الفصل 14 كلمه حق💔
بعد ماملك اتكلمت مع بابا قدام الظابط ووقفت قدامه
بابا قالها
أنتي بنت مش محترمه
ازاي تتكلمي كده معايه وانا راجل كبير وقد ابوكي
الظاهر ان أبوكي ماعرفش يربيكي
ولسه هيرفع ايده ويضربها
قام أبو ملك مسك أيده وقال
انت ماتعرفش حاجه عن التربيه
انا بنتي متربيه احسن تربيه .
بنتي وبنتك اصحاب من وهما اطفال
ويعتبرو بعض اخوات
وانا بنتك بالنسبالي زي ملك بنتي بالظبط
والحقيقه هتظهر قدام الكل
ومش هقولك هحاسبك لو طلعت غلطان
لا ربنا هو اللي هيحاسبك علي كل اللي بتعمله في أهل بيتك وبنتك
وحق مروه انا هجيبه
وهقف قدامك
وفجأه دخل العسكري من برا وقال
في حد برا يا فندم بيقول انه يعرف حاجه مهمه
الظابط : خليه يتفضل
الشاب : السلام عليكم
الظابط : وعليكم السلام
اسمك وسنك وعنوانك
الشاب : أسمي محمود
عندي ٣٥ سنه
ساكن في البيت اللي في العماره اللي جنب أبو مروه
الظابط : اتفضل قول المعلومات اللي عندك
الشاب : حضرتك انا رجعت من الشغل النهارده كان في ٣ شباب واقفين عن بيت الاستاذ محمد
ومعاهم عربيه سودا
وبعد شويه استاذ محمد فتح الباب ودخلهم
دخلو وخرجو ومعاهم مروه واخذوها في العربيه
الظابط: تعرف المكان الي مشيو منه
الشاب : ايوا يافندم انا ساعتها خوفت علي البنت وركبت عربيتي وروحت وراهم
الظابط : اتفضل امضي علي اقوالك
وانت يااستاذ محمد هتشرف معانا هنا
جاهز يابني عربيه حالا اتفضل يااستاذ محمود