الفصل 16
**؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴6️⃣1️⃣والاخيرة❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء السادس عشر والأخير
كانت رهف منهاره عياط وبدها تقوم بس انا ماخليتها
غصب عنها لازم تعرف وتفهم ... كل موقف بدها تتعرضله بدها تهرب؟ بدي اعلمها تواجه كل اشي ..
مابعرف اديش مر وقت لما رن الجرس وطلعت امي تستقبلها .. فاتت امي وفاتتت وراها وكان معها شب..
اياد: لحظه شوي..رهف قوميي بسرعه حطي عراسك
وقبل لاتجاوبني رهف .. وقفني صوت جميله امها
جميله: هاد مش حدا غريببب..
اياد : ؟؟؟؟؟
جميله: هاد اخوها...
كنت ماسك ايد رهف بلاش تخرج اول ماحكت اخوها حسيت رهف رح توقع بين اييدي..شديت عليها بقوه وهمستلها
اياد: اهدددييييي
صارت تضرب ايدي وتحاول تفلت حالها مني ودموعها عم تنزل قدامهم ..فاتوا لجوا وقعدوا تحت توترهم
اياد: اهلا وسهلا
جميله: اهلين فييك ...
اياد: شو السيره؟
اتنهدت ونزلت عيونها عالارض
جميله: انا .... انا مامتت زي ماكان ابو خالد مفهمها ..
اياد: كيف يعني؟
جميله: قصه طويله كتير مش شوي بس كل الي صار غصب عني ...
اياد: وكيف هيك تركتي رهف كل هالسنين عند مرة ابوها عم تعاني ؟ كيف اجاك قلب؟
جميله: غصب عني والله
اياد: فش اشي بالغصب ..
نزلوا دموعها وكملت حكي
جميله: هددنييي ليقتلهااا...
اياد: كيف هيك؟ مش فاهم ولاشي .. احكي كل اشي من الاول ...
جميله: قبل ما احكي اشي بدي رهف بس تسمع وتسامحني
رفعت راسها بحقد وصارت تصرخ
رهف: اسامحكككككك؟ اسامحككككككككك؟ ولا عمري رح اسامحكككككككك لما تتركيني بين الوحوش انا ياريتني ماعرفت انك عايشه ...ياريت ضليت ع فكرة موتك عالاقل بضل بحبك... مش احقد عليكممممم كلكم واخر اشي بتيجي وجايبه معك شب بطولك وبكون اخي؟
جميله: خليني احكي كرمال الله
رهف: مابدي اسمع اشي ..
حطت ايديها على ادنيها وغمضت عيونها
اياد: احكيي ..عم نسمع
اتنهدت ونزلوا دموها بلشت تحكي
جميله: انا كنت متزوجه ابو خالد عن حب سنين طويله واالكل كان يعرف اديش حبنا حلو وقوي... كان اولها منيح معي وانا كنت مبسوطه من اهتمامه فيي بس مع الايام اهتمامه اتحول لمرض.. صار بدو اياني اله لحاله وغير هيك الغيره عنده زادت بشكل رهيب ..من كتر غيرته انخنقت كتير مش شوي ..وصلت معه يقطعني من صاحباتي وقرايبي .... اخر مره وصلت معه يتهمني انو في اشي بيني وبين اخوه بس لمجرد كنا بالمطبخ عمد حماتي كنت عم اعمل قهوه وهو فات يشرب عادي ...وصار يحكي معي ويمزح وانا كنت احكي معه بحدود ...بفوتة ابو خالد لما شاف اخوه عم يضحك معي ويمزح وانا احكي معه ..ضل فيه عقل وطار ...سحبني ورجعنا عالبيت ونزل فيي اتهامات وضرب واستجواب انو شوفي بيني وبينه؟ وانا احلف انو فش اشي بس هو من كتر الشك والغيره مش مصدق نزل ضرب فيي واتصل ع اخوتي يحكيلهم انا ماعاد بدي اختكم عم تحب وتخوني مع اخي ...وعندي ادله .. اتخيلوا حقارته لوين وصلت؟ اخوتي مااتحملوا الي سمعوه وقاطعوني بسببه اما هو طلقني مباشره بدون حتى مايسمع مني اخدت منه رهف كان عمرها ٣سنين بس هو خطفها مني وهددني ازا مابسافر من كل البلاد ليقتلني ويقتل رهف قدام عيوني بهاي اللحظه .. خفت يقتل رهف لانه كان حاطط اييديه عرقبتهها وضاغط عليها وهي عم تصرخ كنت خايفه عليها اكتر من حالي قررت اني اطلع واتركها مع ابوها بلاش اخسرها..رجعت عند اخوتي الي ضربوني ومارحموني ..حملت اواعي وسافرت بعد ماكان يضل يوصلني تهديدات منه انو رح يتقلني
.استقريت برا وكنت اتابع اخبارها من بعيد ...بس لما عرف رجع يهدد بشكل اكبر وحلف الا يقلتها اازا رديت رجعت ..خبرني انوو فهمها انو امها ماتت ..لانه بالنسبه اله انا خنته وبدوش رهف تعرف بس تكبر ..وخبر الكل اني متت بسس اخوتي كانوا يعرفوا اني عايشه ...
ماكان عندي حدا ..اتعرفت على واحد ساعدني كتير واتزوجت ...خلفت منه ٣ ولاد وبنتين .. وهاد بكري اسمه عاهد ...بس عرفت انو مات رجعت هون انا وابني حتى اعرف اخبار رهف واطمن عليها كل هالسنين قلبي متل النار عليها .. سالت كتير لوصلت هون ولما شفتهت قدام الفيلا هي وابنها كان نفسي اضمها بسس خفت احكيلها اني امها بلاااش ترفضني..وهيها هلا قدامي وعم ترفضني ...
كنت اسمع القصه وانا مصدوم معقول هيك صار ؟زي قصص الافلام ...بس اديشه ابوها مريض ومتسلط واناني كان؟ كيف هيك مش فاهم اشي ..
مع كل كلمه كانت تحكيها كانت رهف مغمضه عيونها ودموعها عم تنزل وامها نفس الشي ....
ماعرفت شو المفروض احكي او اتصرف بهييك موقف ..موقف رهف وموقف امها التنين صعبين ..
امي اعده ومصدومه نفس الشي ...
جميله: هي كل قصتي يارهف .. اانا ماكنت ناسيتك بس ابوكي كان معيشني برعب من تهديداته .. انا اخترت انك تعيشي حتى لو بعيده عني على انه يقتلك .. ابوكي كان مجنون يارهف .. عشان هيك خفت عليكي منه .. ماتلوميني ...
رهف: انا بكرهكم انت وبابا ...بابا الي كنت مفكرته اب مثالي ..كان حنون كتير علي مش شوي بس بالاخر طلع معيشني بوهم وكذبه انك ميته وانا زي الهبله مابعرف اشي .. طلع الكل بعرف الا اانا .. عم يستهبلوني ...
واخر اشي بكتشف انو كاتب البيت باسم الكلبه سماهر .. وهلا حضرتك جاي هيك بعد كل هالسنين بدك اياني اسامحك؟ والله مابسامحك لا انت ولا بابا .... اطلعوا من حياتيييي .. انانييين مريضين كلكم
تركتنا وطلعت ركاض ..
ام عابد: لاتواخذيها هي من الصدمه وصعوبة الموقف وانها تتستوعب الاشي هيك فججاه ...
جميله: انا بس بدي اياها تتقبلني وترجع لحضني ...
ام عابد: لاتخافي رح تتقبلك بس كل اشي بدو وقت ..
جميله: الظاهر انه قلبها مليان مني .. عن اذنكم ..
ام عابد: والله مابتقوموا هيك .. هلا وقت الاكل وعم يحضروا .. بتاكلوا اول
جميله: كتر خيركم بس صار لازم نروح
ام عابد: والله مابتمشوا واالله...
تحت اصرار امي بقيوا .. اما انا طلعت لفوق عالغرفه عند رهف كانت حاطه حالها تحت الحرام وعم تبكي وتشهق ..مشيت لعندها وقعدت عطرف التخت ورفعت عنها الحرام
اياد: رهف قومي نحكيي ...
غطت وجهها بايديها
رهف:مابديييي نحككككككككييييي ...مابديييييي... ..
مسكت ايديها ونزلتهم بقوه عن وجهها ..
مسكت وجهها بايدي وركزت نظري بنظرها
اياد: رهف حبيبتييي قومييي هديلي حالك يلااااا
رهف: اياد احكيلهم يطلعوا من الفيلا ... مابدي يبقوا دقيقه هون
صرت امسحلها دموعها ....
اياد: طيب الي بدك اياه بصير بس قومييي يلاااا ماتعملي بحالك هيك ..
رهف: احكيلهم هلا ..
اياد: طيب بحكيلهم بسس قومي غسلي وجهك خلينا نحكي كلمتين وبعدها مابصير غير الي بدك اياه
رهف: عنجد اياد؟
اياد: اه بس يلا قومي غسلي وجهك وهديلي حالك
هزت راسها وقامت غسلت وجهها... خرجت من الحمام واجت عندي....مسكت ايدي واطلعت فيي
رهف: يلااا اياد
اياد: رهووف اسمعييني بالاول .... انت سمعت كل القصه صح؟ يعني مش لازم تلوميها ع اشي ..
رهف: امبلاااا بدي الومها....بدي الومها والوم ابي وكل حدا كان عارف وخبى عليي ... طول عمري عايشه بكزبه كبيره ..كنت كل ما اجي انام ابكي لاني محتاجتها بالاخر بتطلع عايشه؟ عايشهه لككك اياد؟ بربك مامعي حق ازعل؟
اياد:صدقيني انا مقدر موقفك وكتير كمان ...بعرف انو الاشي مش سهل بالمره انك تستوعبيه .. بس الام مجرد ماتنحط بموقف انها تختار حياتها او حياة ولادها رح تضحي بكل حياتها بس مقاابل حياة ولادها صح؟
اتخيلي حالك محلها!!! انت ام وبتعرفي الشعور ..
رهف: مابهمنييي كل هاد الحكي...قتلوني من جوا ...موتونييييييييي....
اياد: حرام عليك ...ارحمي امك وقلبها
رهف: وليش هي مارحمتنييي ؟؟ ليشش جاوبني اياد
اياد: امبلا رحمتك ...اه رحمتك لماا اختارت انك تعيشي ع انو ابوكي يقتلك ... اي ام محلها رح تعمل الي هي عملته ولو انت كمان محلها رح تعملي نفس الشي
رهف: لا ..انا مستحيل اعمل هيك ...مستحيل اترك ابني..
اياد: لا ..انت بتحكي هيك لانك مش بالموقف ..بس لو تنحطي بنفس الموقف رح تعملي هيك
رهف: وهلاااا شووو؟
اياد: انت قرري وانا معك بالقرار الي بتاخديه
رهف: حتى لو كان اني مااحكي معها ولا اتقبلها؟
اياد: مابعرف...بس بالنهايه القرار الك وانا مابدي اجبرك ع اشي انت مابدك اياه
رهف: طيب خلص انا مابدي اياها
هزيت راسيي ع كلامها وانا عارف انها عم تحكي هيك بلحظة عصبيه وانه رح تغيير رايها ...
.....................
غطت يوسف وباسته وحطت عراسها حجابها ونزلت عالدرج عند اهلها ...
كانت امها بالصالون هي وجميله وعاهد ...
القت السلام وفاتت قعدت عند امها .. كانت ملاحظه انه عاهد عم يطلع عليها غيرت نظرها بسرعه ..
كل شوي تنتبه عليه عم يطلع عليها حست بشعور غريب جواتها وكانت عم تتجاهل نظراته .. اجا ابوها واخوها هيثم تحت استغرابهم ...قامت امها لجوا وخبرتهم الي صار .. اما جوري بقيت قاعده محلها ..
عاهد: انت اخت اياد؟
هزت راسها .. وهي خجلانه ....
ابتسم عاهد ع خجلها وهي متوتره ..
قضوا وقت الغدا تحت احراج جميله وعاهد .. اما رهف رفضت تنزل واياد بقي عندها .....
......
ماكنت مستوعبه اشي ..امي طلعت عايشه؟ مستحيل يالله ...شعور بشع جواتي ..ياريتني ضليت افكرها ميته ولا طلعت هيك فجأه بحياتي ..ليش ابي يخبي علي؟ معقول كل حنيته عليي وبالاخر يكون هيك؟ ليش هيك يعمل مش مستوعبه .. اخخ بس💔💔
كنت اعده بغرفة جوري ماسكه يوسف بايدي وواعده عالتخت ..الساعه ١٠ بالليل واياد راح ينام ...
شفت جوري اعده قبالي وحاسه عليها انو في بتمها حكيي...حايصه ومش عارفه تقعد صفنت فيها وابتسمت ...
رهف: في بتمك حكي ...شوفي؟
جوري: انا ...لا ..
رهف: لاتكزبي وله احككيي خلصيني...
جوري: هو صراحه مش عارفه شو بدي احكيلك ويمكن مش وقته ..
رهف: احكييي..
جوري: هووو انوووو
رهف: ولك نفختييييي لقلبي احكي وله
جوري: ههه طيب خلص .. اليوم لما نزلت تحت الي اسمه عاهد صار يسالني انت اخت اياد؟
رهف: طيب؟
جوري: وكل القعده وطول ما انا عالاكل انتبه عليه يطلع عليي بنظرات....
رهف: هههههه ايوا ...شكلك وقعتي وماحدا سما عليكي
جوري: هههه لا شو اوقع ...بس مستغربه يعنيي مش عارفه ...
رهف: ههههههههههه مش متخيله منظرك ييجي يوم وتكوني رومنسيه ..بحسك خالصه ...
جوري: ههههههه انطمييي وله
رهف: ايه الله يوفق لنسفق...
جوري: يعني مش زعلانه؟
رهف: من شو بدي ازعل؟
جوري: انو اخوكي او هيك
رهف: لا ..ماخصني فيهم انا امي ماتت من زمان
جوري: مش عارفه شو احكيلك ...
رهف: لاتحكي اشي ..
مرت الايام واياد واقف معي باي قرار بدي اخده ....
بهاي الفتره كنت اضل افكر مابكزب عليكم كنت كتير حابه اني ارجع اضمها واحس بحنانها الي فقدته ...
احس بمشاعر حلوة ... كان نفسي اروح عندها وابوسها والمس وجهها بس بنفس الوقت لا مابدي اضعف...
متل ماهي بعدت عني اجا الوقت الي انا كمان ابعد عنها ..بقيت هيك مصممه ع قراري لحد يوم كنت اعده بالغرفه فاتت عندي جوري وخبرتني انو في ناس تحت بدهم يشوفوني ...مسكتها يوسف ونزلت ...نزلت وراي مباشره جوري
كان عندي احساس انها امي وفعلا ماخاب احساسي كانت اميي وعاهد .. اعدين ... اجيت الف وارجع بس وقفني صوتها...
جميله: انا اجيت اشوفك لاخر مره لاني رح ارجع اسافر ..رح ارجع من محل ما اجيت..
مجرد ماحكت هيك انتفض قلبي غمضت عيوني وبقيت واقفه محلي ..
سمعت صوت خطواتها وهي عم تمشي اتجاهي ماقدرت اركض ..ماقدرت امشي كاني انشليت عن الحركه ...حسيتها ضمتني بكل قوه وصارت تشهق وتبكي .... نزلوا دموعي وماقدرت مااضمها ضميتها بكل قوتيييي وشديت عليها كاني مابدي اياها تروح وكاني عم عوض السنين الي راحت بدونها ... بعدتني عنها وصارت تلمس وجهييي وتبكي ..
جميله: لساتك نفس ما انتي نفس الملامح .. نفس البراءه...
رجعت ضميتها وبسس ابكي ماكنت قادره احكي نص حرف .. الكل صار يبكي معنا .. ماحدا ااتحمل الموقف
اخر اشيي مسكتني وقعدتني عاالكنباي وقعدت تمسح عشعري بحنيه ...
جميله: الي سنين طويله عم اتمنى ييجي الوقت الي اضمك فيه لصدري واشم ريحتك ...نار وكانت شاعله جواتي .. الحمدلله ربنا استجاب دعائي...
رهف: لاتسااااااافري...خليك هون ...
جميله: مابقدر ...تاركه زوجي وولادي هناك صصعب
رهف: كرمال الله ...
جميله: خلص بوعدك اضل اجي عندك ...
هزيت راسي ورجعت ضميتها وابكي ...
اخر اشي بس هديت قمت اعملها قهوه من تحت ايدي.. شوي وفاتت جوري عندي .. كانت مبتسمه
رهف: ههههه شو مالك وله؟
جوري: رهف... هاد عاهد ماشال عيونه عني شو هاد؟
رهف: هههههه شو رايك اطلبلك ااياه؟
دفشتني عظهري بخفه ..
جوري: لككك لاتتزانخييي ..
رهف: ههههه الله الله .. اجا اليوم الي شفت فيه جوري فايته بالحيط ..خلص رح استفسر منه واشوف شو القصه
جوري: جد؟
رهف: ههههه اه بس مش هلا .. صبرك عليي..
جوري:طيب ماشي ..
رهف: روحي روحي يختي كملي النظرات الرومنسيه بينكم ..
جوري: تضربي ما اغلظك انت والي بدو يحكيلك اشي
رهف: هههههههههههه خلص روحي
جوري: هههه هينيي رايحه
تركتني وراحت وانا فرط فيي الضحك .. عملت القهوه وطلعت قدمتلها ايااهم ورجعت قعدت عند امي كانت مرة عمي مبتسمه كتير مش شوي وحامله يوسف بايدها .... اخدته امي منها وصارت تتامله وتبوسه ..
جميله:قطعه منك ... نفس شكلك وانت صغيره ..
ابتسمت وشربت من القهوه وانا بس اتامل امي ومبسوطه وشعور حلو اتسلل لقلبي....
انتبهت على جوري اعده وعم تسبل بعيونها الخالصه ..
سعلتت وصرت اعضلها عشفتي بلاشش تلفت نظر ...وفرط فيي الضحك ... قعدنا مدة منيحه وبعدها استأذنت امي وعاهد وودعتهم وطلعوا ...
كنت عم رضع يوسف بالغرفه بفوتة اياد ع وجهو ابتسامه قرب وقعد عندي باسني عراسي
اياد:شووو هالاخبار الحلوة ؟
رهف: حكتلك مرة عمي؟
اياد: ههههه اه .. كنت عارف انك رح تعملي هيك بالنهايه ..عشان هيك تركتك عراحتك ...
رهف: ماكنت عارفه انو رح تكون ردة فعلي هيك بس تقرب مني وتضمني...حسيت بشعوووور غريب كتير مش طبيعي.. حسيت بامان بدفا بشعوووووووور كان نفسي اجربه من زمان.... حسيت حالي طفله عمرها ١٠ سنين ... مش قادره استوعب يااياد ... مش قادره
نزلوا دموعي الفرحه ... كانت ابتسامته ع وجهه ..
اياد: الحمدلله .. اجا اليوم وربنا عوضك بعوضين ..هو انا والتاني امك ...
رهف: انت جحيمي وجنتيي
اياد: هههههههههه كيف هيك؟
رهف: يعني اول ما اتزوجتك كنت عايشه بجحيمك بس هلا بجنتك
اياد: ههههه جنتي هي بوجودك انتي ويوسف معي .. انتو كل دنيتي وحياتي ..
رهف: قلبي مابتحمل كل هاد الحكي الحلو🥺
اياد: عشان هيك انا مابحكيلك كتير حكي حلو😂
رهف: ماازنخ دمك
اياد: ههههههه طيب يلاا خلصي رضاعه ليوسف ونيميه عشان بدنا ناكل ..
رهف: ماشي ..
خلصت رضاعه ليوسف ونيمته وجهز الاكل كالعاده نزلنا اكلنا .. بس خلصنا سحبتني جوري عغرفتها فوق فوتتني وسكرت الباب ...
رهف: شوفي وله؟
جوري: بدي احكيلك اشي
رهف: احكي
جوري: بس اوعديني ماتحكي قدام اياد
رهف: وعد شوفي .. .
جوري: رهف اليوم اخوكي عاهد لما اجا يطلع غمزني وانتبهت عليه زت ورقه
رهف: طييب؟ انجزي احكيي..
جوري: طلع كاتبلي فيها رقمه وبحكيلي حاكيني..
رهف: هههههههه لا يااااا .... بشوفك خطفتي اخويي مني؟
جوري: هههههههه متل ماخطفت اخويي مني
رهف: بلا شووو يعني وحده بوحده؟
جوري: العين بالعين والسن بالسن والبادي اظلم
رهف: ههههههه طيب اسمعي شو رايك ترني عليه هلا؟
جوري: هلا؟
رهف: اه
جوري: لاا بزياده خليني اتقل
رهف: شو يابعدي؟ تتقلي؟ من ابتسامتك الي عوجهك مبين انك رح تتقلي ..خلصيني رني
جوري: هههه طيب طيب
مسكت جوالها بايدين بترجف وصارت تنقل الرقم
رنت عليه ونطرته يرد .. خبرتها تحطه سبيكر
عاهد: الو ...
اخدت نفس وحكت وانا سامعه صوت دقات قلبها لعندي
جوري: الو مرحبا
عاهد: اهلا مين معي؟
جوري: مش عارفني ؟
عاد: هههه شاكك تكوني جوري
جوري: ههههه اه جوري ..
عاهد: ياااا اهلا كيفك؟
جوري: الحمدلله وانت
عاهد: الحمدلله ..
جوري: شو ليش طلبت مني احكي معك؟
عاهد: صراحه اعجبت فيكي هيك حسيتك ناعمه وكيوت فحكيت بنتعرف...
جوري: بس انا ماش فاضيه لهيك قصص
عاهد: لاتفكريني بتسلى!! انا لما بدي اتعرف عوحده واحكي معها بدي اخطبها دغري
جوري: .....
عاهد: شوو؟
جوري: انا ..مابعرف صار لازم اسكر
عاهد: وين؟ ماحكينا
جوري: خلص بنححكي بعدين
عاهد: اكيد؟
جوري: مابعرف باي...
عاهد: ههه طيب ماشي باي...
سكرت الخط وهي متوتره وانا فارطط فيي الضحك
زورتني: ليشش عم تضحكي؟
رهف:والله مااتوقعتك هيك تفوتي بالحيط ..الي بشوفك دايما بتدعي الله يبعتلي ابن حلال وتحكي صايبني جفاف مابتوقعك من اول مكالمه تفوتي بالحيط
جوري: لاتتمسخري..ترا الي فيني مكفيني
فرط فيي الضحك بصوت عالي كتير مش شوي .. بفوتة ااياد حامل يوسف عم يبكي
اياد:خدي صار صاحي ...
اخدته وضحكتي تزيد ..تحت استغرابه
اياد: شو مالك؟
هزيت راسي ب ولاشي وضحكتي زادت ... اعطيت يوسف لجوري وقعدت عالارض من الضحك
اياد ضحك ع ضحكتي ....
اياد: لك شبك جنيتي ؟
رجع التفت على جوري وهو عم يضحك
اياد: شبها هالمجنونه؟
جوري: ولاشي هاي جنت انساك منها ...
ودفشتني بطرف رجلها بدون ماينتبه اياد ..بس دفشتني ضحكت اكتر ..فتت بنوبة ضحك هستيريه تحت ضحك اياد
اياد:لك شبك؟
جوري: اياد قوم خود مرتك واطلع فيها يلاااا
اياد: عم تقلعيني وله؟
جوري: لاا يلا قوموا بلا مطرود ..خلولي يوسف واطلعوا
ضحك واجا عندي سحبني من ايدي وهو عم يضحك..
مرت الاايام والشهور وكنت كل يوم احكي مع امي مكالمه فيديو وهي نفس الشي ..... مابكزب عليكم كتير كنت مبسوطه مش شوي من وجودها معي .. حسيت ربنا عوضني عن كل لحظه كنت بعيده فيها عنها
جوري كانت هي وعاهد كل يوم يحكوا مع بعض لوقت رجعوا امي وعاهد وهالمره ابوه من السفر واجوا عنا زياره ... واخر اشي اتوقعناه يطلبوا ايد جوري...
والي صار انو جوري خطبت عاهد وكانت طايره من الفرح والامور كلها حلوة .... ٣ شهور خطبه والكل عم يجهز للعرس حاليا ....
كنت واقفه عالمراي عم حط مكياج ولابسه الفستان اجا وقف وراي وهو مبتسم عم يتأملني من المراي .. حط لف ايديه حوالين خصري وباسني ...
اياد: بحبك مرتييي الحلوة .. بحب وجودك عندي
التفتتت عليه بحب وابتسامه: وانا كمان بحبك وبموت فيك ...
قرصني من منخاري بخفه...
كنا نازلين انا ويااه من السياره وبايدي يوسف... عند باب القاعه التقينا عند سيلين الي اول ماشافتنا لفت وجهها وبعدت من كل المكان ..التفتنا لبعض انا واياه مع ابتسامه ... همستله
رهف: انت جحيمييي وجنتي
اياد: ههههه واحلى جحيم ...
رهف: بحبك ...
النهاية *الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`