الفصل 6
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵تسعين.دقيقة.tt*
*❴🔢❵☟الـــبـــــــــــ❴6️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
-جواهر: تامر شو صار معك… من تلات ايام موكليتك بمهمة ولهلأ ما عملت شي….
-تامر: مرت خالي شو اعمل يعني…. بشقف حالي… بقتل حالي…. ما في ادلة….. واذا فيه بكونو بمحل الجني الازرق ما بلاقيه….. عيفيني بقى…. ارحميني………… نحن انتهينااااا…. خالي ما رح يمرقها ع خير اذا عرف….. اتأكدي من هالشي…
-جواهر: لا تخاف….. كلو مدروس…….
الجزء العشرون:
-تامر: شو بدك تعملي !!!!!
-جواهر: قول شو ما رح اعمل !!!!
-تامر: انتي بلا رحمة….. لشو عم تخططي….
-جواهر: كل شي بوقتو حلو…… بس بدي جيلان بأي تمن…. لازم تضل عندي بأمان…. لحتى ما يوصلها شرارة نار غضبي……
______
يوم المحكمة……..
مصطفى… أيهم… جواهر… تامر… نديم… المحامي… وشخص سابع بقولولو ابليس……
مصطفين كلن سوا حد بعض…… وايديهن مشبوكين قدامن…. ومطأطإين راسن…
وكلن تم القبض عليهن مبارح من قِبل علاء…. اللي تكتك بالقضية بذكاء…. واحتجزن لليوم…..
وورا بين الحضور… جيلان… عمران… علاء… واللواء…
فات القاضي….
-القاضي: جلوس…….
وبلشو واحد واحد يطلعو ويقولو اقوالن…
-مصطفى: انا بشتغل بالمعمل مع نديم…… ضليت واقف حدو وحد بنتو… للأخر….. بس قبل اخر محكمة….. بكم يوم… اجا لعندي هاد اللي اسمو ابليس…… واخدني بالزور ع مكان ما بعرفو….. وهونيك شفت الست جواهر….. حطت قدامي كمية مصاري كبيرة… مستحيل انسان ع وج الارض يقدر يرفضا…. وعطتني ورقة… وامرتني قول هالحكي بالمحكمة……. انا بعترف اني غلطت سيدي القاضي… المصاري عمت على عيوني….
-ايهم: لما كنت عم دربلو بنتو… ع استخدام السلاح… دائما كنت شوف حدا عم يراقبنا…. لحقتو…. وسحبني لعندو… وعطاني مصاري مقابل اني احكي هالكلمتين بيوم المحكمة… وانا نفذت…. كنت بلا ضمير….. بس امي كانت مريضة… ومسكوني من ايدي اللي بتوجعني…… كانو جامعين معلومات كبيرة عني لدرجة عرفو نقاط ضعفي…. بس ما شفت الست جواهر…… كان تعاملي مع اللي اسمو ابليس…
-المحامي: فات لعندي ابليس بليلة ما فيها ضو قمر… سحب سلاحو واطلق النار ع صورة ابني…. وهددني انو يقتلو اذا ما بسحب الادلة وبمنع نديم من الاعتراف……. وكنت خبرو بكل المستجدات… لما نلتقي بوقت هوي بحددو…
-ابليس: انا بتم استأجاري لهالامور… وبنادولي ابليس… وانا عبد مأمور… كنت النائب عنها للست جواهر بكل شي… وهيي ورا الكواليس…لحتى ما تثير الشكوك وانا بشتغل اللي بتطلبو مني عالعلن بالنيابة عنها…
-تامر: بحبها…. بحبها لبنتو كتير… جيلان…. وكان بدي ياها بأي تمن… وما كان الحل غير اني اتحالف مع الست جواهر… لاكسب بنتا للابد….. وكنت نفذ تعاليما بالحرف الواحد…… بس لما بلشت تشتغل بقساوة وبدون رحمة… وعي ضميري… وقررت اهرب… حجزت بالمطار…. بس وقتا اجا نديم ورجعني من بعد ما بعتلو زلمين من رجالنا يجيبوه لعندي لخبرو بالحقيقة وبعدا طير واهرب… بس طلعو كلاب وخبرو جواهر بتخبيصي… دقتلي وهددتني… وقالت للشبين يمشو معي بالقصة… ووقتا لفقتلو اكاذيب كتير لابعد الشكوك عن الست جواهر…..
-نديم: قبل الجريمة بحوالي شهرين ونص… وصلتني اتصالات تهديد… ما عرفت من مين ولا شو السبب… بس اللي بعرفو انو كانو عم بهددوني بانن يقتلو بنتي….. ونبهوني ما خبر الشرطة… انا بوقتا انرعبت بس ما بينتلن هالشي….. ما كنت بعرف انو جواهر ورا هالشي… والا كنت خبرت عنها لاني بعرف انها مستحيل تإذي بنتها… بس كان ابليس الممثل عنها…. وانا كنت دايما اسألو انت مين وشو هدفك بس ما كان يجاوب…. لحد ما بيوم دقلي عالمعمل وقللي اجي ع عنوان معين… سجلت العنوان… بس حفظتو بسرعة لانو قريب من بيتي تركت الورقة بالدرج… ورحت….. كان مبنى عالي…. ومهجور… طلعت عالسطح… متل ما امرني… كان في رجال مسلحة كتير……. وقناص موجه سلاحو لتحت……. طلب مني ابليس قرب وشوف من الناضور ع مين مصوب السلاح……. قربت وشفت بنتي تحت حد البيت…… وقلبي انتفض… وقتا قلي يا بتنفذ اللي منطلبو… يا اما منخلص ع بنتك…. ورجعت عالبيت… سجلت بنتي بدورة استعمال الاسلحة…. واعطيتا مسدس لتحمي حالها… كنت خايف عليها بشكل رهيب… ومستعد قدملا حياتي بس تضل منيحة وبأمان…. وبيوم الجريمة….. اجا زلمين لعندي وقالولي انو في واحد اسمو تامر بدو يشوفني بالمطار… فتت لغير تيابي… كتبت ع دفتر ملاحظاتي الصغير "تامر المطار" لاربط القصص اللي عم بتصير ببعض واتأكد اذا بروح او لا… وحسب الخريطة اللي عاملها قررت روح… بالاضافة اني بعرفو منيح لتامر….. وانا بالعادة كل شي بسجلو… مع التاريخ… او بالأحرى من لما صارت حياة بنتي مهددة وانا بسجل كل شي… لحتى اربط كل المواضيع ببعض واكتشف مين عدووي… ما كنت بعرف اني ما رح ارجع اساسا لهالبيت…..
ورحت معن…… وصلت وكان قاعد وشنتو حدو ملبك وعرقان… مشي معي ومع الشبين لبرا… صار يخبص بالحكي… شي مفهوم وشي لا… لحد ما استنتجت بالاخر انو الاستاذ عمران ورا كل شي ع اقاويلو… وانو بدو يخلص مني ومن بنتي بأي تمن… لحتى يقتل ماضي مرتو جواهر من حياتا للابد… وبصراحة انا صدقت… لاني ما بعرفو لعمران ابدا ولا بعرف شخصيتو… الا انو انسان غني وعندو نفوذ وسلطة مش اكتر… بعد ما خلص الحديث قررت روح وواجه عمران… بس اخدوني الشبين بالقوة عالبيت اللي صارت فيه الجريمة…… وتركوني هونيك مع ابليس اللي كان ناطر حضوري…. وفتت لجوا وانصدمت بالجثث الموجودة…. وبلشت اتوتر واعرق…… قرب مني وصار يهددني… متل ما سمعتو بالتسجيل اللي عندكن…. وبعدا حملني المسدس… وشربني شي بالقوة خدرني وبظن كان شي بيختفي اثاروا من الجسم فورا لانو بالتحاليل ما بيّن ولا اي مادة فايتة ع جسمي…. رمى كبريت… وشعلت النار حواليي….. من بعد ما كان معبي الدني بانزين……. واختفى… وهون بلشت افقد السيطرة على حالي… واتنحنح لطلعت لبرا…. ووقتا حسيت ع حركة وشخص عم يدق للاطفاء وغبت عن الوعي……. وبيوم المحكمة لما قررت احكي انو الصوت اللي بالتسجيل لابليس ممثل عمران بيك…. برمت لعند بنتي وكان واقف وراها…. وهددني من جديد يقتلا اذا بنطق… ووقتا ما نطقت….
الجزء الواحد والعشرون والأخير: #نسمات_الليل
-جواهر: بكرهو…. وبكره وجودو بحياتي…… بنتي بتموت ع بيها وبتحبو اكتر مني انا اللي ولدتا وسهرت ليالي عليها…. بتكرهني… بسببو… بتبعد عني بسببو… اختارت العيشة بالخرابة معو عالعيشة بقصري… كان بدي انهيه بأي تمن……. لاكسب بنتي لصفي وتسكن معي…. انا بعرف انو هيك جريمة ح تسببلو الاعدام… درست الموضوع من كل الجوانب…. وقررت… اني ابعت ابليس اللي استأجرتو يقتل هالعيلة من بعد شهور تخطيط….. كان الي تار معن…. وما بدي القضية تطول كتير… فاذا انحطت بضهر نديم وانعدم…. وقتا رح يندفن السر للابد وتتسكر القضية من اولها….. بكون ضربت عصفورين بحجر واحد…….. العيلة اللي انقتلت بكونو ابن عمي ومرتو وولادو… هوي اللي كان يلحقني ويراقبني لما كنت التقي بعمران من صغري….. وبسببو وبسبب حكيو عني وعن شرفي قدام بابا… زوجني من نديم بالغصب… كان بدي انهيلو حياتو وعيلتو متل ما نهاني…….
وقف علاء وقرب ليعطي اقوالو كشاهد وضابط…
-علاء: سمعت بالقضية قبل الاعدام بيوم…. ورحت ساعد البنت اللي شفت تمردا ع امها من فترة……. وبشغلي كنت انتبه لادق التفاصيل… وهيدا اللي خلاني روح عالمطار من بعد ما لقيت الدفتر الصغير ببيت الاستاذ نديم… وكان في عبارات وقصص وخرايط مش مفهوم منها شي غير "تامر المطار"… وبمساعدة جيلان قالتلي مين هوي تامر… ورحنا عالمطار… واكتشف انو ساعة وفاة العيلة كانت وهوي بالمطار متل ما واضح عندك بالفيديو المسجل…. حاولت روح واخد الاذن من القاضي وتوقيعو ع الغاء الاعدام… وما لقيتو…. وبوقتا جيلان راحت تودع بيها… وبهالوقت كان القاضي اللي استلم القضية قبل حضرتك سيدي القاضي نايم وما عم يحس بشي… ووجود سيارتو برا اكدلي… كسرت الباب وفتت… وطلبت منو يوقع من بعد ما وعيتو بالقوة…. وقعد بدو يسمع كل شي وانا ما معي وقت… دقيت لبيي اللواء عبدالحميد مرجان…. حكا معو… وبدون تردد وقع…. وانا فورا ركبت سيارتي وسقت بطريقة جنونية للحق شخص رح ينعدم ظلم… ودقيت لبيي انا وعالطريق وخبرتو يبعتلي حدا ياخد مني الادلة ويخبيهن معو…. لاني حسيت اني ما رح كون بأمان… بالفعل وصلت عالسجن وانا مستعجل… لقيت هونيك رجل من قِبل بابا… عطيتو الملفات والتلفون اللي تم فيه تصوير مصطفى عم يحكي مع الست جواهر… وفتت بسرعة… ما كنت ملحقو… اطلقت النار عالحبل… وقع نديم… وانا غبت عن الوعي وما عاد حسيت على شي……… ومبارح بعد ما طلعت من المستشفى… توقعت تكون جواهر بدها تعمل شي فصل…. بعتت رجال تحمي جيلان وبيها…. وتوقعي طلع بمحلو…. طلعت جواهر باعتة ابليس يخطف بنتها…. سحبتو عالفرع لعنا واحتجزتو مع البقايا……..
-القاضي: سجل عندك يا ابني… المحامي رأفت احمد… ولأنه أخلّ بالعدالة… وقام بسحب الادلة وعدم الدفاع عن موكله… سيتم سجنه لمدة سنتين…. ولأنه فعل ذلك على اثر التهديد… تخفض العقوبة الى ستة اشهر مع دفع كفالة مالية……….. عاصم فهد والذي يدعى بإبليس… ولأنه أخل بالعدالة… ولأنه قام بقتل عائلة بأكملها… وتعريض حياة نديم بيطار وابنته للخطر… هذا غير دناسته بجرائم سابقة… سيتم اعدامه شنقا حتى الموت…....... تامر كرم… ولانه اخل بالعدالة… ولأنه تستر على افعال المجرم… ولانه قام بمساعدته بالجريمة… سيتم سجنه لمدة ستُ سنوات… ويتم اضافة اليهم سنتين وذلك لانه حاول الفرار من العدالة وقام بالمساعدة بسحب الادلة… ويكون المجموع ثماني سنوات………. مصطفى عزالدين… ولانه اخل بالعدالة ولانه قدم افادة مزورة… ولأنه قام بالتستر على المجرم… ومحاولاته بابعاد الحلول والادلة عن العدالة ولأنه قام بالتحالف مع المتهمة جواهر ناملي… سيتم سجنه لمدة ستُّ سنوات……….`*
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```