الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ{6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء السادس
الجزء السادس
رهف: ليش هيك تخبص بالحكي؟
جوري: لااتخافي اصبري بس يومين رح يبعتوها اهلها متل الكلبه تعتزر منك
رهف: مابدي اشوف خلقتها..
ام عابد: هاي زادتها كتير مش شوي ..
جوليا: مش طبيعيه .. ليش هيك اتصرفت .. بعدين عم تقاوح بالحكي .. والله ناصر بس يعرف ليقتلها...
ام عابد:خلص رهف ..
هزت راسها ودموعها لسا بنزلوا ..ماصدقت توصل الفيلا اول ماوصلت نزلت معهم وطلعت عغرفتها مباشره شلحت حجابها وزتته غيرت اواعيها وفاتت بنوبة بكى مش طبيعيه .. لحقوها جوري وجوليا وصاروا يهدوا فيها .. اخر اشي قدروا شوي يطلعوها من النفسيه ... كان وقت ترويحة ابو عابد وولاده من الشركه ع ٤ العصر ... انفتح الباب وفاتوا ماكان في حدا بالصالون طلع كل واحد ع غرفته بتعب .. مشي اياد وفتح باب غرفته واتفاجئ بوجود خواته عنده مع رهف
اياد: انتو شو عم تعملوا هون ورهف ليش هيك منظرها؟ مش ع اساس انتو عند بيت عمي مالحقتوا تروحوا صرتوا راجعين؟
جوري: تعال شوف شو صار
اياد باستغراب وهو نظراته عرهف : شو صار
حكتله جوري كل اشي مجرد ماسمع الحكي جن وعصب بشكل مش طبيعي. .
اياد: انت شووو عم تحككككي؟
جوري: متل ماسمعتتت
اياد: اي ورهف شو عملت؟
جوري: ماقصرت فيها هجمت عليها وضربتها
اياد بنص ابتسامه: هههههه منيح ...
اياد: ليش هيك تحكي طيب؟
جوري: اه لا مابعرف ليش
اياد بعدم تصديق: طيب ماشي ..
جوليا: الليل رح ينحكى لابوها الحكي الي انحكى عنك وعن رهف...
اياد : اي خرجا الله لايقيمها .. لك يلعنن.....ا
جوليا: خلص اخي اهدى ولاتعصب امها ماقصرت فيها
اياد: لكك انا ع اخر الزمن ييجي حدا متل هاي الفصعونه يحكي علي حكي كبير؟
جوري: كلبه شو بدك تحكي ..
اياد: طيب خلص اتركوني هلا ارتاح شوي وبس انزل بنحكي ..
جوري: طيب ماشي امشي جوليا... وانت رهف خلص اهدي طيب؟
هزت راسها بدون ماتحكي اشي كانت اعده عالتخت وسانده ع حفته من ورا ورافعه اجريها وركبتها وضامتتهم ..
طلعوا خواته وسكروا الباب .. قعد عطرف التخت قبالها وحكا
اياد: انت مابتعرفيها لهاي سيلين .. هاي اخبث وحده بكل صبايا العيله عشان هيك بدي اتديري بالك منها ولاتختلطي فيها ..
هزت راسها بدون ماتحكي حرف ..
اياد: انا فايت اعمل دوش وانام شوي لاني اليوم تعبت كتير بالشغل...
هزت راسها بدون ولا حرف اما هو قام حط اواعيه عالتخت وفات يعمل دوش .. حطت حالها تحت الحرام وغمضت عيونها .. خطر عبالها ابوها .. مالحقت تزعل عليه وتعطيه الوقت الكافي بالزعل بتيجي عليها قصة الزواج وسيلين (اخ الله يسامحك يا ابي لي تعمل هيك وتكتب البيت باسمها؟ حسبي الله فيها اكيد لعبت بعقلك...مابعرف ازعل منك ولا شو .. ياريت البيت ضل باسمك كان ماقلعتني ولا صار كل الي صار فيي خلال اسبوع بسس .. الاشي غريب وفوق طاقتي والله ..اشتقت لطوشي مع سهام ويارا واشتقت لحنية ساره معي .. اخخخ يامحلا هاالايام طلعت جنه بالنسبه لهالايام)
نزلوا دموعها ورجعت تبكي ...
كان واقف تحت الدوش مغمض عيونه وعم يفكر بالي صار والي سمعه من خواته ..
(هاي سيلين الكلبه ازا عملت تاني اشي الا افرجيها انا هالمره .. زادتها عم تتهمني اني غلطان معها؟ لكك شو بتهيالها هاي .. غير منظر رهف وحالتها بس سمعت الحكي ... بس ماقصرت فيها الله لايردها .. برافو عليها...)
بس خلص دوش طلع وحط المنشفه عخصره وطلع كانت تحت الحرام كلها.. كان عم يطلع عليها كيف نفسها عم يطلع وينزل وسامع صوت عياطها .. اتنهد وراح لبس اواعيه ونشف شعره ومشي باتجاه التخت رفع الحرام ونزل تحته .. اتنهد وحكا
اياد:رهف...ليش عم تبكي؟
رفعت الحرام عنها وقعدت ودموعها عم ينزلوا
رهف: لانها حيوانه!! مش قادره انسى حرف من الي سمعته ..
اياد: مهي هدفهااا تخرب عليك
رهف: تخرب علي؟ شو بدها تخرب علي ؟ السعاده الزوجيه االي انا فيها؟ هي تيجي وتشوف كيف حياتي معك ساعتها مابتفكر تحكي معي حرف واحد ...
اياد: لاتخليني اندم اني حكيت معك
رهف: اه يلا اهرب عشان ماتحس بتانيب الضمير...
اياد: استغفر الله العظيم بس
رهف:.......
اياد: خلص اهدي وبكفي عياط عشان بنت كلبه
رهف: .......
اياد: مطوله؟
رهف: انت شو بدك؟ خلص حط راسك ونام بس ييجي وقت الاكل بصحيك ..
اياد: ماشي ..
اتنهد ولف وجهه للجهه التانيه وغط بنوم عميق اما هي لبست باجرها ولبست عليها اواعي الصلاه ونزلت تحت عالصالون كان فش حدا غير هيثم ..
هيثم: شووو ليش بتعيطي؟
رهف: من بنت عمك سيلين
هيثم: شو مالها؟
رهف: مش طبيعيه .. مريضه نفسيا
هيثم: ههههه لسا مش شايفه اشي من فصولها ماحكييتيلي شو عاملتلك؟
حكتله كل اشي تحت صدمة هيثم
هيثم: لاهاي هالمره لازم ينحطلها حد ...
رهف: وحده حقيره حسبي الله ونعم الوكيل فيها
هيثم: عم تتهم اخي هيك اتهام .. عمرنا ماتوقعنا حقارتها توصل لهالدرجه ..
رهف: شايف؟ ندمت عالساعه الي قررت اروح فيها عندهم
هيثم: لاتهزي بدنك منها هاي هيك طول عمرها مابهمها الي حواليها وانانيه كتير مش شوي ..
رهف: بحاول بس مش قادره .. !!
هيثم : نصيحتي لاتختلطي فيها لانك رح تتعبي ..
رهف: بعد ااي سمعته مستحيل ..
............
غمضت عيوني ونمت شوي مالحقت اغفى الا انا صاحي من كتر التعب...مسحت وجهي بايديي وقمت .. وينها هاي رهف؟؟ معقول بالحمام؟ بس باب الحمام مفتوح..معناها اكيد تحت ... لبست باجري ونزلت تحت شفتها اعده هي وهيثم وعم يحكوا .. وهيثم من النوع الي بمزح مع الكل وباخد عالكل بسرعه .. نزلت ركاض تحت وحكيت بصوت اقرب للعصبيه ....
اياد: انت شو عم تعملي هون حضرتك؟
التفتت علي: شو بدي اعمل يعني!!! اعده هون عبين مايجهز الاكل ..
اياد: والله؟؟ وانت سيد هيثم شو مقعدك معها؟
هيثم: اياد شبك؟
اياد: ولاشي ..قوميي انت لفوق يلا
رهف: مابدي ..
اياد: حكيت كلمه ومابدي اعيدها ..
رهف: وانا حكيتلك مابدي ..حل عني اياد مش ناقصتك والله ..
هيثم: لك شو صرلكم خلص !!
اياد: ماتدخل .. وانت شرفي معي ..
رهف: حل عنيي ...
قربت عليها ومسكتها من ايدها وسحبتها عالغرفه فوق وهي تضربني ع ايدي وتحاول تفكها ....خبطت الباب وفوتها جوا .. تركتها بعصبيه ..
رهف: لككك اتركني ...شو خصك فيي؟
اياد: شو عم تعملي تحت اعده انت وهيثم؟
رهف: لككك شو بدي اعمل يعني؟ كنا نحكي عادي
اياد: من يوم وطالع مابدي المحكم قاعدين لحالكم مفهوم؟
رهف: والله؟ ليش ان شاءالله؟
اياد: هيك حيونه .. ياويلكك بس المحك اعده معه
رهف: هههه!! غيران مثلا؟
اياد: ع مين بدي اغار ؟ عليكي؟
رهف: لا ع سيدي الله يرحمه ..
اياد: مش غيران اطمني... بس مدامك على اسمي بدك تحترمي انك عليه فاهمه؟ لانه هاي الحركات مو حلوه بحق وحده متزوجه ...
رهف: هههههه ضحكتني!! متزوجه قلتلي؟
اياد: اسمعي وله !!! ورب العزه حرف تاني لاخلي زواجنا حقيقي .. فاهمه؟
رهف: مارح اسمحلك لاني مش ع كيفك ..بعدين حكيت كلمه خليك قدها...
اياد: ماخصك بالي بحكيه .. بعمل وبحكي شو مابدي فاهمه؟
رهف: حل عنييي .. ترا الي فيني مكفيني جاي تعملي فيها حمش وبتغار ...مش لتكون زوج بالاول ..
اياد: شوووووو حكيتي؟ ..
عصبت عليها كتير ع اخر كلمه ومشيت خطوتين باتجاها بعصبيه كبيره مسكتها من ايدها وحكيت من بين سناني...
اياد: بتحبييي اصير زوج حقيقي هلا؟؟
رهف: ابعد لاتفكر حالك بتقدرلي
اياد: والله؟
مفكره حالها قويه واد حالها وهي بحركه مني بنزلوا دموعها .. ماشي والله مابكون اسمي اياد ازا ماخليتك على اعصابك انا بفرجيكي..
شديت بايدي ع قبضة ايدها وصرت امشي خطوه وره خطوه وهي ترجع لورا بخوف كبير .. لزقت بالحيط وصارت ترجف...
رفعت وجهها بايدي وحكيت وهما عيوني بعيونها
اياد: والله لاندمك ع كل حرف حكيتيه ..
صارت تدفش بايدها وكوعها بس طنشتها وضحكت بخباثه ..
اياد: شو ع اساس مابقدرلك؟؟؟
رهف: لك ابعد ابعدددددد...
طنشتنها وقربت وجهي عند وجهها بزياده وخليت نفسي يلفحها ..
رهف: كرمال الله تبعد..
اياد: لما بدك تحكي كلمه من يوم وطالع اعرفي شو بتحكي عشان ماتندمي بعدها ..
هزت راسها ..
بعدت عنها وضحكت
اياد: ههه لاتخافي .. مابطلع ع هيك اشكال بس هاي فركة ادن حتى تعرفي شو بتحكي من يوم وطالع..
اطلعت فيي بنظرات واتجمعوا الدموع بعيونها
رهف: انت واحد مريض ...
حكت وهيك طلعت من كل الغرفه ...تاركتني عم اضحك عليها .. معقول ييجي يوم واتقبلها؟ والله مابعرف حاسس حالي اني لحد هلا مش قادر اتقبلها كانها انفرضت علي فرض...اتنهدت بقلة حيله وخرجت برا .. نزلت لتحت وفتت عالمطبخ اشرب كاسة مي كانوا عم يجهزوا الاكل .. رجعت عالصالون وقعدت مسكت جوالي اتصفحه شوي ع بين مايجهز الاكل...
لك وينها هاي؟ اكيد عند خواتي .. اي خليها شو اعملها..
جهز الاكل وبلشوا يجتمعوا العيله الكريمه .. اقعدنا كل واحد مكانه وبلشنا اكل مده منيحه والكل ساكت ..
اياد:اسمعوا كلكم ووصلوا الحكي لسيلين .. من يوم وطالع اجرها بتنكسر ومابتخطوا خطوه جوا هاد البيت مفهوم؟
جوليا: انا مادخلني مابحكيلها مش ناقصني اطلع ببوز المدفع ويصير حزازيه بيني وبينهم
اياد: جوري .. انتي بتخبريها ..
جوري: طيب ماشي ...
التفتت عرهف وحكيت
اياد: وانت رهف .. اي وقت بتكون موجوده بمكان بتتركيه وبتقومي وياويلك اسمع انك حكيتي معها ..
ابو عابد:وهاد الحكي الي لازم يصير..
ام عابد: بركي اجت هون يعني معقول اقلعها؟
اياد: احكيلها اياد مابدو اياكي تفوتي هاد المكان
ام عابد: وبركي اصرت ..
اياد: ساعتها بتتصلي عليي وانا باجي اتصرف..اسال الله بس تيجي وانا هون لحتى افرجيها قيمتها لهالحشره
جوليا: انا كل الخوف انها تتوتر علاقتنا ببيت عمي ويخرب كل شي ..
رهف: انا السبب ...كلو بسببي..
حكت هيك وقامت بس مسكتها من ايدها ووقفتها
اياد: لوين رايحه؟ اقعدي
رهف: شبعت ..
اياد: ما اكلتي شي..
رهف: امبلا اكلت
ابو عابد: اتركها عراحتها اياد ..
هزيت راسي وانا بطلع فيها وتركتها ..
اياد: اعمليلي فنجان قهوه بدي ادخن سيجاره هلا بس اخلص اكل...
ابو عابد: هلا بحكيلهم يعملولك
اياد: لا ابي انا بحب طعم القهوه بس من ايدين مرتي
ابو عابد: ازا هيك حقك..
اياد: مين بدو قهوه؟
جوليا: كلنا ..
اياد: احسبي حساب الكل يلا ..ماقدرت ترفض تحت احراجها راحت عالمطبخ تعمل قهوه وانا اكلت لقمتين ووقفت رحت عالمطبخ.... اول مافتت كان الخدم تقريبا بلش يروحوا عبيوتهم بس ام محمود كانت بغرفتها ..كانت رهف واقفه عند الغاز مش شايفتني .. مشيت وراها شوي شوي بدون مايطلع صوت ..قربت عندها كانت تحاكي حالها بعصبيه( مفكرني خدامه عنده... ال شو بدو قهوه وبعزم الكل وبحكيلي اعمليها .. شو بتهياله هاد ؟ يارب تعطيني الصبر عليه احسن ماابيوم اجن واقتله)
ضحكت ع كلامها وحكيت
اياد: وشو بتستني؟ تعي اقتليني هلا هيني قدامك ..
شهقت ودارت وجهها علي بصدمه
رهف: انت من ايمتا هون؟
اياد: من وقت مافكرتك خدامه ..لعند مابدك تقتلتيني ..
رهف: عادي ..اه لو سمعتني مش خايفه منك .. مفكرني خدامه عند الي خلفك اعملك قهوه. ...
اياد: هههه بتعجبيني وانت بتحاولي تظهري القوه وبتعملي حالك مش خايفه...بس انت جواتك ميته خوف
رهف: مين قلك اني هيك؟
اياد: بدون ماتحكي ...مبين. .
رهف:اسمع ..انا كل الي عشتهم اسبوع او اكتر شوي هون وماقدرت اتحمل اعمل حسابك بدي اطلق كمان فتره صغيره ..
اياد: هههه شو هاي تطلقي؟ بعدين نسيت اخبرك بكره رح يوصل جهاز اواعييكي...
رهف: خليه لعروستك الجديده مابدي اشي منك مسامحتك بكل اشي المهم اطلق
اياد:اي عخاطرك مهوو
رهف: لاتستفزيني والله وقت الجد بخلعك
اياد: راسك بخلعه ساعتها
رهف: بحاول اتقبلك بس سبحان الله القبول من ربنا
اياد: هههههه يعني وحده بوحده بدك ترديلي شوي من كلامي الي كنت اسمعك اياه ؟؟
رهف: اعتبرها متل مابدك ..وليكون بعلمك اول مره واخر مره بعملك فيها قهوه
اياد: هههه!! لاشوف ...هيني طالع لاتتاخري علي بالقهوه
حكيت هيك وطلعت تاركها معصبه وبتبرم وبتردح ..
فتت قعدت بالصالون ومديت اجري عالطاوله بتعب وشغلت سيجاره ..
ابو عابد: شوو ايمتا بوصل جهاز رهف كإنه اتاخر؟
اياد: حكا معي مندوب التوصيل وحكالي بكرع بكون عندك
ابو عابد: كتير منيح ..دفعت الحساب ولا لسا؟
اياد: لا بكره بدفع ..سلم تستلم
ابو عابد: هيك احسن..
اياد: امي !! بس يوصل الجهاز ساعدوها انت وجوري وجوليا فيه ..
ام عابد: اكيد...
جوليا: انا للاسف مارح اقدر اساعدها لاني مارح اكون موجوده
اياد: ليش وين رايحه حضرتك؟
جوري بابتسامه: رايحه مع ختشيبا يؤبر ئلبا
اياد: انت ماعندك بيت يضبك؟ كل يوم والتاني بتشوفيه؟
جوليا: مادخلك .. ولا متلك الك اسبوع متزوج ولا مره شفتك طالع مع مرتك مشوار ..
عصبت عليها كتير مش شوي انها حكت هيك قدام ابي والي كملها عليي جوري
جوري: عنجد .. اياد اطلعوا مشوار غيروا جو هاي ايام مابتتعوض..
بجية رهف من المطبخ ماسكه صينية القهوه قدمت للكل وقدمتلي .. مسكت فنجانها وقعدت ..
ابو عابد: مزبوط كلام خواتك ..اطلعوا مكان غيروا جو
اياد: تعبان من الشغل مش قادر
ابو عابد: ارتاح شوي واطلع ...
اياد: ابيي...مش شايف الجو برا برد ورح تشتي؟
جوري: احلى بتصير اجواء رومنسيه اكتر
رهف: شو عم تحكوا ؟
اياد: ولا شي...
زورتني مش عاجبها ...
جوليا: اعدين بنحكيله ياخدك مشوار ..
رهف: لا بديش اروح مكان...
اياد: اي احسن ..
طنشتني وقعدت تشرب قهوه وتحكي مع اهلي وتضحك .. خلصت السيجاره وطلعت برا شوي اتمشى بالساحه الكبيره
...............
ابو ناصر: شو هالحكي هاد؟
ام ناصر: متل ماسمعت.. خلتهم اعدين وحكت هيك قدام ام عابد ورهف ..
ابو ناصر :لك شو هالتخبيص هاد؟
ام ناصر: مابعرف شبها جنت ..
ابو ناصر: ووينها هلا؟
ام ناصر: بغرفتها ..
ابو ناصر: انا رايح اربيها ..
مشي ابو ناصر بعصبيه كبيره وطلع على غرفة بناته دق الباب وفات ...
ابو ناصر بعصبيه: وينهااااااااااا؟..وينك وله ؟تعي لشوف
سيلين: شوو في؟
اتقدم لعندها بخطوات عصبيه ومسكها من شعرها وصار يصرخ ..
ابو ناصر: شو هاد الحكييي الي سمعته من امك؟
سيلين: شووو سمعت؟
ابو ناصر: ليش هيك تحكي ؟؟؟؟؟
سيلين: ابي انا ماحكيت اشي حكيت بجوزز..
ابو ناصر: لككك اخرسي ياكلبه ...بدك العيلتين يعلقوا مع بعض من تحت راسكككك؟ بدك اخوي يقاطعني من تحت راسك؟
سيلين:......
ابو ناصر: هلااا بدك تمشي معيي متل الكلبه عندهم وبدك تعتزري فاهمه؟
سيلين: لك ابي ماحكيت اشي عم قلك
ابو ناصر: امشييي بحكيلك...
سحبها من شعرها بقوه وجرها ..
ام ناصر: اهدى شوي ...
ابو ناصر: ماحدا خصه ..يلا امشي معي .. معك خمس دقايق تغيري اواعيكي ..وانت ام ناصر البسيي عليك لازم نروح ...مسك جواله ورن على ابو عابد ..
ابو ناصر: الو .. احنا كيفك؟ لا .. احنا جايين عندكم انا وسيلين وامها عشان تعتزر عالي صار اليوم ..مسافة الطريق ..ماشي باي
نطرها لالبست وجهزت حالها وبس خلصوا كلهم طلعوا بالسيااره شغلها ومشي ..وسيلين رح تنجن ورح يغط على قلبها.... ماكانت حابه تروح وتواجه حدا منهم خصوصي اياد ...بتخاف منه رغم انها اتهتمه بس هو شخص عصبيي ومابتحاكى ..وغير هيك شايف حالو بالعيله...
.............
ابو عابد: بدهم ييجوا ابو ناصر وبنته عنا يعتزروا ..
ام عابد: شو؟ ايمتا؟
ابو عابد: مسافة الطريق وبكونوا هون
ام عابد: وشو موقف اياد؟
ابو عابد: مابعرف وينه هو ؟
ام عابد: طلع على غرفته ...
ابو عابد: اطلعي خبريه ...
طلعت ام عابد ودقت الباب ع اياد ..فتحته رهف ...
رهف: اهلين خالتو فوتي ..
ام عابد: لا مابدي افوت .. اياد وينه؟
رهف: ليكو متمدد ...
فتحتلها الباب عالاخر وخلتها تفوت ...
ام عابد: ايادد...اياد ..
اياد: اه امي
ام عابد: اتصلوا دار عمك هيهم باالطريق وجايين يعتزروا منا ...
جلس قعدته بعصبيه كبيره وحكا
اياد: شوووو؟ الكلبه سيلين معهم؟
ام عابد: اه ..
اياد: معناها بتكسرولها اجرها قبل لاتفوت هون ..
ام عابد: امي لاتخلي الامور تكبر ..هاي وحده طايشة ومجنونه ... هي ابوها وامها جايبينها تعتزر لنص دارنا ..خلص اختصر هاالكم ساعهه خلي الامور بينا تكون طبيعيه مابدي اياها تسوء اكتر ...
اياد: امي !! انا ازا شفتها احتمال ارتكب جريمة واقتلها
ام عابد: لك امي خلص ازا مش عشانها عشان عمك ومرة عمك الي جايين خص نص عشان يعتزروا
اياد: اووووف !!! يالله بسسسس الصبر ..
ام عابد: وانت رهف جهزي حالك كمان
اياد: لا !!! رهف بالزات مافي تنزل...مابدي تشوف خلقتها بالمره ولا تتصادم معها ...
ام عابد: بس يا ابني ...
اياد: خلص امي!! الي عندي حكيته ...بدك انزل بنزل براسي بس رهف بتضل هون وممنوع تنزل ..
ام عابد: متل مابدك ...انا رايحه لاتتاخر لانهم شوي وبوصلوا..
اياد: ماشي ...
طلعت امه وسكرت الباب وراها ...قربت رهف عند التخت وحكت
رهف: ليش مابدك اياني انزل؟
اياد: ليش انت بدك تنزلي؟
رهف: لا بس بدي اعرف ليش اصريت ما انزل
اياد: لاني مابدي اياك تشوفيها ولا تحكي معها بالمره
رهف: طيب متل مابدك
اياد: هههه !! شوو اول مره بشوفك مابتعاندي ..
رهف: لاني انا مابدي..لو بدي كان نزلت ومارديت عليك
اياد: طيب اخرسيي بدك تردي علي بكل اشي ولاتصدقي حالك كتير طيب؟
رهف: شو هاي اخرسي؟ مابسمحلكككك تحكي معي بهالطريقه
اياد: انا مابستناكي تسمحيلي ..بحكي الي بدي اياه ياحلوة
رهف: وانا بعمل االي بدي اياه ..
اياد: ههه ... قومي ناوليينييي بنطلوني والبلوزه من الخزانه ..
رهف: قوم طولهم لحالك ...ماني مجبوره...
اياد: ناوليني اياهم بحكي !!!
رهف: وازا ماناولتك؟
اياد: لاتجننيني يابنتتت!!!
رهف: مابدي اناولك اشي ..
قام عن التخت ومشي اتجاها ..تركته وركضت بسرعه عالحمام وقفلت عحالها ...
ضحك نص ضحكه ع حركتها (وربي شكلها رح تجنني وراح اعاني منها ومن عنادها .. وانا اكتر اشي بكرهو العناد)
راح عالخزانه طال ااواعيه وبدلهم ..ترك الغرفه وطلع ..
بس سمعته طلع اتنهدت براحه وفتحت الباب وطلعت ..
مدت حالها عالتخت وفتحت جوالها تتصفحه شوي من الزهق ..
نزل اياد عالدرج كانوا ابوه وامه وجوليا بالصالون راح وقعد عندهم ...خمس دقايق وانرن الجرس..قاموا ام عابد وابو عابد فتحوا الباب واستقبلوهم .. امي اياد بقي اعد جوا ...فاتوا لجوا والقوا السلام ..قام ااياد سلم على عمه ومرة عمو وجوليا ..وكل واحد اخد مكانه تحت نظرات اياد لسيلين .. كانت اعده وحاسسته بدو يقتلها وهي كل ساعه تزوره بدل ماتزوق ع حالها ..
ابو ناصر: انا مابعرف شو بدي احكي ..بس الي صار كتير كبير والغلط من بنتنا ..ف احنا جايين نقدم اعتزارنا منككم ...مابدنا الامور تسوء بينا ...
اياد: عمي!! الي صار كتير كبير مش شوي ..هاد اسمه قذف محصنات وعند الله ذنب عظيم .. كيف بدي اسامحها فهمني؟عم تتهمني انا ورهف باشي كبير ..
ابو ناصر: حقك بكل كلمه حكيتها ... وكل كلامك مزبوط بس الله يلعن الشيطان وانا جبتها لحتى تعتزر منك ومن مرتك ...
حكا وهو يجحرها
اياد: لابقى تعيدها بالمره...والمكان الي بتكون موجوده فيه رهف .. مابدي المح خلقتها ..
ابو ناصر: كمان حقك ..
ام ناصر: حقكم علينا وعالي سمعتوه ..
ابو عابد: هالمره حصل خير بس ياريت ماتتكرر ..
ام ناصر : اكيد .. وهلا قومي سيلين سلمي على همك ومرة عمك ..واعتزري من اياد ومرته...
قامت سيلين وهي مجلوطه من اهلها والنار طلعت لراسها سلمت على عمها ومرة عمها والتفتت على اياد وحكت
سيلين: حقك علي انت ومرتك
هز راسه بدون مايطلع فيها ولا يعبرها وهالشي جننها اكتر ...
ام ناصر: وينها كنتكم؟
نط اياد وحكا قبل لاحدا يجاوب
اياد: نايمه ...
رجعت سيلين لمكانها ...قامت جوليا تقدم الواجب ...
........
كنت سامعه صوتهم تحت ...اتمددت عالتخت وفتحت الجوال اتصفحه ...مابعرف كيف غفيت من التعب واديش بقيت نايمه .. صحيت ع صوت خبط الباب فتحت عيوني لقيت اياد فايت عالغرفه
جلست قعدتي
رهف: راحوا؟
اياد: اه راحوا ..شو كنك نمتي؟
هزيت راسي بدون مااحكي حرف ...
مشي اتجاه التخت مسك بجامته وغيرها ...واجا حط حاله تحت الحرام ...
رهف: وشو صار؟
اياد: ولاشي اجت اعتزرت زي الكلبه ..وفوق هيك مش عاجبها وكل ساعه تطلع عليي بنظرات ...
رهف: وليش عم تطلع عليك ؟
اياد: شو عرفنييي ...
رهف: شو رايك اخطبلك اياها؟ هاي شكلها بتحبك
اياد: وانت كيف حكمتي ماشاءالله
زبطت قعدتي اتربعت والتفتت عليه وحكيت ...
رهف: انت بتعرف شو حكتلي اول ماشافتني؟
اياد: شو؟
رهف: حكتلي ايييه الحلم النا والحظ والنصيب لغيرنا
اياد: هههههههههههههههههه
استغربت من ضحكته كانت اول مره بشوف ضحكته ومابكزب عليكم رغم اني مش طايقته بس حبيت منظره وهو بضحك .. ضحكته اخدت قلبي ...خلص بلاهبل رهف شو عم تخبصي...
رهف: ليش عم تضحك؟
اياد: ههههه وانت ع هاد الكلام حكمتي انها بتحبني؟
رهف: اه ..مابكفي؟ انت شو في بينك وبينها؟
اياد: وانت ليش عم تسألي؟
رهف: ممنوع اسال؟
اياد: وانا ضروري اجاوب؟
رهف: ازا مافي مانع يعني ..
اياد: مافي بيني وبينها اشي ...
رهف: مش مقتنعه ..
اياد: مش مشكلتي ...
رهف: لاجد احكيلي شوفي...كنتو تحبوا بعض يعني؟
اياد: انا احبها؟ اعوذ بالله ..
رهف: ههه !! مش ع اساس كلهم معجبين فيك وبالوقت الي بدي اتزوج غيرك رح اتزوج وحده منهم
اياد:بس مش سيلين...
رهف: مابعرف حاسه في اشي ...
اياد: .....
رهف: احكيلي ..
اياد: بدك احكيلك
رهف: اه ..
اياد: هههه طيب رح احكيلك ..هاي سيلين كنت كتير الاحظ عليها انه وين ما اروح عيونها ماتفارقني ...كل ماتشوفني لمحتها تبتسم وتقعد تتمايع قدامي .. كنت فاهملها بس متجاهلها ..لحد يوم كانو زياره عنا .. كانت بغرفة خواتي .. بس سمعت صوتي نازل خرجت بسرعه وراي ووقفتني ...خبرتني وقتها انها معجبه فيي كتير مش شوي وانها بتتمنى اعطيها فرصه ومارح اندم .. بس انا وقتها عصبت عليها وخبرتها ازا برجع بسمع هيك حكي لاحكي لاهلها بس عالفاضي كل فتره تضل تحكيلي نفس الحكي اخر اشي هددتهاا تهدديد واضح حتى حلت عني .. ويوم كتب كتابنا بالحفله كانت رح تاكلنا بعيونها .. واخر اشي اتوقعته تعمل هيك...
كنت عم اسمع كلامه وانا مصدومه ...
رهف: وانت ليشش رفضتها؟
اياد: لانه هاي بنت مجنونه طايشه ..غير فرق العمر انا رح اصير ٣٠ وهي ١٩ سنه .. اتخيلي .. مش ناقصني ..غير خباثتها ..انا بعرف البني ادم من نظره وهاي البنت مش مريحه ..
رهف: وليش ماتقول انك شايف حالك مثلا؟
رفع حجاب ونزل حاجب ..
اياد: والله؟ بتعرفي شو ؟ الحق مش عليكي ..الحق علي الي اعد بحكيلك ..
رهف: طيب ...
اياد: خلص ارجعي نامي .. بدي انام علي شغل بكره .. بس وينك !! قبل ما انام بكره امي وجوري رح يساعدوكي بالجهازز .. بتفضوا مكان بالخزانه وبتخلصوا اموركم
رهف: حكيتلك مابدي منك اشي ..
اياد: انا حكيت الي عندي يلا ..بدي انام ..
غطا كل حاله بالحرام ولف وجهه عالجهه التانيه تاركني اعده .. اخخ بس💔مامصدقه وانا اطلق والله مابحبه ..صح هو حلو كتير مش شوي ومعهم حق البنات انهم يعجبوا فيه بس مابحبه .. بقيت اعده فتره منيحه وبعدها اتمددت عنده ولفيت عالجهه التانيه بيأس وقلة حيله ع هيك وضع وحياه ...
صحيت تاني يوم عصوته عم يصحي فيي فتحت عيوني بتعب كبير كتير مش شوي ووجع راس قوي ...
رهف: شو بدك؟
اياد: قومي اعمليلي قهوه
رهف: لك حل عنيي مصحيني عشان اعملك قهوه ..خليهم يعملولك ..
اياد: خلصيني قومي جايبك هون لتنامي انا؟
رفع الحرام عني ..
رهف: لككك خليني نايمه ...
اياد: قومي يلاااااا
مسكت الحرام وشديته علي ...
رهف: مش قايمه ...
اياد بنفاذ صبر: والله العظيم ازا مابتقومي لاقيم قيامتك
رفعت الحرام بعصبيه : بدك قهوه؟ ماشي حاضر هلا بعملك قهوه ..
قمت عن التخت بعصبيه كبيره لبست باجري وقمت اعمله قهوه ...نزلت احاكي حالي ومعصبه منه ومن حقارته .. بدو اخدمه؟ ماشي والله الا تشوف .. والله مابكون اسمي رهف ازا مافرجيتك حقارتي ع اصولها ..
عملت القهوه وفتت عالصالون كان اعد هو وامه اما ابوه كان سابقه عالشركه قربت عنده ومديته وانا بوزي شبرين
رهف: اتفضل ...
ااياد: شربيني اياه بايدك ..
رهف: اشربك اياه بايدي ؟ ههه حاضر ..
مسكت الفنجان وقربته ع تمه بس بلحظه وحده كبيت كل القهوه ع اواعيه ع اساس انها بالغلط ..
رهف: يييي مش قصدي والله ..
ام عابد: لك انتبهي يابنتي
عصب كتير مش شوي وعيونه صاروا حمر ...كتير خفت من منظره وقلبي صار يدق ..
اياد بصراخ: شو عملتييييييييي ياكلبه؟لك حرقتيني
رهف: انا..انا بالغلط وقعته ..
اجيت اروح بس وقفني بصوت هز المكان كله ..
اياد: تعالي !!
رهف: شش شش شو بدك ؟
اياد: تعالي ونظفييييي اواعيي يلاا ..
رهف: انا بدي اروح
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`