الفصل 15
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴5️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الخامس عشر
اخدتها وطلعت فيها عالغرفه فتت وكالعاده استقبلتني بيعطيك العافيه .. رديت عليها وبعدها قربت عندها كانت متمدده عالتخت .. انحنيت اتجاها وحطيت الورده عطرف شعرها واعطيتها بوسه ع خدها ...ابتسمت وعلقت ايديها حوالين رقبتي وباستني عخدي
رهف: ههههه شو المناسبه؟
اياد: بدون مناسبه ...حبيت اعطي الورد لاحلى ورده بحياتي ..
قرصتني من خدودي بخفه ..
رهف: بحبك...
ضميتهااا بحنيه وبستها من راسها
اياد: وانا كمان بحبك ...
جلست قعدتها وسندت عطرف التخت... رحت غيرت اواعي ولبست بيجاما ونزلت تحت الحرام اتمددت بتعب ... التفتت عليها كانت حاطه ايدها تحت راسها وصفنانه فيي بابتسامه ...
اياد: ههههههههه شووو عاجبك مو؟
رهف: كتير مش شوي ..
مديت ايدها عشعرها محل الورده وصرت امسح عليه
اياد: يارب جد اكون قدرت اعوضك عن كل لحظه بشعه عشتيها بسببي ..
رهف: الحمدلله عم تعوضنيي بحنيتك .. صرت احس بامان معك بعد ماكنت عايشه برعب منك....
اياد: الله يلعن الشيطان بسس..
رهف: بحس اني بلشت جد احبك
اياد: هههه ماتحسي اتاكدي حبيبتي
رهف: ههههههه بالك ؟
اياد: اه طبعا حاكم ماخرب بيتنا غير احساسك وانك بتركضي وراه دايما
رهف: بس هاد احساس حلو
اياد: واحلى احساس ..
تاني كم يوم باالزبط ولدت جوليا ونزلت عنا هاي الفتره تنام عشان بتقدرش لحالها .. جابت بنوته سمتها مريم ..
كانت رهف ماسكتها بين ايديها وعم تتاملها والابتسامه عوجها ماعم تفارقها ..
رهف: ياعمري .. الله يحماهاا شووو هاد التم الصغير والمنخار الصغير يختيييي احلااهممم ...
جوليا: ان شاءالله بنشوفلك يارب
رهف: حبيبتي يارب ...
جوري: هههههههه هلا بقدر اعمل تريندات الخاله ..
جوليا: بالله شووو؟ جايبتها عشان ترينداتك ما انا
جوري: مادخلك بيني وبينها
اياد: ههههههههههه معلش حبيبتي مريومه هاي خالتك جوري ولا حبه اتحمليها ...
جوري: لاتردي عخاالك ..
اياد: هههههههههههه امبلا ردي بس عليي ..
رهف: لاتردي على خالك ولا خالتك التنين ولا حبه
جوليا: هي هاي ..
رهف: خدي حبيبتييي .. يارب تشوفيها من االكبار
جوليا: هاتي .. حبيبتيي ..💙
سهرنا شوي انا ورهف وطلعنا حتى ترتاح وتنيم مريم ..
فتنا عالغرفه ...
رهف: اياد...
اياد: شو؟
رهف: انت مش حابب يكون عنا ولاد؟
اياد: حابب كتير مش شوي ..
رهف: يارب .. يارب ...حكتلي الدكتوره من فتره ماليش اشي بس لي لهلا ماصار حمل؟
اياد: مابعرف..ازا بتحبي بنغير الدكتوره
رهف: هو هيك شكله ..
اياد: تروحي انت وامي بكره عند حدا تاني؟
رهف: بروح ..
اياد: بكره قبل ما اطلع عالشغل بحكيلها وانا بحجزلكم وانا طالع عشغلي
رهف: ماشي ...
اياد: رهف ...
رهف: شو؟
اياد: انت مش حابه نسكن لحالنا؟
رهف: مابعرف ..
اياد: شو رايك نطلع نسكن لحالنا ونستقل زي اخي عابد؟
رهف: اتركني افكر ...
اياد: ماشي ...
حطيت راسي ونمت من التعب لتاني يوم .. بس صحيت خبرت امي تاخد رهف عالدكتور وتشوف شو مالها .. واعطتني اسم دكتور شاطر حجزت عنده بطريقي للشغل...كتير حابب يصير عندي ولاد .. يارب بس .. كملت شغل للساعه ١.. مسكت جوالي ورنت عليهم اطمن عليها شو حكالها الدكتور ..
رهف: اه حبيبي..
اياد: شوو ؟ طمني؟ شو حكالك؟
رهف: حكالي الحمدلله وضعي تمام بس عندي شوية نقص فيتامينات كتبلي اياهم وكتبلي كمان اكم دوا
اياد: كتير منيح الحمدلله .. شو بتعملي؟
رهف:عم نطبخ انا وامك...
اياد: وجوري لي ماعم تطبخ؟
رهف: اعده هي وجوليا فوق مع مريومه
اياد: بتحكيلها تنزل تساعدك
رهف: لكك عادي هي ام محمود معنا .. بعدين اغلب المرات بتساعد بس هلا ملتهيه مع مريم ..
اياد: طيب اجبلك شي وانا جاي؟
رهف: اه جبلي مكسراات وشيبسات وهيك شغلات
اياد: حاضر تكرم عينك ...
حكيت معها شوي وسكرت الخط ...
مرت الاايام والاشهر ورهف عم تاخد الفيتامينات وتراجع عند الدكتور والحمدلله مافي اشي وكلو منيح ..لوقت كنت مروح من الشغل كالعاده ..استغربت انه بس امي عم تطبخ هي وام محمود
اياد:شووو وينهم عنك يساعدوك؟
ام عابد: جوري مش هون طلعت ..ورهف فوق من الصبح مانزلت
اياد باستغراب: شووو ليش؟
ام عابد: اطلع شوفها..
اياد: ماشي ..
تركت امي وطلعت اشوفها وانا خايف يكون مالها اشي ..شو بدو يكون مالها؟ اليوم الصبح ماكان مالها اشي الله يستر بس ..فتحت الباب واول مافتت اتفاجئت انصدمت ....شعوور حلو وغريب اتسلسل لقلبيي..
لما شفت التخت مفرود عليه اواعي بيبي صغير .. ابتسمت ومشيت اتجاه التخت بقلب برجف وخطوات بطيئه ..مسكت الاواعي وحطيتهم عوجهي وصرت اشم فيهم .. حسيت ع ايدين رهف بتضمني من ورا .. مسكتهم وقمتهم التفتت اتجاها وانا بطلع عليها وماسك ايديها..
اياد: رهف شوو هاد؟
نزلت ايديها ع بطنها بابتسامه: انا حامل ...
اياد: هههههههه عم تحكي جد؟
رهف: والله ..
اياد: ياعمريييييي
قربت عليها وضميتها من كل قلبي مبسوط كتير مش شوي ....
اياد: البسي خلينا نطلع...
رهف: هههه لوين؟
اياد: بدي اخدك ونطلع شي مكان ناكل ..
رهف: بس هلا بجهز الاكل تحت
اياد: لككك شو بدك فيهمم!!! خلصيني البسيي بسرعه
رهف: ههههه حاضر يلاا ..
وقبل تروح نطت لعندي وباستني ع خدي بخفه وراحت تحت ضحكاتي ..
الجزء الحادي عشر
الايام عم تمر وبطني عم يكبر ....عم احس بنبضه جواتي وشعور حلو مرافقني طلع معي ولد .. كنت كتير مبسوطة مش شوي ومامصدقه اولد ..كنت عم اعد الايام بالنتفه ..كنت انطر عنار .. كتير حابه اشوفه قدام عيوني ... مروا ال٩ شهور بصعوبه وتعب وتوتر وخوف .. اخر كم يوم كنت كل ما اجي انام اقعد ابكي ..
كنت متمدده عالتخت وعم ابكي واشهق ..اتنهد اياد وقام ..
اياد: رهف !! بعدين!! كل يوم هيك بدك تقضيها عياط؟
رهف: خايفه يا اياد 😭😭والله خايفه اموت وانا بولد
اياد: لاحول ولاقوة الا بالله .. لككك شو هالحكي.. انت رايحه تولدي عادي ..
رهف: امانه ازا صار عليي اشي ومتت دير بالك ع ابننا وازا بدك تتزوج خليه يعيش مع مرة عمي وجوري.. ماتخليه عند مرة ابوه بديش يعاني متل ماعانيت ..
اياد: ولككك شو هالحكي هاد؟ بلاااااا هبلك وله ع اخر هالليل
رهف: انت لي مش حاسس فيي والله ميته خوف والله
صرت ابكي بزياده واشهق ..
اياد: خلص رهف استهدي بالرحمن واتوكلي ع الله ..
ضميته بكل قوتي والخوف متملكني .. شد علي الضمه وصار يمسح عشعري وباسني من راسي ..
اياد: خلص رهووف .. بالله عليك ..
رهف: مش بايدي والله ..
اياد: تشربي قهوه؟
رهف:لا بديشش
اياد: من بين اييدي . .
رهف: طيب بس بدي انزل معك مابدي ابقى لحالي
اياد: لككك شبك رهف؟
رهف: خايفه😭😭
اياد: لاحول ولا قوة الا بالله طيب تعالي معي ..
مسكني من ايدي ونزلنا تحت عالمطبخ يعمل قهوه ويحاول يغير نفسيتي بس ولا اشي بقدر يقيم الخوف من جواتي ... واقف عم يعمل القهوه وانا اعده عالكرسي فجأه وحده بطني بلش يضرب عليي.. فكرته مغص عادي ..بس صار يشد علي بطلت قادره اتحمل صرت اصرخ وابكي
اياد: اخخخخخ ايااااااااادددد الحقني من شان الله
ترك القهوه وطفا الغاز واجا ركاض عندي مسكني بسرعه
اياد: شو مالك؟
رهف: ممممم اخخ بطني بطنييييي مش قادره الوجع عم يزييييييييددددد من شان الله ...
كان ملخوم كتير ومش عارف شو يعمل
اياد: استني خليك هون ...
راح ونادا امه صحاها من النوم ...صحيت كل العيله عصوت صراخي ..
ام عابد: هاد طلق عم يصير معها شغل السياره اياد
هيثم: انا بشغلها...
جوري: اميي انا طالعه اجبلها اشي تلبسه
اياد: بسرعه جوري بسرررررعه ..
جوري: يلا يلا
رهف: اخخخخ من شان الله .....
ام عابد: انا رايحه البس بسرعه
طلع هيثم شغل السياره وجوري نزلت ركاض حطت علي العباي ورمت الشاله عراسي .. مسكني اياد وركاض عالسياره بنزلة مرة عمي طلعنا وبوجهنا عالمستشفى..
جوري وعمي بقيوا بالفيلا ...
طول الطريق وانا ماسكه ايد مرة عمي وابكي واصرخ من الوجع واياد متوتر كل شوي يطلع عليي..
حسيت الطريق طويله كتير مش شوي ماصدقت نوصل اول ماوصلنا فوتوني جوا وفحصوني حكولي حالة ولاده اول ماحكولي هيك صرت اصرخ بديش اولد من الخوف ومرة عمي واياد يهدوني بس انا مش شايفه ولا سامعه حدد.. فوتوني جوا وكل شوي ابكيي واصرخ من الوجع ..
رهف: ناديلييي اياد بدي اشوفه شوي امانه
الممرضه: ممنوع الزلام يفوتوا هون
رهف: طيب بزبط اروح اشوفه بس شوي والله
الممرضه: بس بسرعه لاتتاخري
رهف: طيب ماشي ..
نزلت عن التخت ورحت وقفت عطرف الباب ناديت عليه اجا عندي ركاض والخوف بعيونه هو ومرة عمي
رهف: اياااااد من شان الله 😭😭من شان الله مابدي اولد رجعني عالدارر...كلووووووو بسبببببكك😭😭😭😭
اياد: لك رهف!! اهديييي مش منيح تقعدي تبكييييي
ضميته بكل قوتييي وانا بس اعيط واشهق واترجاه يرجعني من الخوف بسس هو بعدني عنه بقوه وبعت ورا الممرضه اجت اخدتني لجوا ...ساعتين كاملين جوا صراخ ووجوع وعياط لحتى ولدت ... بعدها من التعب مابعرف كيف غفيت ..
اول ماصحيت لقيت حالي بالغرفه وعندي الولد يالمكان المخصص واياد ومرة عمي اعدين قبالي عالكراسي ..
ابتسمت ....
اول ماشافني ايااد ابتسم وقام عندي باس ايدي
اياد: الحمدلله عسلامتك ياجبانه
رهف: هههه الله يسلمك ..جبانه؟ انت بس جرب الوجع وبعدين تعال احكي
اياد: الحمدلله الله طعمنا ولد بجنن شو حابه تسميه؟
رهف: حابه اسمي يوسف ..
اياد: كتير حلوو
قربت مرة عمي وباستني وهنتني بالسلامه .. راح اياد جاب الولد واعطاني اياه مسكته بكل حب وعم اتامل تفاصيله الصغيره ..
كل الوجع نسيته قدام هاي اللحظه .. الحمدلله مافي اكرم من الله ...
طبعا اول ايام كانت مرة عمي تنام عندي وطردنا اياد عند اخوه حتى تساعدني فيه .. ساعه انا احمله وساعه هي تحكيلي روحي نامي ..كانت اول ايام كتير صعبه بس الحمدلله الايام بتمر وصار عمر يوسف ٦ شهور
كانت الحياه مستقره بسس ماكننت عارفه شو بستناني
لما كنت رايحه اطعم ابني يوسف..وصلنيي اياد وفات معي طعمناه ورجعني عالبيت وكمل عالشغل وقبل افوت على ساحة الفيلا وقفتني مره ومعها ابنها شب طول بعرض .. استغربت كتير مش شوي .. وخفت
_مرحباااااا..
رهف: اهلا ..
_انت رهف صح؟ وهاد ابنك؟
رهف: انت مين؟
_ماعرفيتيني؟
رهف: لااا ..
هزت راسها
_مع الايام بتعرفيني...
حكت وهيك وراحت تركتنييي بحيرتي وخوفي ...مين بدها تكون هاي؟ ومن وين بتعرفني ؟ومين هاد الي معها؟ اوووف الاشي غريب .. فتت عالساحه بلمح البصر من الخوف واول مافتت خبرت مرة عمي عنها واني خفت ...وهي نفس الشي حكتلي رح نخبر اياد وابوه بالليل ...بالفعل بالليل اجوا وخبرناهم تحت استغراب اياد ..
اياد: من يوم وطالع اجري ع اجرك .. مارح اتركك دقيقه
ام عابد: مين بدها تكون؟
ابو عابد: ماشفتوا الكاميرات؟
اياد: انا قايم اشوفهم ...
فعلا قمنا نشوفهم بس كانت ملامحها مش واضحه كتير بس اياد خبرني واكد علي من يوم وطالع ما اطلع لحالي بالفعل ...هي الي صار واصلا طلعاتي محدوده كانت لانه يوسف ماخد كل وقتي ...
ليوم كنت فيه بالبيت بالمطبخ ..دق الباب واحد من االحراس الي حطهم اياد عالفيلا .. وطلبني رحت عنده اشوف شو بده .. مدلي ظرف ...
رهف: شو هاد ؟
_مابعرف اجا واحد ديلفري وحكالي هاد الظرف الك ..
رهف: بس انا ماوصيت عشي ..
_خدي يمكن هديه او اشي
رهف: طيب ماشي شكرا الك
اخدت الظرف ومشيت لجوا باستغراب كبير كتير مش شوي .. فتحت الظرف واول مافتحته انصعقت ..كانت لعبه الي وانا صغيره من سنين طويله..مابعرف شو صرلي صابتني رجفه رهيبه وخوف مش طبيعي.. انتبهت انه في رساله في الظرف ..طلتها وفتحتها...
(رهف.... انا كتير قريبه منك مش شوي .. انا حواليك )
زتيت الظرف من ايدي ورحت عالمطبخ عند مرة عمي ابكي وارجف استغربت مني وتركت الطبخه ..اجت عندي
ام عابد: شو مالك رهف؟
رهف: مرةة عمييي !!! انا خايفه ..
ام عابد: بسم الله عليك شوفي؟
رهف: تعي شوووفي وصلني ..
ام عابد: شوو وصلك؟ ..
مسكت ايدها وانا برجف سحبتها عالصالون وفرجيتها اياهم وانا دموعي عوجهي..مين بدو يكون يعني؟ معقول لعبه ومقلب من حدا... اوووف بسس ..
ام عابد: اهدي رهف ..روحي غسلي وجهك .. تخافيش
رهف: في حدا مراقبني وبعرفني... في اشي غلط ...مين بدو يكون؟
ام عابد: اهدي رهف ..لاتخافي.... انا رح اتصل على اياد اخبره ..
هزيت راسي مسكت مرة عمي الجوال ورنت ع اياد(اه اياد ..اسمع .. )
حكتله كل الي صار ..ماقدر اياد يبقى بالشغل تركه ومسافة الطريق كان عنا ..اول مافات واجا عندي ضميته بكل قوتي وانا برجف وببكي ..
اياد: اهدي رهف ....
رهف: انا خايفه ..حاسه في حدا براقبني وبعرف كل اشي عنيي ...مين هاد الي بعتلي الظرف؟ وشو مصلحته معي يعمل هيك؟
اياد: مين اعطاكي الظرف انتي؟
رهف: الي اسمه حازم اجا حكالي انه ديلفري الي وصله
..
اياد: انا رايح اشوف حازم ..
تركني وطلع برا يستفسر من حازم بنزلة جوري من فوق وهي حامله يوسف وعم تلاعبه
...مستغربه صوتنا ومنظري اول ماشافتني ..
جوري: رهف؟ شوفيي ؟
حكيلتها كل اشي صار ..
جوري: معقول تكون سيلين؟
رهف: لاااا لاااا مش سيلين ..هاي لعبتي وانا صغيره يعني حدا بعرفنيي .. بس مش مرة ابي لانه ماكانت بالبيت موجوده ..
جوري : غريب مين بدو يكون؟
رهف: مابعرف.....
ام عابد: خلص رهف استهدي بالرحمن وفوتي غسلي وجهك ...
هزيت راسي ورحت غسلت وجهي .. خمس دقايق وفات اياد ...
اياد:هديتي؟
هزيت راسي ..
اياد: لاتخافي انا رح اعرفه واطوله من سابع ارض الي عم يعمل هيك ..
رهف: ياريت ...بدي يرتاح فكري ويروح الخوف...
اياد: لاتخافي وانا موجود
رهف: بركي اذاك
اياد: هي سايبه ..
من بعد هداك اليوم وانا اعصابي بس عم ترجف وميته رعبه واخر اشي اتوقعته انه يوصلني مسج من حساب وهمي ...كنت دوبني منيمه يوسف بيني وبين ابوه وماسكه جوالي بعد يوم متعب.. بتفاجئ بمسج من حساب وهمي ( انا حدا مهم بحياتك ...نفسي تعرفيني بس الخوف انك ماتسامحيني وتتقبليني مسيطر علي)
زتيت الجوال عالتخت ولارادي رجفت وصرخت
رهف: اي لاا .. هيك كتير
جلس قعدته اياد وسحب جوالي وهو عم يطلع عليي
اياد: شوووفي؟
فتحه وقرأ المسج
اياد: مين هاد؟
رهف: مابعرف...مابعرف ..الموضوع زاد عن حده اياد ..
اياد: اهدي رهف... انا رح اخد جوالك بكره عقسم الجرائم الالكترونيه...بدي اعرف مين صاحب الحساب
رهف: هو هيكك ..اياددد انا خايفه والله😭
اياد: لك لاتكوني هيك قلبك قطيع ...
رهف: في حدا متقصدني والله
اياد: اهدي
قام عن التخت وحط يوسف بالسرير ورجع عندي نام سحبني وخلاني انام ع ايده وصار يمسحلي عراسي حتى يخفف من خوفي ورجفتي غمضت عيوني ومن وجود اياد قربي حسيت بامان رهيب .. ضميته بكل قوتي وكاني بتخبى فيه من الدنيا ..ضل يلعب بشعري ويقرئلي قران لهديت وغفيت .. صحيت الصبح عصوته خبرني انه رح ياخد جوالي .. هزيت راسي ورجعت نمت
.........
كنت حاسس انو حدا بعرفها كتير مش شوي بس مين بدو يكون مابعرف .. مسكت الجوال وطلعت عند صاحبي عالقسم خبرته يعرفلي مين صاحب الحساب خلال عشر دقايق عرف كل اشي ..
_اسمها جميله ابو علي
جميله ابو علي؟؟؟ مين هاي؟ اتشكرته وطلعت علسياره رنيت ع امي وطلبت منها تعطيني رهف ..
رهف: اه اياد
اياد: رهف... صاحبة الحساب اسمها جميله ابو علي
رهف بصراخ: شووووووووووو؟ شوووووووو عم تحكي انت؟ مستحيللللللللللل مستحيل ..
سمعتها بتصرخ وبتبكي
اياد:رهف!!!! لكككك رهفف!!!!!
ماكانت ترد ...... اخدت امي منها الجوال وحكت معي
اياد بقلق: اميي! شبها؟
ام عابد: مابعرف شو صرلهااااااا انهارت اعده بتصرخ وبتضرب حالها ..
اياد: لككككك شوو عم يصير
ام عابد: تعال كرمال الله ..
اياد: يلا يلا
لككككك شو بدو يكون مالها؟ ومين هاي الي مجرد ماحكيت اسمها صارت تصرخ متل المجنونه؟ معناته بتعرفها .. اوف بسس ماصدقت اوصل .. نزلت ركاض وفتتت لجوا ماكان في حدا تحت طلعت ركاض عالدرج سمعتهم بغرفة جوري فتحت الباب وفتت بلمح االبصر كانت اعده وضامه يوسف لصدرها وعم تبكي .. وجوري وامي معها
اياد: رهففففف؟؟؟؟ شو صاير ؟
رفعت راسها واطلعت فيي ورجعت انفجرت بالعياط
اياد: رهف لاتجننييينيييي ..
قربت عندها مسكت يوسف واعطيته لامي .. حطيت ايدي تحت دقنها ورفعته ..
اياد: فهميييني وحاج تبكييي من شان النبي
رهف: كزب ...كزب مستحيل ...والله مستحيل
اياد: مين هاي جميله؟
ركزت نظرها بنظري وحكت بعصبيه
رهف: هاي امييييي.........اميييييييي الي ميته من سنين
اياد:شووووووووو؟
رهف: اميي اميييييييييي يياااااا اياااااااااد معقول ؟؟؟ معقول هي الي بتبعتليييييييي؟؟
رحت مسكت جوالها وفتحته ..مديتلها اياه
اياد: امسكييي...هلا بتردي عالمسج يلاااا
رهف:بديششش ارد
اياد: خلصيينيي
رهف: حكيتلك مابدي
اياد: تمام هاتيه ..
سحبته من ايدها وفتحت الجوال ...فتحت المسج وقبلت الطلب .. رديت
_مين معي؟
مباشره انقرئت الرساله وببعتت
_بعدين بتعرفي
اياد: بس انا عرفت ..
_شو عرفتي؟
_انك جميله ...
_كيف عرفتي؟
_انا لازم اشوفك. ..
_رح تتقبليني؟
_اه ..شو رايك تيجي عالفيلا عند بيت زوجي؟
_عنجد عم تحكي؟
_اه .. يلا تعي هلا عم انطرك ...
_بس انا مابوثق
_مابتوثقي ببنتك؟
_لا بس خايفه مااتتقبلينيي ..
_لاتخافي انتي تعي وخلينا نحكي..
_طيب ماشي ..
سكرت الجوال واطلعت فيها
اياد: هيها عالطريق...قومي هلااا بدي افهم كل اشي انا
رهف: مابدي اقوم ..مابدي افهم اشي .. كل اشي غلط كيف هيك طلعت امي عايشه كيف؟ فهمني؟
اياد: هلااا رح نفهم قومي ..
رهف: حكيتلك مارح قوم
اياد بعصبيه مكبوته: رهفف...لااتجننينيييي ..
سحبتها من ايدها بقوم ونزلت فيها لتحت عغرفة الاستقبال ولحقتني امي ...
`يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`