﴾Part (16)﴿
————————
في بيت الجد حاتم،، الكل مجتمع على طاولة الغداء، ما عدا الجد حاتم
،،،
غيداء: ماما
أم وليد: عيوني
غيداء: فديت عيونك،، ابغى منك طلب
أم وليد: آمري
غيداء: اليوم البنات كلهم بيجتمعوا، وبتكون الجمعه في بيت عمي محمد وأنا أبغى اروح،، وللمعلومه ترى بنام هناك
أم وليد استانست لأنه بنتها بدأت ترجع مثل ما كانت: اوكي روحي وانبسطبي، لكن بشرط،،،، والتفتت على وليد لأنها ودها تخرجه من جو الإنطواء إللي هو فيه،،،، شرطي إنه وليد يروح معك
وليد ناظر أمه ببرود: لاا، أنا ماني برايح
الجده نوره: وليييه إن شاء الله،، أقوول روح وسع صدرك وانبسط مع العيال
أم وليد بحسره: يعني بتزعلني مثل كل مره
غيداء: وليدوووه وافق بليييز
وليد: دامك ناديتيني كذا ماني برايح
غيداء: خلاص ي أحلا وليد وأخو بالدنيا،، يالله تعال معي واجلس مع عمر وغسان وانبسط، لأنه ترى الكل بيجتمع
وليد التفت على أمه السرحانه وبعدها التفت على غيداء المتلهفه لرده: اوكي خلاص بروح عشان أمي
أم وليد بضحكه: الله لا يحرمني منكم
الجده نوره:إلا قولوا لي متى اختباراتكم تبدأ
غيداء: احنا اختباراتنا أخروها أسبوع قالوا في ظروف طارئه، يا جعلهم العمى وانا كنت فرحانه متى تجي ونكملها عشان نروح المزرعه
الجده نوره: خيير إن شاء الله،، أنا سألت لأنه جدكم يبغى يسو.....، وسكتت
غيداء استغربت: وش يبغى يسوي
الجده نوره بشوية توتر: هاا ولا شي، وانت ي وليد متى اختباراتك
وليد: بعد يومين إن شاء الله
الجده نوره،،، وأم وليد: الله يوفقكم
غيداء،، ووليد: الجميع إن شاء الله
أم وليد: أقوول ي عمه ساره وينها
الجده نوره: نايمه واتقول ما ودها غداء، مدري وش فيها ذي الأيام ما تآكل كثير
أم وليد: حاولي هليها تروح عند دكتور
الجده نوره: إن شاء الله
————————————————
في بيت أبو عمر
قاعدين بالصاله يسولفون
،،،
ليان بزعل: يمممه انتي قلتي انه ابوي بيجي اليوم
أم عمر: نفس كل مره،، جاه عمل ضروري ويمكن ماعاد يقدر يجي إلا بعد يومين
شيماء: اففف، الله يعين ابوي على شغله اللي ما يوقف،،،، إلا يمه ليه ما ينقل الشركه للرياض،، عشان جده بعيد
ليان: والله اليوم اتأكدت إنك غبيه جد،، وشو ينقل الشركه لهنا،، تراها مو بشنطه يحملها ويجي،،، تبغيه يشيل الشركه من تحت الأرض ويجي يزرعها هنا، ههههههه
عمر: هههههه،، اول مره يا سيده ليان تجيبين شي يضحك
ليان: وانت اول مره تضحك على شي يضحك،، استغفر الله بس يا كرهي لك
شيماء: اننننن، بتسوين نفسك الحين، عبقريه اقوول اسكتي بس
عمر: يممه بناتك متأكده إنهم توأم
أم عمر: هههه ليش
عمر: شوفي بالله الفرق،،، شيماء تفوز على ليان بمليون درجه
ليان: بلااا بلاااا بلااا،، سخيف، ترى انا الحمدلله ماني بمغروره ولا بدلوعه، ومتواضعه جدا،
عمر: اييه باين
ليان: اقوول بالأول شوف نفسك،، متكشخ وكانك رايح لعزيمه،، وانت رايح تنام هههه
شيماء: ههه، والله بهذي جبتيها،، عمر حبيبي لييه تتعب نفسك وانت رايح تنام
عمر: حتى انتي ي شيماء،، اوكي اوريك
شيماء: عمووري ترى انا اخاف عليك من التعب والكشخه اللي مامنها فايده بذا الوقت
عمر قام: عادي ترى الكشخه ما تتعبني،،،،،،أجل أنا أستأذن
أم عمر: على وين
ليان: على وين بالله، أكيد رايح ينام
عمر: انتي انطمي واسكتي، مالك دخل
أم عمر: وبعدين معاكم، ترى والله مليت من هواشكم كل يوم، يعني ما برتاح منه ولا يوم
ليان: خلاص يمه اسمعي، ترى انا اليوم ما رحت بيت عمي عبدالله عشان البنات بيجون اليوم وبنجتمع دامها آخر جمعه قبل الإختبارات
عمر قال قبل ما يمشي ينام: حتى ترى العيال بيجون
أم عمر: ههههه، والله قلبتوا بيتي دار الأرقم بن ابي الأرقم
عمر،،، ليان،،، شيماء: ههههههه
ليان: المهم عمر نبغى منك تروح تشتري أغراض للسهره،، لنا ولكم،، لأنه احنا ما بنفضى ولأنه السواق ما يعرف شي
عمر غالب عليه النوم: ابشري
ليان بصدمه: يوووه يوووه، بسم الله، هذا عمر،، والتفتت على شيماء،،،، شيماء هذا عمر
عمر بضحكه: اقوول لا تخليني اكنسل
ليان: لا خلاص بسكت، لكن والله غريبه تقول لي ابشري، لأنه انا متعوده على كلمة لا
أم عمر: الله يهديكم
شيماء: الله يسمع منك،، لأني والله منتظره اليوم اللي بيجلسون فيه بدون هوشه
ليان: هههه، بيجي بيجي لا تخافي
أم عمر: يالله قوموا ذاكروا شوي
ليان،، وشيماء: ان شاء الله
،،،،،،،،
في نفس البيت، وفي عرفة عمر بالتحديد
،،،
عمر اتمدد على السرير ووجه الجوال لأذنه: الووو
غسان: هلا والله ب عمر
عمر: هلا فيك، أخبارك
غسان: تمام الحمدلله،، غريبه داق تسأل على أخباري
عمر: والله إني أبغى أكلمك وانسى،، وش حصل على ذاك الرقم لأني لمن كلمت صاحبي يبحث عليه قال انه مو مستخدم
غسان: لاااا امانه عليك كان إتأخرت يومين ثلاثه كذا
عمر باستفهام: ليش وش صار
غسان: والله صارت أشياء كثيره،، وإن شاء الله أحكيها لك لمن أجي اليوم
عمر: لاا حاكيني الحين لأنه وليد بيكون موجود
غسان: حتى لو كان موجود عادي وش فيها
عمر كان تعبان وفيه نوم: اوكي خلاص، ياالله باي
غسان: باي
،،،،،،
وفي نفس البيت برضوا لكن بغرفة ليان
،،،
ليان قاعده تقلب في الكتاب، يعني عباره عن إنها تذاكر،،هههه، وفجأه جاها اتصال وكان من صديقتها دعاء
،،،،
ليان: هلا، هلا والله،
دعاء: اهلين،، كيفك ي عمري
ليان بمصخره: بخير دامني سمعت هذا الصوت الحلو
دعاء: هههه، يعني اسكر،، ترى ما اتحمل الرومانسيه انا
ليان: ههه، ولا جاء زوجك المستقبلي وكلمك بأكثر من كذا،، كيف بتكونين تسكرين بوجهه دايم
دعاء: ذاك غيير
ليان: كيف يعني غيير، اشرحي لي بالله
دعاء: اقوول بلا قله ادب، اسمعي تراني مسويه لك مفاجأه
ليان: جد والله، وشو قولي
دعاء: لو قلت ما عاد بتصير مفاجأه
ليان: طيب وش نوعية ذي المفاجأه
دعاء: هي شي حلوو تحبيه مرره مثل حبك لي
ليان: افففف حمستيني،، طيب متى بتوصلني
دعاء: اليوم بعد المغرب
ليان: اوكي، والله إني متحمسه مرره،، شكرا عليها مقدما
دعاء: لمن اجي اشكريني،،،،، وبعدها استوعبت وقالت بارتباك ،،،، اقصد لمن تجي المفاجأة اشكريني
ليان ما ركزت: اوكي ي عمري
دعاء: ايييه وش الجديد عندكم
ليان: مافي جديد،، الا انتي قولي وش الجديد عندكم انتم،، اللللله، والله إني أحسدك على الجو عندك هذه الايام يجنن
دعاء بملل: وشوو من يجنن وحنا ما نخرج الا بالأسبوع حسنه،،بابا شغله مكثف مررره وانتي تدرين دامه يشتغل مع ابوكي بالشركه،وصعبه إنه يفضى،،او يجي كل يوم،،،وبعدين جده هالأيام حررر،،مو مثل ما تتخيلين
ليان: اي والله، ابوي اليوم كان بيجي لكن جاه شغل ضروري وما قدر، واعتقد انه ما عاد بيجي الا بعد يومين ثلاثه،، اشتقت له مررره
دعاء بمصخره: لكن اعتقد شوقك مو مثل شوق امك، هههه
ليان: يالسخيفه والله انك ما تستحين
دعاء: طالعه عليك
ليان:اوكي
دعاء: إلا ليان وش صار على موضوع خالد
ليان: اففف لا تذكريني كل ما اتذكر ، امووت من الإحراج
دعاء: هههه، اااخخخخ الله يرزقني بشخص يحبني ويعترف لي بحبه مثلك لمن اعترفتي لخالد
ليان: يا بنت وش رايك ازوجك اخوي عشان تعقلي اشوي،، كل كلامك على فارس أحلامك إللي لساته ما جاء
دعاء: ههههه، عادي موافقه
ليان بمصخره: اوكي بكره الخطوبه والعقد، عشان ما تشتاقين وتتحمسين كثيير
دعاء: كنت بارفض، لكن خلاص برضى عشان عموري بيكون منتظر بالحييل
ليان: هههههه، اوكي،، الحين خليني اروح اذاكر لأنه الإختبارات قريب
دعاء: بالله ليان، اتخيلي اني جمبك اذاكر انا وانتي
ليان: اخخخ ياليت
دعاء: قريب إن شاء الله
ليان: ايييه انتي اجلسي قولي لي كذه،، القريب حقك هذا بيجي بعد ما نخلص الدراسه
دعاء: ما تدرين يمكن يصير شي ونجي نسكن عندكم بالرياض
ليان: ان شاء الله
دعاء: يالله سلام روحي ذاكري
ليان: هههه وانتي
دعاء: حتى انا بروح
ليان: اوكي سلام
دعاء: الله معك
————————————————
في بيت أبو خالد
،،،
نسيبه وأمها قاعدات في الصاله
،،،
نسيبه: يممه
أم خالد: هلا
نسيبه: ابغى اروح اليوم بيت خالتي أم عمر لأنه البنات بيجتمعون وابغا منك تكلمين خالد
أم خالد: وليه ما تكلميه انتي
نسيبه: لااا والله لو كلمته انا ما بيوافق
أم خالد: طيب لمن يصحى بكلمه
نسيبه: اوكي، لكن يمه كلميه بدري عشان ودي اروح بعد المغرب
أم خالد وهي مشغوله بمسلسلها، لوحت لنسيبه بإيدها: اوكي الحين روحي ذاكري
نسيبه: ابشري
————————————————
في بيت أبو غسان، بعد العصر الساعه: 4م
،،،،،
في غرفة الضيوف،ندى قاعده تتأمل الجدار، وفجأه دق الباب
،،،
ندى: مين
فاطمه: انا فاطمه
ندى: اتفضلي
فاطمه دخلت وكانت لابسه العبايه والطرحه: اقوول ندى يالله قومي بسرعه نبغى نروح المول
ندى ببلاهه: وشو من مول
فاطمه بسرعه: نبغى نروح نشتري لنا ملابس واكسسوارات وكذا، حتى عشان اليوم بنروح انا وانتي بيت عمي محمد
ندى: لاا تسلمين أنا ما بجي معك كفايه خسرتكم كثير من يوم ما جيت
فاطمه قربت لعند ندى وسحبتها من ذراعها: اقوول بلا كلام فاضي واسمعي كلامي تراني اختك الصغيره ويلا الحين قومي البسي بسرعه لأنه غسان بيعصب لو تأخرنا
ندى: اوكي دقايق واجي
فاطمه: اوكي، انا بنتظرك هنا
ندى: اوكي،،،، وفجأه اتذكرت،،،،،، اااه صح وطارق اخوي بيروح معنا
فاطمه: اييه
ندى: طيب يبغا له تجهيز،،،،،، واتوجهت عشان تروح،،،، بروح البسه واجي
فاطمه قامت ومسكتها: ها ها، لحظه لحظه، لا تروحين لأنه أمي قد جهزته من زمان
ندى بغت تبكي، تذكرت كيف كانت أمها تهتم بطارق بدالها، والحين ربي عوضها ب أم غسان: اهاا، الله يحفظها
فاطمه: يالله الحين روحي البسي
ندى هزت راسها وراحت
————————————————
الكاتبه: لحظه لحظه لحظه
،،،
استوعبت إني لسا ما عرفتكم عن ندى ودعاء
،،،
ندى: بنت حلوه،قصيره نوعا ما،ونحيفه مرره يعني نحفها باختصار سوء تغذيه، وملامحها الكيوت تخلي شكلها كأنها صغيره مرره،، وهي يتيمه، لأنه امها وابوها ماتوا بحادث قبل ثلاث سنين،، وهي وقفت دراسه بصف اول ثانوي،، لأنه ما تسمح ظروفها انها تكمل، خاصه بعد موت امها وابوها،ماعاد لها شخص يصرف عليهم لأنه أهل أمها متبرين منها لأنه أمها اتزوجت ابوها من غير رضاهم،واهل ابوها معاها عم واحد وهو بدوله اجنبيه وما درى عن ندى واساسا لو درى ما راح يهتم وعمرها 18سنه
،،،
دعاء:بنت عربجيه وفرفوشه وتحب الرسم كثيير، وملامحها حلوه ومناسبه لعمرها، وهي صديقة ليان بس عايشه بجده عشان ابوها شغله هناك واساسا ابو دعاء يشتغل عند ابو ليان بشركته،وهي عمرها 17سنه، وتدرس بصف ثاني ثانوي مثل ليان،، وهي وحيدة أمها وأبوها
،،،
————————————————
🌼
وبكذا انتهى البارت السادس عشر
🌼
سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد