الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵تسعين.دقيقة.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
قصص وروايات 📚📖:
-مصطفى: اي جيلان معك معك… اكيد وانا بساعدك…
-جيلان: انا جايي لعندك……
_________
كان مسطح ع تختو بين هالاربع حيطان… وحواليه ناس كتيرة… وكل واحد جريمتو ابشع من التاني… عم يفكر ببنتو وبحالها هلأ…
-هاااي يا انتتت… قووم رئيسنا بدو يحكي معك…
-نديم: رئيسكن !!!
-اي رئيسنا… اقدم واحد هون بالسجن…
اطلع نديم مكان ما اشرلو السجين ع الرئيس… حدق بعيونو… كان بخوف… ضخم… والشيب ماكل شعرو… وعيونو سود وكبار… فيهن حقد، قوة، خبث، ولُؤم… مشي لعندو… وقف مقابيلو…
-نديم: أمر…
-الرئيس: احكي بأدب… شو جريمتك… الك من لما وصلت ما حكيت… قلنا لحالنا ضيف نتركو يرتاح… بس وبعدين…
-نديم: انا بريء…
-الرئيس: هههههههاااي… سمعتو يا شباب….. كلن بيحكو ذااات الشي…. ههههههههههههههه…… خليك رجال واعترف… او قللك النسوان هون بتفيدنا… روح نظف هالحمامات…
-نديم: عالاقل احترم انو في قدامك رجّال كبير بالعمر…
-الرئيس: انا كلمتي ما بتصير تنين هون…. ولا شو يا شباب !!
-الشباب بصوت واحد: اكيد يا ريس…
برم ضهرو نديم… وراح ع تختو….
-نديم: اعلى ما بخيلك اركبو…….
-الرئيس: شباب… فرجوه لهالختيار مين هوي الريس…
هجمو عليه متل الوحوش… وصاروا يضربوه من كل ميل… وهوي بالو كلو عند بنتو….
______
كانت لابسة وطالعة من بيتها… طبقت الباب والتفتت… وفاتت بشخص…
-جيلان: ايهم !!!!!!
الجزء السابع:
-ايهم: سمعت باللي صار… انا بدي ساعدك بكل خطوة…
-جيلان: شكراا كتيير… بس… (رن التلفون)… الووو…
-بنتي… انا رح اتصل بمعارفي وخللي عمران يستخدم منصبو لنطلع بيك من السجن… ولو بأي طريقة… لقيت معك حق… انا غلطت لما قلت عنو مجرم… بس انت سامحيني…
-جيلان: ماني بحاجة مساعدتك يا… ا… امي…… (اطلعت بعيون ايهم)… دائما الله بيبعتلنا ناس يوقفو حدنا… ويساندونا… بخاطرك (سكرت الخط)…….. اذا بدك تساعدني امشي معي….. بدي دلائل بأي تمن…..
-ايهم: يلا امشي….
______
خلص النهار وهيي عم بتدور بكل الاماكن مع مصطفى وايهم… كانت عم تمشي بتعب لحالا هيي وراجعة عالبيت لما دق التلفون…
-جيلان: الو…
-المحامي: بيك 100% رح يضهر… بالجلسة الجاي….
-جيلان: شووووو… عم تحكي جد….
-المحامي: اي اكيد…. ريحيلي حالك… بدك شي…
-جيلان: لحظة… طمني اكتر…
-المحامي: في دلائل مهمة بين ايديي بتثبت برائتو…….
-جيلان: شكراا كتيير…. فيني شوفك…
-المحامي: لا… عندي قضية هلأ… منلتقي بعدين…
-جيلان: ماشي… الله معك…
نطت من الفرحة…. وراحت ركض ع غرفة بيها… نامت ع تختو… شمت عطرو…… وغفيت مبتسمة…
_____
-المحامي: تمام هيك !!
صوت مليان باللؤم والحقد نطق…
-اكيد تمام…
-المحامي: شو هدفك !!
-هالبنت متمردة وقوية…. وما رح تكِن لتلاقي دلائل… ونحن لازم بأي طريقة يمضى الوقت ليتم اصدار الحكم… ووقتا ما رح فيها تعمل شي…
في اليوم التالي……………..
-نديم بيطار… زيارة…
قام نديم وعيونو عم تضحك… دقايق وبشوف بنتو… مشي كتير لدرجة حس انو المسافة ابدا ما رح تخلص…
كانت قاعدة وحاطة ايديها بحضنها… وحاسة الوقت عم يمشي ببطء كبير……… فتلت راسا فورا لما سمعت صوت الباب… وقفت… تفحصت بيها… غرغرو عيونا بالدموع………. وركضت لعندو….
-جيلان: بابااااا شو صاااير معك….. قللي….
كز عليها كتير…... خايف عليها لدرجة كبيرة……. بعدت عنو شوي… حطت ايدها ع خدو… تحسست جروحو….
-جيلان: مين عامل فيك هيك…...
حط ايدو ع كتفا… ومشيو ليقعدو….
-نديم: ما تخافي يا بنتي… انتي طمنيني عنك….
-جيلان: كيف ما بدي خاااف قللي… مانك شايف حالتك…..
-نديم: تؤبري قلبي يا روح البابا سكري عالسيرة… خلينا نستغل هالوقت الضيق بشي اهم….
ابتسمتلو… قربت ديها عالطاولة ومسكتلو ايديه….
-جيلان: اشتقتلك كتييييير….. البيت بلاك جحيم…..
-نديم: يا عمري…
-جيلان: بس يلا هانت……. اجيت خبرك انو صار في بين ايدين المحامي ادلة مهمة… وانشالله الجلسة الجاي رح تطلع……
ابتسم بسمة عادية… بسمة تشاؤم… شعور دفين انتابو… ما بطمن ابدا…. وكإنو هالفرحة اللي عم يشوفا بعيون بنتو ما رح تكمل… هوي بيعرف انو بحياتو ما رح يخلص من هالوضع…….
-جيلان: شو بابا… ما فرحت…
-نديم: اكيد بابا فرحت… معقول ما افرح……..
-جيلان: ما رح تحكيلي شو صار بهداك اليوم……..
اجا صوت خرق قلبها لجيلان… وخلاه ينزف وجع… ونفسو هالصوت خلا نديم يغمض عيونا ويشكر ربو انو اجا بالوقت المناسب… ليهرب من أسئلتها….
-انتهت الزيارة………
-جيلان: بس ما لحقت اشبع من بابا…….
وقفو…. غمرتوو بقوة… ومشي مع الشرطة… وهيي غرقت ببحر دموعا….
_______
فات نديم عالزنزانة مقهور…
-الرئيس: شوو استاذ نديم… شكلك متأثر كتير بهالزيارة…
اتجاهل حكيو… ومشي ناح تختو…… وقعد يفكر بحالتو وحالة بنتو………. بس الأكيدة انو الريس ما مرقلو تجاهلو ع خير…
______
بعد مرور عدة أيام…
-نديم: والله توقعت زيارتك قبل من هيك…
-المحامي: بعتذر… بس في بين ايدي قضايا كتيير…
-نديم: قالتلي بنتي انو في ادلة بين ايديك…
-المحامي: بنتك عم تنهار… وانا لازم هديها بأي طريقة…… استاذ نديم حضرتك ما عم تتعاون معي… لنلاقي الحل….
-نديم: انا بريء وبس…
-المحامي: طيب فهمنا هالحكي… وانو اجاك اتصال انو بنتك بخطر وركضت لعندا ولقيت الجماعة مقتولين… وفجأة اجا شخص وحرق البيت… وشربك شي ما عرفتو…… اي وبعدين… انت شايف هالحكي منطقي !!! وخصوصي تحاليلك بتأثبت انك ما شربت شي…
تلبك نديم كتير… فك زر قميصو الاول وحاول ياخد نفس… عرق كتير… وقرر خلص انو يحكي…. بس ما في يعرّض حياة بنتو للخطر… بنتو اللي هددوه فيها…
-نديم: خلص هيدا اللي عندي وبس…. فيك تساعدني ؟
-المحامي: رح حاول…
طلع من عندو… وحكا اتصال…
-المحامي: الو… اي فيكن طمنو بالكن… ما رح يحكي….
-تمام….. هههههههههااي… كتيير منيييح…. انا على يقين انو اذا بيحكيلك بطلعو بجلسة وحدة… بس برافو عليه… خايف ع بنتو منيح…
-المحامي: متل ما انا كمان خايف ع ابني ما هيك….
الجزء الثامن:
-يلا هيي فترة وبتمرق…. وابنك بصير بأمان….
-المحامي: انت شخص بلا رحمة…
________
-جيلان: سلااام عمي مصطفى…
-مصطفى: اهلين بنتي… كيفك…
-حيلان: تماام… كتير منيحة… بعد بكرا الجلسة وبابا رح يطلع براءة…. انشالله…
-مصطفى: انشاالله يا بنتي……. قليلي في شي لحتى اجيتي…
-جيلان: اي… قال بابا بدو يشوفك… قبل يوم المحكمة…
-مصطفى: اي ماشي… اليوم ما ضل وقت… بكرا من الصبح بروح…
-جيلان: ماشي عمي…. يلا بخاطرك…
-مصطفى: الله معك…..
طلعت من المعمل عيونا عم تضحك… والتقت بأيهم……
-ايهم: كيفك جيلان…. شكلك فرحانة…..
-جيلان: تمااام…… اي كتيير…. في ادلة رح تثبت براءة بابا….
-ايهم: عاال…. ادلة شو… !
-جيلان: والله ما بعرف… بعد ما شفت المحامي….
-ايهم: منا نضل عالواقف… امشي نروح نشرب فنجان قهوة بشي مكان….
جيلان: بس…
-ايهم: بلا بسبسة يلا….
حط ايدو ع كتفا… ومشيو… موجة دفا حاوطت قلبو… وابتسم بسمة راحة وسعادة……..
قعدو بكافيه صغير… وطلبو قهوة…
-ايهم: يعني هلأ ما عاد الي لزمة انا… ما هيك…
-جيلان: ههههه…. لا انت الكل بالكل….
-ايهم: جيلان انتي كتير حلوة……….
وقفت بسرعة لما حست بنسمة خوف…. مسكها من ايدها وشد عليها…..
-ايهم: بعرف انك ضهرتي من علاقة فاشلة… بس عطيني فرصة اني نسيكي ياه….
-جيلان: اولا انا ناسييتو ومش بحاجة لحدا ينسيني ياه… تانيا انا ما بحب هيدا النوع من العلاقات ابدا…. تالتا والاهم انت شايف الوقت مناسب !! اهم شي عندي هلأ البابا يرجع لبيتو بسلامة……
-ايهم: بس انا حبيتك…….. ما تهربي مني ومن حبي الك…
نفضت ايدها لقام ايدو عنها…….
-جيلان: بس انا ما بآمن بالحب……….
مشيت… ودموعا ع خدودا…. وصلت عالبيت ونامت ع تخت بيها… وهيي عم تشهق وتبكي… والذكريات ما عم تتركها بحالها…
((((-تامر: جيلان انا بحبك… رح حارب الدني كلها كرمالك… امك وخالي والكل… رح تكوني الي وبس…
-تامر: اشتقتلك…. ما تخافي كل شي بينحل…. طنشيها لامك… المهم عم شوفك…… لك بحبك موووت… وبحب انك عم تجي من بين احضان بيك ع هالسجن كرمال تشوفيني….. انا بموت فيكي….
-تامر: لا حياتي… حبنا مش غلطة… وبيك مستحيل يعارضك... ويوقف بوج مشاعرك واحاسيسك……. انت نقطة ضعفو….
-تامر: حبيبتي مرت خالي طلبت مني اني ما اسمحلك تروحي… ما تعتبريها تحالف معا ضدك… او ضد بيك…. بس انا كرمال تضلي حدي…..
-تامر: جيلاااااان فهميني… مليون مرة قلتلك خبري بيك اني بدي اطلبك… لاتزوجك وفل بعيد عن كل هالوسخ… بس انتي كنتي مصرة تضلي تغرقيني اكتر لحتى ما عاد قدرت اني طلّع حالي من هالمستنقع…))))
______
تاني يوم بالسجن العام…
-نديم: مصطفى… انا متأكد اني ما رح اطلع من هالمكان الا ع قبري… ايامي صارت معدودة…. حتى لو اصدرو قرار الاعدام… هني ما رح يتركوني بحالي… وبوسط السجن بيبعتو حدا يقتلني… من هلأ بدي قللك… بنتي جيلان كل حياتي… بأمانتك… ارجوك ما تسمح لامها دمرلها حياتها….
-مصطفى: ما رح تقللي مبن هني الجماعة اللي علقان معن !!!!
-نديم: ما بتعرفن… المهم جيلان وبس…
-مصطفى: متل ما بدك… لا تحكي….. وما تخاف ع بنتك… جيلان متل بنتي…
-نديم: بتشكرك مصطفى… بتشكرك كتير…………
_______
كانت جيلان عم تنظف البيت لما اندق الباب… عم تغني… وتجهز البيت قبل ما يرجع بيها بكرا…. كانت على يقين انو طالع…….
فتحت الباب….
-جيلان: اهلين عمي مصطفى……
-مصطفى: شو عم تعملي…..
-جيلان: عم جهز البيت ونظفو…. بدي افرشلو البيت بالورد الاحمر… بدي استقبلو احلا استقبال….. اشتقتلو كتيييير…….
كَبَت مصطفى دمعتو… اطلع بجيلان بحرقة……..
-مصطفى: بنتي ما تطيري كتير…
-جيلان (اختفت بسمتها): شو قصدك… بابا ما رح يطلع…
-مصطفى: لك اهدي… روقي… بسرعة بتنفعلي……. اكيد رح يطلع انشالله…. مش هيك قللك المحامي… بس قصدي ما بتعلمي شو بصير….
-جيلان: اه فكرت في شي لاسمحالله…..
خلص النهار… وجيلان نامت من كتر التعب……. بدون ما تحس ع حالها… لحد ما وعيت الصبح… ونطت بسرعة لتجهز لبيها اكلاتو اللي بحبها…. ليرجع وياكلن………..
وبعدا توجهت عالمحكمة…. وهيي كلها امل……
-القاضي: جلووس……..… محامي المتهم…
-المحامي: سيدي القاضي… لدي دليل يثبت براءة المتهم نديم بيطار……
ابتسمت جيلان لبيها اللي برم ليشوفها…. وهوي بدورو حس بغصة… حس بخيبة الامل اللي رح توقع فيها بنتو……. ابتسملا وركز مع القاضي…..
اخدو الفلاشة اللي مع المحامي…. وفتحوها ليسمعو اللي فيها…. كانت عبارة عن حديث عم يدور بين نديم والطرف التاني اللي عم يهددو ببنتو اذا بيفضح الموضوع كلو……
-المحامي: سيدي القاضي… التسجيل لديك يثبت ان السيد نديم تعرض للابتزاز والضغط من قبل المجرم الحقيقي…. ونحن نطالب بحماية ابنته جيلان………..
-القاضي: نديم بيطار… مع من كنت تتحدث في التسجيل….
-نديم: ……………… بكون…. بكون….
برم نديم لعند بنتو… ابتسملا… وهوي وعم يزيح بصرو عنها طبع نظرو ع الشخص اللي وراها…….. ابتسملو الشخص… وأشر ع جيلان وبعدا ع رقبتو… بمعنى بنهيلك بنتك……
تلعثم وتبلكم نديم…. وصار يمسح عرق جبينو…
الجزء التاسع:
-نديم: ما شفتو… ما بعرفو…. كان ملتم……
-القاضي: سجل عندك يا ابني… لن نأخذ التسجيل بعين الاعتبار لأنه لا يعتبر من الدلائل الصحيحة… ولم يكن هناك تصريح خطي بإذن التسجيل… وايضا المتهم نديم لم يتعاون معنا بشيء ليثبت برائته… سيتم تأجيل المحكمة إلى تاريخ الثالث من شهر ايلول للتأكد من صوت المتهم به… والطرف الاخر………. رُفعت الجلسة………
داق نفس جيلان…… حست بدوار براسا… مشيت ناح الباب وهيي عم تتمايل وعم تراقب كيف ماخدين بيها ع نفس المكان اللي اجا منو… كان لازم تكون هلأ بحضنو وراجعين ع بيتن سوا…
مشي نديم مع الشرطة… غمض عيونو وقال بقلبو (سامحيني جيلان… هالشي كرمالك… كوني قوية يا روح البابا…)
قرب المحامي من جيلان… اللي مهدية حالا بالباب…
-المحامي: روقي… بالجلسة الجاي رح يطلع… رح اشتغل على هالموضوع… بوعدك… ورح اثبت مين كان عم يحكي معو بالتسجيل…
-جيلان: هه… بعد شهر !!… كمان بدي ضل بلاه شهر زيادة…
-المحامي: خليكي قوية كرمال بيك…
مشيت جيلان…… وقفت تكسي… وطلعت…
-الشوفير: لوين ؟
-جيلان: ……………
-الشوفير: يا آنسة انتي منيحة !
-جيلان: خليك عم تمشي… بدون وجهة معينة…….
مشي الشوفير مستغرب…… ضل شي نص ساعة يفتل بنفس الشوارع… وجيلان صافنة بالعالم اللي عالطرقات… ناس عم تضحك… ناس مهمومة…… بقلب كل انسان فيه اسرار وحكايا……
-الشوفير: العداد صار عالي….
-جيلان: رح ادفعلك……. ما تخاف…….
ثواني… وعطتو عنوان… ومشي عالوجهة المطلوبة…
________
-شو استاااذ ندييم….. رجعتلنا بسرعة……
-شوفو شكلو المسكين…..
-كنو اعطوك مؤبد…..
مشي ناح تختو وقعد……. قرب منو واحد وقعد حدو…..
-شو صاير… شكلك تعبان كتير….
-نديم: بنتي !!
-صرلا شي ؟
-نديم: …………
______
-انت رح تندم عم تفهم….
-المحامي: وانا شو دخلني اذا اجلو المحكمة….. انتو اللي عطيتوني الدليل وطلبتو مني سلمو… وانا نفذت…
-لك هوول شهرررر… شهر كاامل… وزيادة كمان…… نحن كنا مأكدين انو ما رح ياخدوه بعين الاعتبار… بس ما توقعنا يأجلو….. بدي تلاقيلي حل بأسرع وقت…. وطالب بتقديم موعد الجلسة الجاي… ما رح فينا نهدي جيلان اكتر من هيك…… هالبنت قنبلة….
-المحامي: رح حاول… بس ناس متلكن بيقدرو يتخلصو منها بسهولة….
-لك يا غبي… حياتا مهمة بالنسبة النا لتتسكر القضية… اذا ماتت ما رح نخلص من اللي اسمو نديم… اللي رح يطلعو انيابو ويتحول لوحش كاسر… صعب السيطرة عليه….…… (صمت قصير)… بدي تجبلي كل المعلومات عن الناس اللي حوليهن… اللي بتتوقع ينشرو بالمصاري……. الجلسة الجاي لازم تكون الاخيرة…
-المحامي: امرك…….
_________
صفت التكسي قدام القصر الكبير……. نزلت والشوفير عم يناديلا تدفع الاجرة……
-جيلان: ما معي…. رح ابعتلك حدا يدفعلك….
-الشوفير: لا حول ولا قوة الا بالله… منا عالم……..
كان طالع تامر من القصر لما شاف جيلان وانصدم…. اجت برجليها لاول مرة ع هالمكان…….
-تامر: جيلاان… انتي منيحة !!!
-جيلان: ادفع للتكسي……
راح تامر ودفع للتكسي….. واجا مع جيلان وفاتو عالقصر….
انوهلت جواهر لما شافت بنتا… بس ضلت قاعدة مكانها… لحد ما ركضت لعندا بنتا… نامت ع اجريها… وصارت تبكي…
-جيلان: ماما ارجوكيييي… بدي بابااا….. ساعديني….
-جواهر: ما تهكلي هم… رح يطلع… رح ساعدو حبيبتي….
صارت تمسح ع شعر بنتا…. واطلعت بتامر وابتسمت…….
_______
بعد مرور عدة ايام……..
ايام مُرة… بشعة…. تعيسة… ع جيلان…. اللي ما ضهرت من غرفتها بالقصر ابدا وهيي تبكي وتتخايل انها فقدت بيها للابد… فاتت لعندا الخادمة…
-انسة جيلان… زوج امك بدو يشوفك….
نزلت لتحت… ولقت عمران وجواهر وعلي الصغير قاعدين عالسفرة…
-عمران: قربي كلي…
-جيلان: ماني جوعانة……
-جواهر: طيب تعي قعدي…..
قربت وقعدت… ابتسمت لخيها اللي مش فاهم شي… وتمنت انو ترجع طفلة….
-عمران: حكيت مع ناس عالية والها نفوذ… رح نزبط الموضوع… ما تخافي…. كرمال عيونك…
-جيلان: رح يطلع بابا؟… ويرجع ع بيتنا….
-عمران: رح حاول…….
-جيلان: بتشكرك…….
فقدت الامل بالحياة… فقدت كل شي… وطلعت ع غرفتها…
-عمران: والله حرقتلي قلبي هالبنت…… لازم طلّع بيها من السجن بأي تمن…… لهلأ للاحظت اديه هيي معلقة فيه….
-جواهر: ما في داعي تساعدو… اول مرة بشوفا قاعدة هون برضاها… اذا طلع من السجن رح اخسرها للابد…..
-عمران: جوااااهر……. نحن عنا ضميير……
الجزء العاشر:
-جواهر: بس ما في داعي يوجعنا ضميرنا ع شخص ما عندو ياه…
-عمران: جواهر خلصنا… انتي بتعرفي انو مش هوي السبب بانفصالنا عن بعض من سنين… لولا بيك ما وصلنا للي وصلنالو…
-جواهر: لو ما طلع بحياتنا فجأة وبابا شافو الرجل المناسب ما كنت بعدت عنك عشر سنين كاملين…..
-عمران: لو مش هوي كان رح يكون غيرو……
-جواهر: حولي حياتي لجحيم…. مستحيل سامحو بحياتي….
-عمران: انتي الحكي معك ما بفيد…. رايح عالشركة….
_________
-جيلان: الو… اي عمي مصطفى….
-مصطفى: ما بدك ترجعي ؟…
-جيلان: مبلا راجعة… بكرا بدي زور بابا……
-مصطفى: بيك وصاني فيكي…. انتي منيحة ؟
-جيلان: اي اي منيحة…. عم تشوف ايهم ؟
-مصطفى: اي بطل كل يوم وبيسألني اذا رجعتي…
-جيلان: تمام… بدك شي… لازم سكر…
-مصطفى: الله معك يا بنتي….
_________
-جواهر: خليكي بنتي… ما بدي اضغط عليكي… بس مبسوطة بقعدتك هون…
-جيلان: اليوم مسموح الزيارة… واشتقتلو كتير… بدي شوفو…
-جواهر: طيب… متل ما بدك… خللي تامر ياخدك… وبعد الزيارة بترجعي معو…
-جيلان: بس…… طيب خلص ماشي……. رح اطلع جهز حالي بكون اجا تامر….
-جواهر: ماشي رح دقلو…..
----------------
بالسيارة………
-تامر: اول مرة بشوفك بهالحالة….
-جيلان: وكيف بدي كون… والحضن اللي بيحتويني بعيد عني… هوي كل دنيتي……
-تامر: اسمحيلي اوقف حدك… خلينا ننسى الماضي… ونفتح صفحة جديدة……
-جيلان: هلأ ما بهمني شي غير انو يطلع بابا من السجن… بخير…
-تامر: خالي عم يستعمل كل نفوذو ليساعدو………… ليه سكتي… مش واثقة فيه…
-جيلان: مبلا… واثقة فيه… بس مش واثقة بماما…… انا متأكدة رح تحاول بشتّى الطرق تمنعو…… لضل حدها… وتحت جناحها…. بس ما تحلم…..
-تامر: …………
________
-نديم بيطار…. زيارة…
ضحكو عيونو…… وقام بسرعة ليشوفا…….
فات لعندا وركضت لعندو…….. غمرها…. ثواني… دقايق… والحنين وحدو اللي عم يحكي… ما في كلمات… ما في حديث… في بس دموع واشتياق……. اللي بين نديم وجيلان… ما كان علاقة اي اب ببنتو… كانت ابوة، اخوة، صداقة،…… عاشوا سنين سوا لوحدن تحت سقف واحد… يبكو سوا… يضحكو سوا…… وهلأ هني بعاد كل البُعد عن بعض… وعن هديك الحياة الحلوة……
-نديم: كيفك بابا…….
-جيلان: خراب…….
-نديم: خليكي قوية متل ما بعرفك…. ودايما توقعي الأسوء متل ما علمتك…… كرمال تضلي واقفة ع اجريكي…
-جيلان(عقدت حواجبها): شو بيعني هالحكي…….
-نديم: بيعني انو انتي اغلى شي بملكو بحياتي… وبدي ياكي لو شو ما صار تضلي متذكرة اني بحبك اكتر من روحي… وتسامحيني ع كل شي وتتفهمي اخطائي…
-جيلان: بابا عم تخوفني………..
-نديم: لا تخافي…… انتي قوية……
-جيلان: مين اللي كان عم يحكي معك بالتسجيل… وغلاوتي عندك تقللي… انت عم تتستر عليه لتحميني… !!!!
-نديم: ما في غير اللي قلتو بالمحكمة… تأكدي…
-جيلان: بابا… بدي ياك تعرف شي… اذا انت مفكر حالك عم تحميني بهاي الطريقة… تأكد انو هيك بتكون عم تإذيني… لانو بلاك ما بعيش….
-انتهت الزيارة…….
ودعو بعض… ومشي ع زنزانتو وتركها تتخبط بتساؤلاتها…….
طلعت لعند تامر….. اللي ناطرها بالسيارة… ركبت بالسيارة بدون صوت وهوي مشي…
-تامر: كلو تمام !!
-جيلان: خدني ع بيت بابا….
-تامر: بس امك قالتلي ما ارجع بلاكي…
-جيلان: بدي جيب شوية غراض…
-تامر: اها… اذا هيك تمام……
وصلو عالبيت…. قالتلو ينطرا بالسيارة… وفاتت… قفلت الباب ودقتلو عالتلفون…
-جيلان: تامر ما بدي ارجع معك…….
-تامر: توقعت تعملي هيك !!
-جيلان: كنت بعرف ما رح تتركني بحالي حتى لو بدك تاخدني بالزور… بس انا بدي ضل هون… بمكان ما ريحة بابا موجودة…
-تامر: رح تضطريني اكسر الباب جيلان…
-جيلان: تركني ولو لمرة وحدة… امشي متل ما بدي… ارجوك….
اندق الباب…
-جيلان: تامر ما رح افتحلك…..
-تامر: بس مش انا عن دق…… (اطلع ناح باب بيتا)… في شب طويل… واشقر….
-جيلان: ايهم !!!
-تامر: مين ايهم…. الووو… جيلان لا تسكري……
زت التلفون من ايدو ونزل من السيارة… ومشي ناح ايهم….
-جيلان(من ورا الباب): ايهم روح من هون بعدين بشوفك….
-ايهم: انتي منيحة ؟
-تامر: هااي يا انت…. شو عم تعمل هون…
-ايهم: ومين حضرتك بلا صغرى !!!
-تامر: خطيب جيلان……..
لحظة صمت… صدمة كانت ع التلاتة… ايهم اللي انصدم بهالحكي… وتامر اللي ما حس ع حالو كيف طلع هالكلام…. وجيلان اللي ما تحملها عقلها وفتحت الباب بسرعة….
-جيلان: تامر انقلع من هون… ما بسمحلك تقول عني خطيبتك….
غمض عيونو ايهم… اطمن لهالحكي وابتسم….
-تامر: شئتي ام ابيتي… هلأ او بعدين… رح تكوني خطيبتي….
-جيلان: بأحلامك….. رووح من هووون….
مسكها من ايدها بقوة…..
-تامر: مش قبل ما اخدك معي…
يتبع…
#_90_دقيقة_بقلم_نسمات_الليل
الجزء الحادي عشر:
بعدلو ايهم ايدو عن جيلان وصرخ فيه…
-ايهم: ما بسمحلك تقرب منها…… (زورو وكمل)… كإنها قالتلك فِل……
-تامر: انت اللي رح تفل…..
ضربو بوكس… وصاروا يضاربو سوا وجيلان تصرخ عليهن يبعدو عن بعض…
-جيلان: خللللص… بكفييييييي…. اللي فيني مكفينيييي……
بعدو عن بعض… وواحد عم يمسح جبينو من الدم… والتاني تمو…..
-ايهم: جيلان ما تخافي…. انا حدك…
-تامر: جيلان تعي معي….
///ثمّة إنكسارةٌ تحت طائر النورس… تعذبت كثيرا… لا تمتلك الطعام…… هناك لُقمتان !… واحدة تحمل السُّم !! وأخرى تحمل الترياق !! /// (مقتبس)
تفحصت عيون التنين… واعطت نظرة عالجهتين… وقررت انها ما تروح ع ولا اتجاه…… لانها ببساطة ما بتعرف ايا منن تعطيه لقب السم وايا لقب الترياق… وبرمت فاتت ع بيتا… وخبطت الباب…. مع صرخة طلعت من بين ضلوعا…
-جيلان: انقلعو من حيااااتي………
سندت ضهرا عالباب… ودموعا ع خدودا… وبصوت واطي كملت حكي….
-جيلان: طلعو من حياتي… بدي بابا وبس……
وهيك مرقت الايام… وجيلان قاعدة ببيتا… بين غراض بيها… وع تختو… وتزورو يوم بالجمعة… تقعد وتحكيلو يومياتها وعذابها بلاه… وهوي يراقبها بصمت… والدمعة بعينو…
اللي حوليها ناس تتغير للأسوء وناس ما تعرف شو محلن من الاعراب بحياتها… بس اللي بتعرفو انو كلن عم يشتغلو ع طلعة بيها برائة… وهيي عم توثق فيهن… وبأدلتهن المزيفة…
ليوم المحكمة… اليوم الموعود… اللي رح تمسك جيلان ايد بيها فيه وتطير…
_______
-القاضي: جلوس… شاهد اول يتفضل…
جيلان انصدمت لما صارت تراقب الشاهد الاول هوي وعم يطلع… كانت عم تقنع حالا انو ما رح يوصل ع مكان ما بيوقفو الشهود… انو صار عندو شغل مفاجئ وطالع من المحكمة… ركزت فيه… خابت آمالها… وفعلا وقف مكان الشهود…وقالت بقلبا… (انت مشترك معن كمان !!!)… وراقبتو بحسرة بدون ما تنطق…
-الشاهد الأول: انا ايهم سيسّا… دربتلو فترة بنتو ع استخدام الاسلحة… وحاول كذا مرة انو ياخد مني كم معلومة عن هيدا النطاق واخر مرة كان متلبك كتير… فلحقتو… وشفتو قريب من هداك البيت بس حالتو ما كانت عادية… كان حامل سلاح وعم يراقب المكان بخوف…
طلع الشاهد التاني وبلش يحكي وجيلان عم تراقبو… وعم تحاول تبعد بصرها عن ايهم…
-الشاهد الثاني: انا رامي… بشتغل بالبيت حد اللي صارت فيه الجريمة… لما صار الحريق انا فورا دقيت للاطفاء والشرطة والاسعاف… بس لمحتو عم يركض من هداك المكان وفجأة بلش يتنحنح وفقد السيطرة ع نفسو واغمى عليه…
-الشاهد التالت: انا مصطفى عزالدين… بشتغل معو بالمعمل… طلب مني اني ساعدو بالجريمة… ورح يطلعلنا مصاري كتير بس انا رفضت… ما توقعت ينفذ لحالو… وما بعرف مصدر المصاري من وين…
-جيلان: يا حقير يا واطي يا ابن الكلب عم تكذب… لك عم تبزق بالصحن اللي اكلت منو…
-القاضي: هدوووووء…. كلمة وحدة بتصيري برا المحكمة…
شاف القاضي الدلائل… ودقق بالمستندات اللي قدامو… وربط بين حكي الشهود… وطلب من نديم يدافع عن حالو…
-نديم: انا بريء… وكل اللي حكوه كذب… انا مصدوم من صديقي انو طلع بينشرى بالمصاري… ومصدوم من اللي امنت ع بنتي معو انو عم يلفق عليي اقاويل… انا نهارا ما شفتو ابدا… ومتل ما قلتلك من قبل انا بريء…
-القاضي: كل الادلة ضدك… وفي شهود ع جريمتك… انكارك ما رح يفيدك…… عندك شي ضيفو؟
-نديم: لا سيدي….
-القاضي: سجل عندك يا ابني… حكمت المحكمة على المتهم نديم بيطار بالاعدام شنقا حتى الموت… وذلك في تمام الساعة الثالثة من نهار اليوم… رُفعت الجلسة…
وضرب بمضربتو عالطاولة… مع شهقت جيلان… وبلشت تصرخ…
-جيلان: بابااااااا بريء…. انت ظااااالم…. ما بحقلك تقرر هيييك قراااااررر….
طلع القاضي من القاعة غير مبالي… وهيي عم تبكي… ونديم مصدوم… بعد مش عارف شو لازم يحس… خانو اقرب الناس الو… معقول سهل انن ينشرو بالمصاري… غمض عيونو وفتحن ليصدق اللي صار… اخدوه وحطوه بزنزانة مؤقتة… ليجهزو لاعدامو…
وجيلان منهارة برا عالأرض… ما عم تصدق… قامت وضربت المحامي ع صدرو…
-جيلان(منهارة): قلت انك رح تساعدووووو… ليه دائما كنت طمني انو رح يطلعوه…… لك انت طلعت مشترك معن… انا ما كان لازم اوثق فيييك… انتو كلكن بشعييين متل اللي لفقلو هالتهمة… انتو ناااس وسخة….
-المحامي: بنتي بيك علقان مع ناس كبيرة بالبلد الها نفوذ وسلطة… والادلة كلها كانت عم تنسحب واحد ورا التاني بلا ما حدا يحس…
-جيلان: كذااااب…. انت اللي كنت عم تسحباااا وتعطيها للطرف التاني…. هلأ بدك تحكي ميين عملهااا….
وبوقتا قررت جيلان ما تصدق انو بيها رح يموت ظلم… وضل عندا أمل… فجأة… فضيت المحكمة كلها وضلت واقفة وصافنة لدقايق… مسحت دموعا… قوّت حالها… اطلعت ع ساعتها… وقالت…
-جيلان: بعد في 90 دقيقة قدامي… لازم اثبت فيهن برائة بابا…
اجاها صوت من ورا قلها: بتحبي ساعدك !!!
برمت لعندو…. ابتسمت بسمة ممزوجة بين حزن… تعب… خيبة امل…
-جيلان: انت ؟!!!! الضابط علاء… صح؟ ذاكرتي ما بتخوني… (سكتت شوي وكملت) ما فيني اوثق بحدا… كل اللي حولينا خانونا… ما ضللي حدا….
-علاء: هاي الذاكرة بتفيدنا لنثبت برائتو… انا حدك… بوعدك… رح ساعدك…
مد ايدو… لتمسكها… ترددت… هيي بتعرف تماما انو ما عندا غير حل… لانو لوحدا ما فيها تجمع ادلة… وقررت توثق فيه رغما عنها… مدت ايدها… مسكها… وركضو سوا… ليكسبو هالحرب… ولو لآخر نفس…
الجزء الثاني عشر:
وصلو ع بيتا… فات وصار يدور بغرفة نديم… وهيي عم تراقبو… وتراقب خطواتو… شب طويل… عندو جسم رياضي… لابس تياب جلد اسود من فوق لتحت… جاكيت مرتبة… ع خصرو مسدس… شعرو اسود وكثيف… أسمر…
-علاء: يلا… ما في وقت… نحن هلأ عدونا الاول هوي الوقت… حربنا حاليا معو… بدي تشغليلي ذاكرتك منيح… وتحكيلي كل شي من اول القضية لاخرها… وقبل اليوم المشؤوم كنتي ملاحظة شي ع بيك؟… والله انا ما سمعت بالخبر الا من مبارح… والا كنت جيت وحليت الموضوع بنفسي…. بس هلأ ما تخافي… انا حدك…
اطلعت بساعتها… سحبها من ايدها… ورماها بعيد…
-علاء: اذا ح تضللي تراقبيه رح يربح عليكي… يلا رح دور ع اي شي وانتي فكري وتذكري… وخبريني…
-جيلان: قبل فترة من الجريمة انقلب فوقاني تحتاني… ما كان منيح… كنت حسو شارد ومهموم… بس ما كان يحكيلي شي… وانا بيوم الحادثة رحت لقللو عن نجاحي… وانصدمت انو مش بالمعمل…(اطلعت ع ايديه)… شو هاي اللي بايدك… فرجيني…
حطها بجيبتو ومسك ايدها… مشي وسحبها معو…
-علاء: هون ما في شي يفيدنا… امشي عالمعمل… اي كملي… نجاحك بشو….
-جيلان: باستعمال المسدس…..
جمد بمطرحو… صفن… وصار يقلب الاحداث براسو… رجع مشي وركبو بالسيارة…
-جيلان: شو صار…
-علاء: يلا امشي…. بظن انو كان خايف عليكي… كرمال هيك دربك عالسلاح….
-جيلان: ما بظن… لانو هوي بيعرف من زمان اني بحب هيك مغامرات… وكنت بتمنى لو فوت ع كلية الشرطة…
-علاء: وليه ما فتي؟
-جيلان: ما سمحلي… هوي بخاف عليي كتير…
صفنت باخر كلماتا وكإنها فهمت قصدو لعلاء……
-علاء: اذا بخاف عليكي من السلاح ما كان علمك… بس اكيد صاير شي… خلاه يضطر يضغط ع حالو ويسمحلك لدافعي عن حالك اذا احتاج الامر…
-جيلان: ما في غير تحليل… صف هون… عاليمين… وصلنا…
نزلو… التقت بمصطفى…. كانت بدها تقرب تبهدلو… بس في ايد منعتا…
-علاء: مش وقتو هلأ… يلا نفوت ع مكتبو….
فاتو وصاروا يدورو… قلبو المكتب فوقاني تحتاني… وفات مصطفى…
-مصطفى: شو عم تعملوو… ما بحقلكن تفوتو لهون… وبعدين القضية انتهت…
-جيلان: انت خراااس يا خاين…
قرب منو علاء… ورفع الشارة بوجو…
-علاء: معك الضابط علاء… تركني شوف شغلي… وفرجينا عرض كتافك… وروح خبر معلمينك انو نديم بيك ما رح ينعدم الا ع جثتي…
احساس غريب اقتحم قلبا لجيلان… راحة… سعادة… امل…
الثقة اللي بيحكي فيها بخليها انو ترتاح وتأجزم انها ما ح تخسر بيها… لأول مرة بتحس بهالشعور… شعور الجزم بشي ما رح تعرف صحتو الا بالمستقبل…
برم مصطفى وراح… قرب علاء من جيلان وحكا بصوت واطي…
-علاء: روحي راقبيه عالهدا… اوعى يحس عليكي… اكيد رح يحكي مع المعلم تبعو… ما في وقت لروح انا… لازم دور ع اي شي يساعدنا….
اجت بدها تروح… مسكها من ايدها ووقفها… التقو عيونن…
-علاء: حملي هالتلفون… وصوريه كمان… وحاولي يكون الصوت واضح…
-جيلان: م… م… ماشي…
هوي غطس بالوراق عالمكتب وحاول يلاقي اي شي… وهيي راحت عالهدا ورا مصطفى… وشك علاء كان بمحلو… حمل تلفونو وصار يعرق ويحكي… وجيلان واقفة ورا الحيط عم تصور… وتتسمع…
-مصطفى: عم يفتشو بمكتبو… ع شي دليل………… كيف يعني ما خاف….. هالضابط عندو ثقة كتير كبيرة بحالو….…… لا لا لا…… انا خايف… رح ادمر اذا بتنكشف الحقيقة…………… شووو…. كيف يعني اقفل الباب عليهن لينعدم نديم…….. ست جواهر انتي مأدركة خطورة الموضوع !!!……
شهيق… زفير… صعوبة بالتنفس…. صدمة كبيرة… رجفو ايديها…. نزلت التلفون…. واسئلة كتيرة…… اطلعت ع ساعة التلفون…. ما في وقت لهالمشاعر والصدمات… لازم تتحرك… وفورا……. بس في شي قوي عم يخليها جامدة بمحلها…. في شي مانعها تتحرك…. صراااع جواتها….. واخيرا بكل طاقتها مشيت وفاتت لعند علاء…..
-جيلان: يلا نضهررر عالسرييع رح يقفلو الباب……
حمل ورقة وحطها بجيبتو…. ومشي وهوي عم يسألها شو صار…
-جيلان: خلينا نروح عند بابا… صار معنا الدليل…
كانت عم ترجف وهيي عم تحكي… وعم تحاول تمنع دموعا من الانهمار… طلعو بالسيارة وبلش علاء يسوق… اخد منها التلفون وحضر الفيديو….
-علاء: امك !!!!!!
-جيلان: للأسف… ما عم صدق… مش وقت الصدمة… لازم كون اقوى… لوين رايح… مش من هيدا الاتجاه…
-علاء: جيلان مش بهالبساطة… ما رح يتراجعو عن اعدامو كرمال فيديو… رح يشككو انو مفبرك…..
-جيلان: اووووف… اوووف….
-علاء: اوعك تيأسي… بدي ياكي تضلي قوية… وانسي انك عرفتي انو امك السبب…. والا رح تخسري بيك….
اطلعت من جديد ع ساعة التلفون… تنهدت وصارت تراقب الطريق….
*
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```