طريق الحلم - طريق الحلم ( البداية ) - بقلم مريم هشام - مكتملة | روايتك

طريق الحلم الجزء الأول: البداية🙈🙈❤️ كانت سارة بنت عادية جدًا، عايشة مع أهلها في شقة صغيرة، ومفيش حاجة مميزة في حياتها غير حلم كبير محدش كان مصدقه. كل يوم كانت تصحى بدري، تروح المدرسة، وترجع تساعد مامتها في شغل البيت، وبعدها تقعد تذاكر بالساعات. في يوم وهي قاعدة بتذاكر، سمعت صوت جارتهم وهي بتقول لمامتها: ـ البنت دي بتتعب نفسها ليه؟ يعني هتبقى إيه يعني؟ ابتسمت مامتها وقالت: ـ ربنا كريم. لكن الكلام وصل لسارة. دخلت أوضتها وقفلت الباب وهي حاسة بزعل كبير. بصت لدفاترها وقالت لنفسها: ـ ليه الناس دايمًا شايفين إني مش هنجح؟ مسحت دموعها وكملت مذاكرة. في المدرسة كانت من أشطر البنات، لكن ده مكنش مانع إن بعض الناس تسخر منها. مرة المدرسة سألت الفصل: ـ كل واحدة تقول نفسها تبقى إيه في المستقبل. واحدة قالت دكتورة. واحدة قالت مهندسة. لحد ما جه دور سارة. وقفت وقالت بثقة: ـ نفسي أبقى صاحبة أكبر شركة في مصر. الفصل كله ضحك. واحدة من البنات قالت: ـ إنتي؟ والتانية قالت: ـ ده حلم كبير أوي عليكي. سارة سكتت، لكن جواها كان فيه نار. رجعت البيت اليوم ده وهي مقررة حاجة واحدة بس... إنها مش هتخلي حد يحدد مستقبلها. مرت الأيام، وكل ما كانت تتعب كانت تفتكر ضحكة البنات. وكل ما حد يحبطها كانت تذاكر أكتر. لحد ما قربت الامتحانات. وكانت دي أول خطوة حقيقية في طريق حلمها. لكن سارة مكانتش تعرف إن الأيام الجاية مخبية ليها اختبار أصعب بكتير من أي امتحان... تم الجزء الأول🙈🙈❤️🤭 ✨ هدف الرواية ✨ الرواية دي مش مجرد قصة وبس، هدفها إنها توصل رسالة مهمة لكل حد عنده حلم وبيحاول يحققه 🌱 أوقات كتير بنقابل ناس بتحبطنا أو ظروف بتخلينا نحس إن الطريق صعب، لكن الحقيقة إن النجاح مش بييجي بسهولة، ورا كل نجاح تعب وصبر ومحاولات كتير 💪📚 من خلال أحداث الرواية هتشوفوا إزاي الإصرار والثقة بالله ثم بالنفس ممكن يغيروا حياة الإنسان، وإن الفشل مش نهاية الطريق، لكنه خطوة بنتعلم منها ونكمل بعدها ❤️ أتمنى إن كل شخص يقرأ الرواية يفتكر دايمًا إن حلمه يستحق السعي وإنه قادر يوصل له مهما كانت الصعوبات 🌟 الجزء الأول خلص أشوفكم على خير في الجزء اللي بعده❤️ بقلم الكاتبه : مريم هشام