الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غربة.الروح.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
بغرفة أم أياد:
--------------------
أم أياد:بتتذكر وبتبكي....أيلاف:ماما أنا مافيي عيش بلاكي أنا بضيع من دونك بحبك كتير.
أياد: ببوس أيد اموو... أم أياد كيفك ياست الكل.
أم أياد:بتبكي.....
أياد:ماما بترجاكي أرحمي حالك شوي.
أم أياد:أشتقتلا كتيير صوتا بادني عم برن أخخخ يامي كسرتيلي ضهري.
أياد:ببكي...والله لرجعلك ياها رح اعمل المستحيل لللاقيا بس أنتي أهدي شوي بترجاكي طلعي ع حالك كيف صرتي.
أم أياد:بدي بنتي جيبولي بنتي مشان الله.
أياد:اهدي ياروحي أنتي أهدي.
أبو أياد:طولي بالك أن شاء الله رح ترجع.
أم أياد:بعرف حالي أنا السبب والله مارح سامح حالي.
أبو أياد:أنتي مالك ذنب هيك الله كاتبلنا سامحيني لأني أتهمتك الك ماكنت شايف قدامي.
أم أياد:هاد مو أتهام هي حقيقة أنا السبب أنا الضيعت بنتي بسبب تصرفاتي طفشت البنت.
أياد: أمي بترجاكي بلا هالحكي هاد.
هيك تحولت حياة بيت أبو أياد لجحيم أم أياد المرض عم يهدا شوي شوي ماعم تنام الا بالحبوب والمهدئات وأياد بطلع من الصبح لأخر الليل ع أمل أنو يلاقي شي يوصلو لأختو....أما أية كانت عم تقوم بالبيت وعم تعيش الضغط النفسي من كل الاتجاهات وأبو أياد نفس الشي.
ببيت أم أحمد:
----------------------
كانت أيلاف تفيق نص ساعة او اقل كل الوقت بعالم تاني وعم تصارع الوجع اللي براسا والوجع اللي جواتا والغربة والحيرة اللي عايشتا مانا عرفانة كيف توضح أو تعبر عن اللي جواتا أو تعرف شي جواب عن حالا.
أم أحمد:كيف صرتي يابنتي؟.
أيلاف:........
أم أحمد:بدك تضلك ساكتة هيك؟.
أيلاف:أنا ميين وأنتي مين؟.
أم أحمد:استغربت من سؤالا ماكانت تعرف شو تحكي...ياربي دخيلك شبها هالبنت ماعم تصحى.
أحمد:أميي وينك أنا أجيت.
أم أحمد:أهلين ياروحي الله يعطيك الف عافية.
أحمد:تسلميلي يارب.
أم أحمد:فوت غسل لبين ماحطلك لقمة تاكلا.
أحمد:ماشي...شو بدي أسالك شو وضعا للبنت؟.
أم أحمد:والله يابني مابعرف شو قلك ماعم تصح وبس سألتا عن شي بتسألني مين أنا ومين أنتي.
أحمد:لعمة أزا هالحكي صحيح لتكون فاقدة ذاكرتا هي لك أمي.
أم أحمد:لاا أبني تفف من تمك انت شو عم تحكي بتكون لسا مو صحيانة من الصدمة.
أحمد:أخخ أمي لك شو كان بدنا بهالعلقة أنا ناقصني يعني.
أم أحمد:وربي أزا بتحكي هيك مرة تانية لأغضب عليك كل هالقد مافي بقلبك حنية.
أحمد:خلص أمي اسف كلشي ولا غضبك بس قليلي شو رح نعمل أزا البنت ماعم تتزكر شي كيف بدا ترجع لأهلا لاا تنسي أنو هي مسؤلية يروح حدا يفكرنا أنو خاطفينا وبنوقع بمشاكل نحنا مانا قدا.
أم أحمد:وكل الله نحنا ساعدناها للبنت محدا رح يفكر شي.
أحمد:طيب ماشي أنتي حاولي تحكي معا وتنشطيلا زاكرتا.
أم أحمد:أن شاء الله حبيبي.
ماحكيتلكن عن حياة أحمد:هو شب وحيد لأمو تعب كتير بحياتو وعانا ترك دراستو بكير ليقدر يأمن مصروفو عم يقضي طول نهارو شغل ليقدر يوفر شي يعيشو هو وأمو قبل بفترة قصيرة توفى أبوه كانت مصاريف علاجو فوق طاقة احمد مع هيك كانت يشتغل ليل ونهار بأي شغلة بتصحلو ليقدر يساعد أبوه ويشفا من مرضو بس للأسف ألمرض كان أقوى منو وخطفو الموت من بين أديهن صفي أحمد وأمو لحالن...
__________
مرت الأيام والوضع حالو أيلاف ماعم تعرف شي ولاا عم تتزكر شي كل اللي حاسة فيه غربة عم تاكل روحا أكل....أما أهلها فقدوا الأمل منها مع هيك لساتن عم يدورا شي يوصلن لألها....
عمر:مابدي وجعلكن قلبكن بس خلص بقى رحموا حالكن ماخلينا مكان مادورنا فيه لو...
أية:لوو شو عمو؟..لييش سكتت؟ قصدك لو عايشة كانت بينت موو هيك بدك تقول؟..(بتصرخ) أختي ماماتت مااماتت هيي عايشة فهموا هالشي عم حس فيها جواتي والله ماماتت أختي مابتتركني هيك.
أياد:أهدي أية خلص طولي بالك.
عمر:حبيبتي اهدي أنا ماعم قلكن هالشي لحتى...
أية:لحتى شو عموو؟ أنا بدي اختي لك أمي عم تمووت وأختي مو معروف عنها شي مشان الله جيبوها كرمال أمي عم تروح من بين ادينا.
أبو أياد:حسبي الله ونعم الوكيل.
أية:بابا مشان الله ضلوا دوروا عليها يمكن بتلاقوها ازا دورتوا مرة تانية مشان الله هي قديش صرلا غايبة ماحاجتا بقى.
أياد:رح ضلني دور عليها بس أنتي روقي مين قلك رح بطل.
عمر:ماخليت مشفى وماسـألت فيها وحطيت خبر عند كل زملائي بالمشافي وغيرا ماكان حدا يبين معو شي.
أبو أياد:والله ماعاد أعرف شو بدي أعمل تربطوا اديي وتعبت وأنا ماخليت مكان يعتب عليي لك حتى شي من أثرها ماعم لاقي وين روح بحالي أنا.
أياد:عم قلكنن خلص خلص أنا رح لاقي أختي وين ماكانت حاجتكن بقى.
عمر:وأنا معك وين مابدك بس مارح ينفع والله.
أياد:عمو بترجاك ماتحكي هيك.
بغرفة أم أياد:
أية:(بتبكي)ماما بترجاكي ماتتركيني فيقي مشاني حس فيي أنا مابقى فيي أتحمل.
أم أياد:بتبكي وبتحكي بصعوبة:أخخخ ييابنتي.
أية:عم موت قلببي عم يجعني كتير تعبانة ومخنوقة محتاجتك امي ارجعي متل قبل أختي رح ترجع لهيك قومي وحاجتك.
أم أياد:لو بدا ترجع كانت رجعت.
أية:حتى أنتي عم تحكي هيك أمي ليشش كلكن بتحكوا هيك لك أختي رح ترجع رح ترجع.
أم أياد:يااارب.
أياد:أمي قومي وأنا بوعدك جبلك ياه بس أنتي قوميلنا وأرجعلنا متل قبل.
أم أياد:بدي شوفا الله يخليكن بدي شوفا أزا كانت عايشة ولااا...
أياد:لاا أمي ماتحكي هيك..
أية:لك بعيد الشر رح تشوفيها عايشة عايشة خلصصص مشان الله محدا يقول عن أختي ماتت محدا يحكي هالكلام مرة تانية عم تفهموا.
عمر:بسمع صوت أية....لاا حولا ولا قوة ألا بالله.
أبوأياد:عم تضيع عيلتي قدامي ومالي قدران أعمل شي لك أخخخ.
عمر:وكل الله أخي وصلي عالنبي.
أبو أياد:اللهم صل عالنبي..شو بدك ياني أعمل هي أيلاف راحت من ادينا وأمها كل يوم حالها بسوء عن قبل وأية رح تجن وأياد طول وقتو بالشوارع والمخافر عم بدورلا ولا الصغير محمد اللي مانو فهمان شي ومحدا عم يقدر يهتم فيه لك ع شو بدي طول بالي.
عمر:أذا أحب عبدا أبتلاه...هاد كلو أمتحان من رب العالمين لك أخي وأنت مؤمن بقضاء الله وقدرو لهيك طول بالك وأصبر.
أبو أياد:لاا اله الا الله.
ببيت أم أحمد:
--------------------
صحيت أيلاف وأم أحمد حكتلاا كلشي صار معا وفهمتا وحاولت تفهم منها مين هيي ومن وين وشو اللي صار معا....بس أيلاف كان صعب عليها تتزكر شو صار الضربة اللي براسا سببتلا مشاكل كتيرة وبالنسبة للمكان اللي تعالجت فيه كان كتير منيح أنها عاشت.
أم أحمد:هاد اللي صار يابنتي.
أيلاف:كل هالشي صاير معي ليشش وكيف وأيمتى وليشش ماعم أتزكر شي راسي عم يوجعني كتير.
أم أحمد:بنتي أهدي شوي وماتعبي حالك يمكن بدك فترة لتتحسني.
أيلاف:أنا من أيمت هيك؟.
أم أحمد:صرلك حوالي الشهر ونص ع هالحالة.
أيلاف:......
أم أحمد:بنتي ماتعبي حالك بالتفكير اعتبرينا أهلك لوقت مااترجعلك زاكرتك...
أيلاف:كيف صار هيك؟.
أم أحمد:هيك الله كاتبلك...بدي أسالك عم تتزكري شي متل أسمك أو أي شي تاني؟.
أيلاف:مابعرف براسي شغلات مخربطة مالي عرفانة رتبا.
أم أحمد:كلشي بنحل ماتخافي....ليكو أجا أحمد.
أيلاف:مين أحمد؟.
أم أحمد:أحمد أبني ماعندي غيرو...بشتغل بالليل وبالنهار مابجي قليل عالبيت لهيك مابتشوفي.
أيلاف:شو بشتغل؟.
أم أحمد:مافي شي محدد اللي بصحلو بشتغلو أحيانا بشتري شغلات ولاد صغار وببيعا بالحدايق وهيك شغلات وأحيانا في صاحب محل بس يكون عندو ازمة شغل بشتغل معو.
أيلاف:الله يرزقو.
أم أحمد:حبيبتي امين يارب.
أحمد:أمي وينكك؟.
أم احمد:أي حبيبي أنا هون الله يعطيك الف عافية.
أحمد:الله يعافيكي ياست الكل....أنا فارط من جوعي.
أم أحمد:خسا الجوع ياروحي هلأ بحطلك أكل.
أحمد:يسلم هالديات.
أيلاف:هلأ هاد أبنا...مبين عليها هالمرة كتير حبابة...بس أنا شو جابني لعندا هالمكان كتير غريب أول مرة بشوفو أنا وين أخ راسي كتير عم يجعني...شو اللي عم بصير معي بدي اعرف حالي أنا مين؟.
__________
هيك مرت الأيام أم أحمد تعودت ع أيلاف وأيلاف تعودت عليها كانوا يقضوا نهارن سوا وأم أحمد تحكيلا وتورجيا كلشي بضيعتن وتدخل معا بسير طويلة ع أمل أنها تتزكر شي...ماكانت تحسس أيلاف أنها ضيفة عاملتا متل بنتا... كانت أيلاف تعاني من وجع دائم براسا وكان صعب ع أم أحمد تعالجا العلاج الكامل....أحمد كان مدايق من وجود أيلاف لأنو كان يحسا مسؤلية كبيرة برقبتو وهو منتوف وعايف حالو بالزور شايل مسؤلية حالو اعتبر وجودها بالبيت مشكلة مو عرفان كيف يتخلص منها وبنفس الوقت قلبو ماكان يطاعو يرميها بالشارع وهي مابتعرف حدا.
__________
أحمد:أمي وينك شو عم تعملي؟.
أم أحمد:أي حبيبي هون صح النوم.
أحمد:صح بدنك...شو عم تعملي.
أم أحمد:ولا شي عم اتسلى بشغل هالبيت متل مانك شايف.
أحمد:لكن وينا البنت.
أم أحمد:ليكا جوا لليش عم تسأل؟.
أحمد:ماحاج بقى أمي لاقيلي حل لهلقصة مسؤلية هالبنت دبحتني.
أم أحمد:شو اللي حاج المخلوقة مانا عرفانة حالا هي مين شو بدك ياني زتا بالشارع مو حرام.
أحمد:أنا مالي فاتح ميتم هون لك بالزور معيشين حالنا لحتى...
أم أحمد:خراس أحمد ولا حرف.
أحمد:بعرف زعلتي مني بس عنجد صار لازم نلاقي حل لهلقصة.
أم أحمد:روح من وشي هلأ.
أحمد:مقلووع رايح من وشك.
أم أحمد:أستغفر الله العظيم مابعرف هالولد لمين طالع هيك.
أيلاف:بتتطلع عليها وكلشي فيها عم يبكي ماعدا عيونها احساس صعب كتير..
أم أحمد:أه أأننتي هون بنتي.
أيلاف:.....
أم أحمد:لااتزعلي من الحكي اللي سمعتي.
أيلاف:حاولت تخبي وتنكر أنها سمعت شي...لاا عادي أنا رح ساعدك بشغل البيت مو هيك كنتوا تحكوا.
أم أحمد:أه أي ايه صح بدي تساعديني وتسليني.
أيلاف:تكرم عينك.
أم أحمد:الحمدلله شكلا ماسمعت شي من حكي أحمد أخخ روح الله يصلحك ياأبني.
أيلاف:بلشت تشتغل وتساعد أم أحمد وهي عم تفكر..خلص هو معو حق مانو متطر يتحملني ويصرف عليي أنا صار لازم اطلع من هون عم دايقن كتير كتر خيرن خلوني عندن كل هالفترة وتحملوني...بس وين بدي روح مابعرف اطلع لتم الباب...حتى لو لازم اطلع ودبر حالي أكيد بس طلعت رح أعرف كيف دبر حالي.
أم أحمد:بشو صافنة يابنتي.
أيلاف:ولا شي بس أبنك وين بشتغل بهالضيعة هادية كتير...
أم أحمد:مابشتغل هون أحيانا بطلع عالضيع اللي جنبنا وأحيانا بروح عالمدينة بشتغل فيها بطلع شي منيح وقت يروح عالمدينة بس المشكلة الطريق طويل لهيك مابقدر يروح كل يوم.
أيلاف:من وين بروح عالمدينة؟.
أم أحمد:لييش عم تسألي؟.
أيلاف:ولا شي هيك بس عم نتساير يعني.
أم أحمد:أيواا...شفتي المكان اللي طلعنا تمشينا عليه مبارح.
أيلاف:أي.
أم أحمد:من هداك الطريق اللي عالجهة التانية كل السيارات اللي بمروا هنيك بكونوا رايحيين عالمدينة.
أيلاف:أي شفتن أنتبهت عليهن مبارح...وأبنك بروح من هنيك؟.
أم أحمد:أي.
أيلاف:الله يرزقو يارب.
أم أحمد:أميين يارب.
أيلاف:هيك منيح رح اطلع عالمدينة اكيد هنيك رح اقدر دبر حالي كيف ماكان رح اطلع أول ماتصيرلي فرصة من دون ماخليهن يحسوا عليي.
أم أحمد: وين شردتي؟.
أيلاف:شكرا الك كتيرر.
أم أحمد:ع شو؟.
أيلاف:ع كلشي.
أم أحمد:شو خطرلك هلأ.
أيلاف:لو لاكي ماكنت بعرف شو صار فيي.
أم أحمد:ماتحكي هيك أنت دخلتي لقلبي وحبيتك واعتبرتك متل بنتي.
أيلاف:لهيك عم اتشكرك.
أم أحمد:حبيبتي مافي داعي.
أيلاف:بتحاكي حالا سامحيني رح امشي أنتي مافي منك ومن قلبكك بس مافيني كون عبئ عليكي وع أبنك...صار لازم اطلع.
أم أحمد:أنا رايحة اتسطح وأرتاح شوي.
أيلاف:طيب أنا رح اقعد تحت الشجرات اتسلى شوي.
أم أحمد:طيب متل مابدك.
ببيت أبو أياد:
--------------------
أبو أياد:شو أياد لوين رايح؟.
أياد:طالع امشي بهالشوارع.
أبو أياد:أبني حاج تعزب حالك طلع ع وشك كيف صاير مافي أمل خلص.
أياد:بابا أنا رح ضلني عم دور ع أختي وفي ناس عم تساعدني وألا مالاقيا أو عالقليل لاقيلا ااااثر أنا وعدت أمي ورح أوفيلا بوعدي كيف ماكان.
أبو أياد:ببكي حسبي الله ونعم الوكيل.
ببيت أم أحمد:
أيلاف:شكلا نامت...بس أنا كيف بدي اطلع ومامعي ولاا ليرة؟....رح روح وشوف كيف بدبر حالي لو بروح مشي المهم خلصن من مسؤليتي...شكرا الكن ع كلشي.
طلعت وأنا خايفة مابعرف شو رح لاقي قدامي بلش وجع راسي بس كنت مصرة أني أمشي وشوف شو مخبيتلي هالحياة بلكي أزا مشيت بلاقي شي يزكرني بحالي ههه عنجد شي غريب في حدا بالعالم مابيعرف مين هو مشيت بطريق أول مرة بمشي فيه مشيت وأنا مجردة من كلشي اللي ماشية بهالطريق مجرد روح غريبة مابعرف عنها شي لأيمت رح ضل هيك؟..ولوين رايحة أنا؟ وصلت لعند الطريق اللي حكتلي عنو كان في ناس كتير عم تستنى سيارة ليطلعوا فيها وقفت جنبن شفت مرة واقفة كمان سألتا...لوين رايح هالطريق؟.
المرة:عالمدينة..وأنتي وين رايحة.
أيلاف:كمان عالمدينة.
المرة:ليكا هي أجت السيارة طلعي.
أيلاف:ماشي..طلع الكل كل واحد عرفان حالو وين رايح وشو يعمل بس أنا مو عرفانة شي أبدا كان الطريق طويل كتير كنت عم أتخيل شغلات منيحة ومو منيحة اسأل حالي شو اللي رح يصير وين بدي اقعد هالشي اللي عم أعملو صح ولاا غلط...اللي صحاني من شرودي صوت رجال عم يقول(الاجار ياجماعة رح نوصل)بلش الكل يعطي بس أنا مامعي ماكنت عرفانة شو أعمل حسيت العيون كلها عليي وعم يستنوني طلع مصاري وأدفع بس أنا مامعي...حاكتني المرة اللي جنبي.
المرة:حبيبتي ليش مادفعتي.
أيلاف:....
المرة:بصوت واطي حكيلي ماتخجلي أزا مامعك لادفع عنك.
أيلاف:هو بصراحة.
المرة:خلص ولا يهمك دفعت عنك بس قليلي شو قصتك؟.
أيلاف:شكرا كتير الك...مافي قصة ولا شي بس نسيانة احمل مصاري.
المرة:طيب كيف هلأ بدك تدبري حالك؟.
أيلاف:بس وصلت هنيك رح يمشي الحال.
المرة:كيف؟.
أيلاف:.....
المرة:طيب حبيبتي مارح دايقك بس خدي هالكم ليرة صحيح مانن كتار بس بوصلوكي عالمكان البدك ياه.
أيلاف:لاا شكرا مابدي مابكفي دفعتي الاجار عني يسلموو كتير.
المرة:مافي مشكلة كلنا بنمر بهيك موقف اليوم أنتي يمكن بكرا أنا شو بعرفك.
أيلاف:بتحكي بقلبا ع طيبة قلبك الله لايدوقك اللي دايقتو أنا...شكرا كتير الك.
المرة: الـّعـفو حبيبتي.
وصلنا المدينة كل واحد نزل ومشي بأتجاه المكان اللي رايحلو الا أنا مابعرف وين رايحة وبأي أتجاه بدي أمشي...مدينة كبيرة مليانة أشكال والوان كل واحد ماشي بطريقو وبراسو الف قصة وقصة ياترى في حدا قصتو متل قصتي؟!...في حدا مو عرفان حالو مين ولا عرفان حالو وين رايح....
ضليت أمشي بالشوارع وعم أتفتل عم دور ع شي مابعرف شو هو عم دور عالمجهول...للحظة حسيت بالندم بلشت أسأل حالي كيف عملت هيك شو اللي عملتو بحالي أول مرة لقيت حدا أهتم فيني من دون مقابل هلأ الدنيا صارت عصر وبعدا رح تعتم الدنيا وين بدي روح بحالي...ضعت بأفكاري عشت بحيرة كبيرة غربة روحي عم تقتلني أنا شو بدي أعمل بهالمدينة الكبيرة لحالي وين بدي نام عيون الناس ماكانت ترحمني لأن كانت واضحة الحيرة اللي فيي والخوف اللي بعيوني...حسيت حالي جعت كتير تزكرت المصاري اللي عطتني ياهن هديك المرة قررت أشتري شي أكلو...رحت أشتريت سندويشة اكلتا وبعدا قعدت ع طرف الرصيف ناطرة فرج الله عم اعصر زاكرتي بلكي احسن اتزكر شي بس كان عالفاضي كنت عم اتخيل شغلات مو واضحة متل الوهم مااستفدت شي غير الصداع القوي حسيت حالي رح اغفى ع هالرصيف بهالمدينة الباردة اللي مافيها دفا ولاحنية....صار وضعي واضح للناس اللي عم تمر اني ضايعة أو ناطرة حدا عيون الناس عم تسألني وعيون الشباب عم تحرقني شو اعمل؟.. انا أنتهيت.
__________
أيهاب:لك أنا قلتلك تعا عيش معنا بنتسلى أحسن ماتضلك عايش لحالك بس أنت حمار مابتفهم.
أنس:....
أيهاب:لك شبك متل الحيط عم حاكي حالي أنا وين صافن؟.
أنس:طلع ع هديك البنت.
أيهاب:شبها؟!.
أنس:مابعرف صرلا أكتر من ساعة قاعدة هون وعالرصيف كمان.
أيهاب: بتكون ناطرة حدا.
أنس:بجوز بس ليش عالرصيف قاعدة ومبينة ملبكة.
أيهاب:لك خلصنا بقى شو بدك بالبنت أنت؟.
أنس:لك شو بدو يكون بدي فيها بس مستغرب قاعدة هون عالرصيف وقبال المحلات هيك وصرلاحصة قاعدة شو قصتا يعني؟.
أيهاب:هو معك حق الواحد بستغرب بس بالنهاية كل واحد حر يقعد وين مابدو.
أنس:أي.
أيهاب:بربي أخوت أنا طالع عالبيت ابقى المسا تعا تعشا عنا.
أنس:أي بشوف.
نسست أحكيلكن عن أنس وأيهاب:أنس وأيهاب رفقة من الصغر ضلوا وكبروا مع بعض تنيناتن بعمر ال26سنة ع طول مع بعض فيكن تقولوا اخوات مو بس رفقات...أيهاب مخلص أدب أنكليزي وأنس دارس اقتصاد بس ماكمل دراستو بسبب ظروف شخصية...السؤال هو شو رح يكون دورن بقصتنا؟؟!...كل هالشغلات رح نعرفا ببقية القصة.
ببيت أم أحمد:
-------------------
أحمد:أمي أنا أجيت وينك؟.....وينا ماعم ترد؟.
مافي حدا بالبيت وين رايحين؟....رح أطلع شوفا برا بلكي قاعدة هي وهديك البنت تحت الشجرة....طلعت عم دور ماشفت حدا لمحت أمي جاية من بعيد ومبين عليها مدايقة.....أمي وين كنتي صرلي ساعة بدور عليكي؟.
أم أحمد:......
أحمد:شبك لييش عم تتطلعي فيني هيك؟.
أم أحمد: بأنزعاج...عجبك هيك هي صار اللي بدك ياه وطلعت البنت من البيت.
أحمد:وين طلعت؟.
أم أحمد:ليك أحمد أزا البنت مارجعت رح اغضب عليك لأنك أنت السبب ومارح سامحك.
أحمد:ماما صلي عالنبي وفهميني شو القصة؟.
أم أحمد:لك صرلي ساعتين عم دور عليها سمعت كلامك شو حكيت عنها متأكدة من هالشي لك مو حرام عليك هالبنت مصفية متل اليتيمة هلأ بسببك مشيت وهي ماا بتعرف شي.
أحمد:طولي بالك رح دور عليها والله بس انتي ماتزعلي بتكون طلعت تتمشا بالضيعة.
أم أحمد:ماخليت مكان مادورت فيه ماخليت حدا ماسألتو الي ساعتين عم دور عليها.
أحمد:ماما بترجاكي لااتبكي خلص رايح دور عليها وجبلك ياها.
أم أحمد:ماتعزب حالك هلأ بتكون بعدت كتير بعرف هالشي...لك أنا طول عمريي وحيدة وبقضي نهاري بتصفن بالحيطان ولما أجت هالبنت أنست وحدتي وأنت شو عملت طفشتا بحكيك ياخسارة تربايتي فيك.
أحمد:حس بالذنب والخجل...أمي بترجاكي لااتحاكيني هيك أنا صح حكيت عن البنت بس ماكان بدي خليا تروح عنجد بس كنت ضايع وحياتك أمي.
أم أحمد:خلص راحت مابقى ترجع.
أحمد:رح رجعا والله رح دورلا وجبلك ياها بس أنتي ماتزعلي أنا طالع دور عليها.
أم أحمد:...
ببيت أبو أياد:
--------------------
أبو أياد:أية شبو أخوكي ماعم يسكت؟.
أية:والله يابابا مابعرف حممتو وطعميتو وماكان يسكت بجوز مشتاق لماما وماما ماعم تقدر تهتم فيه.
أبو أياد:لاا حولا ولا قوة الا بالله...أمك ماعم تصحى من الصدمة ووضعا عم يزيد سوء.
أية:ماما عم تروح من بين أدينا بترجاك بابا حاول تعمل شي مابكفي خسرنا أيلاف.
أبو أياد:أخخ يابنتي مالي عرفان شو أعمل.
أية:وهي أياد كمان طول النهار برات البيت عم يدور ويتعب عالفاضي.
أبو أياد:أنتي كنتي عم تقولي أنو لازم يضل يدور عليها شو اللي تغير؟.
أية:عم يوجعلي قلبي اخي أياد عم يتعب كتير وعالفاضي مافي أمل خلص هي قديش صرلنا عم ندور عليها ومالتقت.
أبو أياد:أخخ ياريتني متت ولا شفت الي صار.
أية:بابا لااتحكي هيك بعيد الشر عن قلببك ناقصنا نحنا مابكفي اللي عم بصير.
أبو أياد:حسبي الله ونعم الوكيل رايح شوف امك.
أية:طيب.
بالشارع ع رصيف كانت لساتا قاعدة بمكانا عم تتطلع حواليها عم تستنى رحمة الله وتحاكي روحا الغريبة حتى عن حالا.!
أيلاف:أنا خايفة كتير لسا كل شوي بطلعلي واحد شكل وبعلك كمان ازا هلأ هيك كيف بس تعتم الدنيا ياربي دخيلك أرحمني موتني أحسن من هالعيشة.
بعد ساعة ونص وهي ع حالا قاعدة وناطرة الفرج وفي حدا مستغرب أمرا وعم يراقب من بعيد.
أنس:لك لعمة شو قصتا هالبنت عتمت الدنيا وهي لساتا قاعدة ماراحت ولا حدا أجاها...معقول ضايعة؟...لاا مو معقول هي مبين عليها صغيرة بس مو لدرجة أنها تضيع....بعد شوي أزا ماراحت رح روح اسألا شو قصتا...بس أنا ليش مهتم شو دخلني؟...يالله بلكي بتكون محتاجة مساعدة.
ببيت أم أحمد:
--------------------
أحمد:أمي.
أم أحمد:شايفتك رجعت فاضي؟.
أحمد:وحياتك دورت بكل مكان مالقيت حتى عالضيع اللي جنبنا رحت.
أم أحمد:كان سهل تطفشا بس صعب كتير ترجعا.
أحمد:أمي ببوس أيدك تسامحيني وحياتك رح جيبا لعندك ومادايقا مرة تانية.
أم أحمد:.....
أحمد:لاا تطنشيني هيك بترجاكي.
أم أحمد:ماسألت حالك شو رح يصير فيها شو ممكن يطلعلا لك هي قعدت ببيتك صارت متل عرضك لك أنت شو؟.
أحمد:حااج أمي حاج أرحميني من هالكلام خلص أنا طالع مارح ارجع بدونا لترتاحي ماشي.
أم أحمد:.......
عالرصيف:
----------------
أيلاف:عتمت الدنيا أنا خايفة كتير وين بدي روح؟...ياريتني حكيت لهديك المرة الي عطتني المصاري كانت رح تساعدني أكيد.
أنس:عفواا يا أختي.
أيلاف:.....
أنس:لييش ماعم تردي؟.
أيلاف:ياربي بلشنا شو هالعلقة هي كمان...شو بدك مني أنت كمان؟.
أنس:مابدي شي بس أنا عم طلع عليكي من المحل طول النهار قاعدة هون ناطرة حدا شي؟.
أيلاف:مادخلك.
أنس:حابب ساعدك أزا ناطرة حدا قليلي أو ازا بدك تحاكي حدا خدي حاكي من موبايلي.
أيلاف:من وين لوين بدك تساعدني؟.
أنس:من هون لهنيك عم قلك بدي ساعدك مو أكلك.
أيلاف:مادخلك فيي.
أنس:أيي براحتك الحق علي...أزا شفتي حالك بحاجة شي أنا بشتغل بهداك المحل.
أيلاف:قلتلك مابدي شي لعمة.
أنس:أي بتريحي لعمة ع قلة الزوق.
أيلاف:.....
رجع أنس ع محلو بس قلبو ماكان مرتاح كان حابب يساعدا للبنت وكان شايف الخوف اللي بعيونا لهيك اصر عليها ليساعدا بس هي رفضت لأنها مابتعرفو وخايفة منو وهو حس بهالشي لهيك قرر يضل عم يراقبا من بعيد...بس ليشش حتى هو مو عرفان ليش بدو يساعدا ويعرف قصتا يمكن نوع من الفضول...لأنو شكلا ولباسا مابيوحي أبدا أنها طبيعية ومافيها شي....بعد شوي سمع صوت قوي جاي من برات المحل...
أيلاف:أنقلع من هوون ولااك حلوا عني شو بدكن مني.
تطلع أنس شاف شبين عم يحاولوا يدايقوها ركد لعندن بسرعة البرق.
مجهول:شو ياحلوة مين تاركك لحالك هون.
مجهول2:مشي معنا أحسن...
أنس:ياكلااب.
مجهول:مين هاد.
مجهول2:مشي عالسريع...
هربوا هدول الشبين حاول أنس يوصلن بس قدروا يهربوا بسرعة.
أيلاف:بتبكي.
أنس:أزوكي شي؟.
أيلاف:.....
أنس:حاج تبكي..وفهميني شو قصتك لييش مارحتي ع بيتك لهلأ شو عم تعملي هون أزا ضليتي كمان رح تشوفي أكتر من هيك قليلي وين بيتكن لوصلك؟.
أيلاف:.....
أنس:شو قصتك ليش ساكتة ماعم تحكي؟.
أيلاف:شكرا الك.
أنس:تعي وين ماشية؟.
أيلاف:...
أنس:حابب ساعدك عنجد مبين عليكي..
أيلاف:لييش بدك تساعدني؟.
أنس:لأنو مبين فيكي شي مو طبيعي وبحاجة مساعدة وازا ضليتي هيك بالشوارع مابعرف شو ممكن يصير معك.
أيلاف:...
أنس:طيب فوتي عالمحل جوا أرتاحي شوي.
أيلاف:خليني اقعد قدام باب المحل مابدي فوت.
أنس:من شو خايفة أنا والله مابدي أعمل شي غير ساعدك.
أيلاف:....
أنس:طيب بدك شي قليلي؟.
أيلاف:جوعانة كتير.
أنس:خسا الجوع هلأ بجبلك شي تاكلي بس فوتي لجوا مو حلوة قعدتك هون.
أيلاف:....
أنس:متل مابدك...مارح طول.
بعد شوي رجع أنس وشايل بأيدو أكل قعدت أيلاف تاكل جنب المحل عالارض كان منظرا متل الشحادين أنس عم يتطلع عليها بشفقة وحيرة.
أيلاف:شكرا الك كتير كنت رح موت من جوعي.
أنس:صحة وهنا.
أنس:شو بدي أعمل وين بدي روح فيها حرام أتركا هيك بالشارع شو الحل ماعم ترضا حتى تفوت عالمحل...بعد نص ساعة ضل عم يراقبا من قلب المحل ويفكر كيف ممكن يساعدا وهي ماعم تحكي شي أبدا...أحسن شي أتصل بالحمار أيهاب بلكي بساعدني....
أيهاب:شبك ولااا لك صرعتني أيمت بدي أخلص منك أنا؟
أنس:خراس وبلا علاك هي البنت لساتا هون مابعرف شو أعمل.
أيهاب:شو أنت مسؤل عنها؟.
أنس:الله ياخدك أنت واللي بحكيلك أي سماع قبل شوي.......وبلش يسردلو كلشي صار.
أيهاب:بربك؟..يعني معقول مـا ألا حدا؟.
أنس:أي هيك مبين بس ماعم ترضا تدخل حتى عالمحل.
أيهاب:شي طبيعي شب ومابتعرفك كيف بدا تفوت.
أنس:أي مالي عرفان شو أعمل يعني والله حرام اتركا بنص الطريق هيك.
أيهاب:هي الساعة رح تصير 11معقول مافي حدا يسأل عنها؟.
أنس:هاد اللي محيرني.
أيهاب:أنت لييش حابب تساعدا كل هالقد مانك مجبور.
أنس:لك يازلمة كل هالقد مافيك نخوة لعمة ضربك.
أيهاب:لك ماقصدي بس ان....
أنس:خراس مو وقت علاكك هلأ..بس بتعرف لما شفتا بهالوضع حسيت أختي (سيدرا) صارت بين عيوني يمكن لهيك حابب ساعد هالبنت.
أيهاب:ماشي خطرتلي فكرة.
أنس:شو هيي؟!.
أيهاب:جايك عالطريق وبخبرك مارح طول.
أنس:طيب ناطرك.
ياترى شو رح يعمل أيهاب؟...وشو رح يصير مع أيلاف...رح يقدروا يساعدوها؟..ويقنعوها بأنو يساعدوها....رح نشوف كل هالشغلات ببقية القصة....
تطلع أنس ع أيلاف وهي حاطة راسا عالباب والهوا عم يلعب بشعراتا كانت رح تغفى بنص الشارع ع قد مانا تعبانة...
أنس:شو خلصتي؟.
أيلاف:أي يسلموو كتير.
أنس:صحة وهنا.
أيلاف:أنا رايحة مابدي دايقك أكتر.
أنس:تعي لوين بدك تروحي؟.
أيلاف:....
أنس:طيب قليلي وين بيت أهلك لوصلك؟.
أيلاف:مابعرف.
أنس:كيف مابتعرفي؟!!.
أيلاف:لأنو مابعرف.
أنس:طيب شو أسمك؟.
أيلاف:مالي أسم.
أنس:كييف مالك أسم؟!
أيلاف:....
أنس:طيب حكيلي شو قصتك؟.
أيلاف:أنت لييش عم تساعدني شفقان عليي يعني ولا شو؟.
أنس:لاا أبدا مو هيك.
أيلاف:لكن شو؟.
أنس:لأن عندي أخت بعمرك وبخاف عليها لهيك حسيت لازم ساعدك.
أيلاف:الله يخليلك ياها بس مانك مجبور فيي طعميتني وحميتني من هدول الكلاب صار لاز....
أنس:مافي تمشي لحتى تقليلي قصتك وأحكي مع حدا من أهلك يجي ياخدك.
أيلاف:بحرقة قلب..ياريت.
أنس:حابب أعرف قصتك.
أيلاف:بس أعرفا أنا بحكيلك ياها.
أنس:كيف يعني؟!.
أيلاف:مابعرف صحيت ع حالي مابعرف حالي.
أنس:عم تحكي قصتك ولا حزورة.
أيلاف:هاد اللي صاير.
أنس:مابتعرفي أسمك؟.
أيلاف:بتصدقني أزا قلتلك لأ.
أنس:يعني...
أيهاب أم أيهاب:مرحبا.
أنس:أهلين وسهلين.
أيلاف:.....
أم أيهاب:كيفك أنس؟.
أنس:مشتقلك أمي كيفك أنتي شو أخبارك.
طبعا هيي بتكون أم أيهاب بس أنس بحبا وبحترما متل أمو لهيك ع طول بقلا أمي.
أما أيلاف عم تتطلع بالكل ومو فاهمة شي.
أم أيهاب:حبيبي وأنا كمان مشتقتلك.
أنس:تسلميلي.
أيهاب:أنا خبرت أمي بالقصة ولما قلتلي أنو ماعم ترضى تفوت عالمحل قررت جيب أمي وناخدا لعندنا لبين مانعرف شو قصتا.
أم أيهاب:بتحاكي أيلاف...حبيبتي شو أسمك؟.
أيلاف:.....
أنس:أمي البنت مانها عرفانة شي حتى أسما.
أم أيهاب:شو هالحكي؟.
أنس:أي والله هاد اللي فهمتو.
أيهاب:البنت مبين عليها كتير تعبانة.
أم أيهاب:حبيبتي رح أخدك معي عالبيت بترتاحي وبعدين بنعرف شو نعمل شو رأيك.
أيلاف:لاا شكرا مابدي عزب حدا معي أنا رح أمشي.
أنس:لوين بدك تروحي؟.
أيلاف:......
أيهاب:أزا مابتعرفي بيت أهلك شو بدك تعمل بالشوارع بهيك وقت مابصير تضلي لحالك.
أم أيهاب:يالله حبيبتي مشي معنا ولااتخافي مننا نحنا بس بدنا نساعدك.
أيلاف:هلأ جبلي أكل وأكلت خلص مابدي عزب حدا أكتر.
أنس:ليكي هلأ أزا ضليتي بالشارع لحالك رح يرجعوا يدايقوكي كلاب الشوارع وساعتا محدا رح يقدر يخلصك من أديهن.
أيلاف:بتفكر بينها وبين حالا...خليني روح معن أحسن ماضل بالشارع أزا عاملوني منيح كتر خيرن وأزا غير هيك أنا حيياتي منتهيه بكل الأحوال ع شو بدي خاف......
أم أيهاب:شو وين صفنتي شو قررتي؟.
أيلاف:يعني أكيد مارح دايقكن؟.
أم أيهاب:لاا حبيبتي مارح تدايقينا.
أنس:يالله روحيي معن وهنيك عندن بنوتة مهضومة ورح تحبيا.
أيلاف:شكرا كتير.
مشيت مع هالناس اللي مابعرف عنهن شي يمكن يكونوا مناح ويمكن يكونوا عكس هيك بس مشيت معن لأني متطرا وحاسة أنو حيياتي أنتهت كنت يأسانة من الحياة كلشي فيني ميت وماعندي شي اخسرو ع شو بدي خاف شو ماكان أكيد رح يكون أرحم من الشوارع والبرد اللي عم ينخر عظامي بلباسي الخفيف والوسخ.
أنس:ليك أيهاب هي البنت أمانة برقبتك.
أيهاب:خلص ماتخاف بس فهمني لييش مهتم فيها كل هالقد؟!.
أنس:والله وجعتلي قلبي مو أكتر من هيك يعني شو بدو يكون.
أيهاب:بسيطة مشي معنا انت كمان.
أنس:لاا رايح عالبيت بشوفك بكرا.
أيهاب:براحتك يالله سلام.
أنس:الله معك.
ببيت أبو أياد:
-------------------
أياد:أمي حبيبتي كيفك.
أم أياد:....
أياد:أمي بترجاكي ردي عليي حاج تعزبي حالك وتعزبينا معك نحنا كلنا بحاجتك.
أبو أياد:يا أم أياد مابصير اللي عم تعملي أنتي مرة مؤمنة ولازم ترضي بقضاء الله وقدره.
أم أياد: بصوت تعبان ومخنوق....ماعاد فيني أتحمل فراق بنتي أكتر من هيك.
أياد:كلنا هيك بس شو طالع بأيدنا والله ماخليت مكان يعتب عليي مادورت.
أبو أياد:هي صرلا أكتر من شهرين لو...
أم أياد:لحدا يقول عن بنتي ماتت لحدا يقولا بنتي ماماتا رح ترجعلي هي مافيها بلايي كل يوم عم تزورني بالمنام وعم تقلي أنها رح ترجع.
أبو أياد:وكلي الله ازا الله ماكتبلنا شوفتا بالدنيا رح نشوف بالاخرة بأذن الله.
أية:خاطر ببالي شغلة بلكي فينا نوصلا.
أبو أياد:شو هيي؟.
أية:خلينا نعلق صورتا بأماكن عامة ونكتب قصتا بلكي حدا شافا وبوصلنا عليها.
أياد:أكيد جنيتي بدك يانا ننشر صورة عرضنا أنتي مجنونة شي.
أية:شو ضل ماعملنا بلكي هيك بنقدر نوصلا.
أبو أياد:هاد مو حل مو معقول نعمل هيك شي.
أية:لكن شو الحل؟.
أبو أياد:نوكل أمرنا لله...وهي عمك عمر واخوكي أياد ماعم يبطلوا دوراة عليها.
أية:بس لأيمت هيك؟.
أبو أياد:لحتى رب العالمين يأذن برجعتا اوو...
أياد:أوو شو بابا؟...أختي رح رجعا ولو بعد الف سنة...لحدا يحط ببالو غير هيك.
أبو أياد:لاحولا ولا قوة الا بالله العلي العظيم.
ببيت أم أحمد:
--------------------
أحمد:أمي بترجاكي تسامحيني هلأ لرجعت وغلاوتك عندي ماخليت مطرح يعتب عليي.
أم أحمد:الها الله مابينساها.
أحمد:حاسس بالذنب عم ياكلني أكل لك أنا حرام يكون أسمي رجال.
أم أحمد:.....
أحمد:بترجاكي حاج تعاقبيني بسكوتك أحكي أي شي لك ضربيني وفشي خلقك بس لااتسكتي هيك.
أم أحمد:حطيتلك الاكل روح كول.
أحمد:مابدي أنضرب ع قلبي رايح.
أم أحمد:...
ببيت أيهاب:
-----------------
أم أيهاب:حبيبتي أعتبري البيت بيتك وخدي راحتك.
أيلاف:شكرا الك.
علا:أهلين وسهلين.
أيلاف:....
أم أيهاب:هي بنتي علا.
أيلاف:أهلين فيكي.
علا:نورتي شو أسمك أنتي؟.
أيلاف:....
أم ايهاب:بلا كترت أسئلة تركي البنت ترتاح هلأ بعدين.
علا:طيب طيب.
أم أيهاب:هلأ شو رأيك تفوتي تتحمي؟.
أيلاف:ياريت بس مامعي أواعي غير اللي لابستن.
علا:ماتاكلي هم هلأ بطلعلك من عندي الحمام من هون تفضلي.
أيلاف:تسلمي.
أيهاب:أنا رايح عند أنس أنتوا خدوا راحتكن.
أم أيهاب:ماشي حبيبي.
أيلاف:أزا مشاني أنا مابدي دايقك وخليك تط...
أيهاب:شو هالحكي البيت بيتك بس أنا عطول بسهر مع أنس.
ايلاف:....
أيهاب:يالله بدكن شي؟.
علا:أم أيهاب:الله معك.
علا:أنا رح دلك عالحمام وبعدا بطلعلك الاواعي.
أيلاف:طيب.
أم أيهاب:شو مشي الحال؟.
علا:أي مشي الحال في تياب مناح بس صغرانين علي وطلعتلا ياهن وعم تتحم هلأ.
أم أيهاب:الله يرضى عليكي.
علا:ماما حكيلي شو قصتا؟.
أم أيهاب:والله مابعرف شو قصتا أنا صحي عارضت أيهاب ع هالشغلة بس لما شفت حالتا وشفت قديشا صغيرة قطعتلي قلببي واصريت جيبا لهون.
علا:الله يعينا هلأ بنقعد سوا بنتعشى وبنعرف سيرتا.
أم أيهاب:أن شاء الله.
علا:هاد أنس عم يدقلي.
أم أيهاب:ردي عليه شو ناطرة.
علا:الو.
أنس:كيفو الحلو؟.
علا:تمام أخي مشتقتلك وأنت كيفك؟.
أنس:تمام وأنا أكتر..شو عم تعملوا.
علا:ولاشي أيهاب طلع لعندك وأنا وأمي قاعدين.
أنس:والبنت اللي أجت لعندكن؟.
علا:هون عم تتغسل هلأ بتطلع.
أنس:علووش حبيبتي حاولي تفهمي منها شو قصتا وضربي معا صحبة بلكي بتحكيلك.
علا:ولا يهمك أخي فهمت عليك.
أنس:خبريني شو بصير معك بدك شي هلأ؟.
علا:تكرم عينك نحن بالخدمة هههه....سلامة قلبك.
أنس: هههههه خليلي عيونك...يالله سلام.
علا:الله معك.
أم أيهاب:شو شو بدو؟.
علا:ولااشي الواضح عم يتطمن ع هي البنت.
أم أيهاب:أيوا.
أيلاف:هالبيت حلو كتير حاسة حالي قدامن أني من المزابل بس أنا مو هيك أكيد بس شو اللي عمل فيني هيك؟...أنا مين معقول ألي عيلة متل هي العيلة؟..أووف ياربي فرجك...محلاها النظافة حاسة حالي أرتحت كتير..خلصت وطلعت كنت خجلانة وخايفة كتير مابعرف شو بدي أعمل طلعت لعندن...
أم أيهاب:نعيما.
أيلاف:تسلمي.
علا:تعي قعدي لييش واقفة؟.
أيلاف:طيب.
أم أيهاب:رايحة حط العشا لناكل سوا.
علا:ضلي أنا بروح.
أم أيهاب:لاامعلش خليكي.
قعدنا سوا وتعشينا سوا كانوا كتير ناس محترمين بس مابعرف شو اللي بجبرن يهتموا بوحدة مابعرفوا عنها شي ولا حتى هيي بتعرف عن حالا شي....ضلوا أم أيهاب وبنتا ياخدوا ويعطوا معي بالحكي كانوا عم يحاولوا يعرفوا كيف ومن وين أجيت وشو اللي عامل بحالي هيك بس للأسف ماعندي جواب لحالي كيف بدي جاوبن هنن...هيك خلص اليوم رحت نمت كنت كتير تعبانة شكرت ربيي لأني قدرت لاقي مكان يأويني بس هالمكان مو دايملي أنا مابدي أرجع كون عبأ ع حدا.
تاني يوم الصبح:ببيت أيهاب.
------------------------------------
أيهاب:صبااح الخير.
علا:أم أيهاب:صبااح النور.
علا:شو أخي أيمت أجيت من عند أنس؟.
أيهاب:هلأ أجيت ماصرلي شي نمت عندو.
علا:أيوا.
أم أيهاب:دقلو خلي يجي يفطر معنا.
أيهاب:ليكو أجا متل الحمار قاعد جوا.
أنس:سمعتك ولااك يخرب بيتك شو حيوان.
علا:هههههه طولوا بالكن ع بعض.
أم أيهاب:ههههه.
أنس:يسعدلي صباحككن.
أم أيهاب:علا:أهلين وصباحك يارب.
أنس:كيفك يادبة؟.
علا:منيحا أحسن منك ع فكرة أنا زعلانة منك كتير هاا.
أنس:له ليشش ماعاش اللي بدو يزعلك.
علا:أي بتعرف مارح أحكيلك هلأ تعوا فطروا.
أنس:طيب ماشي.
أنس:بدي أسألكن شو وضع البنت ماعرفتوا منها شي؟.
أم أيهاب:والله يا أبني هالبنت قصتا بتحط العقل بالكف حكتلنا شو صار معا بس مافي شي مفهوم البنت مانا عرفانة حتى أسما.
علا:أنا مبارح لاحظت أنو في أثر جرح كبير براسا.
أيهاب:شو هالحكي معقول تكون فاقدة زاكرتا؟.
أنس:أنا أنتبهت لهيك شي بس ماعرفت شو السبب وهلأ علا عم تقول أنو في جرح براسا بتوقع هلأ صار في شوية وضوح.
أم أيهاب:والله هالبنت صغيرة خطيتا.
أيهاب:أن شاء الله مارح نتركا لنعرف أهلا.
علا:هي مصرة تمشي قالت بس ترتاح وتعرف شي مكان تشتغل فيه وتصرف ع حالا مابدا تدايقنا هيك عم تقول.
أنس:كيف بدا تشتغل وهي بهيك حالة؟.
أم أيهاب:مارح خليا تروح رح حاول أقنعا.
علا:رح ناديلا تفطر معنا.
أم أيهاب:يالله.
أيهاب:قولتك شو حلتا شريك؟.
أنس:والله مالي عرفان...كمان ماكان بدي أشغلكن فيا بس متل مابتعرفوا عايش لحالي ومستحيل ترضى تروح ع بيتي.
أيهاب:شو رأيك تخرس؟.
أم أيهاب:شو هالحكي ياابني لييش شو الفرق بينك وبين أيهاب بعدين أنا لو بصحلي بخليك تسكن معنا وما بتروح ع بيتك بس أنت مابتسمع الكلمة.
أنس:تسلميلي يا ست الكل ليكني هلأ مالي مقصر ع طول عندكن.
أيهاب:كول وخراس.
أنس:لك تضرب بهالمديل أيي.
أيلاف:صبااح الخير.
أنس:أيهاب:أم أيهاب: يسعد صباحك.
علا:بالزور رضيت تطلع تفطر معنا.
أم أيهاب:لييش لك بنتي؟.
أيلاف:والله مو حابة دايقكن.
أيهاب:أختي أنتي هلأ بأمانتنا ومارح نتركك وبالعكس ماعم تدايقنا أبدا لاتفكري بهالشي ولاتشغلي بالك.
أيلاف:شكرا كتير من مبارح لليوم عزبتكن كتير معي.
أنس:مافي عزاب أختي أنتي هلأ متل علا ومارح نتركك لنعرف كيف نرجعك لأهلك بس أنتي هلأ حكيلي شو قصتك.
أيلاف:مابعرف شو قلك أنا وعيت حالي لقيت حالي ببيت في مرة وشب و......بلشت تسرد كلشي صار معها ببيت أم أحمد وتحكيلن كيف ساعدوهاوعالجوها................وهاد كل اللي صار معي.
أنس:يلي بتحكي عنن مو أهلك؟.
أيلاف:لاا هديك المرة أهتمت فيني كتير سألتا عن حالي وكيف صرت عندا حكتلي كلشي بتعرفوا بس اللي حكيتلكن ياه.
أم أيهاب:لكن لييش طلعتي من عندن؟.
أيلاف:كان بدا تحكي عن الحكي اللي سمعتو من أحمد بعدين غيرت رأيا.....مو معقول أحكي عم الناس اللي ساعدوني....
أم أيهاب:شو حبيبتي بشو صفنتي؟.
أيلاف:اه ولا شي...أنا طلعت من عندن لأنو هنن بالزور ممشين حالن ماحبيت تقل عليهن أكتر.
علا:بس أزا عاملوكي منيح معناتو مو مدايقين منك.
أيلاف:أي صح بس أنا ماكان بدي حملن شي فوق طاقتن وأنتوا كمان نفس الشي.
أيهاب:شو هالحكي هاد ماتحكي هيك شو أتفقنا هلأ؟.
أنس:ماتحاولي تطلعي من عنا متل ماطلعتي من عندن لأنو مابتعرفي شو رح يصير معك بعدين ونحنا رح نوصلك لأهلك بس لازمنا طرف خيط.
أيلاف:أنتوا لييش عم تعزبوا حالكن معي؟.
أيهاب:لأنو لسا الدنيا بخير والطيبين مانقرضوا ولأنو أنتي طيبة كمان الله عم يبعتلك ع هوا نيتك وتلاقي ناس يساعدوكي مابضروكي.
أيلاف:أي عنجد لسا الدنيا بخير وشكرا الكن كتير.
علا:أنا برأيي ناخدا ع شي دكتور يشوف حالتا بلكي بكون في أمل تترجعلا زاكرتا.
أم أيهاب:حل معقول...لأنو في فقدان ذاكرة كلي وفي جزئي والجزئي بتعالج مع الوقت.
أنس:أنا كمان فكرت بهيك شي.
أيهاب:شو رأيك أختي؟.
أيلاف:والله مابعرف.
أنس:خلص مافي أعتراض في دكتور شاطر بعرفو بكرا باخد منو موعد وباخدك لعندو.
أيلاف:طيب.
أنس:طيب أنتي بتعرفي هالجماعة اللي كنتي عندن وين ساكنين قصدي فيكي توصلينا لعندن هلأ؟.
أيلاف:لو كنت بعرف أرجع كنت رجعت.
أيهاب:لليش عم تسأل؟.
أنس:قلت بلكي بنوصلن وبحكولنا بلكي هيي مو متزكرة كلشي.
علا:عنجد فكرة معقولة بس المشكلة عم تقول مابتعرف المكان.
أم أيهاب:كلو خير المهم هلأ تروح عالدكتور وبعدا بنشوف.
أنس:أن شاءالله.
علا:أنا تأخرت ع جامعتي بدي روح.
أيهاب:أستني طالعين سوا.
أنس:يالله أمشوا.
علا:أدعيلنا أمي..وأنتي بدك شي؟.
أيلاف:سلامتك.
أيهاب:أنس:ماما أنتبهي عليها...يالله سلام.
أم أيهاب:ماتاكلوا هم حبيباتي الله معكن.
أيلاف:أنا شبعت يسلموو.
أم أيهاب:صحة وهنا.
أيلاف:ساعدك بشي؟.
أم أيهاب:أي تعي بنشتغل بالمطبخ وبنتسلى.
أيلاف:تكرمي.
ام أيهاب:الله يكرمك حبيبتي.
أيلاف:بنتك شو بتدرس؟.
أم أيهاب:بنتي بتدرس أدب عربي سنة أولى.
أيلاف:الله يوفقا.
أم أيهاب:وأيهاب دارس أدب أنكليزي أما أنس درس أقتصاد بس هلأ موقف جامعتو.
أيلاف:بس هدول ولادك؟.
أم أيهاب:أنس مو أبني هو رفيق أبني.
أيلاف:والله بس بقلك ماما فكرتكن عيلة وحدة.
أم أيهاب:أي صح بقلي ماما متعود من لما كان صغير هو وأيهاب رفقة من الصف الخامس كننا نحنا وأهلو جيران وربيو سوا.
أيلاف:حلو كتير بس وين أهل أنس؟.
أم أيهاب:أه....هنن...خدي أغسلي الكاسات هدول.
أيلاف:بتحاكي حالا لييش ماجاوبتني وغيرت الموضوع؟.
أم أيهاب:أنس وأيهاب هلأ عم يشتغلوا مع بعض بمحل الموبايلات والحمدلله رزقتن منيحا.
أيلاف:الله يخليلك ياهن ويحمين.
هيك قضيت يومي مع أم ايهاب تسليت معها كتير بس أستغربت قصة أهل أنس سألتا مرتين وماكانت تجاوبني ياترى شو السبب؟....شبعرفني المهم هلأ شو بدي ساوي مالازم أغلط مرة تانية وأطلع متأملة بهالعيلة كتير بلكي عنجد بساعدوني وبريحوني.
ببيت أبو أياد:
------------------
أية:أخي تعاا شوف أمي فاقت وقامت.
أياد:عنجدد؟.
أية:أمي وأخيرا قمتي وغيرتي هالحالة اللي كنتي فيها.
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```