الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الخامس
ماعمري اتوقعت او فكرت اني امد عليها بس من طولة لسانها ماقدرت امسك حالي وضربتها ...واخر اشي اتوقعته انها تضربني كف ... وقتها نزلت فيها ضرب من كل قلبيي ..هاي البنت شكلها رح تجنني بعنادها وطولة لسانها وجواباتها .. اخخ فكرت رح اقدر اسيطر عليها بعصبيتي بس طلعت قويه ومنيحه .. تركت الفيلا وبدها تروح وهي مش عارفه لوين رايحه .. رجعتها غصب عنها .. وطلبت منها تضب اواعيها بالخزانه ..
تركتها ونزلت تحت ..نبهت عليهم كلهم ماحدا يحكي قدام ابي ع الي صار واخر اشي رحت عند امي الي كانت برا بالساحه ... طلعت عندها ..بس شافتني لفت وجهها مابدها تحكي معي ..
رحت عندها ومسكتها من كتفها.. وبست راسها
اياد: شو امي ؟
ام عابد: لاتحكي معي ..
اياد: يعني بفهم انك واقفه معها مش معي ...
ام عابد: وانت برأيك الي عملته معها صح ولا شو؟
اياد: امي والله ماكان بدي اضربها بس لما شفتها مدت ايدها علي وضربتني كف ماقدرت اسكت ...
ام عابد: بس انت كتير زودتهاا عليها وهي ردة فعلها طبيعيه ولو اي بنت محلها رح تعمل هيك ..
اياد: شو عرفني الي صار صار ..
ام عابد: وينها هلا؟
اياد: تركتها فوق تضب اواعيها...
ام عابد: بتروح وبتستسمح منها .. حرام عليك لاتكسر بخاطرها هي ما الها حدا بالدنيا ...
اياد: استسمح منها؟؟ ع شو ؟ مهي ضربتني كف ماقصرت التانيه غير طولة لسانها ..
ام عابد: حرام عليك....
اياد: امي لاتحكي لابي وخواتي عالي صار ..
ام عابد: انا بخاف هالمره اسكت الاقيك بتتمادى معها
اياد: لا وعد ما امد ايدي عليها ..
اتنهدت : ماشي
اياد: شو وينهم جوليا وجوري لهلا؟
ام عابد: حكيت معهم هيهم عالطريق ..ومعهم ناصر كمان حكيتله ينزل يتغدى ..
اياد: طيب ماشي انا فايت اعمل دوش اريح اعصابي شوي ..
ام عابد: ماشي .. واصحك تدايقها
هزيت راسي وطلعت .. كانت اعده عم تضب لسا بالاواعي ... فتت لجوا الغرفه وسكرت الباب ..فتحت الخزانه وطلت اواعيي الي رح البسهم وحطيتهم عالتخت ...التفتت عليها وحكيتلها
اياد: بس تخلصي صلي الظهر ووالبسي اشي طويل مع حجاب رح ييجي ابن عمي ناصر خطيبها لجوليا ويكون موجود عالغدا ..غير اخي هيثم ..
اطلعت فيي بطرف عينها
رهف: ماني جوعانه ...
اياد: ليش مش جوعانه؟ ايمتا افطرتي؟
رهف: ما افطرت ..
اياد: معناها اختصري وانزلي ...
حكيت هيك وتركتها ...فتت عالحمام اخد دوش يريح اعصابي ...مابعرف ليش هيك بيوم وليله انقلبت حياتي ... طول الوقت وانا اعصابي ترجف .. ماعمري اتوقعت ييجي يوم وامد ايدي ع بنت ... وعدت امي ما امد ايدي عليها ورح احاول ما امد ايدي عليها .. معقول ييجي يوم واتقبلها؟ ولا اتزوج عليها ؟ ولا اطلقها ولا شو مش عارف.... خلصت دوشش ولفيت المنشفه عخصري وطلعت وانا بنقط مي ... اول ماشافت منظري حطت ايديها عععيونها وغمضتهم...
رهف: ليششش هيككك خارججججج؟
اياد: حر انا ..
رهف: عيب عليك ..
اياد: ماشاءالله عنك ... ليكك مغمضه عيونك ..
رهف: طيب فوت جوا البس
اياد: مابدي افوت جوا .. بدي البس هون وقدامك منيح هيك؟ ..
صارت تمشي وهي ايديها عوجها وكانت رح تفوت عالحمام بس مسكتها من ايديها ووقفتها .. غمضت عيونها
اياد: شوووو يااا !! خجلانه ؟ عادي فتحيهم عيونك
رهف: لككك اترك ايدي انت واحد مجنون ..
اياد: هههههههه نسيت انك زي جوليا وجوري اسف .. فكرتك مرتي ههههه
رهف: مدام انا هيك اترك ايدي..
اياد: مابدي اتركها ..فتحي عيونك ..
رهف: لككككك خلصصصصص اياد حل عني من شان الله
اياد: انا جنيت افتحي عيونك هلا بحكي
دفشتني بايدها التانيه عصدري بقوه بلمح البصر مسكت ايدها .. لا اردايا فتحت عيونها وشهقت ..
اياد: هههههه شو عجبتك؟
لفت وجها عالجهه التانيه ..
مسكت وجهها وخليتها تلف غصب عنها ...
رهف: لككك اتركنييييي ...
اياد: مابدي .. بدك تتعودي بالصيف تشوفيني هيك لاني بنام بس بالشرط..
رهف:وواثق اني رح اضل للصيف معك؟
اياد: ممكن
رهف: مستحيل ابقى مع واحد مجنون متلك ..
اياد: ههههه
مسكتها من ايديها وسحبتها بقوه لخبطت بصدري..
حاولت تبعد بسس انا مسكتها وضميتها عصدري .. ليش هيك عملت انا ؟ شو اعد بخبص؟ صارت تضربني بقوه كبيره كتير مش شوي وانا مستمتع بمنظرها...قربت ودفنت راسي بشعرها وصرت اشمه ..
كنت بهاي اللحظة كتير مبسوط مش شوي مابعرف ليش
رهف: لكككك ابعد عنيييييييييييي ابعد
كنت مطنشها ومستمتع باللحظه اخر اشي لما حسيت دموعها نزلوا تركتها ..ركضت عالحمام وخبطته..ماقدرت ما اضحك .. رحت مسكت اواعي وبلشت البس ...نشفت شعري ومشطته وانا واقف عالمراي .. حطيت عطر وهي لسا بالحمام ..
اياد:رهف ..خلصيني اطلعي البسيي بدنا ننزل
رهف: مابدي انزل ..
اياد: اطلعي خلصينييييييييييي...
رهف: حكيتلك مابدي ...
اياد: ورب العزه مابتنزلي لافرجيكي..خلصيني اطلعي بلاش اوصلك ..
رهف: هففففف طيب طالعه ..
شوي وانفتح الباب .. مشيت وهو الخجل مبين عليها
فتحت الخزانه وطالت فستان طويل لونه زهر بارد ع شال ابيض ...
اياد: حطي كريمات على وجهك واخفيي اثار الضرب
اطلعت علي بطرف عينها وطنشت ..
بلشت تلبس وتجهز حالها .. خلصت لبسي وطلعت عالبرنده ادخن سيجاره عبين مايوصلوا خواتي ويجهز الاكل.. خمس دقايق واجت خبرتني انها جاهزه ..
هزيت راسي ومشيت اتجاها مسكت ايدها تحت استغرابها كانت بدها تبعد ايدها عن ايدي
اياد: بس قدام اهليي مش اكتر...
هزت راسها وضلت ساكته .. مشينا وطلعنا برا الغرفه وانا ماسك ايدها...نزلنا عالصالون بفوتة خواتي وناصر من الباب .. اول ماشافونا ابتسموا كلهم ..
نزلنا عندهم ووصلت سلمت ع ناصر وقعدنا بالصالون ..
اما رهف راحت مع جوري ورهف وطلعوا فوق...
ناصر: مبارككك زواجك ياعريس
اياد: ههههه الله يبارك فيك يارب عقبال عرسكم يارب
ناصر: هانت كلها كم شهر وبيجي العرس
اياد: ههههههه بمرقوا بلمح البصر ...
ناصر: اه والله الايام ركاض .. شو كيف شفت الزواج
اياد: ههههه لك لسا مالحقت بس امبارح واليوم ..
ناصر: حتى لوو...
اياد: ماشي حاله ...
قعدنا نحكي شوي عبين ما اجا ابي من الشركه هو وهيثم وبجية عابد ومرته وولادهم الصغار ...
عبين ماجهز الاكل نزلوا خواتي ورهف مع بعض من فوق مجرد ماشافها ابي سالها
ابو عابد: كيفك عمي رهف؟
رهف: الحمدلله عمو منيحه
ابو عابد: كيف اياد معك؟
اطلعت فيي واطلعت فيها بنظرات تهديد ابتسمت
ورجعت نظرها على ابي
رهف: الحمدلله عمو ..
ابو عابد: الحمدلله .. يلا اتفضلوا الاكل جاهز
قمنا كلنا اخدنا مواقعنا وطبعا رهف موقعها عندي..
بلشنا كلنا بالاكل وكل حدا عم يحكي مع التاني وانا ورهف ملتزمين الصمت .. كنت ملاحظ انها ماعم تاكل غير كم لقمه ..همستلها باذنها ..
اياد: كليي زي العالم ولاتلفتي نظر ..
التفتت علي وهمست: حكيتلك مالي جوعانه بس انت اصريت انزل..
اياد: مش جوعانه وانت بدون فطور؟ كيف صارت؟
رهف: الي صار اليوم كان كافي يسد نفسي عن الاكل
اياد: اخرسيي وكلييي... لاني ورب العزه مابتاكلي الا اطعميكي انا .. مش محبه فيكي لا بس عشان ماحدا ينتبه ع اكلك القليل ..ومنه بفكرونا زوجين طبيعيين
رهف: حكيتلك مش جوعانه
اياد: هاد راسك بدو تكسيرر من كتر عنادك...
طنشتني وهي ماسكه المعلقه وبتحركها بالصحن .. مسكت معلقتييي وحطيت فيها رزز ومديتها اتجاها..
قدام الكل .. وحكيت بصوت مسموع
اياد: كلييي هاي من ايدي حبيبتي هههه
رفعت راسها واتفاجأت فيي ...ابتسمت واكلتها تحت احراجها ..ماوعيت عليها غير دعست ع اجري بقوه
همستلها: اخخخ شو عملتي وله؟
رهف: ليش حتى تطعميني ؟وبمعلقتك كمان؟ مابتعرف اني بقرف
اياد: هههه بتقرفي من زوجك؟
زورتني وهمست: زوجيي؟ ههه
اياد: يلا كلي لحالك بلاش اقضيها اطعميك ..مش ناقصني تدوخيلي بالليل او تصصفرني ..
بلشت تاكل بايدها وانا انقصلها كل ماتخلصص .. حكت بصوت عالي مع ضحكه مزيفه
رهف: خلصص اياد بكفي تحط بصحني شبعت هههه
اياد: بدي اياك تتغذي وتنصحي ها هههه
ابو عابد: لاترد عليها حطلها ..
ام عابد: كليي رهف ما انت من الصبح بدون فطور
رهف: هيني باكل ...
علا مرة اخي عابد لرهف: شوو رهف كيف الزواج ؟
رهف: ههه لسا مالحقت امبارح اتزوجت ...
علا: شوفي هو الزواج بضل حلو لييجوا الولاد بعدها بتكبر المسؤوليه ..
رهف: ههههههه اكيد طبعا ..
علا: استغلي هاي الايام ..هاي احلى ايام ..
نطت جوليا وحكت: هههههههه انا بس اتزوج رح اقضيها انا وناصر سنتين تلاته بدون ولاد بعدين بنجيب ..خلينا نعيش كم يوم حلوين ..
علا: ههههههه حبيبتي انت بتحكي هيك بس لما تتزوجي ازا اتاخر الحمل سنه رح تبلشي تقلقي وتحكي يارب اجيب ولاد هههههههههههه
جوليا: هههههههههه الله يبشرك بالخير يارب ...
علا: هههههه لكن شو بتفكري ..
ام عابد: ان شاءالله كلكم بتجيبووا ولاد وبنات واشوف ذريتكم قدام عيوني قبل لا اموت
..............
اسبوع كامل مر عليهم ماكان سهل ابدا بس كانت تحاول تتجاهله وهو نفس الشي . ..كانت اعده بساحة الفيلا برا عم تشرب قهوه مع ام عابد وجوري ...كان الجو كتير حلو وشمستها حلوه ...
جوري: امي كتير زهقانه شو هاد ..
ام عابد: شو اعملك يعني؟
جوري: تعالي نروح مكان ..
ام عابد: وين نروح يعني؟
جوري: والله مابعرف ..شو رايك نروح نزور بيت عمي ابو ناصر بما انها جوري عندهم النا زمان مش رايحين عندهم ...
ام عابد: لا خليها بعدين ..
جوري: كرمال الله ...حبيبتي انتييي منه بشوف بنات عمي وبتسلى معهم ..
ام عابد: مين بدو يوصلنا هلا؟ ولاحدا بالبيت
جوري: بنطلب تكسي..
ام عابد: طيب بس اسال ابوكي ..
جوري:طب ااساليه بسرعه ...
ام عابد: يالطيف شو بتنققييي..
مسكت جوالها ورنت على جوزها .. نطرته يرد ..
ابو عابد: الوو ...
ام عابد: كيفك؟ بدي اخبرك انه رح نروح عند بيت اخوك ابو ناصر ..
ابو عابد: انت ومين؟
ام عابد: انا وجوري...ورهف ..
ابو عابد: طيب ماشي ... روحوا بس ماتتاخروا
ام عابد: ماشي
سكرت الخط وخبرت جوري انه وافق قامت جوري تلبسس تاركتهم اعدين بشربوا قهوتهمم ...
رهف: خالتو انا مارح اروح ...
ام عابد: ليش؟
رهف: مابعرف ...بعدين اياد مامعه خبر ..
ام عابد: مدامك معنا مابحكي اشي ..
رهف: وبركي عمل شي ؟
ام عابد: طيب اتصلي خبريه ..
رهف: لا مابدي خلص انسي ...روحوا وانبسطوا...
ام عابد: لك يلااا رني عليه خلصينيي معقول نروح كلنا ونتركك هون لحالك؟
مسكت جوالها وهي عم تسب حالها .. هي عاملتله بلوك من هديك المره وماشالته ... فتحت الجوال وشالت البلوك .. كبست ع اسمه ورنت عليه مع دقات قلبها الي صارت مليون ... كان اعد بالشركه عم يشتغل لما رن جواله ما اتوقع تكون هي.. اتفاجئ باسمها عالشاشه ضحك نص ضحكه ( هههههه شو هاي شالت البلوك بشوف؟)
رفع الخط وحكا
اياد: الو
انتفض قلبها بس سمعت صوته
رهف:اياد ..انا بدي احكيلك بدي اروح عند دار عمك ابو ناصر مع امك وجوري
اياد: طيب ماشي روحي بس لاتتاخروا ..واهم اشي تلبسي لبس واسع ومكياج ممنوع .. وضحك وتصهون هون وهون بديش اسمع
رهف: غيرو سيد اياد؟
اياد: تقصريه للسانك .. .
رهف: طيب يلا بدي اروح
اياد: هههه ورح ترجعي البلوك ولا شو
رهف: .....
اياد: خلص روحييي بس زي ماحكيتلك ها
رهف: طيب يلا باي..
سكرت الخط تحت ضحكات ااياد عليها ... اتنهد وكمل شغل وهو مضغوط كتير مش شوي وعم يحاول ينجز ..
بينما رهف قامت تلبس مع ام عابد...طلعت عالغرفه وطالت فستان طويل لون احمر حلو مع شال ابيض وشنته بيضا .. حطت شوية مكياج خفيف مطنشة طلب اياد .. بس خلصت وجهزت اخدت كم صوره الها ..
ونزلت تحت نطرتهم يخلصوا وبعدها طلعوا بتكسي كلهم...كانت اول زياره الها عند بيت عمه .. مسافة الطريق ونزلوا كلهم ...اول مافاتت معهم كانت متوتره كتير مش شوي وحاسة حالها غرريبه فاتوا ع ساحة كبيره بس اصغر من ساحة الفيلا تبعتهم بشوي .. وكلها شجر اخضر وورود .. مشيوا ورنوا الجرس جوا لحتى انفتح الباب كانت مرة عمه ام ناصر .. .
ام ناصر: اهلا وسهلا اتفضلوا
ام عابد: اهلين فيكي يزيد فضلك كيفك؟
ام ناصر: الحمدلله وانت كيفك؟ وكيف الصبايا ييي كنتك الجديده معك يامية اهلا وسهلا تعي حبيبتي هاتي بوسه...
قربت عندها وبوستها تحت ابتسامة رهف وهي خجلانه
ام ناصر:فوتوا فوتوا اهلا وسهلا ...
فاتوا لجوا وقعدوا بالصالون ..
جوري:شو وين جوليا وتيا وسيلين؟
ام ناصر : هيهم فوق هلا مابتلاقيهم غير نازلين ..
جوري: ههههههههههه طيب لاشوف
ام ناصر : كيفك رهف ؟ طمنيني عنك ياعروس ان شاءالله مرتاحه؟
ابتسمت باحراج: الحمدلله تمام ..
ام ناصر: ان شاءالله يارب هيك بشوف ولادك انت واياد بين ايديكم ...
شدت ع ايدها بقهر كبير كتير وابتسمت
رهف: ان شااءالله .. ان شاءالله خالتو بتفرحي بناصر وجوليا وبتشوفي ولادهم
ام ناصر: حبيبة قلبي من تمك لباب السما .
ام عابد: ماحكيتيلي كيف امور العرس ؟
ام ناصر: كلو تمام بس ضايل البدله وشوية شغلات يعني ماتحكي الا بنخلص ببقى علينا بس نستنى العرس
ام عابد:اوف مامصدقه وهو ييجي العرس ونخلص من كل العجقه
ام ناصر: اه والله تعب وهلاك .. قلال هما سنتين الخطبه؟
ام عابد: لا والله ..شو نعمل ؟ هما هيك بدهم ولا يكون الاشي من ورا ظهرنا ..مدام بدهم بعض وكل اشي قدامنا خليهم ..
ام ناصر: اه والله اخر فتره جنني ناصر بدي اخطب وبدي اخطب
ام عابد: هههههههه حقه ..
ام ناصر لجوري: وانت جوري عقبالك ....
اتنهدت جوري مع ضحكه وهي عم تطلع بامها: اييهه يارب .. يارب هو ييجي بس
ام عابد: وليييييي جوري شو هالحكي عيب عليكي
ام ناصر: هههههه اتركيها هي صغيره؟ خليها ان شاءالله عن قريب ربنا ببعتلك ابن الحلال
جوري: ههههههههه يارب وانت اول وحده معزومه
ام ناصر: ههههه ان شاءالله ...
شوي ونزلوا جوليا وتيا وسيلين عن الدرج واجوا يسلموا عليهم مع ضحكاتهم المعبيه المكان قعدوا وقدموا عصير للضيوف ..
سيلين: كيفك رهف
رهف: الحمدلله بخير
سيلين مع نظرات عجزت رهف تفهمهم: وكيف اياد معك
رهف مع ابتسامه مزيفه: الحمدلله ..
اتنهدت وحكت : ايييي الحلم النا والحظ والنصيب لغيرنا ...
رهف: شو قصدك؟ ...
ام عابد: ولشيي...خلص سيلين..
سيلين: ماحكيت اشي
ام ناصر: قومييي سيلين قوميي حطي ضيافه يلاا
سيلين: قايمه تعي جوري معي ..
قامت جوري معها وفاتوا عالمطبخ
جوري: سيلين شو هاد الحكي الي حكيتيه؟
سيلين: شو حكيت؟
جوري: تتخوتيش.. مش عيب عليك تقعدي تحكي هيك قدام مرته؟
سيلين: وهي ليش تيججي تاخده مني ؟
جوري: تاخده منك؟ ع اساس كان في قصة حب بينكم مثلا؟
سيلين: ماكان فيه بس كنت معجبه فيه وبهيبته وبكل اشي فيه .. كنت حاطه عيني عليه بس هاي اجت وخطفته مني بيوم وليله مش عارفه عشو اخدها اصلا.. اطلعي طولها بتطلع متر ونص زي بنته بتطلع ..
جوري: هششش ولك وطي صوتك شو عم تخبصي والله مايسمعك حدا وخصوصي اياد لتقوم القيامه
سيلين: بديش.... والله لاضل احكي وادايقها بالحكي لكن هي تاخده وتتهنى فيه وانا هون انكوي بالنار جوات قلبي.. !!
جوري: والله !! وليش حضرتك ما اتلحلحتيي من قبل؟
سيلين: ومين قلك ما اتلحلحتت؟ مين قلك اني مارحت ولمحت لاخوكي اني معجبه فيه ..بس هو شايف حاله ورفضني ..
جوري : لانك هبله .... خلص سيلين سكري عالموضوع وانسي ... الله يبعتلك واحد منيح وابن حلال غيره ..
سيلين: وليشش مايكون اخوك
جوري: سيلين شبك انجنيتي؟ ..
سيلين: انا ما انجنيت ...انا بفرجيهاا لرهف...
جوري: شو بدك تعملي؟
سيلين: ولاشي امشي ....
حطوا الضيافه وطلعوا عندهم كملوا قعده وطول الوقت جوري مجلوطه من كلام سيلين وسيلين رح تنجلط من رهف ...
سيلين:شوو رهف ماحكيتيلنا كيف اتعرفتوا عبعض وكيف هيك بيوم وليله كتبتوا الكتاب ..
رهف: هههه ابوه صاحب ابي اجا ابوه وطلبني بس ..
سيلين: يعني مش عن حب ؟
رهف: لا اصلا انا مابعرفه لا احبه .. عرفته بس اجوا طلبوني وكتبنا الكتاب ...
سيلين: اه .. وليش هيك كتبتوا الكتاب بيوم وليله
رهف: عفوااا!؟ شو قصدك؟
سيلين: لاا ماقصدي شي بس ليكون غلطان معك وبدو يصلح غلطه قبل لاينكشف .. عشان هيك..لك حتى اخدك بدون عرس ...
ام ناصر بعصبيه: سيليييييييييييين شو عم تخبصييي ؟
كان الكل سامع ومصدوم من سيلين وكلامها الي فاجأهم كلهمم ..
ام عابد: انت شو عم تخبصيي عن ابنييييي؟؟
رهف كانت سامعه ومصدومه من حقارة سيلين الي اصلا ماعمرها شافتها ولاقعدت معها غير يوم كتب الكتاب وبس .. حكت بصوت كله عصبيه وعيون حمر
رهف: احترميييييي حالك وله .. مابسمحلك تتهميني بشرفييييييي عم تفهمي؟
جوليا: لك خلص شبكممممم؟
جوري: كله من سيلين ...خلص رهف انسي
رهف: لا استنوا .. انا بدي افهم هلا هاي شو عم تخبص وليش عم تتهمني بشرفي...
سيلين : انا ماعم اتهم حدا .. انا عم قول بجوز
ماوعيت غير ع رهف هاجمه عليها وعم تشد شعرها بقوه
رهف: لك اخرسي اخرسيييييييي حسبي الله فيكي ..
سيلين عم تصرخ: اخخ لك اتركي شعريييي
رهف: حيوانه وكلبه الله ينتقم منك
ام ناصر: خلااااااااااااااص شو صرلكمممم؟
قربت جوليا وبعدت رهف عنها وجوري مسكت سيلين وبعدوهم عن بعض قبل لايدقوا ببعض
رهف: اتركيني جوليااا اتركينيييي ...
سيلين: لك الله يكسر ايدك شوو قويه وايدك بتوجع خربتيلي شعري . ...
ام ناصر: سيلييننن.. اطلعي فوق وحسابك بس ييجي ابوكيي....انا بعتزر منكم ع الي صار ...
ام عابد: شو هاد الي سمعناه يا ام ناصر؟ انا اجيت هون حتى تتهم ابني وتشك بتربايتي؟
ابو ناصر: والله حقك بكل اشي حكيتيه .. وحسابها بس ييجي ابوها .. ماتخلي المشاكل تدخل بينا بسبب بنتي ..
ام عابد: ماشي ....مارح اسمح لاشي بأثر ع علاقتنا خلي عرس جوليا وناصر يمر بدون مشاكل بس هاي بنتك سيلين ماعاد احكي معها... يلا امشوا بنات ...
ام ناصر: لكك اهدي ام عابد كرمال الله....
ام عابد: انا مش زعلانه منك وبعرف انو مش عاجبك الي صار بس خلص انا صار لازم اطلع .. عن اذنك
تركتها وطلعت هي وبناتها وورهف الي من اول ماطلعت وهي عم تبكي من الي سمعته كانت اول مره بتسمع هيك حكي واتهامات ..
جوري: خلص رهف .. هاي مجنونه ومكيوده عشان انت اتزوجتي اياد مش هي ..
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`