الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الثامن
اياد: كانت قاصده توقع القهوه علي
ابو عابد: وهيك فجاه قررت تعمل هيك؟ مش من عمايلك؟
اياد: ابي انا ماني ولد صغير ..
ابو عابد: صغير ولا كبير هاد الحكي عندي مرفوض .. وممنوع تمد اايدك عليها مفهوم؟
وقبل مااحكي حرف انفتح الباب بسرعه وفاتت جوري عم تبكي وخايفه
جوري: باباااااااا مابعرف رهف شو صرلها تعال شوفها بسرعه ....
قام ابي ركاض وانا لحقته متل المجنون .. مااتحملني عقلي يصير عليها اشي بسببيي.. طلعنا عغرفة جوري
وفتنا ...كانت بالتخت ومنظرها مش طبيعي بالمره
ابو عابد: لبسوها بسرعه انا نازل عالسريع اشغل السياره
اياد: انا رايح اجبلها عبايه وشال
جوري: خلص بلبسها مني بسرعه
هزيت راسي بخوف ودقات قلبي مليون صارت...
لبسوها بسرعه ...قربت عندها وحملتها بين ايدي ونزلت فيها ركاض عالسياره فتحت الباب من ورا وطلعت حطيتها بحضني .. مافي شوي الا ولحقوني امي واختي طلعوا وخبطوا عالباب ....
كنت اطلع عليها وهي بين ايدي مغمضه عيونها وشاده ع ايديها بقوه كبيره كتير .. وتمها مشدود واجريها بخبطوا ببعض .. معقول معها اضطرابات عصبيه و نفسيه؟ هاي اعراضهم انا متاكد... مسكت ايدها وفتحتها بصعوبه كبيره وصرت اضغط بايدي على كف ايدها من جوا واحركها واعمل كم تمرين ..عندي خبره اسعاف اولي خفيف .. ضليت اكرر الحركه على ايدها
لحسيت ايدها فتحت وبعدها ارتخت .. ووحركة اجريها هديت وتمها بلش برضو نفس الشي ..
صرت اضربها ع خدودها ..
اياد: رهف...انت منيحه
فتحت عيونها بتعب وصارت تهز براسها بدون ماتحكي اشي او ترفع نظرها ...
ام عابد: صحيت؟
اياد: اه ..
ابو عابد: هي شوي ورح نوصل ..
اياد: اسرع ابيي...
وصلنا المستشفى ونزل الكل حملتها ونزلت ركاض فتنا جوا واخدوها عالطوارئ ...بقينا برا عم نستنى حد يخرج ويحكيلنا شوفيه ..
كنا الكل على اعصابه ...يمكن عشر دقايق بالزبط وخرج دكتور
ابو عابد: طمنا دكتور
الدكتور: الحمدلله منيحه
ابو عابد: شو صاير معها؟
الدكتور: حدا مزعلها او زعلانه من اشي؟
ام عابد: اه هي مداييقه كانت
الدكتور: كل ماتزعل بصير فيها هيك؟
ام عابد: مابعرف
هز راسه وحكا
الدكتور: صار معها اضطراب بالاعصاب وتشنج بجسمها ...ديروا بالكم حدا يزعلها لانه كل ماتزعل بصير فيها هيك ...
ابو عابد : يعطيك العافيه دكتور ..فينا نشوفها؟
الدكتور:اكيد اتفضلوا جوا ..هيها صاحيه بس انتبهوا عنفسيتها كتير ...
تركنا وراح ..قربت عندي امي
ام عابد:عجبك؟
ابو عابد: هاي اول مره واخر مره رح تمد ايدك عليها
جوري كانت تبكي .. فاتوا عالغرفه كلهم وانا لحقتهم
مابعرف ليش هيك صار وكله مني .. وبسببي ..
معقول كل هاد يصير فيها ؟؟ اوف يالله💔
مااتوقعت بيوم اكون سبب بزعل حدا ..
مشيت بخطوات بطيئه وفتت معهم ..كانت متمدده عالتخت ووجهها اصفر وشاحب ومعلقين سيروم عندها وايديها ابر .. كانت صفنانه بالسقف بسسس
قربوا عندها وقعدوا
ابو عابد: الحمدلله عسلامتك بنتييي ...
هزت راسها مش قادره تحكي حرف ..
قعدوا عندها فتره منيحه بعدها طلبت منهم يتركونا لحالنا شوي اول اشي رفضوا وعصبوا بس اصريت عليهم كمان مره حتى راحوا برا سكرت الباب وراهم ومشيت بخطوات بطيئه وقعدت قبالها عطرف التخت مسكت ايدها واتنهدت..
اياد: ماكنت متوقع يصير كل هاد فيكي وبسببي ..انا مش عارف شو بدي احكيلك .. بس انا ندمان وحقك علي
رهف: ........
كانت صفنانه بال ولاشي ولا كاني عم احكي معها بس مابلومها ابدا .. انا اخر فتره كتير ضغطها ..
اتنهدت ورجعت حكيت
اياد: شو مابدك انا جاهز ...المهم ماتزعلي من يوم وطالع وانا بوعدك ما امد ايدي عليك..
رهف:....................
اياد: بعرف انك مش طايقتيني بس انا ماكان بدي يصير هيك ابدا....
رهف: ......
رفعت ايدها وبستها بحنيه بس هي بعدتها ونزلتها ..
اتنهدت بقلة حيله وانا مش عارف شو بدي اعمل ..متاكد شو ماعملت عالفاضي...حقها ..
رهف: بدي جوري .. ابعد عني ..
هزيت راسي وطلعت حكيت لجوري تفوت عندها .. فاتت جوري وبقينا احنا برا كنت اعد عالمقعد وصفنان ومش عارف شو بدي اعمل .. ويلي اتقبلها واتقبل وجودها وويلي اصالحها واحاول ارجع الاشي طبيعي وويلي انه كل شي يصير منيح ... اتنهدت بتعب ..
ابو عابد: يارب الي صار اليوم يكون درس الك
اياد: ابي...كرمال الله بعرف انوو الي صار بسببي بس خلص مش متحمل كلمه او لوم
ابو عابد: واما اليتيم فلاتقهر ...
قمت من مكاني ونزلت تحت عند الشجر وصرت ادخن وانا مخنوق كتير مش شوي .. مابعرف اديش كنت اعد وانا بفكر .. لما سمعت رنة جوالي كان ابي
اياد: اه ابي
ابو عابد: شغل السياره عبين مانيجي هي بدنا ندفع الحساب ونطلع ..
اياد: ماشي ..
رحت شغلت السياره ونطرتهم ييجوا خمس دقايق كانوا نازلين .. لمحتها كانت تمشي بتعب وامي واختي ماسكينها من الجهتين وابي سابقهم طلع عالسياره وهما شوي وطلعوا .. كانت اعده بالنص بين امي واختي وسانده راسها ع امي بتعب ومغمضه عيوونها .. طول الطريق وانا اسرق عليها نظرات وهي مغمضه من التعب...
مسافة الطريق ووصلنا .. نزلوا كلهم وانا لحقتهم .. فتنا جوا وطلعوها عالدرج .. بس اول ماطلعنا وقفت وحكت
رهف: انا بدي انام عند جوري وجوليا ..
ام عابد: متل مابدك ...
اياد: لا خلوها تنام بتختها اريحلها
رهف: لا مرة عمو مابدي انام غير عند جوري
ام عابد: متل مابدك بصير .. امشي معي
فوتوها عالغرفه وابي اطمن عليها وطلع عغرفته حتى يرتاح وينام .. اما انا ماقدرت ماا افوت .. فتت كانت عم تتمدد بالتخت .. ام عابد: شو بدك؟
اياد: بدي اطمن عليها ...
ام عابد: خلص منيحه صارت اتركها ترتاح
اياد: مابطول ..
ام عابد: انا رايحه واصحككك تزعلها .. جوري اي اشي بدكم اياه انت ورهف بتحكوا
جوري : ماشي امي ..
ام عابد: وينها جوليا اتاخرت
جوري: قبل شوي وانا بالمشفى حكت معنا بدها شي عشر دقايق بتكون هون
ام عابد: ماشي انتبهي عليها يلاا بدي اطلع
تركتنا امي وطلعت ...
قعدت جوري عالتخت عند رهف
جوري: اعملك اشي تشربيه؟
رهف: لاا ...مش جاعبالي ..
جوري: انا ليش بسالك؟ هلا بعمل فنجانين قهوه نروق راسنا فيهم ..
رهف: لا ...خليكي عندي ماتتركيني هون لحالي
اياد: روحي جوري اعملي ٣ قهوه وارجعي
مسكت ايد جوري وحكت: لاا كرمال الله خليكي هون
اياد: لاتخافي...مارح اعمل اشي اعتبريني مش موجود
يلا روحي جوري اعملي قهوه ..
هزت راسها ونزلت بعد اصرار مني... بقيت اعد عالكرسي وساكت عم اتاملها مش عارف شو احكي ولا شو اعمل.. كانت متجاهله وجودي .. نزلت حالها تحت الحرام وغمضت عيونها .. قمت عندها وقعدت عالارض عركبي ومديت ايدي بتردد عكبير وحطيتها عراسها انتفضت وفتحت عيونها ..
رهف: ابعد.. ماتقرب علي..
اياد: اهدي مابدي اعمل اشي ..
رهف: روح من هون مابدي اشوفك ابدا ..
طنشتها وصرت امسح عشعرها بحنيه كبيره .. اتجرئت ورفعت ايدي التانيه قربتها بهدوء وحطيتها عوجهها وصرت احرك اصبععي عليه بحنيه كبيره واتامل بشرتها وعيونها التعبانين.. غمضت عيونها من الخوف ونزلوا دموعها ..
رهف: من شان الله تبعد ...وجودك عاملي قلق ..
اياد: حكيتلك مارح امد ايدي عليك ..
وقفت ودحشت حالي عندها بالتخت قربت عندها وضميتها بكل قوتي وصرت امسح عشعرها كنت حاسس برجفتها بين ايدي ودموعها الي بنزلوا ..
اياد: اهدي مابدي اضربك والله بكفي ترجفي..
رهف:من شان الله تبعد عنيي ..
صارت تضربني بايديها عصدري بتعب كبير ويادوب
طنشتها وضليت ضاممها وامسح عشعرها بحنيه مابعرف ليش هيك بعمل كانت اول مره بحياتي بكون بهالقرب منها ... واول مره بنام عندها وبضمها...
كان بدي اياها تحس بالامان مع اني متاكد انها مارح تحس فيه وخصوصي مني💔
ضليت امسح عشعرها لحسيت رجفتها خفت ..
حطيت ايدي تحت دقنها ورفعت وجهها .. صرت امسحلها دموعها ..
غمضت عيونها مابدها تشوفني ..
مابعرف ليش اجالي شعور اني ابوسها .. قربت عخدها وبستها .. فتحت عيونها ورجعت تبكي ..
رهف: بكفي اياد ... قوم من عندي
اياد: خلص ماتعيطي ..حقك علي بكل اشي
رهف: انا مابحبك... ولا رح احبك 💔 انت كسرتني من اول اسبوع ..
اياد: خلص لاتحكي اشي ..
رجعت بستها عخدها ومسحتلها دموعها .. كنت حاسس بخوفها مني ...بس رح اتحمل حتى تبطل تخاف ..
انفتح الباب وفاتت جوري معها صينية القهوه شهقت بس شافت منظري ..
جوري: اياد... شو عم تعمل عندها؟ ابعد عنهاااا مهي طلبت تنام عنا عشان ماتشوفك جاي تدحش حالك هون؟
اياد: مادخلك بيني وبينها هاتي فنجان القهوه لهون
جوري: قوم اياد ..لاتعلقني بلسان اهلك هلا ..
اياد: هاتي القهوه بحكيي ..
مشيت اتجاهي واعطتني فنجاني ومدت الفنجان التاني لرهف..جلست قعدتها بتعب واخدته ..
اجت بدها تقوم
اياد: خليكيي ارتاحي انا بقوم
قمت وخليتها تاخد راحتها بالتخت .. شغلت سيجاره ووقفت عالشباك.. صرت ادخن وانفخ عاالشباك واشرب قهوه انفتح الباب وكانت جوليا الي اول مااشافتنا شهقت
جوليا: انتو شو عم تعملوا هون؟ شو صاير؟
فاتت وجوري حكتلها كل اشي ....
التفتت علي جوليا بعصبيه
جوليا: كل هاد يطلع منك سيد اياد؟
اياد: اسمعي جوليا... هاد الحكي الي سمعتيه اصحك تجيبي سيرته قدام دار عمي واولهم سيلين
جوليا:مارح احكييي ... بس انت شو عم تعمل هون حضرتك؟
اياد:مادخلكك ...
طنشتني وفاتت عند رهف قعدت عندها ...
جوليا: كيف صرتي هلا؟
رهف: الحمدلله احسن ..
جوليا: حبيبتي ماعقلبك شر ...من اليوم وطالع انت هون مكانك ..خلي اياد يتربى
التفتلها بعصبيه
اياد: انت شو عم تخبصي؟
طنشتني ورجعت حكت لرهف: واصحك تصالحيه
اياد: اخرسي جوليا عم تعلميها علي؟
جوليا:عشان تتعلم ...
اياد: ولاحرف زياده تحكي ...
جوليا: ههههههههه والله لتشوف .. لنشغل كيدنا عليك
اياد بعصبيه مكبوته: اسكتييي..
نطقت رهف وحكت
رهف: انا بدي اقوم اغير اواعيي..
اياد: خليكك انا بجبلك بجامه .. تعي معي جوري خديلها اياها ...
جوري: يلاا ..
طلعت وطلعت معي جوري .. سحبتها من ايدها عالغرفه فتحت الباب وفتت مشيت ااتجاه الخزانه وفتحتها
اياد: اسمعييي .. بدي اعطيك هاي البجامه خليها تلبسها..اول ماشفتها كتير حبيتها ووصيت عليها بالجهاز
جوري: وبركي ماقبلت؟
اياد: لاتحكيلها اني انا الي اعطيتك اياها ...
احكيلها هي الي لقيته ..
جوري:ههههههههه ايييي ساءالله وهو جاي قرة عيني مخلينييي البس ع كيفه
اياد: اخرسي وليه...
جوري: ههههههه طيب طييب هات اشوفها
فتحت الخزانه وصرت ادور عليها للقيتها ..
طلتها ومديتلها اياها
اياد: هيها خدي ...
جوري: ههههههههه هات اشوف زوقك ...
اخدتها واول ماشافتها شهقت مع ضحكه خباثه
جوري: هههههههههه لك شو هاي البجامه؟
زورتها: شبها؟
جوري: لككك هاي لوحده مريضه؟
اياد: وليه... لاتستفزيني مامالها اشي ..
جوري: هههههه لك شوف ايديها ...
اياد: شو مالهم؟ كم دانتيل ..
جوري: هاي بجامه عرايسيه يعني بتلبسها هون مش عنا
اياد: عرايسيه؟ بنطلونها طويل وواسع والبلوزه نفس الشي بس الكم دانتيل ..
جوري: ههههههه بس حلوه وهيئتها عرايسيه
اياد: اخرسييييي وخديها يلاااا بدون ولا حرف
جوري: شو رايك تروح تنام عندها هناك ونيجي احنا هون؟
غمزتني وضحكت ضحه استفزتني
مسكتها من ايدها وانا معصب ..
اياد: وليي شو عم تخبصييي اه؟
جوري: ههههههه لك والله ماعم خبص عادي شو حكيت انا؟
اياد:لاتحكي اشي مابتفهمي فيه
جوري: امبلا بفهم كل اشي انا
اياد: وين راح فكرك انتي اه؟ ورب العزه بدي امسخك..
طاقق شرش الحيا عندك
جوري: لكككك ماحكيت اشي شبك؟
اياد: خديها وانصرفي من عندي مابدي اشوف خلقتك يلا
جوري: ههههههههههههه حاضر..
اياد: اسمعي انا طالع عند وليد ...انتبهي عليها وخليها تشرب الدوا
جوري: طيب ماشي
اياد: يلااا طيري
طلعت وهي بتضحك وانا معصب منها وقسما بربي خالصه هالبنت ولا حبه ... البجامه كانت مخمل لون نيلي عاديه كتير بنطلون وبلوز بس الكم دانتيل اسود
بس هي مجنونه ... اتنهدت وطلعت وراها نزلت وطلعت بالسياره شغلتها ورنيت على وليد ...
وليد: اهلين شريك...
اياد: شو وينك؟
وليد: هي طلعتي عالقهوه
اياد: ياخاين بدوني؟
وليد: حكيت لساتك عريس جديد مش فاضيلي ...
اياد: اخ بسسس 💔
وليد: شو مالك؟
اياد: ولشي .. انت ومين بالقهوه؟
وليد: انا وحمزه
اياد: طيب هيني جاي عليكم ..
وليد: لاتتأخر ..
اياد: مسافة الطريق ...
سكرت الخط واتنهدت بتعب وقلة حيله .. مش قادر انسى منظرها وهي منهاره وبتضرب حالها💔مش قادر انسى الي صار فيها ...معقول معها اضطرابات نفسيه وعصبيه؟ لازم اعرف انا .. معقول مرة ابوها متسلطه عليها وهي صغيره لحتى صارت هيك؟ .. الله يسامحني بس💔💔 مابعرف شو صار وكيف صار هيك خلال الاسبوع...
................
كنت حاسه فيه لما حملني ونزلني بالسياره .. طول الطريق وانا بحضنه ..كنت حاسه بكل اشي حوالي بس مش قادره افتح عيوني او حتى احكي.. كل اشي فيي متشنج...حسيت عليه لما فتح ايدي وصار يعمل حركات ع كفة ايدي وكررها حتى ايدي ارتخت وبلشت تفتح ...شوي شوي بلش التشنج يخف .. فتحت عيوني بتعب لما سالني ازا صحيت.....
ماصدقت انزل من المستشفى وطلبت منهم انام عند جوري وجوليا .. ماكنت طايقه ارجع ع هديك الغرفه كرهانه كل اشي فيه وكل اشي بخصه ..
فتت عندهم واتمددت...شوي ولقيته فايت عندي واخر اشي اتوقعته يقرب عندي... كنت مغمضه عيوني ومتجاهله وجوده عبين ماجودي تجيب القهوه ماوعيت غير على ايده صارت ع راسي وصار يمسح عشعري ..انتفضت بخوف وفتحت عيوني .. اترجيته يروح لانو وجوده عاملي قلق ..بس مد ايده التانيه وحطها على خدي وصار يلمسه بحركات حنونه كتير مش شوي..غمضت عيوني ودموعي نزلوا ..مليون شعور وشعور جواتي ...اخر اشي ماوعيت عليه غير دحش حاله بالتخت عندي ..انا كان فيي اعصاب وبطل ...
دقات قلبي زادت والخوف رجعلي... غمضت عيوني لما ضمني بكل قوته وصرت اضربه ع صدره حتى يبعد بس عالفاضي .. كانت اول مره بحياته بضمني ..
حسيت بشعور كتير غريب مش شوي .. ماعرفت احدده هو حلو ولا بشع ولا خوف ولاشو بالزبط ماعرفت!!
حسيت بايده عشعري عم يهدي فيي وبعدها مسحلي دموعي ..غصب عني رجفتي هديت ...
اجت جوليا واتفاجأت .. طلبت منهم اغير اواعيي
راح اياد وراحت معه جوري ... خمس دقايق ورجعت جوري وضحكتها عوجهها وماسكه بجامه....قربتها عندي وحطتها ع حضني
جوري: قومي يلا غيري اواعيكي..
مسكت البجامه فردتها اشوفها ...
رهف: شو هاي؟؟؟
جوري:شو هاي يعني؟ بجامه ..
رهف: بعرف بجامه بسس ليش جبتيلي هاي؟ رجعيها وجيبي غيرها ..
جوري: هي الي لقيته ..
رهف: عادي روحي وجيبيلي غيرها ..مش من الجهاز من اواعيي انا ..
جوري: اياد قفل الغرفه وطلع عند وليد.. كيف بدي اجبلك غيرها؟ خلصيني البسيها
قربت جوليا عندي ومسكتها
جوليا: اشوف؟؟؟ واووووو محلاهاااا شوووو هالبجامه هاي؟
جوري: هاي من جهازها الجديد
جوليا: والله بطلع منه هالاياد ..اتاريه زوقه حلو
جوري: ههههههههه اه والله ان شاءالله يارب هيك ييجيلي قرة عيني يكون زوقه حلو ..
جوليا: هههههههههههههههههه خالصه ربي ولا حبه
جوري: ماخصك انت التهي بخطيبك..
وانت رهف يلا قومي غيري ..
رهف: مابدي البس اشي منه ...
جوليا: بلا هبل ...لك تعي شوفيني انا اي اشي جبلي اياه هديه بضل البسه بس لانه منه ...
رهف: الله يهدي بالك....بتقارني علاقتك بعلاقتي؟
جوليا: كل علاقه فيها مشاكل وطوش .. لسا انا بعرف ناصر من وانا صغيره وبلشنا حب من ايام الجامعه اولها كنا كتير نقضيها طوش ...بعدها تركنا يمكن سنه كامله ..بعد فتره رجعنا بس بحب اكبر ....وقررنا نخطب بعد حب استمر ٧ سنين ..ماتفكري انهم كانوا سهلين علينا!! كتير اتخطينا شغلات صعبه ومش سهله بالمره ومرت علينا فترات لا انا طايقته ولا هو طايقني .. بس بالنهايه حبنا فوق كل اشي .. ماتفكري انه كل الخاطبين او المتزوجين مبسوطين وعلاقتهم مثاليه ..بالعكس كلهم بينهم مشاكل وطوش ...بس الشاطر الي بعرف كيف يتخطاها ومايسمح لاشي يخرب عليه .... بالنهايه يارهف انت الك اسبوع وكم يوم بس بتعرفيه ..يعني حتى خطبه وفتره تعارف ماكان فيه ... الاشي مش سهل لا عليكي ولا عليه ..بيوم وليله حدا يفوت عحياتك مابتعرفيه ولا بعرفك من قبل ..رح تحس الاشي صعب ومش متقبلتيه
بس مع الاايام رح يصير في بينكم الفه ومحبه بعدين لما يصير في ولاد بتحسي علاقتكم اقوى..حتى لو خف الحب بينكم ..
رهف: .........
جوري: مزبوط كلام جوليا ..
جوليا: انا ماببرر عملة اياد ابدا .. هو غلطان وخليه يتعلم .. ماترجعيله مباشره .. خليه يترجاكي ويعرف انك مش سهله ..
رهف: انا مارح ارجعله ابدا ..بدي اطلق ..
جوري: بلا هبلك..
رهف: انا بطلت قادره اتحمله بالمره
جوليا: انت بتحكي هيك لانك كتير زعلانه مش شوي بس بكره لما تهدي رح تغيري كل تفكيرك ..
رهف: مارح اغير اشي ...
جوري: طب قومي هلا البسي البجامه خلصيني ..
ماكان عندي خيار غير اني اغير اواعيي لاني كنت بالجينز والبلوزه ..فتت عالحمام ولبستها على عيوني ومش عاجبني .. طلعت من الحمام واول ماطلعت صاروت يضحكوا
جوري: اووووووووه شووو هادد؟ شوووووو هالحلاااااه ؟
جوليا: حبيييييت ..هو متى بتزوج انا عشان البس هيك شغلات.؟
رهف: شو عم تخبصوا؟
جوليا: وينك يا اياد تشوف مرتك شو لابسه
جوري: هههههههههههههه
رهف: خلص انت واياها لاتجيبولي سيرته
جوليا: هههههههههه طيب خلص
جوري: تعي اشربي الدوا بلاش تنسي...
رهف: طيب ...
قعدت عالتخت واتربعت سندت ظهري عاالحفه .. اما جوري فرشت فرشه عالارض وجهزت مكان نومها .. راحت فتحت الجرار وطالت اشياء زاكيه للسهره واجت قعدت قبالي شوي وجوليا انضمت عنا ...
بقينا سهرانين لل١٢ ونص بعدها رن خطيب جوليا وراحت برا تحكي معه .. بقينا انا وجوري ..
استاذنت جوري انها بدها تنام وطفت الكهربا ...
اتمددت وبقيت صفنانه بالسقف ... كل ما اغمض عيوني يرجع منظر اياد وهو ضامنني .. ينتفض قلبيي ..
مابعرف كل ما اتزكر احس بشعور ابصر كيف ...
مابعرف اديش مر وقت ..جوري مانامت كانت متمدده وسهرانه عالجوال وجوليا برا غاطسه بالحكي ...
مابعرف اديش مر من الوقت وانا صفنانه .. يمكن نص ساعه .. سمعت صوت الباب بدق ...
جوري: مين؟
اسمعت صوته من برا
اياد: انا
جوري: فوت ...
انتفض قلبي بخوف وغمضت عيوني بسرعه اتظاهرت بالنوم...ودقات قلبي زادت....
سمعته بحكي معها بهمس ..
اياد: شو نامت؟
جوري: اه شكلها ..
اياد:بدي اشوفها
جوري: اصحا تفيق ....
اياد: لا ...
فات جوا ومشي لعندي كنت سامعه صوته وهو عم يقرب عندي ومع كل خطوه يمشيها قلبي يدق بزياده ..
بس وصل عندي حسيت على ايده عم تمسح شعري
بعدها صار يمرر اصابعه ع وجهي ..كنت حاسه بلمساته كلها حنيه رهيبه .. مابكزب عليكم حسيت بشعور جوات قلبي حلو بس بنفس الوقت مش قادره اطيقه
اياد: زمان الها نايمه؟
جوري: يمكن من نص ساعه
اياد: اخدت الدوا؟
جوري: اه اخدته
حسيت عليه مال عليي وطبع بوسه عجبيني ...انتفض قلبييي وجسمي صار يرجف ....
بس بقيت ولا حركه عشان ما افضح حاالي اني صاحيه لاني مابدي اشوف خلقته ولا احكي معه ...
جوري: شو بشوفك مش قادر تبعد عنها...
اياد: لاا بس اجيت اطمن عليها قبل اروح انام
جوري: منيحه لاتخاف...
حسيت عليه رفع الحرام عني وحط ايد تحت ركبتي وايد تحت ظهري ..
جوري: شو بتعمل؟
اياد: بدي اخدها تنام بتختها
جوري:هههههه شو مش قادر تنام بدونها؟
اياد: لا بس هيك بضل تحت عيوني
جوري: بدك تعلقني مع اهلك انت ...
اياد: ماحدا خصه ..مرتي وحر فيها ..
ماوعيت عليه غير وهو حاملني ..الخوف اتملكني ورجفة جسمي زادت...هاد مجنون ولا شو بالزبط مش فاهمه .. مابده اياني ومجبور علي وهلا صار بدو يرجعني عالغرفه .. صرت اعمل حركات اني مزعوجه وبعدها فتحت عيوني ع اساس اني صحيت .. اول مافتحت عيوني لقيته عم يطلع علي .. دقات قلبي زادت ..
صرت احرك ايدي واجري ..
رهف: انت شو عم تعمل هون؟ نزلنييييي لوين ماخدني
طنشني بدون مايحكي حرف ..
مشي فيي واجا يطلع من الغرفه وانا اضربه عصدره عشان ينزلني عالفاضي...لحقته جوري
جوري: لك اياد اتركها..والله بكره اهلك ليعملولكك فنه ..
اياد: ماحدا يتدخلل فيي..
رهف: لك نزلنيييي نزلنييييي
جوري: لك اياد حرام عليك مابدها ترجع عندك هلا اعصابها بتتعب مش منيح
طنشها وضل هيك حاملني لوصل الغرفه فتح الباب وفتنا ضل ماشي فيي وحطني بالتخت...
رجع سكر الباب وقفله... قمت عن التخت ووقفت
رهف: ليشش ترجعني هون؟ حكيتلك مابدي انام هون شو انت مابتفهم؟ اتركني بحالي من شان النبي انا تعبت منك
مشي باتجاهي ووقف قبالي وعيونه عالبجامه الي لابستها ومبتسم نص ابتسامه
اياد: لكك شو هالبجامه الحلوه .. طالعه حلوه فيها كتير مش شوي ..
مسكني من خصري وسحبني لعنده بس انا دفشته وبعدت عنه ..
رهف: ابعد .. ابعدددددددد والله ازا بتقرب الا اعمل بحالي اشي
اياد: اهدي رهف ..مابدي اعملك اشي ..
رهف: انا مابدي انام هون ..بدي انام عند خواتك
اياد: لتكوني صدقتي اني ممكن اخليك تنامي برا الغرفه
رهف: بصفتي شو بالله بدي انام عندك بالغرفه؟
ااياد: بصفتككك شووو؟ بصفتك مرتي
رهف: مش ع اساس رح اعتبرك كل اشي سواء اختي صاحبتي او اي شي بس مش مرتي!!..وانا موافقه ..رجعني عند خواتك وهيك بصير اختك التالته
اياد: خلص رهف اهديي ..مش منيح تعصبي ..
رهف: بدك اهدى بترجعني عند خواتك ..وصدقني بعد فتره الا اطلق ..
اياد: مفكره ازا رح اطلقك ابي بقبل؟
رهف: ليش مين الي كاتب كتابه علي؟ مش حضرتك ؟
اياد: خلص رهف ...حطي راسك ونامي ...
رهف: مابدي...
مسكني من ايدي ورجعني عالتخت مددني غصب عني وانا بحاول ابعده بس عالفاضي ..غطاني بحرامات وراح عالجهه التانيه ...بس رفعت الحرامات عني وقمت
اتنهد:لككك خلص رهف ...
مشيت اتجاه الباب ورجعت افتحه بس مقفل ..
رهف: افتحلي الباب يلاا
اياد: ماتحاولي!! لو تضلك من هون لبكره تحكيلي افتح الباب ورجعني عندهم مارح ارد عليك
رهف: اه طبعا ..ما انت مصدق حالك .. مصدق انك زوجي وبدك امشي ع كيفك ...
اياد:انا بدي انام .. يلا تعي حطي راسك ونامي ..
رهف: بديش انام ...
اياد: متل مابدك .. تصبحي ع خير
رهف: لككككككك....
طنشني وحط حاله بالتخت وغمض عيونه ..
نزلوا دموعي من القهر والله رح انجلط منه اعصابي تعبانه ...قعدت عالارض وسندت ظهري عالباب ونزلوا دموعي اكتر ... رجع لف وجهه علي واتنهد
اياد: قومي عن الارض هلا بتاخدي برد...
مارديت عليه وضليت ابكي ...
اياد: لاحول ولا قوة الا بالله ..
قام عن التخت واجا اتجاهي .. نزل لعندي ومسكني من ايدي وسحبني غصب عني .. حملني وحطني بالتخت واخر اشي اتوقعته انو يسحبني لعنده ويضمني ...
كل هاد وانا مش طايقته... كان ضاممني بكل قوته وانا احاول افلت حالي منه بس عالفاضي...
كنت ميته خوف منه وكل م احسه قريب مني احس انه بلحظه وحده ممكن يرجع يضربني ويصرخ ..
غمضت عيوني وانا برجف والرجفه كل مالها تزيد ..
اخر اشي رجع صار فيي نفس الشي .. اعصابي بلشت تشد وايدي سكروا بطلت قادره افتحهم ...جسمي بلش يتشنج ... واجري مشدودين عالاخر وبخبطوا ببعض ..
حس عليي ..بعد عني شوي ومسك ايدي فتحها بصعوبه وهي بتوجعني وصار يعمل حركات ومساج بكف ايدي
اياد: اهدي رهف خلص ..والله مارح اعملك اشي ..
كان عم يحرك كف ايدي بحنيه كبيره ..
اياد: رهف خلص .. ريحي اعصابك بكفيي...
ماكنت ارد عليه ..
ضل يعمل هيك بايدي يمكن خمس دقايق حتى بلشت ايدي ترتخي وتفتح ..
خف التشنج وبس حس انو جسمي ارتخى قام عن التخت مسك قنينة المي وصب بالكاسه واجا عندي
حط ع ايده مي بارده وبلش يمسح وجهي ورقبتي بالمي حتى اهدى ..مابعرف كيف اعصابي ارتخت وغفيت بلمح البصر .
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`