الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *غربة.الروح.tt*
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
شو بشع تتكركب حياتك وتطير كل احلامك تتشنطط وتترك الحياة اللي كنت متعود عليها وبيصعب عليك كلشي بتنحرم من ابسط الشغلات اللي بتحلم فيها تحت مسمى "ظروف".
__________
أنا اسمي أيلاف عمري 16سنة وصلت بدراستي للتاسع وماقدرت كفي بسبب الظروف عايشة مع أهلي اللي هنن أمي وأبي وأختي أكبر مني أسما (أية) كمان هيي وصلت للحادي عشر ووقفت واخي الصغير (محمد) وأخي الكبير (أياد) مسافر برات البلد.
#بنبلش_بقصتنا
---------------------
ايلاف:هففف مليت من قعدة البيت.
أم أياد:شو اعملك يعني؟.
ايلاف:ماما الله يخليكي خلينا نرجع ع بيتنا ماحاجتنا شنططة هي خسرت دراستي ورفقاتي وكلشي والله تعبت.
أم أياد:شو طالع بأيدي بدك يانا نرجع عالموت يعني.
ايلاف:لأيمت هالوضع.
ام أياد:حاج تنقي فوق راسي نازلة جيب كم غرض انتبهي ع ابوكي اليوم تعبان شوي وانتبهي ع اخوكي ازا فاق طعمي وغيريلو تيابو.
ايلاف:ماشي ماتاكلي هم..جبيلي معك بسكوت وشيبس.
ام أياد :تكرم عينك.
ايلاف:ماتتأخري ماما بمل لحالي.
ام أياد: لاا مارح اتأخر بتناول الغراض وبرجع.
ايلاف:الله معك.
يالله مليت لايمت بدي ضل هيك كل شهر بحارة جديدة ومكان جديد لاا طلعة ولا فوتة ولا حتى رفقات ياربيي حتى الدبة أية عم تقضي يوما بس نوم اوووف...احسن شي قوم شوف بابا.
ايلاف:بابا حبيبي كيف صرت؟.
ابو أياد:......
ايلاف:بابا شبك ليشش ماعم ترد عليي؟.
أبو أياد:اه مم منيح.
ايلاف:شكلك تعبان كتير بابا شو عم يوجعك قلي.
أبو أياد:مما في شي لاتخافي.
أيلاف:كيف ماخاف وبالزور عم تطلع الكلمة ياربي شو اعمل خلص بابا ارتاح لاتحكي شي....شو اعمل يالله مابعرف حدا هون وماما طلعت ....احسن شي اتصل بعمو عمر خلي يجي يشوفو.
...............
عمر بكون صديقوالمقرب لابو أياد ودكتور العيلة:اتصلت ايلاف بالدكتور ماكان يرد....يالله ياعمو رد الله يخليك.
أبو أياد:لاتعزبي حالك يابنتي عمك عمر مقضي حياتو شغل وسفر صعب تلاقي هلأ.
أيلاف:بابا بترجاك انت ارتاح رح حاول اوصلو.
رح ارجع حاول.....
عمر:الو.
ايلاف:عمو كيفك.
عمر:هلا حبيبتي فوفو تما....
أيلاف:عمو بترجاك بابا تعبان كتير تعا شوفو الله يخليك.
عمر:خير شبو شو عم بصير معو.
أيلاف:مابعرف بس هو تعبان كتير.
عمر:طيب حبيبتي ماتخافي مسافة الطريق وبكون عندكن.
أيلاف:ماتتأخر عمو الله يوفقك.
أيلاف:بابا حبيبي انت منيح هلأ رح يجي عمو عمر.
أبو أياد:......
بعد ربع ساعة:يالله تأخر عمو عمر وامي كمان تأخرت ماعرفت تطلع الا اليوم ياربي شو اعمل.....عم يندق الباب هاد اكيد عمو عمر.
أيلاف:مافيني افتح الباب قبل مااسأل مين لأنو نحنا بحارة غريبة هيك امي مفهمتني أحيانا أمي بتحسسني أنو الناس برا وحوش مو بشر....مين؟.
عمر:أنا عمر.
أيلاف:أهلين عمو وأخيرا أجيت.
عمر:كيفك.
أيلاف:مو منيحا بابا مابعرف شو عم بصير معو.
عمر:بسيطة ان شاء الله خليني فوت شوفوا وأنتي جبيلي كاسة مي.
أيلاف:تكرم عينك.
بغرفة أبو أياد:عمر:مرحبا كيفك ياصاحبي.
أبو أياد:ممنيح.
عمر:شكلك عم تدلل كتير هالايام....خليني شوف.
أبو أياد:والله كبرنا يا صاحبي.
عمر:طول بالك بعدنا شباب شو عم تكبر فينا هههه.
أبو أياد:الله عليك.
..........................
أيلاف:تفضل عمو....طمني شبو بابا.
عمر:يسلموو هالادين الحلوين..ماتخافي مافي شي.
أيلاف:لكن ليشش هيك صار معو؟.
عمر:مافي شي بخوف كل القصة نزل ضغطو.
أبو أياد:ماتشغلي بالك حبيبتي انا منيح.
أيلاف:ماع قلبگ شر حبيبي.
عمر:عم يتدلل علينا.
أيلاف:يتدلل قد مابدو بس مايمرض ويصيبو شي.
عمر:هههههه الله يحميكي.
بتفوت أم أياد:فووفو لك يافوفو وينك تعي خدي مني هالاغراض.
أيلاف:هي ماما اجت...
أيلاف:أهلين ماما هاتي عنك.
أم أياد:خدي...شو كنتي عم تعملي.
أيلاف:قاعدة عند بابا.
أم أياد:وينا أختك شو لسا مافاقت؟.
أيلاف:لاا لسا مافاقت لييش هيي بتفيق قبل الظهر.
أم أياد:يعدمني هالعادة روحيي فيقيا.
أيلاف:وازا فاقت يعني شو رح تعمل تقعد وتتصفن بالحيطان خليا نايمة احسن.
أم أياد:بلشي أنتي كمان وسمعيني موشح كل يوم تبع مليت ومابعرف شو.
أيلاف:خلص ماما وطي صوتك هلأ بسمعك عمو عمر.
أم أياد:أيمت أجا ولييش لهلأ لحكيتي؟.
أيلاف:لـيش أنتي عطيتيني مجال من لما وصلتي أستلمتيني.
أم أياد:وين قاعد؟.
أيلاف:عند بابا أنا اتصلت فيه لأن بابا تعب كتير بعد مارحتي.
أم أياد:شوو؟ شو عم تحكي كيف صار هلأ؟.
أيلاف: اخد الدوا وصار أحسن.
أم أياد:رايحة شوفو وأنتي روحي فيقيلي أختك.
أيلاف:حاضر.
بغرفة أبو أياد.
---------------------
عمر:هههه الله عليك وع حكياتك.
أم أياد:مرحبا.
عمر:اهلا وسهلا أختي كيفك.
أم أياد:أهلين فيك ع الله ماشي الحال....كيفك أنت وكيف الولاد.
عمر:بخير الحمدلله ببوسوا أيدك.
أم أياد:ربي يخليهن.
عمر:الله يسلمك.
أم أياد:سلامتك يا أبو أياد طمني كيف صرت؟.
أبو أياد:الله يسلمك الحمدلله ماتشغلوا بالكن.
أم أياد:طمني عمر شو وضعو؟.
عمر:ماتخافي شغلة بسيطة كان نازل ضغطو والحمدلله هلأ صار أحسن.
أم أياد:الف الحمدلله والله عم نعزبك معنا كتير.
عمر:لاتحكي هيك بزعل منك والله ليش نحنا من أيمت بيننا هالحكي.
أم أياد:الله يخليك يارب.
بغرفة البنات.
أيلاف:لساا مافقتي انتي شو اعمل فيكي...أية فيقي بسرعة يالله.
أية:لكك اييه شو بدك حلي عني.
أيلاف:لك يخرب بيتك حاج نوم مابتملي انتي.
أية:......
أيلاف:فيقي قبل ماتجي أمي اليوم معصبة كتير ها.
أية:دخيلك ع اساس امك أيمت ماكانت معصبة....حلي عني بدي نام.
أيلاف:رح عد للتلاتة ازا ماقمتي رح حممك وأنتي بتختك.
أية:أوووف ياا قايمة قايمة شو هالعيشة هي.
أيلاف:قومي غسلي والحقيني لنشوف ماما شو بدا تعمل غدا ونساعدا.
أية:ماشي ماشي.
أيلاف:وهي حموده حبيب قلبي فاق...دخيلو انا....اية خدي لعند ماما رايحة اخد الشاي لعمو عمر.
أية:ليش عمو عمر هون؟.
أيلاف:أي.
أية:طيب يالله.
محمد:بيبكي.
أية:ياروحي لاتبكي يالله نروح عند ماما.
بغرفة أبو أياد:
-------------------
أيلاف:وهي اطيب كاسة شاي لأحلى عمو بالدنيا.
عمر:يسلم هالديات.
أيلاف:الله يسلمك عمو.
أم أياد:اليوم مارح تطلع الا لتتغدا عنا.
عمر:والله عندي شغل مااف...
أيلاف:لا هالمرة مارح نخليك تروح قبل مانكسبك عالغدا كل مرة بتحجج بالشغل وبتروح.
أبو أياد:طلع حالك أزا بتقدر.
عمر:هههههه خلص مافيني اكسر كلامك ست أيلاف.
أم أياد:هههههه يا ميت أهلا وسهلا.
أية:صباح الخير.
عمر:يسعد هالصباح.
أم أياد:قولي ظهر الخير.
عمر:أيلاف:ههههههه.
أية:أي نفس الشي ههههه كيفك عمو؟.
عمر:تمام حبيبتي أنتي كيفك؟.
أية:تمام بشوفتك.
أم أياد:عطيني حموده لعندي.
أيلاف:فايق معصب اليوم الافندي.
أم أياد: حبيبي دخيل صباحو انا.
أية:بس لحموده الغزل وانا بتقليلي ظهر الخير موو.
عمر:هههههه لتكوني غيرانة من أخوكي.
أيلاف:هيك الظاهر هههههه.
أم أياد:شو رأيك حطك بحضني بدالو.
أية:أي ليش لأ ههههه.
عمر:ههههههه.
أم أياد:يالله يابنات خلينا نروح نعمل الغدا اليوم عمكن عمر رح يتغدا معنا.
أية:تكرم عينك وعينو.
عمر:الله يكرمكن ويسعدكن حبيباتي.
أية:تسلملي يارب....يالله فوفو.
أيلاف:يالله.
عمر:الله يخليلك هالوردات وتفرح فيهن يا أبو أياد.
أبو أياد:الله يسلمك ويخليك.
بالمطبخ:
------------
أية:شو رح نعمل غدا ماما؟.
أم أياد:والله محتارة مابعرف شو اعمل.
أيلاف:شو جبتي أغراض؟.
أم أياد:كلشي كتبتي بالورقة.
أيلاف:لكن شو رأيكن نعمل شاكريا ورز؟.
أية:أي ليش لا عمو عمر بحبا هالاكلة كتير.
أم أياد:هيك رأيكن؟.
أيلاف:اي مو جبتي كلشي؟.
أم أياد:طيب يلا خلونا نبلش.
أية:أنا رح اطبخ اللحمة وأنتي فوفو انقعي الرز.
أيلاف:طيب.
أم أياد:أنا رح طلع اللبن.
أيلاف:يلا أية قوليلا لماما.
أية:مابدي قلا ولا شي هي صايرة ماعم تتحملنا ابدا كل ماحكينا شي بتبهدل فينا.
أيلاف:هلأ رايقة مارح تحكي شي حبابة وحياة الله رح طق من هالبيت.
أم أياد:شو عم تتهامسوا أنتي وياها.
أيلاف:ولا شي.
أية:ماما خلينا نطلع مشوار المسا حبابة.
أم أياد:وين بدكن تتطلعوا ليش نحنا بنعرف حدا هون.
أيلاف:مو ضروري نروح لعند حدا بنطلع بنتمشى.
أية:أو بنروح عالسوق قديش صرلنا مارحنا عالسوق.
أم أياد:بدكن تتطلعوا تتفتلوا بالشوارع ياعيني وشو كمان.
أيلاف:هلأ هاد اللي طلع معك؟.
أم أياد:حاج تنقوا صرعتوني.
أية:كل ماحكينا بتسكتينا وحابسيننا بين اربع حيطان ليش هيك انتي صايرة بتكرهينا كأنو ماعم تطيقي تسمعي مننا شي أنتي أم ولا شو؟.
أم أياد:ضبي لسانك وليك شو مين مفكرة حالك عم تحاكي رفيقتك ولا أختك؟.
أية:مااما حسي فينا والله تعبنا.
أيلاف:خلص مابقى بدنا شي سكروا عالموضوع بلا ماتتخانقوا وتطلع صواتكن هلأ.
أم أياد:الله يمضي هالنهار ع خير....رايحة شوف مين عالباب احسن شي.
أية:بتبكي عجبك هيك؟.
أيلاف:ليش ماما عم تعمل هيك فيننا.
أية:لأنها مابتحس فينا ولا مرة حاولت تسألنا شبكن او شو بتحتاجو شاطرة طول الوقت بتبهدل فينا.
أيلاف:أنا رح جن من هالعيشة أزا رح ضلني هيك بجن والله ليش انقلبت حياتنا هيك؟.
أية:كلشي تغير حتى ماما تغيرت علينا.
أم أياد:بتدخل المطبخ...أخخخ بعرف أني عم بقسى عليكن وبعرف كلشي عم تعانوا منو أنا بحس فيكن من دون ماتحكوا شي بس شوفة عينكن كيف هالظروف عم تخنقنا.
أية:أنتي قلتيا الظروف عم تخنقنا ليش أنتي كمان عم تخنقينا؟.
أيلاف:كل الناس عم تعيش نفس الظروف مو بس نحنا ماما بس عايشين حياتن وماعم يعملوا متلك.
أم أياد:أنا عم أعمل هالشي من خوفي عليكن مابدي اخسركن مابكفيني أخوكن مصفي بأخر الدنيا وحسرة عليي شوفتو.
أية:أزا بدك تعملي شي كرمالنا خفي علينا شوي مابدنا شي تاني.
أيلاف:أنا بدي كفي دراستي ويكون عندي رفقات وعيش متل ما العالم كلن عايشن حياتن بشكل طبيعي بس نحنا لا..ماحاجتنا حبس؟.
أية:وأنا كمان نفس الشي والله حرام تروح سنين من عمرنا عالفاضي.
أم أياد:خلص حبيباتي بوعدكن لاقي حل لكلشي بس خلوني اعرف زبط امورنا بالاول وكمان ليصح أبوكن منيح.
أية:ماما أكيد رح تلاقيلنا حل.
أم أياد:خلص قلتلكن وعد ماحاج نق بقى.
أيلاف:الله يخليلنا ياكي.
أم أياد:أبوكن عم بنادي.
أية:رايحة أنا شوف شو بدو.
أم أياد:عالسريع يالله...وأنتي خفي خلينا نخلص.
أية:أي بابا بدك شي؟.
أبو أياد:بنتي مطول الغدا أخرنا لعمك عمر كتير.
أية:نص ساعة وبكون الأكل جاهز.
عمر:يعطيكن العافية حبيباتي.
أية:أي ماما شو صار معكن؟.
أم أياد:خلصنا بقيان بس نسكب الأكل...شو بدو أبوكي؟.
أية:عم يسأل أزا مطولين ولا لأا عمو عمر تأخر ع شغلو.
أيلاف:لاا مو مطولين خلصنا.
أم أياد:جهزوا السفرة لبين ماخلص سكب الأكل.
أية:حاضر ماما.
أيلاف:ينعن هالشغلة كل اليوم طلبات داخ راسي من الصبح.
أية:اللي بسمعك بقول شايلة البيت كلو ع راسك.
أيلاف:لاا يا ع اساس يعني مو هيك.
أية:ياخطيي وجعتيلي قلببي هههه.
أيلاف:خرسي خرسي هلأ فايقتلي من النوم وعم تتمسخر كمان.
أية:مين ماسكك ماتنامي أنا عم ضيع نهاري بالنوم مافي شي غيرو.
أيلاف:شايفتيني دبة نوم متلك ولا بقضي الليل سهرانة عالنت.
أية:وطي صوتك هلأ ماما بتسمعك وبتاخد مني الموبايل.
أيلاف:اووف ياريت موبايلي شغال كنت تسليت فيو كمان.
أية:قولي لبابا يصلحلك ياه.
أيلاف:المسا رح قلو.
أم أياد:يالله يابنات شو صار معكن.
أية:أي ماما خلصنا.
أم أياد:تعوا شيلوا هدول الصحون وأنا رح شيل التانين.
أيلاف:لكن رح ناديلن لبابا وعمو.
أم أياد:شوفي أبوكي أزا مابقدر يقوم لنجيب الأكل لعندو.
أيلاف:حاضر ماما.
بغرفة أبو أياد:
---------------------
أيلاف:بابا كيف صرت هلأ.
أبو أياد:الحمدلله احسن.
عمر:مو حكيتلك كان عم يتدلل علينا.
أيلاف:ههههه لاا ماشاء الله وشو تغير عن الصبح خوفني كتير حتى صوتو ماكان يطلع.
عمر:اي هاد لأن نزل ضغطو فجأة..
أبو أياد:أي والله فجأة هيك صار معي.
أيلاف:ماا ع قلبكك شر حبيبي.
أبو أياد:حبيبة قلببي.
أيلاف:أجيت قلكن أنو الغدا صار جاهز فيك تقوم بابا ولا نجيب الأكل لهون.
أبو أياد:لاا بنتي بناكل برا.
أيلاف:لكن تفضلوا عالغدا.
عمر:يالله جايين.
أم أياد:كلشي صار جاهز وينن؟.
أيلاف:ليكن جايين.
أم أياد:أية جيبي مي وتعي يالله بنتي.
أية:يالله ثواني.
عمر:أيي شو هالروائح الطيبة هيي شي بشهي.
أبو أياد:أي هدول طبخات أم أياد مو حيالله.
أم أياد:مافي شي من واجبك تفضلوا.
أيلاف:عمو طبخنالك الأكلة اللي أنت بتحبا.
عمر:لك يسلم هالديات.
أية:ريتو الف صحة وهنا.
عمر:ع قلبكن.
أبو أياد:يالله سمووا بالله.
قعدنا عالأكل وكنا متسليين كتير بوجود عمو عمر أنا كتير بحبو وبحترمو هو من عمرو لبابا بس بحس روحو مرحة ورياضية لما بقعد معو مابحس بالملل خصوصا بالفترة الأخيرة بعد ماطلعنا من بيتنا وسافر أخي انقلبت حياتنا وتغير كلشي صار جو بيتنا ع طول مشحون ومملل يمكن هالشي بسبب الظروف الي عشناها والشي اللي شفنا محدا متحمل التاني....اييه الله يفرجا علينا يارب.
__________
المسا:
---------
أيلاف:يسعدلي مساكن.
أبو أياد:أم أياد:مسالورد.
أيلاف:شو ماما وينو حمودة مالي شايفتو؟.
أم أياد:نيمتو تعب كتير ع قد مالعب ونام.
أيلاف:دخيل قلبو نوم الهنا.
أبو أياد:قديش صاير شقي والو حركات.
أية:أي والله الصبح جنني ههههه.
أم أياد:هههه ع اساس مو أنتي وياها عم تعلموا.
أيلاف:هههه هي أية أنا مادخلني.
أية:هههه أي أنتي عاقلة مابتعملي شي.
أيلاف:طبعا طبعا.
أبو أياد:قبل شوي كان عم يحاكيني أياد.
أم أياد:ياقلبي شو أشتقتلو اليوم مافضيت حاكيه والله.
أية:أنا كل شوي عم حاكيه عم بمل مني ههههه.
أيلاف:أيي ألا أنا ياحسرتي موبايلي عطلان محدا عملي ياه.
أم أياد:أيووا بلشنا مو قلتلك أستعملي موبايلي وقت بدك.
أيلاف:ما بدي استعمل موبايل حدا بدي موبايلي يتصلح.
أبو أياد:خلص بنتي تكرم عينك أول مابيبعتلنا أخوكي مصروف الشهر الجاي بصلحلك ياه فورا.
أيلاف:الله يخلينا ياك حبيبي.
أم أياد:يلا انبسطي أيلاف خانم شو بدك كمان.
أيلاف:تسلمولي يارب...أنا نعست بدي نام.
أم أياد:لسا بكير خلينا قاعدين.
أبو أياد:مستعجلة لتنامي.
أية:نعست الجاجة.
أيلاف:أيي نعست كتير تصبحوا ع خير.
أبو أياد:أم أياد:أية:وأنتي من أهلو.
هيك كنت قضي يومي مع اهلي فيكن تقولوا حياتنا بعد ماغيرنا بيتنا صارت شبه مملة أوو مملة كتير بس مستحيل كمل حيااتي هيك رح ضل ورا أهلي لحتى يغيروا رأين ويشيلوا الخوف والأفكار السودة من راسن ويخلونا نرجع متل قبل وننسى كلشي صار بالنهاية مو بس نحنا صار فينا هيك كل الناس عاشت نفس الظروف ومع هيك عايشين حياتن طبيعي وماعم يدفنوا حالن بالحياة متل ماعم يعملوا أهلي...قديش الحياة قاسية بيوم
وليلة بتسلب من الواحد كلشي بملكو حتى احلامو...💔
_________
تاني يوم الصبح:
______
أيلاف:وهي عم تتطلع ع حالا بالمراية:صباحوو يا أنا لك دخيلل هالوش محلاه...هههه جنيت عم حاكي حالي... شو بدي اعمل هلأ؟!الكل نايم مارح يفيقوا هلأ بدي أقعد اتصفن بالحيطان عنجد متل ماقالت أية صايرة متل الجاج بنام بكير وبفيق بكير هففف...أحسن شي رتب البيت ع مهل لبين مايفيقوا... رحت فتحت الشبابيك كان صبااح حلو ورايق مع صوت العصافير بلشت اتطلع عالعالم اللي برا متل سجين طلع بعد سنين كنت راقب كل شخص مارق مابعرف لييش كنت مستمتعة بهالشي كل واحد ماشي ع شغلو وعايش حياتو الطبيعية بس نحنا عم نقبر حالنا بالحياة خايفين من المجهول.
_________
أيلاف:بدي انزل شوي عالحارة شوف شو فيها الكل نايم محدا رح يحس مارح طول.....نزلت عالحارة بلشت أتطلع ع كلشي فيها تمنيت لو أتعرف ع شي رفيقة ضليت ماشية شفت بنتين من بعيد عم يحكوا ويتطعلوا عليي بلكي بدن يتعرفوا عليي انا حاسيتا صعبة أني روح لعندن لسا وأنا عم حاكي حالي أجوا قريب مني...
مجهول:طلعي طلعي هي البنت.
مجهول 2:أي شبها؟.
مجهول:كأنو جديدة هون مشي نتعرف عليها.
مجهول2: بخباثة بنتعرف لييش لأا نحنا اللي بنتعرف هههه.
مجهول:مرحباا.
أيلاف:أهلين.
مجهول:شو أنتي جديدة هون؟.
أيلاف:أي سكننا عن جديد هون.
مجهول:أهلا وسهلا أنا أسمي ميس وهي رفيقتي راما.
أيلاف:أهلا وسهلا فيكن أنا أيلاف.
ميس:بتحبي نكون رفقة؟.
أيلاف:بفرحة أي أكييد.
راما:مشي معنا نحنا رايحين مشوار.
أيلاف:ياريت بس مافيني ماقلت لأمي أني طالعة.
ميس:روحي قوليلا وبننطرك هون مافي مشكلة.
أيلاف:لأا صعب مارح تخليني.
راما:براحتك مابنجبرك.
أيلاف:أنا صار لازم ارجع عالبيت تشرفت بمعرفتكن.
ميس:تسلمي الشرف النا بس لسا ماتعرفنا ع بعض منيح.
أيلاف:مافيني طول لأن ماخبرت حدا أنو طالعة.
راما:طيب رح ترجعي تطلعي؟.
أيلاف:مابعرف.
راما:حاولي تطلعي بكرا بنفس الوقت طالعين مشوار قريب من هون بتروحي معنا وبتتسلي وبنعرفك ع بقية الشلة.
أيلاف:أممم بتمنى بس مابعرف وين بتروحوا أنتوا بالعادة؟.
راما:في ضيعة قريبة من هون بنروح عليها الجو فيها غير شكل والقعدة بين البساتين بتجنن.
أيلاف:بتردد مابعرف بشوف.
راما:لاا بدك تنزلي أكيد بكرا ناطرينك.
أيلاف:بحاول يلا باي.
ميس:راما:باي.
ميس:لك شبك دبقتيا للبنت؟.
راما: بخباثة ههههههه بتلزمنا ولووو.
ميس:شو بدك فيها مانك شايفتا متل الجدبة كلشي بتقلك ماما ناقصنا ولاد نحنا؟.
راما:بكرا أزا أجت بتعرفي ههههه.
ميس:لااا الموضوع فيو أننا قليلي شوفي براسك؟.
راما:قلتلك ماتصرعيني لبكرا يلا خلينا نروح.
ميس:ماشي.
أيلاف:ياربي يكون محدا فاق.
أية:فوفو وين كنتي لييش طالعة من الصبح؟.
أيلاف:شو مفيقك بكير أنتي؟.
أية:هيك فقت مبارح نمت بكير...قليلي هلأ وين كنتي؟.
أيلاف:هون وين كنت يعني وقفت قدام الباب شوي لأن مليت.
أية:والله؟.
أيلاف:حلي عني شو بدك تعمليلي تحقيق يعني.
أبو أياد:صباح الخير.
أية:أيلاف:صباح النور بابا.
أبو أياد:شو ليش فايقين بكير؟.
أية:متنشطين لأول مرة ههههه.
أيلاف: ههههه أحكي عن حالك بس أنا كل يوم بفيق متنشطة.
أبو أياد:ههههه بلا ماتتخانقوا هلأ.
أيلاف:وينا أمي؟.
أبو أياد:جوا عم تغير لحمودة.
بعد شوي:
أية:يلا تعوا فطورا الأكل جاهز.
أبو أياد:يالله جايين.
أم أياد: فوفو جيبي الشاي وتعي.
أيلاف:حاضر.
أم أياد:يلا سموا.
أية:شو بدنا نعمل اليوم طالعونا شي مشوار.
أبو أياد:تكرم عينك رح نطلع مشوار.
أم أياد:لوين بدكن تروحوا؟.
أبو أياد:وين مابدن البنات.
أيلاف:أنا بدي اطلع هون عالحارة ويكون عندي رفقة.
أم أياد:لااا مافي طلعة عالحارة مانك شايفتيا كيف معجوقة من كل مكان.
أيلاف:طيب وشو يعني بد...
أم أياد:يعني بتستنوا هالشهر زمان بنطلع من هون وساعتا بتعملوا الي بدكن ياه.
أيلاف:ماعاد بدي استنى ولا شي ان شاء الله بموت وبرتاح بطلت اكل....
أم أياد:تعي كملي اكلك لوين رايحة؟.
أيلاف:مابدي انضرب ع قلبي.
أم أياد:وأنتي شبك عم تتطلعي هيك.
أية:ولا شي شبعت ماعاد بدي اگل.
أبو أياد:حاج عم تضغطي عليهن هاد مو تصرف.
أم أياد:هلأ صار الحق عليي لأني خايفة عليهن.
أبو أياد:هاد مااسمو خوف هاد جنان وبدك تجننيهن معك كمان.
أم أياد:شو بدك ياني أعمل خسرنا كلشي مابدي أخسر ولادي كمان.
أبو أياد:هاد مو تصرف أبدا وأنتي عم تخسري بناتك شوي شوي ومانك حاسة ع حالك.
بغرفة البنات.
أية:شبك لييش عم تبكي يعني ماتعودتي ع هالوضع.
أيلاف:لاا ماتعودت ولا رح أتعود وأنا رح اعمل اللي بدياه ومحدا الو دخل.
أية:شو بدك تعملي؟.
أيلاف:طلعي من راسي كمان أنتي.
أية:تسطفلي.
أيلاف:بتحاكي حالا....خلص أنا ماعاد أهتم لشي وبدي أعمل اللي بدي ياه أوووف بس كيف؟....بلشت أرجع بذاكرتي قبل وأتذكر أيامنا كيف كانت حلوة وكننا مبسوطين تسطحت ع تختي صرت أتخيل كلشي قبل صرت أتحسر ع كل لحظة راحت...هيك قضيت يومي ماطلعت من غرفتي أبدا تعبت ع قد مابكيت ونمت.
__________
تاني يوم الصبح.
-----------------------
أيلاف:أووف قديش نمت وحاسة راسي عم يفتل....فتحت الشبابيك وتطلعت عالحارة شفت ميس وراما ومعن بنت تانية فكرت بيني وبين حالي قررت أطلع معن اليوم واللي بدو يصير يصير بحاول أرجع قبل محدا يفيقق....جهزت حالي وطلعت عالحارة...
ميس:ليكي مين أجت.
راما:أهلا وسهلا أجت بوقتا.
رهف:مين هيي اللي أجت؟.
راما:البنت اللي حكيتلك عنها.
رهف:والله شكلنا رح نتسلى كتير هههه.
راما:هههه أي لكن.
ميس:شو عم تخططوا من وراي أنتي وياها.
راما:بحكيلك بعدين وصلت هلأ بتسمعنا.
أيلاف:صبااح الخير.
راما:يسعدلي صباحك.
ميس:اهلين منيح أجيتي فكرتك مارح تجي.
أيلاف:لأا أجيت قلت بتسلى معكن شوي.
راما:أهلا وسهلا حبيبتي هي رفيقتنا كمان و أسما رهف.
أيلاف:تشرفنا أنا أيلاف.
رهف:تسلميلي عاشت الاسامي.
ميس:أي صبايا وين رح نطلع مشوارنا هلأ.
أيلاف:خلونا هون بلا مانطلع برات الحارة.
رهف:لاا شو هون بنطلع مشوار مابنطول.
أيلاف:لوين؟.
راما:مو قلتلك مبارح في ضيعة قريبة من هون كتير البساتين اللي فيها بجننو والقعدة فيهن عالصبح بتطير العقل.
أيلاف:طيب هيي بعيدة من هون؟.
ميس:لك شبك عم نقلك قريبة ومارح نتأخر.
أيلاف:طيب ماشي بس نطروني لجيب شنتايتي وأرجع.
راما:أوك ناطرين.
راحت أيلاف عالبيت تجيب شنتايتا وتتطمن أزا في حدا حس ع غيابا ولا لاا أخدت اللي بدا ياه وطلعت شقت الباب شق صغير مشان بس ترجع تدخل بسهولة ماكانت بتعرف أنو هي أول وأخر مرة بتطلع منو......
ميس:هلأ بدكن تحكولي لشو عم تخططي أنتي وياها.
رهف:صدقيني مابعرف خلي راما تحكيلك.
راما:مابدي أعمل شي بس بلكي بشوفا هداك الكلب مجد وبيلتهى فيها ويحل عني شوي.
ميس:بس هيك؟؟.
راما:مبدئيا بس هيك ههههههه.
رهف:يخرب بيتك انتي بدك.....
راما:خرسوا بقى أنتي وياها هيي طلبت تكون من شلتنا وأنا عم لبيلا طلبا هههههه واللي بدا تمشي معي بتعمل كلشي بدي ياه هههههه.
ميس:يالطييف منك أنتي.
رهف:خلص سكري تمك أنتي وياها أجت البنت.
أيلاف:أي أنا جاهزة خلونا نمشي.
راما:لييش مستعجلة؟.
أيلاف:مابدي أتاخر عالبيت.
راما:طيب ماشي ليكو مجد أجا ليوصلنا.
أيلاف:مين مجد؟..وليشش هو يوصلنا وبشوو أنا مابروح مع شباب أزا رايحين مع شباب بطلت روح.
راما:شبك شبك أنبحتي ل...
ميس:بتغمز لمجد ...شباب شو ليشش شو شايفتنا لنروح مع شباب بس هاد الشوفير اللي رح نطلع معو.
رهف:أي صح بوصلنا وبنعطي أجرتو وبميشي.
مجد:شو القصة؟.
ميس:سكوت أنت هلأ ولا حرف.
راما:شو قررتي بتروحي ولا بنمشي.
أيلاف:طيب ماشي.
طلعنا كلنا لنص الطريق حسيت حالي مو مرتاحة أبدا وبلشت خاف كتير عم حسن عم يتهامسوا ع شي بعدين الطريق عم يطول ونبعد كتير حسيت الندم عم ياكلني ليشش هيك عملت وطلعت غضبي من أمي خلاني أعمل هيك وطلعت من دون أزنا مع ناس ماصرلي يومين عرفانتن....
أيلاف:مو ع أساس المكان قريب لييش بعدنا كتير.
ميس:أي هلأ بنوصل شبك.
أيلاف:لاا ماعاد بدي رجعوني عالبيت.
راما:شو ع كيفك نحنا.
مجد:شبكن شو عم بصير.
أيلاف:نزولني وكيفوا مشواركن وهاد طلع في شب تاني مو بس الشوفير لييش عم تضحكوا علينا.
أيلاف:بلشتت تفتح الباب والسيارة ماشية....لوين رايحين؟.
راما:سكري الباب شو جنيتي أنتي.
ميس:خلص أيلاف شو صرلك هلأ ساعة زمان وبنرجع.
أيلاف:لليش كزبتو عليي وقلتولي المكان قريب.
راما:لاا ماكزبنا عليكي ليكي هي الضيعة وصلنالا.
أيلاف:ألنا ساعة ماشيين وماكنا نوصل أنا تأخرت كتير نزلوني.
ميس:سكرري الباب حاج جنان.
أيلاف:دفشت الباب بقوة وكانت عم تمسكا ميس وبحركة غير أرادية وقعت برات السيارة.....
راما:ايلااااااففف.
مجد:وقف السيارة الله لايوفقكن روحتوا البنت.
ميس:تجمدت ماعاد طلع معا الحكي.
رهف:خلونا نشوف شو صرلا البنت الله لايوفقكن.
راما:أيللاف شبك ردي علينا.
ميس:شبها لاا من تما ولا من كما.
رهف:مصيبة ووقعتوها فوق راسنا لك نحنا شو كان بدنا بهالشغلة.
مجد:شو بدنا نعمل هلأ؟.
رهف:خلونا ناخدا ع شي دكتور.
راما:جنيتي أنتي مفكرة أنو رح نطلع منها بسهولة.
ميس:هي عدا اهالينا شو بدنا نقلن وين كننا رايحين.
مجد:ركبوا بالسيارة خلونا نمشي.
رهف:والبنت؟؟.
مجد:نحنا مابنعرف عنها شي.
ميس:جنيت أنت شو عم تحكي؟.
راما:متل ماعم يقول مجد مشووا بسرعة يالله.
*ماتت الرحمة بقلبن تركوها ملحوشة بنص الطريق مو معروف شو مصيرا ماهمن شو ممكن يصير فيها همن الوحيد يطالعوا حالن من المصيبة اللي ساوها.
بالبيت:
----------
أم أياد: أية صارت الساعة 11ونص روحي فيقي أختك وتعوا فطروا.
أية:لييش فوفو مو فايقة؟.
أم أياد:لاا ماشفتا اليوم شمسا عالية.
أية:بس مانا بالغرفة هلأ فقت مانا بتختا.
أم أياد:لكن وين راحت شوفيا بالحمام.
أية:بتحكي بقلبا أكيد فوفو رجعت طلعت الله يسامحك لييش لتعملي هيك خليني اتطلع من الشباك بلكي بشوفا وبأشرلا.....هفف مو مبينة.
أم أياد:أية شو صار معك وينا أختك؟.
أية:ماما مانا هون مو بالحمام.
أم أياد:شوو وين راحت مقصوفة هالرقبة.
أبو أياد:شبكن صواتكن طالعة.
أم أياد:ست أيلاف مانا مبينة مابعرف وين رايحة.
أبو أياد:ليشش مكبرة القصة بتكون نزلت تشتري شي شغلة وتشم هوا خطي خفي ع هالبنات شوي.
أم أياد:لك أنا بشو وأنت بشو؟.
أبو أياد:هلأ بتجي شو هي صغيرة.
أية:أي ماما بتكون نزلت تشتري شيبس بتعرفيها قديش بتحب بطنا.
أم أياد:خليها تجي وأنا بفرجيها.
بضيعة بعيدة ع نص طريق روحا ملحوشة بالارض عم تصارع الوجع واخر شي عم يمر بخيالا صوت أمها....(لك يا ماما أنتي مابتعرفيهن للعالم اللي هون هاد مكان أبدا مو نظيف محشور أشكال والوان كيف بدي أمن عليكي وخليي تطلعي لحالك)...
أم أحمد:ليك أبني شو هاد اللي عالطريق.
أحمد:رايح شوف.
أم احمد:انطرني لشوف.
أحمد:لكك أمي تعيي بسرعة شوفي هالشوفة.
أم أحمد:وليي شو هاد شبها هالصبية شو اللي عامل فيها هيك؟.
أحمد:عم حاول صحيا ماعم تصحى.
أم أحمد:جسما مرضرض خلينا ناخدا ع مستوصف الضيعة يلا ابني بسرعة البنت رح يصفا دما.
أحمد:يالله.
بالبيت:
----------
أبو أياد:مااجت أيلاف لساا؟.
أية:لسا ماأجت.
أم أياد:أنا ماعاد فيي اصبر طالعة دور عليها رح تصير الساعة وحدة والبنت مانا مبينة.
أية:أنا جاية معك.
أبو أياد:لاا أنتي خليكي عند أخوكي وأنا كمان طالع دور عليها.
أم أياد:أزا رجعت خبرينا.
أية:طيب ماشي طمنوني شو بصير معكن.
أخخخ منك يافوفو ياترى وينك هلأ لييش هيك طلعتي والله أمي لتقوم قيامتك بس تجي.
بالمستوصف:
--------------------
أم أحمد: مشان الله يا أبني طمننا البنت عايشة.
الدكتور:عايشة بس تعبانة شوي متعرضة لصدمة كبيرة براسا ولازم تبقى تحت المراقبة 24ساعة وازا فيكن تاخدوها ع شي مشفى بالمدينة بكون أحسن.
أحمد:دكتور نحنا مو قدرنا هيك روحات فيك تعالجا هون الله يوفقك.
الدكتور:لاا حولا ولا قوة ألا بالله نحنا عملنا اللي علينا والباقي ع الله.
أحمد:يعني اصابتا خطيرة؟.
الدكتور: اليوم لازم تضل تحت المراقبة وبعدا بنحدد وأن شاء الله تقوم بالسلامة.
أحمد:أن شاء الله.
أم أحمد:أيمت رح تصحى؟.
الدكتور:مو مبين...أنتوا شو بتقربولا؟.
أحمد:الصراحة نحنا...
أم أحمد:هي بتكون بنت أختي.
أحمد:......
الدكتور:الله يشفيها.
أم أحمد: شكرا الك.
أحمد:أمي لييش هيك قلتيلو للدكتور.
أم أحمد:شو بدي قلو لقيناها بالطريق وندخل بسيم وجيم.
أحمد:لكن شو بدنا نعمل نحنا خلص عملنا اللي علينا.
أم أحمد:قلببي عم يتقطع ع هالبنت مارح اتركا لاوصل لأهلا.
أحمد:أمي أنتي شو عم تحكي نحنا شو بدو يعرفنا بأهلا وشو دخلنا.
أم أحمد:أنا ماهيك ربيتك لحتى تطلع بلا رحمة وبلا ضمير هلأ قلي كيف ضميرك رح يطاوعك تتركا وتمشي.
أحمد:خلص أمي متل مابدك.
بالبيت:
-----------
أية:ماما طمنيني لقيتوا؟.
أم أياد:مالقيتا ولا مبينلة أثر(بتبكي).
أية:بتبكي مع امها وليي وين راحت أنا خايفة يكون صرلا شي.
أم أياد:رح جن رح جن بنتي راحت من بين اديي هي رح تصير الدنيا عصر ومو مبينلا أثر.
أية:وين بدا تكون راحت؟.
أم أياد: وهي عم تبكي...مابعرف معقول تكون هربت؟.
أية:ماما شو تهرب لوين بدا تروح بعدين لو بدا تهرب كانت اخدت معا شي من غراضا مانا اخدا شي لييش لتهرب.
أم أياد:أخخخ يابنتي وين رحتي قلببي متل النار عليكي بس رجعي والله ماعاد زعلك واحكيكي.
أية:بتبكي ياربي ترجع بخير وسلامة.
أم أياد:انا السبب كيف هيك مابنتبهلا.
أية:وينو بابا؟.
أم أياد:راح هو وعمر يدورلا.
أية:يارببب يلاقوها.
أم أياد:أنا طالعة دور كمان بلكي بلاقيها.
أية:ارتاحي شوي هلأ ليكي كيف حالتك.
أم أياد:عن أي راحة عم تحكي أنتي وبنتي مو معروف وينا خليني روح.
بالحارة:
-----------
رهف:شو رح نعمل هلأ؟.
راما:مارح نعمل شي انسووا يلي صار والمهم هلأ هي الحارة ماعاد نلتقى فيها فهمتوا.
مجد:كيف يعني لييش هي مو حارتكن أنتوا مانكن ساكنين هون؟.
راما:أنت مادخلك بلا ماتسأل عن شي مابخصك.
ميس:راما كيف هيك ننسى اللي صار شو قلبكك انتي؟.
راما:ميسس بتنقبري ولا شوو؟.
ميس:عالقليلة خلينا نخبر أهلا.
رهف:اي والله حرام هيك ماتنسي انو انتي السبب راما خطيتا برقبتك.
راما:بتخرسوا أنتوا التنتين والا رح اتصرف تاني معكن.
مجد:كيف بدك تخبري أهلا أنتي جنيتي بدك تروحينا.
راما:كل واحد يروح من خلقتي هلأ ولا بقى تجوا ع هي الحارة بس يصير وقت مناسب نشوف بعض فيه بخبركن وين بنلتقى.
ميس:أنا رايحة ولا بقى تجوا بطريقي ابدا.
راما:بتريحي بس أزا بتفكي تمك بحرف واحد أنتي بتعرفي شو رح يصير فيكي مافي داعي اشرح.
ميس:أنتي وحدة بلا ضمير.
رهف:وأنا كمان رايحة.
راما:درب يسد مايرد.
مجد:شو رح نعمل هلأ؟.
راما:رح تنقلع من وشي مـا بتحكيني لأحكيك فهمان.
مجد:حسني ملافظك ياحلوة ولاتنسي شو صار بسببك اليوم يمكن البنت تكون ماتت هلأ.
مجد:بفهم من هالحكي أنك عم تهددني هلأ بس لااتنسى أنو ألك سوابق لهييك خراس وروح من وشي هههههه.
مجد:شو ماكانت سوابقي أنتي الشريكة لهيك أنتي رح تمشي تحت أمري فهمتي ولييك.
راما:والله وصرلك لسان بس ماشي بنتفاهم بعدين خلينا نمشي هلأ.
مجد:أيوا خليكي عاقلة أنا ماشي بس وصيت عليكي بتجي فورا فهمانة.
راما:الله ياخدك ياحقيرر.
مجد:قلتي شي؟.
راما:قلت أنا كمان ماشية.
أم أياد:ياربي وين بدي لاقي بنتي ياربي دخيلك تساعدني.
رهف:طلعي ميس ع هالمرة.
ميس:شبها؟.
رهف:عم تمشي وتحاكي حالاا.
ميس:أنا اللي رح صير أمشي وحاكي حالي من ورا عملة راما.
رهف:علقت وعلقتنا معا اكيد مارح نطلع من هالقصة هيك.
ميس:لو ع ايدي كنت فضحتا من زمان وتركتا بس ماسكتني من ايدي اللي بتوجعني ازا بحكي عنها حرف واحد بتخربلي بيتي.
رهف:ماكلنا هيك العلقة معا ابدا مو سهلة خلينا نبعد عنها بسلام وننسى اللي صار.
ميس:كيف بدي انسى وهديك البنت المسكينة شو ذنبا.
رهف:مابعرف بس الاحسن انو تنسي مشان ماتوقع فوق راسنا لأن راما رح تطلع حالا متل الشعرة من العجين.
أم أياد:مرحبا.
ميس:رهف:أهلين خالة.
أم أياد:شفتولي بنت بيضا وشعراتا طوال والا...
رهف:لاا ماشفنا حدا.
ميس:شبك عم تقاطعيا خليا تحكي.
رهف:خلينا نمشي من هون قلببي مو مطمن.
ميس:خالة بنتك شو اسما ووين راحت؟.
أم أياد: أسما أيلاف طلعت من الصبح ومابعرف عنها شي.
رهف: وهي عم تتطلع ع ميس بخوف...بتعرفي وين طلعت ومع مين؟.
أم أياد:لاا والله مابعرف رح جن.
ميس:بقلب مكسور الله يجمعك فيها خالة وين ساكنة انتي بلكي شوفا وقلك.
رهف:شو عم تخبصي أنتي؟.
أم أياد:ساكنين بهالحارة بهداك البيت.
رهف:ان شاء الله بتلاقيا نحنا تأخرنا لازم نمشي يلاا ميس لكك يالله امشيي.
أم أياد:أخخ يابنتي وين رحتي.
رهف:شبك كنتي رح تفضحينا.
ميس:قلبيي عم يوجعني كتير.
رهف:وانا متلك بس شو نعمل ازا حكينا شي رح توقع براسنا انا ماشية باي.
ميس:باي......أنا لازم لاقي طريقة خبر أهلها لأيلاف والله حرام هيك ياترى لساتا عايشة اخخ الله لاا يوفقك ياراما ع طول بتوقعيني معك بمصايبك بس هالمرة غير كل مرة هي الشغلة فيها روح انسانة ياربي دخيلك اهديني للشي الصح شو اعمل.
بالمستوصف:
-------------------
أحمد:شو أمي مافاقت البنت؟.
أم أحمد:لاا والله لساتا متل ماهيي.
أحمد:طيب كيف رح نعرف أهلا؟.
أم أحمد:والله مابعرف بلكي بس تفيق هيي بتحكي.
أحمد:يمكن تطول لتفيق ونحنا لازم نعرف مين أهلا هلأ.
أم أحمد:والله مابعرف يابني بس شكلا البنت مو من الضيعة لو من الضيعة كننا عرفناها.
أحمد:طيب مامعا تلفون أو شي بلكي بنلاقي شي يدلنا ع اهلا.
أم أحمد:كانت هي الشنطة جنبا لما أنت حملت أنا بس ماجربت افتحا.
أحمد:طيب فتحيا هلأ بلكي فيا تلفون او شي تاني.
أم أحمد:طيب.....ماعم شوف شي كلن اغراض بنات عادية.
أحمد:دوري منيح.
أم أحمد:مافيي شي...هاا هيي هوية شوفا لك أبني.
أحمد:أي الظاهر أنو الها هيي.
أم أحمد:شو أسما ومن وين.
أحمد:متل ماقلتي مانا من هون اسما ايلاف رح حاول لاقي حدا بخصا للبنت مع انو انا مابعرف امشي بهيك شغلات دعيلي امي.
أم أحمد:أيي أمي الله يوفقك بتكسب ثواب بهالبنت المسكينة وأنا رح ضل جنبا لتفيق.
أحمد:بدك تضلي هون؟.
أم أحمد:مارح روح لتفيق ومارح اتركا لاعرف مين اهلا ولا تناقشني بهالموضوع ابدا.
أحمد:طيب متل مابدك مابعرف انا من وين بتجيني المشاكل ناقصني اناا.
ببيت أبو أياد:
--------------------
أية:بابا طمني الله يخليك ليقتوا أختي.
أبو أياد:.........
أية:بابا رد الله يخليك....عمو شوفي مالقيتوا لييش لهلأ مارجعت أختي؟.
عمر:طولي بالك يابنتي رح نلاقيا ان شاء الله.
أية:أيمت رح تلاقوا هي صارت الدنيا ليل وهي مو مبين عنها شي طيب بلكي مخطوفة.
عمر:مابعرف بس ماخلينا مكان وما دورنا فيه.
بتدخل أم أياد بحالتا التعبانة....أم أياد:بتبكي مالقيتا مالقيتا.
أية:بتحضن أمها وبتبكي...يعني وين راحت أنا خايفة عليها كتير.
أم أياد:راحت بنتي من بين اديي والله ازا صرلا شي بموت.
عمر:طولي بالك أختي رح ترجع ان شاء الله ادعولا تكون بخير ورح نلاقيا.
أم أياد:كيف بدكياني طول باللي وبنتي مو معروف وينا؟.
أبو أياد:لييش مو كلشي صار بسببك.
أية:بابا ليشش عم تحكي هيك ماما شو ذنبا.
أبو أياد:طول الوقت وأنا عم قلك خفي عالبنات حرام عليكي تركين يعملوا البدن ياه شفتي اخرة حبسك الن شو صار.
أم أياد:أننننا ككنت خايفة علين ككنت عم حاول امن لألن حياة هادية.
أبو أياد:وهي النتيجة تحملي يا مدام فيكي تقوليلي وينا البنت هلأ وشو صاير بحالا؟.
أم أياد:بتبكي وبتضرب ع حالا...الله ياخدني لك الله ياخدني ويريحني.
عمر:مابصير هالحكي أبو أياد طول بالك الامور مابتنحل هيك.
أية:ماما مالا دخل...ماما مشان الله أهدي.
أبو أياد:حسبي الله ونعم الوكيل...لك وين راحت البنت وين راحت ماخليت مكان ومادورت فيه حتى عالبيت القديم رجعت مالقيتا ولا حدا شايف كييف هيك؟؟.
عمر:الشرطة صار عندن خبر وانا تركت خبر بكل المستشفيات الا مايبين عنا شي ويخبرونا فورا.
مرت هالليلة من أصعب أيام حياتن العيلة كلا منهارة وايلاف مو معروف عنها شي أم أياد عم تلوم حالا طول الوقت وتقول أنا السبب ضلوا ع هالحالة اسبوع وهنن عم يدورلا ليل ونهار وماكان يعرفو عنها شي ابدا.
__________
ببيت أم أحمد:
أحمد:مين في هون؟.
أم أحمد:هي أنا لك أمي شبك؟.
أحمد:مافيني شي بس ماكنت بعرف أنك هون كنت طالع لعندك واخيرا رجعتي عالبيت أمي فكرتك رح تضلك بالمستوصف.
أم أحمد:أي أجينا من نص ساعة.
أحمد:كمان جبتيا لهون طيب شو وضعا؟.
أم أحمد:لساتا تعبانة وماعم تحكي شي بس فاقت وقال الدكتور مافي يعملا شي أكتر من هيك.
أحمد:حاولي تحكي معا وتعرفي اهلا لنخلص من هالسيرة.
أم أحمد:لتصحى منيح وبشوف وقتا.
أحمد:طيب ماشي أنا طالع ع شغلي بدك شي؟.
أم أحمد:سلامتك حبيبي الله معك.
صحيت أيلاف وهي دايخة ومو عرفانة شو عم بصير معا ولا حتى هيي مين عم تتطلع حواليها لتعرف هيي وين روحا غريبة جواتا شعور مابتعرف تعبر عنو وبراسا وجع مابتعرف شو سببو طلعت قداما مرة غريبة بلشت تتطلع عليها وهي عم تسألا....
أم أحمد:وأخيرا صحيتي الف الحمدلله كيف صرتي هلأ.
أيلاف:أنا وينن ومين أنتي.
أم أحمد:أنتي بمكان أمن لاتخافي حبيبتي بكرا بس رتحتي منيح رح ترجعي عند اهلك.
أيلاف:.........
أم أحمد:أنتي شو أسمك؟.
أيلاف:......
أم أحمد:مبين عليها كتير تعبانة....معلش أرتاحي هلأ بنتي رح جبلك شي تاكلي.
أيلاف:أاااخخ شبني أنا شو عم بصير انا وين انا مين.....كانت ضايعة بافكارا مو عرفانة شو عم بصير معا بس كانت تقضي النهار نوم بسبب الوجع اللي عم تعاني منو براسا.
أما بييت أبو أياد:الوضع متل ماهو عم يزداد سوء وحالة أم أياد الصحية عم ترجع لورا بسبب حزنا ع بنتا وبسبب أتهامات زوجا ألا لأنو عم يعتبرا هيي السبب بكلشي....وأخوها أياد من لما عرف بالقصة رجع عالبلد فورا ليعرف شو صار مع أختو ويحاول يلاقيا.
أية: بتبكي...ماما مشان الله كليلك لقمة رح تموتي من الجوع.
أم أياد:......
أية:ياربي شو أعمل ماما مشان الله مابدنا نخسرك أنتي كمان الله يخليكي ردي عليي.
أم أياد:......
أية:بابا وأياد كمان تأخروا رح تصير الساعة 11بالليل ولسا مابينوا...وهاد محمد رح يطق من البكي من الصبح لهلأ....أوف ياربي شو بدي اتحمل لأتحمل...وينك يافوفو أشتقتلك ياروح أختك شو صاير بحالك هلأ ياترى وين أنتي ياربي ترجعي بخير وسلامة حاجتنا بقى.
بدخلوا أياد وأبو أياد:أياد:مرحبا.
أية:أهلين أخي طمنوني الله يوفقكن.
أبو أياد:......
أياد:ماخلينا مكان يعتب علينا ومادورنا وسألنا فيه.
أبو أياد:خلص راحت البنت من بين ادينا.
أية:بتبكي بابا الله يوفقك ماتحكي هالحكي فوفو رح ترجع.
أياد:والله مارح يهدالي بال لرجعا.
أبو أياد:الناس بلشت تجيب سيرتنا بالعاطل.
أية:لييش ليجيبوا سيرتنا بالعاطل ليشش اختي شو عاملة بابا شبك أنت؟.
أياد:مابهمنا حكي العالم نحنا بنعرف حالنا شو مربيين المهم هلأ ترجعلنا بخير وسلامة.
أبو أياد:بعرف حالي شو مربي وبعرف بنتي مابتعمل شي غلط بس الناس مابترحم.
أياد:بابا مابهمونا هنن وحكين المهم هلأ ندورلا لأختي منيح ونعرف شو صاير معا.
أية:بتبكي....معقول لساتا عايشا؟.
أياد:اخخخ مابعرف لك ماني عرفان هيك بتروح من قدامكن لك وين كنتوا؟.
أية:مابعرف كيف هيك صار.
أياد:الله يفرجا....كيف صارت أمي؟.
أية:تعبانة كتير طول الوقت تبكي وتهلوس باسما لفوفو وماعم ترضى تاكل شي عم تلوم حالا هيي.
أياد:أووف ياربي شو بدنا نعمل هي شو ذنبا لتلوم حالا.
أية:مابعرف هي معتبرة حالا انو هيي السبب وكمان حكي بابا وقسوتو عليها تعبتا اكتر.
أياد:لييش بابا هيي شو ذنبا بدال ماتواسيها عم تتهما انو هيي السبب وتكون عليها مو معها.
أبو أياد:يعني ع اساس أنا حالتي أحسن من حالتا اخخخخ بسس.
أية:بابا الله يخليك ارحما لماما شوي.
أياد:داريها وواسيها وجبور بخاطرا حرام.
أبو أياد:خلص انا بحكي معها ولو أنو الحكي مارح يفيد بشي.
أية:أي بابا هي هلأ بحاجتك.
أياد:أنا رايح شوف أمي هلأ.
أية:طيب حطلكن شي تاكلوا من الصبح مااكلتوا شي.
أياد:أبو أياد:لاا مابدنا مالنا نفس.
بغرفة أم أياد:
-----------------
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```