توصي شئ انا بكره مسافر - الفصل 12 - بقلم بسمة امل - مكتملة | روايتك

الجزء الثاني عشر ^_^ عسى ما يوحشك غالي .. تطمن يا هوى بالي .. أنا في غربتي صابر .. مخلي بالي من حالي .. امس احتجتك وربك .. احتجت لحضنك و قلبك .. شفت البوم رحلتنا .. و زاد بحاااجتي لقربك .. اليوم الثاني ...... في بيت أبو فراس ..... لميس : يوه يمه طفش أم فراس : وش تبيني أسوي لك يعني الجده : مو كأنها أمس كانت بزواج لميس : هذا أمس يالغلا أم فراس : أعطيني من الأخير لميس بابتسامة : نروح لسديم الجده فرحانه : إيه والله جبتيها يا بنت أبوك لميس : هاااه يمه تكفين خل نكلمها و نروح أم فراس : خلاص قومي كلميها لميس تبوس راس أمها : فديتك يا أحلى أم بالدنيا الجده : قولي لأختك لا تسوي شي لميس : طيب .. ألو سديم : هلا لميس لميس : كيفك يا دبه سديم بابتسامة : تمام يا نحيفة لميس : وحشتيني سديم : كذابة أمس كنت معاك لميس : والله إنك وحشتيني سديم : ههههههه فديتك والله لميس : شكلك مو بالبيت أسمع إزعاج سديم : إيه كنت بالمستشفى والحين راجعة لميس خافت : ليه ياقلبي وش فيك سديم : لا تخافين حبيبتي شوية تعب . كيف أمي و جدتي لميس : تمام الحمد الله يسلمون عليك كنا ناوين نجيك بس دامك تعبانة مرة ثانية سديم : لا والله تجون ماني تعبانة ولا شي من زمان و أنا أستنى هالزيارة لميس : بس .... سديم : لا بس و لا شي الله يحييكم حبيبتي لميس : أوكيه بعد المغرب بنجي سديم : استناكم لميس : سي يو سديم : سي يو أم فراس : هاااه وش قالت لميس : تقول الله يحييكم أبو فراس : السلام عليكم الكل : و عليكم السلام أبو فراس : ما جا هاني أم فراس : لا باقي ما جا أبو فراس : اليوم بيجيني ظيف بعد المغرب لميس صرخت : لاااااااا أبو فراس : بسم الله الرحمن الرحيم وش فيك انهبلتي لميس : لا يبه مو اليوم أبو فراس : ليه وش عندك لميس : بنروح لسديم بعد المغرب أبو فراس : والله صعبة يا بنتي اعتذر من الرجال أم فراس : لا حبيبتي روحي إنتي و جدتك و أنا بأجلس و إن شاء الله أزورها مرة ثانية لميس : طيب في غرفة طلال و سديم ..... طلال بفرح : حياتي ابغاها تكون بنت حلوة مثلك سديم بابتسامة : اللي يجي من الله حياه الله طلال يبوسها: ما تتخيلين قد أيش فرحان اليوم سديم : ههههه ليش يعني طلال : لأن راح يجيني بنت حلوة من الإنسانة اللي خذت قلبي و خلتني أموت فيها سديم بابتسامة : يمكن يكون ولد طلال : اللي هو بنت ولد بس إحساس حبيبك ما يخيب سديم تستغبي : مييين حبيبي ؟؟ طلال : أنا طبعا سديم : واثق من نفسك مرة طلال : أفااا يعني ما تحبيني سديم تحضنه : إلا أموت فيك طلال يمسح على راسها : الله لا يحرمني منك يا أغلى إنسانة سديم : آآآآآميييين .. يالله أنا بأنزل تحت طلال : ليش ؟؟ سديم : بأروح أسوي كم شغلة عشان أهلي بيجون طلال : لا حياتي إنتي ارتاحي أنا بأجيب من برى سديم : ماله داعي حبيبي توك راجع من برى طلال : قلت ما تسوين شي يعني ما تسوين سديم : طيب طلال : تعالي نروح لأمي نفرحها سديم : طلال استحي طلال : هههههه أنا بأقول لها عند أم طلال ..... أم طلال : اجلسوا حبايبي وراكم واقفين طلال بابتسامة: يمه راح أقولك خبر مرة يفرحك أم طلال : قول يا ولدي طلال : عن قريب بيجي بنوتة حلوة أم طلال بفرح : كللللللوش ألف مبروك يا ولدي الله يرزقكم بالذرية الصالحة طلال + سديم : آآآآآآمين أم طلال : من اليوم و رايح يمه ترتاحين ألزم ما علينا راحتك حبيبتي سديم : تسلمين يمه مها جايه : ما شاء الله وش تحشون فيه أم طلال : تعالي باركي لأخوك سديم حامل مها تصرخ فرحانه : من جد ألف ألف مبروك و الله و يا سدومه كبرتي و بتصيرين أم سديم تضربها : كلي تبن طلال : باقي نشوفك مها : مالك أمل أنا بوادي و الزواج بوادي هههههه طلال : أوكيه أنا رايح أجيب أغراض من برى تامرون على شي الكل : لا سلامتك طلال : إلا وينه عبود مها : يلعب بلستيشن بغرفته طلال : عبود عبود .. عبود يا بابا تعال عبدالله : نعم بابا طلال : تروح معي بالسيارة عبدالله فرح : إيه أروح طلال : يالله مشينا عبدالله يضحك : مشينا سديم : إلا يمه جدتي و لميس بيجون بعد شوي أم طلال : الله يحييهم يا يمه عندفراس و غلا ...... غلا تجلس جنب فراس : حبيبي وش تكتب فراس بابتسامة: أألف شعر غلا : يا حظها اللي بتكتب فيها فراس يوقع على الورقة : خلاص خلصت حابة تسمعين غلا بابتسامة: أكيييييييد فراس : انتهي يا غلا في هامة النخـل والـوان الزهـور == للعيون اجملي واحترقي ابـداع قـدر المستطـاع كوني أجمل عروس ٍ تجعل الوصف من حاله يثور == يلبسـك للجمـال وللثقـه والشـرف والإقتنـاع حين تبدأ عيون الإندهاشات مـن حولـك تـدور == ناوليهـا هـدوء اعصابهـا ثـم زيديهـا شعـاع ياغلا .. منصبك بعيون مغليك ما يحتاج شـور == لا يخامـرك شـك ان المهمـة تهـوّر واندفـاع والله اني معك درع وحماية ولا باحلـف فجـور == ناظري للعطا وجهود الإخلاص ما فيهـا خـداع للأمــــــــــــــــــانـ ــــــــــــــــــــة مـــنـــــــــــــــــقــ ــــــــــول غلا دمعت عينها : مشكور فراس فراس بحنان : وشو له الدموع يالغلا غلا تحضنه : الله لا يحرمني منك قول آمين فراس بابتسامة: آآآآآآمييين غلا : تدري فراس إنت كل شي بالنسبة لي إنت أبوي و أمي وأخوي و أختي و زوجي و حبيبي و كل شي بالدنيا فراس بهمس : غلاي ]] أحببببببك [[ غلا بابتسامة : و أنا أكثر فراس : يالله قومي جهزي نفسك بنطلع نتمشى غلا : ثواني في بيت أبو فراس ..... لميس : يالله يمه أنا رايحة أم فراس : لموسه حبيبتي في طريقك بخري الخيمه و روحي عندي شغلة بالمطبخ لميس : من عيوني يا أحلى أم بالدنيا أم فراس : تسلم عيونك لميس : جده حبيبتي اسبقيني للسيارة و بأجيك الجدة: هو أركب مع السواق وحدي تبينه يخطفني لميس : ههههههههه جده وشو له يخطفك الجدة : يا كثر مصايب السواقين بايعة عمري أنا لميس : يا يمه أبصم لك بالعشرة ما راح يقرب صوبك هو بس يشوفك بيهج الجدة ترفع العصا : أخس ياللي ما تستحين على وجهك لميس تركض للخيمة : هههههههههه يالبى قلبك يا جدة صدق تحــ..... راكان بابتسامة: يا لبى الضحكة يا شيخة لميس تمشي : تخسي ياللي ما تستحي راكان : لميس لميس وقفت مصدومةعند الباب : ........ راكان بابتسامة : ما قلت لك هالكلام إلا لأني واثق إنك لي لميس تركض و الدموع بعينها : قليل أدب من جد ماني بنت أبوي كان ما علمت عليه اللي ما تربى الجدة خافت : وراك يمه تبكين لميس تمسح دموعها : لا يمه ما فيني شي الجدة : وشلون ما فيك شي لميس : لا يمه بس وأنا أركض صدمت رجولي بالطاولة و ألمتني الجدة بشك : أكييييد لميس تضحك : هههههه يمه الله يهداك ما تشوفيني أضحك قدامك تعرفين لميس دلوعة شوي الجدة: لا و إنتي صادقة كثييير في السواق ..... كومار يكلم الجدة : كيفك ماما إنت كويس من زمان إنتي ما يركب معي الجدةتضربه بالعصا : أيا ياللي ما تستحي يا قليل المروة و الشهامة هاااه لميسوه هذا اللي ما يقرب صوبي لميس دمعت عيونها من الضحك : هههههههه ههههههه يمه الله يهداك تضربين هالمسكين والله ما يصير ههههههه الجدة تضربها : شب و لا كلمة انتي الثانية لميس : هههههههه كومار حرك الله يرضى عليك معليش ماما كبير لا تزعل منها كومار : ههههههه هذا ضرب مرة قوي الجدة: و اللي يقلع ضروسك ياللي ما تستحي بعد تضحك لميس : هههههههه يمه خلاص عند بيت طلال ..... سديم : مين لميس : ههههههه افتحي أنا لميس سديم : هههههه بلاك تضحكين لميس : هههههه بعدين أقول لك وخري خل أدخل الجدة : اسكتي لا تفضحينا سديم تسلم على راسها: ههههههه يالله تحيي أمي تو ما نور البيت الجدة : منور بوجودك يمه سديم تبوس لميس : كيفك أشوفك مبسوطة اليوم لميس : هههههه مرة سديم : وينها أمي ليه ما جت لميس كشرت : في ضيف جا عند أبوي سديم : طيب وراك كشرتي لميس : لا و لا شي مها تسلم : هلا و غلا كيفك يا جدة الجدة: بخير يمه إنتي كيفك مها : بخير جعلك بخير أم طلال : تفضلي يا أم أحمد الله يحييك إلا وينها أم فراس الجدة: عند أبو فراس ضيف و ما قدرت تجي أم طلال : يالله الله يحييكم بعد السلام و الكلام ....... سديم : ميري جيبي القهوة الجدة: وينه رجلك سديم : طلع مشوار لميس : وشو له هالتعب يا سديم فنجال قهوة كفاية سديم : والله ما سويت شي طلال جابه من برى مها تشاور لميس : أختك حامل لميس تصرخ : وااااااااو سديم يا حمارة الجدة: و صمخ إن شاء الله وراك تصرخين الكل : ههههههههههه أم طلال : خليها بعد قلبي لميس تسوي نفسها زعلانة : أفا يا جدة تهاوشيني قدامهم الكل : هههههههههههه لميس : المهم ما علينا سديموه يا زفت حامل و ما تقولين لي سديم : هههههههه كل هالصراخ عشان كذا لميس : وش رايك يعني سديم : توني كشفت اليوم الجدة بفرح : ألف مبروك يمه سديم : الله يبارك فيك لميس تحضن أختها : مبروك حبيبتي بس هااه من الحين أقولك بنت سميها لميس مها : لا حبيبتي ما حزرتي تسميها مها لميس : لميس يعني لميس مها : مها يعني مها لميس : لميس مها : مها الجدة : لا لميس و لا مها .. ]] صباااااح [[ الكل : ههههههههههه البنات جلسوا يسولفون على جنب ... سديم : لميس فيك شي صح لميس : لا ما فيني شي سديم : إلا من التكشيرة أحلف إن فيك شي مها : أخليكم على راحتكم لميس تمسكها : لا والله ما تقومين منتي بغريبة .. أنا أقول لكم و أنا طالعة قالت أمي خذي البخور بخري الخيمة بطريقك قبل ما يجي الرجال .. قلت لجدتي روحي يمه اسبقيني للسواق قالت جدتي لا والله ما اروح تبينه يخطفني سديم + مها : هههههههه و بعدين لميس ابتسمت : قلت لها لا تخافين ما بيقرب صوبك لا شافك بيهج منك ورفعت العصا و ركضت للخيمة وأنا أضحك و إلا انصدمت بالرجال قدامي قال لي يالبى هالضحكة سديم : الله طيب كبير هو لميس : لا شاب باقي بس أيش يا بنات ياخذ العقل مها : ههههههه أمداك تقزين لميس : ههههههه شفتي كيف المهم قلت ياللي ما تستحي على وجهك ومشيت للباب إلا اسمعه يقول لميييس سديم + مها : كيف عرفك لميس : ما أدري وقفت بدون ما التفت قال أنا ما قلت هالكلمة إلا أنا متأكد إنك راح تكونيين لي سديم + مها : ههههههههههههههه سديم : الله يوفقك يمكن كلامه صدق لميس : يخسى إلا هو آخذه اللي ما تربى مها : لا تظلميين الرجال إلا كيف عرفك لميس : هذا اللي محيرني سديم تفكر : لميس تذكرين ذاك اليوم يوم ردتي على التلفون وقمتي تهزأين الرجال يمكن هو لميس : مين راكان اللي يشتغل بالشركة لالا ما أتوقع بس .... سديم : ههههههه يالله مصيرك راح تعرفين لميس : على قولتك .. كيف طلال معك سديم : عسل الله لا يحرمني منه لميس : اخس يا حركات سديم : هو صدق عصبي بس لا يغرك تراااه حنون لميس : الله يوفقك يا رب سديم : آآآآآآمين في بيت أبو فراس ..... أبو فر اس : يالله تحيي راكان وريان راكان + ريان : الله يحييك أبو فراس : تو ما نور البيت راكان + ريان : منور بوجودك يا أبو فراس أبو فراس : هاني يبه قم جيب القهوة هاني : أبشر طال عمرك في المطبخ ..... هاني : مدينة القهوة جاهزة أم فراس : إيه يمه جاهزة سيتي : أنا اسمي سيتي مو مدينة مع وجهك هاني فتح عيونه : نعم مدام مدينة سيتي عصبت : يالله خذ قهوة و اطلع برى ما في قرقر واجد أنا راس يوجعني أم فراس : هههههههه هاني : عساك البلا قولي آمين آخر زمن والله ههه أقول طيري مناك سيتي تتحلطم : طيب بابا هاني : هييه لا اسمعك تقولين بابا قوليM.r هاني فاهمة أم فراس : خلاص يا يمه ود القهوة للرجال هاني : تسلم إيدك يا غلاي أم فراس : الله يرضى عليك يمه في المجلس ..... ريان : والله يا أبو فراس بندخل في الموضوع على طول بعد إذنك أبو فراس : تفضل يا ولدي ريان : إنتوا ناس ما شاء الله و النعم فيكم و إحنا شارينكم و طامعين في القرب منكم يا لأجواد و إنت عارف إن الوالد الله يرحمه متوفي من زمان أبو فراس + هاني : الله يرحمه ريان : و أنا أخو راكان الكبير وولي أمره وهو راغب في بنتكم و إذا لكم شروط عادي ما عندنا مانع أبو فراس : والله والنعم فيك و بولدي راكان و راكان والله إنه رجال من ظهر رجال و إحنا ندور الرجال راكان : تسلم يا أبو فراس أبو فراس : إنت عارف بهالزمن نادرا ما تلقى رجال و النعم فيه و أنا ما عندي مانع بس أعطوني فرصة أستشير البنت و أخوانهاو إن شاء الله يوصلكم الرد في أقرب وقت إن كان في نصيب فالله يوفقهم و إذا ما صار نبقى أخوان و حبايب ريان : أكييد طال عمرك .. يالله أجل إحنا نستأذن و كثر الله خيركم أبو فراس : حياكم الله قوم يا ولدي وصلهم للباب الجدة : شكلهم رايحين لميس : يمه رجعنا بوقت غلط الجدة ما عليه امشي و نزلي راسك راكان لمحها و نزل راسه : آآآه يا رب توافق ريان بابتسامة : أجل هذي العروس راكان : إيه هذي ريان يرفع حاجب : وليه ما تكون أختها مثلا راكان : أختها متزوجة ريان : آآآهااا حلو في بيت أم فراس ..... أم فراس : وراكم رجعتوا بدري لميس : تعرفين يمه راجعة من المستشفى و ما نبغى نتعبها زيارة خفيفة هاني يطالعها مبتسم : ..... لميس : وراك تطالعني كذا هاني : ههههههه لا و لا شي تذكرت نكتة لميس ترمي عليه المخدة : انقلع هاني : ههههههه لميس تحمست : هاتوا البشارة أم فراس : جاتك وش عندك هاني : على حسب إذا أعجبتني أعطيك لميس : أول شي نتفق هاني : مني 500 ريال أم فراس : و أنا 500 أبو فراس جلس : و مني 500 بس هاااه تكون بشارة حلوة لميس فرحت : إلا حلوة و بتعجبكم الجدة : يا بنت اخلصي و قولي لهم تسوين دعاية إنتي لميس بفرح : سدومه حااااااااااااامل أم فراس + هاني : كلللللللللللللللوووووش الكل : ههههههههههه أم فراس : الله يوفقها بعد قلبي هاني فرحان : من جد تتكلمين لموسه لميس : إي والله من جد هاني : وليه ما علمتني البايخة لميس : توها اليوم كشفت باقي تكلمكم أبو فراس بفرح : و هذي 500 هاني يطلع الفلوس من جيبه : و هذي 500 لميس : حلو و إنتي يمه أم فراس : تعالي لغرفتي و أعطيك لميس : حلو الجدة : لو داريه إنك بتاخذين هالفلوس كان خربت عليك الخبر لميس : وش دعوة يمه الكل : ههههههه هاني : يالله تصبحون على خير الكل : و إنت من أهله أبو فراس : هاااه لموستي ما ودك تعرسين لميس شرقت : كح كح كح كح كح كح أبو فراس يدقها بظهرها : ههههه صحة لميس : لا يبه بأكمل دراستي أبو فراس : و أنا قلت لا تكملينها هذي سديم تزوجت و جالسة تكمل لميس : بس أنا ما أبي أبو فراس : يا يبه ترى الرجال و النعم فيه و لو ما أعرفه كان رفضتهم لميس : لا يبه ارفضهم أبو فراس : ما ودك تعرفين مين طيب لميس : ما بيغير في الموضوع شي أبو فراس : هذا راكان يشتغل عندي بالشركة و ما شاء الله عليه محترم جا هو و أخوه يقول إنه شاريك لميس : لا يبه و اللي يسلم قلبك ما أبي أبو فراس : براحتك يا بنتي ما أغصبك بس فكري بالموضوع و استشيري أخوانك لميس تكلم نفسها : غريبة ما أجبرني زي سديم .. إلا يبه هاني يدري بالموضوع أبو فراس : إيه يدري لميس : أنا أقول ليش يضحك خلاص يبه راح أفكر بس ترى الجواب راح يكون الرفض التام أبو فراس : براحتك في غرفة هاني ..... لميس : هاني يا زفت نمت هاني : هههههه لا ادخلي لميس : و تضحك بعد هاني يأشر لها : تعالي اجلسي لميس : مين كنت تكلم هاني : سدومه لميس : هاني ليه ما قلت لي هاني بابتسامة : عن أيش يا قلبي لميس تجلس جنبه : عن الرجال اللي جا اليوم هو و أخوه هاني يحط ايده على كتفها : إيوه كنت أدري لميس : و ليه ما قلت لي طيب هاني : ما أمداني لأن أبوي جلس على طول لميس : أنا ما أبيه طيب هاني بحنان : و ليه طيب لميس : بس ما أبي الزواج كله هاني جلس مقابلها : طيب يالغلا أعطيني سبب مقنع يخليك ترفضين الزواج لميس : أبغى أكمل دراستي بعدين أنا صغيرة هاني : مو مشكلة راح تكملين الدراسة إذا ودك لميس تبكي : هاني أنا خايفة أبوي يغصبني زي سديم هاني يحضنها : وشو له الدموع يا قلبي لا أبوي ما راح يغصبك هو قال بنفسه الشور شور البنت لميس : طيب وش معنى سديم ما أخذ رايها هاني اللي جا في باله طلال : عاد سديم وضعها غير و بعدين هذا نصيبهاقومي حبيبتي نامي و لا تجلسين تفكرين كثير إذا ما ودك قولي لا و نردهم بس بأقول لك و أبري ذمتي راكان رجال و ما ينعاب و لو لاحظت عليه شي أنا راح أرفض لميس : و إنت وش دراك عنه هاني : أنا لي نظرة في الرجال يالله حبيبتي طفي النور و خليني أنام بكرة عندي دوام و زي ما قلت لك نامي و لا تفكرين بشي الحين و لكل حادث حديث أوكيه لميس : إن شاء الله .. تصبح على خير هاني : و إنتي من أهل الخير اليوم الثاني ..... في شركة طلال ,,,, هاني : أفا يالنذل مرتك حامل و لا تقول لي طلال بابتسامة : هذا إنت دريت باسل بفرح : من جد طلال : إيه باسل : ألف ألف مبروك والله طلال : الله يبارك فيك و عقبالك باسل : ........ هاني : هههههه ألف مبروك يالنسيب و الله ماني متصور أختي سديم بتصير أم أحسها باقي صغيرة طلال يحذفه بالمنديل : أقول أذلف لشغلك إنت وياه و إلا ترى بأخصم من رواتبكم باسل يهرب : لا تكفى إلا الراتب هاني + طلال : هههههههه طلال : ناد ولد عمك أبغى أناقشكم في موضوع هاني : باسل تعال وراك هجيت باسل : في شي طال عمرك طلال بابتسامة : اجلسوا .. عندي مشروع يدور في راسي و أبغى أنفذه بس هالمشروع كبير و يبغاله دراسة هاني : وش هالمشروع الكبير أهم شي ما يدخل أحد معنا طلال : لا راح يكون خاص نبي نسوي مزرعة كبيرة للخيول باسل : والله فكرة حلوة و تجارة الخيل فيها أرباح طلال : أكيد عشان كذا أبي خيول أصيلة مو أي كلام و هذا يبغاله وقت تقدرون تقولون في سنة نخلصه بإذن الله و الأرباح بيننا بالتساوي هاني : إذا توكل على الله طلال : الحين كل واحد يشوف شغله و بعدين نرتب لهالموضوع باسل + هاني : نستأذن طلال : إذنكم معكم هاني ينكت : لا تصدق شكلنا نسيناها عندك طلال عصب : هاااااني هاني يهرب : هههههه باااي استراحة ..... حين ترتشف فنجان قهوة تذكر أن تستعد لآخرتك بالأعمال الصالحة قبل فوات الأوان . في مدرسة لميس ..... لميس : و هذي السالفة يا ستي من طقطق إلى السلام عليكم عبير : طيب ليش رافضة تدرين أحس إني مرتاحة يوم تكلمتي عنه لميس : يا عبير أنا الحين ما في شي ببالي غير الدراسة و ما أبي أتركها عبير : يا حبيبتي يا لميس خلصي الثانوية و تزوجي و الجامعة تقدرين تكملينها مع زوجك زي سديم أختك لميس : بس إنتــ.... عبير تقاطعها : لا بس و لاشي مثل ما قلت لك استخيري و اللي يريحك سويه و يمكن هذا نصيبك لميس : بس اللي مستغربه منه إن أبوي ما غصبني عبير : وش دعوة يغصبك لميس : ما أدري الأستاذة : هااااه يا هوانم خلصت السالفة حقتكم لميس + عبير : آآسفين إستاذة ما انتبهنا لك يوم دخلتي الأستاذة : استريحوا .. يالله نبدأ درسنا سبق و أخذنا بالصف الثاني ثانوي باب يتكلم عن الهندسة التحليلية ... في جامعة الملك فيصل ..... سديم تمشي : غريبة وينها غلا تأخرت البنت المسترجلة : سلااام يا قمر سديم بخوف : و عليكم السلام هلا بغيتي شي البنت المسترجلة : أجل أحد يشوف القمر و يعافه سديم ترجع لورى : هاتي من الأخير البنت المسترجلة تقرب منها : أبيك إنتي سديم عصبت : هييه بعدي أحسن لك و يكون في علمك أنا مو بالمستوى هذا اللي إنتي فيه روحي دوري على غيري البنت المسترجلة : لا لا يا قمر ماله داعي تعصبين كل شي بالهداوة أحسن سديم تمشي : قليلة أدب صدق البنت المسترجلة تسحبها بقوة : تعالي معي سديم صرخت : آآآه بطني البنت المسترجلة : هههههه لا مو علي الحركات هذي تعالي " تشدها " سديم تسحب إيدها : آآآه بعدي عني البنت المسترجلة : قلت لك تعالي بالطيب أحسن لك ما تسمعييين غلا تسحبها من ورى : هييه إنتي قسم بالله لو أشوفك تسوين هالحركات مرة ثانية لأنادي عليك الأمن البنت المسترجلة : هههههه حلو حلو صار القمر اثنين غلا عصبت : هي كلمتين و رد غطاها يا تبعدين و إلا لي تصرف ثاني معاك و الله لأخلي يومك أسود شكلك ما تعرفين غلا محمد .... البنت المسترجلة خافت : إنتوا من عايلة ..... غلا : إيوه عليك نور يالله و عطيني مقفاك يالله " تصرخ " البنت هجت و ما شافوا غير غبارها غلا تنزل لسديم : سديم حبيبتي فيك شي سديم تمسك بطنها : ألم خفيف غلا : وش رايك تكلمين طلال يجي ياخذك سديم : شكلي بأكلمه أحس إني مرة تعبانة غلا : بس انتبهي لا تقولين له خوفي ما يخليك تداومين مرة ثانية سديم : لا مجنونة أعلمه .. ألو طلال طلال : هلا حبيبتي سديم : تعال طلعني من الجامعة أنا تعبانة طلال خاف : سديم صار لك شي سديم : لا ما صار شي بس تعب خفيف طلال : أوكيه أنا جاي غلا : قال بيجي سديم : إيه تبيني أوصلك معي غلا : لا بأكمل دوامي و بأكلم فراس ياخذني سديم : أوكيه مع السلامة غلا : مع السلامة قلبي في سيارة طلال ..... سديم : السلام عليكم طلال : و عليكم السلام وش فيك حبيبتي سديم : ما فيني شي شوية تعب .. طلال افتح الدريشة اتنفس طلال : أنا فاتح المكيف حر برى سديم : طلال احس إني مكتومة و بعدين وش هالعطر الخايس اللي عليك طلال مستغرب : هذا خايس هذا العطر اللي تحبينه سديم : وع قسم بالله قرف بسرعة وصلني للبيت طلال : قرف .. سديم فيك شي سديم عصبت : ياخي خلاص ما فيني شي وصلني البيت و إنت ساكت طلال تنرفز : و ليش ترفعين صوتك أصغر عيالك أنا و الله و طالعة بأسلوب جديد يا أخت سديم سديم تبكي : طلال ودني بسرعة طلال خاف عليها : إنتي مو طبيعية أكيد فيك شي سديم تبكي بصمت : ......... طلال : انزلي وصلنا سديم فتحت الباب و مشت بدون ما تسكره طلال : انجنت هذي لا والله مو طبيعية في غرفة سديم و طلال ...... سديم تستفرغ بالحمام : آآآه يمه طلال يمسكها : بسم الله عليك سديم : طلال تكفى بعد عني مو طايقتك طلال : غسلي وجهك و بعدين نتفاهم سديم بعد ما غسلت و جهها و بدلت ملابسها : إنت باقي هنا طلال : احلفي وين تبيني أروح يعني سديم عصبت : ياخي روح بأي ديرة بكيفك أنا ماني طايقتك ما أبيك طلال عصب : الشغلة على كيفك إنتي الغرفة غرفتي مثل ماهي غرفتك سديم تسحب المخدة و المفرش : أجل تهنى فيها أنا بأروح عند مها بغرفتها طلال وصلت معه : انطقي بغرفتك أحسن صدق ما تنعطين وجه " و طلع وصك الباب بأقوى ما عنده" سديم تجلس على السرير : أنا ليش سويت كذا والله حرام .. أووف يالله بكيفه ارتاح منه شوي طلال انسدح على الكنبة اللي بجناحة : هالبنت فيها شي دماغها مقلوب بس ما عليه يا سديم أنا أوريك بعدصلاة العشاء ..... في الصالة ,,,, أم طلال : وش فيك يا بنتي شكلك تعبانة سديم : إيه يمه تعب خفيف طلال : إيه تعب سديم طنشته : مها قلبي مشتهية ليمون مها : ليمون وش تبين فيه سديم : وش أبي فيه يعني أبي آكله طلال باستهزاء : ليه قل الأكل في المطبخ سديم : خلاص ما أبغى مها : دامك مشتهيته راح أجيب لك كم سدومه عندي سديم : تسلمين حبيبتي طلال : إلا يمه من زمان ما رحنا عند خوالي وش رايك نروح هالأسبوع أم طلال : الشور شورك يمه براحتك مها جايه و الصحن بيدها : إيه طلول تكفى و الله من زمان عنهم و مشتاقه لهم حييل طلال بنص عين : طلووول .. أصغر عيالك أنا مها : إييييه لو قايلتها سديموه كان الابتسامه من هنا لا هنا " تأشر عليها " سديم : ههههههه مهاااا تحرشينه علي طلال بابتسامة : فديت الضحكة و راعيتها سديم استحت : طلال اسكت طلال : طالعي يمه مر على زواجنا 6 شهور و حضرتها للحين تستحي أم طلال : إيه يمه حلاة البنت بحياها و إلا تبيها تفسخ الحيا طلال يغمز لسديم : إيه بس تقلل منه سديم تاكل الليمون : مو صاحي .. أنا تربيت على الحيا و هذي ميزة فيني إذا مو عاجبك مو لازم طلال : ووووع ليمون .. سديم واللي يسلمك خلاص بتذبحين عمرك أنا أشوفك أتقشعر أجل لو بآآكله وش بأسوي مها : الله يعينها شكل حملها صعب طلال يطالعها : و إنتي وش عرفك بهالسوالف أخت مها مها : ..... سديم : عادي وش فيها كل البنات يعرفون هالشي طلال : وش فيك مهاوي أنا بس أسألك مها : والله ينخاف منك الكل : ههههههه طلال : عبود .. عبود عبدالله : وش رايك بابا طلال : ههههههه هههههههه عبود وش مسوي بعمرك الكل : ههههههههه سديم : هههههههه بعد قلبي حبيبي تعال عندي طلال : هههههه عبود مين وين هالملابس عبدالله : ملابس ماما أنا بس أبي أشوف إذا لبست ملابس ماما و حطيت مكياج أصير زيها مها : ههههههه لا والله عبود انقلب أم طلال : ههههههه فديته حبيبي طلال : أخاف يا ولدي تصير خكري سديم : لا بسم الله عليه ولدي رجااال عبدالله ببراءه : هااا ماما أنا زيك الحين سديم تبوسه : و أحلى من ماما بعد طلال : با قي شي ما حطيته عبدالله تحمس : أيش بابا طلال : رووح جيب كورتين من غرفتك عبدالله يركض : طيب سديم عصبت : طلال وش هالحركات تعلم الولد المساخة طلال : هههههههه أتخيل شكله مها : والله يا سديم تلقينه حاس مكياجك هههههههه سديم بابتسامة : يفداه حبيب قلبي عبدالله : ماما الكورة سديم : حبيبي روح ألعب فيها طلال يروح لعبدالله : هاات أحطها لك عبدالله : هههههه بابا عييييب سديم : طلال بعد بعد طلال : وين أبعد سديم تحط إيدها على فمها : بعد تكفى أحس إني بأستفرغ طلال عصب : ليييه شايفه شي مقرف قدامك سديم تركض للحمام : ..... طلال يصارخ : والله هذي مو حاله إلى متى يعني أنا مو مضطر إني أتحمل هالعيشة أم طلال : اجلس يا ولدي خلني أفهمك طلال : وش تفهميني يمه بس أقرب منها تتقرف و تستفرغ أم طلال : غصب عنها يمه طلال : أستغفر الله العظيم .. مها روحي شوفيها لا يصير لها شي مها بحزن على حالهم : طيب أم طلال : طلال يمه المره لا حملت تتوحم و الوحم يختلف ممكن إنها تتوحم على زوجها أو على ليمون أو جمر أو أي شي ثاني طلال : وليه هي ما كفاها الليمون عشان تتوحم علي أم طلال : هههههه يا يمه خل بالك طويل وهي كلها 3 شهور و يروح هالوحم طلال : يا صبر أيوب و باقي استنى 3 شهور أم طلال : ما عليه حبيبي بس اللي أبيه منك تهدي بالك و تحاول إنك ما تقرب منها راعي نفسيتها صدقني يمه تراها تتعذب أكثر منك و ما ودها بهالشي بس غصب عنها وش تسوي طلال : الله يعين أنا بأروح أشوفها الحين أم طلال : بس هاااه لا تقرب صوبها هههههه أخاف تحذفك بأقرب شي لها طلال بابتسامة : الله يستر عند باب غرفة طلال و سديم ..... مها : بسم الله عليك يا قلبي خلاص ارتاحي على فراشك سديم تبكي : والله يا مها غصب عني اللي أسويه إنتي أكثر وحدة تعرفين إني أحبه بس هالشي مو بإيدي أكيد الحين مجروح من كلامي و تصرفاتي بس كيف أفهمه والله يا مها إذا طلال متعذب مره فأنا مليون مرة أنا مقصرة بحقه ما صرت أهتم فيه مثل أول تكفين يا مها اشرحي له موقفي و قولي له إن اللي أسويه مو راضيه عنه بس غصب عني مها بحزن : بس حبيبتي لا تبكين مو زين للبيبي خلاص و لا يهمك أنا راح أقول له طلال يفتح الباب : مو لازم تقولين لي شي حياتي أنا آسف و مو زعلان منك و أمري لله اتحمل 3 شهور سديم : حبيبي أنا اللي آآسفة بس ما عليه اصبر علي طلال بابتسامة : أكيييييد بأصبر دام النتيجة بيجي لي قمر زيك مها تغير الجو : يالله عاد تراكم مسختوها راعوا شعوري طلال : و لا يهمك نبي نزوجك مها : لالالا إذا السالفة زواج خلاص تكلموا زي ما تبون أنا بأطلع طلال : و أنا طالع بأخلي سدومتي ترتاح بس هاااه من الحين بأقولك حمل مرة ثانية ما فيه دامه كذا سديم تحط راسها على الوسادة : طفوا النور بأنام طلال + مها : تصبحين على خير سديم تغطي وجهها بالمفرش : و إنتوا من أهل الخير .. يا رب ارحمني من هالحال .. ألو هلا غلا غلا : هلا حبيبتي كيفك الحين إن شاء الله أحسن سديم نزلت دموعها : أنا تعبانة يا غلا غلا خافت عليها : ليه بسم الله عليك يا قلبي عسى ما شر سديم : الشر ما يجيك بس الحمل متعبني غلا : الله يعينك يالغلا بس عسا ما توحمتي على طلال سديم بيأس : إلااااا غلا : ههههههه تلقينه الحين كاره عمره سديم : فوق ما تتصورين أحس إني مسختها معاه بس وش أسوي غلا : والله حالتك صعبة يالله كلها 3 شهور إن شاء الله و يخف التعب سديم : الله يسمع منك إلا كيف فراس غلا : هذا هو جنبي يسلم عليك سديم : الله يسلمه فراس يسحب منها السماعة : كيفك سدومتي سديم بابتسامة : بخير الله يسلمك كيفك إنت فراس : أنا الحمد لله يسرك حالي سديم : دووووم يا قلبي فراس : أجل توحمتي على زوجك هههههههه الله يعينك يا طلال سديم : احلف عقبال ما أشوف غلا تتوحم عليك وتكرهك فيها فراس بحزن : الله يسمع منك سديم : فرووس وش فيك فراس يغير الجو : أصغر عيالك فروس سديم : ههههههههه فراس بفرح : يا لبى الضحكة يا شيخة خلاص من الحين حاجز إذا ولد سميه فراس سديم : هههههه راحت عليك فراس : ليه إن شاء الله و من هالغبي اللي يسبقني سديم : هاني حجز قبلك فراس : أجل ثاني مولود باسمي سديم : لا توبة يا ولد الحلال عايفة نفسي أنا فراس : هههههههههه غلا : يالله عاد ترى مسختوها خلصتوا رصيدي سديم : بأشحن لك يا بخيلة غلا : هههههه أمزح سديم : يالله حبايبي مع السلامة فراس + غلا : مع السلامة ترن .. ترن سديم : هلا لموسه لميس : لي ساعة أكلم و يعطيني انتظار سديم : كنت أكلم فراس و غلا لميس : لااااا جد.. كيفهم سديم : تمام الحمد لله إنتي كيفك يا دبه لميس : بخييير يا نحيفة سديم : ههههههه وحشتيني لميس : و إنتي أكثر يا قلبي إلا تخيلي مين عريس الغفلة سديم : ههههههه مين لميس بحيا : راكااان سديم : ههههههه وراك تقولينها مستحية أجل وافقتي لميس : لاااااا ما وافقت بايعة عمري أنا سديم : ليه إن شاء الله مو إنتي تحبين الرومنسية و الدلع ليه ما تتزوجين لميس : ما أبي أهم شي عندي الدراسة سديم : طيب يا قلبي مو مشكلة تقدرين تكملين الدراسة دامه رجال لا ترفضينه لميس : أبوي و هاني قالوا نفس الكلام بس أنا ما ودي سديم : تبين تريحين عمرك استخيري و لا تستعجلين و ادعي ربك إنه يسخر لك ولد الحلال لميس : راح أستخير سديم : يعني ما أعطيتي رد لأبوي لميس : لااا و اللي مستغربة منه أكثر إن أبوي ما أجبرني على الموافقة سديم : لموسه أبوي طيب استحالة يجبر وحدة فينا بس أنا تقدرين تقولين حالة خاصة يعني أبوي لو ما شاف إنه رجال ما وافق عليه بس أكيد أبوي عنده سبب لميس : على قولتك حتى يوم سألت هاني قال لي سديم حالها غير و جلس يفكر سديم : تتوقعين يعرف السبب لميس : يمكن ليش لا سديم : عموما حبيبتي الله يوفقك يا رب و يكتب لك الخير لميس : آآآمين سديم : عندي انتظار لميس : ميين سديم : عبدالله ما أدري إنتوا اليوم متفقين لميس : هههههه صدف سديم : أوكيه بااي لميس : بااي سديم : هلا عبدالله عبدالله : سلام يا قمر سديم بابتسامة : و عليكم السلام كيفك عبود و الله إنك وحشتني كثير عبدالله : و إنتي أكثر سديم : أنا زعلانة منك ما تقول عندي أخت بازورها و أسلم عليها و إلا فجورة نستك سدومه عبدالله : هههههه نساني الموت كان نسيتك بس تعرفين أشغال و دوام .. إلا على البركة يا قلبي سديم : الله يبارك فيك عقبال فجر عبدالله : آآآمين إلا اسمعي بكرة عندك شي سديم : لا ما عندي شي عبدالله : و بتداومين بكرة للجامعة سديم : لا ما أعتقد لأني تعبانة عبدالله : سلامتك ما تشوفين شر سديم : الشر ما يجيك يالغالي عبدالله : المهم حبيبتي بكرة راح أمرك العصر و آخذك مشوار سديم استغربت : ليييش ؟؟ عبدالله : وراك خفتي ما فيه إلا كل خير بس بكرة راح تعرفين أوكيه سديم : خلاص راح أقول لطلال .. فجر تدري عبدالله : لا ما تدري و لا أبغاها تدري حاليا سديم : أوكيه أوكيه خلاص مو مشكله بكره إن شاء الله أكون جاهزة عبدالله : تمام .. يالله يالغلا تامريني على شي سديم : لا سلامتك عبدالله : مع السلامة سديم : في أمان الله .. يا ربي غريبة وش عنده عبدالله يالله بكرة راح أعرف