الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵تسعين.دقيقة.tt*
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
قصص وروايات 📚📖:
-جيلان: ساعة و13 دقيقة…
-علاء: حلووو…. بكفو وبزيدو….
عم يحاول يقويها… يعطيها امل… وهيي عم تاخد جرعات القوة منو… ثقتو بحالو عم تشجعها…… وهيي شاردة بإمها واللي عملتو… معقول تكون هالقد قاسية !! ولئيمة !!
وصلو ووقف السيارة… طلعت من صفنتها…
-جيلان: شو هالمكان….
-علاء: جاهزة ؟!
-جيلان: لشو… ؟!
-علاء(زتلها مسدس بين ايديها): للحرب…
الجزء الثالث عشر:
نزلو ع مكان كبير… مهجور… بشع… بخوف… والنفس الو صدى فيه…. فتح سيارتو من ورا… وطلع منها جاكيت جلد مدرعة…
-علاء: قربي… هاي رح تحميكي….
لبسها ياها… وهوي عم يراقب عيونها… وهيي عم تحاول تتحرر من عيونو…
-جيلان: تقيلة وبتوجع…
ابتسم… ومشيو بهدوء…
-جيلان: شو عرفك بهيدا المكان…
-علاء: عنوان مكتوب ع ورقة بمكتب بيك… كانت بالدرج تحت الوراق… الظاهر ما حدا منتبهلا… والا بظن كان مصطفى خفاها… مش وقت الحكي هلأ… يلا امشي…
فاتو عالمبنى… ريحة العفن فيه قوية… صارت مسدساتن تمشي قبل منن… وصوت دقات قلوبن كانت واضحة… بهدوء… وخطوات مدروسة…
فاتو ع غرفة…. ووجهو السلاح بسرعة ليحمو حالن… بس كانت خالية من اي شي…
ضهرو… وقربو ناح غرفة مسكرة… حط علاء ايدو عالباب بهدوء… وفتحو شوي شوي… وفاتو تنيناتن عالهدا… وبحركة وحدة من شخصين كانو تنيناتن بالارض… ومسدساتن بعيدة عنهن…
-جيلان: ميييين انتوو….
-علاء: اسمع… ما في وقت… بدي الدليل….
-ههههههه…. ومن كل عقلك رح نعطيك ياه… شو واثق بحالك… اساسا ما في دليل….. ههههههاااي… عم تدورو على لا شيء…
صراع مع الوقت… خيبة امل واضحة بعيون جيلان… وقوة وثبوت بعيون علاء….. حمل هداك الشخص تلفونو…
-صاروا معي…
-جيلان(تصرخ): بعرففف انككك انتيييي يا جوااااهر…. خبرها يا حقيير اني صرت بعرف الاعيبها….. وخطتها…. لك قلها اني بكرهاااااا….
تنهدت جواهر عالطرف التاني… من بعد ما كان صوت بنتا واضح الها… ما كانت متوقعة انو تعرف بهالسرعة… وبهالسهولة… اتوقعت انو هالسر يندفن للابد… من بعد ما ينعدم نديم…
امرتو يحط عالسبيكر….
-جواهر: جيلان هالشي كلو لمصلحتك… صدقيني…
-جيلان: لك اسكتييي…… انتي عم دمري حياتي… هالشي لمصلحتك انتي يا انانية…
-جواهر: مع الوقت ح تفهمي سبب تصرفي….. اسمع يا راجي… خليهن عندك… بس لحتى ينتهي الاعدام… بعدا طلعن….
-جيلان: لك انت بلا قلب… بكرهككككك…. لك ليييه عم تعملييي هيييييك…. فكرك رح اجي لعندك بعد وفاتو….. صدقيني يا جواهر… قسما برب العباد انو اذا بابا بينعدم رح انتحر…. عم تفهمييييي….. انتي مااانك ام… انتي وحش…..
-جواهر: نفّذ…
-راجي: امرك ستنا…….
طعنة بالظهر… الغدر هوي الاسلوب الوحيد اللي بخلي صاحبو ينتصر…
من بعد ما علاء سحب من جيابو سكينتين من كل ميل وزتن بالاتجاه الصح على الشخصين اللي بدن يحتجزوهن بأوامر جواهر…
فقدو السيطرة ع انفسن ووقعو عالارض وايديهن ع قلوبهن… من وجع ضهرن…
وجيلان واقفة محلها مصدومة….
-جيلان(وعيونا عالجثث): شو عملت…. من وين جبت السكاكين…
شال المسدس عن الارض… حطو ع خصرو… ومسك ايد جيلان وصار يركض ويسحبا معو…
-علاء: اتحركي مش وقت الصدمة هلأ… لازم دائما تتوقعي الاسوء ويكون معك البديل…. هاد المكان ما فادنا… تعي لهون…
فاتو ع غرفة…. قرّب علاء ع طاولة اثارت فضولو… سحب الشرشف عنها… وتنيناتن بلشو يعطسو من الغبرة اللي طلعت….. كان في اسلحة كتيرة وبواريد…. مسك واحد…
-علاء: خدي… فيكي تستعمليه…
-جيلان: بحاول…..
مسك واحد تاني… ابتسمو… واشارات عيونن كانت كفيلة للمجزرة اللي ممكن يساووها كرمال ينتصرو… مشيو…. وبعدا صارو يركضو… طلعو لبرا…. وعلاء شادد ع ايدها… حست جيلان بالامان… بس هالاحساس ما طال… لانن قبل ما يوصلو ع السيارة… كانت كمية شباب كبيرة مسلحة محاوطتن من كل مكان…
قربو من بعض… حمو ضهور بعض… وصاروا يراقبو الرجال… كيف عم تقرب شوي شوي… غمرها علاء لحضنو… وتفحص الكل…
-علاء: هول رجال امك… اكيد بتكون موصييتن انن ما يلمسوكي… هربي… وانا رح الحقك… ما تطلعي وراكي… ما فيهن يقتلوكي… بالسيارة في دفتر صغير اخدتو من بيتكن… خليه معك…
-جيلان: بس انت…
-علاء(قاطعها): انا مش مهم… بدبر حالي… المهم بييك جييلان…. (صرّخ)… يلا جيلاااااان هربييييي……
الاسلحة كلها توجهت ناحها…. وهيي عم تركض بدون ما تطلع وراها… بس هني بيعرفو التعاليم كتيير منيييح…. ممنوع حدا يإذيها بشوكة… بس كيف رح يجيبوها لعندن…… هه خطة ذكية…. صوت رصاصة… خلتها تلتفت لورا….. وتجمد بأرضها…
-جيلان: لااااااااااا….. علااااااااء…..
-علاء: اااااه….. هربي جيلللاااااان….. انا منييييييح….. رووووحييييي يلا…. ما تلتفتي ورااااكي……..
///تقفُ على حافّة الهاوية… هُناكْ، حيث طريقٌ نهايته الورود الذي إن مشت فيه ستجرحها اشواكٌ حادة… وهناكْ، على الجانب الآخر… طريق نهايته بريق أمل جميل لكن يتخلله كلاب مسعورة… أي الطريقين ستسلك ؟!… وكلاهما مرٌّ وصعب… هل ستختار ان تجرحها الاشواك لكي تنعم بالورود !!… لكنها ستظل نادمة… فهي إن سلكت طريق الأشواك فـ من المُحتمل أن تنجيها قدرة الخالق منها فتصل إلى شُعاع الأمل… ولو سلكت طريق الكلاب فنهشت لحمها فـ كان من الافضل لها ان تجرحها الاشواك… ضياعٌ لا حدود له… وهي على الحافة تقف… تنتظر الفرج ولا تملك من الوقت الكافي لتأخذ قراراً مثل هذا !! فلقد بدأ العدُّ العكسي… هناك ساعة فقط…!/// #نسمات_الليل
الجزء الرابع عشر:
صارت تركض ناح علاء….. وهوي عالارض… رصاصة بكتفو اليسار… والدم عم ينزف…… وحاطط ايدو اليمين عليها……
-علاء: لا جيلااااان…. روووحي……
حكا واحد من الرجال…
-شو ست جيلان… ما عاد بدك تهربي….
قربت منو… وشافت الجرح… وهوي عم يعاتبها ليه رجعت… بلشو يقربو الرجال لياخدوهن ويحبسوهن…. بس جيلان عصبيتها فاقت الحد…. طلعت كل القوة المكبوتة جواتها….. وكإنها صارت كتلة من الدمار… حملت سلاحها… حمت علاء بضهرا….. وبلشت تقوص بلا هدف….. وبعشوائية… رصاصة ورا رصاصة… والكل عم يبعد عنها وعن تهورها…… لحظة ورجعو يقربو… اكيد لانو سلاحها ما عاد في ولا طلقة…. رمتو بعيد…. واخدت سلاح علاء… رجعو يبعدو…. بس هالمرة هيي عم تتطلق النار بهدف…. واحد ورا التاني بلشو يوقعو… والقسم التاني هرب….. رمت السلاح… وبرمت عند علاء… لقتو عم يراقبها بعيون مش مفهوم اللي فيها…. سحبت شالها…. ربطت كتفو عالسريع… وهوي عم يراقب كل تفاصيل وجهها…
-جيلان: يلا نقووم….. عالسريع قبل ما يرجعو…
-علاء: ليه ما تركتيني…
-جيلان: بلاك ما فيي اثبت براءة بابا… وما بدي اخسركن انتو التنين…..
-علاء: يعني وثقتي فيي….
-جيلان: اكيد… يلا نروح… انا رح سوق…
طلعو بالسيارة……. وبلشت جيلان تسوق… وعلاء حدها…
-علاء: من وين جبتي كل هالقوة….. امشي من هيدا الاتجاه….
-جيلان: ما تذكرني… لوما في صراع مع الوقت… كنت هلأ منهارة…
فتحت عيونا ع وسعن لما ادركت هيي شو عملت وعلقت الدمعة بالنص…
-جيلان(صارت تحاكي حالها): كيف قتلت…. يا ربي مش وقت الضعف…. انتي قوية جيلان… اي اي قوية………
ابتسم علاء ع عفويتها… ومسك الدفتر…. وقلب بين صفحاتو…. وهيي عم تسوق… وتحارب دموعا بذات الوقت…
-علاء: يلا شغليلي ذاكرتك….. وحاولي تتذكري اي شي…. (قرا اسم وصرخ بسرعة)… تاااامر…. مين بكون…. !!
-جيلان: شو !!…. تامر !!… هيدا ابن اختو لعمران زوج ماما……
-علاء: تحتو مكتوب المطار……… (صفن شوي)… جيلان دعسي بنزيين…. عالمطاااار…. فوراااا…..
وصلو عالمطار… صارت تراقب الساعة بتوتر… نزلو وصارو يركضو… وهيي تلحقو وعقلا بمكان تاني… ما وعيت الا ع علاء وقف… وسحب الشارة وفرجاها ع شخص…
-علاء: بدي شوف الكاميرات… وفورا…..
-معك ورقة بهالشي….
سحب كمية مصاري كبيرة…. من جيبتو… وزتن بخلقتو…. ابتسم الموظف… ومشي معن ع غرفة الكاميرات……
-علاء: تعي اقعدي جيلان وراقبي منييح…. يوم الحادثة اديه كان في بالشهر…. بتتذكري…
-جيلان: مستحيل انسا… 7 حزيران….
-علاء: فتحلي ع سجلات 7 حزيران عالسريع….
صاروا يراقبو بهدوء…… لحد ما صرخت جيلان…
-جيلان: تاااامر…..
-علاء: خفف… خفف السرعة… ورجّع لورا شوي… اعمل زوم…
كان تامر قاعد… وشنتو حدو… متوتر وعم يراقب حواليه…. بيجي تلات رجال لحدو… بيوقفو مقابيلو…. بيحكو شوي… وبيمشو سوا…
-علاء: فرجينا من الكاميرا الامامية لنشوف وجوهن…
-جيلان: هيداا بابااا… بعرفو من ورا…
حط عالكاميرا الامامية…
-علاء: بتعرفي الشبين اللي معو ؟؟!!
جيلان: لا ما بعرفن…. شو عم يصيييير….. بابا مانو غامض هالقد…
اطلع علاء عالوقت تحت الفيديو…
-علاء: جيلان اي ساعة صارت الجريمة….
-جيلان: قبضو ع بابا 3 الظهر… والحريق كان صاير قبل بنص ساعة…. اما العيلة كانت ميتة بحوالي الساعة 1…
-علاء: متأكدة !!!
-جيلان: هيك اكّد المخبر الجنائي…
ابتسم علاء…. وسألتو جيلان بعيونا شو…. قام بسرعة…
-علاء: عالسريع انسخلي الفيديو…… جيلان هون الساعة كانت 1… اصبح بيك ما كان بوقت الجريمة…… مكان الجريمة… كان هون بالمطار…
من قلبا ركضت وغمرتووو… ضحك وشد عليها بإيد وحدة… كز ع عيونو لما لمع جرح ايدو من الوجع…. اتمالك حالو وابتسملا…
-جيلان: شكرراااا… شكرااا كتييير….
///ما أجمل أن تري بجانبك أُناس أوفياء… والأجمل عندما يكون منقذ تشعرين معه بالراحة والأمان… بعدما فقدتي كل من حولك… وأصبحتِ في غرفة ظلماء… يأتي بصيص أمل… وبعدما أحسست بالعجز وأنت وحيدة… يطل ملاك جميل… ينقلك إلى عالم الأمان…///
-علاء: روقي… بعد الطريق قدامنا طويل…
خيبة أمل عبت عيونها… حط ايدو ع خدها… وحدق بعيونا….
-علاء: وثقي فيي…
-جيلان: كيف طويل… والدليل معنا……
-علاء: بعد لازم نجيب ورقة من القاضي بإلغاء الاعدام… ليفوتونا لعندو……
-جيلان: يا رب كون معي… ما تخليني افقد اعز ما بملك……
-علاء: يلا امشي…. للمرة التانية بقللك بيك محظوظ فيكي… وبالحب اللي بتحبيه ياه…… هالاخلاص كلو… وتعرضك لحياتك كرمالو… وكمية الالم اللي جواتك اللي مستعدة تفجريه كرمال بيك… مش اي حدا عندو ياه…… ومتأكد كمان اللي رح يفوز بقلبك رح يكون محظوظ كمان…..
الجزء الخامس عشر:
ابتسمت… وهيي عم تراقبو عم يحكي ويسوق…. شافتو شد ع عيونو…..
-جيلان: عم يوجعك كتفك ؟… كان لازم سوق انا…….
-علاء: ما تهكلي همي… جرح بسيط… بشغلي بنصاب بأفظع من هيك…… وبعدينا اليسار هيدا…. اليمين سليمة بسوق فيها…..
-جيلان: انا بتشكرك كتير… وكل عمري ما رح اقدر اوفيك اللي قدمتلي ياه…..
-علاء: بعد ما طلع بيك… لما يطلع وقتا بتتشكريني….
-جيلان: بس ع كل الاحوال انت كنت حدي…. بالوقت الي اقرب الناس خانوني… اجا الغريب ووقف حدي وقفة رجولية بحتة….
ابتسم……
-علاء: واجبي…
-جيلان: قولك رح ينحل كل شي… ؟!
رغم انها بتعرف اجابتو… بس بدها تسمعا… ليطمئن قلبها…..
-علاء: انشالله…. بيك مخبي اشيا كتيير… ولو مصرّح عنها ما كان انصدر فيه حكم الاعدام….. وامك ماسكتو من ايدو اللي بتوجعو… وواثقة انو ما رح ينطق لدرجة انها ما نضفت الادلة وراها…
-جيلان: بس هوي بيعرف انها مستحيل تإذيني… وما في غيري نقطة ضعف بحياتو…..
-علاء: ممكن ما يكون بيعرف انها امك ورا كل هالشي…..
-جيلان: وتامر !! مشترك كمان… الدنيا مشربكة وما عم بفهم شي…
-علاء: كل شي بتفهميه بوقتو… يلا ننزل……
صف السيارة وهيي عم تراقب الساعة حد الدركسيون….. اطلع فيها نظرة حزن….. ونزل… فتحلها الباب لتطلع من صفنتها ومسكها من ايدها…
-جيلان: 35 دقيقة…
-علاء: منلحق انشالله…… المهم ما تصفني…
سكر باب السيارة… نقطت ايدو دم عالارض…. صرخت جيلان…
-علاء: روقي… بحياتك مانك شايفة دم… شالك اتعبى دم كرمال هيك… جيبيلي قميصي الاحتياط من ورا….
جابتو ولفتو عالسريع من بعد ما شالت شالها…. وهوي غرقان بجمالها…
-علاء: رح نتأخر… شديه اكتر… (شدتو)… ااااه…..
-جيلان: انوجعت… اسفة…….
ابتسملا وجاب أنينة ماي من ورا… فتحت ايديها وزتن عليهن لتنظف ايديها من الدم….. ركضو سوا ليلحقو…. وهني عم يحكو…
-جيلان: لو فينا نطالب بتوقيف الاعدام لنجمع الادلة…
-علاء: ما بخلونا… لانو اعطونا مجال حوالي التلات شهور… وما طلع شي….. امشي من هاي الجهة…
-جيلان: انت كيف عرفت بكل هالمعلومات….
-علاء: وصلني الملف كلو وقريتو… بس بوقت متأخر… يعني مبارح…. ولليوم الصبح لحتى انتبهت لـ اسمك عالملف وعرفتك فورا…. واتذكرت بيك اللي شكلو ابدا ما بيوحي بالاجرام…..
-جيلان: الناس القريبة ما لاحظت هالشي……
فاتو عالمحكمة…. وكان في ضجة وعجقة رهيبة… ماسك ايدها وعم يمشو بين الناس… لحد ما شافوا موظف… وقف علاء وحكاه…
-علاء: مرحبا… القاضي عماد دوندار… اللي كان مستلم قضية نديم بيطار… وين بلاقيه….
-الموظف: هوي مانو هون….
-جيلان: لاااا…. وين بكون….
-الموظف: بعتقد ببيتو……
-علاء: وين بيتو… اعطيني العنوان…..
-الموظف: بعتذر… مش مسموح……
-علاء: الموضوع حياة او موت…. ارجوك…….
حك علاء دقنو…. عم يفكر… هالشخص ابدا ما بيوحي بإنو بيرتشى… رفع شارتو بوجو…
-علاء: انا الضابط علاء…. ماني مواطن عادي… ولما بقللك مهم يعني مهم… وصدقني اذا ما بتعطيني العنوان… رح تندم… لانن لما يعرفو انك منعتي… حضرتك رح تصير في خبر كان وتفقد وظيفتك…
طلعو من المحكمة بسرعة…… واتوجهو عالعنوان اللي اخدوه…. وفي ورقة بين ايدين علاء اخذها من الموظف كمان… بدها توقيع وختم القاضي لينلغى الاعدام…
-علاء: المكان بعيد شوي… بدنا حوالي ال 10 دقايق لهونيك…. طلعي عالسريع…. بس ع سرعتي بتاخد 7 دقايق…. انشالله…..
دور السيارة وساق بطريقة جنونية…… وجيلان عم تكابر عالخوف اللي جواتها… وعم تبعد فكرة انو بيها رح ينعدم…
-جيلان: معناتا بيبقا 20 دقيقة……. لانو هلأ بعد في 27 دقيقة… اسرع اكتر ارجوك……. اسفة علاء اسفة… انت بهالحالة وانا عم فكر بأنانية……
-علاء: ما بقى تتأسفي… ماني موجوع… الجرح سطحي…
اسرع اكتر… وكان عم يشد ع اسنانو بقوة ليطلع من وجعو… وهون الصمت كان سيد الموقف…. وقلوبن عم تدق بقوة…… جيلان رح تفقد السيطرة ع نفسا… حاسة حالها عم تدوخ… وقلبا رح يوقف…….
واخيرا وصلو ونزلو… دقو الباب كتيير وما حدا رد….. رجع علاء لورا… حط ايدو حول تمو….
-علاء: استاااااذ عماااااااد…….. انت هووون……
برمو حول البيت كلو وهني ينادو عليه….. وسألو الناس المارّة… ما في جواب…. الوقت عم يمرأ… وعلاء عم بفكر بحل…… بس وجع ايدو عم يشتتلو افكارو……
بلشت جيلان تنهااار عالاخر وترجف….
-جيلان: علااء علاء ما عاااد قاااادرة…… داااق نفسييي…. هوي مانو بالبيييت…. بدي حللللل….. رح مووووت…. (صرخت بأعلى صوتا)… باباااااااااااااااااااا…….
انلمو الجيران عالصوت……. ركضت جيلان عند واحد….
-جيلان: معك ساااعة…. فرجيني……… علااااااااااء… بعد في بس 13 دقيقة…… علااااء انا رايحة…. بدي شوفووووو……..
ركضت جيلان وعلاء عم يناديها وما ترد……. وقفت تكسي وطلعت…..
-جيلان: بسرعة بأقصى سررررعة…. عالسجن المركزي…. ارجوووك استعجل……..
-الشوفير: امرك…….
صار يمشي… وقلب جيلان بين اجريها…..
-جيلان: عمو ارجوك…. اسرع من هيييك……
-الشوفير: شو شايفة معي سيارة فخمة…. هيدا الموجود… ما معاحبك انزلي…..
-جيلان: ليك عمو خليني انا سوق… وقد ما بدك بعطيك مصاااري…….
من بعد اقناع قصير… بدلو الاماكن بسرعة… ودعست جيلان بانزين… والشوفير يصرخ وهيي تأسرع بزيادة….
-الشوفير: لك بنتي انا ما بدي موت كرمال كم قرش……
واخيرا وصلت… اطلعت عالساعة…. 3 دقايق بعد فيه بس…
وركضت وصارت تترجا يفتحولا……
-جيلان: ارجوك خليني شوف بابا قبل ما يعدموه…. ارجووووووك…
-ما فيني ابدا…. مش مسموح بلا اذن….
-جيلان: ضل دقيقتين… بدي شوفو…. ارأف بحالتي…. كيف رح تنام بالليل… ما رح يوجعك ضميرك لانك حرمت بنت من انها تشوف بيها بلحظاتو الاخيرة…….
-ما تتمسكني قدامي… هالشي ما بيمشي معي….
-جيلان: وين بكون هلأ……
-ورا هداك الحيط…….
ركضت لهونيك وصار تلمس الحيط بإيديها التنين……
------------
وقفوه ع طاولة… وربطولو ايديه لورا… ولفو حبل المشنقة حول رقبتو… غمض عيونو الباهتين… حياتو مرقت شريط قدام عيونو… ذاكرتو تعطلت لما اجا ع بالو اكتر شخص بحبو بهالحياة… كيف رح تعيش بلاه… وكإنو مستقبلها ضباب بدونو… فتح عيونو… اطلع عالسما لآخر مرة… رجع غمضن… واستسلم للموت… وبلش ينطق بالشهادة…
بس فجأة اجا صوت انثوي من ورا قطع عليه استسلامو…
-جيلان: وقفوووووو………
-همس نديم: بنتي……
حاول يطلع لورا…. والشرطيين حدو عم يطلعو ع مصدر الصوت…
-جيلان(تبكي): وقفووووووووو…. ارجووووكن وقفووووو…. ما تقتلوووه….. بدي شوفووووو بس لآخر مرة…. كرمال ولادكن واهاليكن…… خلوني اتجاوز هالحيط…. وشوفو بس دقيقة…. بترجاااااكن……. ما تقتلووووه……… انا بنتو ارأفو بحالي بدي بابااااااااااا…….
-نديم(بصراخ): جيلاااااااااااان بنتيي روووحي…. خلص… المكتوب ما في منو مهرب…… روحي وسامحيني يا بنتييي…….
-جيلان(تبكي مع شهقات عالية كتير): لااااااااااا….. بدي شووفكككك مرةةةة وحدةةةة…….. ارجوووووووووكن…….. بابااااااااا……
اطلع الشرطي ع ساعتو…. صارت الساعة 3 ودقيقة…. حط ايدو عالمحرك ليسحب الطاولة من تحت نديم……
-الشرطي التاني: مسكينة…. خليها تشوفو… دقيقتين تانيات ما بضرو…..
-الشرطي: خراااااس…. شغل عواطف ما عنا هون…..
حط ايدو…. منعو الشرطي التاني…
-الشرطي التاني: حط حالك محلها…….
-الشرطي الاول: لو انا محلها ما بركض ورا واحد مجرم…… (صفن شوي واطلع ع ساعتو)… صارت الساعة 3 ودقيقتين… بعّد من طريقي… ما بدي اتعاقب بسببك…
حط ايدو من جديد… وسحب المحرك ووقعت الطاولة عالارض…. وصوت صداها رن بإدن جيلان….. شهق نديم…
وحست جيلان باللي صار بدون ما تشوف…… شهقت شهقة من الصميم…. وصارت تضرب الحيط بهستيريا فظيعة… والدم ينزف من ايديها وتصرخ بقوة…….
يتبع……
ملاحظة: بالنسبة للرصاصة اللي صابت كتفو لعلاء في ناس رح تعتبر مش منطقي انو يضل واقف ع اجريه من الوجع…. بس بشكل عام الرصاصة كانت بأعلى ايدو اليسار… وهوي ضابط معرّض لهيك كتير… واكيد ما رح يِقع من رصاصة عرضية… وبالاضافة لهيك والاهم انو هوي ع حافة الهاوية… وفي صراع مع الوقت مضطر انو يكابر ويصمد ويقاوم ليكسب… واوقات لما بكون في وجع اكبر من الوجع الجسدي متل الروحي او الضمير… ساعتها الوجع الجسدي بيتخدر….
**يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```