الفصل 3
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غربة.الروح.tt*
*❴🔢❵☟الـــبـــــــــــ❴3️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
أية:أمي وأخيرا قمتي وغيرتي هالحالة اللي كنتي فيها.
أم أياد:أخ يابنتي بعرف حالي قصرت معكن كتير بس غياب أختك كسرلي ضهري بس مجبورة أرجع وأهتم بعيلتي و...
أبو أياد:الحمدلله ع سلامتك خير ماعملتي هي الحياة مستمرة أزا بكينا وأزا ضحكنا شو طالع بأيدنا غير الصبر والدعاء.
أم أياد:أخخ الحمدلله ع كل حال.
أياد:أمي قديش صرلي ماشفتك هيك...أخر مرة كانت من قبل ماسافر بتعرفي أني اشتقتلك كتير.
أم أياد:ياحبيب قلببي.
ومتل مالكن شايفين أم أياد كبست ع جرحا ملح وقررت تقوم تهتم بعيلتا طبعا هالشي مابيعني أنها نسيت بنتا بس مجبورة تهتم بباقي عيلتا لأنو محدا بعوض مكان الأم مين ماكان...متل مابقولوا الأم بتلم...
هيك الأيام مرت عليهن والكل قرر يتأقلم مع هالوضع مو بكيفو غصب عنو...حتى ايلاف تأقلمت مع حياتا ببيت أيهاب...و أنس كأن عطول يهتم فيها ومابيعرف ليش..وأم أيهاب وأختو كمان تعودوا عليها علا وأيلاف صارو متل الأخوات علا بنت كتير حنونة وطيوبة لهيك كانت متعاطفة مع أيلاف كتير بس ايلاف لساتا بلا أسم بيناتن مع هالشي الكل تعود ع الوضع....أما أم أحمد كانت ع طول تتذكر أيلاف وتتحسر عليها...وأحمد حاسس بالذنب ومعتبر حالو هو السبب بطلعة أيلاف من البيت...
بعد عدة أيام:ببيت أيهاب:
-------------------------------------
أنس:أمي أنا أخدت موعد من الدكتور ورح أخدا اليوم لعندو.
أم أيهاب:عنجد كتير منيح.
أيلاف:.....
أم أيهاب:تعي حبيبتي رح تروحي اليوم عالدكتور ونشوف ونتطمن ع وضعك.
أيلاف:طيب.
أنس:جهزي حالك لنطلع.
أيلاف:أنت متأكد أنو ماعم عزبك معي؟.
أنس:شو هالحكي بزعل منك هاا أنتي صرتي مننا وفينا وكلنا تعودنا عليكي.
أم أيهاب:حبيبتي ماتفكري أنو عم ناخدك عالدكتور لأن شفقانين عليكي أو بدنا ياكي تصحي وتعرفي أهلك لنخلص منك نحنا بدنا ياكي أنتي ترتاحي.
أيلاف:طيب ماشي شوي بجهز حالي وبطلع.
أنس:طيب ناطرك.
بغرفة علا:
---------------
واقفة أيلاف ومحتارة لك شو أني دبة قال جهز حالي قال لييش أنا شو عندي غير اللي لابستن...هفف ياربي كيف بدي أطلع قدام أنس هلأ بقول ماغيرتي شي..
علا:هههه شبك واقفة هيك متل الجدبة؟.
أيلاف:رح روح عالدكتور اليوم.
علا:عنجد حلو كتير ليش مدايقة لكن؟.
أيلاف:مو مدايقة بس فتت لجهز حالي تزكرت أنو ماعندي شي غير اللي لابستو وعم أضحك ع حالي.
علا:شو هالحكي بزعل منك مو قلتلك بتلبسي من تيابي صحي ممكن يكونوا كبار عليكي بس بتلاقي شي بلبسك أكيد.
أيلاف:عنجد شكرا كتير.
علا:حاج ع كل شغلة بتقولي شكرا دبة حاج.
أيلاف:مابعرف عنجد بس أنتوا الكن فضل كتير كبير عليي.
علا:الفضل كلو لرب العالمين...حاجتك هبل تعي خليني زبطك خلي أنس يجن اليوم هههههه.
أيلاف: دق قلبا بقوة...وأنس شو دخلو؟.
علا:طلعي من هالبواب الكل شايف كيف مهتم فيكي.
أيلاف:بحزن..بكون شفقان عليي.
علا:لاا أبدا مو هيك لااتفكري هالتفكير.
أيلاف:مافي غير هيك.
علا:مو هيك وحياتك يالله تعي هلأ خليني نقيلك شو تلبسي.
علا:ليكي هاد البنطلون الاسود حلو عندي عليه بلوزة بتجنن بما أنك مابتحطي حجاب أرفعي شعرك لفوق بطلع بجنن.
أيلاف:طيب.
علا:ألبسي أنا بعملك شعرك....شو رأيك حطلك شوية مكياج خفيف.
أيلاف:لاا مكياج كمان.
علا:خرسي رح حطلك تعي يالله.
بعد عشر دقايق تطلعت ع حالي بالمراية شفت وحدة تانية حسيت حالي كتير طالعة حلوة وبالاخص شعراتي فرحت كتير بهالشي صرت بوسا لعلا ع قد ماانبسطت هالشي حسيتو غير نفسيتي يمكن لأن، في تغير جديد بحياتي غير الشنططة والمشي بالشوارع وكمان حكي علا ضل علقان براسي عن أنس بس أنا عم حاول أمنع حالي من هالشي مابدي حدا يحبني لأن شفقان عليي.
أيلاف:أنا جاهزة.
أنس:يالله نمش...ورفع نظرو شاف وحدة تانية سحرتو ماقدر حتى يكفي كلامو تطلع فيها نظرات غريبة خلتا تخجل أنس نسي كل اللي حوالي وركز نظروا فيها.
علا:أحم أحم نحن هنا.
أنس:أااه أهلين علوش كيفك.
علا:ههههه منيح أنتبهتلنا معلم.
أنس:برأيي تخرسي يخرب بيتك أيهاب عداكي بالحيونة.
علا:هههههههه.
أم أيهاب:شو هاد طالعة بتجنني يخزي العين أي هيك ها من البداية تعودي وخدي عالجو هيك.
أيلاف:تسلمي خالة.
أنس:يالله نمشي مين رح يروح معنا كمان.
أم أيهاب:ان..
علا:بتقاطع أمها وبتغمزا...أنا عندي ضغط دراسة كنت بتمنى روح معكن وماما عم تعمل المربى كمان مابصحلا تروح روحوا أنتوا وطمنونا شو بصير معكن.
أم أيهاب:فهمت قصد علا وضحكت ع تصرف بنتا بس بنفس الوقت عجبتا الفكرة...هنن شايفين في أنسجام بين أنس وأيلاف لهيك قرروا يعطون مجال يضلوا مع بعضن.
أيلاف:رح نروح لحالنا يعني؟.
أم أيهاب:حبيبتي هاد أنس معك المرة الجاية بوعدك روح معك.
أيلاف:طيب ماشي.
أنس و ايلاف مشيوا مع بعض طول الطريق كانو ساكتين بس قلوبن كانت عم تحكي أنس ماقدر يشيل عيونو عنها أما أيلاف كانت خايفة وملبكة ومابدها تتقرب من أنس لأنو هي مفكرة أنو أنس عم يعمل هيك لأنو بس شفقان عليها....هلأ هو بالبداية كانت الأمور هيك بس صار في تطور من ناحية أنس والكل لاحظ هالشي والكل فرحان فيه مين بصدق أنو أنس يرجع يدق قلبو لبنت بعد كل اللي صار معو؟... لهيك أيهاب وأهلو ضلوا متمسكين بأيلاف وماحبوا أنها تطلع من عندن ألا ليصير اللي ببالن...وياترى شو هو اللي ببالن؟....وشو هو الشي اللي صار مع أنس؟.
أم أيهاب:تيسروا الله يكون معن ويحل عقدة هالبنت يارب.
علا:أمين يارب...أمي شفتي كيف أنس كان عم يتطلع فيها؟.
أم أيهاب:أي شفتو كيف كان رح ياكلا بعيونو يارب يصير اللي ببالي حاجتو هالشب تعتر كتير بحياتو.
علا:ماما معقول يكون هيك يعني ماني قدرانةصدق أنو أنس يرجع يحب بعد كلشي صار معو.
أم أيهاب:هي الحياة مستمرة لك بنتي والله عطانا نعمة النسيان وبلكي هالبنت كمان تغيرلو حياتو لأن والله حبيتا من كل قلبي.
علا:أن شاء الله...كان بدي قلك أنو حابة أخدا عالسوق نشتريلا كم قطعة لأن ماعندا شي تلبسو وتيابي عم يطلعوا كبار عليها.
أم أيهاب:أي لييش لاا بس خلينا أول نشوف شو بصير معن عند الدكتور وبعدا بنروح وبنشتريلا وبنشتريلك كمان.
علا:ههههه دخيل اللي بفهم عليي.
أم أيهاب:هههه بعرفك ع شو عم تخططي.
علا:ههههههه.
عالطريق:
--------------
أنس:وصلنا فوتي من هون.
أيلاف:طيب.
حكا أنس مع الممرضة وتأكد من موعدن عند الدكتور وقالتلو أنو ضل نص ساعة ع موعدن عند الدكتور وهو كان بيعرف هالشي بس تقصد يجوا بكير مشان يكسب وقت أكتر مع أيلاف.
أيلاف:شو أيمت رح ندخل لعند الدكتور؟.
أنس:نص ساعة.
أيلاف:مبكرين كأنو مو؟.
أنس:لو يطلع بأيدي خلين يأجلوا الموعد لأخر النهار.
أيلاف:يي لييش؟.
أنس:مشان أكسب هالقعدة الحلوة.
أيلاف:....
أنس:بدي أسألك.
أيلاف:شو؟!.
أنس:يعني أنا لأيمت بدي ضل ناديلك من دون أسم قصدي نحنا يعني كلنا؟.
أيلاف:كيف يعني من دون أسم؟.
أنس:يعني قصدي لما بناديلك بتطر قول(ليكي أو شوفي أو طلعي)وهدول الكلمات لحتى تنتبهي.
أيلاف:أي صح بس مابعرف يعني أنا مابعرف شو أسمي.
أنس:أي بعرف أنك مابتعرف أسمك بس أنا عندي أقتراح مابعرف أزا رح يعجبك.
أيلاف:شو هو؟!.
أنس:أممم قررت سميكي شي أسم بناديلك فيه أنا والكل شو رأيك؟.
أيلاف:تسميني؟!!!.
أنس:أيي أزا ماعجبتك الفكرة بلاها هو رح يكون أسم مؤقت بلكي بتتعالجي وبترجعلك زاكرتك.
أيلاف:بالعكس عجبتني كتير بس شو رح يكون الأسم؟.
أنس:أممم رح سميكي أسم ع زوقي وأزا ماعجبك بنغيروا شو رأيك؟.
أيلاف:موافقة شو رح تسميني؟.
أنس:رح سميكي (نبض).
أيلاف:نبض!!!!!!.
أنس:أي شو ماعجبك؟.
أيلاف:عجبني كتير بس ليش هالاسم بالتحديد؟.
أنس:يعني هيك لأني بحبو وبس...شو قلتي؟.
أيلاف:موافقة.
أنس:عاشت الاسامي نبض.
أيلاف:شكرا.
الممرضة صار دوركن بس أستاذ أنس أنت ماعطيتنا أسم للمريضة وهالشي مابصير.
أنس:أسما نبض.
الممرضة:نبض شو الكنية؟.
أيلاف اللي صار أسما نبض هلأ ورح نكفي القصة بهالاسم لأنو الكل رح يصير يناديلا فيه....سكتت وصارت تتطلع بأنس مابتعرف شو بدا تقول.
أنس: أسما نبض حاج علي.
الممرضة:تمام فيكن تتفضلوا.
أيلاف يلي صار أسما نبض:عم تتطلع ع أنس ومو فهمانة شي ومابتعرف شي عن هالكنية اللي حكاها أنس للحظة فكرت أنو معقول يكون أنس عرف أهلي ولا كمان هي الكنية متل الاسم اللي سماني ياه.
بصحيها أنس من شرودا يالله نبض فوتي خلينا نشوف الدكتور.
نبض:طيب.
أنس:مرحبا دكتور.
الدكتور:أهلا وسهلا كيفكن.
أنس:تمام...هي نبض اللي شرحتلك حالتا.
الدكتور:أهلا وسهلا تفضلي كيفك.
نبض:كان الدكتور عم يتعامل معي بطريقة كتير هادية وأسلوب حلو..الحمدلله.
الدكتور:فيكي تحكيلي كلشي بتعرفي عن حالك؟.
نبض:بلشت أحكيلو كلشي وعيت عليه للساعة اللي أنا قاعدة فيها معو....طريقة كلامو حسستني بالراحة كنت عم أحكي بكل هدوء وحاسة حالي عم أرتاح شوي شوي لدرجة أنو فكرت حالي قاعدة مع دكتور نفسي....أنس كان عم يتطلع ويتابع حديثنا بصمت وتمعن..... بعدا الدكتور بلش يسألني أسألة كتيرة.....
الدكتور:بدك تحكيلي هلأ اللي عم يصير معك بالضبط.
نبض:كيف يعني؟.
الدكتور:عم تتوهمي بذكريات ممكن تكون موجودة أو لاا؟.
نبض:لما بحاول اضغط ع حالي لاتزكر شي بصيبني صداع قوي.
أنس:دكتور حسب تشخيصك لحالتها شو نوع فقدان الذاكرة اللي عم تعاني منو؟.
الدكتور:هلأ فقدان الذاكرة الو عدة أنواع بس هي عم تعاني من فقدان الذاكرة عند الصدمات....هاد النوع ناتج عن تلف بعض الخلايا بالراس نتيجة صدمات حادة بالراس واللي بتكون من حوادث الطرق أو أثر سقوط من أماكن مرتفعة....وهذا النوع بيعمل فقدان ذاكرة من ثوان معدودة ألى غيبوبة مستمرة يعني فيك تقول حسب طريقة العلاج اللي بخضعلا المريض.
أنس:بس حسب ماعرفنا منها أنو العلاج اللي أخدتو ماكان كافي برأيك هالشي رح يأثر؟.
الدكتور:طبعا رح يأثر بس مافي شي مالو علاج بس بياخد فترة طويلة والعوامل النفسية كمان الها تأثير كبير...بس المهم هلأ لازم نعالج الصداع اللي ببتعرضلو المريضة بعدين بنلتفت للأمور التانية.
أنس:أن شاء الله.
الدكتور:لحطك بالصورة أستاذ أنس فترة العلاج رح تكون طويلة شوي.
نبض:قديش يعني؟.
الدكتور:بالوقت الحالي مافيني حددلك لأن هي أول معاينة الك مع الأيام ببين معنا.
أنس:طيب ماعنا أي مشكلة المهم نبض ترجعلا ذاكرتا أو تتحسن.
ضلينا عند الدكتور أكتر من ساعة كان عم يوجهلي الاسئلة ويناقشني بكتير مواضيع أرتحت لدرجة أنو حسيت صفاء براسي وراح كلشي مشوش يمكن ماتغير شي بس نصائح الدكتور هي اللي غيرت فيني هالشغلات متفائلة كتير فيه لأن من أول معاينة حسيت براحة....يارب تكمل معي يارب....طلعنا أنا وأنس طلب مني أنو نقعد سوا بشي أو نتمشى ماحبيت خجلو وكمان كنت حابة أطلع مشوار معو كنت ملبكة كتير خجلانة منو مابعرف ليش بس هالمرة أنا قررت أكسر الصمت وأحكي....
__________
نبض:بدي أسألك.
أنس:سألي اللي بدك ياه.
نبض:أنت سميتني نبض قلتلي أنك بتحب هالاسم.
أنس:أي أزا قصدك أنو مو عاجبك بنغيرو.
نبض:لاا أبدا مو هيك.
أنس:لكن شو؟.
نبض:بس بدي أسألك عن الكنية اللي حكيتا شو قصتا؟.
أنس:أكيد مو متل الأسم.
نبض:كيف يعني؟.
أنس:أنتي بتعرفي تقرأي ولااكمان نسيانة بس فاقد الذاكرة مابفقد حروفو أكيد بتعرفي تقرأي ماهيك؟.
نبض:أي بعرف بس شو خص هالحكي بسؤالي.
أنس:أبتسم وطلع هويتو وعطاها لنبض.
نبض:هي كنيتك!!!!!!.
أنس:أي ليش متفاجأة هيك؟.
نبض:أنت ليش هيك عم تعمل أنت بتعرف أني مافيني ردلك كل هالشغلات اللي عم تعملي ياه.
أنس:يامجنونة أنا مابدي منك ترديلي شي بلا جنان....أنس لما قال يامجنونة كان عم يحاول يكسر الحواجز اللي بيناتن شوي شوي.
نبض:ليش عم تعمل هيك؟.
أنس:لأني معتبرك أمانة برقبتي.
نبض:بس أنت مانك متطر تتحملني كل هالقد.
أنس:بتحبي البوظة؟.
نبض:بفهم من هالحكي أنك عم تغير السيرة؟.
أنس:رح أكل بوظة وخليكي هاا.
نبض:أي ماحزرت مابخليك تتهنى فيها لحالك.
أنس:ههههه يالله نروح نشتري.
نبض:ليك بدي قلك شي...بتمنى أنو هالشي ماعم تعملو من باب الشفقة.
أنس:ع شو بتحبي البوظة؟.
نبض:ههههه طيب ماعاد أحكي شي.
أنس:أي هيك تمام هههههه.
ببيت أبو أياد:
--------------------
أياد:أية وينك؟.
أية:هون شوفي.
أياد:تعي قعدي شوي بدي أسألك كم سؤال وبتوعديني تجاوبيني بصراحة أيي.
أية:خير أخي شوفي؟.
أياد:بدي تقليلي وقت اللي كانت أيلاف هون كانت بتعرف حدا أو بتحكي مع حدا؟.
أية:أياد شو قصدك؟.
أياد:جاوبيني الله يخليكي.
بتسمع أم أياد هالحكي وبتتدخل.
أم أياد:شو هالحكي هاد أياد؟.
أياد:أمي وحياة ربي رح جن.
أم أياد:عم تشك بأخلاق أختك لك نسيت أنو هي تربايتي؟.
أياد:الناس عم تحكي علينا أشكال والوان.
أية:طز بالناس أختي ماعملت شي غلط هي مابتعمل اللي أنت عم تفكر فيه عنجد عيب عليك.
أياد:لكن وينها كيف أختفت فهموني؟.
أم أياد:بتنهار من البكي وبتوجه كلام قاسي كتير لأياد.
أياد: أمي أنا بفضل أنها تكون ميتة أحسن مايكون اللي عم فكر فيه صحيح.
أية:مين زرع هالافكار براسك فهمني لك معقول تشك بأختك حتى لو أختفت هالشي مابيعني أنها عاطلة فهممتت؟.
أياد:بضرب راسو عالحيط...ولكك أخخخخ أخخخ.
أم أياد:الله يغضب عليك ع هالكلام.
أياد:لاا أمي بترجاكي لااتغضبي علي سامحيني خلص سامحيني ماكان قصدي.
أم أياد:.....
أياد:أمي بترجاكي أرضي علي لااتزعلي مني لك أنا رح جن رح طق حسي فيني الله يخليكي.
ببيت أيهاب:
--------------------
أم أيهاب:أهلين واخيرا اجيتوا.
أنس:أهلين فيكي أمي.
أم أيهاب:أهلين بنتي.
نبض:أهلين فيكي كيفك؟.
أنس:وينو أيهاب؟.
علا:راح عالمحل.
أنس:لكن أنا رايح لعندو.
علا: بالأول احكيلنا كيف كان مشواركن طمنونا شو صار معكن؟.
أم أيهاب:أي والله طمنونا.
أنس: أنا بدي روح هلأ نبض بتحكيلكن.
علا وأم أيهاب تفاجئو كتير بكلمة أنس لما قال نبض وصاروا يتطلعوا ببعض وأنس حس ع حالو وقت تطلعت فيه بخباثة بلش يصلح الموقف فورا.
نبض:شبكن؟.
أنس:أه نسيت أحكيلكن يعني هلأ قررنا نسميها نبض مشان ماتضل بلا أسم ومانعرف شو ناديلا.
أم أيهاب:أيوواا أي والله فكرة حلوة.
علا:شو أخي شو سر هالاسم هههههههه.
أنس:خرسي يالله سلام.
أم أيهاب:هههه الله معك حبيبي.
علا:تعي وليك أحكيلي كلشي عالسريع يالله يالله.
نبض:ههههه شبك طولي بالك عليي.
أم أيهاب:ههههه خلص روقي عليها شوي.
نبض:بلشت تشرحلن كلشي صار بالتفصيل بس علا كانت تسألا عن شغلات تانية غير الدكتور وكان بدها تعرف كلشي ونبض تلبكت بس علا ماحلت عنها الا خلتا تحكي كلشي وبالتفصيل الممل.
بالمحل:
----------
أنس:كيفك ولاا.
أيهاب:منيح شرفت.
أنس:ههه حقك عليي.
أيهاب:طمني شو صار معكن.
أنس:كلشي تمام.
أيهاب:أي؟.
أنس:شو أي؟.
أيهاب:أحكي شبك عم أسحب منك الحكي سحب.
أنس:رحنا عالدكتور وشاف..............
أيهاب:تمام الله يشفيا يارب....عطيني الأهم يالله لشوف.
أنس:شو هو الأهم؟.
أيهاب:حاج تجدبا بقى.
أنس:حاجتك أنت مابكفيني علا ومسخرتا لحقت فيك.
أيهاب:أي بتستاهل ههههه....حكيلي يالله عرفان كلشي ومبين عليك.
أنس:والله أنت عطول بتكشفني.
أيهاب:بعرفك أكتر من حالي هات حكيلي عم حسك شايل بقلبك كتير حكي.
أنس:أخخ ياصاحبي أي والله.
أيهاب:وأنا عم أسمعك أحكيلي.
أنس:مابعرف كيف بدي أحكيلك عم حس حالي ضايع.
أيهاب:أنت بتحبا لهديك البنت؟.
أنس:قصدك نبض؟.
أيهاب:مين نبض؟..ولا ليكون أسما نبض هيي كيف عرفت؟.
أنس:روق عليي لاا بس أنا سميتا هالاسم مشان ناديلا فيه.
أيهاب:اللله ومالقيت غير هالاسم شكلك وقعان عالاخر لك أخي أيامك.
أنس:مالي عرفان أزا هالشي صح ولاا غلط؟.
أيهاب:ليش يعني؟.
أنس:عم حبا وأتعلق فيها كل يوم أكتر من اللي قبلو كيف وأيمت وليش مابعرف؟.
أيهاب:مافي شي غلط بالموضوع شو اللي مخليك مهموم هيك يعني؟.
أنس:وضع البنت وكما...
أيهاب:ليكون عم تفكر بأصلا وشاكك بهالشي.
أنس:برأيك مالازم فكر بهيك شي.
أيهاب:ليك مابخفيك أنا وأمي شفنا لهفتك ع هي البنت وتناقشنا بالموضوع بس أمي حكت كلام أقنعني.
أنس:شو حكيتو؟.
أيهاب:سألتا نفس الاسئلة اللي عم تدور براسك.
أنس:أي؟.
أيهاب:قالتلي البنت مبين عليها مرباية وبنت اصل أنا عرفت هالشغلات من اسلوبا وتعاملا مع الكل صحيح فاقدة الذاكرة بس فاقد الذاكرة مابينسا الشي اللي تربى عليه عاداتو اسلوبو وكلشي عاش عليه هي الشغلات مالا صلة بالذاكرة.
أنس:عنجد هيك في وجهة نظر.
أيهاب:وأنا هالكلام كتير أقنعني وخاصة بالفترة الأخيرة لما صرت أتعامل معها وأحكي معها عم حسا متل علا.
أنس:يعني أمي كمان مقتنعة بهالشي.
أيهاب:ومومصدقة أنو تشوفك عريس لك أمي بتحبك أكتر مني وبتتمنالك الخير.
أنس:لااطول بالك عريس فرد مرة.
أيهاب:ليشش لاا؟.
أنس:سألتني عن أهلي ماعرفت شو جاوبا.
أيهاب:أيي؟.
أنس:بحس أنو وضعي مابختلف عن وضعا كتير الفرق أنو هي مابتعرف أهلا وأنا بعرفن هه.
أيهاب:ماقلتلا شي أبدا؟.
أنس:قلتلا مسافرين برات البلد.
أيهاب:ليش ماحكيتلا الصراحة؟.
أنس:بكيير.
هيك الأيام كانت تمر.... أنس عايش بحيرة كبيرة وحبو لنبض عم بزيد يوم عن يوم بس هي ماعم تعطي فرصة أبدا ماعم تسمحلو ولاتسمح لحالا يحبو بعض كل كم يوم عم يروحوا عالدكتور سوا ويطلعوا مشاوير سوا لحد مايوم كانوا مع بعض وطلب منها......
أنس:نبض.
نبض:أي شو؟.
أنس:ليش مابتغيري طريقة لباسك؟.
نبض:كيف يعني شبو لباسي ماحلو؟.
أنس:ولأنو حلو بدي ياكي تغيري.
نبض:مافهمت؟.
أنس:أنتي حلوة وبتلفتي النظر كتير وبالأخص شعراتك.
نبض:أي.
أنس:بدي أسألك.
نبض:شو؟.
أنس:لو كان عندك دهب كتير بتخبي ولاا بتخلي الرايح والجاي عينو عليه؟.
نبض:بخبي.
أنس:لكن خبي هالدهبات هدول مانن شعرات عاديين أبدا.
نبض:أمم كأنو عم تبالغ؟.
أنس:لاا أبدا هاد واقع وأنتي حرة بس أنا عم نبهك وقلك أنو دائما الشغلات الحلوة والغالية ببتتخبى فهمتي؟.
نبض:أي فهمت.
أنس:تمام.
نبض:طب أنا جوعانة كتير.
أنس:ههههه خسا الجوع مشي ناكل شو بدك طعميكي اليوم؟.
نبض:شاورما.
أنس:تكرم عينك.
بعد شوي....لك كلي شوي شوي يادبة هلأ بتغصي هههههه.
نبض:بتحكي وتما مليان...هئ مابغص ولاليكون داقت عينك.
أنس:أي داقت عييني ولاامانك منتبهة أنك بلشت تاكلي صحني كمان.
نبض:هاد الصحن لألي موضروري تاكل أنت.
أنس:الله يعيني ع هالمجنونة هههههه.
خلصنا أكل ورحنا لعند أيهاب عالمحل نشوفوا ونتسلى شوي كنت كتير انبسط وأستمتع بنقار أنس وأيهاب أحيانا بحسن روح وحدة قديش حلوة الرفقة لما تكون هيك....
نبض:مرحبا سيد أيهاب.
أيهاب:وهو عم يشتغل ومنزل راسو....أهلين أختي بشو فيني أخدمك؟.
نبض:ههههههههه.
أيهاب:برفع راسو ...هي أنتي؟ ههه أهلين.
أنس:يعدمني هالجدبة اللهي.
نبض:ههههه كيفك.
أيهاب:تمام وأنتي.
نبض:تمام.
أيهاب:شو وين كنتوا.
أنس:رحنا عالدكتور وبعدا طلعنا مشوار.
نبض:قال مشوار قال حتى شاورما ماطعماني.
أيهاب:له له يابخيل أنا بفرجيه خلص هلأ بناكل سوا.
نبض:هههههه ياعيني.
أنس:يخرب بيتك من حالك مين اللي أكل صحنين هلأ.
أيهاب:ههههه هدوا شبكن رح تنتفوا بعض.
نبض:أكل صحني وصحنو وخلاني بلا أكل.
أيهاب:واضح ههههههه.
أنس:بسيطة يا أم بطن ازا بطعميكي شي مرة تانية مابكون أسمي أنس.
نبض:أي مابدي هلأ أيهاب بشتريلي ننننا.
أيهاب:هههههه بربي بتضحكوا.
أنس:الله يصبرني بسسس.
أيهاب:طيب تكرمي ست نبض هلأ بنتصل بعلا وبنقلا تجي كمان وبنطلع كلنا شو قلتوا؟.
نبض:تمام.
أنس:هالمرة رح تاكلنا نحنا وصحونا.
نبض:شو دخلك أنت.
أنس:مجنونة.
أيهاب:روقوا بقى.
أجت علا وطلعنا مشوار بجنن وأكلت شاورما مرة تانية ههههه بس هالمرة أكلت بس صحني مـا أكلت صحن حدا لأنو عيب ههههه أصلا أنا مابحب بطني بس الأكل طيب شو أعمل يعني؟....بعد ماخلص المشوار رجعنا عالبيت وأنس راح ع بيتو مابنكر أني تعودت عليه وع أهتمامو فيني وطول الوقت عم فكر فيه بس مابعرف ليش خايفة أتقرب منو وبادلو نفس المشاعر أنس بستاهل كلشي منيح الحب قليل عليه لهيك بخطرلي أنو بستاهل وحدة أحسن مني وحدة معروفة هي مين وأهلا مين افكاري مخربطة ومشوشة كتير مابقدر بعد عنو ولا أتقرب منو أبدا شو نهاية هالشي؟.....طلع الصبح وسمعت أنو أنس رح يجي يفطر معنا فرفح قلببي من جوا وحبيت أعمل شي يفرحو.
نبض:علوش.
علا:أي شو؟.
نبض:علميني كيف بتحطي حجابك.
علا:شو خطرلك؟.
نبض:حابة أتحجب متلك.
علا:عنجدد!!!.
نبض:أيي وكتير كمان.
علا:حلو كتير بس شو خطرلك؟.
نبض:هيك حابة اتحجب حاسة أنو كبرت وصار لازم أتحجب.
علا:خليلي اللي كبر أكيد هاد أنس هيك قلك مـا؟.
نبض:أااه لاا أبدا أنس شو دخلو أنا بدي هيك.
علا:ههه أي صدقت تعي اعملك حجاب وعلمك كيف تعملي.
نبض:لك دخيل ربك.
عملتلي علا حجاب وطلع كتير حلو ماكنت متوقعة أنو رح يطلع عليي الحجاب حلو كل هالقد أنبسطت كتير فيه وطلعت قعدت معن الكل تفاجئ من هالشي وأكتر شي أنس صاروا الكل يباركولي ويهنوني بحجابي الجديد هالشي شجعني أكتر بس أنس ماحكا شي نظراتو هيي اللي كانت عم تحكي كانت كلا أعجاب ويمكن حب...طلعنا من البيت أنا وياه وهالمرة تقصدت قلا لعلا تروح معنا عالدكتور رافقتنا لنص الطريق وبعدا تحججت أنو عندا مشوار ضروري ومشيت وضلينا أنا وأنس لحالنا مرة تانية كنت أتجنب نظراتو تمنيت لو علا ضلت معنا كل النهار مشان مايتطلع فيني هالتطليعات ضلينا كل الوقت هيك..... متل العادة خلص موعدنا عند الدكتور وطلعنا وضع ذاكرتي متل ماهو ماعم يتغير بس الصداع اللي كنت عم عاني منو أرتحت منو مع هيك أنس ضل مصر أني التزم بمواعيدي عند الدكتور يمكن لأنها الفرصة الوحيدة اللي بتصحلو وبتخلي يضل معي وقت أطول حيااتي كتير تغيرت مع هالعيلة عم حسن أهلي عنجد أحيانا بقعد وبفكر أزا لقيت أهلي كيف بدي أتعود بدون أم أيهاب وولادا ومن دون أنس.....
__________
نبض:خلينا نروح عالبيت.
أنس:لييش مستعجلة؟.
نبض:لاا عادي.
أنس:شايفك كيف ملبكة كتير.
نبض:لاا.
أنس:مبسوط منك كتير لأنك فهمتي كلامي وع فكرة الحجاب طالع عليكي بجنن.
نبض:هاد من زوقكك أنا كمان مبسوطة فيه كتير ومبسوطة أنك وعيتني عليه.
أنس:وأنا مابدي غير تكوني مبسوطة....بس ليكي قصة مبارح تبع الشاورما ماني نسيالك ياها هاا.
نبض:هههههههههه تعيش وتاكل غيرا.
أنس:مجنونة مو بأيدك.
نبض:هههههه.
أنس:أنس ضعف قدام ضحكتا وماعاد فيه يتحمل أكتر حكا حكي كان يقول عنو بكير بس هالمرة قلبو غشو وخلاه يحكي غصب عنو.....نبض أنا بحبك.
نبض:سمعت هالكلمة وتكركبت كتير ماكانت متوقعتا أبدا هي بتعرف وحاسة بمشاعر أنس تجاها بس ماتوقعت أنو تسمعا منو بهالوقت وبنص الشارع.
أنس:سمعتي شو قلت؟.
نبض:أااه أيه وأ...
أنس:أنتي شوو؟.
نبض:أنا أنا جوعانة كتيرررر.
أنس:هههههه لك مجنونة سمعتي شو حكيت؟.
نبض:أه أيي كنت عم تحكي عن الأكل يالله نروح ناكل.
أنس:أيي مافي أكل يالله.
نبض:هلأ هيك عنجد بخيل رح روح لعند أيهاب وقلو هاا.
أنس:دخيلك كلشي ولا تعلقيني بلسان أيهاب يالله تفضلي ست أم بطن قديش بتحشي.
نبض:ليكون عم أكل من جيبتك يعني.
أنس: بالله شو لالاا أبدا عم يطعمونا ببلاش بالمطعم مشان حضرتك يا أم بطن.
نبض:أي يالله.
أنس:ياريتك بتحبيني ع قد مابتحبي الأكل.
نبض:شو قلت؟.
أنس:عم قول شو بدك تاكلي؟.
نبض:لنوصل وبنشوف وبدي بوظة هاا وبدي..
أنس:شو كمان الله لايشبعك ههههه.
خلص مشوارنا ورجعنا أنس وصلني عالبيت ومتل العادة خالة أم أيهاب بتسألني وبتتطمن شو قلي الدكتور أما علا بتبلش تحقق معي شو حكالي أنس وشو عملنا وهيك...كنت دائما أسأل عن أهل أنس ماحدا عطاني جواب الكل بكتفي بكلمة مسافرين من دون أي كلام تاني لهيك صار عندي فضول كتير أعرف وخصوصي أنو مرة كننا نحكي أنا وأنس بموضوع الأهل وهيك شي قلي ع فكرة وضعي مابختلف عن وضعك زيادة وبعدا حسيتو تلبك وحاول يغير السيرة لهيك صار عندي فضول أعرف شو قصة أهلو أنا متأكدة أنو في شي.
المسا ببيت أيهاب:
-------------------------
قعدنا عالسفرة كلنا سوا بس أنس كان ببيتو.
أيهاب:تعي كلي أم شاورما.
نبض:ييي أنس بقلي ام بطن وأنت بتقلي أم شاورما.
أم أيهاب:ههههههه.
علا:ياعمي في حدا مابحب بطنو أنا لو بضل باكل طول الوقت مابشبع ههههه.
نبض:هههه تعي صفي جنبي يالله.
أيهاب:الله لاايشبعكن.
أم أيهاب:لك ياريت عم ببين فيهن الأكل اللي بياكلو كلو بروح عالفاضي.
أيهاب:أي أحسن شو ناقصنا أزا بسمنوا شوي بصيروا بياكلونا حتى نحنا ومابوفرونا هههههه.
نبض:ع أساس أنت تمك صغير ومابتاكل.
علا:عايش عالبسكوتة يقبر قلببي ههههه.
أيهاب:تضربي منك الها.
هيك صارت أيامي معن وطول الوقت انا وأيهاب الحرب شغالة بيناتنا كان يعتبرني متل علا وأنا معتبرتو أخي وسندي كمان ماشفت بطيبة قلبو هو وأهلو....سهرنا سوا وبعدين كل واحد راح ع غرفتو ماقدرت نام بهديك الليلة فكرت كتير بأنس وتذكرت كيف قلي بحبك كان جاي ع بالي روح لعندو بنص الليل وقلو أنا كمان بحبك كتير بس هالشي صعب...صارت الدنيا صبح فقت ع صوت جارة أم أيهاب مرة سئيلة كتير محدا بحبا بتجي لعند أم أيهاب وبتلزقلا بالساعات وأم أيهاب بتنرفز منا ومن حكيا كتير بس شو بدا تعمل مو معقول تطردا من بيتا....طلعت من الغرفة سمعتا عم تحكي عني ووقفت بعيد وعم أسمع....
أم محمد:شو هديك البنت لساتكن مقعدينا عندكن.
أم أيهاب:ألا أسم ماتقولي عننا هديك البنت.
أم محمد:ييي اللي بسمعك عم تحكي هيك بقول بنتك.
أم أيهاب:أيي بنتي ومابسمحلك تحكي عنها.
أم محمد:مابخفيكي الجيران كلن عم يحكوا بسيرتا وكيف فايتة وطالعة هي وأنس.
أم أيهاب:بقص لسانو الي بجيب سيرتا بالعاطل فهمانة سكري عالسيرة.
أم محمد:يا أختي أنا عم احكي من شانك معقول تخلي عندك بنت من الشارع وطول الوقت مع أبنك أيهاب ورفيقو.
علا:خالة أنتي تعديتي حدودك مابسمحلك هاا.
أم محمد:أنا بحكي لمصلحتكن بعدين ياعلا وحدة تانية مابتخلي أنس يروح من أيدا هيك لوحدة تانية ومن الشارع كمان كلنا كنا متوقعين أنو أنس يخطبك.
أم أيهاب:أنتي شو عم تخبصي أنس أبني وربيوا سوا هو وعلا جنيتي أنتي من وين عم تجيبي هالحكي؟.
علا:ماما طلعي هالمرة من هون أحسن مااتصرف تصرف تاني هاا.
أم محمد:شو قصدك علا يعني عم تطرديني من بيتكن.
أم أيهاب:أيي ولابقى تشوفينا خلقتك أبدا.
أم محمد:لك أنا الي الحق عليي أصلا لأنكن شراشيح بتفوتوا شراشيح ع بيتكن.
أم أيهاب:طلعي برا بيتي يالله.
علا:لعمة ع قلة الزوق لك أمي كم مرة قايلتلك هالمرة مابتتصاحب انو ليش بتفوتيها عالبيت مالي عرفانة.
أم أيهاب:كنت بعرف أنها قليلة أصل بس مو لهدرجة.
نبض:بتدخل وهي بتبكي...لاا خالتي هي المرة ماغلطت ومعا حق بكل كلمة حكتا.
أم أيهاب:شو هالحكي يابنتي هي وحدة حشرية وقليلة أصل.
نبض:بس ماغلطت أبدا انا بنت ش...
علا:ماتكملي نبض بلا جنان أنتي مانك هيك.
أم أيهاب:بقطعلو لسانو اللي بحكي هيك.
نبض:أنهارت كتير وبلشت تبكي بشكل مو طبيعي.
علا: بتحضن نبض......ليكي أنا طول عمري بحلم تكون عندي أخت بنت أفهما وتفهمني وعيش معا لحظات حلوة بس الله حرمني من هالشي ولما أجيتي أنتي حسيت أنو ربيي عطاني اللي بدي ياه مافكرنا فيكي ولا تفكير سيء وماعتبرناكي الا مننا وفيننا.
أم أيهاب:ماتهتمي لحكيا وأنسي كلشي سمعتي.
فتت عالغرفة وبلشت أتزكر كلشي طلعاتنا أنا وأنس و كلام هالمرة رجع نفسيتي للصفر لهيك قررت أني أرفض أنس بشكل نهائي بلشت قضي أيامي كلا بين هالحيطان بطلت روح عالدكتور وكل ماكان يجي أنس كنت أقفل الباب ع حالي وطول الوقت بحاول يتصلي ومارد عليه حتى الموبايل هو جبلي ياه مشان يضل يتطمن عليي....أم أيهاب شرحتلو كلشي صار معي لهيك تفهم الوضع منيح وضل عم يحاول معي ليوصلي وأيهاب ع طول كان يوصلي حكي منو وأنا كنت طنش مر شهر ع هالحالة حسيت أني كتير أشتقتلو وبلشت رتب أفكاري وأتذكر كلشي عملي ياه أنس.... بلشت أحكي بيني وبين حالي أنو أنس مالو شفقان عليي هو بحبني لولا هيك ماعمل كل هالشي مشاني وأنا ماعم حس فيه وهو مالو ذنب بكلام هديك المرة هي حكت وأنا عاقبتو هوو...بهداك اليوم حسيت أنو عندي رغبة كبيرة بأني شوفو وأحكيلو كلشي بقلبي قررت أطلع وروح لعندو عالمحل وأقعد معو...لبست وطلعت وصلت لجنب المحل قعدت ع نفس الرصيف اللي قعدت عليه أول مرة كمان ضايعة وأفكاري مشتتة متل أول يوم قعدت بهالمكان بس هالمرة ضايعة ومشتتة بين قلببي وعقلي.... هالمرة أنا اللي بلشت راقب حركاتو وكلشي فيه كان قاعد وصافن عم يسمع غنية ل اليسا...(أنا مين عندي بعدك ولمين قلببي بكون من هواك أه من هواك أه من قلبيي الماجفاك) كنت عم أسمع معو الغنية وحس بكل حرف فيها بلشت أمشي لعندو بخطوات بطيئة بس قبل ماوصل شفت بنت فاتت لعندو ضليت واقفة بالمكان اللي وصلتلو وضليت عم راقب كيف كان عم يستقبلا ويضما بلهفة كبيرة تمنيت لو أني بحلم أو أني ماأجيت لشوف هالمنظر بلشت أرجع شوي شوي لورا وعرفت أنو كلشي كذبة....أنس أنتبه عليي كيف كنت واقفة طلعت فيه وطلع فيي هزيتلو براسي يمكن فهم شو معناها ومشيت مكسورة مرة تانية.....بعد شوي سمعت صوت عم بناديلي....
أنس:نبض وقفي شوي.
نبض:....
أنس:صرلي ساعة عم ناديلك ليش ماعم تردي؟.
نبض:......
أنس:كنتي جاية لعندي ماا؟.
نبض:....
أنس:أحكي أي شي بتعرفي أني أشتقتلك كتير ليش هيك عملتي فيني؟.
نبض:لا ماكنت جاية لعندك.
أنس:مو صحيح هالحكي أنا بعرف ان....
نبض:أنا كنت بعرف أنو أنت بس شفقان عليي وأنو...
أنس:هسس ماتكملي أنتي مجنونة بعرف تدايقتي لأنك شفتي....
نبض:مابهمني شو شفت أصلا مابخصني.
أنس:هي أختي يامجنونة.
نبض:أختك!!!
أنس:أي أختي.
نبض:.....
أنس:لو دخلتي عالمحل كنت عرفتك عليها.
نبض:مو ع أساس أهلك مسافرين هلأ جايي عم تقلي أختك؟.
أنس:أهلي مو مسافرين أهلي هون بالبلد بس...
نبض:بس شو؟.
أنس:خلص مشان الله مابدي أحكي شي هي أختي وبسس.
نبض:أنا مادخلني ليش عم تبررلي؟.
أنس:لأني بحبك بحبك أيمت رح تفهمي هالشي؟.
نبض:.....
أنس:بعرف أنك بتحبيني ليش عم تتهربي مني؟.
نبض:....
أنس:أحكي أي شي.
نبض:شو بدي أحكي؟.
أنس:طيب لا تحكي شي...مانك جوعانة؟.
نبض:أي جوعانة كتير.
أنس:مجنونة مو بأيدك مشيي يالله.
ضليت مع أنس طول اليوم وحكالي أنو صرلو سنة مقاطع أهلو بس ماقلي شو السبب وماكان حابب يحكي قضينا وقت حلو مع بعض كنت بدي قلو أني بحبو وطلعلو كلشي بقلبي بس مابعرف ليشش كنت خايفة..
__________
ببيت أيهاب:
----------------
أم أيهاب:وين كنتي لك بنتي شغلتيلنا بالنا؟.
نبض:أسفة ماكان بدي أشغللكن بالكن بس حبيت أطلع أتمشا شوي.
أم أيهاب:طيب فوتي غيري تيابك وتعي قعدي معنا.
نبض:ماشي هلأ جاية.
ببيت أبو أياد:
--------------------
أياد:بابا الوضع صار منيح بمنطقتنا ليش مابنرجع أحسن من القعدة هون والمصروف الزايد.
أبو أياد:عم فكر بهالشي بس مابدنا نستعجل خلونا نطول بالنا شوي.
أية:أي والله ياريت نرجع...
أم أياد:وين نرجع؟..أنا مابتحرك من هون لترجعلي بنتي.
أبو أياد:شو اللي رح يتغير يعني؟.
أم أياد:رح ترجع والله رح ترجع.
أياد: بحاول يساير أمو....طيب أمي نحنا بنرجع ع بيتنا وهي بس رجعت أكيد رح تروح لهنيك.
أم أياد:شايفيني مجنونة لحتى تسايروني هيك...عم قلكن بنتي رح ترجع وأنا مارح أطلع من هون.
أبو أياد:خلص أجلولنا الحكي بهالموضوع راسي عم يوجعني.
دائما كان في خلافات ببيت أبو أياد ومحدا بتحمل التاني هيك أنقلبت حياتن وتغيير كلشي فيها....ومو بس هنن اللي تغيرت حياتن لسا في أشخاص تانين عم يدفعوا تمن الشي اللي عملوا بأيلاف الاشخاص اللي كانو السبب بكلشي اللي هنن راما وشلتا أكيد ببتذكروا راما شو عملت وهي اللي خطتت لكلشي بس بالنهاية هي اللي خسرت...
مجد اللي كانت ممشيتو ع كيفا صار هو يمشيها ع كيفو وبياخد اللي بدو ياه منها وعالطالعة والنازلة بهددها باللي صار .....
راما:مجد مابدك تحل عني بقى؟.
مجد:له لييش ياحلوة ليكون مليتي مني؟.
راما:شو بدك مني خلص حل عني.
مجد:مو بهالسهولة رح تخلصي مني حبيبتي هههه.
راما:لعمة ماأحقرك.
مجد:خرسي وليك ونفذي اللي بدي ياه أحسن ماشرشحك وأحكي كلشي بعرفو.
راما:ماتنسى أنو أنت ألك أيد بكلشي ورجلنا بالفلقة سوا وغير هيك الك سوابق كتيرة.
مجد:ههههههه لاا أبدا مالي نسيان بس مالي خايف عملي اللي بدك بالنهاية أنا شب وأزا أنحبست أو أنفضحت عادي بس شو عنك ياحلوة بعدك بنوتة بأول عمرك حرام تخي بالحبوس هههه.
راما:واحد حقير مو بأيدك.
مجد:معك ساعة وبتكوني هون فهمانة.
راما:الله ياخدك ويخلصني منك ياحقير.
أما ميس تغيرت كتير تحولت من بنت مرحة لبنت كتومة وأنعزالية ومابتحكي مع حدا أبدا بعدت عن راما وشلتا وحتى عن أهلها بس رهف كانت تزورها ع طول وتتطمن ع وضعا يعني وضع رهف ماكان أحسن من وضع ميس بس هيي مقتنعة أنو مالها ذنب باللي صار....
رهف:مرحبا خالة كيفك.
أم ميس:أهلين حبيبتي تفضلي.
رهف:كيفا ميس؟.
أم ميس:ع حالا ماتغير فيها شي أخ يارهف بموت وأعرف شو اللي عمل بميس هيك؟.
رهف:أه أيه خالة بسيطة أن شاء الله الا ماترجع متل ماكانت.
أم ميس:أن شاء الله فوتي لعندا هي جوا متل العادة.
رهف:مرحبا ميس.
ميس:أهلين.
رهف:كيفك.
ميس:عايشة لسا مامتت.
رهف:حاجتك بقى شو هالجنان؟.
ميس:ماعم أقدر أنسا يارهف ماعم أقدر.
رهف:نحنا مالنا ذنب بشي وأنتي بتعرفي هالشي منيح.
بتكون أم ميس عم تسمع للحديث من ورا الباب لحتى تعرف شو السبب اللي عمل ببنتا هيك هي بالبداية كانت مفكرة أنو بنتا عشقانة بس الحقيقة كانت فوق توقعاتا وكانت مرة أكتر من هيك ضلت عم تتسمع ع كلشي دار بيناتن.....
ميس:نحنا الي النا ذنب لييش ماحذرناها من راما ومجد وشلتن لو خبرناها ماكانت راحت وبعدين نحنا كيف رحنا معا لك كيف مافكرنا شو كان رح يصير فينا لو كملنا معا.
رهف:مابدك تنسي اللي صار هي بعدنا عن راما وماصار فيننا شي خلصينا بقى.
ميس:وهديك البنت اللي راحت لك يمكن ماتت منظر أما وهي عم تسألنا عنها ماعم بروح من بالي.
رهف:حاجتك طلعي ع حالك كيف صرتي.
ميس:أنا بعرف بيت أهلا ورح روح خبرن بكلشي ماعاد مافيني بدي أرتاح شوي تعبت.
رهف:شو جنيتي أنتي؟.
ميس:أي جنيت وبدك تروحي معي.
رهف:والله راما أزا دريت رح تعمللنا مصيبة ولا نسيتي شو عملت معك قبل مشان ماتحكي.
ميس:ماعاد يهمني شي خلص.
بتدخل أم ميس وهي عم تصرخ... شو هاد اللي عم أسمعو وشو القصة شو اللي مخبى ومين هين اللي عم تحكوا عنها؟.
رهف:خالة م مافي شي.
ميس:مماما.
أم ميس:شو عاملة يامحترمة قلبي كان حاسنني أنو ورا سكوتك هاد في مصيبة.
ميس:أمي بترجاكي تهدي رح أحكيلك كلشي.
أم ميس:سمعوا أنتوا التنتين أزا جربتوا تخبوا شي رح
تشوفوا شي مابعجبكن أبدا.
رهف:رح نحكي خلص بس نحنا مالنا ذنب بشي.
ميس:رح أحكيلك بس بترجاكي تساعديني.
أم ميس:أحكي شو عاملة الله لايوفقك.
ميس:من كم شهر طلعنا مشوار وكان في بنت أسما راما هي البنت عندا شلة وسخة بس نحنا ماكنا بنعرف بهالشي والله العظيم ماكننا بنعرف عنها شي....
أم ميس:يافرحتي فيكي عم ترافقي حيالله كملي كملي لشوف.
ميس:مرة تعرفنا ع بنت كانت أصغر مننا بكتير.............ميس حكت لأمها كلشي صار بهداك اليوم بالتفصل جنت عليها أمها وبلشت تضرب فيها وتدعي عليها.
رهف:خلص خالة بترجاكي تهدي ميس مالا ذنب.
أم ميس:ع أساس أنتي أنظم منها الله لاايوفقكن لك كيف هيك بتعملوا؟.
ميس:والله مالنا دخل والله.
أم ميس:لك مالكن دخل لييش تركتو البنت هيك ليش ماخبرتوا أهلا لييش ما ساعدتوها لك مو حرام عليكن.
رهف:نحنا حاولنا نساعدا أجت راما هددتنا بشغلات نحنا مو عاملينا.
ميس:ولأنو عرفنا هالبنت قديش وسخة وبتعمل كلشي مشان مصلحتا ماقدرنا نعمل شي وسكتنا غصب عننا.
أم ميس:هلأ بتقوموا نروح عند أهلها يالله بدكن تحكوا كلشي مو قلتوا أنو مالكن دخل؟.
رهف:خالة بلكي صارت القصة برقبتنا.
أم ميس:أنتوا قلتوا أنو ماكنتوا بتعرفوا شو القصة ومالكن دخل بدكن تقوموا معي هلأ يالله.
ميس:أنا رح روح وأحكي كلشي صار ومارح خبي شي.
أم ميس:حسبي الله ونعم الوكيل.
ميس:أمي والله مادخلني.
أم ميس:لااتقولي أمي أنا من هاللحظة مالي...
ميس:بترجاكي أمي لاا قلتلك مالي ذنب.
أم ميس:بتعرفي بيت أهلها؟.
ميس:أي بعرف.
أم ميس:قوموا يالله.
ببيت أبو أياد:
----------------------
أبو أياد:أياد شوف مين عالباب.
أياد:حاضر.
فتح أياد الباب شاف مرة وبنتين عالباب ميس كان مبين عليها أثار ضرب أمها كانت عم تضربها من دون وعي الشي اللي سمعتوا ماكان قليل عليها تخيلت حالا مكان أم أياد وحدا أخدلا بنتا هيك...
أم ميس:هون بيت....وبتسكت مابتعرف بيت مين.
أياد:أهلين مين بدك بيت مين؟.
ميس:بتجاوب عن أمها...هون بيت أيلاف.
أياد:بتفاجئ اي اي هون أنتوا شو عرفكن فيها؟!.
أم ميس:هون أمك بدنا نشوفا.
أياد:تفضلوا.
أم ميس:مرحبا يا جماعة.
أبو أياد:أم أياد:أية:أهلا وسهلا تفضلوا.
بعد ماسلموا ع بعض الكل كان شايف الخوف اللي بعيون أم ميس وميس ورهف...والكل مستغرب مين هدول ماكانوا يعرفوا كيف يبلشوا بالحديث بلشت أم ميس تمهد للموضوع وخلت ميس ورهف يحكوا كلشي صار...شي طبيعي تكون ردة فعلن قاسية ومو طبيعية وبالزور لحتى قدروا يسيطروا ع أياد وخصوصي بعد شعورو بالندم عالتفكير السيء بأختو....كان النقاش حاد وصعب بين الجميع وأم ميس فهمتن أنو هيي تقصدت تجيب بنتا لتعترف بكلشي وبعد صعوبة كبيرة قدرت تقنعن أنو راما هي السبب بكلشي وميس ورهف كانوا مجرد ضحية متلن متل أيلاف.
أم أياد: وهي منهارة وعم تبكي..ليش مااجيتوا فورا خبرتوني عن مكان بنتي ليييشش؟.
ميس:أجينا بس هددتنا راما ومعها شبين وخلتنا نرجع هالبنت كتير خطيرة وبتعمل كلشي كرمال مصلحتا.
أبو أياد:كانت عايشة وقت اللي تركتوها؟.
ميس:ماخلونا نقرب منها أبدا.
هيك كان الحديث طويل وصعب كانت ليلة صعبة كتير ع بيت أبو أياد...أياد وعد رهف وميس أنو مايعملن شي بس بالمقابل يدلوا ع راما وشلتا وهالشي كان سهل عليهن طلعوا أم ميس والبنات بعد ماا أتفق الكل أنو يوقعوا راما وشلتا ويحاولوا يعرفوا أذا أيلاف ضلت عايشة ولالا.
__________
أيلاف تغيرت حياتا أو بالأحرى تغيير كلشي فيها حتى أسما... أنس دخل ع حياتا متل ملاك الرحمة...هو الفرج اللي كانت ع طول تطلبو من رب العالمين بس ياترى شو نهاية هالشي....
بعد أسبوع ببيت أيهاب:
--------------------------------
علا:نبض تعي ردي ع تلفونك.
نبض:يالله جاية.
نبض:ألو.
أنس:صباحو الحلو.
نبض:يسعد صباحك.
أنس:كيفك؟.
نبض:تمام وأنت؟.
أنس:مشتقلك كتير.
نبض:...
أنس:بدي شوفك ضروري.
نبض:ليش شوفي؟.
أنس:بس تجي بتعرفي ناطرك ماتتأخري.
نبض:طيب ماشي.
أنس:بنفس المكان ماتنسي ولا تطولي.
نبض:طيب يالله باي.
أنس:الله معك.
بعد نص ساعة:
--------------------
نبض:مرحبا.
أنس:أهلين وينك لهلأ؟.
نبض:ماتأخرت بس أنت مستعجل.
أنس:أيي وكتير كمان.
نبض:خير شوفي؟..
أنس:ليكي بالأول رح أشتريلك كلشي بدك ياه شاورما وبوظة وأكلات طيبة.
نبض:ياعييني شو كمان.
أنس:أي عم قلك هالحكي مشان لما أحكي اللي بدي ياه ماتنطي وتقليلي جوعانة يا أم بطن.
نبض:ههههههههه خلص خلص بما أنو وعدتني مارح قلك جوعانة.
أنس:دبة خليني أعرف أحكي شي يوم.
نبض:هههه خلص خلص والله خلص.
أنس:نبض من الأخر أنا صبرت عليكي كتير ماعاد فيني أتحمل تجاهلك.
نبض:كيف يعني؟.
أنس:يعني هلأ بدك تحكيلي مشاعرك تجاهي.
نبض:.....
أنس:أحكي لييش سكتي لك برديلي قلببي بشي كلمة.
نبض:.....
أنس:أنا بحبك أنتي شو؟.
نبض:أيمت رح تشتريلي الشغلات اللي قلتلي عليهن؟.
أنس:أمنت بالله ع...
نبض:هههه خلص خلص أسفة.
أنس:بحببكككك وبدي نتزوج شو قلتي؟.
نبض:وأنا.
أنس:أنتي شو بدي أسمعا.
نبض:....
أنس:يالله أحكي مابدا كل هالتردد.
نبض:ب حبك.
أنس:شو قلتي عيدي.
نبض:لك خلصص.
أنس:لك دخيل ربك هلأ بتستاهلي أطيب وجبة شاورما.
نبض:هههه عالسريع لأني جوعانة.
آنس:خليلي أم بطن.
وأخيرا نبض أستسلمت لقلبا ومشاعرا وأعترفت لأنس بحبا ألو متل مـا هو بحبا....كان هاليوم أسعد يوم بحياتن.
المسا ببيت أيهاب:
---------------------------
نبض:أيهاب بدي أحكي معك بموضوع.
أيهاب:تفضلي أحكي بمواضيع مو بموضوع واحد.
نبض:هههه...أنت بتعرف أني بعتبرك أخي.
أيهاب:وأنتي أختي الفصعونة الفجعانة ههههه.
نبض:ههههه بلشنا بقى.
أيهاب:يالله هاتي شو عندك؟.
نبض:اليوم شفت أنس وحكينا كتير حكي.
أيهاب:خبرني أنس.
نبض:عنجد؟.
أيهاب:أي حكالي كلشي وأنا كتير مبسوط بهالشي.
نبض:يعني مابعرف هو...
أيهاب:ليكي نبض أنتي أخترتي الصح أنس رفيقي من لما كننا صغار وبعرفو منيح مارح تلاقي أحسن منو.
نبض:طيب كيف بدنا نتزوج وأهلو مو موجودين.
أيهاب:هو أخد قرارو وبتمنى ماتدايقي بهالحكي خليكن بحالكن هلأ وأنبسطوا سوا.
نبض:بترجاك تحكيلي شو قصتو مع أهلو وليش قلي أنن مسافرين وهنن هون بالبلد.
أيهاب:هو بحكيلك شي يوم.
نبض:أنت أحكيلي الله يخليك.
أيهاب:طيب رح أحكيلك بس بتوعديني هالشي مابأثر ع علاقتكن.
نبض:ليش شو دخلا؟.
أيهاب:هلأ بس تسمعي رح تعرفي وعديني هلأ وكمان وعديني أنك ماتحسسي أنس بشي.
نبض:طيب بوعدك.
أيهاب:ليكي أنا ماعندي تفاصيل زيادة كل اللي بعرفو أنو أنس صارت بينو وبين أهلو مشكلة كبيرة بسبب بنت وطلع من البيت.
نبض:بنت؟.
أيهاب:أي بنت كان في بنت بحياتو وكانوا رح يخطبوا بس بعدين هو عرف عنها شغلات مابقدر أحكيلك ياها وقرر يتركا.
نبض:أيي؟.
أيهاب:بعد ماتركا جنت ضلت فترة تعملو مشاكل ليرجعلا وهو كان يزيد كرهو ألا.
نبض:لحد هلأ مافهمت شو دخل أهلو؟.
أيهاب:بيوم أجت لعند أهل وحكتلن حكي عاطل وتبلت أنس فيه.
نبض:يييي وسمعتا طيب؟.
أيهاب:ماكانت من البنات اللي بتهمن سمعتن بس للاسف أنس عرف هالشي متأخر.
نبض:أي وشو صار؟.
أيهاب:قدرت تقنع أهلو بسهولة وأبو أنس جن لما سمع هالحكي وخانق أنس وكان بدو يخلي يتزوجها غصب عنو وأنس رفض وطلع من حياة أهلو.
نبض:وأهلو؟.
أيهاب:مابعرف بس اللي بعرف أنو أختو بتجي لعندو كل فترة مابعرف تفاصيل أكتر من هيك.
نبض:أهلو ماحاولوا يوصلوا لعند أبنن ويعرفوا أخبارو؟
أيهاب: أمو كانت تترجاني ع طول بس أنا وعدت رفيقي أني ماأحكي شي.
نبض:وأختو كيف عرفت؟.
أيهاب:ماحاجتك كررر أنتي؟.
نبض:لك عم نحكي.
أيهاب:لااتفكري بهالشغلات هلأ وفكري بعريس الهنا.
نبض:يعني هالشي صح؟.
بتدخل أم أيهاب:أي وصح الصح كمان كلنا شايفين أنس قديش بحبك.
نبض:أهلين خالة.
أم أيهاب:فيكي حبيبتي شو هالاخبار الحلوة اللي عم نسمعا.
نبض:بخجل الله يحلي ايامك.
أم أيهاب:الله يفرحني فيكن كلكن يارب.
أيهاب:الله يخليلنا ياكي.
نبض:أنا رايحة لعند علا.
أيهاب:طيب ياعروس.
نبض:حمرت وصفرت وصار وشا قوس قزح من الخجل.
أم أيهاب:دخيلو الخجلان أنا.
قعدت مع علا وضلينا نحكي للصبح وهي عم تخططلي كيف بدا تطلعني بخطبتي وبعرسي كنت مبسوطة كتير بس كان في غصة كبيرة بقلبي أنا كيف بدي أتزوج وماعندي حدا من أهلي....حكيت هالحكي لأنس قلي أنو رح يضل يدور ع أهلي وطلب مني أرجع روح لعند الدكتور مع العلم أنو مافي أمل ترجعلي ذاكرتي متل قبل....وأيهاب حكيتلو نفس الشي وحسيتو أخد ع خاطرو وقلي أنو نحنا أهلك ومن هالحكي بس لساتني ضايعة ياترى هالشي اللي رح أعملو صح ولاا غلط؟...أووف ياربي كون معي.
بعد أسبوع:
-----------------
أنس:وينك يامجنونة أشتقتلك ليش تأخرتي؟.
نبض:ليكني أجيت.
أنس:ماا أشتقتيلي؟.
نبض:أمبلا أشتقتلك كتير.
أنس:شو رأيك نحدد موعد الخطبة والعرس عالسريع.
نبض:ليش مستعجل طول بالك شوي.
أنس:مجنونة أنتي مو مصدق أيمت نصير تحت سقف واحد.
نبض:والله مجنون.
أنس: قرب راسو من راسا وصار يهمسلا....أيي مجنون....هلأ أنتي بتعرفي ليش سميتك نبض؟.
نبض:بخجل لأنك بتحب هالأسم هيك قلتلي.
أنس:هيك قلتلك بس مو هي هي الحقيقة أصلا هالأسم ماكان خاطر ببالي قبل ماشوفك.
نبض:طيب شو هيي؟.
أنس:سميتك نبض لأنك خربطتيلي نبضات قلبي وزادوا لما شفتك وشتتيلي أفكاري.
نبض:بخجل عنجد.
أنس:أيي وحياة هالخدود الخجلانين.
نبض:حاج تخجلني.
أنس:لك دخيلو أنا.
ببيت أبو أياد:
--------------------
أياد:قدرت أوصل لهي اللي أسما راما وحياة ربي لربي فيها كلاب الشوارع.
أبو أياد:عنجد كيف وصلتلا؟.
أياد:عن طريق هدول البنات اللي أجوا.
أية:أصلا هدول البنات كمان لازم يتعاقبوا مابعرف ليش تركتون يروحوا هيك.
أم أياد:هنن مالن ذنب.
أية:كيف مالن ذنب أمي صدقتين.
أم أياد:أي صدقتن لو كان ألن ذنب ماكان تجرأوا يجوا لعنا.
أبو أياد:أمك معا حق بنتي.
أية:طيب شو ناويين تعملوا أزا أختي راحت شو بينفع هالحكي كلو.
أياد:رح أعرف كلشي بس طولوا بالكن عليي.
أم أياد:أخخخ أنا ماعاد عندي أمل بنتي راحت خلص.
أبو أياد:حسبي الله ونعم الوكيل.
بعد شهر:
--------------
نبض:يعني بكرا رح تجي تخطبني؟.
أنس:أيي حاج تأجلي أنا ماعاد فيني أنطر أكتر حكيت مع أيهاب وأتفقنا ع كلشي.
نبض:طيب ماشي.
أنس:ليش حاسك مانك مبسوطة؟.
نبض:بغصة بالعكس مبسوطة كتير.
أنس:ليش واضح عكس هيك؟.
نبض:كيف يعني؟.
أنس:نبض أزا حاسة حالك أستعجلتي فيكي....
نبض:مجنون شو هالحكي كيف بتفكر أنت؟
أنس:لكن شبك فهميني ليش مدايقة؟.
نبض:تنهدت وقالتلو...هالطفلة اللي رح تشوفا هلأ خبيها جواتك محدا غيرك بقدر شوفو ياها،ج وحضنتو وبلشت تبكي.
أنس:ياروحي أنتي شبك؟.
نبض:خليني أبكي لأرتاح ماتسألني عن شي.
أنس:ضما أنس بقوة وقلا..... مجنونة أنتي دمعاتك هدول بحرقولي قلبي، قلبي بيبكي من جوا لما تنزل دمعة من عيونك.
نبض:أنا لولاك شو كان صار فيني.
أنس:هسس ماتحكي هيك مجنونة روقي وماتفكري بشي.
نبض:....
أنس:حاجتك روحي روقي بقى.
نبض:خلص أسفة.
أنس:طلعي هنيك شو عم تشوفي؟.
نبض:وين؟.
أنس:لك هنيك وبأشرلا.
نبض:بتضحك ضحكة طفولية ههه هاد محل اللعاب قصدك عنو؟.
أنس:هههه أي جاي ع بالي أشتري دبدوب لدبدوبتي.
نبض:بيضوي ماا؟
أنس:هههههههه مجنونة تكرم عينك أحلى دبدوب بيضوي لأحلى دبدوبة.
نبض:ههههه خليلي ياك.
أنس:دخيل هالضحكة أنا تعي يالله.
رحت مع أنس وأشترالي دبدوبي اللي بيضوي كتير أنبسطت فيه ع قد ماكنت مدايقة ومخنوقة ع قد ماانبسطت مع أنس دائما بنسيني وجعي وبفرحني وجودو جنبي هي أحلى نعمة من ربي....خلص مشوارنا ماتركني أنس الا لما تأكد أني صرت كتير منيحة وبعدين وصلني عالبيت لقيت الكل مبسوط وعم يجهز لخطبتنا أنا وأنس وهيك فهمت أنو هالمشوار ضمن أتفاق ليخلصوا كلشي تجهيزات بالبيت وأنا مو موجودة لقيت مجهزيلي كلشي حتى فستاني أنبسطت كتير بهاليوم.
أيهاب:أهلين بعروستنا الحلوة.
نبض:يااي شو عاملين أنتوا؟.
علا:شو عننا غير عروستنا الفصعونة.
أم أيهاب:يفرحلي قلبك متل مافرحتي قلوبنا فيكي وبأنس.
نبض:يالله عنجد مو عرفانة شو أحكي عنجد أنا بحبكن كتيير.
علا:يالله تعي معي خليني شوفك الفساتين لتختاري واحد.
نبض:طيب جاية.
تاني يوم:
---------------
أم أيهاب:يالله يابنات فيقوا بقى عنا شغل كتير.
علا:يالله قايمين.
علا:نبض يانبض فيقي يالله.
نبض:لك أيي شبك.
علا:ياعيني ع هيك عروس كسلانة قومي خلينا نخلص بكير يالله.
نبض:طيب يالله قايمة...صباحو.
علا:دخيل صباحا عروستنا الحلوة.
نبض:خليلي ياكي.
علا:يالله قومي خلينا نخلص شغل ع بكير لحتى تجهزي ع مهل.
نبض:يالله لاحقتك بس لأحكي مع أنس.
علا:يا عمي أيامك ههه.
نبض: ههههه خرسي.
أنس:الو.
نبض:صباحو حبيبي.
أنس:يسعدلي هالصباح أنا دخيلو هالصوت النعسان.
نبض:دخيل قلببك...كيفك؟.
أنس:مشتقلك حبيبي.
نبض:وأنا كمان.
أنس:شو حبيبي كيف معنوياتك قبل الخطبة؟.
نبض:مبسوطة كتير بس خايفة شوي مابعرف ليش.
أنس:بسيطة حبيبي ماتخافي من شي خليكي هادية
تمام.
نبض:طيب ماشي هلأ لازم سكر بدي قوم خلص شغلي وأنت أكيد عندك شغل كمان.
أنس:طيب روحي رح اشتقلك...بحبك.
نبض:وأنا كمان بحبك...باي.
أنس:الله معك.
كانت الأجواء ببيت أيهاب غير شكل الكل مبسوطين وعم يجهزوا للخطبة عملوها خطبة عالديق مشان وضع نبض وأنس وهالشي كان ع طلبن... صارت الدنيا مسا والكل كان موجود وكانوا طالعين حلوين بس أنس ونبض كانوا طالعين حلوين فوق العادة...دخلت نبض كانت لابسة فستان أسود بجنن وحاطة مكياج خفيف لملامحا الهادية عملت ضجة كبيرة بقلب أنس...الكل تطلع فيها بنظرات أعجاب مشيت لعند أنس و بلشت تتبادل النظرات هي وأنس
غرق بعيونا....كانت ليلة كتير حلوة لبسوا المحابس وعملوا أحلى حفلة بس الغصة بقلب التنين كانت موجودة وكل واحد فيهن عم يحاول يخبيها عن التاني بس مع هالشي مكتفيين ببعض ومبسوطين مع بعض.
خلصت السهرة وكل واحد راح ع بيتو وضلو القلبين سهرانين مع بعض.
أنس:الف مبروك علينا وأخيرا صرتي ع أسمي.
نبض:الله يخليلي ياك.
أنس:وياكي يانبض قلبي.
نبض:أنا بحبك كتير.
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```