الفصل 5
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غربة.الروح.tt*
*❴🔢❵☟الـــبـــــــــــ❴5️⃣والأخير❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أبو أنس:لييش نحنا مرتاحين يعني الله وحدو بيعرف أنس ماعطانا مجال نعترفلو بغلطنا ونصلحو.
نبض:وأنا هلأ أجيت كرمال هالشي أول شي أجيت عرفكن بحالي وأتعرف عليكن أزا بتتقبلوني وبعدا بنحاول نصلح كلشي مع أنس بس طبعا بمساعدتكن أنا لحالي مافيني أعمل شي.
أم أنس:لاا تأخزينا بنتي أهلا وسهلا فيكي بس الصدمة كانت كبيرة علينا وماعرفانين...
نبض:بعرف مابلومك بس أنا بحب أنس كتير وبدي شوفو مرتاح وبدي كون من عيلتكن وتعتبروني بنتكن.
نبراس:أهلا وسهلا فيكي أختي بنتشرف فيكي ولو مانك بنت أصل مابتجي لعنا وتحكي هالحكي.
سامي:نحنا بنتمى أخونا يرجعلنا ويتصلح كلشي بس ياترى أنس رح يرضى بهالشي.
نبض:أنا أجيت لعندكن كرمال تساعدوني بهالشغلة وأنا مارح قلو هالشي فورا رح حاول مهد للموضوع.
ضليت عند بيت أهل أنس قريب الساعة ونص خوفتني ردة فعلن بالبداية بس مابلومن كانت شبه صدمة بالنسبة الن أبنن الكبير يكون متزوج وهو بعيد عنن...الندم بعيون أبو أنس كان واضح كتير والشوق اللي بقلب أمو كمان نفس الشي كان بدن أي شي يوصلن لأبنن وهيك سهلت علي الأمور شوي ضل بس أنس لازم أعرف كيف أجمعو بأهلو الخطوة الأولي خلصت بنجاح وأن شاء الله بتوفق بالتانية أتفقت مع أهلو كيف بدنا نجمعن بعدا طلعت من عندن كنت كتير مرتاحة لأني حسيت حالي كسبت محبة أهلو لأنس.
بالضيعة ببيت أم أحمد:
--------------------------------
كان أنس واصل لعندن من ساعة تقريبا قعد مع أحمد وأمو وشاف هوية نبض اللي هيي أيلاف وقت شاف صورتا أنس تأكد أنو هيي نفسا أيلاف فرح بهالشي مع أنو مارح يقدر يعرف شي تاني بس مع هيك كان متفائل....ضلت أم أحمد تحكيلو شو صار من وقت شافت أيلاف لحد ماطلعت من البيت وكانت تسألو وتتطمن عنها وتترجاا يخليها تشوفها وتتطمن عليها وأنس كمان حكالن شو صار من ساعة شافا لأيلاف وكيف حبو بعض وتزوجوا...شاف أنس هالجماعة قديش دراويش وحبن وأرتحلن كتير.
أحمد:شفتي أمي طلعت أيلاف من هون كان فرج عليها رب العالمين عطاها حياة حلوة ومريحة مع هالانسان لو بقيانة عننا ماكانت شافت غير الشقى والتعتير.
أم أحمد:الف الحمدلله هالبنت مابتستاهل الا الخير قديش قلبيي وجعني عليها وأكلت هما.
أنس:مبين هالشي بعيونك لو ماعرفت القصة كنت حلفت أنك أمها.
أم أحمد:أنا فعلا أعتبرتا بنتي وكنت حابة تضل معي وتعيش معي بس متل ماقال أحمد قدرا أخترلا الأحسن.
أنس:أنا رح جيب نبض وأجي لعندكن وأحكيلا كلشي صار.
أم أحمد:مين نبض؟.
أنس:هيي نفسا أيلاف بس مابتعرف أسما لهيك سميناها بهالاسم.
أم أحمد:أكيد أنت اللي سميتا هالاسم المميز.
أنس:شو اللي خلاكي متأكدة؟.
أم أحمد:عم شوف أيلاف بعيونك ولو مابتحبا ماكنت قطعت هالمسافة كلها بس كرمالا وهالاسم سميتا ياه ع نبض قلبگ.
أنس:حكياتك بردوا الروح ياخالتي.
أم أحمد:وأنت كمان رديتلي روحيي لما طمنتني عن أيلاف.
وهيك كان كمان مشوار أنس موفق وأرتاح كتير لهلجماعة رجع عالبيت قريب المسا وصل وكانت نبض ناطرتو.
ببيت أنس:
----------------
فات أنس عالبيت ونبض من لما سمعت صوت الباب فورا نطت لعند الباب لتستقبل حبيب قلبا.
نبض:وأخيرا أجيت ياعمري.
أنس:يسعدلي مساكي حبيبي أي أجيت وجبتلك معي كم شغلة بتحبيون.
نبض:ياعمري أشتقتلك كتير حاسة كنت غايب عن سنة.
أنس:وأنا أشتقتلك كتير حبيبة قَلبي أنتي.
نبض:كيف كانت سفرتك؟.
أنس:الحمدلله توفقت فيها وخلصت شغلي.
نبض:الف الحمدلله حبيبي.
التنين كانوا فرحانين وكل واحد فيهن بجهل سبب فرح التاني ومفكر أنو فرحان ورايق ع فرحو.
بمحل أيهاب:
--------------------
أيهاب:بحكي مع سيدرا عالموبايل:أي هلأ فهميني شو صار بالضبط نبض ماحكتلي شي كانت مستعجلة خايفة يجي أنس ومايلاقيها.
سيدرا:كلشي تمام رح أحكيلك بس طول بالك عليي شبك؟.
أيهاب:المهم طمنيني أن شاء الله محدا دايق نبض؟.
سيدرا:لاا أبدا اللي صار..................سردتلو كلشي سيدرا.
أيهاب:تمام يعني أهلك ماعندن أي مشكلة؟.
سيدرا:لاا ماعندن مشكلة ولو تشوف هلأ قديش متأملين وفرحانين أنو أنس رح يرجع بس كمان خايفين مايقبل بهالشي.
أيهاب:لااتخافي من ناحية أنس كلنا رح نضغط عليه ونحاول معو.
سيدرا:أن شاء الله.
أيهاب:يالله حبيبي أنا صار لازم قوم سكر المحل هلأ أمي بنشغل بالا بس وصلت البيت بحكيكي.
سيدرا:ماشي حبيبي أنتبه ع حالك بحبك.
أيهاب:لك ريتك تسلميلي وأنا بموت عليكي.
تاني يوم:
-------------
أنس:صباحو حبيبي.
نبض:دخيل هالصباح أنا.
أنس:تسلميلي.
نبض:ماتقلي اليوم كمان عندك شغل أنا مشتقتلك كتير.
أنس:ماعندي شغل بس بدي زكرك بشي.
نبض:شو؟.
أنس:أنتي وعدتيني ماتقطعي روحاتك عند الدكتور وهي صرلك فترة صار لازم تروحي.
نبض: بخنقة وحزن....لييش لروح زيادة مصاريف يعني خلص أنسا الموضوع شي مامنو أمل مستحيل أتزكر شي.
أنس:ماابنسى الموضوع ومانك أكرم من الله وأنا مابدي تروحي بس كرمال تتزكري كرمال صحتك لازم تضلي متابعة ولانسيتي كيف عم توقعي وتضلي يومين بالفرشة من وجع راسك.
نبض:حبيبي هاد شي طبيعي بصير مع كل وحدة حامل.
أنس:بس كمان قبل الحمل كان يصير معك هيك شي.
نبض:حبيبي خلص مافي داعي.
أنس:مافي داعي تحكي وتعزبي حالك أنا حكيت شي بدو يتنفذ وخلص ماتعصبيني.
نبض:طيب ماشي.
أنس كانت مصر أنو نبض تكمل عند الدكتور مع أنو كان بيعرف أنو نبض معا حق ومافي أمل ترجعلا ذاكرتا بس هو كان مصر ع هالشي وصعب يغير رأيو لهيك نبض أنجبرت تكمل جلساتا عند الدكتور وتروح كل أسبوع هي وأنس.
بعد أسبوع:
------------------
أنس بكون قاعد وموبايل نبض جنبو وبتجيها رسالة من سيدرا أنس تفاجئ لما شاف الأسم وصار يفكر معقول أختي بس نبض شو بدو يعرفا بسيدرا وكيف هيك فتح موبايلو ليتأكد من الرقم وطلع رقم أختو عنجد تفاجئ كتير قرأ محتوى الرسالة كانت كاتبتلا (نبض شو صار معك فتحي نت لنحكي) أنس أحتار كتير كانت نبض بالمطبخ للمرة الأولى أنس بفكر يفتح تلفون نبض بهالطريقة ويشوف شوفي بس بنظرو كان لازم يعرف كيف وصلت لسيدرا وشو الموضوع بيناتن فتح الواتس وشاف كلشي حكي بيناتن وعرف بموضوع زيارة نبض لبيت أهلو جن جنانو وعصب كتير ع نبض وبلش يحكي ويطبش ويكسر ونبض ماكانت تعرف كيف تهدي.
نبض:بترجاك خلص أهدا شوي وفهمني.
أنس:لكك شو بدي أفهم أنتي كيف بتعملي هيك شي من وراي مين سمحلك فهميني؟.
نبض:أنا كان بدي..
أنس:لكك شو بدك شو بدك أخر شي كنت أتوقعو أنك تعملي هيك شي لك أنا مااعندي أهل ليشش مصرة تفتحيلي جروحي ليشش جرحتيني هيك أنتي كمان؟.
نبض: وهي بتبكي...أنا ماعملت هيك لأجرحك أنا عملت هيك لترتاح بدي شوف...
أنس:كنت مرتاح بس شو اللي عملتي كنت ...
نبض:مقاطعة أنس....أنس حاجتك بقى الك ساعة عم تحكي وتبهدل فيني كأني عملت جريمة.
أنس:أيي جريمة أنتي بتعرفي هالموضوع منتهي بالنسبة الي أنا ماعندي أهل فهمي هالشي.
نبض: وهي عم تبكي وتصرخ...لك أنت بلا أحساس روح شوف أمك اللي قلبا دايب عليك روح شوف أبوك اللي عم ياكلو الندم أكل لكك شوف أخواتك اللي عم يتمنوا ريحتك شوف أختك اللي عم تجي تشوفك بالسر وكأنك حدا غريب عنها.
أنس:هنن اللي أختاروا هالشي مو أنا.
نبض:مافي حدا مابيغلط بس أنت هلأ عم تغلط كتير هدول أهلك أنت مابتعرف ولا حاسس بهالنعمة عندك أهل وأنت مابدك ياهن لكك ياريتني بعرف أهلي خليهن يعزبوني يعملوا اللي بدن ياه بس عالقليل بعرف أنو عندي أهل.
أنس:أنت....
نبض:بتقاطع أنس:أنس ماتحكي شي لك بتعرف أغلب وقتي عم بتخيل عندي أم روح لعندا قلا ماما أنا مبسوطة أنا تعبانة أنا فيني هالشي....عم أتخيل عندي أب يحكيلي شغلات عم تدور براسي ويعلمني ويحكيلي عن الحياة....عم أتخيل عندي أخت أضحك واللعب معا ونجن سوا...عم أتخيل يكون عندي أخ يخاف عليي ويكون سندي....لك أنت مابتعرف شو هي النعمة اللي عم تتخلى عنها.
أنس:وأنا شوو؟.
نبض:أنت الحدا اللي عوضني عن كلشي وعن الكل مابنكر أني مرتاحة ومبسوطة معك كتير بس قد ماكان بضل فقدان الأهل بوجع....خالتي أم أيهاب حنونة عليي وعم تعاملني متل أمي وولادا كمان عيشوني كل الشغلات اللي ذكرتن هلأ بس بضل في نقص بضل في شي صعب أشرحلك ياه.
أنس:لككك أخخ.
نبض:بتوقع هلأ عرفت لييش رحت لعند أهلك أنا بدي تكون جنب أهلك وتبطل تحس باللي عم حسو أنا بدي عيش معن جو العيلة اللي محتاجتلو أنا وأنت كمان محتاجلو ولو أنك عم تكابر.... بدي أبني اللي لسا ماخلق ع هي الدنيا يجي بين أهلو ويوعى ويكبر ع حب ستو وجدو مو عالحقد والكره فهمتت شو بدي؟.
أنس:تأثر كتير بكلام نبض وماعرف شو يحكي بلش يحس بكل كلمة قالتا وبكل حرف حكتو ضل ساكت بس جواتو بركان عم يغلي نبض توجهت لغرفتا وهي عم تبكي وتتذكر كيف كانت عم تحكي لأنس عن أحتياجا لأهلا الشي اللي كانت عم تحاول تخبي عنو كل هالفترة حكتلو ياه بثواني ضلت تبكي لحد ماتعبت وغفيت كانت ليلة صعبة كتير عليهن وأنس نفس الشي ضل سهران وعم يفكر لحد ماتعب ونام....طلع الصبح والجو عندن كتير مشحون ومكركب ومحدا حكا مع التاني ضلوا 3أيام ع هالحالة أنس بلش يحس بالذنب تجاه نبض وخصوصي وقت اللي تذكر كلاما قرر يصالحا ويحاول يعمل أي شي يهديها.
بصباح اليوم الثالث:
---------------------------
أنس:نبض صار لازم نقعد ونحكي ماحاجتنا هيك؟.
نبض:أنا بعرف أني بنظرك غلطانة بس صدقني ماعملت هالشي الا ل....
أنس:نبض خلص ماتبرري بعرف أني قسيت عليكي كتير بس كمان لازم تعرفي أنو هالشي كان صعب عليي كتير أتقبلو.
نبض:بعرف بس أنس بترجاك لاتبعد عن أهلك أكتر من هيك...صارت تحكيلو شو حكوا أهلوا وعن شوقن الو.
أنس:أنا محتاج شوية وقت لأقدر أتقبل هالشي.
نبض:خود وقتك بس بتمنى تفكر منيح قبل ماتاخد قرارك.
أنس:طيب وأنتي شو؟.
نبض:شو شو؟.
أنس:رح تضلي بعيدة عني هيك؟.
نبض:أنا كتير تعبانة.
أنس:طيب تعي لحضني....ضما أنس بقوة وبلش يحكيلا ويقلا مابحب زعلك بس مابتمنى تعملي شي من دون علمي ومن هاد الحكي.
نبض:ماعملت هيك الا لأسعدك مابدي شي أكتر.
أنس:خلينا ننسى الموضوع.
نبض:مابدي تنسى الموضوع بدي تفكر فيه وتعرف شو الصح.
أنس:طيب بوعدك يكون كلشي تمام بس عطيني وقت.
نبض:طيب ماشي.
أنس:حب يغير نفسية نبض وقرر ياخدا لمكان ماكانت متوقعتو أبدا...شو رأيك نطلع مشوار؟.
نبض:مابدي مو جاي ع بالي.
أنس:رح أخدك ع مكان كتير حلو ورح تنبسطي.
نبض:مابدي روح ع مدينة الملاهي.
أنس:في مكان أحلى منو بكتير.
نبض:وين؟.
أنس:روحي جهزي حالك هلأ ورح تشوفي وين وأنا متأكد رح تنبسطي كتير.
نبض:طيب ماشي.
جهزت حالي ومشينا كان الطريق طويل كتير ومابعرف لوين رايحة بنص الطريق بلشت أتذكر وأعرف أنو هالطريق مو غريب عليي مابعرف لييش أختنقت ودموعي بلشوا يهروا لحالن تذكرت كيف طلعت من هالضيعة وكيف كنت وتذكرت أم أحمد اللي دائما كانت تخطر ببالي...بلشت أسأل أنس شو اللي جابنا لهون وشو عرفك بهالطريق ماكان يجاوبني غير طولي بالك....وصلنا لبيت أم أحمد هون أنا مابعرف شو صرلي صابتني نوبة بكي مو طبيعية وجنيت لما شفت أم أحمد كأني شايفة أمي ضميتا كتير وضمتني وصارت تبكي كمان كانت متغيرة كتير وتعبانة وأحمد كمان كان متغير كتير حسيتو كبران الف سنة بهالسنة الشقى مكبرو ع بكير.....قعدنا قعدة طويلة وبلشوا يحكولي كلشي صار عرفت أنو أسمي الحقيقي أيلاف صابني شعور غريب مابعرف كيف أوصفو عرفت أسمي وماعرفت شي يدلني ع أهلي بس رغم هالشي كنت مبسوطة بشوفة أم أحمد وأبنها أكتر قضينا كل النهار عندن وطلبت من أنس يخلينا ننام عندن وهيك حسيت أنو أجا دوري ساعد الناس اللي ساعدوني بيوم من الأيام واللي بفضلن عشت لولاهن مابعرف شو كان صار فيني.....طلبت من أنس يقدملن مساعدة وأنس مارفض هالشي أبدا ......عرض ع أحمد انو يشغلو معو بالمحل ويسكنوا جنبا بالمدينة بالبداية رفضوا بس أنا أصريت عليهن وهيك أم أحمد صارت قريبة مني وجارتي وكنت طل عليها كل يوم ومرة طلبت مساعدتها لتقنع أنس بموضوع أهلو وهي تصرفت من عندا.
بعد فترة:
--------------
سيدرا:شو حبيبي ماشفت نبض هالأيام ماعرفنا شو صار معا مشان موضوع أنس كأنو طولت القصة.
أيهاب:لااتخافي كلشي تمام طولي بالك هاليومين بس.
سيدرا:أن شاء الله خير.
أيهاب:هلأ طمنيني عنك أنتي يالله شو مشتهي شوفك.
ببيت أنس:
----------------
نبض:يالله حبيبي مابتعرف قديش مبسوطة لأنو أم أحمد صارت قريبة مني وفيني روح شوفا أيمت مابدي.
أنس:يالله مابتعرفي قديشني مبسوط لأنك مبسوطة.
نبض:هههه خليلي ياك حبيبي.
أنس:وياكي ياروحي.
بنفس النهار عزمت أم أحمد لعندنا وخليتا تقعد مع أنس وتحكي معو لأني حسيتو مقتنع بموضوع أهلو بس بدو دفشة كمان أم أحمد قدرت تقنع أنس بس ماكان يرضى يروح لعندن لهيك أقترحت أعزمن عالبيت وهيك بشوفوا بعض وبتتصافى القلوب وبعد عناء طويل وافق السيد أنس وعزمتن تاني يوم يمكن كان صعب عليهن هالشي بس أجوا كرمال أبنن.
نبض:يا ميت أهلا وسهلا نورتوا.
أبو أنس:أهلين فيكي بنتي.
نبض:حلت علينا البركة والله.
أم أنس:تسلمي حبيبتي.
سامر:نبراس:كيفك مرت أخونا.
نبض:أهلين تمام كيفكن أنتوا؟.
سامر:نبراس:تمام.
سيدرا:شو عاملتيلنا غدا أن شاء الله يكون طبخك طيب أنا جوعانة.
نبض:ههههه يخرب بيتك سلمي بالأول.
أبو أنس:وينو أنس؟.
نبض:هلأ رح يجي عم يغير تيابو.
علا كمان كانت عننا لأنو هنن جزء من العيلة أجت هي بكبير كرمال تساعدني وكرمال تشوف لقاء أنس بأهلو ع قولتا..
علا:مرحبا ياجماعة.
الكل:أهلا وسهلا.
علا:كيفكن شو أخباركن.
الكل:مشتاقين....سلموا ع بعض بلهفة والكل كان مبسوط وفرحان وأكتر شي سيدرا لما سمعت أنو أيهاب رح يجي بعد شوي كانت رح تطير الا شوي....طلع أنس وكان باين عليه أنو متوتر لما شاف أهلو ركد لعند أمو وأبو وضمن بقوة والكل صار يبكي ضمتو أمو بلهفة كبيرة وشوق وأخواتو نفس الشي بس أخواتو كانوا كل فترة يشوفو وأكتر شي سيدرا أما أبو وأمو ماشافوا أبدا.
أم أنس:أخخخ ياحبيبي شو أشتقتلك.
أنس:ببوس أيد أمو وبحكيلا أنا كمان كتير أشتقتلكن.
أبو أنس:أنا ظلمتك كتير ياأبني بتمنى تسامحني أنت بتعرف شو صار فيني بهداك اليوم.
أنس:بابا خلونا ننسى اللي صار ماني حابب أحكي بشي أبدا أنا أشتقتلكن وبس.
أبو أنس ونحنا أشتقنالك كتير.
أنا تفاجئت كتير من ردة فعل أنس بالفعل هو كان بس بدو حدا يحركو ويعمل هالشي من زمان الكل كان مبسوط كتير وأجا أيهاب وأمو وحليت السهرة أكتر وأحلى شي أني حاولت ألهي الكل وخلي أيهاب وسيدرا يقعدوا مع بعض بهداك اليوم بالذات حسيت الكل عاش براحة وسعادة يوم ماكان ينوصف أما بالنسبة اللي موضوع أهلي بلشت أنسا أو أتناسا لأنو مافيي منو أمل أكتفيت بأهل أيهاب قبل وهي أم أحمد صارت جارتي وأهل أنس كمان نفس الشي حكالن أنس
كلشي صار معنا تفاجئوا بالبداية وحسيت في شي أختلف بس بعدين كلشي صار تمام....وأهم شي أنو أيهاب وسيدرا خطبوا بشكل رسمي وفرحنا فيهن وعن قريب عرسن.
بعد:خمس شهور:
-------------------------
أم أنس:مو مصدقة أيمت تجي حفيدتي ع هالدنيا.
أم أيهاب:أي والله حاسة حالي رح أكلا أكل أول ماشوفا.
أم أحمد: ههههههه يالله هانت غمضوا عين فتحوا عين بتلاقوا الصغيرة منورة هالدنيا.
أنس: هههههه والله أنا بلشت خاف ع بنتي من هلأ.
نبض:ههههه وأنا كمان متلك.
أم أيهاب:الله يكملك ع خير ياقلبي وتقوميلنا بالسلامة.
نبض:خليلي ياكي يارب.
أنس:حبيبي يالله هلأ صار وقت تروحي عالدكتور نتطمن عليكي وعالبيبي.
نبض:حبيبي مو ضروري نحنا مناح والله صعبة عليي أطلع.
أنس:معلش بروح بوصلك وع مهلنا.
أم أنس:أي بنتي روحي مانك خسرانة شي تتطمني أكتر قبل ولادتك.
نبض:طيب ماشي.
بعد ساعة رحنا أنا وأنس عالدكتور وصلنا عيادة الدكتور وكان في رجال ومرتو كمان جاي معا عالدكتور بس الواضح كان الأهتمام فيهن زايد فضولي دفعني أسأل الممرضة لييش مهتمين بهالرجال ومرتو كتير جاوبتني أنو هو كمان دكتور عام وزميل عمل ومن واجبهن يهتموا فيه وبعيلتو...كان عم يتطلع فيني هو ومرتو بغرابة ويحكوا مع بعض أنس كمان أنتبه لهلشي فاتت مرتو لعند الدكتور وبعدا فتت أنا ضل أنس برا.....أنس تدايق من نظراتو عليي كتير أنا دخلت وأخر شي سمعتو كان عم يسألو في شي؟..بعدا ماعرفت شو صار.
أنس:في شي؟.
الدكتور:لاا ولا شي بس ممكن أسأل حضرتك سؤال؟.
أنس:تفضل.
الدكتور:أول شي أنا أسمي الدكتور عمر.
أنس:تشرفنا.
الدكتور عمر:فيني أسألك هي اللي دخلت هلأ شو بتخصك وشو أسما؟.
أنس:لييش عم تسأل؟.
الدكتور:بترجاك جاوبني؟.
أنس:تقصد يقول أسما أيلاف لحتى يعرف أزا اللي عم بفكر فيه صحيح ولا لأا...أي زوجتي وأسما أيلاف.
زوجتة الدكتور:موو معقول عنجدد؟.
أنس:شو اللي مو معقول؟.
الدكتور:أيلاف شو كنيتا لو سمحت تجاوبنا؟.
أنس:نسي شو كنيتا...فيكن تفهموني شو القصة وليشش عم تسألو؟.
زوجتة الدكتور:معقول تكون هيي؟.
أنس:صار متأكد أنن عرفوها وعم يحاول يستدرجهن بالحكي....مين هي؟.
الدكتور:ماابعرف بس كتير متغيرة معقول هيي؟.
أنس:عن شو عم تحكوا فيكن تفهموني؟.
الدكتور:بلش يشرحلو شو القصة ويحكولو كلشي هو ومرتو أنس تفائل كتير بس ماحب يحكي قدام نبض طلب موعد من الدكتور عمر وفهمو أنو مابدو يحكي قداما ليفهم أزا كلشي مزبوط ولا لأا بس عمر قلو بس توصل مرتك عالبيت تعا لعندي فورا أو بأي وقت بس المهم يتأكد من الحكي عطاه رقمو وعنوانو.
أنس:ممكن تقلي أول شي هي البنت اللي شاكك أنك بتعرفا شو بتخصك؟.
الدكتور:أنا صرت متأكد أنو هي بتكون بنت رفيقي المقرب.
أنس:تمام لكن بعد ساعة بشوفك.
الدكتور عمر:نحنا بأنتظارك.
مرت عمر: بتحاكي عمر متأكدة هي فوفو بعرفا من بين الف وحدة بس كيف هيك؟.
عمر:بس يجي بنتأكد وبنفهم.
مرتو:مابدك تخبر أبو أياد؟.
عمر:خلينا نتأكد مابدنا نخلي يتأمل ع شي فاضي.
مرتو:معقول تكون هربانة كل هالفترة مع هاد الشب وقصة هديك البنت طلعوها أهلا ليغطوا عملت بنتن .
عمر:صفي نيتك مابتعرفي شو صار بعدين أنا كنت معن بكل لحظة خافي الله شو هالتفكير.
مرتو: أي بنشوف.
طلعت نبض من عند الدكتور وأتطمنوا ع وضع البيبي وبعدين مشيوا.
أنس:حبيبي كان بدي أخدك مشوار متل ماوعدتك بس طلعتلي شغلة ضرورية ولازم روح خلصا.
نبض:مو مشكلة حبيبي.
أنس:رح وصلك عالبيت أول شي وبعدين بروح.
نبض:طيب الصبح قلت ماعندك شي اليوم.
أنس:أي والله بس هلأ حكا معي أيهاب وقلي في شغل كتير وماعم يلحق.
نبض:لكن أحمد وينو مو عم يكون بدالك بالشغل.
أنس:مو كلشي بقدر يعملو أحمد.
نبض:الله يقويك حبيبي.
أنس:خليلي ياكي.
أنس وصل نبض عالبيت وبعدا فورا راح لعند أيهاب وأحمد حكال شو صار وطلب منن يروحوا معو أتفاجئ أيهاب كتير بس ماكان متأمل كتير متل أنس مع هيك مشي مع أنس راحوا لعند الدكتور قعدوا معو وحكالن كلشي معلومات بتخص أيلاف اللي هيي نبض وهنن حكولن كلشي عندن وأحمد كمان حكا كلشي صار من وقت اللي شاف أيلاف لوقت مالتقى فيها...كل واحد حكا قصة وكل واحد تفاجئ باللي حكا التاني...هالقصص كلا صارت مع أيلاف ومع هيك ضلت قوية وتمسكت بالحياة أنس فرح كتير بس بنفس الوقت زعل عاللي سمعو من الدكتور عمر ماكان متوقع أبدا تكون هيك قصتا وزعل أكتر لما حكالو عن حال أمها وطلب منو يجمعن فورا بعيلة أيلاف....
أيهاب:شوعم بصير ياجماعة معقول كل هاد صار مع نبض؟.
أنس:بربي حاسس حالي فايت بدوامة.
الدكتور عمر:والله أنا متلكن مستغرب الكل كان مفكر أيلاف ماتت ضلينا شهور عم ندور عليها وماكننا نلاقيلا حتى أثر كيف صار هيك وكيف طلعت عايشة بالفعل اللي الو عمر مابتقتلو شدة.
الدكتور عمر:والله أنا متلكن مستغرب الكل كان مفكر أيلاف ماتت ضلينا شهور عم ندور عليها وماكننا نلاقيلا حتى أثر كيف صار هيك وكيف طلعت عايشة بالفعل اللي الو عمر مابتقتلو شدة.
أحمد:لما شفناها أول مرة كان وضعا كتير خطير وكان شي شبه معجزة أنها ضلت عايشة لأنها ماتلقت العلاج المحتاجتلا ولاا العناية كافية ضلت فترة طويلة كأنها بغيبوبة وبعدين صار عندا الم كبير براسا بس ماكنت أقدر أعملا شي غير جبلا حبوب ومسكنات.
أيهاب:أي صح بتزكر كانت تاخد حبوب ترتاح لفترة محدودة بس بعدين أنس أهتم بعلاجا وتغير وضعا للأحسن.
الدكتور عمر:لهلأ ماني قدران أستوعب هالحكي الف الحمدلله الف الحمدلله طلعت عايشة كل هالوقت الحمدلله.
أنس:مابخفيك كلنا مو قدرانين نستوعب شي بس هلأ المهم لازم نشوف أهل نبض قصدي أيلاف يعني.
أيهاب:هنن قريبين من هون؟.
الدكتور عمر: مانن بعيدين كتير.... رح تشوفوهن بس لازم أول شي أحكي معن وأحكيلن كلشي صار لأنو صعب عليهن يستوعبوا هالحكي بسهولة وبعدين بقلكن تجوا تشوفوهن.
أنس:تمام بكون أنا كمان لقيت طريقة أحكي لنبض وأشرحلا شو صار.
الدكتور عمر:هالشي رح يكون صعب عالطرفين يصدقوا أول شي بس بظن أيلاف رح يكون أصعب عليها لأن متل ماحكيتولي أنها ماببتذكر شي.
أنس:أي والله بس المهم هلأ عرفنا أنو ألها أهل وعايشين.
أحمد:أهلا كلن عايشين؟.
الدكتور عمر:أي عايشين أمها وأبوها وعندها أخين واحد كبير وواحد صغير وأخت أكبر من أيلاف.
أنس:هدول كل عيلتا؟.
الدكتور عمر:أي هدول هنن أنا وأبوها رفقة عمر من لما كننا صغار كانت أيلاف كتير تحبني وتنبسط لما روح عندن.
أنس:أن شاء الله رح يرجع كلشي متل ماكان بس هلأ خلونا نعرف كيف نوصل الفكرة لنبض وأهلها.
الدكتور عمر:أنا رايح فورا لعندن.
أيهاب:اليوم رح تخبرن؟!.
الدكتور عمر:ليشش لحتى نأجل يعني؟.
أنس:طيب ماشي ونحنا رح نحاول نحكي مع نبض.
مشيوا الشباب وكانوا طول الطريق عم بفكروا بطريقة يخبروا نبض فيها أنس كان مبسوط بس محتار بنفس الوقت حاسس هالشي كتير صعب ومو عرفان كيف بدو يحكيلا كان طول الوقت يقلا رح يلاقي حدا بخصا مع أنو بيعرف هالشي مستحيل مع هيك صار وهو نفسو مو مصدق هالشي وماطلع سهل متل ماكان مفكر عم يسأل حالو ياترى شو رح تكون ردة فعل أهلا لنبض بس يعرفوا أنها تزوجت ورح تصير أم عن قريب...حاسس حالي فايت بدوامة وحيرة كبيرة أحسن شي خبرا لنبض ومافكر بشي خلي الأمور تمشي متل مابدا تمشي....
ببيت أبو أياد:
-------------------
أياد:أهلا وسهلا عمو تفضل.
عمر:كيفك؟.
أياد:تمام وأنت؟.
عمر:تمام مشتقلك.
أية:أهلين عمو بعد زمان وين هالغيبة؟.
عمر:أهلين فيكي حبيبتي والله مشاغل الحياة شو بدنا نعمل.
أية:بعين الله.
عمر:ماغيرو وينو أبوكن وأمكن وينا كمان؟.
أبو أياد:هون تفضل أهلا وسهلا.
عمر:أهلين فيكن كيفكن.
أبو أياد أم أياد:بخير الحمدلله بنسأل عنك.
أبو أياد:وين الك فترة ماعم تبين علينا؟.
عمر:والله ماعم أفضى شغل كل النهار وأنت بتعرف.
أم أياد:الله يقويك يارب.
عمر:تسلمي أختي....وين راح أياد؟.
أياد:ليكني هون جاي.
أم أياد:أية عمليلنا فنجان قهوة.
عمر:مو وقت القهوة هلأ بدي أحكي معكن كلكن بموضوع مهم.
أبو أياد:خير أن شاء الله؟!.
عمر:بتمنى من الكل يمسك أعصابو ويسمعني للأخر.
أم أياد:خير أخي شغلتلنا بالنا؟.
عمر:مافي شي بشغل البال بالعكس اللي رح تسمعو بريح البال......بلش عمر يحكي كلشي صار وحكالن أنو أيلاف عايشة وشو يلي صار معها بهالفترة الكل تفاجئ ووضعن ماكان سهل أبدا الشي اللي عم يسمعو مو سهل عليهن يصدقوا ماكانوا يعرفوا يحددو شعورن يفرحوا لأنو بنتن طلعت عايشة ولا يزعلوا عاللي صار معها بهالفترة والشي اللي تعرضتلوا بس أياد جن لما سمع أنها متزوجة أول شي بلشت أفكارو تاخدو وتجيبو بعدين عمر شرحلو كلشي وضعن كان أصعب من انو ينحكا بس الفرحة اللي بقلوبن كبيرة ماعم يعرفو كيف يترجموها....
أية:بتبكي...ماما سمعتي أختي عايشة فوفو عايشة أنا قلتلكن كنت بعرف أنها عايشة.
أم أياد:وهي بتبكي...يعني بنتي ماماتت بنتي لساتا بهي الدنيا؟.
عمر:ولو ماشفتا بعيني ماكنت صدقت أبدا عايشة وأحلى عيشة كمان عند جماعة مناح وبخافوا الله.
أبو أياد:يالله دخيلك أسمك شو رحمتك واسعة الف حمد وشكر الك يارب.
أياد:كيف هيك؟...أنا ماخليت مكان مانبشتو نبش وين كانت؟.
عمر:هاد يلي صار أنا شرحتلكن كلشي بالتفصيل متل ماا الجماعة حكولي وهنن كمان متلهفين كتير ليعرفوكن و....
أم أياد:بدي شوف بنتي بسرعة خدني لعندا الله يخليك بسرعة خليني روح شوفا.
عمر:طولي بالك الموضوع مانو بهالسهولة أنا شرحتلك شو صاير معها يعني هي هلأ مارح تعرفكن حتى أسما مابتعرفو لهيك زوجا رح يشرحلا كلشي ويجيبا لهون.
أم أياد:ياحبيبتي يابنتي شو اللي صاير فيكي الله لاايسامح اللي كان السبب.
أياد:أمي طولي بالك رح نشوفا أزا مو اليوم بكرا مو منيح اللي عرفنا انها عايشة.
عمر:زوجا عطاني رقمو أنا هلأ رح اتصل فيه وبخليه يجي تشوفو وتقعدوا مع بعض ويحكيلكن عن وضع أيلاف.
أبو أياد:طيب ماشي دقلو هلأ.
عمر:طيب ماشي....
أنس:الو.
عمر:كيفك أنس أنا الدكتور عمر.
أنس:أهلين دكتور طمني شو صار معك؟.
عمر:كلشي تمام وأهل أيلاف بأنتظارك هلأ.
أنس:بس أنا لسا ماا حكيت شي لنبض ولاشرحتلا عن الموضوع.
عمر:طيب فيك تجي انت هلأ؟.
أنس:أنا رح أبعت أحمد وأيهاب الشباب اللي أجوا معي وأنا بحاول جيب نبض والحقن.
عمر:طيب ماشي نحنا بأنتظاركن نفس العنوان اللي قلتلك عليه.
أنس:ماشي.
أبو أياد:خبرنا شو صار؟.
عمر:رح يجوا اليوم بس طولوا بالكن أنتوا.
أم أياد:طيب رح يتأخروا؟.
عمر:مابعرف بس قد ماتأخروا رح يجوا اليوم.
أية:قديش بدنا نستنى كمان؟.
أياد:صبرتوا كل هالفترة مافيكن تصبروا هالكم ساعة.
أم أياد:حاسستن سنة مالي مصدقة أني رح أرجع شوف بنتي وضما.
أبو أياد:طولي بالك هانت أن شاء الله.
أنس أتفق مع أيهاب وأحمد أنو يروحوا ع بيت اهل نبض وهو رح يلحقن بعدين وهيك كل واحد توجه عالمكان اللي رايح عليه أنس راح لعند نبض ليحكيلا ويفرح قلبا وأحمد وأيهاب راحوا لعند اهلا يقعدوا معن ويحكولن شو صار مع بنتن بالتفصيل وصلوا لعندن وأستقبلوهن بلهفة كبيرة قعدوا أحمد وأيهاب يحكولن كلشي صار وهنن عم يراقبوا اللهفة والفرحة اللي بعيونن وبالأخص أمها وأية كانوا يبكوا ومو مصدقين اللي عم يسمعوا وكل شوي يسألوا أيمت رح يجوا ويشوفوا لأيلاف....
ببيت أنس:
---------------
أنس:حبيبي وينك؟.
نبض:أي حبيبي هون شو خلصت شغلك؟.
أنس:أي خلصت شو وينن امي وخالة أم احمد؟.
نبض:راحوا من ساعة قال تطمنوا عليي وصار لازم يروحوا.
أنس:أيوا أي الله معن....تعي أحكيلك شغلة.
نبض:شو بدك تحكيلي؟.
أنس:أممم أنا بحبك أول شي.
نبض:أمم وتاني شي؟.
أنس:تاني شي مابتمنى شوف غير الفرح بعيونك.
نبض:خليلي ياك حبيبي.
أنس:مابدك تعرفي شو تالت شي؟.
نبض:أمبلا شو هو؟.
أنس:بدي ياكي تمسكي أعصابك وتسمعيني منيح.
نبض: شوفي أحكيلي؟.
أنس:رح أخدك مشوار كتير حلو.
نبض:لوين؟.
أنس:عند جماعة بتتمني تشوفين من زمان؟.
نبض:مين أحكي منيح الله يخليك.
أنس:بحضن نبض روقي قلبيي وسمعيني.
نبض:طيب بس شو أحكي؟.
أنس:بتتذكري الدكتور اللي كان مع مرتو اليوم بعيادة الدكتور؟.
نبض:أي أكيد مالحقت أنسا بس شبو؟.
أنس:هاد سمو عمر لما شافك عرف أنتي مين وسألني عنك و..
نبض:كيف يعني عرفني أنا مين؟.
أنس:بلش يحكيلا كلشي صار اليوم ويشرحلا عن أهلا كانت نبض عم تسمع ودموعا عم ينزلو موعرفانة تحدد شعورا..
نبض: بتبكي...كل هالشي صار اليوم يعني أنا ألي أهل يعني لقيت أهلي فهمني كيف؟...وينن أهلي؟...مين هنن؟...خدني لعندن بسرعة بترجاك.
أنس:حبيبي أهدي شوي رح أخدك بس أنتي أهدي وروقي.
نبض:ماعم صدق يعني أنا الي أهل؟.
أنس:أي يامجنونة شو صرلك ألك أهل وهنن عايشين بهالمدينة كمان.
نبض:مو معقول كيف هيك أنا وأهلي عايشين بنفس المكان ومابنعرف بعض!!.
أنس:هيك قدركن بس الحمدلله رح ترجعي تشوفيهن.
نبض:خايفة.
أنس:من شو خايفة؟.
نبض:خايفة يكون مو أنا بنتن ويكون في شي غلط وأتأمل عالفاضي.
أنس:شو مجنونة بعد كل اللي حكيتلك ياه ومانك مصدقة.
نبض:مابعرف حاسة حالي بحلم كيف هلأ رح شوف أهلي وأنا مابعرفن.
أنس:مابتفكري بشي خلص رح تشوفي أهلك وبس فرحي بهالشي.
نبض:خدني لعندن بسرعة الله يخليك ماعاد فيي أتحمل أكتر.
أنس:يالله جهزي حالك.
نبض:جاهزة جاهزة مشي يالله.
أنس:طيب طيب روقي.
مشينا أنا وأنس رايحة لبيت أهلي عنجد هالشي ولا حلم ماني عم صدق خايفة يكون حلم وأصحى منو أزا كان حلم مابدي فيق منو بدي ضل عايشتو ياترى أهلي رح يعرفوني أول مايشوفوني أنا مافيني أعرفن بس اكيد هنن رح يعرفوني أوووف حاسة قلبيي رح يوقف....وصلنا بيتن فتح الباب شب حلو تطلع فيني وكان عم يمليي عيونو فورا ضمني بلهفة كتير كبيرة وصار يقلي ماعرفتيني أنا اخوكي يا أيلاف صار يبكي بصوت عالي ويضمني أقوى هالشي صعب ينوصف حسيت حالي بحلم الكل جتمع حوليي وعم يضموني ويبكوا هنن أهلي بعرفوني ومابعرفن شو صعب هالشعور في حدا هيك بتعرف ع أهلو متلو متل أي حدا غريب...ضلوا عم يضموني بقوة كبيرة وحب وحنية يالله شو حلو هالشعور تطلعت كان في مرة مو مبينة انها كبيرة بس الهم والتعب مبين عليها وشا شاحب وعيونا مابينوصفو كانت قاعدة عالارض وعم تبكي وتتطلع عليي من بعيدتأكدت أنها امي كانت عم تراقف وتشوف كيف بنتنا الصغيرة كبرتا الحياة شافت وحدة تانية أيلاف البنت الشقية النقاقة تغيرت كتير صارت كبيرة وواعية هالفترة الي عاشتا كبرتا الف سنة.... ركدت لعندها وبوست أديها ورجليها يالله شو حلو حضنا شو حلوة ريحتا وحنيتا هي أمي هي اماني ضمتني ضمة حسيت فيها أنو دقات قلبي وقلبا صارت وحدة....
أم أياد:أخخ ياامي أخ ياحبيبتي كنت خايفة موت وماشوفك كسرتيلي ضهري ياروحي أنتي.
نبض:.....
أية:فوفو ياحبيبتي ماعم صدق عيووني كنت بعرف أنك رح ترجعيلنا كنت عم قلن أيلاف مابتتركني.
قضوا أكتر من ساعة وهنن بحالة غريبة وصدمة ولهفة وشوق وكلو مع بعضو أكيد متخييلين كيف كانت هاللحظات أم أياد ماكانت تبعد بنتا عن حضنا أبدا وكانت عم تبوس فيها طول الوقت ضلوا كل الوقت قاعدين عم يحكوا باللي صار وكل واحد كان يشرح قديش كانت فترة صعبة بس طبعا الشي الأصعب عاشتو أيلاف مع هيك ضلت متمسكة بالحياة وتتحدتا كمان صحي خسرت ذاكرياتا مع أهلا بس كسبت قلب أنس اللي عم المستحيل كرمال سعادتا...وكمان كسبت محبة أم أحمد وأم أيهاب وعيلتن كل حدا فيهن صارت الو محبة كبيرة بقلب أيلاف...
أبو أياد: الف الحمدلله اللي ماوقعا بأدين ولاد حرام لك عمي والله أنتوا مافي منكن والله لسا الدنيا بخير مابعرف كيف بدي أشكركن كل واحد فيكن كان الو فضل كبير ب....
أحمد:فضل الله عمي ماتحكي هيك نحنا ماعملنا شي وأي حدا بمكانا بيعمل نفس الشي.
أيهاب:نحنا اللي كسبنا أحلى وأحن أخت والله صارت مننا وفيننا وماعتبرناها غير هيك.
أبو أياد:الله يخليكن ويحميكن لشبابكن.
أياد:كلكن فضلتوا ع راسنا والفضل الاكبر للأخ أنس اللي حفظ وصان عرضنا...
أنس:ماتحكوا هيك ياجماعة عم تخجلونا يعني أي حدا بشوف طيبة نبض بقصد أيلاف مستحيل يقدر يعملا الا الشي المنيح.
وهيك كان لقائي بأهلي بهداك اليوم مانمنا أبدا ضلينا كل الوقت سهرانين وأنا بحضن ماما وبابا وطلبت من أنس نضل عندنا وماكان عندن مشكلة قضينا أحلى وقت كأني هلأ أنخلقت ع هي الحياة أنس ضل معي يتعرف ع أهلي وأهلي كل الوقت يحكولي عن حالي كيف كنت وأنا أحكيلن كيف قضيت الوقت كلو مع أهل أيهاب ومع أنس عم حس حالي أسعد أنسانة بالدنيا صح بعدت عن اهلي فترة منيحة وتعزبت كتير فيها بس كسبت فيها أطيب قلوب وأحسن عالم اللي هنن هلأ صاروا جزء من حيااتي
وهيك بابا قرر يعزم الكل ونجتمع كلنا لنكون عيلة وحدة وبالفعل عمل أحسن عزيمة واجوا بيت عمي اللي هنن أهل أنس وأم أحمد وأبنا وأهلي التانين أم أيهاب وولادا انبسطنا كتير كان في أنسجام كبير بينن وسعادة مابتنوصف بس الشي الوحيد اللي ماكانوا يتفقوا عليه هو أسمي نص عم بيناديلي أيلاف والنص التاني نبض هههههه بصراحة أنا كمان كان صعب عليي أتعود ع أسم أيلاف خلص تعودت ع أسم نبض اللي بيناديلي أيلاف عم ينجلط شوي لحتى أتزكر أنو أنا أيلاف ورد عليه....أحمد حط عينو ع أختي أية وقرر يخطبا أما أياد جن ب علا كتير وحبا وأمي قررت تخطبلو ياها بس هو أجل الفكرة شوي ليتعرفوا ع بعض...
بعد شهر:خطبوا أياد وعلا وأحمد خطب أية وقررنا نعمل حفلة عرسن كلن سوا ومعن أيهاب وسيدرا وأنا هلأ بالمشفى شكلي رح أولد....
بالمشفى:
---------------
الممرضة:الف مبرووك سيد أنس أجتك بنوتة متل فلقة القمر.
أنس:الله يبارك فيكي يارب.
الكل كان موجود وفرح بالبنوتة وصار يباركوا لأنس وبعد ساعة صحيت نبض(أيلاف) والكل كان مجتمع حواليها وعم يباركولا بالبنوتة الحلوة.
أبو أنس:أي ابني شو قررتوا تسموها للبنوتة الحلوة؟.
أم أيهاب:لازم يسموها جمال ع هالجمال اللي فيها دخيل اللي خلقا.
أنس:أنا بصراحة حابب سميها أيلاف.
ألكل:أيلاف؟!!!..
أنس:أي ايلاف.
الكل:كيف بدك تسميها أيلاف وأسم امها أيلاف.
أنس:أنا بدي سميها أيلاف وخلييها هي تاخد أسم أمها لأنو حابب يضل أسم حبيبة قلببي نبض والكل يناديلا فيه.
سامر:ياعيني عالحب.
أنس:ههههه بلا غلاظة.
الكل:أزا هيك مافي مجال للحكي عاشت الاسامي وتربى بعزكن ودلالكن.
أنس:خليلي ياكن ويبارك بعمركن يارب.
أية:يايي هلأ صارت عننا فوفو صغيرة وصرت خالة.
أنس:هههه ع قبال مانفرح فيكي أنتي وأحمد ونشوف ولادكن.
أحمد أية:الله يسلمك ويخليك.
بالفترة اللي مرت صارت علاقتي بأخوات أنس سامر ونبراس كتير حلوة صحيح كلا مجاكرة وقصف جبهات بس كانت بتطير العقل واللي بشوفنا بفكرنا مجانين عقد مابنتخوت ع بعض.
نبراس:هلأ هي السيدة ملعقة صارت أم وأنا لسا أمي بتقلي بعدك صغير عالزاوج أي بسيطة الله كريم.
الكل:هههههههه أي لاحق تتزوج لساتك بأول عمرك.
أنس:ههههه قلتلي السيدة ملعقة مو والله لو فيها كانت قامت نتفتك.
سامر:قصدك تعضو أم سنان مارح كمل شو يخرب سنانا شو عضاضة.
أم أيهاب:هلأ تشاطرتو تحكوا عليها لأنها تعبانة مافيها تردلكن هلأ.
أنس:هههه ماتخافي هلأ بتكون مخبيتلن ياها.
الكل:ههههههههه.
نبراس:شو مخبيتا مامخبيتا أصلا مارح خليهن يطلعوها من المشفى ليهرولا كل سنانا بعدين بتطلع.
أيهاب:أي مارح تستفاد شي لسا ماجربت أظافيرا هههههه.
سامر:ياعيني الشغلة فيها أظافير أنا مالي دخل لابتأذيني ولا بأذيكي.
الكل:ههههه هاد أول واحد أستسلم.
أنس:ههههه أي شايفين الخوف شو بيعمل.
أيهاب:شو ست نبض شاركينا الحديث ولا بس فقستي علينا فكرة العرس هالاسبوع وقعدتي.
نبض: بتبتسم بتعب وبتحكي شو مابدك بنتي تحضر عرس عما.
أيهاب:أي دخيل قلبا أنا هي اللي رح تحليلنا العرس.
الكل كان مبسوط كتير بجية أيلاف الصغيرة ع هالدنيا وأنس ماكان عاطي فرحتو لحدا شو حلوة الدنيا لما بتضحك للواحد وبتهدي أحلى شي عندها صرت متأكدة أنو مهما قسيت الحياة عالواحد بتضل مخبيتلو أشيا حلوة بتنسي كلشي عاشو من تعب وقهر....مشيوا الكل وضلت أمي وأم أنس وأم أيهاب وكمان هنن طلعوا وتركونا أنا وأنس لحالنا...
أنس:الف الحمدلله ع سلامتك ياعمري أنتي والف مبرووك علينا هالقمر.
نبض:الله يسلملي ياك ويخليلي ياك حبيبي...ياعمري شفتا مااحلاها.
أنس:أي شفتا متل الملاك دخيل قلبا اخدا كل جمال امها.
نبض:خجلتني.
أنس:لك دخيلو أنا.
نبض:ماكنت متوقعة أنك رح تسميها أيلاف.
أنس:هالأسم كتير حلو لهيك عطيتو لبنتنا وأنتي رح تضلك نبض قلبي.
نبض:أنس أنا بحبك كتيير.
أنس:وأنا بموت عليكي روح روحي أنتي.
تاني يوم طلعت من المشفى وبعد 10أيام تزوجوا الشباب و كانوا أحلى 3عرسان بيوم واحد عملوا أحلى حفلة بشوفا بحياتي كل واحد فيهن صارت الو حياتو الخاصة مع هيك ضلت قلوبنا وحدة وكننا عيلة كبيرة...أنا وأنس حياتنا صارت أحلى بوجود بنوتتنا… وهيك كانت قصتي.
الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```