الفصل 5
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵تسعين.دقيقة.tt*
*❴🔢❵☟الـــبـــــــــــ❴5️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
المستشفى كلها استنفرت… كرمال ابن اللواء عبدالحميد مرجان… واخدو نديم وسحبو منو دم… وعملولو اللازم كرمال ما يغمى عليه او يصرلو شي من بعد كمية الدم اللي اخدوها….. وافضل كادر طبي كان بغرفة العمليات مع الضابط علاء مرجان……
واللواء برا… عم يروح ويجي…… موتر وعم يفكر بحالة ابنو الوحيد… وجيلان واقفة وصافنة بباب غرفة العمليات……..
ثواني واتجمعو رجال اللواء كلن…
-اللواء: وينكن لهلأ… كنت رح افقد ابني بسببكن…
-سيدي لحتى قدرنا نجيب متبرعين اخدنا وقت…. والمستشفيات القريبة ما فيها وحدات دم بزمرتو والا كان من زمان انحل الموضوع……
راقب اللواء الناس اللي جايي تتبرع…. كانو اربع شباب… وبنتين…
ووجه نظرو فورا ناح باب الغرفة اللي انفتح… وضهر الدكتور….
-اللواء: طمني دكتور…
-الدكتور: عم يعملو اللازم جوا….. ولازملنا دم بعد… لانو ما كان فينا ناخد كمية اكبر من نديم بيطار… والا منخسرو….
-اللواء: جبنا متبرعين…
-الدكتور: كتييير منيح…… ياا ممرض…. خدلي ياهن واسحب منن كلن دم… عالسريع… وابعتن ع غرفة العمليات……
سطحوهن بغرفتين… وكان في كذا ممرض عم يشتغلو ليلحقو عالوقت… وممرضة عم تحط حد كل تخت كاسة عصير… ليشربوها بعد التبرع… كرمال ما يدوخو…
_____
بغرفة العمليات….…
-شو نعمل دكتور… رح نفقد المريض……..
صار يعرق الدكتور… والممرض عم يمسحلو جبينو…… لحد ما دقايق وفات ممرض معو الدم المطلوب… اخدوهن بسرعة… وصاروا يعملو اللازم……
بس شو ما يعملو… اذا الانسان ما مكتبلو يعيش… ما رح يقدرو يعيشوه… واذا كان مكتبلو يعيش لو الكل تركو… رح يعيش…
-دكتور عم نفقد المريض….. دقات قلبو عم توقف…..
-الدكتور: عطيني الصدمات الكهربائية…… 1… 2… 3………
استقام الخط……
-الدكتور: 1… 2… 3………… كمان… 1… 2… 3……… كمان مرة….. 1… 2… 3…………
-دكتور لا بقى تحاول خلص… فقدنا المريض……..
-شو رح نقول لحضرة اللواء…….
-انا ما رح اضهر من هون ابدا…… اطلع انت خبرو……
-الدكتور: رح نحاول كمان مرة…. علّيه كمان……… واحد… تنين… تلاتة……
بانت الابتسامة ع وجوه الكل…….. لما طلع الخط من جديد… ليعلن لعلاء عمر جديد…
-الحمدلله رب العالمين………
طلع الدكتور لبرا…… وكانت جيلان قاعدة وعم تدعي ربها….
-الدكتور: الحمدلله… ابنك محظوظ… ومتمسك بالحياة… بقدرة الخالق انكتبلو عمر جديد…….
-اللواء: كتييير منيح….. فيني شوفو….
-الدكتور: كرمال راحتو وصحتو الافضل بلاها….. بس ليصحى وننقلو ع غرفة خاصة…
-اللواء: اديه بدو ليصحى……
-الدكتور: ع الله……. بس انشالله ساعات قليلة……
كانت جيلان بعيدة وعم تشكر ربها… مش مسترجية تقرب خوفا من اللواء… وبذات الوقت خجلا منو… لانو ابنو بهالحالة بسببها…..
صارت الشمس تغيب…. والليل حل…. والسكون عم بأرجاء المستشفى……..
وجيلان راحت عند بيها وطمنتو…. وغفيت عالكنابية حدو….
________
في صباح اليوم التالي…………
فاقت جيلان… ولقت بيها صافن فيها…… ابتسمت وقربت لحدو…
-جيلان: كيفك اليوم بابا……
-نديم: انا منيح….. بابا اقعدي حدي بدي احكيكي……
-جيلان: قللي…..
-نديم: كيف حصلتو ع ورقة الغاء الاعدام…
-جيلان: بابا ما بقى تخبي عليي… عرفت كل شي… اد ما تحاول تخبي وحشية وقذارة امي… ما رح تقدر… وبحياتها ما رح تِحلى بعيني…
-نديم: شو جاب سيرة امك هلأ… اح احح…..
-جيلان: روق بابا… خلص ارتاح… بعدين منحكي….
-نديم: وغلاوتي عندك احكي يا بنتي……..
-جيلان: بابا بلاها هلأ….
-نديم: جيلااان… اححح… اح…
-جيلان: خلص متل ما بدك… بس خليك قوي…. الست جواهر هيي السبب بكل حالتنا… هيي اللي دبرتلك التهمة وهددتك فيي…….
-نديم: انتي شو عم تحكي…. احح اححح اح……
حط ايدو ع قلبو…. وبلش يسعل…
قامت جيلان بسرعة لعندو وساندتو…. وصرخت…
-جيلان: باباااااااااااااااااا…….. حدا يجي يساعدنااااااااااااا……
-نديم: اححح احح…..
-الدكتور: بعدي يا بنتي بعدي…….
قرب وحطلو الاوكسجين……
_________
-الدكتور: حضرة اللواء ابنك وعي… فيك تفوت تشوفو……
فات اللواء لعند ابنو عالسريع… قرب منو ومسكلو ايدو….
-اللواء: ابني انت منيح !!
-علاء(بصوت مبحوح وشبه مسموع): ج… ي… جيل… ان……
-اللواء: شو قلت !!!
-الدكتور: من اول ما وعي وهوي ما عم يلفظ غير هالكلمة….
-علاء: جيلان…….
-اللواء: جيلان لكن… ما…. شيلا من بالك… هالبنت المتمردة بسببها انت هون…….
-علاء: اححح… احح…. اححح….
صار يسعل بقوة…. واللواء انرعب…
-اللواء: دكتووور… شو صرلو ابني….
الجزء التاسع عشر:
-الدكتور: رجاءً نادي للبنت اللي بدو ياها… راحة المريض هلأ فوق كل شي……
ضهر اللواء ونادا لجيلان…… اجت جيلان بخطوات بطيئة ومرعوبة…. وقفت قدامو…. اطلعت حواليها ع الدكتور واللواء…
وعلاء ابتسم…… حاول يرفع ايدو……. مسكتلو ياها وهيي موترة وعينا عاللواء…….
ضهر اللواء…. وبعدا الدكتور……. تنهدت جيلان وشدت ع ايدو…
-جيلان: علاء انت منيييح !!! خفت عليييك كتييير……..
-علاء: ع…. عنجد….
-جيلان: ارجوك ما تتعب حالك بالحكي…… وارتاح…… انا حدك هون….
كانت بدها تسحب ايدا…. بس هوي شد عليها……..
-علاء: خليكي…. و
حطت ايدها ع تمو…..
-جيلان: رح ضل… رح ضل… بس لا تحكي……..
قربت الكرسي لحدو… وقعدت…… رفعت ايدو ناح خدها… وسندتو عليها…. ابتسمت وتأملت عيونو……. اللي رافضة انها تنشال عن عيونا…….
دقايق…. وانفتح الباب… انتفضت جيلان… سحبت ايدا ووقفت….
فات اللواء ومعو الممرضة لتبدل السيروم…. ابتسمت جيلان….
-جيلان: الحمدلله عالسلامة… بالاذن حضرة اللواء…..
-علاء: احح… احح… لحظة….… قربي….
عملها اشارة بإيدو انها تقرب…. اطلعت عاللواء اللي ما عمل ولا اي ردة فعل… قربت…….. هز ايدو انو قربي اكتر….. قربت ادنها ناح تمو….. وهمس…..
-علاء: بحبك…….
بعدت جيلان عنو بسرعة…. وبدون ما تلتفت يمين او شمال هربت بسرعة لبرا…. وكإنها حست انو اللي بالغرفة سمعو دقات قلبا السريعة والواضحة……. وقفت برات الغرفة… سندت ضهرا ع الحيط…… حطت ايدها ع قلبها…..
-جيلان: ع مهلك يا قلبي…. اهدا… اهدا…….
ابتسامتها صارت اعرض من قبل….. وهمست….
-جيلان: بحبني !!… قال انو بحبني………..
وركضت ع حضن بيها مبسوطة……
________
بغرفة علاء…. بعد ما ضهرت جيلان…….
ابتسمت الممرضة اللي سمعتو شو قال……
-الممرضة: خجلتها !!… باين انها بتحبك كمان…
ابتسم علاء وانعادت براسو(باين انها بتحبك)……. قرب منو اللواء…..
-اللواء: ابني شو محتاج… بدك شي…. اشارة وحدة بركعلك الدني تحت اجريك…….
-علاء: اطمن بابا………
-اللواء: بتحبها ؟!
-علاء: احح…. ك… كتير……
-اللواء: من لما توفت امك ما شفت عيونك عم تضحك هيك…. ماتت بحسرة انها تشوفك عريس…… وانت ما قدرت بنت من قبل انها توقعك بغراما…… وهلأ بفترة قصيرة بنت متمردة بتوقعك……!!
-علاء: اعترف انها مميزة……
-اللواء: من اول نهار شفتا فيه من اشهر عجبتني جرأتها وتمردها…. اصرارها انو بيها بريء وقوتها… كرمال هيك سامحتا عاللي عملتو معي وخليتها تفل…. بس اليوم وقت شفتا لقيتا بنت ضعيفة… هامدة… تعبانة… وما قدرت اني حس ذات الشعور باعجابي بشخصيتها لما عرفت انها السبب بحالتك…… انا كنت رح افقدك….
-علاء: بعملي لازم دايما…. احح… تتوقع هيك امور……..
-اللواء: معك حق… بس انعما ع عيوني لما تخايلت حالي ح افقدك… بس لما شفت كيف قدرت تردلك الروح… عرفت قيمتها عندك…. بعينيها تمرد… ثورة… وَعِّتْ بداخلك حلم ما رح فيني اطفيه…… احكيلي شو صار معك……
-علاء: كانت رصاصة عادية بكتفي… تلمع وجع عليي كل شوي… وما كانت عم تنزف كتير… كان وجع يُحتمل… بس بعد ما فقدت جيلان الامل وفلت… انا جنيت… ما بقبل اني اخسر قدام البنت اللي بحبا… ولا قضية بحياتي استلمتا خسرتا… ليه هلأ بدي اخسر… كيف رح نام مرتاح الضمير وفي شخص كان بدو مساعدتي وما قدرت… ووقتا كسرت الباب وفقدت السيطرة ع نفسي ورجعت لورا من عزم الضربة وانلوت اجري… وقعت وفات كتفي بالحفة…. وبلشت انزف دم ووجع… وخلال سبع دقايق كان الموضوع محلول من بعد روحة جيلان… وسقت بهستيريا لوصلت كمان بسبع دقايق… ولحقتو ع اخر نفس…. بتشكرك بابا…. احح… لولاك… اح احح… ما كنت قدرت اني لحقو قبل… اححح… الاعدام….
-اللواء: ابني اهدا… روق… لا بقى تحكي… سلامة قلبك… المهم انك بخير…. انا عم تابع الموضوع بنفسي…… روق……
_________
بعد مرور يومين…… #نسمات_الليل
كان علاء مجلّس قعدتو… وساند عالمخدة وناطر مجية جيلان…. اللي بعت وراها من شوي بعد ما فل بيو ليساوي اجراءات الخروج……… فاتت لعندو…… اشرلها عالتخت حدو لتقعد…. قعدت…… ابتسمتلو…. مسكلا ايدا……
-علاء: مرة قريت قصيدة… زمان… كانت بتحكي عن الحب… حفظت منا مقطع صغير… حاسو انو انكتب الك….
تنهد وكمل حكي…. وهيي عيونها عم يبرقو….
-علاء: (لا اعرف كيف ومتى ملكتني واصبحت مليكتي ومملكتي وعشقي…… وزهرةً نبتت في دمي… فراح عبيرها ينشر الفرح في روحي… أحبك) /مقتبس/… بحبك… بحبك جيلان…….
فتحت تمها لتحكي….. حست بحركة الباب…. وقفت بسرعة…. باستو ع خدو… وركضت لبرا… من بعد ما تجاوزت اللواء……
-اللواء: يلا ابني…. جهز حالك… ح نطلع من هون….. علاء… عم بحكي معك…. بشو صافن…..
-علاء(بهمس): باستني !!!
-اللواء: علااااء…. شو اشبك ابني…..
-علاء: اه نعم…. اي يلا جاهز انا…….
_________
بالسيارة….. الشوفير عم يسوق… واللواء وابنو ورا…..
-علاء: كيفو الاستاذ نديم… وين صار… ما تقللي رجعوه عالسجن…
-اللواء: بكرا المحكمة…. كانو بدن يحطوه بالسجن لوقتا… بس انا استخدمت اسمي لقبلو يرجع ع بيتو… ورجع من يومين لما طلع من المستشفى…. بس بنتو ما تركتك… كل النهار بالمستشفى…….
-علاء: الادلة معك بابا…. ما هيك…!!
-اللواء: اي بالحفظ والصون……..
-علاء: تمام……
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```