الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵.سري.الحلو.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖```
الثاني
..اللهم صلي ع سيدنا محمد🌹..
🍁حكايات أيلول🍁
بتضل حابسه حالها كل اليوم بغرفتها عم تبكي وافكار تاخدها وتجيبها كانت عم تدعي وتناجد ربها بعمق
فهل سيستجيب ..
أبو أيلا معصب ورايح وجاي وعم يصرخ
لك هي البنت بدها تجبلي الجلطه لك الله يخلصني منها
هناء : اهدى يارجال اهدى مابيسوى مشان صحتك
والله الي صار مو قليل حقك بس يعني خلص شي وصار وكلو نصيب
ببيت أبو سليم ..
سهى خبرتكن ماتروحي انتي وابنك بس مارديتو هيك مبسوطين
أبو سليم : هلق انتي وابنك عندكن علم بأنو البنت مو موافقة وحطيتونا وحطيتوها بهل الموقف
ام سليم : بأرتباك والله مافكرنا هيك رح يصير
أبو سليم :بصراخ عالي لك وصار مبسوطين هيك انتي وابنك
لك كل البنايه بتعرف هل البنت شو مسكينه وخالتها حية من تحت تبن وانتو رايحن والبنت مو رضيانه
لك يخربيتكن من حالكن
سهى : لك بكونهن هلكوها من الضرب
سليم : والله بحسب الله ماخلقهن ادا بيئدوها
سهى : بالله شو كلو بسببك
سليم : اخرسي هاا مو ناقصك
ابو سليم : بقوم من مكانو وهوي كتير زعلان ومعصب مشان أيلا
بأشر بوجه سليم وبقلو لك انت لو انك رجال
مابتقبل ترح تخطب بنت مابتحبك وتحط حالك بهيك موقف وتعرضها للاذى تفو عليك وع تربيتك
بيحنى راسو ومابيقدر يرد على ابوه لانو ع حق
سهى بتتركهن وبتروح لغرفتها وهي زعلانه ع رفيقتها
وهيكك بيمرقو الايام يعني شي اسبوع
وأيلا لساهاا ماعم تطلع من غرفتهاا
أبو أيلا : لا أيمت رح تضلها تتدلل علي بدي قوم اكسر راسها لقليلة الادب
هناء :"بقلبها" تركهاا هيك بلكي بتموت وبرتاح منها
هناء : الي صار عليها مو قليل يارجال وانت ولايهمك
انا قايمه طيب خاطرها بكلمتين وخليها تجي وتعتدر منك
بتقوم هناء وبتدخل لعند أيلا ..
هناء: قومي ولي حيوانة يالله لسا عاملتيلي فيها المسكينه يالله قومي وبلا مشاكل وبوسي رايد ابوكي وخلصيني من درامتك ودرامتو قرفتوني العيشة
أيلا : بتتطلع عليهاا بقرف
هناء لك قومي يالله احسن مايرجع يشوه هل الوجه النشف
أيلا : بتقوم لتتفادى شرهاا لانو الله اعلم شو رح تعبي براس ابوهاوتقلو
بتمشي ناح ابوها وبتبوس ايدو وأول ماتحط شفافها ع ايدو بتقشعر روحهاا وبتبكي بين اديه
هي كتيرر محتاجه حنيتو مو قسوتو هي محتاجه دعمه مو تحطيمو هي بدها دفى بدها اهتمام
بس ولاشي من هدول عندهاا
قلبو بيوجعو وبألمو ع بنتو بيرفهاا لحظنو وبيرئف قلبو عليها بيعتدر منها وببوسها من جبينهاا
وبيجبر خاطرها بكلمتين
أيلا : رغم كلشي بتسامحو وكتير بترتاح بحظنو
بس هناء ابدا ماكانتورضيانه ع هل الشي
وعم تغلي وتفور
ياربي تخلصني منك ع اهون سبب بترجع أيلا : رغم كلشي بتسامحو وكتير بترتاح بحظنو
بس هناء ابدا ماكانتورضيانه ع هل الشي
وعم تغلي وتفور
ياربي تخلصني منك ع اهون سبب بترجع أيلا ع غرفتها وهي ضايعه مابين حزن وفرح ..
بتكتب بدفترها
🎀أقتباس الجزء🎀
أَتخلَّى حتى لو كان الحقّ إلى جانبي. أتعب حتّى من كوني مُحقّاً🍃
🍁حكايات أيلول🍁
هناء : لك شو عيوني كأنك انشغلت عن قصة الهجرة
أبو أيلا : لا مانشغلت اتطمني بس حطيت البيت والدكان عند الدلالين بس يجيهن مشتري كلو سهل بعدها
هناء : الله يسعدك ع هل الخبر الي بفرح
أبو أيلا : اي انا شو بدي غير تضلي مبسوطه
بعد مرور كم نهار أيلا بتكون نايمه واخواتها بلمدرسه
وابوها بشغله ك العادة
بتصحى ع صوت ضحكة هناء بطريقه مو طبيعيه
وعم تحكي ع التلفون بس ماعم تسمع مع مين عم تحكي
بتفتح الباب وبتطلع لتروح تشرب مي
وبتستغرب من لبس هناء
وهناء بتطفي المكالمه دغري
هناء : بأرتباك شو هيك الواحد بيطلع من دون احم ولادستور
أيلا : ولساتها عم تتطلع عليهاا ليش تلبكتي ومع مين عم تحكي وليش سكرتي بهل الطريقه خالتو
هناء : مع اخي وبعدين هاد الي ضل ناقصني تحققي معي عم احكي مع اخي وهوي راح عندو النت وسكرت
قومي انشري الغسيل بسرعه وبلشي بتحظير الاكل قبل مايجو ابوكي واخواتك بسرعه
أيلا : بنظرات كلها تعجب واستفهام بتروح وبتنفد الي خبرتها عليه هناء
هناء بتروح فوا وهي متعرقه ومتلبكه بتغير تيابها
يخرب بيتهاا خوفتني وع شوي كانت سمعت كلشي
أيلا : ماني مطمنتلك يا هناء ☹
الله يجيرني منك
بعد المغرب بيجي ابو أيلا وبيجتمعو ع الاكل
وبخبرهن انو اجاه سعر كتير منيح للدكان والبيت
وانو خلص رح يسافرو
هناء : عنجدد أبو سامي عم تحكي جدد
أبو أيلا : اي جد وجد الجد
سامي : رح نسافر يعني نحنا رح نترك بيتنا والمدرسه ورفقتنا
هناء : اي امي واخيرا رح نطلع من الحياة لمكان احلا واكبر وكلشي موفر
أحلام : يعني رحح نخلص من الفقر هون
هناء : اي ماماا انتو بس دعو تتيسر
أيلا : بينزلو دمعتها من عيونهاا☹😢
هناء : ييي خير انتي كمان شبك بلشتي نكد
أيلا : ولا شي سلامتك بهنيكي نفدتي الي براسك هناء خانم ☹
هناء : ييي ليش هيك عم تحكي بنتك
أبو أيلا : تعالي اعتدري من خالتك ولي احسن ما امسح الارض فيكي
أيلا : مو جديده عليك بابا قوم وكا العاده كسر قلبي قبل عظامي ☹
أبو أيلا : بيسكت وبيتجاهلها
هناء : شفت كيف انت الي عم تكبر براسها هي رمت كلمتك بلارض ومشيت
أبو أيلا : خلصنا انتي التانيه لاتظلي تحكي
سامي : ببراءة انا بعرف ايلا ليش مابدها تسافر
لانو رح تترك قبر امهاا الي مالها غيرو هي خبرتني
هناء : لاحولاة ولاقوة الابالله كأنها عم تتفرج ع افلام هنديه زياده هل الايام ..
أبو أيلا بيترك الصفرة وبقوم بهم
وهناء بتبهدل سامي لانو حكا هل الكلام
أما أيلا سارحه وعم تبكي وعم تتأمل بغرفتها الي كانت ملجأها الوحيد بكل مشاعرها
المرة اقتباسهاا الي رح تكتبو بكون ع الشباك الي مليه البخار ..
🎀اقتباس الجزء🎀
"لستُ حزين، أنا مُحطمّ، مُنهك من كثره زحام الالم في أيامي 🍃
بليوم التالي خلص بيعلنو هجرتهن قدام الكل
وبكون القرار النهائي
أبو أيلا : لك ناقصنا لسا مصاري شو بدنا نعمل
هناء : مابعرف شقد يعني ناقصك
أبو أيلا : يعني فيكي تقولي حق تهريبت واحد مننا
هناء : ايوااا والله مو قليل
أبو أيلا : والحل لاتنسي وقعنا ع بيعت البيت والدكان
خلص هاتي دهباتك ومنعوضهن هنيك
هناء : شو دهبي
أبو أيلا : اي دهبك ولا نسيانه انتي الي ورطتيني هل الورطه
هناء : بس انا عندي حل غير الدهب
أبو أيلا : اتفضلي لنشوف
هناء : شو رئيك نترك أيلا عند بيت اخوك مازن
أبو ايلا : شو هاد شو تفضلتي
هناء : اي وهنيك منعمللها لم شمل ومامنتخسر عليها هيك
أبو أيلا : بدورها براسو للحظات بعدين مابتنبلع معو بقلها يا كلياتنا يا هل الروحه كلها بلاها
هناء : بتكز ع سنانها بلئم طيب خود هي الدهب
لك متل الهم هل البنت
أبو أيلا : لا حولاه ولاقوة الا بالله احسن شي
بروح ببيع الدهب وبيتفق مع المهرب
الي رح يطالعهن
أيلا : عم يتحس حالها رح تموت مخنوقه وتعبانه
عم تظب الغراض معهن وعم تتمزق روحهاا بهل الطلعه
بكون ضالل ساعتين ع السفرة
وكل أقربأهن عندهن ...عم يودعوهن
وحتى بيت أبو سليم ..
أيلا : الدمعه بتكون حايرة بعيونها ومختنقه ...
وسهى عم تحاول تكسر عليها وتصبرها
أيلا : لك مخنوقه وكأني رايحه ع الموت خايفه وضايعه
مابدي نروح بدي ظل هون ببيت امي
سهى بتحضنهاا وبتشد عليهاا
سهى : يروحي انتي روحي رح تطلع ع فراقك
بس وعسى ان تكرهو شيئ وهوا خيراً لكم
أيلا : ان شالله خير ليكي سهى يروحي انا هلق رح روح واتركك
رح روح لعند قبر امي ودعها ماظل معي وقت
سهى : انتبهي ع حالك يروحي
بيحظنو بعضهن لا اخر مرة وأيلا بتاخد ادن ابوها
وبتروح ع المقبرة
هي ورايحه وعم تمسح دموعها الي عم ينزلو بكل جهاشه وحرقه
بتتفاجأ وقت تلاقي سليم عم ينتظرها هنيك عند القبر
بتمسح دمعاتها
سليم قبل ماتسأله عن سبب تواجده
سليم : كنت بعرف مارح اقدر شوفك وكنت مأيقن انك رح تجي لهون انا جيت لودعك واعتدر منك واتمنالك
حياة حلوة
أيلا : شكرا الك سليم وانت كمان الله يبعتلك السعاده
والبنت الي تستاهلك
سليم : بحسرة الله يسلمك والك كمان
🍁حكايات أيلول🍁
ببعد سليم عن مكانها لتاخد راحتها بوداع امها
بقرب أيلا من قبر امها بتتلمس الحجر الي مكتوب عليه اسمها
بتتفتل حواليه
أيلا :في خنقه هون حاسة في شي رح ينفجر جواتي
يا أمي رح نروح
انا خايفة يامي ليكي صدقيني حتى ولو بعدت عنك بس هون روحي رح تضل
رح ادعيلك كتير يا امي" بصوت مبحوح "
بنتك كتير خايفه ومافي حدى يحن عليها
بنتك ضايعه
امي يامي الله يخليكي ادا عم تحسي في ارضي علي
وتمنيلي الخير ادعلي يا امي
وبزود بكائها بصوت مرتفع
خلص بتبكي بتبكي وبتسقي الزراعات فوق القبر لا اخر مرة
صار وقت تمشي وقلبها عم يوجها وكأنو امها عايشه ورح تفارقها
بتبرم ضهرها بعد ماتماسكت
بتلاقي سليم وراها ..
بتتطلع فيه بعيونها الي صارو متل الدم من البكي
سليم : ياريتني عرفت اجدبك واخد قلبك
وماخليتك تبعدي
بتحني راسها للأرض ودموها عم ينزلو بصمت
وهون سليم بكون نار الي بقلبو ماعاد يسيطر عليهاا
بشد ايلا ع حضنو وبشد عليها اكتر
أيلا : ماكانت حابه تصرفه ولكن هي بحاجة الحظن
وبيبكو تنيناتتهن
بعد عناق دام للحظات
بتبعد ايلا : بتمنالك حياة سعيده
وادا عنجد حبيتني ولو ليوم بتجي كرمالي وبتسقي
زراعات الي ع قبر امي
ظل طلطل عليها
سليم : من عيوني انتبهي ع حالك
أيلا : وانت كمان يالله سلام مدري بتمنا يكون الى اللقاء
سليم : ان شالله رح تروحو وبتخلص الحرب وبترجعو
أيلا : ان شالله
وهون بكون اهلهاا لحقوها ع المقبرة بيجي ابوها
وبياخدها
أيلا : مابدك تقرألها الفاتحه لماما قبل ماتمشي بابا
أبو أيلا : بعجله هلق ماعاد نلحق بقرألها ياها بلسيارة
أيلا : وبتزعل اكتر براحتك ..
سليم براقب السيارة الي اخدتهن لتغيب عن عينو
سليم : بزعل وحسرة بسلامه يا أيلا
توصلي بسلامه وشوف وجهك ع خير يارب
بيمشي ليتجه ع بيتهن بخطوات بطيئة مليها الحزن
السيارة عم تمشي ....
الكل عم يطلع ببعضو بصمت
السائق : لوين الوجها اخي لوين المنطقه الي ناوين تهاجرو عليها
أبو أيلا : ع ألمانيا
السائق : بلبحر مو هيك تهريب
ابو أيلا : اي والله الله يفرجها حسن شي
السائق : الله لايسامح الي كان السبب بتهجير هل العباد
أبو أيلا : امين اخي امين
السائق : بس والله يا اخي مو أمنه هل الروحه ماعم تشوف الاخبار وكيف الناس عم تغرق الحالة بتأسي
وهون أيلا بتزود خنقتها اكترر بتطلع بهل لطريق وبتتنهد ودمعتها مابتنشف
🍁حكايات أيلول🍁
من ضيعة لضيعه ومن مدينه لمدينه
بيطلعو من سوريا ....
وبيستلمهن شخص تاني ع حدود تركياا
الي هي النقله التانيه قبل الرحلة الاخيرة
سامي : ماما انا تعبت كتيرر
هناء : هلق ماما صرار اليل بتاكل سندويشه وبتنام
لاتضل تتغمى
أحلام : بمكر بتهمس تركيه طالع لا اختو ماما بحب الدراما ههه
هناء : يي يبعتلك الهنا اسكتي لايسمعك ابوكي
مو شايفته ماعم يتحكا
خاف تغلا عليه بنتو هلق
أحلا : هههه
أيلا : سمعانه الحكي كلو بس ولا بتلتفت وبتضل حاطه سامي اخوها بحظنهاا وشاده عليه
سامي كان كتير معاملتو وعلاقتو فيها بتجنن
مع انو صغير بس كان كتير حنون عليهاا ويزعل عليها
السيارة عم تمشي وتمشي ساعات من السفر المتواصله ..
وكل ماعم يقطع وقت أيلا عم تحس بشي غريب
السائق : ربع ساعه ومنوصل لمكان السفرة
أبو أيلا : بقلق الله يسر يارب
هناء عم تتطلع بأيلا ولولاد وتاخد انفاسها بسرعه
أيلا عم تحس انه في في شي جواتهاا رقد
في شي عم ينتزع روحها منهاا بسلام
السائق : لهون الحمدالله ع سلامتكن ياجماعه
الله يسرلكن وتوصلو بسلامه اخي
أبو أيلا : تسلم اخي تسلم تفضل هي اجرتك ويعطيك العافيه
بس بدي عدبك يا أخي نحنا كيف رح ننزلعند البحر
السائق : لا انت ماعليك انا هلق رح اتصل بألي رح يتولو امركن
وهنن بيجو بياخدوكن من هون
أبو أيلا : بهز براسو بقلق وبيتلفت حواليه
السائق : أي ياريس وصلو الجماعه شو اسمك اخي
أبو أيلا : انا محمد ال**أبو سامي
السائق : محمد ابو سامي اي هنن عند الحرش
تماما ياريس محل مابتركلك ياهن كل مرة
الله معك الله معك
بيسكر التلفون السائق وبيتمنالهن السلامه لا اخر مرة
وبينطلقةبسيارته
كان الهوا بارد كتير سامي: ماماا كتير برد
هناء : تمام خلص لاتضل تنق تعال لحضني ونام
أبو أيلا : لك شبك ع مهلك ع الصبي
نحنا الكبار رح نتجمد كيف الطفل
وبيحني رلسو بحزن وهوي عم يشوف الخوف بعيون ولادو
أيلا : خلص في شي جواتهاا استقر وكأنهاا ماعادت بهل الدنيا بس لساا في غصه مو عارفه سببها
بس كانت كتير صعبه هل الخنقه
احلام وولادها بيقعدو على حرف الطريق وبتغمرهن
وكان أبو أيلا عم يروح ويجي بخطوات متكررة
برد كتير اصوات الحيوانات اليليه والحشرات طاغي ع المكان في صوت للبحر قريب كان صوته مخيف جدا
وهاد عم يزيد التوتر
بتقرب أيلا من ابوها الي بانت عليه ملامح الندم والرهبه وبترمي حالها بحظنه وبتغمره بقوة كبيرة
وبتحبس دمعتها وبتقوى غصتهاا
ليغمرها ابوها بحنيه كبيره من زمان ماشعرت فيها
وهون بيعلا صوت أذان الفجر بصوت مأذن عذب
بيشفي الارواح
.اللهم صلي على النبي🌹.
🍁حكايات أيلول 🍁
بتمسح دمعتهاا ويطبطب ابوها عليها بحنيه
أبو أيلا : رح نكون بخير لاتخافي
أيلا : بأدن الله
وشوي بيوصل شب
الشب : انت محمد ابو سامي
أبو أيلا : اي ابني أنا
الشب : يالله بسرعه قومو رح يطلع الضوء بسرعه
هلق الجندرما بتعبي المكان
هناء : يالله ياولاد قومو رح نطلع
بيمشي الشب وبيلحقوه هنن بيوصلو الشط كان في كتير ناس وصوت ولاد عم تبكي
كان في رعب بعيون الكل
السؤال براس أيلا عم يدور "كل هل الناس هربانه من الحرب والموت
كل هل الناس خايفه ع ولادهاا معقول ؟؟؟
هنن كيف عم ياخدوهن من موت لموت
مابخافو يغرقو متل ماقال الرجال ياربي ليش هيك صار علينا كانت بلادنا حلوة
وكنا كتير مبسوطين بتطلع ع هل البحر الي صوته
عم يرج رج الموج الي عم يتصادم بلصخور
صوت الناس بتحس بختناق اكبير وبيختل توازنهاا لفترة
بتتماسك بلشت القوارب تتعبا بهل الناس
وتمشي بهل البحر
كان البحر هايج بهداك اليوم والكل عم يتمنا يوصل بأقل الخسائر
الحظات عم تمر متل البرق قدامهاا بس عم ينحفرو براسها حفر
وهون بصير دورهن بيطلعو
هناء : تمسكوا ياولاد سامي تعال لحظني أحلام وانتي اتمسكي بأبوكي منيح
محمد : اتمسك بأحلام كتيرر منيح
كان الكل محاوط ولادو وعم يقرأو المعودات ودعاء السفر ..
وهون بيصيح المهرب يالله قولو يارب ...
وبيبحر القارب الي خالي كليااا من التأمين ...
الموج عم ياخدهن ويجيبهن عم يبعدو اكتر عن الشط
وبلش يتلاشى رئيه الاضوية عليهن
تنهيدات عم تتعالااا
ودعوات عم تندعى ارواح خايفه وارواح عم تخطط للغدر
في موجه بتجي كتيرر قويه وبتهز القارب هزز
بيصرخ الكل كان شعور الغرق محاوطهن كلهن ...
أيلاا : بتقرب من ابوهاا وبتتمسك فيه اكترر
وهوي بشد ع أيدهااا اكتر
بقلبو أبو أيلا : ياريتني ماطلعت ولاطعتك ياهناء
كل لحظة خوف عم يعيشوهاا هل الولاد بيسو الدنيا
اخ اخ بس شو ينفع الندم
ياترة شو مخبيلهن البحر الي الكل بيوصفه بلغدار
بس معقول في ناس غدارة اكتر من البحر
🍁حكايات أيلول🍁
#
🍁حكايات أيلول🍁
بمكان تاني ....
نهاد : أدم يا أدم حبيبي قوم يالله عم يرن منبه تلفونك
جهزتلك القهوة
أدم : يالله يالله قايم
نهاد : لك قوم هلق بتتأخر وبتحط الحق علي
أدم : بقوم وبيتجلس
بيفرك عيونه بنعس بيمسح ع شعرو
أدم : وهي فقت صباح الخير
نهاد : لك وطي صوتك لايصحو البنات ..صباح الخيرات
أدم : رح غسل وجهي وارجع
بغسل وجهو وبزبط شعراتو ع المراي
وبيرجع بيشرب فنجان قهوتو
عم يرتشف من منجان قهوتو بيرفع نظرو بلاقي نهاد عم تتطلع عليه
أدم بيطلع فيهاا وبيعرف شو في مخبى بقلبهاا
أدم :شبك
نهاد : بنظرات حزن ولاشي
أدم : كا العادة ماهيك ؟؟
نهاد : عم خاف عليك وع حالي وع البنات
هاد مو شغل عم ظل ع اعصابي لترجع عم تغيب بليومين والتاتة
اعصابي عم تتلف كل سفرة لحتى ترجع
بحط فنجان قهوتو ع حرف الطاولة وبقرب منعا متل العادة ليهون عليها وراضيها بكم كلمه
أدم : لاتخافي ولاتحطي بقلبك اناا اخد احتياطاتي
ومابيصير غير الي الله كاتبه
نهاد : انا بعرف هاد الشي بس مو حابه هل الشغل مو حابتو
ليش ماعم تفهمني ليشش
أدم : بعصبيه هاديه خلصنا لاتخافي بأدن الله مابيصير علي شي
رح قوم البس حيبيلي جراباتي والجاكيت الاخضر اليوم الجو كتيرر برد وهاد الجاكيت سميك
نهاد : حاظر بحزن بلفعل بتجيبهن وهوي بيلبس ع الساكت مشان بناتو ومايصحو
ببوس بناتو وبيتأملهن متل العاده بيشعر بلحنيه الكبيرة
وقت يتطلع فيهن كيف نايمين متل الملائكه حد بعض
بكل براءة
أدم : الله يحميلي ياكن ومايحرمني منكن
نهاد واقفه خلفه تماما
أدم : ولا منك انتي كمان ..
نهاد : بتنهيد ولامنكك
أدم : رح شوف امي اكيد بكونها عم تستناني ك العاده
نهاد : طيب بيطفو الضوء وبيطلعو بتكون
امو عم تقراء بلقران بتسكره
بقرب منهاا ادم ببوس ايدها
أم أدم : الله يرضا عليك ويسر دربك وتروح وترجع بسلامه يا ابني
أدم : الله يسلمك ياحنونه ولايحرمني منك ومن دعواتك
أم أدم : بهمس شبها نهاد مزعلهاا بشي
أدم : والله مازعلتها بس هل المرة كتير خايفه وعم تترجاني ماروح هوي متل العادة بس هل المرة خايفه وغاصه اكتر
حقها لك ابني حقهاا انت كل مرة عم تروح فيا عم تروح ع الموت وترجع
وهي بنت وعندهاا بنات بتاخف عليك وعليهن وح حالهاا
أدم : طول مانك رضياني على مابصيبني شي بأدن الله
🍁حكايات أيلول🍁
🍁حكايات أيلول🍁
وهون بتطلع نهاد وبحضنها مجد وماسكه بأيدها التانيه لين
أدم : اووو قطقيطي الحلوين صحيو
بيركض لعندهن
وبياخدهن بحظنو وبلعبهن شوي
وظحكاتهن البرئيه بتملي البيت
شوي وبيطلع شرف اخوه
شرف : لك انت مجنون فهمناها بس انو كمان بناتك
هي كتيرة 😂
أدم : هههه لنشوفك بكرة بس تتزوج ويجيك ولاد
بدك تجن ولا لاا
شرف: لك رح جن بسس مو صحي الناس من طلعه الفجر
أدم : هههه يعني مابدك تقوم ازعجناك ياجناب البيك
شرف : ههه خلص وهي صحصحت
صباحكن تعالو لعندي عمو تعالوو جكر بأبوكن
بيركضو البناات ع حظن عمهن
كانو كتير يحبوه ومتولعين فيه لانو هوي حالل مكان ابوهن بأغلب الاوقات بحكم شغله
أدم بقرب من نهاد بهمس
لك خلص فرديها الله يرضالي عليكي
نهاد : والخنقه معانقتهاا قلبي يا أدم قلبي ..
رح يطلع من مكانو حاسه في شي رح يصير الله يخليك بلالك هل السفرة هي المرة
قلبي مو مطمن لو تعرف النار الي جواتي بتحرق الاخضر واليابس
أدم : بسم الله عليكي نار شوو
نهاد : مابعرف هل المرة غير كل مرة حاسي ياربيي
لاا الله لايقدرر
أدم : يي خلصناا وحدي الله مابعرفك هيك حاج كمان مشان امي والبنات
نهاد وهل النار الي بداخلي😭لك شعور غريب متعبق فييي
ياربي دخيلكك
للحظات أدم كمان قلبو يبنقزو من حوفهاا
بس بكابر ع حالوو
وهيكك بودع الكلل امو واخوه ك العادة
نهاد عند الباب
حاملة بنتها بحظنهاا ودموعهاا عم ينزلو
بحرقه
ادم منحني وعم يربط بوطو
لك دخلي هل البنات مو شايفه هل البرد هلق بيمرضو
نهاد : بس حانية شفافها بحزن وعم تتطلع فيه وتبكي
وأدم زاد توتورو اكتر منها ومن الي عم تعمله
بكز ع سنانو وبغصهه بيغمر عيلتو بضمهن بكل حنيه
أدم : ديري بالك ع البنات هااا
وهون بتجهش بلبكاء وبطلع صوتهاا
وهون بتجي امو وشرف اخوه بدخلوها هي والبنات
وادم بحط ايده بجيبو وبيحني راسو بحزن
وبيمشي ليتجه لشغلوو
لسا الدنياا بكون العتم فيها والشمس مو طالعه
💖
ببيت ابو سليم ..
أم سليم : لك سليم بعدك صحيان لهلق
بيرفع نظرو عليهاا وهوي قاعد ع تختو ومدد اجريه
ام سليم : كمان صايم عن الكلام
سليم : امي شو بدك من الاخر ترة مو رايق منوب
أم سليم : لا ياا لك ابني شبك كلشي بهل الدنيا قسمه ونصيب
لك انت ماهديت من وقت رفضتك صح انك حبيتها
بس يا ابني هي قسمتك وشو ماضل بنات غيرها بهل الدنيا
سليم : لك امي الله يخليلي ياكي بوس ايدك مخنوق انا مخنوق لاتزيديها علي
لك امي بنات دنيا كتار وانا مابدي من هل الدنيا الا هي
وهي خلص بحح راحت
والله اعلم ادا برجع بشوفها هي ادا نفدو من موج البحر الغدار
بيسكت للحظات ...
خلص بروق لحالي انتي لاتشيلي هم
بتقرب منو امو وبتغمرو بحنان حظنها
وهوي بيرتمي بحظنهاا
ثواني وامو بتشم ريحه بتشمم الريحه
بتتطلع بسليم ...
سليم : شبك شو فيكي شو عم تشمي
أم سليم : ريحتهاا ع قميصك ايمت شفتها انت
سليم : 😶 بيطلع فيهاا ومابرد
أم سليم : ماترد
سليم وحتى مابحط عينو بعين امو
سليم : الصبح وقت ودعتها
ام سليم : ودعتهاا " بستغراب "
سليم : اوف امي اوف اليوم اليوم الصبح
وقت كانت عند قبر امهاا
انا رحت هنيك وشفتها وعانقتناا غصب عنها
وهي مشيت وانا جيت ع البيت
وتوته توته خلصت الحتوته
لك شو تحقيق ...
اف ياااا انا قايم اطلع اتمشى سلام
بقوم بسرعه بياخد جاكيته بعصبيه وبيخبط الباب وراه
أم سليم : جن الصبي
سهى : شو في امي مين طلع "وهي عم تعرك عيونها"
أم سليم : اخوي يبدو انو جن
ع روحتها
سهى : ماما هوي طلع هيك من حالو
أم سليم : لا انا سألتو شبك وهوي جن جنونو
سهى : 🙂بقلها بقص ادي ادا ماطالعتي روحو بأستجواباتك ...
أم سليم : وبشو صفنتي انتي
سهى : عم قول لازم مانضايقه خطي ولاتخبري بابا مشان مايعصب عليه
أم سليم : لا لا مارح خبرو وانتي التانيه انقلعي
ع غرفتك جاي تعلميني شو ساوي
هاد الي كان ناقص جيل اخر زمن
كان هل هل الجو قاسي مابيرحم
رغم كل برودته ماعم يجمد الاحاسيس البقلوب البشر
منها الحاقد ...منها الخايف...منهاالضائع...منهاالعاشق
منها المخنوق ...منها الي مريح ومرتاح
كان صوت صدى البحر كتير بخوف
ريحتو عم تتسلل لاأنوف كل الركاب صوت الامهات
الي عم يخففو من خوف ولادهن
ياترة هل الكلام بيمحي الشي الي مخططلو
بتكون أيلاا عم تطلع ع الطفل الاصغر بهل القارب الهريان
بقلبها "ياترة رح توصل بر الامان وتصير وتكبر وترجع لتعمر الوطن "
بتتنهد بتحول نظرها لجهة اليمين اي هنيك محل مو قاعد الرجال الشايب
الي كان البرد عم يخلي اديه الي ماليها التجعيد
ورى كل تجعيده حكايه
كانو عم يرتجفو من البرد
أيلا : بقلبها.." وانت ياعمو معقول بتوصل كمان معقول ربنا بيكتبلك عمر ترجع لبلدك ...
كانت هناء عم تراقبها وعيونها ع زوجهاا وولادها بلحظة
بترتمي أيلا من القارب ...
اي الكل شهقاتو بتعلاا
الاطفال بحالة هلع سامي : اختييي
أبو أيلا : بيخرج الصدمه وببلش يصرخ ويناجد
بنتي ياناس بنتيي أيلا يا باباا
هناء : ولييي ياربي لطفك تعالو ماما تمسكو في
أيلا : وعم تحاول تنقد حالها من الغرق
بصوت خايف عم يصارع الموت بابا بابااا لاتتركني بابااا بابا
ببلش أبو أيلاا يحاول يصرخ يعمل أي شي
بس بكون فات الاوان ماعد يقدر يوصللها الموج عالي العتمة شديدة
هناء بطريقه غير مباشرة بتبلش بتحرض الناس ليوقفوه
هناء : بوس أيدك قعود لك ياربي هاد نصيبها
والقارب مليان ناس رح ينقلب فينا القارب
خلص اهدى وكل امرك لا ربك
وهون الناس بلفعل بتتجاوب معها وبصرخو على ابو أيلا من خوفهن
دموع الكل عم تجري بحرقه وبعيون حايرة مين التالي
بصدى وبفراغ هل البحر الي خطف كتير ناس
بيصرخ الاب صرخة الالم على بنتو
صرخة بترعد على مسامع السامعين متل البرق
"ياالله يارب ياعالم بلحال يارب"
بيكتفي بهل الصرخه
وبيحتظن ولادو التنين البقيانين بكل قوة
والكل بزود بكأو وخوفه
مستمر القارب ....بأهات الاب ودموع الاخوة
ياترة بر الامان الي لاجئين لا أيلو مطول ولا بعد في خسائر
أيلاا صارعت وصارعت الموج كانت تغوص وتتطلع بس عبث البحر اقوى منها ....
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```