الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غربة.الروح.tt*
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أنس:وياكي يانبض قلبي.
نبض:أنا بحبك كتير.
أنس:وأنا بعشقك مجنونتي.
حكينا حكي كتير ضلينا سهرانين لوش الصبح وبعدين أنس عالبيت.
هيك قضينا فترة الخطبة عشنا فيها تفاصيل كتيرة حلوة أنس بحبني كتير وعم يعمل كلشي بس ليسعدني مابيعرف أنو وجودو جنبي هو السعادة بحد زاتا وأنا بحبو كتير ورح أعمل كلشي يسعدو.
بعد شهر: ببيت أبو أياد:
---------------------------------
أياد بحكي عالتلفون:طيب ماشي بدي شوفك أشتقتلك كتير.
مجهولة:لسا مالحقت تشتقلي.
أياد:جنيتي أكيد أنا بشتقلك حتى وأنتي قدام عيوني.
مجهولة:بهالسرعة حبيتني؟.
أياد:ليش مين فيه يشوف جمالك ومابحبك.
مجهولة:واووو خجلتني.
أياد:شو قلتي بدي شوفك وين نلتقا.
مجهولة:طيب تعا عالمكان اللي لتقينا فيه أول مرة.
أياد:طيب ماشي اتفقنا.
مجهولة:أووك باي.
أياد:بااي... بحكي مع حالو..... وعصاي أنا بفرجيكي يا واطية.
بتدخل أية:أياد.
أياد:شوفي؟.
أية:مين هي اللي كنت عم تحاكيا؟.
أياد:ماخصك.
أية:من أيمت بتخبي علي حاسة في قصة ورا هالبنت سمعتك شو عم تحكي لهيك أحكيلي.
أياد:بحكيلك بعدين خليني أعمل اللي براسي هلأ.
أية:طيب فهمني شو هو؟.
أياد:خلص قلتلك بعدين.
أية:طيب ماشي.
ببيت أيهاب:
--------------------
علا:شو يا حلو وين شاردة؟.
نبض:ولا شي هون.
أم أيهاب خير بنتي فيكي شي؟.
نبض:لاا أبدا مافيني شي بس.
علا:بس شو؟.
نبض:أنس بدو يحدد موعد العرس.
أم أيهاب:حلو كتيير ليش مدايقة لكن.
نبض:مابعرف بس هيك حاسة حالي مكركبة.
علا:مجنونة بدال ماتفرحي.
أم أيهاب:عادي حبيبتي كل بنت بتمر بهيك فترة.
نبض:أنا قلتلو يأجل شوي بس ماعم يرضى.
علا:ليش لحتى تأجلوا خلونا نفرح بعرسكن.
أم أيهاب:أنس عمل كلشي وشايف أنو كلشي صار جاهز لهيك بدو يعمل العرس ماعاد في داعي تتأخروا أكتر.
نبض:مابدي بعد عنكن.
علا:شو مفكرة حالك رايحة عالمريخ أصلا نحنا مابنتركن بحالكن هههه.
أم أيهاب:هههه حبيبتي مارح تكوني بعيدة عننا كتير ورح نضل نزورك وتزورينا.
علا:هي ازا مادبقناكن ههههه.
نبض:عنجد؟.
أم أيهاب:أي عنجد شو مفكرة بس زوجناكي خلص يعني رح نتركك.
نبض:الله يخليلي ياكن.
بالشارع التقى أياد مع هديك البنت:
----------------------------------------------
أياد:مرحبا راما.
راما:أهلين.
أياد:كيفك؟.
راما:تمام.
أياد:منيح تكرمتي علينا بشوفتك.
راما:كنت مشغولة شوي.
أياد:مشغولة بشو؟.
راما:شو يعني تحقيق؟.
أياد:طيب ماشي مو مهم المهم هلأ فكرتي باللي قلتلك ياه.
راما:مو كأنو بكير ع هالحكي.
أياد:لاا أبدا مو بكير أهلي هالفترة راجعين من السفر وبدن ياني أتزوج وأنا حبيتك أنتي لهيك بدي نزبط أمورنا قبل مايوصلوا أهلي ف شو قلتي؟.
راما:بفهم من هالحكي أنو بدك تخطبني؟.
أياد:شو رأيك أنتي؟.
راما:بس أنت لسا مابتعرفني منيح قصدي يعني أنو نحنا لسا ماتعرفنا ع بعض.
أياد:وشو بدي أعرف أحلى من اللي عرفتو خلص أنا بدي ياكي.
راما: بتحاكي حالا خليني وافق بلكي بقدر أخلص من هداك الواطي اللي أسمو مجد.
أياد:شو وين شردتي؟.
راما:طيب ماشي موافقة.
أياد:أنا بفرجيكي لكن....لك تسلميلي يالله شو بحبك.
الواضح من هالحكي أنو أياد في براسو خطة بدو ينفذا بس أبصر شو هي...ياترى شو بدو يعمل أياد؟...رح يقدر يلعب مع راما ولاا رح تكشفو؟.
بمحل أنس:
-------------------
نبض: مرحبا حبيبي.
أنس:أهلين روحيي شو هالمفاجأة الحلوة.
نبض:أشتقلك كتير وحبيت أجي شوفك.
أنس: حبيبة قلبي وأنا كمان أشتقتلك ياعمري.
نبض:دخيل قلبك..شو عم تعمل؟.
أنس:شوفة عينك هلأ خلصت شغل.
نبض:الله يعطيك الف عافية حبيبي.
أنس:يعافيلي قلببك...قليلي هلأ.
نبض:شو؟.
أنس:فكرتي بموضوع تحديد العرس؟.
نبض:أي موافقة نحددو.
أنس:عنجد شو اللي غيرلك رأيك لسا مبارح كان بدك تأجلي!!.
نبض:عملت متل ماقلتلي فكرت كتير منيح خلص أنا بدي أستقر معك وأرتاح بحضنك ومافكر بشي أبدا.
أنس:ياروحي أنتي وحياتك رح نسيكي كلشي سيء ونعيش أحلى أيام سوا.
نبض:أنا هلأ مرتاحة ومبسوطة معك وبدي نكمل زواجنا لحتى ماأبعد عنك ولا لحظة.
أنس:أن شاء الله حبيبي.
نبض:أن شاء الله.
أنس:المسا رح روح عندكن وحدد موعد العرس بأقرب وقت لأنو كلشي صار جاهز ماعاد في داعي نتأخر تمام؟.
نبض:طيب حبيبي تمام.
بعد اسبوع:
--------------
الكل كان مشغول بتحضيرات عرس أنس ونبض والفرحة مملية قلوب الكل نبض عم تعيش أحلى أيام حياتا بعيدة عن أهلا وناسا وحتى بعيدة عن حالا بس رغم هالشي في جواتا أمل بأنو تلتقى فيهن شي يوم وأزا مالتقت فيهن هي مكتفية بأنس وعيلة أم أيهاب معتبرتن عيلتا.....
بيوم العرس:
----------------
أيهاب:شو ياعريس طالع غير شكل هاا.
أنس:لك أنا غير شكل كيف ماكنت ولاا.
أيهاب:أوعا تصدق حالك.
أنس:خراس هلأ خليني رايق.
أيهاب:لك أن شاء الله دوم أخي الف مبروك.
أنس:حبيب قلبي ع قبال مـا أفرح فيك كمان.
أيهاب:تسلملي يالله تأخرنا هلأ بتكون نبض جهزت وأنت لساتك.
أنس:يالله خلصت.
العرس كان ببيت أيهاب يعني عرس مختصر وعالديق:
علا:أجا العريس يابنات وبلشت تعلاا أصوات الاغاني والزلاغيط.
أم أيهاب:دخيل هالطلة أنا ماتبلى الف مبرروك حبيبي.
أنس:الله يخليلنا ياكي.
طلت نبض بفستانها الأبيض والكل كان ناطر طلتها بلشت الزلاغيط وأصوات الأغاني تعلى أكتر ودقات قلبا تعلى معن كل ماقربت من أنس كانوا يزيدوا دقات قلبا أكتر وأكتر مشي أنس باتجاها والكل كانوا عم يزفوهن لبعض والفرحة غامرتن وصل لعندا سلموا ع بعض وحضنوا بعض والكل عم يتطلع ع جنانن ويشوفوا الفرحة اللي بعيونن أول كلمة قل ياها (بحبك يا حلالي)ضحكت ضحكة بتجنن طيرتلو عقلاتو قعدوا العرسان وبلشوا الكل يباركولن ويحتفلوا فين طول الوقت أنس عم يتغزل بنبض وهي عم تدوب من الخجل وحاسا حالا رح تطير من الفرحة وأخيرا القدر ضحكلا وعطاها الشي اللي كانت متمينتو الشخص اللي غيرلا كلشي بحياتا وخلاها تدوب فيه ضلوا يحتفلوا فيهن لنص الليل بعدا خلصت الحفلة وقرروا يزفوا العرسان ع بيتن نبض ودعت أم أيهاب وعيلتا وكانت الدمعة بعيونا وهنن ودعوها بالدموع والفرحة مع بعض كأنها بنتن عنجد ودعتن وطلعت ع بيتا وحياتا الجديدة الخاصة فيها وبأنس...... وأخيرا وصلوا العرسان بيتن:
أنس:نورتي بيتك يانور عيوني انتي.
نبض:تطلعت فيه بخجل وماكان يطلع معها ولا حرف كانت ملبكة كتير والتوتر مبين عليها.
أنس:سمعيني صوتك مجنونة ماسمعتوا اليوم.
نبض:...
أنس:بحبك.
نبض:بصوت واطي وأنا كمان.
أنس:بلش أنس يحكيلا حكي حلو وهي كانت تدوب وقت تسمعو منو.
نبض:.....
أنس:ضل يحكيلا كلام حلو ونبض كانت تحاول تخلي يحكي غير شي طلب منها تسمعو صوتا بس نبض تطلعت فيه تطليعاتا المعتادة اللي أنس بيعرف كتير منيح شو رح تحكي بعدا.
نبض:أنا....
أنس:لااتتطلعي فيني هيك...بدي أقبرك بأرضك أزا بتقليلي جوعانة هلأ.
نبض:ههههههههه.
أنس:ههههههه مجنونة بحبك.
نبض:وأنا بحبك كتير.
أنس:طيب تطلعي شوفي هنيك.
نبض:شو؟.
لتفت نبض ولقت أنس محضرلا كلشي بتحبو ع طاولة حلوة ومزينلا ياها وكان كاتبلا فوقن (بحبك يانبضة قلبي) جنت نبض لما شافت شوفي عالطاولة وشو مكتوب صارت تنط متل الصغار وضمتو بجنان.
أنس: شو بعشق هالضحكة اللي بتنرسم ع وشك.
نبض:بحبككك كتير.
وهيك كانوا عم يقضوا ليلة عمرن وأنتوا شو لسا عم تعملوا هون حاجتكن خلوا العالم ياخدوا راحتن ببيتن فضوليين😜.
بنرجع لعند أياد:
-----------------------
كمان بهالايام هي أياد قدر يتقرب من راما كتير وقدر ياخذ منها شغلات بتساعدو بعدين لحتى يستفزا فيها ويخليها تحكي كلشي هو بدو يعرفو.
ميس:كانت دائما هي ورهف ع تواصل مع أياد عم يخططوا سوا ليوقعوا راما وشلتا طبعا كل واحد الو غاية بهالشي.....
ميس ورهف وأياد بحكوا مكالمة جماعية....مرحبا أياد.
أياد:أهلين في شي جديد؟.
رهف:أي في بس أول شي قلنا أنت شو صار معك طلع معك شي ولاا لاا؟.
أياد:من عندي كلشي تمام بس أحكولي شو عندكن؟.
ميس:عرفنا أنو أخوها لراما راجع عالبلد من كم يوم.
أياد:وهالشي بشو بدو يفيدنا يعني؟.
رهف:كيف شو بدو يفيدنا راما مابتحسن تعمل شي لما أخوها بكون موجود.
ميس:هو عصبي كتير وراما مافيها تفلت ع كيفا بوجودو.
أياد:تمام أزا هيك صار فيني هددا بكلشي عندي وخوفا بأخوا.
رهف:شو مسكت عليها لحتى نعرف أزا بفيدنا ولاا لاا؟.
ميس:أي صح قللنا شو نحنا بنعرفا لراما منيح محدا بقدر يوقعا بسهولة لهيك خلينا نتأكد ماابدنا نخبصلنا شي خبصة ونضيع الفرصة من أيدنا.
أياد:تمام أنا متأكد كلشي عننا بفيد أزا كان أخوها متل ماقلتولي.
أية:أياد تعا تغدا مع مين عم تحكي.
أياد:يالله بنحكي بعدين.
رهف:خبرنا كلشي بصير معك.
أياد:أن شاء الله الله معكن.
أية:شو أياد كأني عم حاكيك.
أياد:يالله هلأ جاي أتغدا.
أية:مع مين عم تحكي؟.
أياد:أية حاج تتدخلي فيني أي.
أية:أياد...
أياد:أمي عم تنادي يالله تعي.
أية:ماشي يا أياد مارح تخلص مني هيك.
تاني يوم الصبح:
-----------------------
أنس:يسعدلي صباحا عروستي الحلوة.
نبض:يسعدلي صباحك حبيبي.
أنس:لك دخيل هالصباح أحلى صباح بعمري.
نبض:مجنون لااتبلش هلأ.
أنس:مجنون فيكي مو مصدق يعني أنتي هلأ صرتي مرتي وحلالي دخيل الله أنا.
نبض:ههههه أي وأنت صرت زوجي ونور عيوني.
أنس:أيي دخيل عيونك أنا.
نبض:دخيل قلبك.
أنس:قومي خلينا نفطر يالله.
نبض:ماشي حبيبي.
ببيت أبو أياد:
-------------------
أياد:صباحو حبيبي.
راما:أهلين حبيبي دخيل صباحك.
أياد:أشتقتلك كتير وبدي شوفك ضروري يالله.
راما:مافيني صعب هلأ.
أياد:شو هي مافينك وصعب ليش من أيمت بصعب عليكي شي أنتي؟.
راما:لك عنجد صعب بعدين شو هي مابيصعب عليكي شي شو قصدك يعني؟.
أياد:لك ياقلببي قصدي أنو فيكي تطلعيلك حجة لتشوفيني ع طول هلأ شو اللي تغير يعني؟.
#يتبع....
#غربة_روح
#الجزء الرابع عشر
#بقلم أيمان علو
أياد:لك ياقلببي قصدي أنو فيكي تطلعيلك حجة لتشوفيني ع طول هلأ شو اللي تغير يعني؟.
راما:اللي تغير أنو أخي رجع من السفر ومافيني أطلع وقت اللي بدي.
أياد:أيوااا.
راما:شوو.
أياد:مابعرف أنا لازم شوفك ضروري.
راما:لييش ضروري؟.
أياد:لأني أشتقتلك ورح أزعل كتير أزا ماخليتني شوفك اليوم.
راما:طيب شو أعمل يعني طب خلص رح أجي.
أياد:طيب ماشي ناطرك بنفس المكان وبنفس الموعد.
راما:طيب هلأ باي.
أياد:باي...أنا بفرجيكي يا واطية.
أبو أياد:أبني أياد شو عم تعمل؟.
أياد:خير بابا لازمك شي؟.
أبو أياد:يابني صرلك فترة طويلة من لما نزلت عالبلد.
أياد:أي.
أبو أياد:أنا ماعاد فيني أشتغل متل قبل والبيت لازمو مصروف ولاز....
أياد:أي بابا فهمان عليك أنا عم دور ع شغل ورح أشتغل بهالفترة وأنت أرتاح ولااتاكل هم شي بقيان معي مصاري كمان مع أمي بنصرف منن هالفترة لبين مالاقي شغل.
أبو أياد:الله يرضى عليك يا أبني.
أياد:الله يخليلنا ياك.
ببيت أنس:
-----------------
أنس:نبضي تعي علا وأمي بدن يحاكوكي.
نبض:ياروحي شو أشتقتلن.
أنس:حاكين فيديو.
نبض:طيب حبيبي.
نبض:صباحكن.
علا:أم أيهاب: صباحية مباركة ياعروس.
نبض:حبيبات قلبي يبارك بعمركن تسلمولي.
أم أيهاب:كيفك حبيبتي؟.
نبض:تمام مو ناقصني غير وجودكن.
علا:كزابة شو بدك بوجودنا هلأ هههه.
نبض:هههه لك تضربي أي.
أم أيهاب:شو بلشنا بقى.
نبض:مابتنسى هالعادة.
علا:مجنونة اليوم البيت مو حلو من دونك أشتقتلك يا أختي.
نبض:دمعوا عيونا بقرب لعندا أنس وبصير بحكي معا شو نحنا بالهند يعني تعوا زورنا أزا مشتاقيلنا.
علا:رح نزوركن ونخليكن تملوا مننا.
نبض:ناطرين زيارتكن لانو أنا كمان كتير أشتقتلكن.
أم أيهاب:ياحبيبة قلبي أن شاء الله.
علا:وهاد أيهاب فاق كمان.
أيهاب:صباحكن شو عم تعملوا.
أم أيهاب:دخيل صباحك حبيبي هدول العرسان عم يحكونا.
أنس:شو ولاا لهلأ لتفيق حضرتك.
أيهاب:أيي مين بدو يفيقني ياحسرتي مالي عريس أنا هههه.
أم أيهاب:علا:ههههه بلشنا بلكي بتغار وبتتزوج أنت كمان.
أنس:هههه تزوج مين ماسكك.
أيهاب:صباحية مباركة شريك.
أنس:حبيبي يبارك فيك ع قبالك.
أيهاب:تسلملي وينا نبض.
نبض:أحمم ليكني جوعانة كتير.
أيهاب:ههههه عروس فجعانة لييش مو جايبلا أكل ولاك.
أنس:ياعيني بلشنا لسا قبل شوي أكلت لو تاركا كانت أكلتني الي كمان.
نبض:هلأ هيك؟.
أنس:ههههههه أيي.
أم أيهاب:ههههه الله يسعدكن يارب.
أيهاب:الله يعينك أخي ههههه.
بالجنينة بنفس المكان بلتقوا راما وأياد: ياترى شو هالمفاجئة اللي محضرا أياد لراما وشو رح تكون ردة فعلا معقول أياد قدر يلعب لعبتو ولا راما محدا ممكن يقدر يلعب معا؟...
راما:كيفك حبيبي.
أياد:أهليين وسهلين ست راما كيفك أنتي.
راما:مشتقتلك.
أياد:اممم.
راما:وأنت مـا أشتقتلي؟.
أياد:هو بصراحة يعني هئ مو زيادة.
راما:أيي حاجتك بلا غلاظة أعترف قديش مشتقلي يالله.
أياد:بتطلع فيها بنظرات غريبة عليها.
راما:شبك أياد؟.
أياد:أنا مو مشتقلك أنا مشتاق شرشحك وشرشح اللي نفضك.
راما:شبك جنيت أحترم حالك شو هالتخبيص هاد؟.
طبعا أياد بكون بهالفترة جمع كلشي معلومات عن راما وأهلها وعن أخوها اللي أجا من السفر وهالشي بمساعدة ميس ورهف.
أياد:ماشاء الله عليكي كتير بتحبي الاحترام.
راما:حل عني ياا أنا ماشية جايبني لهون لحتى تحكي معي هالحكي؟.
أياد:لاا أبدا جايبك لهون لحتى فرجيكي كم شغلة بس.
راما:شو هنن؟.
أياد: بفرجيها صور عالموبايل.....أول شي قليلي هالشب الحلو مين بكون؟.
راما:هد هي شوو جابا عليك وشو عم تخبص أنت؟.
أياد:هاد أخوكي صح...لحظة وهاد عنوان بيتكن كمان ماا؟...وسمعت أنو أخوكي أول ماوصل صار عندو رقم سوري كمان بعتقد هاد هو كمان مو ياحلوة؟.
راما:أنت شو عم تخبص لوين بدك توصل؟.
أياد:ولااشي بس في كم صورة وكم شغلة النا حابب فرجين لأهلك شو رأيك؟.
راما:ياحقير أنا شو عملتلك لتعمل معي هيك؟.
أياد:أوووه ياحرام ماعملتي شي.
راما:شو بدك مني أنا حبيتك من كل قلببي بحياتو محدا قدر يضحك عليي بس ماعم أفهم ك...
أياد:ماعم تفهمي كيف قدرت أضحك عليكي ماا؟.
راما:واحد حقير شو بدك قلي.
أياد:بعتقد أنتي أخر حدا بحكي عن الحقارة وسمعي منيح شو بدي وبدك تنفذي والأ هالصور وكلشي شفتي قدامك هلأ بوصلو أهلك وبنشروا عالنت كمان.
راما:بتحاول تبعت رسالة لحدا بتطلع فيها أياد وبقلا..
أياد:لااتحاولي تتشاطري أبدا وتتصلي بحدا من كلابك أزا بصرلي شي في مين يكفي المهمة عني وبوصل لأهلك كلشي كمان يعني مافي فايدة.
راما:شو بدك ياندل؟.
أياد:أنتي منبع الندالة....هلأ بتحكيلي شو عملتي بأختي ووينا ولييش هيك عملتي فيا؟.
راما:مين أختك وأنت شو عم تخبص؟.
أياد:أختي أيلاف اللي ضحكتي عليها ومشيتيها معك.
راما:ببتزكر أيلاف وبتحاول تنكر...أنت أكيد مريض مين هي اللي عم تحكي عنها وأنا شو دخلني فيها؟.
أياد:والله أنتي هلأ رح تحكيلي شو دخلك فيها وشو عملتي فيها؟.
راما:روح شوف أختك مع مين فلتانة أنا شو دخلني لحتى عم تحاسبني.
أياد:خرسي وليك أختي أشرف منك ومن كل عيلتك فهمانة.
راما:حل عني.
أياد:طيب ماشي أنتي حرة أنا رح بلش أبعت الصورة وكلشي موجود هون ومالي خسران شي.
راما:لااااا.
أياد:لكن أحكي معك دقيقة بتحكي والأ بشرشحلك شرف العيلة اللي هو أساسا مشرشح.
راما:راما رح أحكي بس بتمسح كل هدول.
أياد:أحكي رح أمسح كلشي.
راما:أنا ماكنت بعرفها وكنت علقانة بواحد واطي ماكنت عرفانة كيف بدي أخلص منو طلعت هيي بوشي وخطرتلي فكرة ملعونة هيي اللي دمرتلي حياتي وخربتلي كلشي.
أياد:أحكي ياحيوانة شو عملتي فيها؟.
راما:والله ماعملت شي ماكملت اللي كان بدي أعملو.....كانت أختك منقذ كان بدي زتا قدامو والهيه فيها بلكي بحل عني.
أياد:واااطيية أختي وينا هلأ؟.
راما:مابعرف عنها شي يمكن ماتت تركناها ومشينا.
أياد:والله لأشرب من دمك أنتي وكلابك كملي شو صار؟.
راما:ضحكت عليها بسهولة وقلتلا أنو.........بلشت راما تسرد كلشي صار بهداك اليوم وأياد كان يستفسر منها عن كلشي وكان عم يسجلا كلشي وسألا عن الشغلات اللي عملتن مع رهف وميس لحتى يتأكد أنو هنن كمان مالن علاقة متل ماقالوا أياد قدر يوقع راما بس هالشي أخد معو وقت كتير صحي ماقدر يعرف مكان لأختو بس المهم أخدلا حقا وهو ماا أكتفى بهالشي أبدا قرر يسلم التسجيل لأهل راما وبعدا للشرطة وبسهولة قدر يوقع الشلة كلها بس للأسف ماقدر يعرف شي عن أختو بس الشي اللي كان يهمو أنو أختو بريئة من كلشي فكر فيه وأخد حقا وراما وشلتا دفعوا التمن غالي.
بعد أسبوع:
-----------
أياد حكا كلشي لأهلو والوجع زاد وكبر والكل صار متأكد أنو أيلاف خلص ماتت وماعاد في أمل ترجع الوضع ماكان سهل عليهن أبدا بس ضلوا مصرين أنو يتعاقبوا يلي كانوا السبب وهاد اللي صار.
ميس:كيفك أياد؟.
أياد:أهلين.
رهف:درينا شو صار براما والباقيين بس ماحكيتلنا شو صار.
أياد:المهم وقعناهن وأخدنا حقنا وهاد اللي صار.
ميس:شكرا كتير أياد أنت مابتعرف من شو أنقذتنا.
أياد:أني اللي لازم أشكركن بمساعدتكن عرفت مين الي قتلوا أختي.
رهف:نحنا ماعملنا شي.
أياد:حتى لو أختي مـارجعت بكفي عرفنا أنو أختي ماعملت غلط وعاط....
ميس:لاا أياد ماتحكي هيك أختك صغيرةومرباية ومابتمشي هيك طريق بس قدرا حطا بوش راما.
أياد:أي أنا لازم سكر يالله سلام.
رهف:ميس:الله معك
بعد شهرين: ببيت أيهاب:
--------------------------------
أم أيهاب:وين رايحين ضلوا سهرانين معنا اليوم وناموا هون.
أنس:غير مرة أن شاء الله أنا نعسان وتعبان والله وبدي روح أرتاح.
نبض:مارح نخليكن تشتاقولنا لااتخافوا.
علا:هههههه ريحتينا يعني.
نبض: ههههه خرسي أنتي أيي.
أيهاب: أنس بكرا مافيني روح عالمحل بكير عندي شغل روح أنت الصبح وأنا بجي بعد الظهر.
أنس:طيب ماشي يالله تصبحوا ع خير.
نبض:تصبحوا ع خير.
أيهاب: علا:وأنتوا من أهلو.
أم أيهاب:الله معكن حبيباتي.
كانت أيامي كلا هيك مع أنس وبيت أهلي اللي هنن بيت أم أيهاب وحياتي مع أنس كلا حلوة وحب وحنية حتى أزا زعلنا من بعض مابطول زعلنا لانو مابنسخى ببعض أبدا هو صار تؤام روحي وأبن قلبي وكلشي حلو بحياتي.
تاني الصبح:
-----------------
نبض:حبيبي فيق يالله تأخرت ع شغلك.
أنس:طيب حبيبي فايق يسعدلي هالصباح.
نبض:خليلي صباحك ياعمري يالله قوم تأخرت كتير رح جهزلك الفطور.
أنس:طيب قلبي.
بعد نص ساعة:
--------------------
أنس:حبيبي لييش ماا أكلتي؟.
نبض:شبعت الحمدلله.
أنس:صحة وهنا لكن قومي جهزي حالك خليني وصلك بطريقي لعند أمي وعلا.
نبض:لـيـش؟.
أنس:لأنو رح أتاخر للمسا مشان ماتملي لحالك بالبيت.
نبض:طيب حبيبي مابطول.
ببيت أبو أياد:
------------------
أية:صبااح الخير.
الكل:صبااح النور.
أبو أياد:شموستك عالية اليوم.
أية:أي والله مشان شو بدي فيق بكير لاا شغلة ولا عملة.
أم أياد:حبيبتي أية بدك تكملي دراستك نحنا ماعنا مشكلة.
أية:شو خطرلك هلأ ماما؟.
أياد:بتكملي دراستك أحسن مانك مقضيتا هيك.
أم أياد:أي والله متل ماعم يقول أخوكي.
أية:أنا بدي ضل هيك بالبيت وبهتم بأخي الصغير مو جاي ع بالي أعمل شي تاني.
أبو أياد:أنتي عم تحكي هيك مو أنتي اللي كان بدك تكملي دراستك؟.
أية:أي بابا أنت قلتا كان أما هلأ ماعاد بدي.
أياد:شو اللي تغير يعني؟.
أية:من لما راحت فوفو ماعاد الي نفس بشي أبداا خلص أنا هيك مرتاحة مابدي شي… وبترجع ع غرفتا وعيونا مليانة دموع.
أم أياد:أخخخ يابنتي.
أياد:بعين الله طولوا بالكن.
أبو أياد:ونعم بالله.
صارت الدنيا مساا وأجا أنس أخدني عالبيت فتحلي الباب أنس وكان كتير رايق ومبسوط شغل ضو البيت تفاجئت كان في بوالين عالارض وفجأة كمان شغل موسيقة وطلعت ع كلشي كان موجود كانت أجواء عيد ميلاد بس لمين مابعرف كنت مصدومة ومتفاجئة كتير تطلعت بأنس.....
تفاجئت كان في بوالين عالارض وفجأة كمان شغل موسيقة وطلعت ع كلشي كان موجود كانت أجواء عيد ميلاد بس لمين مابعرف كنت مصدومة ومتفاجئة كتير تطلعت بأنس وسألتو شو عم يصير...
أنس:اليوم عيد ميلاد مجنونتي وحبيبة قلبي مرتي الحلوة.
نبض:يعني أنا؟؟.... بس شو يعني كيف هيك؟.
أنس:شبك مجنونة شو هي يعني وكيف شبك ههههه.
نبض:حاج تجنني كيف يعني عيد ميلادي اه.
أنس:أنا رح قلك كيف.
نبض:يالله هات لشوف.
أنس:مرت الأيام بسرعة مابنسا هداك اليوم البجنن اللي جمعني بنصيبي الحلو من هالدنيا متل هاليوم وتقريبا متل هالوقت كان أول لقاء النا صحي كان مختلف بس مابنسا بحياتي...
نبض:يعني أنت عم...
أنس:يعني بنفس هاد التاريخ نحنا ألتقينا بغض النظر عن كل الظروف اللي عشناها أعتبرت هاد أحلى يوم لهيك سجلتو يوم ميلادك ويوم ميلاد حبنا.
نبض:يامجنون كيف هيك متزكر التاريخ والوقت يالله عنجد مو عرفانة شو أحكي.
أنس:أنتي هبلة مابنسا الفوضة اللي عملتيا بقلبي هداك اليوم ولا بنسى كيف تغيروا نبضات قلبي ساعة اللي شفتك فيها مابنسا شي بخصك يادبة.
نبض:ياااالله شوو بحبككك.
أنس:وأنا بعشقك كل سنة وأنتي الشمعة اللي منورتلي حياتي ونبضة قلبي المدللة.
نبض:وأنت سالم ياروح قلبي أنت.
أنس:مجنونة بعشقك.
نبض:هلأ صرلي وقت مناسب أحكيلك شغلة حلوة كتير رح تطيرلك عقلاتك.
أنس:في شي أحلى منك ليش؟.
نبض:مجنون حاج خليني أعرف أحكي.
أنس: ههههه طيب شو رأيك تخليني أحزر.
نبض:أممم يالله فكرة حلوة هات لشوف شو بتتوقع تكون هالشغلة.
أنس:نبضة قلبي في نبضة صغيرة جواتا رح تعملنا أب وأم.
نبض:ياااا مجنون كيف حزرت نزعتلي المفاجأة يالله.
أنس:يعني عنجد هيك؟.
نبض:أيي عنجد رح تصير أحلى أب.
أنس:دخيل الله ع هالخبر اللي صرلي زمان ناطرو.
نبض:عنجد حبيبي يعني مبسوط.
أنس:ورح يطير عقلي كمان مو مصدق.
نبض:يالله أعترف هلأ كيف حزرت هيك بسهولة اه قلي لشوف؟.
أنس:أحم أحم مادخلك.
نبض:لك بلا غلاظة أحكي يالله.
أنس:ههههه طيب....بلشت أعرف بهالشي من لما حبيبتي الفجعانة بطلت تاكل كتير وتخلي أكلاتا اللي بتحبن ومابتاكل منن شي وكمان..
نبض: ههههه خلص خلص شو مجنون طلعت منتبه ع كلشي.
أنس:هههه بس كنت ناطر أسمع منك هيك كنت حابب.
نبض:أممم وهي سمعت مني.
أنس:أحلى خبرية بسمعا بحياتي بس شومشان الكاتو رح أكلو لحالي ياسلام.
نبض:ههههه لاا ماحزرت رح اكلو كلو وماخليلك كمان.
بعد أسبوع:ببيت أيهاب
-------------------------------
أم أيهاب:رح تضلي اليوم عننا أيي والمسا بجي أنس كمان.
نبض:ان شاء الله بس وينا علا؟.
أم أيهاب:جوا عم تجهز حالا عندا دوام.
نبض:طيب وأيهاب؟.
أم أيهاب:يمكن لسا مافاق من النوم.
نبض:رايحة فيقو لنفطر سوا.
أم أيهاب:أي والله ياريت هي أزا قدرتي تفيقي.
نبض:هههه رح فيقو غصب عنو ماتخافي.
أم أيهاب:ههههه.
بغرفة أيهاب:
------------------
نبض:هي طلعت فايق ظلمناك قلنا عنك خمخوم.
أيهاب:شايفة ع طول بتظلموني هههه.
نبض:هههه صبااحوو كيفك؟.
أيهاب:يسعدلي صباحك تمام وأنتي؟.
نبض:تمام الحمدلله.
أيهاب:كيفك أنتي وأنس أن شاء الله مرتاحين؟.
نبض:الحمدلله مبسوطين ورح نعملك عم عن قريب هههه.
أيهاب:بحياة غواليكي عنجد عم تحكي؟.
نبض:هههه أي والله.
أيهاب:أيي بربي فرحتيني ليش هالحيوان ماقلي؟.
نبض:أي ماتحكي عنو هيك بجوز مالحق يحكيلك.
أيهاب:تضربي منك الو ههههه الف مبرووك رح صير عم ياسلام.
نبض:هههه بلشت تحكي كلشي مع بعضو بس مقبولة الله يبارك بعمرك ع قبالك ههههه.
أيهاب:ع قبالي شو وليك؟.
نبض:ههههههههههه قصدي أنو ع قبال ماتصير عندك مرة والخ...
أيهاب:أي من البداية جلسي هيك وأحكي منيح قال ع قبالي قال.
نبض:ههههههههه.
أيهاب:لاا ضاعت البنت أنس نزعك عالاخر.
نبض:ييي مابيطلعلك.
أيهاب:وعم تدافعي كمان الله يرحم أيام مااكان..
نبض:هههه لك خلص خلص هلأ بدياك تساعدني بشغلة بتمنى ماتخجلني.
أيهاب:خير شو هيي ناقصك شي تكرم عينك طلبي البدك ياه.
نبض:لك لاا مو ناقصني شي الحمدلله بس في شغلة بدي مساعدتك فيها.
أيهاب:لكن شو القصة؟.
نبض:بصراحة مابعرف شو بدي قلك بس ياريت ماتخجلني أنا حابة أوصل لأهل أنس وشوفن.
أيهاب:جنيتي شو بدك فيهن؟.
نبض:لييش جنيت أنس لازم يتصالح مع أهلو ولازم حدا يتحرك ويعمل شي.
أيهاب:بس أنس أزا سمع هالحكي رح يدايق كتير.
نبض:تروك أنس عليي أنا بحاول أحكي معو بس أنت ساعدني الله يخليك.
أيهاب:أنتي ليش بدك تعملي هيك فهميني؟.
نبض:لأنو بدي أنس يرتاح وتاني شي بدي قربو من أهلو وأتعرف عليهن حابة عيش معن جو العيلة بكفي أنو أنا مالي أهل خلي أهل أنس يكونوا النا العوض.
أيهاب:رح أزعل منك ليشش نحنا شو مو عيلتك وأهلك؟.
نبض:لك وتاج راسي كمان بس برأيكك عادي يضل أنس مقاطع أهلو هيك وبعيد عنن أنا عم بفكر بولادنا بالمستقبل بدي ياهن يكونوا قريبين من بيت جدن ولا غلط تفكيري؟.
أيهاب:لاا أبدا مو غلط بس.
نبض:بس شو؟.
أيهاب:ماتزعلي مني شو رح أحكي...بس أنتي مابتعرفي شو ممكن تكون ردة فعل أهل أنس وأزا رح يتقبلوكي ولا لاا.
نبض:فكرت بهالشي بس مالي حابة أستبق الاحداث رح جرب حظي وشوف شو بصير بس أنت شو قلت هلأ؟.
أيهاب:طيب ماشي رح ساعدك ورح قلك شي يضل سر بيننا.
نبض:أي أكيد.
أيهاب:أنس عندو أخت أسما سيدرا وانا وياها النا سنة ونص تقريبا بنحب بعض.
نبض:عنجدد؟.
أيهاب:أي عنجد وأنس بيعرف بهالشي أنا ماتقدمت لحكيت لأنس مشان مايعتبرا خيانة بعدين.
نبض:ماكنت متوقعة هيك شي أبدا وماكان مبين عليك.
أيهاب:أي أنس ماعندو مشكلة بهالشي وهي نفسا البنت اللي مرةكانت عننا بالمحل وشفتيا ضاممتو لأنس وصارت نيتك عاطلة ههههه.
نبض:ييي بلشنا بقى شو عرفك أنت؟.
أيهاب: ههههه حكالي أنس بهداك اليوم.
نبض:ايوا هلأ عطيني ألمهم أمك بلشت تنادي عالفطور.
أيهاب:المهم رح أعطيكي رقم سيدرا بس بالأول رح فهما كلشي وبعدين بتتفقوا أنتي وياها وان شاء الله بنتوفق بهالشغلة لحتى اقدر أخطبا لانو طقق قلببي.
نبض:ييي ياقلببي عليك لييش مافيك تخطبا هلأ؟.
أيهاب:مابدنا نخطب ووضع أنس هيك مع أهلو ناطرين فرج الله وهلأ بلكي أنتي بطلع معك شي ومتأكد سيدرا رح تنبسط بهالشي.
نبض:طيب ماشي أتفقوا وردلي خبر.
أيهاب:ماشي خلينا نطلع نفطر هلأ.
نبض:يالله.
وهيك بلشنا نخطط أنا وأيهاب كيف بدنا نرجع علاقة أنس بأهلو متل ماكانت وكان في طرف تالت ماكنت متوقعتو أبدا اللي هي سيدرا أخت أنس عرفني عليها أيهاب بس عالتلفون عم نحكي مع بعض وكانت كتير لطيفة ومتحمسة أكتر مني لهلشغلة يعني أزا زبطت رح تكسب رجعة أخوها وتنجمع بحبيبا ضلينا أكتر من أسبوع عم نحكي وخططنا أنو روح أنا زورن ببيتن بالأول وبعدين نحاول نستدرج أنس بس كنت ناطرة فرصة لأقدر روح ولسا ماصحتلي...
ببيت أنس:
---------------
أنس:شو حبيبي مع مين عم تحكي؟.
نبض:أه أي حبيبي عم أحكي مع علا.
أنس:هلأ تركيني دايق خلقي شو رأيك نطلع مشوار.
نبض:ياسلاام مشوار أي أنا اللي بطلع.
أنس:هههه أي يالله قومي جهزي حالك.
نبض:قايمة قايمة بحبكك.
أنس:مجنونة حاج تنطي شوي شوي كرمال البيبي.
نبض:ماتخاف مابصرلو شي.
بعد ساعة طلعنا وتمشينا بهالشوارع وطلبت من أنس ياخدني ع مدينة الملاهي كنت حابة شوف الصغار اللي فيها رحنا عليها وتمشينا فيها وكل الوقت كننا عم نتخيل كيف رح يكون أبنا وكيف رح نجي ونجيبو معنا ونخلي يلعب وينبسط فيها تطلعت عالطرف التاني شفت بياع غزلة البنات وأنس أنتبه أني عم أتشهون عليها ورحنا ليشتريلي.
أنس:شو حبيبي شايفك ماعاد شلتي عينك من هنيك.
نبض:في شغلة طيبة هنيك.
أنس: ههههه مشي أشتريلك ياها.
نبض:ياعيني يالله.
رحنا بأتجاهو وبلش البياع يتطلع فيني نظرات غريبة ماكنت أسترجي أرفع راسي قدام أنس مشان ماينتبه أني مدايقة من تطليعاتو ويحس عليه ويعمل مشكلة ضل أنس يشتريلي وأنا عملت حالي عم أحكي مع الولاد الصغار اللي بمدينة الملاهي...
البياع:أيلاف؟.
أنس:ياخي عم حاكيك.
البياع:معقول هيي ولا بتشبها بس أنا متأكد هيي بس هي محجبة وحامل مبين لاا أكيد مو هيي.
أنس:أنت وين عم تتطلع نزل عينك أحسنلك.
البياع:ﻋفوا أخي ماتأخزني بس...
أنس:بس شو؟.
البياع:ولاا شي بس يمكن مشبه ع هالمرة اسف.
أنس:صفن وفكر بالموضوع معقول بكون بعرفا لنبض يارب يكون طرف خيط رح أستدرجو بالحكي...تطلع أنس شاف نبض ملتهية مع الولاد وبلش يحكي مع البياع.
البياع:شو أخي ماحاسبتنا؟.
أنس:ع مين مشبه هالمرة.
البياع:ليشش عم تسأل؟.
أنس:أحكيلي الله يخليك.
البياع:شو أسما هيي؟.
أنس:نبض.
البياع:معناتو مو هيي.
أنس:مانو أسما الحقيقي أحكيلي ع مين مشبها؟.
البياع:بلش يحكيلو أنا أسمي أحمد شوفة عينك شو بشتغل بيوم من الايام كنت ماشي مع أمي وشفنا بنت وبلش يسرد كلشي........... ومن وقت طلعت هداك اليوم مابعرف عنها شي وأمي لسا في بقلبا زعل وانا بدي أرضيها لهيك لهف قلببي لما شفت هالمرة.
أنس:ماعم صدق معقول هيي نفسا؟.
أحمد:بس هديك أسما أيلاف.
أنس:بس هي ماكانت تعرف أسما معناتو مو هي.
أحمد:لاا هي ماحكتلنا أسما هويتا كانت بين غراضا.
أنس:عنجد أزا هيك تمام عطيني ياها وهلأ ببين معي أزا هيي ولا لاا.
أحمد:والله هي لساتا موجودة بس بالبيت وبيتي بالريف بعيد من هون كتير.
أنس:أي صح هي حكت هيك شي أول مالقيتا سردلو أنس كلشي........ وبنفس الوقت كان عم يتطلع ع نبض وخايف تكون شتلقت ع شي بس كانت ملتهية مع الصغار ومبسوطة معن.
أحمد:طيب ناديلا خليني عرفا بحالي أزا تزكرتني بتكون هيي.
أنس:لاا مابدي خليها تتأمل ع شي فاضي بس أنا لازم شوف الهوية وأتاكد ياريت تساعدني.
أحمد:أنا بدي المساعدة أكتر منك حابب أمي ترجع متل قبل معي هاد رقمي ****09 ورح أعطيك عنوان بيتي أيمت مابتحب أهلا وسهلا.
أنس:بكرا تمام.
أحمد:ماشي ناطرك بس مابدي خليك تتأمل أنا ماعندي
أي معلومات عنها وعن أهلها غير اللي موجود بالهوية قعدت عننا فترة بس ماقدرنا نعرف عنها شي.
أنس:بلكي بتكون خطوة موفقة ونقدر نعرف شي تاني عن طريق الهوية.
أحمد:ماشي أنا بأنتظارك.
أنس:شكرا كتير الك هدول حق الغزلات.
أحمد:لاا خلص هدول مني لأيلاف أن شاء الله تكون هيي.
أنس:طيب يسسلموا بشوفك بكرا.
أحمد:الله معك.
نبض:شو حبيبي وأخيرا أجيت لو رايح عالمريخ كنت رجعت من زمان.
أنس:هههه مو شايفة قديش في ولاد حواليه نطرتن يشتروا ويخلصوا بعدين جبتلك.
نبض:يسلموو حبيبي.
أنس:صحة وهنا ياقلبي.
نبض:شوف هالولاد شو بجننوا دخيل قلبن.
أنس:بكون شارد وبحكي مع حالو...معقول تكون هيي نفسا معقول أسما أيلاف عنجد بس الزلمة مانو متطر يكزب عليي أبدا والشي اللي حكا نفس اللي حكتو نبض أول ماشفناها بس شو الفايدة أزا مابيعرف أهلا كمان بس يالله بضلو طرف خي...
نبض:حبيبي عم حاكيك وين صفنان؟.
أنس:أي حبيبي عم أسمعك بس كنت عم أتطلع عالولاد.
نبض:واضح كتير.
أنس:يالله حبيبي خلينا نمشي.
نبض:طيب.
مشينا بس طول الطريق أنس كان ساكت وكأنو في شي شاغلو بالو حسيتو تغير مو هو أنس اللي كان معي من نص ساعة طول الطريق صفنان ومكركب.
نبض:حبييي شبك فيك شي؟.
أنس:لاا روحيي شو بدو يكون فيني بس نسيت قلك بكرا عندي مشوار برات المدينة وبجوز أتأخر للمسا.
نبض:مشوار شو ومشان شو؟.
أنس: أه يعني بدي روح جيب غراض للمحل كل مرة بروح أيهاب هالمرة رح روح بدالو.
نبض:يعني ضرورية هالروحة؟.
أنس:أي ضروري بس رح أرجع بنفس النهار.
نبض:بتفكر وبتحاكي حالا...هيك رح تصرلي فرصة روح عند أهلو وأتعرف عليهن وبنفذ اللي بدنا نعملوا أنا وسيدرا.
أنس:شو ليش سكتي؟.
نبض:لاا ولا شي الله يسرلك حبيبي بس مو تتأخر عليي.
أنس:خليلي ياكي حبيبي ليشش فيني أتأخر وروحي بعيدة عني.
نبض:خليلي روحك.
أنس:يالله خلينا نروح عالبيت برد الجو.
نبض:ماشي قَلبـــي.
أنس وصل نبض عالبيت وراح عالمحل لعند أيهاب متل مابتعرفوا أنس وأيهاب مابخبوا شي عن بعض الشي الوحيد اللي خباه أيهاب عن أنس هو اللي بدا تعملو نبض وهو عم بساعدا بهالشي مشان أنس....وصل أنس لعند أيهاب وحكالو كلشي صار معو بهاليوم وعن مشوارو اللي مقرر يروحو بكرا بس أيهاب ماكتير شجعو ع هالروحة وخاف عليه تكون شي لعبة وكان مصر أنو يروح معو بس أنس أقنعو بكلشي متل ماا أقتنع هو من أحمد وهو مصر ع هالشي لأنو وعد نبض يلاقيلا أهلا أو يلاقي شي يخليها تعرف مين أهلا هيك لحتى أتفقوا أنس وأيهاب ع مشوار أنس و يحكي للكل أنو رايح يشتري غراض بتخص شغلن بنفس الوقت كانت نبض عم تتواصل مع أيهاب وسيدرا عالواتس وتحكيلن أنو بكرا في عندا مجال مشان تروح تعمل اللي كان ناطرين فرصة لتقدر تعملو...نبض وأنس كل واحد مخبي شي عن التاني ومحدا عرفان فيه غير أيهاب.
أنس:فهمت عليي أيهاب؟.
أيهاب:خلص متل مابدك بس المهم تنتبه ع حالك منيح وحاكيني كل شوي مالي حاببلك هالروحة بس الله يسسرلك.
أنس:شبك ولوو شو رايح ع مافيا أنا هي زيارة مارح طول اكتر من ساعة عندن ومسافة الطريق وخلص.
أيهاب: بحاكي حالو ماكنت متوقع الحب اللي بقلوبكن لبعض يكون لهي الدرجة كل واحد فيكن عم يدور يعمل المستحيل لتسعدوا بعض ومحدا منكن عرفان شو عم يعمل التاني...الله ييسرلكن أنتوا التنين وتعيشوا مبسوطين.
أنس:شو يازلمة وين صفنت عم حاكي حالي أنا يعني؟.
أيهاب:أي معك بس.
أنس:خلص حاجتك ماتفكر بشي ربك هو البيسسر.
أيهاب:طيب ماشي أخي الله يسهللك.
أنس:أمين.
ببيت أيهاب:
-----------------
أيهاب بحكي مع سيدرا عالموبايل.
سيدرا:قولتك بتزبط مع نبض؟.
أيهاب:والله ياقلبي مابعرف بس أن شاء الله.
سيدرا:ليش حاسستك مانك مرتاح؟.
أيهاب:أنا أكل هم نبض مابدي يصير مشاكل بينها وبين أنس.
سيدرا:أنس قلبو طيب يمكن يدايق أول شي بعدين بروق أزا ماعملنا هيك رح يضل طول عمرو بعدين عننا.
أيهاب:بعرف هالشي بس كمان عم فكر بشي تاني.
سيدرا:شو هو؟.
أيهاب:أنتي صرتي بتعرفي قصة نبض كتير منيح خايف أهلك مابيتقبلوها ويجرحوها.
سيدرا:شبك أيهاب أهلي مانن سيئين لهدرجة.
أيهاب:بعرف بس أنتي شفتي حالك كيف كانت ردة فعلك لما دريتي بقى كيف أهلك؟.
سيدرا:تفاجئت بس وبعدين هاد الحكي بكير عليه خلينا نمشي أول خطوة والباقي ع الله بنشوف كيف بيسرلنا.
أيهاب:خير أن شاء الله.
ببيت أبو أياد:
--------------------
أم أياد:شو أياد شايف الدنيا مو وسعانتك خير أن شاء الله فرحننا معك.
أياد:أي والله ياأمي حاسس حالي أرتحت شوي.
أبو أياد: أن شاء الله دوم بس خير خبرنا شو القصة.
أياد:القصة أني لقيت شغل منيح براتب منيح ببمشي حالنا.
أية:وأخيرا مبرووك أخي.
أياد:تسلميلي.
أبو أياد:شو هو وأيمت رح تبلش؟.
أم أياد:الله يقويك حبيبي ويرزقك.
أياد:تسلمولي يارب.
تاني يوم:
---------------
نبض:صباح الخير حبيبي شايفتك فايق بكير كتير.
أنس:يسعدلي صباحك حياتي أي والله بدي روح خلص شغلي ع بكير لأرجع بكير.
نبض:الله يسرلك حبيبي.
أنس:تسلميلي.
قعدوا فطروا مع بعض وبعدا أنس مشي لضيعة أحمد اللي بتبعد عن المدينة ساعتين ونص ع أمل أنو يلاقي شي يوصلو لأهل نبض ويسعدها ويبطل يشوف الزعل اللي بعيونا لما بتتذكر أنو مالا أهل....بعد مامشي أنس بساعة أتصلت نبض بسيدرا ليتفقوا شو بدن يعملوا خلصت نبض كلشي عندا شغل وطلعت لعند أيهاب عالمحل لتتأكد أنو أنس تيسر ع شغلو وبنفس الوقت أتصلت فيه وتطمنت عليه وبعدا أيهاب وصلا لقريب بيت أهل أنس ومشي...نبض كانت متوترة وخايفة كتير وسيدرا نفس الشي أما أيهاب ماكان يعمل شي بس هو الطرف اللي عايش الخوف والقلق الأكبر خايف ع رفيقو وخايف ع نبض من ردة فعل أهل أنس وكمان خايف من ردة فعل أنس بس يعرف أنو نبض زارت أهلو يوم كان صعب عالكل بس ياترى شو رح تكون في نتيجة؟.
رنت نبض الجرس وكانوا نبضات قلبا مسموعين من التوتر طلع شب بشبه أنس كتير تطلعت فيه نبض وكانت عم تتميزو كتير منيح.
الشب:تفضلي مين حضرتك؟
نبض:عفووا هاد بيت أبو أنس؟.
الشب:أي هو تفضلي.
نبض: توترت كتير وماعرفت شو تحكي...لاا معلش بس فيني شوف سيدرا.
الشب:أي أكيد بس مين قلا؟.
نبض:قلا رفيقتا نبض.
الشب:أهلا وسهلا تكرمي.
الشب:سوسو وينك رفيقتك عالباب.
سيدرا:بتنط بسرعة عالباب عرفت أنو هي نبض....أهلين تفضلي بتسألا بصوت واطي أنتي نبض لأنو هنن مابعرفوا بعض غير عالموبايل ماصحتلن فرصة يشوفوا بعض.
نبض:أي أنا.
سيدرا:ياميت أهلا وسهلا تفضلي.
نبض:أهلين فيكي حبيبتي.
دخلت عالبيت كان بيت بطير العقل والعيلة كلا كانت موجودة وتعاملوا معي بأسلوب كتير راقي بس لسا الكل مفكريني رفيقة سيدرا الشباب أخوات أنس فورا قاموا مشان ناخد راحتنا بس بعد ماقعدنا شوي وحكينا نحنا وأمها أشرتلي سيدرا أنو صار لأزم نحكي الحقيقة فطلبت أنو الكل يكون موجود امها أستغربت هالحكي بس سيدرا فهمتها أنو بعد شوي رح نشرحلن كلشي...نادت سيدرا أبوها و أخواتا الشباب اللي هنن نبراس وسامر .
أبو أنس:خير سيدرا في شي؟.
سيدرا:بابا نبض بدا تحكيلكن شي وبتمنى تسمعوا للأخر.
أم أنس:خير بنتي شغلتيلنا بالنا.
نبراس:مافهمنا نحنا شو دخلنا بينك وبين رفيقتك؟.
سامر:ياجماعة أهدوا شوي وخلوها تعرف تحكي لنعرف شو القصة.
نبض:أنا بصراحة مو رفيقة سيدرا.
أبو أنس:كيف يعني؟.
نبراس:لكن مين؟.
نبض:أااانا بكون..
سيدرا:أحكي نبض من شوي خايفة؟.
أم أنس:أحكوا والله شغلتولنا بالنا.
نبض: حاولت تاخد نفس و تجمع كل القوة اللي عندا وتحكي...أنا بكون مرتو لأنس.
أبو أنس:شووو؟.
أم أنس: أنس متزوج؟
نبراس:شو عم تحكي أنس أيمت تزوج.
سامر:يعني من أيمت متزوجين؟.
كانت الصدمة مبينة ع وجوه الكل ومحدا عرفان شو يحكي كانوأ عم يتطلعوا بنبض بشكل غريب.
نبض:ياجماعة أنا أجيت لخبركن هالشي وحابة صفي القلوب وبدي أنس يرجعلك ويكون مرتاح مابدي أكتر من هيك.
أم أنس:ونحنا شو بعرفنا أنو أنتي عنجد مرتو لأنس مستحيل أنس يعمل هيك ويتزوج وهو بعيد عننا.
سامر:وليشش لحتى مايتزوج أمي شو ناقصو يعني شو بدو ينطر وأنتوا قديش الكن تاركينو لحالو ولا حتى فكرتوا تسألوا عنو.
نبض:أنا مالي مصلحة أكزب عليكن بشي وأنس زوجي صرلنا متزوجين سنة.
سيدرا:ماما أي هي مرتو لأنس وأنا بعرف أنو أنس تزوج ونبض هلأ حامل يعني أنس رح يصير أب وأنتوا تاركينو ومابتعرفوا عنو شي.
أبو أنس:كنتي بتعرفي؟...وليشش كنتي مخبية هالشي؟.
سيدرا:لأنو ماتت الرحمة بقلوبكن وقسيتو ع أنس كتير لدرجة أنو نسيتو أنو عندكن أبن أسمو أنس.
أبو أنس:نحنا عرفنا غلطنا بعدين وعرفنا أنو ظلمنا أنس كتير وحاولنا نوصولو وهو ماكان بدو يشوفنا أبدا.
نبراس:مابلومو أبدا هو معو حق يعمل أكتر من هيك ولا نسيت كيف طلعتو من البيت وحرمتو من كلشي بسبب...
أم أنس:بتبكي أنحرق قلبيي عليه وماكان يجي ويطمني عليه.
أبو أنس:غلطنا كتير مع أنس بس كمان هو الحق عليه قديش سعينا وركضنا لنرجع متل قبل بس كان يبعد عننا ويختفي لحتى مانعرف عنو شي.
سامر:معو حق عندكن فكرة قديش تعب لقدر يأسس حالو ويقدر يعيش نسيتو كيف جردتو من كلشي بسبب تافه.
سيدرا:بابا أنس ترك دراستو وصار يشتغل عند العالم لقدر يأسس حالو وهلأ ماتلومو ليشش تزوج يمكن الحنية اللي حرمتو منها لقاها عند هالبنت...نبض أحكي ليش ساكتة.
نبض:مابعرف شو بدي أحكي ماكان بدي أجي وأعمل هالشي بينكن و...
سيدرا:بالعكس أنتي ماعملتي شي بس أهلي عرفوا غلطن متأخرين.
نبض:أنا بس بدي تتصافى قلوبكن وشوف أنس مرتاح ماتفكرو أنس مرتاح من دونكن أنس كتير عم يتعزب وبالأخص لما يتذكر أمو هو صح مابيحكيلي بس أنا بفهمو من نظراتو من تصرفاتو من لمعة عيونو.
أبو أنس:لييش نحنا مرتاحين يعني الله وحدو بيعرف أنس ماعطانا مجال نعترفلو بغلطنا ونصلحو.
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```