الفصل 13
الجزء الثالث عشر ^_^
نروح لبيت جديد و عايلة جديدة اللي راح يكون لها دور كبير و ممتع بالرواية ما راح أتكلم أكثر بس راح أترك
الشخصيات تحكي لكم ,,,
في بيت أبو ريان .....
أبو ريان " خالد " الله يرحمه مات و ترك المسؤلية على ولده الكبير
أم ريان " هدى " إنسانة واعية و مثقفة و الكل يحبها لأنها طيبة عمرها 47 سنة
ريان " الولد الكبير " موظف في الاتصالات إنسان متفهم و عقلاني هادي و ما يحب العصبية عمره
36 سنة متزوج بنت عمه غادة و عنده بنت اسمها رغد .
راكان " أصغر من ريان " يشتغل بشركة أبو فراس طيب و حنون و الكل يحبه بس شربه
للدخان يخليه يعصب عمره 25 سنة .
ريم عمرها 22 سنة تدرس آخر سنة بالجامعة حلوة و طيبة و هي أقرب وحدة لراكان
رنا عمرها 19 سنة 3 ثانوي مجتهدة و ذكية و أهم شي بحياتها الدراسة
رهف عمرها 17 سنة أولى ثانوي هي بوادي و الدراسة بوادي تحب الفلة و شعارها فلها و ربك يحلها
ريناد آخر العنقود ثاني متوسط دلوعة الكل و ما أحد يرضى على زعلها
ريان : وراك يا ولد الحلال من يوم ما خطبنا لك و إنت سرحان و تفكر
راكان : ما أدري شايل هم خايف إنها ما توافق
ريان : وليش ما توافق هي بتلاقي أحسن منك
رنا بغرور : يحق لها بنت عز و مو شايفه حولها أحد
ريان : رنا قل خيرا أو اصمت
رنا : ما قلت غير الصدق ليش نكذب على أنفسنا دامك عارف يا راكان إنها بترفض كان ما تعبت عمرك و رحت
تخطبها
راكان عصب : انقلعي عن وجهي أشوف
ريان : راكان هد نفسك و بلاها العصبية و إلا مو شايفني قدامك
راكان : أنا آآآسف
ريان : رنا تعالي سلمي على راس أخوك
رنا تتحلطم : طيب
ريم : الله يهديها
رنا تسلم على راكان : آآآسفة
راكان بابتسامة : خلاص ما زعلت
ريان : يالله روحي لغرفتك و مرة ثانية هالكلام ما ينعاد
راكان : خلاص ريان أنا سامحتها
ريان : ما عليه خلها تتأدب
ريم : حبيبي راكان صدقني عندي إحساس كبير إنها بتوافق
راكان : الله يسمع منك
أم ريان : يا يمه كل شي بالدنيا نصيب و إذا هي من نصيبك راح تاخذها
غادة : وسع صدرك و أنا أختك
راكان : الله يكتب اللي فيه الخير يا أم رغد
ريم تهمس له : إلا نفسي أعرف وش السبب اللي مخليك تتعلق فيها كذا لا يكون يا ركيين تعرفها من ورانا
راكان بابتسامة : بعدين أقول لك
رغد : عمو ملاهي
راكان يبوسها : فديتك والله بكرة أوديك الملاهي كم رغودة عندي
رغد تأشر بإيدها : واحد رغد و بس
راكان : ههههههه ريان بنتك تتكلم زي الهنود
الكل : ههههههههه
غادة : أوريك تضحك على بنتي
راكان : هااه رغوده وين تبيني أوديك
رغد : ملاهي بكرة أروح
راكان : كلاص أنا بكرة في يودي إنته بس ما يسوي مشكل تيب
الكل : هههههههههه
ريم : هههههههه بس راكان
راكان يدغدغها : هههههههه اضحكي يالله ضحكتك تسوي لي إنعاش
ريم : ههههه راكان والله حراااا هههههه م عليك هههههه
راكان يفكها : خليك عاقلة هههههه
أم ريان : الله يفرح قلبك يا يمه
راكان يبوس راسها : آآآمين يالغلا
ريان : و ريان و ين راح
أم ريان : إنت الأساس يالغالي الله لا يحرمنا منك
الكل : آآآآآمييين
راكان : عن إذنكم بأطلع برى للحديقة
ريان : راكان و أنا أخوك لا تذبح عمرك بهالدخان تراه مو زين لصحتك
راكان : خير إن شاء الله
ريم تلحقه : بأجي معك
راكان : و إنتي وراي وراي ما تخليني أتنفس
ريم بابتسامة : على قلبك
راكان يرد الابتسامة : زي العسل والله
ريم : هههههه خلاص كبر راسي إلا ما قلت لي وشو السر
راكان بابتسامة: هي مكالمتين علقتني فيها و شوفة وحدة
ريم تشهق : تكلمون بعض
راكان يضربها على راسها : لا يروح تفكيرك بعيد
راكان يتذكر ......
لميس معصبة : نعممممممممم
راكان : إحمممممممم
لميس : أخلص بسرعة ميييين
راكان : السلام عليكم
لميس : وعليكم السلام
راكان منحرج : لا بس بغيت أقول إن عمي أبو فراس قال لي أخبركم إنه بيتأخر
سديم : لميييييييس خلص هههههههههه
لميس : كلي تراب يالزفت
راكان : نعمممم
لميس : سوري خلاص باقي شي
راكان : لا مشكوره على الأسلوب الحلو
توت .. توت .. توت .. توت ..
راكان مستغرب : معقوله هذي بنت أبو فراس هههههه والله شي
ريم : ههههههه سكرت بوجهك
راكان بابتسامة : إيه
ريم : و المكالمة الثانية
راكان : المكالمة الثانية ههههههه كنت شوي و أضحك
لميس : نعم .. وبعدين معك إنتي الناس حزة غدا وشو له الإزعاج
المتصل : .........
لميس تصارخ : هيييييييه مين أكلم أنا يا مال الماحي إن شاء الله ليانوه وراك ما تتكلمين
المتصل بصوت رجولي : إحممممم أبو فراس موجود
لميس مصدومة : سوري ما سمعت
المتصل :أقول أبو فراس موجود
لميس وراحت فيها : إيه موجود مين أقول له
المتصل : قولي له راكان
لميس تتكلم بصوت واطي : ولعنتين فيك يا لميسوه الحين أيش بيقول عنك الرجال بيقول هذي ما ربوها أهلها
الله يفشلك هذي مو أول مره
راكان مستعجل : لا ما راح أقول بس نادي أبوك بسرعة
لميس بخوف : دقيقة .. يبه . يبه
ريم : هههههههه باين عليها حبوبة .. إن شاء الله تكون من نصيبك يالغالي و الشوووفة عاد هذي تحتها خطين أحمر
راكان : هههههه غبية اسمعي
لميس : جده حبيبتي اسبقيني للسيارة و بأجيك
الجدة: هو أركب مع السواق وحدي تبينه يخطفني
لميس : ههههههههه جده وشو له يخطفك
الجدة : يا كثر مصايب السواقين بايعة عمري أنا
لميس : يا يمه أبصم لك بالعشرة ما راح يقرب صوبك هو بس يشوفك بيهج
ريم : هههههههه ماهي بصاحيه تكلم جدتها كذا
راكان : ههههههه بايعتها المهم
الجدة ترفع العصا : أخس ياللي ما تستحين على وجهك
لميس تركض للخيمة : هههههههههه يالبى قلبك يا جدة صدق تحــ.....
راكان بابتسامة: يا لبى الضحكة يا شيخة
لميس تمشي : تخسي ياللي ما تستحي
راكان : لميس
لميس وقفت مصدومةعند الباب : ........
راكان بابتسامة : ما قلت لك هالكلام إلا لأني واثق إنك لي
لميس تركض و الدموع بعينها : قليل أدب من جد ماني بنت أبوي كان ما علمت عليه اللي ما تربى
الجدة خافت : وراك يمه تبكين
لميس تمسح دموعها : لا يمه ما فيني شي
الجدة : وشلون ما فيك شي
لميس : لا يمه بس وأنا أركض صدمت رجولي بالطاولة و ألمتني
الجدة بشك : أكييييد
لميس تضحك : هههههه يمه الله يهداك ما تشوفيني أضحك قدامك تعرفين لميس دلوعة شوي
الجدة: لا و إنتي صادقة كثييير
ريم : راكاااان كيف جتك الجرأة تقول هالكلام
راكان : صدقيني حتى أنا ما أدري
ريم : حرام كسرت خاطري أكيد انصدمت و الحين بتاخذ موقف و ما بتوافق
راكان خاف : لا تقولين
ريم : لا لا بتوافق إن شاء الله بس أهم شي الجدة فلة
راكان : ههههههه مرررة أنا جالس بالخيمة و اسمع صوتها و ماسك ضحكتي خوفي يدخل أبو فراس بأي لحظة
ريم تصرخ: رااااكااان
راكان يضربها : وجع خوفتيني وراك تصرخين
ريم : ريان وين كان
راكان : راح يجيب جواله من السيارة
ريم : خفت يكون موجود و تروح فيها البنت زيادة
راكان : طيب يالله انقلعي عن وجهي و روحي نامي بكرة وراك دوام
ريم : هههههه طيب مقبولة منك بس راح أردها
راكان : الحمد لله و الشكر أطردها و تضحك
اليوم الثاني في العصر ......
طلال : وش هالحلاوة اليوم
سديم بابتسامة : عندي مشوار
طلال مستغرب : على وين إن شاء الله
سديم : أنا جايه أقولك أمس عبدالله مكلمني و قال إنه بيمرني بعد العصر
طلال : ما قال لك وين
سديم : لا والله ما قال لي
طلال يقرب منها : محتاجة فلوس
سديم تأشر له : لا طلال بعد
طلال يبعد : أوه آآسف نسيت
سديم : مشكور طلال ما يحتاج معي
طلال : خذي هذي يمكن تحتاجينها
سديم : شكرا
طلال : العفو
سديم : هلا عبدالله .. إيه خلاص هذا أنا طالعة
طلال : لا تتأخرين طيب
سديم : إن شاء الله
في سيارة عبدالله ....
سديم : السلام عليكم
عبدالله : هلا و غلا و عليكم السلام
سديم : كيفك
عبدالله : تمام بشوفتك و إنتي كيفك اليوم إن شاء الله أحسن
سديم : إيه الحمد لله إلا ما قلت لي عبود وين رايحين
عبدالله : الحين تعرفين
سديم : فجر جالسة وحدها
عبدالله : إيه ما تدري تحسبني بالدوام
سديم : الله يستر منك
عبدالله : ههههه وراك خايفة يالله انزلي وصلنا
سديم تطالع بالبيت اللي قدامها : هذا بيت مين
عبدالله : بيتي
سديم : بيتك
عبدالله يمسك إيدها : امشي
عند الباب .....
تن تن .. تن تن
حنان : مين
عبدالله : افتحي أنا عبدالله
سديم مصدومة : لا تعليييييق !!!!!
حنان تحضنه : عبودي وحشتني
عبدالله يمسح على راسها : و إنتي أكثر كيفك اليوم
حنان : توني صرت بخير
عبدالله : هههههه يالكذابة
حنان : هلا سدومه تو ما نور البيت
سديم تفك اللثمة : منور بوجودك
عبدالله : سديم حبيبتي هذي زوجتي حنان
سديم : أيييش زوجتك
عبدالله : تفضلي اجلسي الحين بأشرح لك السالفة
سديم تفسخ عبايتها : عبدالله تتكلم من جد
عبدالله ياخذ العباية منها : اجلسي .. حنان وينك
حنان تقدم العصير : أحلى مفاجأة والله كنت أتمنى أشوفك
سديم : وش معنى
حنان بابتسامة : عبدالله دايما يحكيني عنك و أنا بصراحة حبيتك قبل لا أشوفك
سديم : شكرا
في بيت أبو فراس .....
لميس : يمه أنا استخرت
أم فراس فرحت : عساه خير يمه
لميس : يمه بعد ما استخرت و نمت حلمت إني جالسة ضامه رجليني وجالسة مهمومة أفكر و إلا يجي راكان
لابس أبيض و بوجهه زي النور يعني ملامحة مو باينة و يقول لا ترفضيني أنا خير لك
أم فراس تحضنها : الله يكتب لك الخير يا قلبي وش تبين أكثر من كذا بعد أبوك و أخوانك مدحوا الرجال
لميس محتارة : شوري علي يمه
أم فراس : وافقي حبيبتي يمكن صدق يكون خير لك و أنا من جد مرتاحة له
لميس : خلاص أعطي أبوي خبر و قولي له إني موافقة
الجدة : لا يا سعاد لا تخلينها توافق
أم فراس : و ليش يمه
الجدة : بعض الناس يقولون مقاطعين الزواج على قولتهم منتج دنيماركي
لميس بحيا : جددددددة
الجدة بفرح : الله يوفقك يمه
لميس تحضنها : أحبك يالغلا
الجدة : و أنا أحبك
لميس : بس هاااه يمه مو قبل ما أخلص الثانوي
أم فراس : و لا يهمك يالغلا
في بيت عبدالله .....
عبدالله : و هذي السالفة يالغلا من طقطق إلى السلام عليكم
سديم : والله ما انتي هينة يا حنون خليتي عبدالله يحبك
حنان بحيا : شفتي كيف
سديم : الله يوفقكم إن شاء الله بس فجر كيف بتخبرها
عبدالله : ما أدري أنا محتار و أبغاك تساعديني
سديم : كلمها بالهداوة و لا تعطيها بوجها على طول بعدين تنصدم بس هاااه من الحين لازم تعدل بينهم
عبدالله : أكييد ما يحتاج توصين
حنان : أنا قلت لعبدالله إني بأحطها بعيوني و راح نكون زي الأخوات
سديم بابتسامة : الله يسعدكم يا رب و ترى فجورة مرة عسل راح تحبينها
حنان : الله يا عبدالله أختك بسم الله عليها قمر
سديم بحيا : ههههه تسلمين يا قلبي
حنان : لو مو متزوجة كان أخذتك لأخوي ياسر
سديم : الله يرزقه ببنت الحلال .. إلا كم باقي لك و تولدين
حنان : شهر
سديم : والله و يا عبود و بتصير أب
عبدالله بفرح : شفتي كيف
سديم : إلا حنان بأسألك سؤال
حنان بابتسامة : اسألي يا قلبي
سديم : إنتي توحمتي على عبدالله
حنان : لا الحمد لله ما توحمت عليه و إلا كان الحين كارهني لااااا يكون إنتي
سديم : الله يفرجها يا شيخة
عبدالله : ههههههه قمت أحزن على طلال
سديم : والله مرة مسختها معاه بس يتحملني الله يعينه
عبدالله : الله يسهل عليك يالغلا
ترن ترن .. ترن ترن
عبدالله : أششش هذي فجر اسكتوا .. هلا فجورة
فجر : كيفك عبدالله
عبدالله : بخير يالغلا
فجر : بتتعشى معايه اليوم
عبدالله : إن شاء الله
فجر بفرح : من جد يا قلبي
عبدالله بابتسامة : عيدي وش قلتي
فجر : عبدالله بس عاد لا تحرجني
عبدالله : ههههههه فديت الحيا يا شيخة خلاص بعد المغرب أكون عندك
فجر بفرح : استناك .. باي
عبدالله : باي
سديم : عاد ما يصير تتكلم بهالكلام قدام حنان ترى إحنا الحريم نغار
حنان بابتسامة : عادي سدومة هذا من حقها و أنا واثقة بعبدالله إنه يحبنا ثنتينا فليش أزعل
سديم : الله يكملك بالعقل يالغلا إنتي شي نادر استحالة بهالزمن نلقى مثلك
عبدالله يبوس راسها : الله لا يحرمني منها أم حسام
حنان بحيا : بأروح أجيب القهوة
سديم : خذيني معك بأساعدك
حنان : ما يحتاج
سديم : لا بأساعدك ما بيننا شي
في المطبخ .....
سديم : واااو حنون وشو له مسويه كل هذا
حنان بابتسامة : فرحانة بجيتك ما تبغيني أسوي
سديم : الله يهديك ترى مو من كثر أكلي
حنان : لا اليوم بأخليك تخلصين الصحون كلها
عبدالله : مساعدة يا حلوات
سديم : عبود وشو له تخلي مرتك تتعب نفسها
عبدالله : هههههه بلاك ما دريتي بس قلت لها بأجيب سديم ما نامت الليل جلست تحوس بهالمطبخ
سديم بابتسامة : يا بعد قلبي إلا وينه ياسر
عبدالله يغمز : عجبك
سديم : وجع عبود تراني متزوجة
عبدالله + حنان : ههههههههه
حنان : طلع يلف بالسيارة
سديم : حرام بهالشمس عبدالله كلمه يجي يجلس معك و أنا و حنون مو مشكلة بنجلس بغرفتها
عبدالله : أوكيه مو مشكلة الحين أكلمه .. هلا ياسر وينك
ياسر : برى وين يعني
عبدالله : تستخف بدمك
ياسر : ههههههه آمر
عبدالله : ما يامر عليك عدو تعال البيت
ياسر : ليه وش عندك
عبدالله : ياهالرجال يحب يطولها و هي قصيرة تعال أبي أسولف معك
ياسر : ههههههه أوكيه مسافة الطريق كان قلت من أول
عبدالله عصب : أحلف
طوط .. طوط .. طوط
عبدالله : أخوك هذا مو صاحي
حنان : هههههههه أدري
سديم : عبدالله الجرس
عبدالله : معقولة ياسر توني مكلمه
حنان : تعالي سدومه لغرفتي
ياسر : السلام عليكم
عبدالله : هلا و عليكم السلام
ياسر : ههههه بتخليني واقف على الباب
عبدالله يسحبه : ادخل
ياسر : ههههههه ياخي شوي شوي علي ذابح لك أحد أنا
عبدالله : اجلس وراك واقف
ياسر : قول لي وين اجلس
عبدالله وصلت معه : فوق راسي
ياسر يقرب : اجلس طيب
عبدالله : يااااسر
ياسر : هههههه
سديم : وراه عبدالله عصب مو من عادته
حنان : ههههههه أكيد ياسر ما غيره خل أروح أشوفهم .. هلا ياسر
ياسر بابتسامة : هلا والله تعالي
حنان : عبدالله وراك معصب
عبدالله : وفي غير أخوك
حنان : ياااااسرر حرام عليك
ياسر يبوس راس عبدالله : آسفين يا أبو حسام
عبدالله : ههههههه الله يعين عليك
حنان : هذي قهوتكم جهزتها
ياسر : اجلسي معنا
حنان : و اترك سديم وحدها
ياسر : أوه صح نسيت خلاص روحي
في غرفة عبدالله و حنان .....
حنان : كيف عمي و عمتي
سديم : تمام ما عليهم
حنان : و لموسه كيفها
سديم بابتسامة : لميس انخطبت و مو راضيه توافق
حنان : ليييش طيب ؟؟
سديم : تقول أهم شي بحياتها الدراسة و الزواج مقاطعته مسويه حمله هي و بنت عمي
حنان : هههههههه و كيف الرجال طيب
سديم : أبوي و أخواني يمدحونه بس هي مو راضيه
حنان : الله يوفقها بس لازم تستخير
سديم : قلت لها بس ما أدري عنها هي أدرى بمصلحتها
حنان : أي سنة هي
سديم : ثانوية عامة
حنان : خلوها تكمل هالسنة و بعدين تحدد مصيرها
سديم تناظر بجوالها : ههههههه جبنا سيرة الأط جانا ينط
حنان : هههههههه
سديم : هلا لموسه
لميس : كيفك
سديم : تمام الحمد لله إنتي كيفك
لميس : زي كل يوم
سديم : ههههههه وراه صوتك متغير
لميس : عندي انفلونزا
سديم : هههههه أجل انفلونزا الزواج
لميس : يا خف دمك
سديم : استخرتي
لميس : ووافقت بعد
سديم بفرح : من جد
لميس : شوي شوي لا تتقطعين
سديم : ليش أحسك مو فرحانة إنتي وافقتي غصب عنك
لميس : لا ما أحد غصبني وافقت برضاي
سديم : طيب وش فيك
لميس : استخرت وشفته خير و قلت يمكن يكون نصيبي
سديم : خبرتي أهلي
لميس : قلت لأمي تعطي خبر لأبوي
سديم : لميس إذا إنتي ما تبين ترى مو لازم بعد الدراسة فكري
لميس : خلاص أرد عليهم من الحين دام أبوي و أخواني موافقين عليه بلاها أشغل نفسي بهالسالفة
أنا أبغى أفرغ نفسي للدراسة الحين الاختبارات على الأبواب
سديم : الله يوفقك يالغلا إنتي و أدرى بمصلحتك
لميس : أوكيه أنا بأسكر عندي اختبار بكرة باااي
سديم : باااي .. الله يعينها أحسها مهمومة
حنان : لا تزوجته بتقول يا ليتني وافقت من زمان
سديم تبتسم : على قولتك
حنان : عبدالله يقول إنك تدرسين الجامعة
سديم : إيه بس الحين وقفت تعرفين حامل و وضعي ما يسمع و الله يا هالجامعات ينخاف منها
حنان : صادقة أنا خلصت الثانوي و جلست يعني الحين المفروض أكون سنة تحضيرية
سديم : تخيلي قبل أمس جتني وحدة تتحرش فيني بس شفتها حسيت إني بأروح فيها تعرفين وضعي
أخاف أقلبها هوشة و تضرني
حنان تشهق : وش سويتي
سديم : تفاجأت بغلا بنت عمي من وراها تدفها و بس قالت لها إحنا بنات مين هجت و ما شفنا غير غبارها
حنان : ربك ستر الحمد لله
سديم : دقيت على طلال و جا أخذني بس ما خبرته بالسالفة أخاف يمنعني أروح للجامعة
حنان : إيه زين سويتي
سديم : وش رايك حنان يوديك عبدالله زيارة لبيت أهلي
حنان انصدمت : لا سديم بصراحة أنا خايفة من ردة فعل أهلك
سديم : هو كذا و إلا كذا راح يدرون فأنا أقول بعد ما نخبر فجر و تتقبل الوضع تزورين أهلي إنتي وياها لأن
احتمال أبوي يسوي عزيمة قريب لعبدالله و خالد ولد عمي
حنان : ما أدري بس راح أقول لعبدالله
سديم : أنا راح أوقف معك لا تخافين و صدقيني راح يتقبلون بسرعة بس يمكن أبوي يكون شوي
معارض بس لا تشيلين هم راح نقنعه
حنان : الله يفرجها يا شيخة أنا الأهم عندي الحين هي فجر ما أدري أيش راح تكون ردة فعلها
و أنا ما أبغاها تنصدم و هي توها ببداية زواجها
سديم : فجر إنسانة واعية و تفكر صح و فوق هذا طيبة بشكل ما تتصورين
حنان : الحمد لله
سديم : أوكيه حبيبتي قولي لعبدالله يرجعني البيت
حنان : أجلسي ليش مستعجلة باقي ما شبعت منك
سديم بابتسامة : المرات الجاية إن شاء الله بس تعرفين ما أقدر أتأخر على طلال و أمي أكيد الحين
تبي دواها عاد تعرفين الوحدة لا تزوجت تنشغل
حنان : إيه و إنتي صادقة خلاص بأروح أقوله
عبدالله : بصراحة قضية اليوم تعبتني معقولة يا رجال 5 شهور و إحنا عليها
ياسر : هذي العسكرية الله يعين من جد كرف
حنان : عبدالله سديم تقول خل نمشي
عبدالله : ليش
حنان : تقول ما تقدر تتأخر على طلال
عبدالله : آآآه أجل السالفة فيها طلول هههههه أوكيه خليها تلبس
ياسر : عبود ودي أتزوج
عبدالله : إحلف
ياسر : خير إن شاء الله لا يكون ماني مالي عينك
عبدالله : دامك تبي الزواج الله يرزقك بوحدة تغثك ليل نهار
ياسر : أعوذ بالله منك يالحسود فالك ما قبلناه
عبدالله : ههههههه خلاص ولا يهمك عروستك عندي
ياسر : كانها من جهتك ما نبيها العنوسة أرحم لي
عبدالله : ههههههه هههههههه أقول إذلف عن وجهي بنت إنت قال أيش عنوسة
ياسر : هههههههه أقول قوم أختك تستنى
عبدالله : يالله مع السلامة
ياسر : مع السلامة
عبدالله : انتبه لحنان
ياسر : ياخي طفشتني كم مرة تقول هالاسطوانة تراني أخوها و أخاف عليها اكثر منك
عبدالله : أعرفك ما يعتمد عليك
ياسر يحذفه بالفنجال : أقول ضف وجهك
حنان : ياسر كسرت الفنجال
ياسر : أحسن
عبدلله : هههههههه سلام
ياسر + حنان : و عليكم السلام
عبدالله : هااه سدومه كيف حنان عجبتك
سديم تهز راسها : إيه البنت حبوبة كثير
عبدالله : عقبال ما أهلي يحبونها
سديم : من هالناحية لا تخاف تقدر حنان تاخذهم بإيدها
عبدالله : هههههه أوكيه يا دبه انزلي وصلنا
سديم : بوس لي فجورة و زوروني قريب لا تنسون
عبدالله : إن شاء الله
سديم : مع السلامة
عبدالله : الله يحفظك
مها تفتح الباب : هلا سديم رجعتي بدري
سديم تفك اللثمة : ما طولت خلصت المشوار وجيت
مها : تعالي قولي لي وين رحتي
سديم : أوكيه خل أجلس بالأول
طلال : هلا حبيبتي خلصتي مشوارك
سديم : إيه
طلال : ليه ما خليتي عبدالله يدخل فشله يروح و ما نضيفه فنجال قهوة
سديم : مستعجل فجر تستناه على العشا
طلال : هااه وش سويتي
سديم تجلس : شي ما راح تتصورونه بصراحة انصدمت
طلال : ليش ؟
أم طلال : السلام عليكم
الكل : و عليكم السلام
سديم : هلا يمه حياك .. تخيلوا طلع عبدالله متزوج
طلال : هه تستخفين بدمك دارين إنه متزوج
مها تستوعب : وحدة ثانية
سديم : تخيلوا وحدة ثانية بس ما خبر أحد يقول بس فراس كان يدري
طلال : دامه متزوج ليش ياخذ بنت عمه
سديم : يحبها
طلال : ههههههه ثنتين مرة وحدة
سديم : قول ما شاء الله وبعدين عبدالله له عذره
طلال : وش عذره
سديم : صديقه ياسر يشتغل معه بالدوام و مرة جا مهموم و خايف و لما سأله عبدالله وش فيه قال له إن أبوه بيزوج
أخته لشايب عمره 70 سنة
مها : وجع حسبي الله عليه اللي ما يخاف ربه
أم طلال : بعد قلبي أكيد الشايب معه فلوس
سديم : إيه يمه الشايب غني و أبوها عبد للفلوس
طلال : أستغفر الله العظيم ما أدري هالناس وشلون تفكر كم كان عمرها
سديم : 18 سنة
طلال : أجل أخوك تحركت فيه الشهامة و تزوجها
سديم : هههههههه إيه
مها : يعني رحتي عندها
سديم : إيه ببيت عبدالله
طلال : إذا هذا عذر عبدالله خلاه يتزوج أنا عندي عذر أقوى منه
مها : احلف ولا تفكر تاخذ وحده ثانية فوق سديم
أم طلال : لو يلف و يدور هالدنيا كلها ما راح يلقى مثل سديم الله يحفظها
سديم بابتسامة : تسلمين يمه
مها : وش عذرك يا سيد طلال
طلال : عذري إن مرتي ما تبيني عشان كذا بأتزوج وحدة تتفرغ لي هالفترة
سديم : قدها
طلال : إيه قدها ليه ماني برجال
سديم زعلت : هين يا طلال أنا أوريك
طلال : ههههههه صدقتي يا قلبي
سديم لفت وجهها : لا تكلمني زين
طلال : سدومه زعلتي والله لو مو خايف تسوينها علي كان راضيتك
سديم تمسح دموعها : ما يحتاج خلك مكانك
طلال : سديم وين رايحة
سديم : بأروح أنام أحسن لي
طلال : يمه أنا قلت شي يزعل .. سديم ما كانت تتحس كذا
مها : حزنتني يوم شفت دموعها
طلال : والله لو داري إنها بتزعل كان ما تكلمت
أم طلال : طلال يمه الحامل بهالفترة تصير حساسة أدنى كلمة تزعلها
طلال : يا هالحمل اللي ما يجي من وراه غير الهم
أم طلال : أستغفر ربك
طلال : أستغفر الله العظيم
أم طلال : طلال لا تقول هالكلمة مرة ثانية غيرك يتمنى الضنا و ما جاهم
طلال : أستغفر الله العظيم بس والله يمه مليت
أم طلال : ما عليه يمه تحمل شوي
مها : الله يعينها ترى حتى هي متأزمة من حالها
في بيت أبو ريان .....
ريان : راكان
راكان : سم
ريان سم الله عدوك وش تسوي على الكمبيوتر
راكان : أخلص بعض الاوراق الخاصة بالشركة تعرف لازم أخلصها أول بأول و إلا ما راح ألحق على شغلي
ريان : الله يعينك
راكان يطالع بجواله : هذا أبو فراس غريبة وش يبغى
ريان : رد عليه عساه خير إن شاء الله
راكان : الله يسمع منك .. هلا أبو فراس
أبو فراس : كيفك يا ولدي شخبارك
راكان : بخير الله يسلمك
أبو فراس : و كيف ريان و الأهل كلهم بخير إن شاء الله
راكان : الحمد لله كلهم بصحة و عافية
أبو فراس : دوم إن شاء الله
راكان : يدوم مغليك .. آآمرني يا أبو فراس أقدر أخدمك بشي
أبو فراس : تسلم ما تقصر أنا متصل أرد عليك بخصوص موضوع الخطوبة
راكان خاف : خير إن شاء الله
أبو فراس يلعب بأعصابه : إنتوا ناس و النعم فيكم والله و إنت ألف بنت تتمناك يا ولدي بس ..
راكان تحطم : مو مشكلة يا أبو فراس كل واحد ما ياخذ إلا نصيبه و هي الله يرزقها باللي أحسن مني
أبو فراس : هههههههه حتى ما خليتني أكمل كلامي أقدر أقولك ألف مبروك و أنا عمك و الله يكتب لكم اللي فيه
الخير
راكان فرح : الله يبارك فيك والله إنا شارينكم يا أبو فراس و ماراح نحصل مثل بنتكم
أبو فراس : تسلم .. عموما تقدر تجي إنت والوالدة تشوفون البنت
راكان : الخميس هذا يناسبكم
أبو فراس : الله يحييكم .. سلم لي على الأهل
راكان : يوصل إن شاء الله
أبو فراس : مع السلامة
راكان : في أمان الكريم
ريم فرحت : كللللللوش مو قايلة لك من قبل إنها بتوافق
راكان بغرور : و هي يحصل لها مثلي تحمد ربها
رنا : لا و اللي يسلم عمرك اسكت شكلها كانت نايمة يوم وافقت
رهف : يا أبويه ما عليك منها أقول روحي زين راكان زينة الشباب كلهم
رنا : ما في شك يا رهف بس تعرفين إحنا ما نملي العين فرق المستوى كبير
ريان : إن أكرمكم عندالله أتقاكم
رنا : و هم يفهمون أصلا
ريم : و إنتي وش فيك ماخذه منهم موقف و إنتي ما تعرفينهم أصلا لو هم مثل ما تقولين كان أبوها من البداية
رفض الفكرة بس واضح عليهم إنهم ناس طيبين
رنا : إيييه ستبدي لك الأيام ما كنت جاهل نستنى و نشوف وش علينا
راكان : رنا حبيبتي إحنا ما نحكم على الناس قبل ما نشوفهم مو صح بعدين حطي نفسك مكانها
غادة : تدرون أحس إن لميس هذي بتغير أشياء كثيرة و راح تسوي جو
راكان : هههههههه احلفي
غادة : أنا قلت إحساس
رهف : هيييه راكان راح تسكن معنا
راكان : أكيد معنا أجل وين بتسكن
رنا : ههه من جدك إنت يا أبويه فكر هي متعودة على حياة الرفاهية و الاستقلالية و أكيد ما راح ترضى
تسكن معنا بنفس البيت
راكان : بس أنا ما أقدر أترك أمي و لاني طالع من هالبيت إلا على قبري
أم ريان خافت عليه : سلامتك يمه لا تقول هالكلام
ريان : بس إذا طلبت هذا من حقها يا راكان إنها تطلب بيت شرعي
راكان : هذي أم جنى ساكنة معنا و ما اعترضت
غادة : راكان أنا غير أنا بنت عمكم منكم و فيكم بس هي غريبة عنا
ريم : مو مشكلة هالأمور يتفاهمون اثنينهم عليها
راكان : خلاص يمه ولا أنسى بعد بكرة نروح لهم إن شاء الله
رنا : أنا ما راح أروح أعذرني
راكان : ليه وش عندك
رنا : امتحان رياضيات عشان كذا مو فاضية للطلعات
ريناد بدلع : و انا بصررراحة مالي نفس بعدين تخيلوا شكلي أرروح أخطب لررراكان هو وش كبرره و أنا هالكبر
الكل : هههههههه
أم ريان : بأروح أنا و غادة و ريم و رهف
رهف : قدااام بصراحة أنا متحمسة
راكان : والله يا خوفي منك يا رهف تفضحينا
رهف : أقول ركييين يا زينك و إنت ساكت
راكان : ههههههههه
رهف : ياخي ضحكتك تسوي فيني تأثير أحس فيها رنات حلوة ما أدري كيف أوصفها يعني حتى لو
كنت متضايقة و سمعتها أحس إني أنبسط
راكان : ههههههههه من جد
رهف : ياخي خلاص بلاش تضحك
ريم : من جد ضحكة راكان فيها شي مميز انا عني إذا صبحت عليها كل يوم أحس إني ملكت الدنيا و ما
فيها
رهف : إييييه يا حظ لميس فيها .. بس يمه يمه يمه وخروا عنه لا عصب بصراحة أنا لا عصب علي طول الليل
أشوف كوابيس
ريم : ههههههههه أنا أهرب من المكان اللي هو فيه
راكان : احلفوا
ريان : ههههههه و هم صادقين
غادة : والله رغودة بنتي لا سمعت عمها يصارخ تجلس طول الليل و هي نايمة تبكي
راكان : وش دعوة عاد حشا دراكولا
رنا بابتسامة : والله لازم تدور لك حل لهالمشكلة انا عني لو سمعته يعصب و بيدي شي يطيح مني
ريناد برقة : بصرراااحة صررت أرحم لميس أحسها ررقيقة و مو متعودة على العصبية
راكان : ههههههه إنتي و هالرراء عندك مشكلة فيها
ريان : هههههههه ما أدري على مين طالعه
ريناد : يا سلام وش فيها رررائي وبعدين أنا كلامي كذا
رهف : تبيني أخرج لسانها من بلاعيمها و أخليها تنطقه زي الناس
ريناد : أصلا إنتي مقهوررررة مني لأنه فررق بيني و بينك
أم ريان : في هذي صدقتي فرق السما عن الأرض
رهف : أفا يمه توقفين ضدي أنا رررهف حبيبتك بعدين كذا طبعي وش أسوي ما أقدررر أغيررره
الكل : هههههههههههه
رنا : ما عليك منها رنود أصلاهي فيها حرة منك
رهف تشهق : أنااااا وش دعوة ما لقيتي إلا راء أحتر منها
راكان : هههههههه على الأقل أزين منك فيها أنوثة بس طالعي نفسك بالله طول الوقت بناطيل و تيشرتات
و شعرك قصير ههههههه تصدقين شعري أطول منه و لا روج و لا كحل والله يا حظ اللي بياخذك بتوفرين
عليه ما يحتاج يصرف كل ما أخذ له بدله ياخذ لك معه
رهف : و مين قال لكم إني بآآخذ رجال أصلا رجال مع رجال ما يخارج بس شكلي بأجرب الخكارة
راكان يحذفها بالجريدة : أقول انقلعي عن وجهي
ريان : أقول لا تتريقين يا خوفي يجي كل خطابك من هالأشكال
رهف تحمست : والله يا خوي لو يصير صدق بأنتحر أصلا ما ادري هذولا كيف العيشة معاهم وووع الله لا يبلانا
رنا : هيييه خلاص إنتي بس لق لق لق ما تسكتين
راكان : حشا والله بالعة راديو
ريم : ههههههه الله يعين اللي بياخذها آخرتها حاذفها مع الباب
ريان : وهو بيحصله مثل رهف المفروض يبوس يده ليل نهار و يشكر ربه
رهف قامت تسلم على راسه : فديتك والله إيه هذا أخوي ريان بعد قلبي الله لا يحرمني منك
يا تاج راسي
ريان بابتسامة :آآآآآمين
في بيت عبدالله .....
عبدالله : تسلم إيدك حبيبتي
فجر : بالعافية .. من جد عجبك و إلا تجاملني بس
عبدالله بابتسامة : أحد ياكل من إيدك و ما يعجبه
فجر بحيا : شكرا
عبدالله : العفو
فجر : عبدالله وين رايح بالصحون
عبدالله : هههههه أصور معها وين يا قلبي بأوديها للمطبخ
فجر : ههههههه خلها أنا بأشيلها
عبدالله : عادي أساعدك
فجر : خلاص كفايه يالله حطها على الطاولة و استناني لين ما أجي
عبدالله : أوكيه إذا خلصتي استناك عندي سالفة بأقولها لك
فجر : إن شاء الله
عبدالله جالس يفكر : أيش راح تكون ردة فعلها ممكن إنها تتركني و تطلب الطلاق لا لا مستحيل بس كيف راح
تكون ردة فعلها يا رب افرجها من عندك
فجر تأشر بإيدها : عبدالله عبدالله
عبدالله : هلا حبيبتي اجلسي
فجر : وين رحت ساعة أناديك
عبدالله بابتسامة : كنت أفكر فيك
فجر : ههههههه العب على غيري
عبدالله : صدقيني ما اكذب
فجر بابتسامة : ما عندي شك .. إلا قول وش السالفة اللي تبيني فيها تحمست
عبدالله سرح : .......
فجر : عبدالله فيك شي أحس بالك مو معك
عبدالله : لا يهمك
فجر : أوكيه قول وش عندك
عبدالله يمسك إيدها : هذي السالفة تخص واحد و أبي آخذ رايك فيها
فجر : تكلم أسمعك
عبدالله : لو عندك صديق يعز عليك و تعتبرينه توأمك يعني ما تفترقون و ش ممكن تقدمين له
فجر بابتسامة : لو بغى روحي أعطيه
عبدالله متوتر : طيب لو جاك بيوم من الأيام و هو ضايق و شايل هموم الدنيا على راسه و لما سألتيه وش فيك قال لك ما فيني شي
فجر : راح أصر عليه يعلمني باللي فيه يمكن أقدر أساعده
عبدالله : طيب لو قال لك إن أخته الوحيدة أبوها بيزوجها لشايب عمره 70 سنة وهي توها ما كملت 18 سنة و إنها بتطلع من
حياة عذاب إلى حياة عذاب أكبر وش بتسوين
فجر باندفاع : أكيد بأفزع و أتزوجها أجل أخليها تاخذ الشايب و يروح نص عمرها معاه .." دقيقة . دقيقتين . ثلاث
تستوعب " عبدالله إنت .....
عبدالله يمسح راسه : فجر أناااا
فجر : عبدالله هذا اللي تتكلم عنه هو إنت
عبدالله : فجر اسمعيني
فجر نزلت راسها : .........
عبدالله : حياتي افهميني اللي صار غصب عني
فجر دموعها تنزل : .......
عبدالله : فجر قلبي واللي يسلم عمرك لا تسكتين تكلمي لا تعذبيني بسكوتك لو داري إنـ....
فجر ترفع راسها وتمسح دمعتها بيدها : عبدالله زوجتك وين
عبدالله : بالشقة
فجر : ليش خبيت علي
عبدالله : ما قدرت أقول لك خفت أتكلم و تضيعين من إيدي
فجر : عبدالله إنت ليه أناني
عبدالله : فجر حياتي إنتي عارفة إني أبيك من زمان بس اللي صار غصب عني
فجر : و عمي ليه ما قال لنا
عبدالله خاف : فجر واللي يسلم عمرك لا أحد يدري بالموضوع خليه بيني و بينك
فجر تبكي : يعني أهلك ما يدرون و أنا وش ذنبي بهالسالفة أنا لو دارية إنك متزوج صدقني ما راح أوافق
يا عبدالله
عبدالله تحطم : فجر أنا ..... " أفكاره تشتت مو عارف يبرر موقفه لها خوفه إنه يخسرها خلاه يتحطم "
فجر تبكي : إنت إنسان أناني ما تفكر إلا بنفسك صح عمرك ما سألت نفسك وش راح تكون ردة فعلي
قلت لا فجر تحبني و بأقولها كم كلمة حلوة عشان ترضى صح يا عبدالله إلا صح ما تقدر تنكر
عبدالله : فجر اجلسي خلني أفهمك
فجر تقفل على نفسها الغرفة : ما أبغى افهم شي
عبدالله من ورى الباب : فجر حياتي افتحي خلينا نتفاهم
فجر تبكي : ما فيه تفاهم بيننا خلاص اتركني بحالي اتركني " انهارت "
عبدالله يجلس على الكنب : أستغفر الله العظيم . لا حول و لا قوة إلا بالله . اللهم أجرني في مصيبتي و
أخلفني خيرا منها
في غرفة فجر .....
فجر تبكي : ليش ما قال لي من البداية أستغل طيبتي و حبي له و أنا الغبية اللي واثقة منه
ضميرها : فجر إنتي تسمين حبك لعبدالله غباء عمرك ما بتحصلين مثله
فجر : إلا أحصل ليه ما أحصل هو اللي ما راح يلاقي وحده تحبه كثري
ضميرها : فجر فكري أي شخص راح يكون بمكان عبدالله راح يسوي نفس الشي
فجر : أجل دامه تزوج ليش ياخذني ليش يصير أناني ليه فكر بنفسه و بس
ضميرها : لأنه يحبك يا غبيه و يخاف يخسرك و ما قعد كل هالفترة يستنى إلا عشانك لأنه يحبك
فجر : بس ...
ضميرها : لا بس و لا شي وينها فجر الطيبة اللي الكل يحبها اللي ما ترضى بالظلم .. حطي نفسك
مكان عبدالله راح تسوين مثله و أكثر بعد . خلي ثقتك بعبدالله كبيرة و ماراح يخيب ظنك
و نامت فجر و هي بين أفكارها اللي توديها بكل مكان
اليوم الثاني .....
فجر تفتح الباب : يا حياتي يا عبدالله نايم على الكنب الله يهديني ما كان لازم أسوي اللي سويته
عبدالله .. عبدالله
عبدالله : همممم
فجر : قوم صل الفجر قوم يالله رقبتك انكسرت
عبدالله يرجع شعره على ورى : متى صحيتي
فجر : توني يالله قوم صل و نام بالغرفة
عبدالله يطالع بعيونها اللي تورمت من كثر الصياح : فجر ما نمتي صح
فجر : لا نمت الحمدلله
عبدالله : أوكيه الله لا يهينك جهزي لي ملابس بآخذ لي دش أحس إني قرفان من نفسي
فجر : إن شاء الله
في بيت أبو ريان .....
رنا تكلم : هههههه يا حياتي يا زوزو
عبدالعزيز : تحبيني يا رنا
رنا : إممممم وش رايك إنت
عبدالعزيز : ما تحبيني
رنا : هههههه صح
عبدالعزيز : يالله دندون
رنا : أحبك
عبدالعزيز : و أنا أكثر يا قلبي ذاكرتي اختبارك
رنا : إيه خلصت مذاكرة بس كان الفيزياء مرة طويل
عبدالعزيز : تحبين الدراسة
رنا : إممممم فوق ما تتصور الدراسة أهم شي بحياتي
عبدالعزيز : دانة
رنا : هلا
عبدالعزيز : هذا مو اسمك صح
رنا : وش اللي يخليك تظن إنه مو اسمي
عبدالعزيز : لأنكم يالبنات دايما تغيرون اساميكم تخافون
رنا : من وشو نخاف
عبدالعزيز : تخافون منا نغدر فيكم
رنا : ليه زوزو إنت ممكن تسويها
عبدالعزيز : مستحيل يا قلبي مجنون أنا أضيعك من إيدي إنتي بس خلصي السنة هذي
و أجي أخطبك
رنا : لا جيت أفكر أوافق أو لا
عبدالعزيز : حراااام
رنا : ههههههه إلا يعني إنت اللي اسمك حقيقي أقدر أحلف و ابصم بالعشرة إنك مو زوزو
عبدالعزيز : هههههههه يمكن بس أنا أحب اسم عبدالعزيز
رنا : أوكيه وحدة بوحدة مو مشكلة
رهف تتقلب بفراشها : رنا اسكتي تكلمين نفسك إنتي
رنا : أوكيه زوزو أشوفك بالمدرسة بكرة
عبدالعزيز : ههههههه تصريفه حلوة باي
رنا : باي
رهف : إنتو وش تحسون فيه صديقتك هذي ما تستحي على وجهها تدق هالحزة
رنا : هذا الشي ما يخصك
رهف تقوم : صلي أحسن
نرجع لعبدالله و فجر .....
فجر : نعيما
عبدالله بتعب : الله ينعم عليك ليه ما تنامين
فجر : ما أدري
عبدالله : أنا آآآسف إني خبيت عليك
فجر تتنهد : مو مشكلة أنا فكرت أمس و اللي سويته ردة فعل أي شخص مكانك راح يسويها
عبدالله : فجر إذا إنتي ما تبغين تكملين حياتك معي ما أقدر أجبرك بس صدقيني أنا راح أكون
الخسران
فجر : عبدالله لا تقول هالكلام أنا استحالة أكمل حياتي مع واحد غيرك فاهم بس اللي صار أمس ردة فعل مو أكثر
عبدالله : تتكلمين من جد يا فجر
فجر : أنا واثقة فيك عشان كذا راح أعيش عمري معاك و بالنسبة لزوجتك أنا مستعدة إني أعاملها مثل أختي
و أكثر بس هذا يعتمد عليك
عبدالله : إن شاء الله ما راح أقصر معك و ما راح تشوفين مني إلا كل خير و إذا ظلمتك ساعتها اللي تشوفينه
سويه
فجر : ليه ما قلت لأهلك طيب
عبدالله : ما أقدر يا فجر لو درى أبوي بيخليني أطلقها و أنا ما أقدر أطلقها تبينها ترجع عند أبوها و مرته و عذابهم لها
فجر : والله إنها تكسر الخاطر
عبدالله بارتياح : صدقيني راح تحبينها تراها طيبه و لا تخافين يا حياتي غلاك عمره ما بيتغير والله يقدرني و أعدل بينكم
فجر بابتسامة : عبدالله إنت كبرت في عيني و عمري ما تخيلت إن فيه أحد بهالرجولة عسى الله لا يحرمني منك
عبدالله بفرح : ولا منك يا غلاي بس باقي شي ما قلته
فجر : لا تقول فيه وحده ثالثة بعد
عبدالله : هههههههه لا تخيلي
فجر : والله ما أدري عنك تسويها
عبدالله : عن قريب بأصير أب
فجر تبتسم : جد
عبدالله : والله
فجر : الله يبارك لك فيه يالغالي
عبدالله يحضنها : أحبك يا أحلى زوجة بالدنيا
فجر بحيا : عبود خنقتني
عبدالله بحنان : الله لا يحرمني من طيبتك قولي آمين
فجر : آآآمين .. أوكيه إنت اليوم مو مداوم خل نروح لها
عبدالله : من جدك
فجر : عبدالله ما يصير نخلي زوجتك وحدها بالبيت و الله حرام بعدين أبغى أتعرف عليها إلا هي وش اسمها
عبدالله بابتسامة : حنان
فجر : ههههههه حنان و فجر الله يعينك علينا أجل
عبدالله : والله إنكم على قلبي مثل العسل
فجر : كيف بتخبر أهلك
عبدالله : ما أدري مو مهم الحين الأهم عندي إنتي أهم شي تكونين راضيه و مافي خاطرك
شي علي
فجر بابتسامة : من هالناحية لا تخاف خلاص بعد وش نسوي رضينا بالهم و الهم ما رضى فينا
عبدالله : فجررر
فجر : هههههههه أمزح معك أوكيه الله لا يهينك طف النور أبغى أنام
عبدالله : تمسين على خير
فجر : و إنت من أهل الخير
عبدالله يكلم نفسه : يا ربي لك الحمد و الشكر الحين من جد أقدر أنام لا هم و لا هم يحزنون
في العصر .....
فجر : عبدالله يالله قوم وش هالنوم كله
عبدالله يطالع فيها : وين رايحة
فجر : نسيت مو قلت بنروح عند حنان
عبدالله : هههههههه وراك متحمسة طيب
فجر : أبغى أشوف مين أحلى أنا و إلا هي
عبدالله : عز الله بدينا شغل
فجر : هههههههههه أمزح
عبدالله : فديت الضحكة و راعيتها
فجر تسحبه : ما تنعطى وجه يالله قوم صل و خلنا نروح باقي توديني السوق أخذ معي هدية
عبدالله : والله بصراحة إنتي تفكيرك غريب ما أدري أنا لو مكانك كان طرت ووقعت من الغيرة
و إنتي تهدينها هدية هههههه
فجر : لأن هذي تربيتي أنا ما أحب أحقد على أحد و بعدين هي حالها من حالي يعني كلنا في
الهوا سوا .. هذي ملابسك جهزتها لك
عبدالله يقوم : مشكورة حبيبتي
فجر : العفو
عند بيت عبدالله .....
عبدالله : يالله قلبي انزلي وصلنا
فجر : هذي شقتك
عبدالله : إيه هذي
فجر : أوكيه دق الجرس
عبدالله : تعالي هنا يمكن يفتح ياسر
ياسر مصدوم : عبدالله
عبدالله بابتسامة : إيه عبدالله وراك مستغرب
ياسر : يالأخ شكلك غلطان
عبدالله : هههههه الله يرحم بحالك أقول يالحبيب الشمس حرقتني مالك نيه تدخلني
ياسر : ههههههه لا تفضل البيت بيتك أوكيه أنا طالع
عبدالله : حنان وش تسوي
ياسر : جالسة بغرفتها
عبدالله : ادخلي فجورة
ياسر بصوت واطي : عبدالله وش اللي صاير
عبدالله بابتسامة : بعدين أقول لك
ياسر : أوكيه أنا بأطلع و أخليكم على راحتكم
عبدالله يسكر الباب : خلك ذكي و صرف نفسك
ياسر : ههههههه طيب يالحبيب لأجل عين تكرم مدينه
عبدالله : افصخي عبايتك حبيبتي خلاص ما به أحد
فجر بابتسامة : هذا أخوها
عبدالله : إيه يفشل صح
فجر : لا حرام عليك والله إنه مزيون
عبدالله يرفع حاجب : احلفي
فجر : ههههههه
عبدالله بابتسامة : طيب رخي صوتك خل نفاجئها .. حناان .. نوني وينك
حنان بغرفتها : بسم الله الرحمن الرحيم شكلي صرت أتخيل صوته
عبدالله : يا نوني يا قلبي وينك
حنان خافت : قل أعوذ برب الفلق من شر ما خلق .. يمه ياسر هذا وينه خل أطلع و أشوفه
عبدالله : حناان .. حنونه
فجر : عبدالله بسك عاد تلقاها خافت الحين
حنان تفتح الباب : ياسر إنـــ....
عبدالله بابتسامة : ساعة أناديك
حنان خافت : مين عبدالله
عبدالله : أفااااا نسيتي زوجك
حنان تناظر بفجر : أنسى عمري ولا أنساك بس إنت ...
فجر بابتسامة : ما ودك تسلمين علي
حنان استبعدت إنها فجر : هلا والله إمممممإنتي لميس صح
فجر : لا أنا فجر
حنان مصدومه : فجرر
فجر بابتسامة : بشحمها و لحمها
حنان : أناااا ...
فجر تحضنها : كيفك يا قلبي والله إن عبدالله ماله داعي كيف سمح له قلبه يتركك بلحالك
حنان تبكي : فجر أنا آآآسفة
فجر تمسح على شعرها : وشو عليه تتأسفين هذا النصيب يا قلبي بعدين ليش تصيحين أحمدي ربك
إن عندك واحد مثل عبدالله حنون و قلبه طيب و بعدين أنا واثقة من عبدالله إنه راح يعدل بيننا و أنا راح أكون
مثل أختك و أكثر و ما في شي راح يفرق بيننا فليش الصياح ..
حنان تمسح دموعها و تبتسم : عن جد عبدالله عرف يختار والله إني كنت خايفة تجي فوقي وحدة مو هينة
فجر : ههههههه ما تدرين يمكن أسويها
حنان فتحت عيونها : من جدك
فجر : هههههههههه هههههههههه حناااااان أمزح معك
حنان ارتاحت : الله يعطيك على قد نيتك
عبدالله يطالع يمين يسار : لا والله طاح كرتي
فجر + حنان : هههههههه
فجر : تفضلي هذي لك
حنان تناظر بباقة الورد : مشكورة يا قلبي
فجر بابتسامة : العفو
عبدالله يجلس : كيف الشقة يا فجر
فجر : حلوة بس صغيرة
حنان : أصلا عادي ما أحد يجينا
فجر : بس إنتي راح تتعرفين على أهل عبدالله و أكيد بيجونك و تروحين لهم
حنان : إممممم صادقة .. بأروح أسوي قهوة
فجر : لا مش لازم عبدالله إنت تبغى
عبدالله : لا اجلسوا أجل هالعصيرات و البساكيت ليش جايبها
حنان : أوكيه براحتك
عبدالله : كيف حسام حبيبي
حنان : يسلم عليك
فجر : حلو بتسمونه حسام
عبدالله : إيه وش رايك يا قلبي
فجر : يجنن حسام عبدالله حلو مرة
عبدالله : اسمعوني أنا راح أستأجر لكل وحده فيكم بيت ويكون جنب بعض واللي ليلتها أجي عندها
فجر : لا استحالة يا عبدالله أنا و حنان تحطنا ببيت واحد صعبه تبقى كل وحدة فينا يوم كامل وحدها لا ما يصير
حنان : كلام فجر صح بعدين نجلس نونس بعضنا لا رحت الدوام
عبدالله يغمز : أيييه عشان كل وحده فيكم تطلع لي قروني ليه هذي جبت لها و أنا لا وليه هذي تحبها أكثر مني
و أنا لا و ليه ....
فجر : لا من هذي الناحية لا تخاف حنان راح اعتبرها مثل أختي سحر وما راح تشوف مني إلا كل خير
حنان : و أنا أوعدك يا فجر إني ما أضايقك بشي وراح أكون أختك الصغيرة اللي تحبك وتموت فيك
عبدالله يحضنهم مع بعض : الله لا يحرمني منكم ثنتينكم
فجر + حنان : آآآآآميييين
عبدالله : أشششش هذا أبوي يدق
فجر : رد عليه
عبدالله : هلا يبه
أبو فراس : هلا بولدي كيف حالك عساك بخير
عبدالله : بخير عساك بخير .. إنت طمني عليك و على أمي و لميس
أبو فراس : كلهم بصحة و عافية
عبدالله : عساها دوم يا رب
أبو فراس : وينك و أنا أبوك ما تقول عندي أهل أشوفهم و أسلم عليهم
عبدالله : حقك علي يبه عارف إني مقصر معك يالغالي
أبو فراس : تعال إنت و فجر تعشوا معنا جدتك هنا أذتنا تبي تشوفك
عبدالله : يا لبى قلبها خلاص يالغالي بعد شوي نجي إن شاء الله
أبو فراس : الله يحييكم
عبدالله : الله يبقيك
فجر : وش عنده عمي
عبدالله : يبغانا نتعشى معه اليوم
حنان : خلاص روح إنت و فجر
فجر : وليه ما تجين معنا تتعرفين عليهم
حنان : لا صعبة بيصير مشاكل
عبدالله : لا يا فجر البيت بينقلب فوق تحت لا دروا
فجر : و إلى متى إن شاء الله و إحنا نخبي عليهم هذي زوجتك يا عبدالله و هذا من حقك إنك تتزوج ولو
بغيت الرابعة بعد و مال أحد حق إنه يتدخل فيك أو يمنعك
عبدالله : إنتي تحسبين كل الناس مثلك يا قلبي إنتي ما شاء الله عليك واعية و فاهمة بس هم وش يفهمهم
فجر : لا تخاف خلها علي و بعدين فرصة ما أحد عندهم و تقدر تتفاهم معهم
حنان : بس يا فجر ....
فجر : لا بس ولا شي هااه وش قلت
عبدالله بابتسامة : شورك و هداية الله مع إني خايف
فجر تبتسم : أفا عليك و بنت سلمان وين راحت
عبدالله : ههههه بعد قلبي
حنان تصرخ : آآآآه
فجر خافت : بسم الله عليك فيه شي يألمك
عبدالله : حنان قلبي علميني وين مكان الألم
حنان تبتسم : هههههه وراكم خفتوا هذا سمو الملك حسام دايما يسويها بأمه
عبدالله : ههههههههه
فجر بابتسامة : والله إني خفت عليك
حنان : ههههه بعد قلبي لازم تتعودين على حركاته
فجر : آآآآه منك يا حسام كانك معذب أمك