الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *زواج.وعذاب.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
ﺍﺻﺮ ﻭﻗﺎﻡ ﻭﺭﺍﺡ ﻟﻌﻨﺪﻫﻦ ﻭﻗﻌﺪ ﻣﻌﻬﻦ ﻭﺳﻤﻊ ﻣﻄﻠﺒﻬﻦ ﻭﻭﺍﻟﻠﻲ ﻫﻮ ﺑﺪﻫﻦ ﺍﻳﺪ ﻣﺮﺡ ﻟﻤﻌﺘﺼﻢ ﻟﻜﻦ ﺑﺪﻭﻥ ﺷﺮﻭﻁ ﺍﻭ ﻣﻬﺮ ﺍﻭ ﺍﻱ ﺷﻲ ﻳﻌﻨﻲ ﺳﺪﺍﺩ ﺩﻳﻦ ﻣﻮ ﺍﻛﺘﺮ ...
ﻣﺮﺡ ﻣﺎ ﻗﺪﺭﺕ ﺗﺮﺩ ﻭﻻ ﺗﺤﻜﻲ ﻻﻧﻮ ﻣﺎ ﺑﺘﻌﺮﻑ ﺷﻮ ﻣﻤﻜﻦ ﺍﻟﺤﻞ ﺍﻷﺳﻮﺀ ﻟﻮ ﻗﺎﻟﺖ ﻷ ﻭﻣﺎ ﺑﺘﻌﺮﻑ ﺷﻮ ﻣﻤﻜﻦ ﻳﻜﻮﻥ ﻫﺎﺍﻟﺤﻞ ﻟﻮ ﻗﺎﻟﺖ ﺍﻱ ﻟﻜﻦ ﻟﻔﺖ ﻧﻈﺮﻫﺎ ﺍﺑﻮﻫﺎ ﺍﻧﻮ ﻛﺎﻥ ﺭﺩﻭ ﺳﺮﻳﻊ ﺍﻧﻮ ﻣﻮﺍﻓﻖ ﺑﺪﻭﻥ ﺍﻱ ﺗﺮﺩﺩ ﻭﻫﻲ ﻣﺎﻛﺎﻧﺖ ﺑﺄﻳﺪﻳﻬﺎ ﺷﻲ ﺍﻭ ﺗﻜﺴﺮ ﻛﻠﻤﺔ ﺍﺑﻮﻫﺎ ﻟﻜﻦ ﺍﺑﻮﻫﺎ ﻛﺎﻥ ﺍﻟﻮ ﺭﺃﻱ ﺗﺎﻧﻲ ﺍﻧﻮ ﻫﻴﻚ ﺑﺄﻣﻦ ﻋﻠﻴﻬﺎ ﺑﺒﻴﺖ ﺟﻮﺯﻫﺎ ﻣﻦ ﻧﺎﺡ ﻭﺍﻧﻬﺎ ﺑﺘﺨﻠﺺ ﻣﻦ ﻫﻢ ﺍﻟﺪﻳﻦ ﺑﻌﺪ ﻣﻮﺗﻮ ﻣﻦ ﻧﺎﺡ ﻭﻫﻴﻚ ﺑﺤﺲ ﺣﺎﻟﻮ ﺑﺮﺍ ﺯﻣﺘﻮ ﻣﻨﻬﺎ ﻭﺳﺘﺮﻫﺎ ﻭﺧﻠﺼﻬﺎ ﻣﻦ ﺍﻟﺪﻳﻦ ﻛﻠﻮ ﻭﺍﻻﻏﺮﺏ ﺍﻧﻮ ﺍﺑﻮ ﺟﻬﺎﺩ ﻭﺍﺑﻮﺍﻣﺠﺪ ﻗﺮﺋﻮ ﺍﻟﻔﺎﺗﺤﻪ ﺳﻮﺍ ﻟﻜﻦ ﻣﻌﺘﺼﻢ ﻭﻣﺮﺡ ﻣﺎ ﺷﺎﺭﻛﻮ ﻓﻴﻬﺎ ﻻﻧﻮ ﻛﺎﻥ ﻭﺍﺿﺢ ﻋﻠﻴﻬﻦ ﺍﻟﺘﻨﻴﻦ ﺍﻧﻮ ﻣﺎ ﺑﺪﻫﻦ ﻭﺧﺼﻮﺻﻲ ﻣﻌﺘﺼﻢ ﻛﺎﻥ ﻛﺮﻫﺎﻥ ﻣﺮﺡ ﻭﺍﻟﻤﻮﺿﻮﻉ ﻛﻠﻮ ﻟﻜﻦ ﻫﻴﻚ ﺣﻜﻤﺖ ﺍﻟﻈﺮﻭﻑ
ﺍﻟﺠﺰﺀ ﺍﻟﺮﺍﺑﻊ
ﺑﻌﺪ ﻭﻗﺖ ....
ﻣﺮﻕ ﻟﻴﻠﻬﺎ ﻟﻤﺮﺡ ﻣﺘﻞ ﺍﻟﻬﻢ ﻋﻠﻰ ﺍﻟﻘﻠﺐ ﻭﻣﻦ ﻭﻗﺖ ﻣﺎﻃﻠﺒﻮﻫﺎ ﻭﻫﻲ ﻭﻻ ﻛﻠﻤﻪ ﻭﻛﻞ ﺷﻲ ﺑﺘﻘﺪﺭ ﺗﻌﻤﻠﻮ ﺍﻧﻬﺎ ﺗﺒﻜﻲ ﻭﺑﺲ ﻭﻣﺎﻓﻲ ﺍﻟﻬﺎ ﺍﻱ ﺣﻴﻠﻪ ﻏﻴﺮ ﺍﻧﻬﺎ ﺗﺮﺿﺦ ﻟﻼﻣﺮ ﺍﻟﻮﺍﻗﻊ ﻟﻜﻦ ﻗﺪﺭﺕ ﺗﻔﺴﺮ ﻣﻮﻗﻒ ﺍﺑﻮﻫﺎ ﻟﻜﻦ ﺍﺑﻮﺟﻬﺎﺩ ﺷﻮ ﻫﺪﻓﻮ ﻫﻮﻥ ﻛﺎﻥ ﺧﻮﻓﻬﺎ ﻭﺣﻴﺮﺗﻬﺎ ﻭﺗﻔﻜﻴﺮﻫﺎ ﺭﺍﻳﺢ ﺑﻸﻭﻝ ﻃﻠﺒﻬﺎ ﺍﻟﻮ ﻭﺑﻌﺪﻫﺎ ﻻﺑﻨﻮ ﺷﻮ ﻣﻘﺼﺪﻭ ﻣﺎﻗﺪﺭﺕ ﺗﻌﺮﻑ ﻭﻻ ﻗﺪﺭﺕ ﺗﻔﺴﺮ ،،ﻣﺮﻕ ﻛﻢ ﻳﻮﻡ ﻭﻣﺮﺡ ﺑﻨﻔﺲ ﺍﻟﺤﺎﻝ ﻟﻴﻮﻡ ﻧﺪﻕ ﺍﻟﺒﺎﺏ ﻭﻛﺎﻥ ﻣﻌﺘﺼﻢ ﻭﻗﺖ ﻓﺘﺤﺘﻠﻮ ﺣﺴﺖ ﺑﻨﺎﺭ ﻛﻤﺸﺖ ﺟﺴﻤﻬﺎ ﻛﻠﻮ ﻭﻣﻦ ﺻﺪﻣﺘﻬﺎ ﻣﺎﻗﺎﻟﺘﻠﻮ ﺗﻔﻀﻞ ﻭﻻ ﺍﻱ ﻛﻠﻤﻪ ﺣﺲ ﻋﻠﻴﻬﺎ ﺍﻧﻬﺎ ﻣﻮ ﻃﺒﻴﻌﻴﻪ ﻭﺣﺲ ﺍﻧﻬﺎ ﻣﻮ ﻣﻨﻴﺤﻪ ﻟﻬﻴﻚ ﻗﺮﺭ ﻳﺪﺧﻞ ﺑﺪﻭﻥ ﻣﺎ ﺗﺴﻤﺤﻠﻮ ﻭﻗﺖ ﺩﺧﻞ ﻃﻠﺐ ﻳﺸﻮﻑ ﺍﺑﻮﻫﺎ ﻭﻫﻲ ﺑﺪﻭﻥ ﺍﻱ ﻛﻠﻤﻪ ﺭﺍﺣﺖ ﻭﺟﺎﺑﺘﻠﻮ ﺍﺑﻮﻫﺎ ﻭﺍﺟﺖ ﻟﺘﺮﻭﺡ ﻃﻠﺐ ﻣﻨﻬﺎ ﺗﺒﻘﻰ ﻻﻧﻮﺟﺎﻱ ﻳﺤﻜﻲ ﻛﻠﻤﺘﻴﻦ ﻭﻻﺯﻡ ﺗﺴﻤﻌﻬﻦ ﻻﻧﻮ ﺑﺨﺼﻮﻫﺎ ... ﻗﻌﺪﺕ ﻋﺠﻨﺒﻮ ﻟﺤﺘﻰ ﻣﺎ ﺗﺸﻮﻓﻮ ﺍﻭ ﺗﻴﺠﻲ ﻋﻴﻨﻬﺎ ﺑﻌﻴﻨﻮ ﻟﻮ ﺻﺪﻓﻪ .... ﻭﻛﺎﻥ ﻛﻼﻣﻮ .....
ﻣﻌﺘﺼﻢ : ﻋﻤﻲ ﺍﻧﺎ ﺟﻴﺖ ﻟﻘﻠﻚ ﺍﻧﻮ ﺑﻨﻬﺎﻳﺔ ﺍﻻﺳﺒﻮﻉ ﻫﺎﺩ ﺭﺍﺡ ﻧﻴﺠﻲ ﻭﻧﺎﺧﺪ ﻣﺮﺡ ﺑﺲ ﺑﺪﻛﻦ ﺗﺤﺴﺒﻮ ﺣﺴﺎﺑﻜﻦ ﻻ ﻓﻲ ﻋﺮﺱ ﻭﻻ ﺍﻱ ﺷﻲ ﺑﺘﻴﺎﺑﻬﺎ ﺭﺍﺡ ﺗﻄﻠﻊ ﻣﻦ ﻋﻨﺪﻙ
ﺍﺑﻮﺃﻣﺠﺪ : ﺍﻱ .... ﺑﺲ ﻳﻌﻨﻲ ﺍﻟﻨﺎﺱ ﻛﻴﻒ ﺑﺪﻫﺎ ﺗﻌﺮﻑ ﺍﻧﻮ ﺍﻟﺒﻨﺖ ﺗﺠﻮﺯﺕ ﺍﺯﺍ ﺭﺍﺡ ﺗﺎﺧﺪﻭﻫﺎ ﻫﻴﻚ ﻳﻌﻨﻲ ﻣﻮ ﻻﺯﻡ ﻧﺸﻬﺮ ﻋﻠﻰ ﺍﻻﻗﻞ ﻣﺎﺑﺪﻛﻦ ﻋﺮﺱ ﻭﻻ ﺷﻲ ﻭﻫﻴﻚ ﻓﺠﺄﺓ ﺍﻟﺒﻨﺖ ﺗﺘﺠﻮﺯ ﺷﻮ ﺑﺪﻫﻦ ﻳﺤﻜﻮ ﺍﻟﻌﺎﻟﻢ ﻧﺤﻨﺎ ﻣﻮ ﻧﺎﻗﺼﻨﺎ ﻛﻼﻡ ﻭﺧﺼﻮﺻﻲ ﻋﻠﻰ ﺍﻟﺒﻨﺖ ﺑﻜﺮﺍ ﺑﻘﻮﻟﻮ ﻋﺎﻣﻠﻪ ﺷﻲ ﻋﻤﻠﻪ ﺍﻭ ﺧﻄﻴﻔﻪ ﺭﺍﺣﺖ
ﻣﻌﺘﺼﻢ : ﻭﺍﻟﻤﻌﻨﻰ ؟
ﺍﺑﻮﺃﻣﺠﺪ : ﻳﺎ ﺃﺑﻨﻲ ﻣﻦ ﺑﻌﺪ ﺍﺯﻧﻚ ﻣﻮ ﺿﺮﻭﺭﻱ ﻋﺮﺱ ﻭﻻ ﺷﻲ ﺑﺲ ﻋﻠﻰ ﺍﻟﻘﻠﻴﻠﻪ ﻳﺠﻲ ﻋﺮﻳﺲ ﻳﺎﺧﺪﻫﺎ ﺑﻜﻢ ﺳﻴﺎﺭﺓ ﻣﺰﻳﻨﻪ ﻭﻫﻲ ﺗﻄﻠﻊ ﺑﺎﻷﺑﻴﺾ ﻣﻦ ﺑﻴﺖ ﺍﺑﻮﻫﺎ ﻋﻠﻰ ﻋﻴﻦ ﺍﻟﻨﺎﺱ .
ﻣﻌﺘﺼﻢ : ﻭﺍﻧﺘﻲ ﺷﻮ ﺭﺃﻳﻚ ﺍﻧﺴﻪ ﻣﺮﺡ
ﻣﺮﺡ : ﺍﻧﺎ ﺭﺃﻳﻲ ﻧﺄﺟﻞ ﺷﻮﻱ ﺑﻌﺮﺱ ﺍﻭ ﺑﺪﻭﻥ ﻣﺘﻞ ﺑﻌﻀﻮ
ﻣﻌﺘﺼﻢ : ﺍﻳﻮﺍ ﺷﻮ ﺳﺖ ﺍﻟﻌﺮﺍﻳﺲ ﻟﺸﻮ ﺗﺄﺟﻠﻲ
ﻣﺮﺡ : ﻳﻌﻨﻲ ﺍﻧﺎ ﻣﺎﻓﻴﻨﻲ ﺍﺗﺮﻭﻙ ﺍﺑﻲ ﻭﻫﻮ ﺑﻬﻴﻚ ﻭﺿﻊ ﻳﻌﻨﻲ ﺑﺪﻭ ﻣﺘﺎﺑﻌﻪ ﻭﺍﻛﻠﻮ ﻭﺃﺩﻭﻳﺘﻮ ﺍﻧﺎ ﻣﺎﻓﻴﻨﻲ ﺍﺗﺮﻛﻮ ﻟﻮﺣﺪﻭ ﻭﻣﺎﻓﻲ ﻣﻴﻦ ﻳﻄﻞ ﻋﻠﻴﻪ
ﺍﺑﻮﺃﻣﺠﺪ : ﻻ ﺑﻨﺘﻲ ﺭﻭﺣﻲ ﺍﻧﺘﻲ ﻭﺍﻟﻠﻪ ﻳﺴﺘﺮﻙ ﺑﺴﺘﺮﻭ ﻳﺎﺭﺏ ﻭﻣﺎ ﺗﻬﻜﻠﻲ ﻫﻤﻲ ﺍﻧﺎ ﺑﻘﻀﻲ ﺣﺎﺟﺘﻲ ﻟﺤﺎﻟﻲ ﻭﺍﺯﺍ ﻧﻘﺼﻨﻲ ﺷﻲ ﺍﻟﺠﻴﺮﺍﻥ ﺣﻮﻟﻲ ﻛﺘﺎﺭ ﻃﺎﻭﻋﻲ ﻣﻌﺘﺼﻢ ﺑﻴﻚ ﻭﻋﻤﻠﻲ ﻣﺘﻞ ﻣﺎ ﻋﻢ ﻳﻘﻮﻝ
ﻣﺮﺡ : ﻣﺴﺘﺤﻴﻞ ﺷﻮ ﻋﻢ ﺗﺤﻜﻮ ﺍﻧﺘﻮ ﺍﺯﺍ ﺍﻟﻨﺎﺱ ﻣﺎ ﺣﻜﺖ ﻋﻠﻲ ﺍﻧﻲ ﺗﺠﻮﺯﺕ ﺑﺎﻟﺴﺮ ﺭﺍﺡ ﺗﺤﻜﻲ ﻋﻠﻲ ﻛﻴﻒ ﺍﺟﺎﻫﺎ ﻗﻠﺐ ﺗﺘﺠﻮﺯ ﻭﺗﺘﺮﻙ ﺍﺑﻮﻫﺎ ﺑﻬﻴﻚ ﺣﺎﻝ ﻭﻻ ﻓﻮﻗﻬﺎ ﺭﻣﺘﻮ ﻋﺎﻟﻨﺎﺱ .... ﺍﻟﻠﻪ ﻳﺨﻠﻴﻚ ﻣﻌﺘﺼﻢ ﺑﻴﻚ ﺍﻋﻄﻴﻨﻲ ﻭﻗﺖ ﻣﺎﺑﺪﻱ ﺷﻲ ﻣﻨﻚ ﺑﺲ ﺷﻮﻑ ﻭﺿﻊ ﺍﺑﻲ ﻣﺎ ﺑﻴﺠﻲ ﻣﻦ ﻗﻠﺐ ﺣﺪﺍ ﻳﺘﺮﻛﻮ ﻭﻫﻮ ﻫﻴﻚ
ﻣﻌﺘﺼﻢ : ﺍﻧﺎ ﺑﺤﻠﻬﺎ
ﻣﺮﺡ : ﻛﻴﻒ؟
ﻣﻌﺘﺼﻢ : ﺭﺍﺡ ﺟﻴﺒﻠﻮ ﻣﻤﺮﺽ ﻳﻌﺘﻨﻲ ﻓﻲ ﻭﻳﻌﻤﻠﻮ ﻛﻞ ﺷﻲ ﻭﻳﻌﻄﻲ ﺍﺩﻭﻳﺘﻮ ﺑﻮﻗﺘﻬﺎ
ﻣﺮﺡ : ﺑﺲ .... ﻫﻴﻚ
ﺍﺑﻮﺃﻣﺠﺪ : ﻫﺎ ... ﻛﺘﺮﺭﺧﻴﺮﻭ ﻣﻌﺘﺼﻢ ﺑﻴﻚ ﺣﻠﻬﺎ ﺭﻭﺣﻲ ﺍﺑﻲ ﻭﻣﺎ ﺗﻌﺘﻠﻲ ﻫﻤﻲ ﺻﺪﻗﻴﻨﻲ ﺍﻧﺎ ﺑﻜﻮﻥ ﻫﻴﻚ ﺍﺣﺴﻦ
ﻣﺮﺡ : ﺑﺲ ﻳﺎ ﺃﺑﻲ ﺍﻧﺎ ﻣﺎ ﺑﻘﺪﺭ
ﻣﻌﺘﺼﻢ : ﻭﻗﻒ ﻋﻠﻰ ﺣﻴﻠﻮ ﻭﺑﻨﺒﺮﺓ ﺣﺎﺩﺓ .... ﺍﻧﺎ ﻣﺎﻧﻲ ﺟﺎﻱ ﺍﺧﺪ ﺭﺃﻳﻚ ﺍﻧﺎ ﻋﻢ ﺑﻌﻄﻴﻜﻲ ﺧﺒﺮ ﻭﺑﺲ ﻳﻮﻡ ﺍﻟﺨﻤﻴﺲ ﺑﺘﺠﻬﺰﻱ ﺣﺎﻟﻚ ﻭﻣﺘﻞ ﻣﺎ ﺑﺪﻭ ﺍﺑﻮﻛﻲ ﻣﺸﺎﻥ ﺍﻷﺷﻬﺎﺭ ﺭﺍﺡ ﺟﻴﺐ ﺳﻴﺎﺭﺗﻴﻦ ﻣﻌﻲ ﻣﺰﻳﺎﻧﻴﻦ ﻭﺃﺧﺪﻙ ﻓﻴﻬﻦ ﻭﺟﻴﺐ ﻷﺑﻮﻛﻲ ﺍﻟﻤﻤﺮﺽ ﻣﻌﻲ ﻭﺍﻛﺘﺮ ﻣﻦ ﻫﻴﻚ ﻣﺎﻟﻜﻦ ﻋﻨﺪﻱ ﺷﻲ
ﻣﺮﺡ : ﻣﻜﺘﻮﺭ ﺍﻟﺨﻴﺮ ﻭﺍﻟﻠﻪ
ﻣﻌﺘﺼﻢ : ﺳﻼﻡ
ﻃﻠﻊ ﻣﻌﺘﺼﻢ ﻭﻃﺮﻕ ﺍﻟﺒﺎﺏ ﻭﺭﺍﻩ ﺑﻌﺼﺒﻴﻪ .
ﺻﺎﺭﺕ ﻣﺮﺡ ﺗﺒﻜﻲ ﺑﺤﻀﻦ ﺍﺑﻮﻫﺎ ﺑﻘﻬﺮ .
ﺍﺑﻮﺃﻣﺠﺪ : ﺭﻭﻗﻲ ﻳﺎ ﺑﻨﺘﻲ ﻛﻠﻮ ﻣﻘﺪﺭ ﻭﻣﻜﺘﻮﺏ ﻭﻫﻴﻚ ﻧﺼﻴﺒﻚ ﻛﻨﺖ ﺑﺘﻤﻨﻰ ﺟﻬﺰﻙ ﻭﺍﻋﻤﻠﻚ ﺍﺣﻼ ﻋﺮﺱ ﻻﻧﻮ ﺣﻘﻚ ﺗﻌﻴﺸﻲ ﻫﻴﻚ ﻟﺤﻈﻪ ﻣﺘﻠﻚ ﻣﺘﻞ ﺍﻱ ﺑﻨﺖ ﺑﺲ ﻧﺼﻴﺒﻨﺎ ﻭﺃﻛﻠﻨﺎ
ﻣﺮﺡ ﻣﻦ ﺑﻴﻦ ﺩﻣﻮﻋﻬﺎ : ﺍﻧﺎ ﻣﻮ ﻫﺎﻣﻤﻨﻲ ﺍﻟﻌﺮﺱ ﻭﻻ ﺷﻲ ﻛﻞ ﻫﻤﻲ ﺍﻧﺖ ﻭﺑﺲ ﻭﻟﻠﺤﻴﺎﺓ ﻟﻠﻲ ﻣﺎ ﺑﻌﺮﻑ ﺷﻮ ﻧﺎﻃﺮﻧﻲ ﻓﻴﻬﺎ
ﺍﺑﻮﺃﻣﺠﺪ : ﻻ ﺗﺨﺎﻓﻲ ﻋﻠﻲ ﻭﻻ ﻋﺤﺎﻟﻚ ﺍﻧﺎ ﺭﺿﻴﺎﻥ ﻋﻠﻴﻜﻲ ﻭﺍﻧﺸﺎﻟﻠﻪ ﺭﺑﻲ ﻣﺎ ﺑﺒﻌﺘﻠﻚ ﻏﻴﺮ ﺍﻳﺎﻡ ﻣﺘﻠﻚ ﻣﻨﻴﺤﻪ ﻭﻃﻴﺒﻪ
ﻫﻴﻚ ﻛﻤﻠﻮ ﻛﻼﻣﻬﻦ ﻭﺑﻠﺸﺖ ﻣﺮﺡ ﻣﻦ ﻳﻮﻣﻬﺎ ﻟﻴﻮﻡ ﺍﻟﺨﻤﻴﺲ ﻋﻢ ﺗﻨﻀﻒ ﺍﻟﺒﻴﺖ ﻭﺗﺠﻬﺰﻭ ﻷﺑﻮﻫﺎ ﻭﺗﺠﻬﺰ ﺑﺤﺎﻟﻬﺎ ﻭﺗﺮﺗﺐ ﻛﻞ ﺷﻲ ﻟﺤﺘﻰ ﺍﻟﻤﻤﺮﺽ ﺍﻟﻲ ﺭﺍﺡ ﻳﺠﻲ ﻳﺴﺘﻠﻢ ﺑﻴﺘﻬﻦ ﻣﺎ ﻳﺘﻌﺰﺏ ﻭﻫﻮ ﻋﻢ ﻳﺪﻭﺭ ﻋﻠﻰ ﺍﻱ ﺷﻲ ﺑﺤﺘﺎﺟﻮ ﻭﺑﻴﻮﻡ ﻃﻠﻌﺘﻬﺎ ﻣﻦ ﺑﻴﺖ ﺍﺑﻮﻫﺎ ﻻﻧﻮ ﺍﻛﻴﺪ ﻣﺎ ﺑﻴﺘﺴﻤﺎ ﺑﻴﻮﻡ ﻋﺮﺳﻬﺎ ﻛﺎﻥ ﻓﻲ ﻛﻢ ﻭﺣﺪﺓ ﻣﻦ ﺭﻓﻘﺎﺗﻬﺎ ﺣﺪﻫﺎ ﻭﻛﻢ ﻭﺣﺪﻩ ﻣﻦ ﺟﺎﺭﺍﺗﻬﺎ ﻟﺤﺘﻰ ﻳﺴﺎﻋﺪﻭﻫﺎ ﻭﺟﺎﺑﻮﻟﻬﺎ ﻓﺴﺘﺎﻥ ﺍﺑﻴﺾ ﺩﺍﻧﺘﻴﻞ ﺑﻜﻢ ﻭﻛﺘﻒ ﺑﺤﺮﻱ ﻧﺎﻋﻢ ﻛﺘﻴﺮ ﺑﺎﻟﻠﻮﻥ ﺍﻷﺑﻴﺾ ﻟﺤﺘﻰ ﻳﻠﺒﺴﻮﻫﺎ ﺍﻳﺎﻩ ﻭﺯﺑﻄﻮ ﺷﻌﺮﻫﺎ ﻋﻠﻰ ﺍﻟﺨﻔﻴﻒ ﻣﻮ ﺑﺮﻓﻌﻪ ﻭﻻ ﺷﻲ ﺑﺲ ﺍﻛﻠﻴﻞ ﻭﺭﺩ ﺍﺑﻴﺾ ﻋﺸﻌﺮﻫﺎ ﺑﺲ ﻣﺎ ﺗﺴﺸﻮﺭ ﻭﻧﺴﺤﺐ ﻋﻠﻰ ﺿﻬﺮﻫﺎ ﻭﻣﻜﻴﺎﺝ ﻣﺎﻟﻮ ﺍﺛﺮ ﻟﻜﻦ ﺍﻇﻬﺮ ﺣﺴﻨﻬﺎ ﻭﺟﻤﺎﻟﻬﺎ ﺑﺮﻏﻢ ﻛﻞ ﺑﺴﺎﻃﺔ ﻃﻠﺘﻬﺎ ﻟﻮﻗﺖ ﻭﺻﻞ ﻣﻌﺘﺼﻢ ﻧﺰﻝ ﻣﻌﻮ ﺍﺧﻮﺍﺗﻮ ﺟﻬﺎﺩ ﻭﻣﺤﻤﻮﺩ ﻭﻧﺴﻮﺍﻧﻦ ﻭﺍﻟﺸﻴﺦ ﺩﺧﻠﻮ ﺑﺲ ﺩﺧﻠﻮ ﺍﻟﺒﻴﺖ ﺑﻠﺸﻮ ﺍﻟﺼﺒﺎﻳﺎ ﻳﺰﻟﻐﻄﻮ ﻟﻜﻦ ﻣﻌﺘﺼﻢ ﻛﺎﻥ ﺭﺍﺡ ﻳﺠﻦ ﻋﻠﻴﻬﻦ ﻻﻧﻮ ﻣﺎﺑﺪﻭ ﺍﻱ ﺻﻮﺕ ﺑﻨﻔﺲ ﺍﻟﻮﻗﺖ ﻣﺎﻃﻠﻊ ﺑﺄﻳﺪﻭ ﻻﻧﻮ ﻛﺎﻧﺖ ﻫﺎﻱ ﺭﻏﺒﺖ ﺍﺑﻮﻫﺎ ﻟﺤﺘﻰ ﻳﺸﻬﺮ ﻋﺮﺳﻬﺎ ﺑﻌﺪ ﺷﻮﻱ ﻃﻠﺐ ﺍﻟﺸﻴﺦ ﻣﻮﺍﻓﻘﺘﻬﺎ ﻭﺭﺍﺣﻮ ﺍﻟﺼﺒﺎﻳﺎ ﻭﺟﺎﺑﻮﻫﺎ ﻭﻫﻮﻥ ﻛﺎﻧﺖ ﺍﻟﺼﺪﻣﻪ ﻟﺠﻬﺎﺩ ﻭﻣﺤﻤﻮﺩ ﻭﻧﺴﻮﺍﻧﻬﻦ ﺯﻳﻨﺐ ﻣﺮﺓ ﺟﻬﺎﺩ ﻭﺩﺍﻟﻴﺎ ﻣﺮﺓ ﻣﺤﻤﻮﺩ ﺑﺠﻤﺎﻝ ﻣﺮﺡ ﻭﻣﺎ ﺗﻮﻗﻌﻮ ﺍﺑﺪﺍ ﺍﻧﻬﺎ ﺗﻜﻮﻥ ﺑﻜﻞ ﻫﺎﻟﺠﻤﺎﻝ ﻟﺤﺘﻰ ﺑﻠﺸﻮ ﻳﺘﻬﺎﻣﺴﻮ ﺍﻟﺴﻠﻔﺎﺕ ﻭﻳﻘﺎﺭﻧﻮ ﺑﻴﻨﻬﺎ ﻭﺑﻴﻦ ﺳﺎﻟﻲ ﻭﺣﺴﻮ ﺍﻧﻮ ﻫﻲ ﻋﻨﺪﻫﺎ ﺟﺎﺫﺑﻴﻪ ﺍﻛﺒﺮ ﺑﺮﻏﻢ ﺟﻤﺎﻝ ﺳﺎﻟﻲ ﺍﻟﻲ ﻣﺎﺣﺪﺍ ﺑﻘﺪﺭ ﻳﺤﻜﻲ ﻓﻲ ﻟﻜﻦ ﻣﺮﺡ ﻓﻴﻬﺎ ﺷﻲ ﺑﻴﺠﺬﺏ ﺍﻛﺘﺮ ﺑﻜﺘﻴﺮ ﻟﻜﻦ ﻣﻮ ﻫﻮﻥ ﺍﻟﻤﺼﻴﺒﻪ ﺍﻟﻤﺸﻜﻠﻪ ﻣﻌﺘﺼﻢ ﺍﻟﻲ ﻣﺎ ﻗﺪﺭ ﻳﺘﻄﻠﻊ ﻓﻴﻬﺎ ﺑﺮﻏﻢ ﻛﻞ ﺍﻟﻜﻼﻡ ﺍﻟﻲ ﻋﻢ ﻳﺴﻤﻌﻮ ﻋﻠﻰ ﺟﻤﺎﻟﻬﺎ ﻣﻦ ﺣﻮﺍﻟﻴﻪ ﺑﻌﺪ ﺷﻮﻱ ﺑﻠﺸﻮ ﺑﻜﺘﺐ ﺍﻟﻜﺘﺎﺏ ﻭﺑﻠﺶ ﺍﻟﺸﻴﺦ ﻳﺴﺄﻟﻬﻦ
ﺍﻟﺸﻴﺦ : ﻣﻮﺍﻓﻘﻪ ﻳﺎ ﺑﻨﺘﻲ ﻋﻠﻰ ﻣﻌﺘﺼﻢ ﺯﻭﺝ ﻟﻜﻲ
ﻣﺮﺡ ........: ﻣﺎﻓﻲ ﺻﻮﺕ
ﺍﻟﺸﻴﺦ : ﺟﺎﻭﺑﻴﻨﻲ ﻳﺎ ﺑﻨﺘﻲ ﻣﻮﺍﻓﻘﻪ
ﻣﺮﺡ : ﺑﻌﺪ ﻣﺎ ﻧﻜﺸﺘﻬﺎ ﺟﺎﺭﺗﻬﻦ ﺍﻱ
ﺍﻟﺸﻴﺦ : ﻣﻮﺍﻓﻖ ﻳﺎﻋﺮﻳﺲ ﻋﻠﻰ ﺯﻭﺍﺟﻚ ﻣﻦ ﻣﺮﺡ
ﻣﻌﺘﺼﻢ ......: ﺍﻱ
ﻭﺑﻬﻴﻚ ﺗﻤﺖ ﺍﺟﺮﺍﺋﺎﺕ ﺍﻟﺰﻭﺍﺝ ﻭﻗﺪﻣﻮ ﺍﻟﺼﺒﺎﻳﺎ ﺗﺤﻼﻳﺔ ﺑﺴﻴﻄﻪ ﻣﻦ ﺷﻐﻞ ﺍﻟﺒﻴﺖ ﻟﻠﻤﻮﺟﻮﺩﻳﻦ ﺍﻟﻲ ﺑﻨﻌﺪﻭ ﻋﻠﻰ ﺍﻷﺻﺎﺑﻊ ﻭﻣﻨﻬﻦ ﺍﻟﺸﻴﺦ ﻭﺑﻌﺪ ﺷﻮﻱ ﻭﺩﻋﺖ ﻣﺮﺡ ﺭﻓﻘﺎﺗﻬﺎ ﻭﺟﺎﺭﺗﻬﺎ ﻭﺑﻴﺘﻬﻦ ﻭﻫﻲ ﻃﺎﻟﻌﻪ ﺃﻋﺪﺕ ﻋﻨﺪ ﺭﺟﻠﻴﻦ ﺍﺑﻮﻫﺎ ﺍﻟﻲ ﻛﺎﻥ ﻋﻠﻰ ﺍﻟﻜﺮﺳﻲ ﺍﻟﻤﺘﺤﺮﻙ ﻭﺻﺎﺭﺕ ﺗﺒﻜﻲ ﻭﺗﺘﺮﺟﺎﻩ ﻳﺴﺎﻣﺤﻬﺎ ﻻﻧﻬﺎ ﺗﺮﻛﺘﻮ ﻭﻫﻮ ﻳﺒﻜﻲ ﻣﻌﻬﺎ ﻭﻳﺘﻤﻨﺎﻟﻬﺎ ﻛﻞ ﺍﻟﺨﻴﺮ ﺑﺤﻴﺎﺗﻬﺎ .
ﻣﻌﺘﺼﻢ : ﺧﻠﺼﻴﻨﺎ
ﻣﺮﺡ : ﺑﺘﻮﺻﻲ ﺑﺸﻲ ﻳﺎﺑﻲ
ﺍﺑﻮﺃﻣﺠﺪ : ﻣﻬﻮﻧﺔ ﻳﺎ ﺑﻨﺘﻲ ﺍﻟﻠﻪ ﻳﺮﺿﺎ ﻋﻠﻴﻜﻲ
ﻣﺮﺡ : ﺑﺨﺎﻃﺮﻙ ﻳﺎﺑﻲ
ﻭﻃﻠﻌﺖ ﻣﻦ ﺍﻟﺒﻴﺖ ﺑﺲ ﻭﺻﻠﺖ ﻟﺒﺎﺏ ﺍﻟﺴﻴﺎﺭﺓ ﺗﺰﻛﺖ ﻣﻮﺿﻮﻉ ﺍﻟﻤﻤﺮﺽ ﺍﻟﻲ ﻗﺎﻝ ﺍﻧﻮ ﺭﺍﺡ ﻳﺠﻴﺒﻮ ﻣﻌﻮ ﻟﻜﻦ ﻛﺎﻥ ﻭﺍﻗﻒ ﻣﻌﺘﺼﻢ ﻋﻢ ﻳﺤﻜﻲ ﻣﻊ ﺣﺪﺍ ﺑﻌﻴﺪ ﻋﻦ ﺍﻟﺒﻴﺖ ﻭﻣﻮ ﻣﺒﻴﻦ ﻋﻠﻴﻬﺎ ﻣﻴﻦ ﻭﻫﻲ ﻋﻢ ﺗﺮﻛﺐ ﺑﺎﻟﺴﻴﺎﺭﺓ ﻭﺍﻟﺼﺒﺎﻳﺎ ﻭﺍﻟﺠﺎﺭﺍﺕ ﻋﻢ ﻳﺰﺑﻄﻮ ﺑﻘﻌﺪﺗﻬﺎ ﻭﺻﺘﻬﻦ ﺑﺄﺑﻮﻫﺎ ﻭﻣﺎ ﻳﺘﺮﻛﻮﻩ ﻭﻳﻀﻠﻮ ﻳﺴﺄﻟﻮ ﻋﻨﻮ ﻻﻧﻬﻦ ﺑﻨﻔﺲ ﺍﻟﺸﺎﺭﻉ ﻭﻗﺮﺍﺏ ﻣﻮ ﻣﺘﻠﻬﺎ ﺑﻌﻴﺪﺓ ﻭﻃﻤﻨﻮﻫﺎ ﻋﻠﻴﻪ ﻟﺤﺘﻰ ﺍﺭﺗﺎﺣﺖ ﺷﻮﻱ ..
ﺑﻌﺪ ﺷﻮﻱ ﺍﺟﻰ ﻣﻌﺘﺼﻢ ﻭﺭﻛﺐ ﺑﺎﻟﺴﻴﺎﺭﺓ ﻭﺷﻐﻠﻬﺎ ﻭﺃﺷﺮﺓ ﻣﺮﺡ ﻣﻦ ﻭﺭﺍ ﻗﺰﺍﺯ ﺍﻟﺴﻴﺎﺭﺓ ﻟﻠﻜﻞ ﺍﻟﻲ ﻋﻢ ﻳﻮﺩﻋﻬﺎ ﻟﺤﺘﻰ ﻏﺎﺑﺖ ﻋﻦ ﻋﻴﻮﻧﻬﻦ .
ﻣﺮﺡ : ﻣﻌﺘﺼﻢ ﺑﻴﻚ ﻭﻳﻦ ﺍﻟﻤﻤﺮﺽ ﺍﻟﻠﻲ ﻗﻠﺖ ﺍﻧﻚ ﺭﺍﺡ ﺗﺠﻴﺒﻮ .
ﻣﻌﺘﺼﻢ : ﻭﻣﻊ ﻣﻴﻦ ﻛﻨﺖ ﻋﻢ ﺍﺣﻜﻲ ﺍﻧﺎ ﻗﺒﻞ ﻣﺎ ﺍﻃﻠﻊ ﺑﺎﻟﺴﻴﺎﺭﺓ
ﻣﺮﺡ : ﻣﺎ ﺑﻌﺮﻑ
ﻣﻌﺘﺼﻢ : ﻣﺎ ﺯﺍﻝ ﻣﺎ ﺑﺘﻌﺮﻓﻲ ﻣﺎ ﺗﺴﺄﻟﻲ
ﻣﺮﺡ : ﺑﺪﻱ ﺍﺗﻄﻤﻦ
ﻣﻌﺘﺼﻢ : ﺍﺗﻄﻤﻨﻲ ﺍﻟﻤﻤﺮﺽ ﻋﻨﺪ ﺍﺑﻮﻛﻲ
ﻣﺮﺡ : ﺷﻜﺮﺁ
ﻭﻫﻴﻚ ﺧﻠﺺ ﺍﻟﻜﻼﻡ ﻟﻮﺻﻠﻮ ﺍﻟﻔﻴﻼ ﺗﺒﻊ ﺍﻫﻠﻮ ﻟﻤﻌﺘﺼﻢ ﻭﻧﺰﻟﻮ ﻭﺩﺧﻠﻮ ﺍﻟﺒﺎﺏ ﻻﻗﺖ ﻓﻲ ﻧﺎﺱ ﻗﺎﻋﺪﻳﻦ ﺑﺎﻟﺼﺎﻟﻪ ﺍﻟﻜﺒﻴﺮﺓ ﻭﻣﻦ ﺑﻴﻨﻬﻦ ﻭﺍﻟﻲ ﻣﺎ ﻋﺮﻓﺖ ﻏﻴﺮﻭ ﺍﺑﻮﺟﻬﺎﺩ ﻭﻗﺖ ﻭﺻﻠﺖ ﻟﻄﺮﻓﻬﻦ ﻣﻦ ﺩﻭﻥ ﻣﺎ ﺗﺤﻜﻲ ﺍﻱ ﻛﻠﻤﻪ ﺷﺎﻓﺖ ﺻﺒﻴﺘﻴﻦ ﻭﻣﻌﻬﻦ ﺯﻭﺍﺟﻬﻦ ﻭﺷﺎﻓﺖ ﺷﺐ ﻭﺍﻗﻒ ﻟﺤﺎﻟﻮ ﻭﻣﺮﻩ ﻛﺒﻴﺮﺓ ﻭﺑﺎﻳﻦ ﻋﻠﻴﻬﺎ ﺳﺖ ﻣﻘﺪﺭﺓ ﻭﻣﻌﺰﺯﺓ ﻭﺍﺑﻮﺟﻬﺎﺩ ﻟﻜﻦ ﻭﺍﺿﺢ ﻋﻠﻰ ﻋﻴﻮﻥ ﺍﻟﻜﻞ ﺍﻧﻮ ﻣﺎ ﺣﺪﺍﺍ ﻃﺎﻳﻘﻬﺎ ﻭﻻ ﺣﺪﺍ ﺭﺣﺐ ﻓﻴﻬﺎ ﻭﻻ ﺳﻤﻌﺖ ﻣﻦ ﺣﺪﺍ ﻛﻠﻤﺔ ﻣﺒﺮﻭﻙ ﺍﻧﺪﺍﺭﺕ ﻟﺘﺸﻮﻑ ﻣﻌﺘﺼﻢ ﻭﻳﻨﻮ ﻛﺮﻣﺎﻝ ﻳﻌﺮﻓﻬﺎ ﻟﻘﺘﻮ ﺑﻌﻴﺪ ﻋﻨﻬﺎ ﻭﻋﻢ ﻳﺤﻜﻲ ﺗﻠﻔﻮﻥ ﺍﻟﺘﻔﺖ ﻟﺴﻠﻔﺎﺗﻬﺎ ﻟﻘﺘﻬﻦ ﺍﻟﺘﻨﺘﻴﻦ ﻭﺍﻗﻔﻴﻦ ﻭﻋﻢ ﻳﻬﻤﺴﻮ ﺑﺄﺩﻥ ﺑﻌﻀﻬﻦ ﻭﻳﻀﺤﻜﻮ ﺗﻠﺒﻜﺖ ﻣﺮﺡ ﻛﺘﻴﺮ ﻭﻣﺎ ﻋﺮﻓﺖ ﺷﻮ ﺗﻌﻤﻞ ﻭﻛﻞ ﺷﻲ ﻗﺪﺭﺕ ﻋﻠﻴﻪ ﺗﻌﻤﻠﻮ ﺍﻧﻬﺎ ﺗﻀﻞ ﺑﺄﺭﺿﻬﺎ ﻭﺍﻗﻔﻪ ﻭﻟﻜﻞ ﻋﻢ ﻳﺘﻄﻠﻊ ﻓﻴﻬﺎ ﻣﻮ ﻋﺎﺟﺒﺔ ﺣﺪﺍ ﻭﺗﺤﻂ ﻋﻴﻮﻧﻬﺎ ﺑﺄﺭﺿﻬﺎ ﻭﻛﻞ ﺷﻮﻱ ﺗﺮﻓﻊ ﻋﻴﻮﻧﻬﺎ ﺗﻼﻗﻴﻬﻦ ﻋﻠﻰ ﺣﺎﻟﻬﻦ ﻟﻮﻗﺖ ﺍﻟﺘﻔﺘﺖ ﺍﻡ ﺟﻬﺎﺩ ﻭﺣﺎﻛﺘﻬﺎ .
ﺍﻡ ﺟﻬﺎﺩ : ﺍﻧﺘﻲ ﺍﻟﻲ ﺍﺧﻮﻛﻲ ﺳﺮﻗﻨﺎ ﻳﺎ ﻳﻨﺖ
ﻣﺮﺡ ﺑﻜﻞ ﺗﻠﺒﻚ ﻭﺧﻮﻑ ﻭﺭﺟﻔﻪ ﻣﻨﻬﺎ : ..... ﺍﺍﺍﺍﺍﺍﺍﻱ
ﺍﺑﻮﺟﻬﺎﺩ : ﺍﻱ ﺍﻡ ﺟﻬﺎﺩ ﻫﺎﻱ ﻫﻲ ﻣﺮﺡ
ﻣﻴﺎﺩﺓ ﺍﺧﺘﻮ ﻟﻤﻌﺘﺼﻢ ﺍﻟﻜﺒﻴﺮﺓ : ﺍﻱ ﻭﺍﻟﺴﺒﻊ ﺗﻨﻌﺎﻡ ﻋﻠﻰ ﻫﻴﻚ ﺍﺧﺖ ﻭﺍﺥ ﺍﺧﻮﻛﻲ ﺳﺮﻗﻨﺎ ﻭﺍﻧﺘﻲ ﺷﻮ ﺟﺎﻱ ﺗﻌﻤﻠﻲ
ﻣﺮﺡ ........: ﻣﺎﻓﻲ ﺻﻮﺕ
ﻣﻌﺘﺼﻢ : ﺟﺎﻳﻪ ﺗﻜﻤﻞ ﻋﻠﻰ ﺍﺧﻮﻛﻲ ﻳﺎ ﻣﻴﺎﺩﺓ ﻭﺗﻘﺘﻠﻮ ﻭﻫﻮ ﻋﺎﻳﺶ ﻭﺗﺪﺑﺤﻮ ﺑﻘﻠﺒﻮ
ﻣﺮﺡ .......:
ﺑﻌﺪ ﻭﻗﻔﺔ ﻃﻮﻳﻠﻪ ﻭﻛﻼﻡ ﺷﻲ ﺑﻨﺴﻤﻊ ﻭﺷﻲ ﻣﺎ ﺑﻨﺴﻤﻊ ﻧﺪﻫﻮ ﻋﻠﻰ ﺍﻟﺨﺪﺍﻣﻪ ﺗﺎﺧﺪﻫﺎ ﻟﻐﺮﻓﺘﻬﺎ ﻃﻠﻌﺖ ﻣﺮﺡ ﻣﻌﻬﺎ ﻣﻊ ﻛﻞ ﺩﺭﺟﻪ ﺗﻘﻒ ﻭﺗﺤﺲ ﺣﺎﻟﻬﺎ ﺑﺪﻫﺎ ﺗﻬﺮﺏ ﻻﻧﻬﺎ ﻛﺎﻧﺖ ﺣﺎﺳﺔ ﺑﺸﻲ ﻏﺮﻳﺐ ﻧﺎﻃﺮﻫﺎ ﺑﻬﺎﻟﺒﻴﺖ ﺍﻟﻜﺒﻴﺮ ﻟﻜﻦ ﻣﺎ ﺑﺄﻳﺪﻫﺎ ﺣﻴﻠﻪ ﻏﻴﺮ ﺗﻜﻔﻲ ﻭﺗﻮﺻﻞ ﻭﺗﻠﺘﺰﻡ ﻣﻄﺮﺣﻬﺎ ﺑﻜﻞ ﻫﺪﻭﺀ ﻭﺑﺪﻭﻥ ﺻﻮﺕ ﻻﻧﻮ ﻣﺎﻓﻴﻬﺎ ﺗﺤﻜﻲ ﻻﻧﻮ ﺍﻟﺤﻖ ﻣﻌﻬﻦ ﻓﻮﻕ ﺳﺮﻗﺘﻬﻦ ﻣﻦ ﺍﺧﻮﻫﺎ ﻛﻤﺎﻥ ﺩﺧﻠﺖ ﺣﻴﺎﺗﻬﻦ ﻏﺼﺒﻦ ﻋﻨﻬﻦ ﻭﺩﻣﺮﺕ ﺣﻴﺎﺓ ﻣﻌﺘﺼﻢ ﺍﻟﻲ ﻣﺎﺑﺪﻭ ﻳﺎﻫﺎ ﻭﻛﺎﻥ ﻫﺎﻟﺸﻲ ﻭﺍﺿﺢ ﻛﺘﻴﺮ ﻋﻠﻴﻪ ﻣﺘﻞ ﻣﺎ ﻫﻲ ﻛﺎﻧﺖ ﻣﺎﺑﺪﻫﺎ ﺍﻳﺎﻩ ﻛﻤﺎﻥ ﻟﻜﻦ ﺑﺪﻫﺎ ﺗﻘﺒﻞ ﺑﺤﻴﺎﺗﻬﻦ ﻭﻛﻴﻒ ﺑﺪﻫﻦ ﻳﻌﻴﺸﻮﻫﺎ ..
ﻣﻦ ﺩﻭﻥ ﺻﻮﺕ ﻭﺻﻠﺖ ﻣﺮﺡ ﻟﻐﺮﻓﺘﻬﺎ ﻭﻛﺎﻧﺖ ﺑﺘﻌﺮﻑ ﻭﻣﺘﻮﻗﻌﻪ ﺍﻧﻮ ﻣﻌﺘﺼﻢ ﻣﺎﺭﺍﺡ ﻳﺠﻲ ﻧﺎﺣﻬﺎ ﻟﻬﻴﻚ ﺑﻘﻴﺖ ﻣﺘﻞ ﻣﺎ ﻫﻲ ﺑﻔﺴﺘﺎﻧﻬﺎ ﻭﺍﻏﺮﺍﺿﻬﺎ ﺑﺸﻨﺘﺎﻳﺘﻬﺎ ﻣﺎ ﺣﺮﻛﺖ ﺷﻲ ﺣﺘﻰ ﺍﻟﻌﺸﺎ ﺍﻟﻲ ﻃﻠﻌﻠﻬﺎ ﻣﺎ ﻣﺪﺕ ﺍﻳﺪﻫﺎ ﻋﻠﻴﻪ ﻛﻞ ﺍﻟﻲ ﻛﺎﻧﺖ ﻋﻢ ﺗﻌﻤﻠﻮ ﺗﺒﻜﻲ ﻣﻦ ﺩﻭﻥ ﺻﻮﺕ ﻟﻮﻗﺖ ﻏﻔﻴﺖ ﻋﻨﻴﻬﺎ ﻭﺭﻣﺖ ﺭﺍﺳﻬﺎ ﻋﻠﻰ ﺍﻳﺪ ﺍﻟﻜﻨﺒﺎﻱ ﺍﻟﻲ ﻗﺎﻋﺪﺓ ﻋﻠﻴﻬﺎ ﻫﻴﻴﻴﻴﻴﻴﻴﻴﻚ ﻟﺤﺴﺖ ﻋﻠﻰ ﺍﻟﺒﺎﺏ ﻋﻢ ﻳﻔﺘﺢ ﻋﻠﻴﻬﺎ ﻭﻛﺎﻥ ﺍﻟﻨﻬﺎﺭ ﻃﺎﻟﻊ ﻭﻛﺎﻧﺖ ﻣﺮﺑﻴﺔ ﺍﻟﺒﻴﺖ ﺩﺍﺧﻠﻪ ﻟﻌﻨﺪﻫﺎ ﻟﺤﺘﻰ ﺗﺠﻴﺒﻠﻬﺎ ﻓﻄﻮﺭﻫﺎ ﻭﺍﻧﺼﺪﻣﺖ ﺍﻧﻬﺎ ﻣﻮﻣﺘﻌﺸﻴﻪ ﻭﻟﺴﺎﻫﺎ ﺑﻔﺴﺘﺎﻧﻬﺎ .
ﺍﻟﻨﺎﻧﺎ ﻣﺮﻳﻢ : ﺻﺒﺎﺡ ﺍﻟﺨﻴﺮ ﺑﻨﺘﻲ ﻟﻴﺶ ﻧﺎﻳﻤﻪ ﻫﻴﻚ ﻭﻟﻴﻪ ﻟﺴﺎﻛﻲ ﺑﻔﺴﺘﺎﻧﻚ ﻭﻟﻚ ﻣﻮ ﻣﺘﻌﺸﻴﻪ ﻣﺒﺎﺭﺡ ﻛﻤﺎﻥ ﺷﻮ ﻫﺎﺩ ﻫﻴﻚ ﻣﺎ ﺑﺼﻴﺮ .
ﻣﺮﺡ :
ﺍﻟﻨﺎﻧﺎ ﻣﺮﻳﻢ : ﺭﺩﻱ ﻋﻠﻲ ﺑﻨﺘﻲ ﻣﺎﺗﺨﺎﻓﻲ ﺻﺤﻴﺢ ﺍﻟﻜﻞ ﻋﻢ ﻳﺘﻌﺎﻣﻞ ﻣﻌﺎﻛﻲ ﺑﺸﻜﻞ ﻗﺎﺳﻲ ﺑﺲ ﺍﻧﺎ ﻏﻴﺮ ﺷﻜﻞ ﺑﻤﻮﻥ ﻋﻠﻰ ﺍﻟﻜﻞ ﻫﻮﻥ ﻭﺑﻘﺪﺭ ﺳﺎﻋﺪﻙ ﺍﻧﺎ ﺍﻟﻨﺎﻧﺎ ﻭﻣﺮﺑﻴﺔ ﺍﻟﻜﻞ ﻫﻮﻥ ﻭﺍﻟﻲ ﻣﻦ ﺳﻨﻴﻦ ﻋﻨﺪﻫﻦ ﻭﺟﻮﺯﻙ ﺍﻧﻮﻟﺪ ﻋﻠﻰ ﺍﻳﺪﻳﻲ ﻳﻌﻨﻲ ﻣﺎﺑﻄﻠﻌﻠﻮ ﻣﻌﻲ ﺷﻲ ﻟﻬﻴﻚ ﺍﺯﺍ ﺑﺘﺤﺘﺎﺟﻲ ﺍﻱ ﺷﻲ ﻗﻮﻟﻴﻠﻲ
ﻣﺮﺡ ......: ﻛﺘﺮ ﺧﻴﺮﻙ ﻳﺎ ﻧﺎﻧﺎ
ﺑﺪﺧﻠﺖ ﻣﻌﺘﺼﻢ ﻋﻠﻰ ﺍﻟﻐﺮﻓﻪ ﻭﻗﺖ ﺷﺎﻓﺘﻮ ﻣﺮﺡ ﻭﻗﻔﺖ ﻋﻠﻰ ﺣﻴﻠﻬﺎ ﻭﻧﺰﻟﺖ ﺭﺍﺳﻬﺎ ﺑﺎﻷﺭﺽ .
ﻣﻌﺘﺼﻢ ﺍﻧﺼﺪﻡ ﻭﻗﺖ ﺷﺎﻓﻬﺎ ﻗﺎﻋﺪﺓ ﺑﻔﺴﺘﺎﻧﻬﺎ ﻟﻜﻦ ﻣﺎ ﺣﺎﻛﺎﻫﺎ ﺍﻱ ﺷﻲ ﻭﻭﺟﻪ ﻛﻼﻣﻮ ﻟﻨﺎﻧﺎ
ﻣﻌﺘﺼﻢ : ﻧﺎﻧﺎ ﺟﻬﺰﻳﻠﻲ ﺗﻴﺎﺑﻲ ﺗﺄﺧﺮﺕ ﻋﻠﻰ ﺍﻟﺸﻐﻞ ﻭﻗﻬﻮﺗﻲ ﺑﺴﺮﻋﻪ
ﻧﺎﻧﺎﻣﺮﻳﻢ : ﻳﻮ ﺷﻮ ﺷﻐﻞ ﻣﺎﺷﻐﻞ ﻋﺮﻳﺲ ﺍﻧﺖ .
ﻣﻌﺘﺼﻢ : ﺍﻭﻋﻚ ﻧﺎﻧﺎ ﺗﻌﻴﺪﻳﻬﺎ ﻫﻞ ﻛﻠﻤﻪ ﻻ ﻋﺮﻳﺲ ﻭﻻ ﺭﺍﺡ ﺻﻴﺮ ﻋﺮﻳﺲ ﻣﺎ ﺗﻌﻜﺮﻭ ﻣﺰﺍﺟﻲ ﺍﻛﺘﻴﺮ ﻣﺎ ﺑﻜﻔﻲ ﻫﺎﻟﺼﺒﺎﺡ ﺑﻮﺷﻬﺎ .
ﻣﺮﺡ :
ﻧﺎﻧﺎ ﻣﺮﻳﻢ : ﺍﻟﻠﻪ ﻳﺴﺎﻣﺤﻚ ﺍﺳﻢ ﺍﻟﻠﻪ ﺣﻮﻟﻬﺎ
ﻣﻌﺘﺼﻢ : ﻧﺎﻧﺎ ﻣﺸﺎﺍﺍﺍﺍﺍﺍﺍﺍﺍﺍﺍﻥ ﺭﺑﻚ ﻣﺎ ﺗﺴﺘﻔﺰﻳﻨﻲ ﺍﻛﺘﺮ ﺟﻬﺰﻳﻠﻲ ﻏﺮﺍﺿﻲ ﺑﺪﻱ ﺍﻋﻤﻞ ﺩﻭﺵ ﻭﺍﻧﻘﻠﻊ ﺑﻘﻰ
ﻧﺎﻧﺎ ﻣﺮﻳﻢ : ﺣﺎﺿﺮ ﺣﺎﺿﺮ ﺭﻭﻕ ﻳﺎ ﺍﻟﺒﻲ ﺧﻠﺺ
ﺩﺧﻞ ﻣﻌﺘﺼﻢ ﺍﻟﺤﻤﺎﻡ ﻭﺭﺍﺣﺖ ﺍﻟﻨﺎﻧﺎ ﺗﺠﻬﺰﻟﻮ ﻏﺮﺍﺿﻮ ﻭﻗﻬﻮﺗﻮ ﻭﻣﺮﺡ ﺍﻟﺘﻔﺖ ﻭﻣﺸﻴﺖ ﻟﻌﻨﺪ ﺍﻟﺘﺨﺖ ﻭﻗﻌﺪﺕ ﻭﺭﺍ ﻛﺮﻣﺎﻝ ﺍﺯﺍ ﻃﻠﻊ ﻣﺎ ﻳﺸﻮﻓﻬﺎ ﻭﺻﺎﺭﺕ ﺗﺒﻜﻲ ﺑﻜﻞ ﺣﺮﻗﺔ ﻗﻠﺐ ﻟﻜﻦ ﺣﺎﻭﻟﺖ ﺗﺨﺒﻲ ﻭﺗﺤﺒﺲ ﺻﻮﺗﻬﺎ ﻟﻜﻦ ﻣﺎﻗﺪﺭﺕ ﻛﺘﻴﺮ ﻭﻭﻗﺖ ﻃﻠﻊ ﻣﻌﺘﺼﻢ ﻣﻦ ﺍﻟﺤﻤﺎﻡ ﻛﺎﻥ ﻻﺑﺲ ﺭﻭﺑﻮ ﻓﻜﺮ ﻣﺮﺡ ﻃﻠﻌﺖ ﻣﻦ ﺍﻟﻐﺮﻓﻪ ﻭﻫﻴﻚ ﺍﺭﺗﺎﺡ ﻭﻭﻗﻒ ﻋﻠﻰ ﺍﻟﻤﺮﺍﻱ ﻳﻨﺸﻒ ﺷﻌﺮﻭ ﺑﺪﺧﻠﺖ ﺍﻟﻨﺎﻧﺎ ﻋﻠﻴﻪ
ﺍﻟﻨﺎﻧﺎ ﻣﺮﻳﻢ : ﻧﻌﻴﻤﺎ ﻳﺎ ﺍﻟﺒﻲ
ﻣﻌﺘﺼﻢ : ﺍﻟﻠﻪ ﻳﻨﻌﻢ ﻋﻠﻴﻜﻲ
ﺍﻟﻨﺎﻧﺎ ﻣﺮﻳﻢ : ﻟﻜﻦ ﻭﻳﻦ ﺍﻟﻌﺮﻭﺱ ﺭﺍﺣﺖ
ﻣﻌﺘﺼﻢ : ﻟﻴﺶ ﻫﻲ ﻣﻮ ﻣﻌﺎﻛﻲ
ﺍﻟﻨﺎﻧﺎ ﻣﺮﻳﻢ : ﻻ ﻳﻮ ﻭﻳﻦ ﺑﺪﻫﺎ ﺗﺮﻭﺡ ﻣﻌﻲ ﺗﺮﻛﺘﻬﺎ ﻫﻮﻥ
ﻣﻌﺘﺼﻢ : ﺍﻱ ﻣﻨﻴﺢ ﻟﻜﻦ ﺑﻠﻜﻲ ﺗﻜﻮﻥ ﻋﻤﻠﺖ ﺑﺤﺎﻟﻬﺎ ﺷﻲ ﻭﺧﻠﺼﺘﻨﻲ ﻣﻨﻬﺎ
ﺍﻟﻨﺎﻧﺎ ﻣﺮﻳﻢ : ﻻ ﻳﺎ ﺍﺑﻨﻲ ﺣﺮﺍﻡ ﺷﻮ ﺯﻧﺒﻬﺎ ﻫﻲ
ﻣﻌﺘﺼﻢ : ﻭﺍﻟﻠﻪ ﺟﺪ ﻭﺷﻮ ﺯﻧﺒﻲ ﺍﻧﺎ ﻷﺗﺮﻙ ﺣﺐ ﺣﻴﺎﺗﻲ ﻭﺍﻧﺒﻼ ﺑﻬﻴﻚ ﻋﻴﻠﻪ
ﺍﻟﻨﺎﻧﺎ ﻣﺮﻳﻢ .: ﻭﺍﻟﻠﻪ ﻳﺎ ﺍﺑﻨﻲ .....
ﺑﻌﺪﺍ ﺣﺴﺖ ﺑﺼﻮﺕ ﺑﻜﻲ ﺍﻟﺘﻔﺖ ﺩﻭﺭ ﻋﻠﻰ ﺍﻟﺼﻮﺕ ﻟﻮﻗﻌﺖ ﻋﻴﻨﻬﺎ ﻋﻠﻰ ﻣﺮﺡ ﺑﻴﻦ ﺍﻟﺤﻴﻂ ﻭﺍﻟﺘﺨﺖ ﻭﻣﻜﺮﻣﺸﻲ ﺣﺎﻟﻬﺎ ﻭﺭﺟﻠﻴﻬﺎ ﻭﻣﻨﺰﻟﺔ ﺭﺍﺳﻬﺎ ﺑﺎﻷﺭﺽ .
ﺍﻟﻨﺎﻧﺎ ﻣﺮﻳﻢ : ﻳﻮ ﻟﻚ ﺑﻨﺘﻲ ﺷﻮ ﻣﻘﻌﺪﻙ ﻫﻮﻥ
ﻣﻌﺘﺼﻢ : ﺷﻮ ﻓﻲ ﻧﺎﻧﺎ
ﺍﻟﻨﺎﻧﺎﻣﺮﻳﻢ : ﺗﻌﻰ ﺷﻮﻑ ﻭﻳﻦ ﻃﻠﻌﺖ
ﻣﺸﻲ ﻣﻌﺘﺼﻢ ﻧﺎﺣﻬﺎ ﻭﻟﻘﻴﻬﺎ ﺑﻨﻔﺲ ﺍﻟﻮﺿﻊ ﺑﺲ ﺭﺍﻓﻊ ﻋﻴﻮﻧﻬﺎ ﻓﻴﻬﻦ ﻭﻋﻢ ﺗﺒﻜﻲ
ﻣﻌﺘﺼﻢ : ﺍﻱ ﻣﻨﻴﺢ ﻟﻜﻦ ﻟﺴﻪ ﻣﺎ ﻋﻤﻠﺘﻲ ﺑﺤﺎﻟﻚ ﺷﻲ ﻛﻨﺘﻲ ﺑﻠﻴﺘﻴﻨﺎ ﻓﻴﻜﻲ ﻣﻮ ﻣﺴﺘﺎﻫﻠﺔ .
ﺍﻟﻨﺎﻧﺎ ﻣﺮﻳﻢ : ﺗﻌﻲ ﺍﻣﻲ ﻗﻮﻣﻲ ﻋﻠﻰ ﺣﻴﻠﻚ ﻣﺎ ﺑﺼﻴﺮ ﺗﻌﻤﻠﻲ ﺑﺤﺎﻟﻚ ﻫﻴﻚ ﻻﺯﻡ ﺗﻘﺒﻠﻲ ﺑﺎﻷﻣﺮ ﺍﻟﻮﺍﻗﻊ ﻭﺗﻌﻴﺸﻲ ﻣﻌﻮ ﺧﻠﺺ ﻫﺎﺩ ﺟﻮﺯﻙ ﻭﻫﺎﺩ ﺑﻴﺘﻚ ﺑﺪﻙ ﺗﻌﻴﺸﻲ ﻣﺘﻠﻚ ﻣﺘﻞ ﺍﻟﻜﻞ ﻓﻴﻪ .
ﻣﻌﺘﺼﻢ : ﺍﻳﻮﺍ ﻭﻫﺎﺩ ﺍﻟﻲ ﺍﻟﻨﺎﻗﺺ ﻫﻲ ﺍﻟﻲ ﺗﻘﺒﻞ ﻣﻮ ﺑﺪﻙ ﻫﻨﻲ ﻳﻘﺒﻠﻮﻫﺎ ﻟﻚ ﺍﺯﺍ ﺍﻧﺎ ﻣﻮ ﻗﺒﻼﻧﻬﺎ .
ﻣﺮﺡ ....: ﻟﻜﻦ ﻟﻴﻪ ﺟﺒﺘﻮﻧﻲ ﻟﻬﻮﻥ
ﺭﺍﺡ ﻣﻌﺘﺼﻢ ﻧﺎﺣﻬﺎ ﺑﻌﺼﺒﻴﻪ ﻭﺭﻓﻊ ﺍﻳﺪﻭ ﺑﺸﻜﻞ ﺑﻮﻛﺲ ﺑﺪﻭ ﻳﻀﺮﺑﻬﺎ ﻟﻜﻦ ﺗﺨﺒﺖ ﻭﺭﺍ ﺍﻟﻨﺎﻧﺎ ﻭﻫﻲ ﻋﻢ ﺗﺒﻜﻲ .
ﻣﻌﺘﺼﻢ : ﻟﺤﺘﻰ ﺗﻜﺘﻤﻲ ﻋﻠﻰ ﻧﻔﺴﻲ ﻭﺗﺨﺮﺑﻲ ﺣﻴﺎﺗﻲ
ﻣﺮﺡ : ﻭﺍﻧﺘﻮ ﻣﺎ ﺧﺮﺑﺘﻮ ﺣﻴﺎﺗﻲ
ﻣﻌﺘﺼﻢ : ﻟﻜﻜﻜﻜﻜﻜﻚ ﻋﻢ ﺗﺮﺩ ﺟﻮﺍﺏ ﻛﻤﺎﻥ ﺍﻟﻮﻗﺤﻪ ﻟﻚ ﺍﻧﺎ ﺑﻜﺮﻫﻚ ﺑﺲ ﻣﺠﺒﻮﺭ ﻋﻠﻴﻜﻲ ﻟﻚ ﺑﺴﺒﺒﻚ ﺿﺎﻉ ﺣﺐ ﺣﻴﺎﺗﻲ ﻣﻨﻲ
ﻣﺮﺡ : ﻭﺍﻧﺎ ﺿﺎﻋﺖ ﺣﻴﺎﺗﻲ ﻛﻠﻬﺎ
ﻣﻌﺘﺼﻢ : ﺍﺣﺴﻦ ﺷﻮ ﺑﺪﻙ ﺑﻬﻴﻚ ﺣﻴﺎﺓ ﻛﻠﻬﺎ ﻋﺎﺭ ﺑﻌﺎﺭ
ﺍﻟﻨﺎﻧﺎ ﻣﺮﻳﻢ : ﻣﻌﺘﺼﻢ ﺧﻠﺺ ﺍﻣﻲ ﺷﻮ ﻫﻞ ﺍﻟﺤﻜﻲ ﻣﺎﺑﺼﻴﺮ ﻫﻴﻚ ... ﻭﺍﻧﺘﻲ ﺑﻨﺘﻲ ﺭﻭﻗﻲ ﻭﻣﺎ ﺑﺼﻴﺮ ﺗﺮﺩﻱ ﻛﻼﻡ ﺑﻮﺵ ﺟﻮﺯﻙ
ﻣﺮﺡ : ﺣﺎﺿﺮ
ﻣﻌﺘﺼﻢ : ﻣﺮﺿﻴﻪ ﺍﺳﻢ ﺍﻟﻠﻪ
ﺍﻟﻨﺎﻧﺎ ﻣﺮﻳﻢ : ﺧﻠﺺ ﺍﻧﺘﻮ ﺍﻟﺘﻨﻴﻦ ﺭﻭﺣﻲ ﺑﻨﺘﻲ ﺗﺤﻤﻤﻲ ﻭﺑﺪﻟﻲ ﻓﺴﺘﺎﻧﻚ ﻭﺍﻧﺖ ﺧﻠﺺ ﻟﺒﺴﻚ ﻭﻗﻬﻮﺗﻚ ﻭﺭﻭﺡ ﻟﺸﻐﻠﻚ
ﻭﺧﻠﺼﻮﻧﺎ ﺑﻘﻰ ﻫﺎﻱ ﺣﻴﺎﺓ ﻫﻴﻚ ﺭﺍﺡ ﺗﺒﻠﺸﻮ ﻓﻴﻬﺎ ﻛﻴﻒ ﺍﺧﺮﻫﺎ
ﻣﻌﺘﺼﻢ : ﺍﺧﺮﻫﺎ ﺭﺻﺎﺻﻪ ﻳﺎ ﺑﺮﺍﺳﻲ ﻳﺎ ﺑﺮﺍﺳﻬﺎ
ﺍﻟﻨﺎﻧﺎﻣﺮﻳﻢ : ﺑﻌﻴﺪ ﺍﻟﺸﺮ ﻋﻨﻜﻦ ﺍﻟﺘﻨﻴﻦ ﺍﻟﻠﻪ ﻳﻬﺪﻱ ﺑﺎﻟﻜﻦ ﺍﺣﺴﻦ ﺷﻲ ﺭﻭﺣﻲ ﺑﻨﺘﻲ ﺭﻭﺣﻲ ﻭﺗﻌﻲ ﻟﻔﻜﻠﻚ ﻓﺴﺘﺎﻧﻚ ﻭﺭﻭﺡ ﺷﻮﻑ ﺷﻐﻠﻲ ﻋﻨﺪﻱ ﻣﻴﺔ ﺷﻐﻠﻪ ﺍﻧﺎ ﻛﻤﺎﻥ ....
ﺩﺧﻠﺘﻬﺎ ﻟﻠﺤﻤﺎﻡ ﻭﻣﺮﺡ ﺗﺤﺖ ﺍﻟﺪﻭﺵ ﻋﻢ ﺗﺒﻜﻲ ﻭﺗﺸﻬﻖ ﻭﺍﺳﺘﻮﻋﺒﺖ ﺍﻧﻮ ﻣﺎ ﻣﻨﻮ ﻧﺘﻴﺠﻪ ﻛﻞ ﻫﺎﻟﺸﻲ ﺍﻟﻲ ﻋﻢ ﻳﺼﻴﺮ ﻭﺑﺪﻫﺎ ﺗﻌﻴﺶ ﻋﻠﻰ ﻣﺰﺍﺟﻬﻦ ﻭﺗﺮﺿﺎ ﻭﺗﺴﻜﻮﺕ .
ﺑﻌﺪ ﺷﻮﻱ ﺧﻠﺼﺖ ﺣﻤﺎﻣﻬﺎ ﻃﻠﻌﺖ ﺑﺮﻭﺑﻬﺎ ﻟﻘﺖ ﻣﻌﺘﺼﻢ ﻃﺎﻟﻊ ﻭﻣﺎﻓﻲ ﻏﻴﺮﻫﺎ ﺑﺎﻟﻐﺮﻓﻪ ﺑﺪﻟﺖ ﺗﻴﺎﺑﻬﺎ ﻭﻧﺸﻔﺖ ﺷﻌﺮﻫﺎ ﻭﻗﻌﺪﺕ ﺗﻔﻜﺮ ﺗﻨﺰﻝ ﺗﺼﺒﺢ ﻋﻠﻰ ﺍﻫﻞ ﺍﻟﺒﻴﺖ ﻟﻜﻦ ﻛﺎﻧﺖ ﻣﺘﺮﺩﺩﺓ ﻟﻜﻦ ﺗﺠﺮﺃﺕ ﻭﻧﺰﻟﺖ ﺑﻬﺪﻭﺀ ..
ﻭﻗﺖ ﻭﺻﻠﺖ ﻟﺼﺎﻟﻪ ﺍﻟﻜﺒﻴﺮﺓ ﺍﻟﻲ ﺑﻘﻌﺪﻭ ﻓﻴﻬﺎ ﺑﺎﻟﻌﺎﺩﺓ ﺷﺎﻓﺖ ﺍﻡ ﺟﻬﺎﺩ ﻭﺳﻠﻔﺎﺗﻬﺎ ﻭﻭﻻﺩﻫﻦ ﻗﺎﻋﺪﻳﻦ
ﻣﺮﺡ : ﺻﺒﺎﺡ ﺍﻟﺨﻴﺮ
ﺯﻳﻨﺐ : ﻫﺎ ﺍﺟﺖ ﺳﻠﻔﺘﻲ ﺍﻟﺠﺪﻳﺪﺓ
ﺩﺍﻟﻴﺎ : ﻭﻻ ﺍﻟﻲ ﺑﻴﺴﻤﻊ ﺑﺼﺪﻕ ﻋﺮﻭﺱ ﻧﺎﺯﻟﻪ ﺍﻟﻀﻬﺮ
ﺍﻡ ﺟﻬﺎﺩ : ﺳﻤﻌﻮﻧﻲ ﺍﻧﺘﻮ ﺍﻟﺘﻨﺘﻴﻦ ﻭﺍﻧﺘﻲ ﺷﻮ ﺑﺪﻙ
ﻣﺮﺡ : ﻣﺎﺍﺍﺍﺍﺍ ﻣﺎ ﺑﺪﻱ ﺷﻲ ﺟﻴﺖ ﺻﺒﺢ ﻭﺑﺲ
ﺍﻡ ﺟﻬﺎﺩ ﻭﻟﻴﻜﻚ ﺻﺒﺤﺘﻲ ﺍﺭﺟﻌﻲ ﻟﻐﺮﻓﺘﻚ ﻭﻣﺎ ﺗﻄﻠﻌﻲ ﻣﻨﻬﺎ ﺍﺯﺍ ﻣﺎﺣﺪﺍ ﻗﻠﻚ ﻓﻬﻤﺎﻧﺔ .
ﻣﺮﺡ : ﺣﺎﺿﺮ
ﺭﺟﻌﺖ ﻣﺮﺡ ﻟﻐﺮﻓﺘﻬﺎ ﻣﻜﺴﻮﺭﺓ ﻭﻣﻜﺴﻮﻓﺔ ﻭﻣﺎﻋﺮﻓﺖ ﺍﻟﻲ ﻋﻤﻠﺘﻮ ﺻﺢ ﺍﻭ ﻏﻠﻂ ﻟﻜﻦ ﻫﻲ ﺣﺒﺖ ﺗﺒﺎﺩﺭ ﺑﺸﻲ ﻟﻜﻦ ﺍﺟﺎﻫﺎ ﺍﻟﺠﻮﺍﺏ ﻭﻋﻠﻰ ﺍﻟﺴﺮﻳﻊ .
ﺿﻠﺖ ﻣﺮﺡ ﻛﻞ ﺍﻟﻨﻬﺎﺭ ﺑﻐﺮﻓﺘﻬﺎ ﻭﻣﺎ ﺗﺤﺮﻛﺖ ﻭﻻ ﻋﻤﻠﺖ ﺍﻱ ﺷﻲ ﺣﺘﻰ ﻣﺎ ﺍﺳﺘﺮﺟﺖ ﺗﻔﺘﺢ ﺗﻠﻔﺰﻳﻮﻥ ﺍﻭ ﺗﺤﻜﻲ ﺗﻠﻔﻮﻥ ﻛﺎﻧﺖ ﺧﺎﻳﻔﻪ ﻳﻀﻞ ﻛﻞ ﺷﻲ ﻣﺤﺴﻮﺏ ﻋﻠﻴﻬﺎ ﻭﻫﻲ ﻣﻮ ﺩﺭﻳﺎﻧﺔ ﺑﺲ ﻛﻞ ﺷﻮﻱ ﻛﺎﻧﺖ ﺗﻄﻠﻊ ﻋﻠﻴﻬﺎ ﺍﻟﻨﺎﻧﺎ ﺍﻭ ﺗﺒﻌﺘﻠﻬﺎ ﻭﺣﺪﺓ ﻣﻦ ﺍﻟﺸﻐﺎﻻﺕ ﻟﺘﺸﻮﻓﻬﺎ ﺍﺯﺍ ﺑﺪﻫﺎ ﺷﻲ ﻭﻛﺎﻧﺖ ﻛﻞ ﻣﺮﺓ ﺗﺮﻓﺾ ﺗﺎﻛﻞ ﺍﻭ ﺗﺸﺮﺏ ﻭﻛﻞ ﻭﻗﺖ ﺗﻘﻮﻝ ﺷﻜﺮﺁ ﻣﺎ ﺑﺪﻱ ﻭﻣﻮ ﻋﺒﺎﻟﻲ ﺷﻲ ﻟﻮﻗﺖ ﻭﺻﻞ ﻣﻌﺘﺼﻢ ﻛﺎﻧﺖ ﺍﻟﺴﺎﻋﻪ ﺑﺤﺪﻭﺩ ﺗﺴﻌﻪ .
ﻛﺎﻧﺖ ﻣﺮﺡ ﻗﺎﻋﺪﺓ ﻋﻠﻰ ﺍﻟﻜﻨﺒﺎﻱ ﻭﺭﺍﻓﻌﻪ ﺭﺟﻠﻴﻬﺎ ﻭﺿﺎﻣﻴﺘﻬﻦ ﺣﺪ ﺑﻌﻀﻬﻦ ﻭﻣﺎ ﻋﻢ ﺗﻌﻤﻞ ﺷﻲ ﻟﻜﻦ ﻭﻗﺖ ﺩﺧﻞ ﻣﻌﺘﺼﻢ ﻧﻘﺰﺕ ﻣﻦ ﻓﺘﺤﺖ ﺍﻟﺒﺎﺏ ﻻﻧﻮ ﻛﺎﻥ ﺭﺍﺡ ﻳﻜﺴﺮ ﺍﻳﺪ ﺍﻟﺒﺎﺏ ﻭﺭﺍﺡ ﻧﺎﺣﻬﺎ ﻣﺘﻞ ﺍﻟﻤﺠﻨﻮﻥ ﻭﻣﺴﻜﻬﺎ ﻣﺎ ﺷﻌﺮﻫﺎ ﻭﺳﺤﺒﻬﺎ ﻟﻌﻨﺪﻭ
ﻣﺮﺡ : ﺷﻮﻭﻭﻭﻭ ﻓﻲ
ﻣﻌﺘﺼﻢ : ﺍﺳﻤﻌﻲ ﻭﻟﻲ ﺍﺯﺍ ﻣﻔﻜﺮﻱ ﺣﺎﻟﻚ ﻫﻮﻥ ﻛﻨﻪ ﻭﻻ ﻭﺣﺪﺓ ﻣﻦ ﻫﺎﺩ ﺍﻟﺒﻴﺖ ﺻﺮﺗﻲ ﺑﺘﻜﻮﻧﻲ ﻏﻠﻄﺎﻧﺔ ﺍﺗﺰﻛﺮﻱ ﺑﺲ ﺍﻧﺘﻲ ﻟﻴﺶ ﻫﻮﻥ ﻭﻣﺸﺎﻥ ﺷﻮ ...... ﺍﻧﺘﻲ ﻫﻮﻥ ﺑﺪﻝ ﻣﺼﺎﺭﻱ ﻳﻌﻨﻲ ﻣﺎ ﺑﺘﺴﻮﻱ ﺷﻲ ﻭﻗﺖ ﺍﻟﺠﺪ .
ﻣﺮﺡ : ﺑﺸﻮ ﻏﻠﻄﺖ ﻭﺷﻮ ﻋﻤﻠﺖ ﻭﺍﻟﻠﻪ ﻣﺎ ﻃﻠﻌﺖ ﻣﻦ ﺍﻟﻐﺮﻓﻪ
ﻣﻌﺘﺼﻢ : ﻭﻋﻢ ﺗﻜﺰﺑﻲ ﻛﻤﺎﻥ ﻟﻜﻦ ﻣﻴﻦ ﺍﻟﻲ ﻧﺰﻝ ﻟﻌﻨﺪ ﺍﻣﻲ ﺻﺒﺢ ﻭﺁﻝ ﺷﻮ ﺟﺎﻳﺔ ﺻﺒﺢ ﻋﻠﻴﻜﻦ .
ﻣﺮﺡ : ﻣﺰﺑﻮﻁ ﺑﺲ ﺍﺗﺮﻛﻨﻲ ﻟﻔﻬﻤﻚ ﺍﻟﻲ ﺻﺎﺭ
ﺑﻌﺪ ﻣﻌﺘﺼﻢ ﻋﻨﻬﺎ ﻭﺗﺮﻛﻬﺎ ﻟﺘﺤﻜﻲ
ﻣﻌﺘﺼﻢ : ﺍﻱ ﺷﻮ ﺻﺎﺭ
ﻣﺮﺡ : ﻭﺍﻟﻠﻪ ﺍﻟﻌﻈﻴﻢ ﺍﻧﺎ ﻛﻨﺖ ﻧﺎﺯﻟﻪ ﺻﺒﺢ ﻭﻗﻠﺖ ﻳﻤﻜﻦ ﻫﺎﺩ ﻭﺍﺟﺐ ﻭﻣﺎﺑﻌﺮﻑ ﺷﻮ ﺍﻟﻲ ﺻﺎﺭ ﻭﺍﻣﻚ ﻧﺒﻬﺖ ﻋﻠﻲ ﺍﺭﺟﻊ ﻟﻐﺮﻓﺘﻲ ﻭﻣﺎ ﺍﻃﻠﻊ ﻣﻨﻬﺎ ﺍﺑﺪﺁ ﺍﻻ ﺍﺯﺍ ﺣﺪﺍ ﻃﻠﺒﻨﻲ ﻭﻣﻦ ﻭﻗﺘﻬﺎ ﻣﺎ ﻓﺘﺤﺖ ﺍﻟﺒﺎﺏ ﻭﺍﻟﻠﻪ ﺍﻟﻌﻈﻴﻢ
ﻣﻌﺘﺼﻢ : ﺑﻜﻮﻥ ﺍﺣﺴﻦ ﻭﻫﺎﺩ ﺍﻟﺒﻴﺖ ﺍﻟﻮ ﻧﺎﺳﻮ ﻭﺍﻧﺘﻲ ﻣﻮ ﻣﻨﻬﻦ ﻟﻬﻴﻚ ﺑﺘﺤﺘﺮﻣﻲ ﺣﺎﻟﻚ ﻭﻣﻦ ﻫﻞ ﺍﻟﻐﺮﻓﻪ ﻣﺎ ﺑﺘﻄﻠﻌﻲ ﻟﻮ ﺑﺘﻤﻮﺗﻲ ﻓﻴﻬﺎ
ﻣﺮﺡ : ﺣﺎﺿﺮ
ﻭﻃﻠﻊ ﻣﻌﺘﺼﻢ ﻭﺗﺮﻙ ﻣﺮﺡ ﺑﺪﻣﻮﻋﻬﺎ ﻭﺑﻜﺎﻫﺎ ﻭﻗﻬﺮﻫﺎ
ﺍﻟﺠﺰﺀ ﺍﻟﺨﺎﻣﺲ
ﻣﺮﻕ ﺍﺳﺒﻮﻉ ﻋﻠﻰ ﻭﺟﻮﺩ ﻣﺮﺡ ﺑﺒﻴﺖ ﻣﻌﺘﺼﻢ ﻟﻜﻦ ﻣﻦ ﻏﺮﻓﺘﻬﺎ ﻣﺎ ﻋﻢ ﺗﻄﻠﻊ ﻟﺪﺭﺟﻪ ﺍﻧﻬﺎ ﺣﺴﺘﻬﺎ ﻗﺒﺮﻫﺎ ﻣﻮ ﺑﺲ ﻏﺮﻓﺘﻬﺎ ﻭﺻﺎﺭ ﺍﻻﻛﻞ ﺣﺘﻰ ﻭﺗﺸﺮﺏ ﻋﻠﻰ ﺍﻟﺴﺆﺍﻝ ﺑﺘﺤﺒﻲ ﺗﺎﻛﻠﻲ ﺍﻭ ﻷ ﻭﻛﺎﻥ ﻛﻞ ﺍﻟﻮﻗﺖ ﺗﺮﻓﺾ ﻣﺮﺡ ﺍﻻﻛﻞ ﻭﺍﻟﺸﺮﺏ ﻻﻧﻮ ﻣﺎﻟﻬﺎ ﻧﻔﺲ ﻭﻋﻢ ﺗﺤﺲ ﻟﻮ ﺑﺪﻫﺎ ﺗﺎﻛﻞ ﻟﻘﻤﻪ ﻭﺣﺪﺓ ﻋﻨﺪﻫﻦ ﺗﻨﺤﺴﺐ ﻋﻠﻴﻬﺎ ﻟﻬﻴﻚ ﺣﺒﺖ ﺗﺤﺘﻔﻆ ﺑﺒﺎﻗﻲ ﻣﻦ ﻛﺮﺍﻣﺘﻬﺎ ﻭﺗﺮﻓﺾ ﺍﻱ ﺷﻲ ﻣﻨﻬﻦ ﻟﻴﻮﻡ ﺩﺧﻠﺖ ﺍﻟﻨﺎﻧﺎ ﻣﺮﻳﻢ ﻋﻠﻰ ﻣﺮﺡ ﻭﻟﻘﺘﻬﺎ ﻋﻢ ﺗﺒﻜﻲ
ﺍﻟﻨﺎﻧﺎﻣﺮﻳﻢ : ﻣﺮﺡ ﺧﻴﺮ ﺑﻨﺘﻲ ﺷﺒﻚ
ﻣﺮﺡ : ﻧﺎﻧﺎ ﺍﺑﻲ ﺑﺪﻱ ﺍﺗﻄﻤﻦ ﻋﻠﻴﻪ ﻗﻠﺒﻲ ﻣﺘﻞ ﺍﻟﻨﺎﺭ ﻋﻠﻴﻪ ﻣﺎ ﺑﻌﺮﻑ ﻟﻴﻪ ﺣﺎﺳﺔ ﻓﻲ ﺷﻲ ﻣﻮ ﻣﻨﻴﺢ
ﺍﻟﻨﺎﻧﺎ ﻣﺮﻳﻢ : ﻭﻛﻠﻲ ﺭﺑﻚ ﻳﺎ ﺑﻨﺖ ﺍﻟﺤﻼﻝ ﺍﻛﻴﺪ ﺑﻜﻮﻥ ﻣﻨﻴﺢ ﺑﺲ ﻫﺎﺩ ﻛﻠﻮ ﻻﻧﻚ ﻣﺸﺘﺎﻗﻪ ﺍﻟﻮ
ﻣﺮﺡ : ﺍﻥ ﺷﺎﻟﻠﻪ ﺑﺲ ﺑﺪﻱ ﺍﺗﻄﻤﻦ ﻋﻠﻴﻪ ﻣﺸﺎﻥ ﺍﺍﻟﻠﻪ
ﺍﻟﻨﺎﻧﺎ ﻣﺮﻳﻢ : ﺍﻧﺎ ﺍﻧﺎ ﺑﺤﻜﻲ ﻣﻊ ﻣﻌﺘﺼﻢ ﻭﺑﻘﻠﻮ ﻳﺎﺧﺪﻙ ﻟﻌﻨﺪﻭ ﺍﻭ ﺣﺘﻰ ﻳﻌﻄﻴﻜﻲ ﺗﻠﻔﻮﻥ ﺗﺘﻄﻤﻨﻲ ﻋﻠﻴﻪ
ﻣﺮﺡ : ﺍﻱ ﻧﺎﻧﺎ ﺍﺍﻟﻠﻪ ﻳﺨﻠﻴﻜﻲ ﻭﺍﻟﻠﻪ ﺍﻟﻌﻈﻴﻢ ﻋﻢ ﺍﺣﺘﺮﻕ ﻣﻦ ﺟﻮﺍ
ﺍﻟﻨﺎﻧﺎ ﻣﺮﻳﻢ ﺧﻠﺺ ﻋﻨﺪﻱ .
ﺑﺄﺧﺮ ﺍﻟﻴﻮﻡ ﺩﺧﻞ ﻣﻌﺘﺼﻢ ﻟﻌﻨﺪ ﻣﺮﺡ ﻭﻫﻮ ﻋﻢ ﻳﺤﻜﻲ ﺗﻠﻔﻮﻥ ﺑﺸﻐﻞ ﻭﻗﺖ ﺧﻠﺼﻮ ﺍﻟﺘﻔﺖ ﻟﻤﺮﺡ ﺍﻟﻲ ﻛﺎﻧﺖ ﻗﺎﻋﺪﺓ ﺑﻌﻴﺪ ﻋﻨﻮ ﻟﺤﺘﻰ ﻣﺎ ﺗﺰﻋﺠﻮ ﺑﻮﺟﻮﺩﻫﺎ
ﻣﻌﺘﺼﻢ : ﺍﻱ ﺳﺖ ﻣﺮﺡ
ﻣﺮﺡ : ﻧﻌﻢ
ﻣﻌﺘﺼﻢ : ﺍﻝ ﺑﺪﻙ ﺗﺤﻜﻲ ﻣﻊ ﺍﺑﻮﻛﻲ
ﻣﺮﺡ : ﺍﻟﻠﻪ ﻳﺨﻠﻴﻚ ﺍﻟﺒﻲ ﻣﺘﻞ ﺍﻟﻨﺎﺭ ﻋﻠﻴﻪ
ﻣﻌﺘﺼﻢ : ﻃﻴﺐ ﻣﺎﺷﻲ ﺗﻌﻲ ﺧﺪﻱ ﺩﻗﻴﻠﻮ
ﺭﻛﻀﺖ ﻟﻌﻨﺪﻭ ﻭﺍﺧﺪﺕ ﺍﻟﺘﻠﻔﻮﻥ ﻭﺩﻗﺖ ﻷﺑﻮﻫﺎ
ﺃﺑﻮﺃﻣﺠﺪ : ﺍﻟﻮ
ﻣﺮﺡ : ﺑﺎﺑﺎ ﻛﻴﻔﻚ
ﺃﺑﻮﺃﻣﺠﺪ : ﺍﻫﻼ ﻳﺎﺑﻨﺘﻲ ﻛﻴﻔﻚ ﺍﻧﺘﻲ
ﻣﺮﺡ : ﻣﺸﺘﺎﻗﺘﻠﻚ ﻛﺘﻴﺮ ﻳﺎ ﺍﻟﺒﻲ ﻭﻧﺎﻗﺼﻨﻲ ﺷﻮﻓﺘﻚ ﺑﺲ
ﺍﺑﻮﺃﻣﺠﺪ : ﺍﻧﺎ ﺑﺨﻴﺮ ﺍﻟﺤﻤﺪﺍﻟﻠﻪ ﻭﻗﺖ ﺍﺳﻤﻌﺖ ﺻﻮﺗﻚ ﺻﺮﺕ ﺍﺣﺴﻦ
ﻣﺮﺡ : ﻛﻴﻒ ﻭﺿﻌﻚ ﻋﻢ ﺗﺎﻛﻞ ﻋﻢ ﺗﺎﺧﺪ ﺍﺩﻭﻳﺘﻚ ﻣﻨﻴﺢ
ﺃﺑﻮﺃﻣﺠﺪ : ﺍﻱ ﻭﺍﻟﻠﻪ ﻫﺎﺩ ﺍﻟﻤﻤﺮﺽ ﺍﻟﻲ ﻋﻨﺪﻱ ﻋﻢ ﻳﻌﻄﻴﻨﻲ ﻛﻞ ﺷﻲ ﺑﻮﻗﺘﻮ ﻭﻣﻮ ﻣﻘﺼﺮ
ﻣﺮﺡ : ﺃﺷﺘﻘﺘﻠﻚ ﺣﺒﻴﺒﻲ ﺃﺷﺘﻘﺘﻠﻚ ﻛﺘﻴﺮ
ﺃﺑﻮﺃﻣﺠﺪ : ﻭﺍﻧﺎ ﺃﻛﺘﺮ ﻳﺎ ﻋﻤﺮﻱ ﻃﻤﻨﻴﻨﻲ ﻋﻨﻚ ﻛﻴﻔﻚ ﺍﻧﺘﻲ ﻭﺟﻮﺯﻙ ﻭﺑﻴﺖ ﺣﻤﺎﻛﻲ ﺍﻥ ﺷﺎﻟﻠﻪ ﺗﻌﻮﺩﺗﻮ ﻋﺒﻌﺾ ﻭﺍﻥ ﺷﺎﻟﻠﻪ ﺭﺿﻴﺎﻧﻴﻦ ﻋﻠﻴﻜﻲ
ﻣﺮﺡ : ﺍﻱ ﺑﺎﺑﺎ ﻛﺘﻴﺮ ﺑﺤﺒﻮﻧﻲ ﺑﻴﺖ ﺣﻤﺎﻱ ﻭﻣﻮ ﻣﻘﺼﺮﻳﻦ ﻣﻌﻲ ﺑﺸﻲ ﻭﺍﻧﺎ ﻛﺘﻴﺮ ﺣﺒﻴﺘﻦ
ﺃﺑﻮﺃﻣﺠﺪ : ﻭﺟﻮﺯﻙ ﻛﻴﻔﻮ ﻣﻌﻚ ﺍﻥ ﺷﺎﻟﻠﻪ ﻳﻜﻮﻥ ﻣﺒﺴﻮﻁ ﻣﻨﻚ
ﻣﺮﺡ : ﺍﻱ ﻛﺘﻴﺮ ﻣﺒﺴﻮﻁ ﺟﻮﺯﻱ ﻭﺍﻧﺎ ﻣﺒﺴﻮﻃﻪ ﻣﻌﻮ ﻛﺘﻴﺮ ﻛﺘﻴﺮ ﻣﺎ ﺗﻬﻜﻞ ﻫﻤﻲ
ﺃﺑﻮﺃﻣﺠﺪ : ﺍﻱ ﻳﺎﺑﻲ ﺑﻴﻀﻴﻠﻲ ﻭﺷﻲ ﻣﻊ ﺍﻟﻨﺎﺱ ﻣﺎﺑﺪﻱ ﻳﺠﻲ ﺷﻲ ﻧﻬﺎﺭ ﻭﻳﺤﻜﻮ ﻳﻜﺴﺮ ﺍﻳﺪﻭ ﻋﻠﻰ ﻫﻴﻚ ﺗﺮﺑﺎﻳﺔ
ﻣﺮﺡ : ﻭﺷﻚ ﺍﺑﻴﺾ ﻳﺎ ﻋﻴﻮﻧﻲ ﻭﻟﻮ ﺗﺮﺑﺎﻳﺘﻚ ﺍﻧﺎ ﻋﻠﻰ ﺭﺍﺳﻲ ﺭﺍﺡ ﺷﻴﻞ ﺍﻟﻜﻞ ﻭﻻ ﻳﻨﻬﺰ ﺍﺳﻤﻚ ﺑﻜﻠﻤﻪ
ﺃﺑﻮﺃﻣﺠﺪ : ﺍﻟﻠﻪ ﻳﺮﺿﻰ ﻋﻠﻴﻜﻲ ﻳﺎ ﺑﻨﺘﻲ
ﻣﺮﺡ : ﺍﻧﺎ ﺍﻥ ﺷﺎﻟﻠﻪ ﺭﺍﺡ ﺍﺟﻲ ﻭﺯﻭﺭﻙ ﺍﻛﻴﺪ
ﺃﺑﻮﺃﻣﺠﺪ : ﻻ ﺑﻨﺘﻲ ﺧﻠﻴﻜﻲ ﻣﻊ ﺑﻴﺖ ﻋﻤﻚ ﻟﺴﺎﻛﻲ ﻋﺮﻭﺱ ﻭﻣﺎ ﺣﻠﻚ ﺗﻔﻮﺗﻲ ﻭﺗﻄﻠﻌﻲ ﻛﻠﻦ ﺍﺳﺒﻮﻉ ﺍﻟﻲ ﻣﺘﺠﻮﺯﺓ ﻓﻲ ﺻﺮﺗﻲ ﺑﺪﻙ ﺗﻄﻠﻌﻲ ﻋﻴﺐ ﻣﺎ ﺑﺼﻴﺮ
ﻣﺮﺡ : ﻣﺘﻞ ﻣﺎ ﺑﺪﻙ ﻳﺎﺑﻲ
ﺃﺑﻮﺃﻣﺠﺪ : ﺍﻱ ﻟﻜﻦ ﺭﻭﺣﻲ ﻭﺷﻮﻓﻲ ﺟﻮﺯﻙ ﻭﺑﻴﺖ ﺣﻤﺎﻛﻲ ﻭﺩﻳﺮﻱ ﺑﺎﻟﻚ ﻋﻠﻴﻬﻦ
ﻣﺮﺡ : ﺣﺎﺿﺮ ﺑﺎﺑﺎ
ﺃﺑﻮﺃﻣﺠﺪ : ﻣﻬﻮﻧﺔ ﺑﻨﺘﻲ ﺍﻟﻠﻪ ﻳﻜﻠﻠﻚ ﺑﺮﺿﺎﻩ ﻳﺎﺭﺏ
ﻣﺮﺡ : ﺑﺎﻱ ﺑﺎﺑﺎ
ﻛﻞ ﺍﻟﻤﻜﺎﻟﻤﻪ ﻭﻣﻌﺘﺼﻢ ﻋﻢ ﻳﺴﻤﻊ ﻓﻴﻬﺎ ﻻﻧﻮ ﻣﻦ ﺑﺪﺍﻳﺘﻬﺎ ﻓﺘﺢ ﺍﻟﺴﻤﺎﻋﻪ ﺍﻟﺨﺎﺭﺟﻴﻪ ﻭﻋﻢ ﻳﺴﻤﻊ ﻛﻞ ﺷﻲ ﻻﻧﻮ ﺑﻄﺒﻌﻮ ﻓﻀﻮﻟﻲ ﺷﻮﻱ ﻟﻜﻦ ﻣﺮﺡ ﻣﺎﻛﺎﻥ ﻋﻨﺪﻫﺎ ﻣﺸﻜﻠﻪ ﺍﻟﻤﻬﻢ ﺍﻧﻬﺎ ﺗﺤﻜﻲ ﺍﺑﻮﻫﺎ ﻭﺗﻄﻤﻦ ﻋﻠﻴﻪ ﻭﻗﺖ ﺳﻜﺮﺕ ﺍﻟﺨﻂ ﺑﻜﻴﺖ ﺑﻬﺪﻭﺀ ﺗﺎﻡ ﻭﻛﺎﻥ ﻣﻌﺘﺼﻢ ﻣﺼﺪﻭﻡ ﻣﻦ ﺭﺩﻫﺎ ﻋﻠﻰ ﺍﺑﻮﻫﺎ ﻭﺧﺼﻮﺻﻲ ﺗﺒﻊ ﺍﻟﻜﻞ ﺑﺤﺒﻬﺎ ﻭﺟﻮﺯﻫﺎ ﻣﺒﺴﻮﻁ ﻭﺭﺍﻳﻖ ﻣﻨﻬﺎ ﻟﻮﻗﺖ ﻳﻔﻜﺮ ﺍﻧﻬﺎ ﻭﺣﺪﺓ ﻛﺰﺍﺑﺔ ﻭﻟﻮﻗﺖ ﻳﻔﻜﺮ ﺍﻧﻬﺎ ﻋﻢ ﺗﺘﻮﻫﻢ ﺑﺎﻷﺧﺮ ﺣﺐ ﻳﺪﺟﻬﺎ ﺑﻮﺷﻬﺎ ﻭﻳﺤﻜﻴﻬﺎ ﺑﺼﺮﺍﺣﻪ ﻭﻳﻔﻬﻢ ﻣﻨﻬﺎ ﻟﻴﺶ ﻫﻴﻚ ﺣﻜﺖ
ﻣﻌﺘﺼﻢ : ﺷﻮﻭﻭﻭﻭﻭﻭ ﻛﺰﺍﺑﺔ ﻛﻤﺎﻥ
ﻣﺮﺡ : ﺍﻧﺎ ﻟﻴﺶ
ﻣﻌﺘﺼﻢ : ﻟﻜﻦ ﺑﺘﺤﻜﻲ ﻷﺑﻮﻛﻲ ﺍﻧﻚ ﻣﺒﺴﻮﻃﻪ ﻭﺍﻟﻜﻞ ﻫﻮﻥ ﺑﺤﺒﻚ ﻭﻻﺍﺍﺍﺍﺍﺍﺍ ﺍﻧﺎ ﻣﺮﻭﻕ ﻣﻨﻚ ﻓﻮﻗﻬﺎ ﻫﻬﻬﻬﻬﻬﻬﻪ ﺿﺤﻜﺘﻴﻨﻲ ﻭﻣﺎﻟﻲ ﻧﻔﺲ
ﻣﺮﺡ : ﺍﻟﻠﻪ ﻳﺴﺎﻣﺤﻚ ﻳﺎ ﺑﻴﻚ ﺑﺲ ﻫﺎﺩ ﺍﻟﻲ ﺑﻄﻠﻊ ﺑﺄﻳﺪﻱ ﺍﺣﻜﻲ ﻟﺮﺟﺎﻝ ﻣﺮﻳﺾ ﻳﻤﻜﻦ ﻫﻞ ﺍﻟﻜﻼﻡ ﺍﻟﺤﻠﻮ ﺍﻟﻲ ﺳﻤﻌﻮ ﻣﻨﻲ ﻣﺎ ﻳﺤﺴﺴﻮ ﺑﺰﻧﺐ ﺍﻧﻮ ﺟﻮﺯﻧﻲ ﻭﻳﻠﻮﻡ ﺣﺎﻟﻮ ﻋﺸﻲ ﻣﺠﺒﻮﺭ ﻋﻠﻴﻪ ﻳﻤﻜﻦ ﻛﺰﺑﺘﻲ ﺍﻟﻲ ﺍﻧﺖ ﻋﻢ ﺗﺴﻤﻴﻬﺎ ﻛﺰﺑﺔ ﺗﺮﻳﺤﻮ ﺑﺎﻗﻲ ﺣﻴﺎﺗﻮ ﻟﺤﺘﻰ ﻣﺎ ﻳﺘﻌﺐ ﺍﻛﺘﺮ ﻭﻳﻨﺪﻡ ﻋﺸﻲ ﻋﻤﻠﻮ ﻟﺤﺘﻰ ﻳﺮﻳﺢ ﺣﺎﻟﻮ ﻓﻴﻪ ﻭﻳﻜﻮﻥ ﻣﻔﻜﺮ ﺑﺪﻝ ﻣﺎ ﺭﻳﺤﻨﻲ ﻣﻦ ﺍﻟﻤﺼﺎﺭﻱ ﺭﻣﺎﻧﻲ ﺑﻨﺎﺭ ﺍﻋﻈﻢ ﺑﻜﺘﻴﺮ ﻭﺍﺯﺍ ﺍﻧﺖ ﺣﺎﺑﺐ ﺍﺗﺴﻤﻴﻬﺎ ﻛﺰﺑﺔ ﻗﻮﻝ ﻛﺰﺑﺔ ﺑﻴﻀﻪ ﻟﺤﺘﻰ ﻣﺎ ﺗﻌﺰﺏ ﺭﺟﺎﻝ ﻣﺮﻳﺾ ﺑﺄﺧﺮ ﻋﻤﺮﻭ .
ﻣﻌﺘﺼﻢ ﻋﻢ ﻳﺴﻤﻊ ﻣﻨﻬﺎ ﻭﺣﺲ ﺍﻧﻮ ﻇﻠﻤﻬﺎ ﺑﺄﺗﻬﺎﻣﻮ ﺍﻟﻬﺎ ﻻﻧﻮ ﻛﺎﻥ ﻣﻌﻬﺎ ﺣﻖ ﺗﺤﻜﻲ ﻷﺑﻮﻫﺎ ﻫﻴﻚ ﻟﺤﺘﻰ ﻣﺎ ﻳﺘﻌﺰﺏ ﺍﻛﺘﺮ ﻟﻬﻴﻚ ﻃﻠﻊ ﻣﻦ ﻋﻨﺪﻫﺎ ﻭﺗﺮﻛﻬﺎ ﻟﻮﺣﺪﻫﺎ ﻭﻫﻲ ﻗﺎﻣﺖ ﻃﻔﺖ ﺍﻟﻀﻮ ﻭﻗﻌﺪﺕ ﺑﺄﺭﺿﻬﺎ ﻭﻛﻤﻠﺖ ﺑﻜﺎﻫﺎ ﻟﺘﻌﺒﺖ ﻭﻧﺎﻣﺖ ﻭﻫﻲ ﺭﺍﻛﻴﻪ ﺍﻳﺪﻫﺎ ﻋﻠﻰ ﻃﺮﻑ ﺍﻟﻜﻨﺒﺎﻱ ...
ﺑﻌﺪ ﺷﻮﻱ ﺭﺟﻊ ﻣﻌﺘﺼﻢ ﺑﺪﻭ ﻳﺒﺪﻝ ﺗﻴﺎﺑﻮ ﺷﺎﻑ ﺍﻟﻀﻮ ﻣﻄﻔﻲ ﻭﻗﺖ ﺷﻌﻠﻮ ﺷﺎﻑ ﻣﺮﺡ ﺑﺄﺭﺿﻬﺎ ﻧﺎﻳﻤﻪ ﺭﺍﺡ ﻧﺎﺣﻬﺎ ﻟﻴﻔﻴﻘﻬﺎ ﺗﻨﺎﻡ ﺑﺎﻟﺘﺨﺖ ﺍﻧﺘﺒﻪ ﻋﻠﻰ ﺧﺪﻭﺩﻫﺎ ﻛﻠﻬﻦ ﺩﻣﻮﻉ ﻭﻋﻴﻮﻧﻬﺎ ﻋﻢ ﻳﻨﺰﻟﻮ ﺩﻣﻮﻉ ﺣﺘﻰ ﻭﻫﻲ ﻧﺎﻳﻤﻪ ﺣﺲ ﺑﺤﺰﻥ ﻧﺎﺣﻬﺎ ﻭﻣﺎ ﻋﺮﻑ ﺷﻮ ﺑﺪﻭ ﻳﻌﻤﻠﻠﻬﺎ ﻟﺤﺘﻰ ﻣﺎ ﻳﻈﻠﻤﻬﺎ ﻻﻧﻮ ﻫﻮ ﺑﻴﻌﺮﻑ ﺍﻧﻬﺎ ﻣﺎﻟﻬﺎ ﺫﻧﺐ ﻭﻛﻞ ﺷﻲ ﺻﺎﺭ ﻣﺎﻟﻬﺎ ﻓﻲ ﺷﻲ ﻭﻫﻲ ﻻ ﺣﻮﻝ ﻭﻻ ﻗﻮﺓ ﻟﻜﻦ ﺍﻟﻈﺮﻭﻑ ﺟﺒﺮﺗﻬﺎ ﻭﺟﺒﺮﺗﻮ ﻋﺸﻲ ﻣﺎﺑﺪﻫﻦ ﺍﻳﺎﻩ .... ﻗﺮﺏ ﺍﻳﺪﻭ ﻟﻜﺘﻔﻬﺎ ﻭﻓﻴﻘﻬﺎ
ﻣﻌﺘﺼﻢ : ﻣﺮﺡ ..... ﻣﺮﺡ
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```