
لميس : ما أدري بس اللي يشوفك يقول حنون و طيب
راكان : إمممم صح بس بنفس الوقت عصبي
لميس : تراني مو متعودة أحد يعصب علي
راكان : هههههههه عاد إنتي و شطارتك لا تخليني أعصب
لميس : احللللف
راكان : ههههههه فديتك والله
طق طق طق
لميس : ادخل
أم فراس : تكلمين
لميس : إيييه
أم فراس : أوكيه راح أطلع
لميس تقوم تبوس راسها : لا وش دعوة يا غلاي سمي وش بغيتي
أم فراس بفرح : أخوك عبدالله جاله ولد
لميس بفرح : من جددد يمه
أم فراس : إيه توه مكلمني
لميس : ألف مبروك يا تاج راسي عقبال ما تفرحين بسديم
أم فراس : آآآآمييين و عقبال ما أشوف عيالك يمشون وراك
لميس استحت لأن راكان يسمع : يمممه
أم فراس : هههههههه خلاص أنا بأطلع كلمي زوجك
لميس : آآسفه راكان طولت عليك
راكان : عادي حبيبتي ألف مبروك لعبدالله
لميس : الله يبارك فيك
راكان : و على قولة أمك عقبالنا
لميس : راااكاان
راكان : ههههههه أوكيه حياتي بكرة راح أزورك
لميس : إممممم تعال الله يحييك
راكان : إذا ما ودك عادي مش لازم
لميس : لا راكان وش دعوة بس كنت أفكر إذا عندي بكرة اختبار أو لا
راكان : فديتك والله أوكيه موعدنا بكرة .. تصبحين على خير حبي
لميس بحيا : و إنت من أهله
استراحة .....
عندما ترتشف فنجان قهوة تذكر أن العطاء بحر لا حدود له و هناك فئه تعطيه القليل فيقدر لك هذا وهناك فئه تعطيها
الكثير و بلحظة غضب يتهمك باللاإنسانية ..
اليوم الثاني .....
أم فراس : هلا راكان تفضل يمه
راكان : كيفك عمتي و كيف صحتك
أم فرا س : بخير ربي يسلمك كيف أهلك بشرني عنهم
راكان : تمام الحمد لله يسلمون عليكم عمي موجود
أم فراس : لا طلع هو و هاني عندهم مشوار
الجدة : يالله تحيي راكان
راكان يبوس راسها : كيفك يا خالة
الجدة : بخير الله يسلمك كيف أهلك عساهم بخير
راكان : بخير الحمد لله
الجدة : و كيف لميسووه معك أكيد غثتك
راكان : لا يا خالتي فديتها والله و أنا راح ألقى أحسن منها
الجدة : الله يوفقكم إن شاء الله
راكان : إلا وينها
أم فراس : فوق حبيبي بغرفتها شوي و تنزل .. تعال معي للمجلس
راكان : إن شاء الله
لميس تركض من الدرج : يممممه ميري الزفته وينها أنا مو قايلة لها .... راكان
راكان : هههههههه هلا وراك سكتي كملي مسكينة هالشغالة
أم فراس + الجدة : هههههههه
لميس تغطي وجهها بإيدها : لا تضحكوون
راكان يبعد إيدها : ههههههه طالعي فيني أشوف
لميس بابتسامة : دايما أسأل نفسي ليش أطيح فيك بكل مرة
راكان : ههههههه ما أدري عنك
لميس : كيفك
راكان يبوس راسها : تمام الحمد لله
الجدة : هاااه لمييس هذا راكان جاك زي ما تبغين واحد رومنسي على قولتك وش زينه
لميييس : يمممممه فشلتيني
أم فراس : هههههههه الله يعينك عليها
الجدة : هذا إنتي عايشة أحسن من الأفلام المصرية اللي كنتي غاثتنا فيها
راكان : هههههههه تدرين لو بنقعد زيادة بتطلع فضايحك كلها
لميس : عااارفة عشان كذا تفضل للمجلس كافي إحراجات معك
راكان : هههههههههه
لميس بهمس : لااااا تضحك
راكان : لمييييس ههههههه والله إنك تحفة
لميس : ههههههه حياك
راكان يجلس : اجلسي وراك واقفة
لميس : بأروح أجيب القهوة
راكان : ما أبي قهوة أنا جاي أشوفك
لميس : وش دعوة يعني ما أضيفك أنا جايبه لك تشيز كيك من برى لازم تاكله
ميري : السلام عليكم
راكان + لميس : وعليكم السلام
راكان : خلاص اجلسي هذي ميري جابتها
لميس : ميري مو انا قايلة لك كلمي كومار يجيب الأغراض اللي طلبتها
ميري : أنا مو فاضية عندي شغل واجد ليه ما في يكلم إنتي
لميس : يا سلااااام خلاص روحي بعدين نتفاهم
راكان : ههههههههه لميس بسك عاد
ميري : الله إنت واجد حلو ضحك حلو
لميس حذفتها بالريموت : اطلعي برى أشوف هذا اللي ناقص مو مكفيك كومار
ميري : شوفي ريموت انكسر أنا مافي دخل
لميس عصبت : بررررررى
راكان : روحي ميري .. ههههه لميس لا تعصبين
لميس : الله ياخذها جابت لي الضغط
راكان بابتسامة: تغارين علي
لميس : وش رايك يعني
راكان : تدرين حياتي كل يوم اكتشف فيك شي حلو
لميس بابتسامة : تفضل القهوة
راكان : تسلمين يا قلبي
راكان : وش الأغراض اللي بغيتيها
لميس : إممممم أنا كلمت محل الأطفال و قلت له يجهزي كذا طقم و أشياء حلوة للمواليدعشان ولد عبدالله إحنا دايما نتعامل مع
هالمحل و قلت لميري تكلم كومار عشان يجيبه بس ما كلمته
راكان : خلاص حبيبتي مو مشكلة أنا أجيبه
لميس : لا راكان تسلم ما تقصر
راكان : أروح أنا وياك منها نتمشى و منها نجيب الأغراض
لميس : بس ...
راكان يقاطعها : لا بس و لا شي قومي البسي عبايتك و خل نروح
لميس : أوكيه بس تقهوى بالأول
راكان ياكل من التشيز كيك : إمممم لذيذ
لميس : بالعافية
راكان : الله يعافيك
لميس : أوكيه دقيقتين و جايه
راكان : استناك
أم فراس : وراك جيتي و تركتي زوجك
لميس : يمه راكان يبي ياخذني معه نتمشى و نجيب الأغراض معنا
أم فراس : روحي يمه
لميس تبوس أمها : مشكورة يالغلا
في سيارة راكان .....
راكان : تو ما نورت سيارتي
لميس : منورة بوجودك
راكان : وش تحبين تسمعين
لميس : مش لازم نسولف أحسن
راكان : براحتك
لميس : إيييه حكيني عن أهلك
راكان : أنا أبوي متوفي الله يرحمه من يوم و إحنا صغار
لميس : الله يرحمه
راكان : مشكورة .. و أخوي ريان الكبير الله يحفظه لنا هو اللي ربانا
و أهتم فينا و عندي 4 أخوات ريم حبوبة و طيبة تقدرين تقولين هي أقرب وحدة لي و بعدها رنا بسنك تحب
الدراسة بس مغرورة هههههه يعني لازم تعرفين اسلوبها
لميس : هههههه عادي مو مشكلة
راكان : وبعدها أختي رهف مشاغبة و عربجية و فالتها
لميس : هههههههه عرفتها
راكان : هههههههه و ريناد أصغرنا بثاني متوسط عاد هي دلوعتنا كلنا
لميس : ما شاء الله
راكان يطلع السيجارة : و كلناعايشين ببيت واحد
لميس تمسك يده و تسحب الدخان : راكان مو زين لك
راكان : بلعكس يهدي البال
لميس تطالع فيه : إذا إنت مستغني عن عمرك فأنا مو مستغنية عنك فاهم حرام عليك تذبح عمرك
راكان يرجعه بالباكيت : و لا يهمك راح ادخله
لميس : راااكان
راكان : هلا
لميس بابتسامة : الله لا يحرمني منك
راكان بفرح : ولا منك يا قلبي تدرين هذي أول كلمة حلوة تقولينها هههههههه
لميس : ههههههههه بس هذي المرة
راكان : يا بخييييلة
لميس : ههههههه أمزح معك
راكان : ردي جوالك يدق
لميس : هههههه هذي سحر بنت عمي .. هلا سحر
سحر : هلا فيك يا دبه كيفك
لميس : تمام الحمد لله وحشتيني
سحر : و إنتي أكثر
لميس : كيف عمي و عمتي
سحر : تمام الحمد لله
لميس : و كيف سموره والله لها وحشة هالبنت
سحر : آآآه بس جننتني
لميس : هههههههه فديتها
سحر تصرخ : أوريك يالخاااااينة
لميس تبعد الجوال عن أذنها : وجع سحر أذني راحت
سحر : ليش وافقتي
لميس : على أيش
سحر : على عريس الغفلة
لميس تطالع راكان : مييين راكان
سحر : لا وبعد اسمه راكان
لميس : هههههههه وش اسوي عاد النصيب
سحر : يا سلام مو أنا و إنتي مقاطعين الزواج وش اللي غير رايك
لميس : ههههههه راكان غيره
سحر تصارخ : لميييييييييييس
لميس : ههههههه سحر بسك صراخ وافقت و خلاص عقبالك يا دبه
سحر : آآآآه منك هيين يا لميسوه لا جيت أوريك
لميس فرحت : من جد بتجين
سحر : إيه أبوي يقول بكرة بنجي عند عبدالله
لميس و اللي طرا على بالها حنان : إحممم عند عبدالله
سحر : إيييه عند عبدالله وش فيك
لميس : سحوره عندي موضوع أبغى أقوله لك بس أهلك مو لازم يدرون الحين أوكيه
سحر : وش فيه لميس خوفتيني
لميس : أحد جنبك
سحر : لا جالسة بغرفتي
لميس : أوكيه من الحين أقولك من غير أي انفعالات
سحر : تكلمي
لميس : عبدالله طلع متزوج
سحر : أدري إنه متزوج فجر تستهبلين
لميس : سحر عبدالله متزوج من قبل فجر
سحر : أييييييش
لميس : إيه طلع متزوج و الحين جاله ولد
سحر عصبت : يا سلااااام و أختي لها الله
لميس : سحر وش هالكلام بلعكس أختك فجر ما عارضت و هي راضيه بوضعها
سحر : و إنتوا تدرون ولا قلتوا لنا
لميس : لا تونا درينا من عبدالله و فجر .. بعدين حنان و فجر يحبون بعض ولو تشوفينهم سمن على عسل
سحر : قولي والله
لميس : والله و بعدين أختك بلسانها قالت إنها راضية بوضعها و أهلها مالهم دخل بحياتها
سحر : دامها قالت هالكلام بكيفها أهم شي عبدالله ما يظلمها
لميس : لا من هالناحية لا تخافين عبدالله يخاف ربه و مستحيل يظلم فجر لا تنسين إنه يحبها
سحر : صدمتيني بهالخبر بس زين قلتي لي
لميس : المهم مثل ما قلت لك أهلك لا يدرون فجر هي بتفهمهم
سحر : أوكيه حياتي إلا وينك الحين
لميس : برى البيت طالعة مع راكان
سحر : هههههههه أخس يا حركات مو مشكلة سلمي عليه
لميس :راكان سحر تسلم عليك
راكان بابتسامه : الله يسلمها ولو إنها نرفزتني تحرش زوجتي علي
سحر تشهق : رافعة الاسبيكر
لميس : هههههههه لا والله مو رافعته بس صوتك عالي الله ياخذك
سحر : فشلللة
لميس : هههههه عادي مو مشكلة
سحر : إلا إنتي ما تغارين على زوجك مني تقولين له سحر تسلم عليك
لميس : إنتي قلتي لي
سحر : أمزح معك يا هبلة
لميس : عادي حبيبتي ليش أغار و أنا عارفة إنه ما يحب غيري
سحر : ههههههه أبوك يالثقة
راكان : هههههههه يحق لها يا سحر
سحر : لميس زوجك ضحكته تجنن
راكان + لميس : ههههههههه
لميس : ههههههه وجع صدق إنك ما تنعطين وجه
راكان : هههههههه حياتي وصلنا
لميس : أوكيه سحر راح أسكر
سحر : أوكيه مع السلامة ولو إني ما ودي أسكر ضحكته ردت لي الروح
لميس : سحررررررررر
سحر : هههههههه باي
لميس : باي .. راكان و بعدين إنت وهالضحكة لا تضحك قدام أحد غيري فاهم
راكان : هههههههه وش أسوي طيب
لميس بابتسامة : ههههههه أنزل
في بيت طلال .....
سديم : طلال وين رايح
طلال مرتبك : إحممم صديقي بنشر عليه الكفر بأروح أساعده
سديم : أوكيه حبيبي روح بس لا تتأخر أستناك على العشاء
طلال : إيه إن شاء الله
مها : سديم تعالي العبي معي بلستيشن
سديم تجلس : أوكيه اختاري لي ريال مدريد
مها : يالله تعالي
سديم : ترى ما انصحك تلعبين معي لأنك خسرانة خسرانة
مها : لا يا شيخة راح نشوف الحين أنا و إلا إنتي
تن تن تن تن
مها : مين يرسل لك الحين
سديم : أكيد stc في غيرها
مها : هههههههه
سديم تقرى الرسالة : سديم يا حلوة إذا تبين تعرفين وين زوجك تراه عندي كفاية غباء ترى طلال ما يحب غيري
أنا أم ولده و أول حب بحياته
مها : سديم وش فيك فصلوا جوالك
سديم تدق على الرقم : ألو إنتي مين
رنا : ههههههه أنا رنا ليش معصبة أخت سديم مو مصدقة
سديم : إنتي وحدة كذابة
رنا : المشكلة إن ثقتك بطلال كبيرة بس للأسف ما طلع قد هالثقة اسمعي يا قلبي إذا مو مصدقتني هذا عنوان بيتي
و تعالي شوفي بنفسك
سديم تصك السماعة : .....
مها : سديم وش فيك مين كلمتي
سديم دموعها على خدها : هه بأروح أشوف أخوك مع حبيبة القلب زوجته الأولى
مها مصدومة : سديم لا تصدقينها تراها كذابة
سديم : مو مشكلة المثل يقول الحق الكذاب لحد الباب أنا رايحة أشوف
مها : بأجي معك
سديم : لا مشكورة خليك عند أمي و عبدالله
مها : سديم تعوذي من ابليس و اجلسي لا تلعب بعقلك أصلا طلال ما يحبها
سديم : جيجي جيبي عبايتي
مها : سديم
سديم : بس يا مها صدقيني لو يطلع هالكلام صدق ما راح أرجع هالبيت
مها : تعوذي من ابليس إن شاء الله ما يصير هالكلام
سديم تلبس عبايتها : مع السلامة
مها : الله يحميك انتبهي لنفسك
في بت عبدالله ....
فجر تلبس عبدالرحمن : وهذا حبيب قلبي صار جاهز
حنان : روشتيه
فجر : إيه شفتك نايمة و قلت أروشه عنك لو تشوفينه كيف يسوي لا جت عليه المويه هههههه
حنان تبوسه : هااه حبيبي روشتك ماما فجر أكيد الحين مبسوط صح
فجر : أنا جهزت لك ملابس ادخلي خذي لك شاور وريحي جسمك
حنان : إيه رايحه
فجر : أنا سويت لك شوربة لا خلصتي تاكلينها
حنان : مشكورة فجر
فجر تغمز : ما سويت شي .. لا تنسين باقي تردينها لي
حنان : ههههههه إن شاء الله
في بيت رنا ....
طلال عصب : هاااه وينه الحرامي يا أخت رنا تستغفليني إنتي
رنا : طلال لا تعصب أنا ....
طلال يصارخ : إنتي أيش إنتي ما تستحين طالعة قدامي بهاللبس استري نفسك
رنا : طلال أنا آآسفة صدقني أحبك
طلال : رنا افتحي الباب و خلي عنك المسخرة هاتي المفتااااح " يصارخ "
رنا : خافت : خذ
طلال يفتح الباب : صدق إني غبي ... سدييييم
سديم تبكي : أنا اللي غبية لأني وثقت فيك
طلال : إنتي كيف جيتي
سديم تصارخ : كيف جيت جايه أشوف فعايلك يا طلال مو هذي حبيبتك رنا مو هذي أم ولدك مو هذي اللي خلتك
تكذب علي و أنا الغبية اللي صدقتك دامك تحبها ليش تزوجتني ليش ما خذتها و خليتها تربي ولدك هاااه مو هو ولدها
وإلا لاااا ناسية إنك أخذتني عشان أربي لك ولدك و هي لمصالحك الشخصية
طلال : سديم حبيبتي هدي نفسك إنتي فاهمة غلط
سديم انهارت : أي غلط أنا أشوف اللي قدام عيوني أنا أشوف زوجي اللي حبيته يخونني مع طليقته
أنا أشوف طلال إنسان ثاني أنا انخدعت فيك ما أدري ليش صدقتك أنا ...
طلال يمسكها : سديم اهدي مو زين لصحتك
سديم تبكي : طلال ليش أنا وش سويت لك علمني وش سويت أنا ....
طلال يمسكها : سديم .. سديم .. حياتي قومي سديم ردي علي
رنا : هه
طلال عصب : إنتي اللي علمتيها
رنا : إيه أنا .. أنا اللي سويت كل هذا
طلال يعطيها كف : حسبي الله عليك
رنا تبكي : أحسن إن شاء الله تموت
طلال يشيل سديم : هين يا رنا لي حساب معاك
في المستشفى .....
الدكتورة : وش اللي صار البنت عندها انهيار حاد و هذا مو زين لها إنت عارف إنها حامل
طلال : إيه عارف طيب الحين أقدر ادخل عندها
الدكتورة : ادخل بس لا تكلمها في أي شي إحنا أعطيناها منوم عشان ترتاح
طلال : مشكورة
الدكتورة : العفو
عند سديم ....
طلال يمسح على شعرها : سديم حبيبتي صدقيني إني ما أحب غيرك و إني مستحيل أخونك
مو إنتي قلتي مستحيل تتركيني أو تتخلين عني
سديم فتحت عيونها : طلال هذا إنت
طلال : الحمد لله على سلامتك يالغلا
سديم تصارخ : اطلع برى أشوف ما أبي أشوف وجهك اطلع برى
طلال : سديم لا تصارخين اهدي عشان نتفاهم
سديم تصارخ : الحين تكلم هاني قوله يجيني الحين بسرعة
طلال : أوكيه هدي نفسك راح أكلمه
سديم تبكي : ......
طلال : هلا هاني كيفك
هاني : تمام الحمد لله طلال وش فيك
طلال : هاني تعال أنا بمستشفى الــــ...... رقم الغرفة 201
هاني خاف : ليش سلامات وش فيك
طلال : سديم تعبانة شوي و تبغى تشوفك
هاني : أوكيه مسافة الطريق
طلال : سديم خلينا نتفاهم
سديم تبكي : مالي تفاهم معك خلاص اتركني بحالي
طلال : إنتي صدقتي إني أخونك
سديم : أنا خلاص عيشة معك ما أبي طلقني
طلال : مجنونة إنتي أنا مستحيل أطلقك
سديم عصبت : إيه أنا مجنونة طيب وراح تطلقني غصب عنك
طلال : طلاق ما راح أطلق
هاني : السلام عليكم
طلال : وعليكم السلام
هاني : سديم حبيبتي سلامتك ما تشوفين شر
سديم تبكي : هاني طلعني من هنا خلاص أنا ما أبي طلال
هاني يحضنها : تعوذي من ابليس وش صاير
سديم : أنا ما أبيه ما أبيه " تصارخ "
هاني : سديم هدي نفسك
الدكتورة : وش سويتوا إنتوا البنت فيها انهيار أنا ما قلت يا أخ ما تكلمها بشي
طلال : ....
هاني : يا دكتورة وش السالفة
الدكتورة : أنا ما أعرف بس البنت عندها انهيار عصبي
سديم :هاني طلعني من هنا
الدكتورة : ما يصير يا سديم إنتي تعبانة
هاني : ما عليه دكتورة راح أطلعها على مسؤليتي قومي سديم
طلال : هاني
هاني : طلال ما عليه خلها ترتاح ببيتنا و راح أحل المشكلة
طلال : طمني عليها
هاني : إن شاء الله
في سيارة هاني .....
سديم تبكي : هاني تخيل طلال كان يخونني مع طليقته
هاني : سديم وش تخبصين طلال مستحيل يسويها من وين سمعتي هالكلام
سديم تبكي : يا ليتني سمعت المشكلة إني شفت
هاني انصدم : تعوذي من ابليس يمكن فهمتي السالفة غلط
سديم : أنا ما أبي أرجع له قوله يرسل ورقتي
هاني : أستغفر الله العظيم خلاص إنتي ريحي نفسك ولا تفكرين بشي لا تنسين إنك حامل
في بيت أبو فراس ......
أم فراس : بسم الله عليك يمه وش فيك
سديم تبكي و تحضن أمها : يممممه ما أبي ارجع له
أم فراس تمسح على راسها : بسم الله عليك تعوذي من ابليس هاني وش فيها أختك
هاني : لميس خذي سديم و طلعيها ترتاح بالغرفة
لميس : إن شاء الله
أم فراس : هاني وش السالفة
أبو فراس : السلام عليكم
أم فراس + هاني و عليكم السلام
أبو فراس : وش فيكم
أم فراس : ما أدري سديم جت تبكي و تقول ما تبي ترجع لطلال
أبو فراس : هاني وش السالفة
هاني : يبه سديم تقول إن طلال يخونها مع زوجته الأولى
أبو فراس : أستغفر الله العظيم
هاني : أنا طلال كلمني ورحت أخذتها من المستشفى تقول الدكتورة عندها انهيار عصبي بس طلعتها على مسؤليتي
أم فراس خافت : حسبي الله عليك يا طلال
أبو فراس : استغفري ربك لا تدعين على الرجال
أم فراس : إنت لو شفت حالة بنتك ما قلت هالكلام
أبو فراس : سألت طلال وش السالفة
هاني : بكرة راح أجلس معه
أبو فراس : حسبي الله و نعم الوكيل .. قبل ما أنسى بكرة سلمان و عياله بيجون
أم فراس : الله يستر و إحنا ناقصين باقي ما ندري وش بيسوون لا دروا عن عبدالله
أبو فراس : الله يعين أنا بأطلع أشوف سديم
في بيت طلال ......
طلال يصك الباب : ....
مها : طلال طلال وين سديم
طلال : ببيت أهلها
مها : ليش طلع الكلام صدق
طلال : أمي لا تدري بشي
مها : يعني تعترف بغلطتك
طلال عصب : مهاااا و لا كلمة فاهمة
مها خافت : سديم صار لها شي
طلال يطلع الدرج : كلميها
مها تدق على سديم : إن الهاتف المطلوب لا يمكن الاتصال به الآن ...... الله يستر ليش جوالها مقفل ؟؟!!
اليوم الثاني .....
في بيت عبدالله .....
أبو خالد + أم خالد + سحر : السلام عليكم
فجر : هلا و غلا و عليكم السلام
أبو خالد : كيفك يبه عساك بخير
فجر تبوس راسه : بخير ربي يسلمك إنت كيف صحتك
أبو فجر : بخير يالغلا
فجر تبوس راس أمها : كيفك يمه عساك بخير
أم فجر : بخير حبيبتي إنتي كيفك عساك مرتاحة
فجر : الحمد لله تفضلوا حياكم
سحر تحضنها : وحشتيني يا دبه
فجر : هههههه و إنتي أكثر
سحر : ما شاء الله الزواج يحلي صايرة حلوة
فجر بغرور : من زمان و أنا حلوة
سحر : ههههههه يا شيخة إلا مبروك ما جا لزوجك
فجر : أشششش وطي صوتك بعدين مين قال لك
سحر : لميس قالت لي أمس بس أهلي ما يدرون عاد عبدالله يصرف نفسه
سمر تتخصر : يا سلام بأستنى أكثر
فجر : بعد قلبي سموره وحشتيني حبيبتي
سمر : إيييه بدري
سحر : آآآآآه منك يالعياره
فجر تشيلها : يا لبى قلبك والله إنك وحشتيني كثييير تفضلي سحر
أم خالد : بسم الله الرحمن الرحيم اسمع صوت بيبي
سحر : يمممه فديته يا زين الأطفال
أبو خالد : وش أطفاله
فجر : دقيقة
في غرفة حنان .....
فجر : يا حبيبي يا دودي
حنان طلعت من الحمام : يا حياتي قام من النوم
فجر : إيه طالعي وجه وشلون أحمر من الصياح
حنان : ههههههه فديته .. أهلك جو
فجر تتنفس : إييييه اسمعي انتي البسي ملابسك و تعالي و أنا بآخذ دودي معاي
حنان : أوكيه ما جا عبدالله
فجر : باقي الله يهديه تأخر
حنان : خلاص الحين بأكلمه
فجر : إييه تسوين خير يالله دودي حبيبي مشينا
سحر : وه فديته والله هاتيه
أم خالد : فجر لمين هالولد
فجر بابتسامة : ولد عبدالله
أبو خالد : وشلون
أم خالد توها تستوعب : إنتي وش تقولين
فجر تعطي الولد لسحر : إيه وش فيكم ولد عبدالله
أم خالد : عبدالله متزوج وحدة ثانية
فجر : إيه
أم خالد : يا حسرتي على بنتي وش بيقولون الناس
فجر : وش بيقولون يمه عادي وش فيها
أم خالد : سلمان ما تسمع بنتك وش تقول
أبو خالد : من متى متزوج
فجر : من سنة
أبو خالد : وليه ما قال لنا إنه متزوج أنا لو داري ما زوجتك له
أم خالد : دام هذي سواته إنتي المفروض ما تقعدين هنا ولا دقيقة
فجر : ليش يمه
أم خالد : إنتي أكيد عقلك فيه شي فيه وحدة زوجها يطلع متزوج غيرها و ترضى عادي
فجر : إيييه أنا
أبو خالد : لو إن خالد طلع متزوج على بنتهم بيقلبون الدنيا بس بنتنا رخيصة عادي
فجر : يبه وش هالكلام إنت لو شايف عمي كيف زعل و قال لعبدالله يطلقها بس عبدالله ما رضى وترى هم مثلكم توهم يدرون
أم خالد : لا و متمسك فيها إحنا ما راح نستنى يرميك بالشارع لا إنتي بترجعين معنا معززة مكرمة
أبو خالد : دامه ما يبي يطلقها الله يهنيه فيها يطلقك إنتي و بتلقين اللي يستاهلك
فجر عصبت : يبه يمه وش هالكلام تبون تطلقوني من زوجي
أم فجر : إيه خليه يتهنى باللي عنده
سحر : أشش حبيبي بس يا ماما
فجر : سحر وديه لأمه
سحر : وين
فجر : بالغرفة اللي قدامك .. اسمعوني إنتوا أهلي على عيني و راسي بس حياتي لا تخربونها علي
أنا ما أبي غير عبدالله و راضية بالعيشة معاه هو مو مقصر علي بشي و زوجته طيبه وعايشين أنا وياها زي الخوات
فماله داعي هالكلام كله
عبدالله : السلام عليكم
أبو خالد + فجر : وعليكم السلام
عبدالله يبوس راس عمه : كيفك عمي الحمد لله على السلامة
أبو خالد : الله يسلمك
عبدالله يبوس راس عمته : كيفك عمتي عساك بخير
أم خالد تبعده : عايشة
عبدالله يطالع فجر : وش فيكم
فجر : اجلس يا عبدالله
أم خالد : وش السااااالفة طالع متزوج و تقول وش السالفة
عبدالله : لا إله إلا الله
أبو خالد : عبدالله بنتنا بترجع معنا معززة مكرمة
عبدالله : يا عمي وش هالكلام
أبو خالد : إلا إنت وش هالسواة إلا نسيت أقول لك ألف مبروك ما جاك يتربى بعزك إن شاء الله
عبدالله : الله يبارك فيك
أم خالد : قومي جهزي أغراضك يالله
فجر : يممممه
عبدالله : عمتي الله يهديك لا تخربين بيت بنتك
أم خالد : أنا اللي بأخرب بيت بنتي و الله ما بيخرب بيتها غيرك
عبدالله تنرفز : فجر إنتي عارفة إني شاريك و ما يحتاج أعيد الكلام إذا إنتي راضية بالعيشة معي راح تعيشين
معززة مكرمة و ما راح أقصر عليك بشي و إذا تبين تروحين مع أهلك هذا الشي راجع لك
أم خالد : إيه سمعتي بأذنك مستعد يستغني
فجر : يبه يمه أنا راح أكمل حياتي مع عبدالله أنا عارفة مصلحتي وراضية بنصيبي ما راح ألقى أحسن من ولد
عمي هو بيصونني و يحترمني و ما راح يقصر علي بشي وبعدين حنان طيبة و حبوبة ليش تحكمون عليها قبل
ما تشوفونها
أبو خالد : دام هذا رايك يا بنتي ما راح أغصبك على قولتك إنتي أدرى بمصلحتك
أم خالد : سلمان وراك ...
أبو خالد يقاطعها : خلاص يا مرة كثر الكلام ما منه فايدة دام البنت وزوجها راضين ببعض وشو له نخرب عليهم
سمر : صح ماماحرام عليك هم يحبون بعض
أم خالد : إنتي اسكتي وش عرفك بهالسوالف
سمر تغمز : ماااماااا اللي يحبون بعض يبان بعيونهم زيك إنتي و بابا
أبو خالد + عبدالله + فجر : ههههههههههه
أم خالد : سمروه اسكتي
سمر : مو صح يا بابا
أبو خالد : صح يا عيون بابا
فجر تبوس راس أمها : فديتك يالغلا خليني اسوي اللي يريحني ولا تخافين علي
أم خالد : خلاص عاد وش بأقول الله يوفقك يمه ولو إني ....
عبدالله : عمتي صدقيني راح أعيش بنتك العيشة اللي كانت تتمناها و ما راح أقصر عليها بشي إن شاء الله
و إذا شافت مني شي يضايقها ذاك الساع الشور شوركم واللي تبونه سووه
أم خالد وبدت تقتنع : الله يوفقكم يمه
فجر بابتسامة : إيه يمه هذا الكلام اللي أبيه بعدين ما تبين تشوفين حنان
في غرفة حنان ......
سحر : حناااان ولدك يهبل فديته
حنان : هههههه يشبه أبوه
سحر : دام أبوه و أمه حلوين أكيد بيطلع حلو
حنان : والله إني خايفة على فجر
سحر : فجر بالذات لا تخافين عليها تعرف تحل أمورها بنفسها
حنان ارتبكت : هلا خالتي
أم خالد : هلا فيك يمه
فجر تآخذ عبدالرحمن : هات حبيبي
حنان تسلم عليها : كيفك خالتي
أم خالد : بخير ربي يسلمك إنتي كيفك والحمد لله على سلامتك
حنان : الله يسلمك خالتي
أم خالد : يتربى بعزكم إن شاء الله
حنان : آآآآآآآآآآمين
سحر بصوت واطي : هذي هي أمي كالعادة تكبر السالفة و تعصب و تسويها مشكلة و بالنهاية تسكت و تضحك
ولا كأن شي صار
فجر : ههههههههه
أم خالد : وراك تضحكين
فجر : هههههه و لا شي يمه خذي دودي سلمي عليه
أم خالد تشيله : فديته والله يا ربي وش زين الأطفال هااه سموره تبيني أجيب نونو زيه
سمر : و لا تفكرين ماما لأنه ما راح يعيش دقيقة
سحر : فكوني عليها أشوف و إنتي وش لك كافي دلع
سمر : يحق لي
فجر : إييه خايفة يجي النونو و ياخذ الحب كله
سحر : لا و إنتي صادقة خايفة يطيح كرتها بالمرة
حنان : ههههههه فديتها ملسونة
فجر : زي بعض الناس
سحر : يمه ما عليك منها جيبي واحد صغير يسلينا بالبيت
أم خالد : لا والله ما فيني إنتي شدي حيلك و تزوجي وجيبي نونو
سحر : يمممممه هييين إن ما دخلت الفكرة براس أبوي اليوم ناوية ناوية عشان أكسر راس هالدلوعة
الكل : ههههههههههه
سمر : ما تقدرين
سحر : إييييه طيب
فجر : هيييه وين رايحه عبدالله بالصالة
سحر تسوي لثمتها : إيه عادي باروح عبدالله مو غريب
فجر : حنان تعالي أبوي يبي يسلم عليك
حنان : استحي
أم خالد : وشو له تستحين زي أبوك
في الصالة ......
سحر : كيفك عبدالله عساك بخير
عبدالله بابتسامة : تمام الحمد لله إنتي كيفك
سحر : عال العال على البركة ما جا لك
عبدالله : الله يبارك فيك
سحر : يبه بأقولك شي
أبو خالد : هههههه قولي
فجر : يبه حنان تبي تسلم عليك
أبو خالد : تعالي و أنا أبوك
حنان : كيفك عمي
أبو خالد : بخير ربي يسلمك الحمد لله على سلامتك
حنان : الله يسلمك تفضل عمي
سحر : يبه وش رايك بدودي يجنن صح
أبو خالد يبوسه : الله يحفظه سميتوه عبدالرحمن
عبدالله : إيه على اسم الوالد الله يحفظه
سحر : يبه ما ودك بصغنون يسلينا بالبيت
أبو خالد : هههههههه
سحر : يبه طلبتك اقنع أمي خلها تجيب لنا واحد
أم خالد : شيليها من بالك .. سلمان أنا قلت لها إنتي تزوجي و جيبي نونو
أبو خالد : إيه أمك صادقة
عبدالله : هههههههه سحر
سحر : لا لا أنا مقاطعة الزواج مستحيييل أتزوج
عبدالله : هذي لميس كانت تقول زيك و تزوجت
فجر : عقبال ما تنفك عقدة أختي
أم خالد : إيييه نبي نقرى عليها
سحر : اللي فيني كثاااار
سمر : إيه و أنا أشهد
أبو خالد : بسم الله علينا
الكل : هههههههههههههههه
في شركة طلال ....
هاني : طلال وش السالفة تكلم عشان أقدر أحل المشكلة
طلال : دق جوالي و رديت إلا اسمع وحدة تبكي و تصيح تقول طلال الحق علي في احد يبي يدخل علي بالبيت
حرامي يحاول يفتح الباب الخلفي حق البيت و ما أحد عندي قلت لها إنتي مين قالت أنا رنا سكرت السماعة
سألتني سديم وين رايح ما قدرت أقول لها شي بس قلت إن واحد من أصحابي بنشر عليه الكفر بأروح أساعده
هاني : إيه وبعدين
طلال : رحت لبيتها فتحت لي الباب و ما دريت إلا هي تسكره ما طلع في حرامي ولا هم يحزنون أنا عصبت عليها
ولما جيت طالع و فتحت الباب لقيت سديم بوجهي شافتني عندها و قامت تبكي و ما دريت إلا هي طايحة بين إيديني
و أنا والله يا هاني ما خنتها أصلا ما أدري وشلون قدرت تفكر هالتفكير
هاني : لأنها شافتكم مع بعض سديم نفسيتها زفت
طلال : أقدر أجي اليوم أكلمها
هاني : تعال أجلس معها و فهمها بالسالفة
طلال : ما أبي أحد يكون موجود بالبيت
هاني : أمي و أختي بيروحون لعبدالله و أبوي بيطلع مع عمي يعني تقدر تجي البيت فاضي
طلال : متى
هاني : بعد المغرب .. الله يعينك سديم ما راح تقتنع بسهولة
طلال : أهم شي أكلمها
طق طق طق
طلال : ادخل
باسل : السلام عليكم
طلال + هاني : و عليكم السلام
باسل : طلال هذي الأوراق تحتاج توقيع عشان نخلص المعاملات
طلال : مالي نفس اليوم
باسل : بس ما نقدر نأخرها أكثر من كذا
طلال : أوكيه هاتها
هاني : يالله أنا بأروح أكمل شغلي
باسل : هاني وش فيه طلال تعبان من شي
هاني : لا عنده مشكلة شوي
باسل : آآهااا
بعد المغرب .....
سديم : ميري ماما و لميس راحوا
ميري : إيه راحوا
تن تن تن تن
سديم : غريبة مين يجي
ميري : أمكن هاني
سديم : خلاص روحي أنا بأفتح
تن تن تن تن
سديم : طلااااااااااال
طلال : السلام عليكم
سديم من غير نفس : وعليكم السلام نعمممم
طلال : كيفك
سديم : ليش جاي
طلال : جاي أكلمك
سديم : ما أحدفي البيت روح يالله مالك كلام معي " تسكر الباب "
طلال يدف الباب : سديم اتركي حركات الصغار وخري خل ادخل
سديم : يا سلاااام على كيفك
طلال يدخل : أنا جاي أكلمك
سديم تسكر الباب : تكلم بسرعة أنا اسمعك
طلال : اللهم طولك يا روح .. سديم اجلسي
سديم تجلس : نعممم
طلال : سديم إنتي فاهمة الموضوع غلط صدقيني أنا ما خنتك
سديم : إيه أكييييد بأصدقك و أكذب عيوني
طلال : سديم السالفة و ما فيها إنها دعتني تقول إن في أحد يحاول يدخل عليها ببيتها رحت أساعدها
لأن ما عندها أحد و لما مالقيت الحرامي على قولتها عرفت إنها كذااابة عصبت عليها و لما جيت طالع لقيتك في وجهي
سديم تبتسم بقهر : أمداك يا طلال تألف قصة تضحك علي و أنا اللي شفت كل شي قدام عيوني
طلال : سديم إنتي ....
سديم تقاطعه و تبكي : طلال قول لي بأيش قصرت عليك عمرك تمنيت شي مني و لا حصلته عمري غلطت بحقك
ما أتوقع أنا اللي أخذتك غصب عني و ما توقعت بيوم من الأيام إني أحبك حاولت أكابر و أكابر و أكابر بس ما نفع
لأني حبيتك و مستحيل هالشي يتخبى تتوقع لو ما حبيتك هاللي ببطني بيكون موجود مستحييييل بس
إنت يا طلال خربت اللي بيني و بينك و دمرت أشياء كثيرة مو ممكن تتصلح
طلال يجلس عند رجولها و يمسك يدينها : سديم قلبي لا تبكين و اللي خلقني و خلقك ما خنتك و ربي شاهد علي
وش اسوي عشان تصدقيني اذبح عمري يعني تبيني أموت عشان ترتاحين
سديم : لا بسم الله عليك عساه فيني و لا فيك
طلال : اجل ارجعي معي أمي و مها مشتاقين لك و أنا ما أقدر أقعد بالبيت دقيقة بدون ما أشوفك قدامي
و عبود بس يبكي مو راضي ياكل و لا ينام زين كل هذا صار فينا بغيابك
سديم : لا يا طلال أنا ما أقدر أرجع صعب علي و لو بأرجع راح أرجع من كيفي بس اللي صار صعب أنساه
أنا آآسفة
طلال : سديم حرام عليك ارحمني
سديم تبكي : طلال إنت اللي ارحمني بس كفاية لا تجبرني على شي ما أبغى أسويه قلت لك
خليني براحتي
طلال يمسح دموعها : طيب براحتك راح أخليك تفكرين بكلامي و متى ما حبيتي ترجعيني بيتك مفتوح لك
و راح تلقيني انتظرك
سديم : .....
طلال : سديم طالعي شكلك بالمراية لا تسوين بعمرك كذا شوفي وجهك كيف أصفر إنتي لازم تهدين نفسك و تآكلين
لا تنسين إنك حامل
سديم : ميري
ميري : نعم سديم
سديم : جيبي كاس مويه
طلال : يالله أنا رايح
سديم : خذ اشرب المويه
طلال بابتسامة : مشكورة
سديم تمسح دموعها : العفو
طلال يبوس راسها : يالله مع السلامة يالغلا انتبهي لنفسك
سديم : سلم على أمي و مها
طلال : يوصل إن شاء الله
سديم : طلال ممكن طلب
طلال : عيوني لك
سديم : جيب عبدالله لي بكرة
طلال : إن شاء الله مع السلامة
سديم : مع السلامة
تن تن تن تن
سديم :هه يمكن باقي شي نسى يقوله
سحر : سديموووه
سديم : ههههههه هلا والله هذا إنتي
سحر تبوسها : كيفك يا عسل
سديم : تمام الحمد لله
سحر : و كيف البيبي
سديم : يسلم عليك هلا عمتي تفضلي
أم خالد : كيفك يمه عساك بخير
سديم : بخير ربي يسلمك وينه عمي
أم خالد كلمه أبوك و راح له
سديم : تفضلوا حياكم والله تو ما نور البيت
أم خالد : وين أمك و لميس
سديم : راحوا عند عبدالله يباركون له
سحر : و إنتي وش تسوين هنا توني شفت زوجك طالع من عندك
سديم ارتبكت : هاااه إيييه أنا تعبانة شوي تعرفين الحمل وقلت له يوديني عند أهلي أريح يومين و جا يشوف إذا ناقصني
شي أو بحاجة شي
سحر : ههههههه أشوفه طالع مبسوط كل هذا عشان شافك
سديم : وش تحسبين أكيد زوجي و يحبني عقبالك يا دبى
أم خالد : الله يسمع منك يمه
سحر : لا أعوذ بالله
سديم : ما فيه فايدة عمتي لا تحاولين
أم خالد : أجل زين يمه حصلناك بالبيت وإلا كان قعدنا ورى الباب
سديم : بأروح أسوي القهوة
أم خالد : ما يحتاج حبيبتي
سديم : وش دعوة عمتي كلها 5 دقايق و هي جاهزة
بالمطبخ .......
سديم : ميري سوي قهوة على النار و كلمي كومار يجيب من برى حلى و معجنات
ميري : إن شاء الله
سديم : قولي له بسرعة أنا بأطلع أغير بيجامتي
أم خالد : سحرووووه وشو له تقلبين بجوال سديم استحي على وجهك
سحر : عادي يمه نمون على بعض
أم خالد : يا شيين اللقافة
سحر تفتش بالصور : يمه طالعي طلال وش زينه يهبل
أم خالد : يا بنت استحي
سحر : من جد كامل و الكامل الله مركز و سمعة و جمال وو سامة ما شاء الله
أم خالد : يالله عقبالك
سحر : جتني السومة من هالطاري يمه طالعي هذا خطيب لميس
أم خالد تناظر فيه : بسم الله عليه الله يحفظه
سحر : هههههه مزيون .. آآآآآآآآه يمممه لو تسمعين ضحكته عذااااااب شي جنان ضحكته ترد لك الروح
تخلي كل شي فيك يبتسم
أم خالد تضربها : سحرووووه إذا ما عقلتي بأوريك ترى
سديم : هههههههه وش فيها سحر
أم خالد : ما تستحي وجهها مغسول بمرق
سديم : إييه عمتي ما تخلي طبعها
سحر : و أنا وش سويت ما قلت غير الصدق
سديم : وشو الصدق
سحر : قلت إن ضحكته عذااب و تجنن و ترد الروح
سديم : ههههه إييه مين هذا
سحر بهيام : راااااكان
سديم تشهق : خطيب لميس
سحر : هو بعينه
سديم : ههههههههه هييين إن ما علمت لميس عليك طلال ما خليتيه في حاله و الحين راكان حشا تزوجي و ريحي
عمرك
سحر : هههههههه يا شيخة